المساعد الشخصي الرقمي

مشاهدة النسخة كاملة : سؤال لخبراء الفتك


fahadvx97
09-11-2010, 01:21 PM
السلام عليكم

اخواني عندي نيسان سوبر سفاري 2004 قير اتوماتيك

وعندي مشكلة بعداد البترول للخزان الرئيسي والاحتياطي

دوم شابك ليت الخزان الاحتياطي ويبين عندي بالعداد ان الخزانين مليانين فوول

مع ان يكون مفضي مرات ... شنو سبب المشكله وشنو حلها

واللي ما عليه امر ويدل مكان يصلح هالمكان وخبره فيه يدلني عليه

وشكرا
نيساني
09-11-2010, 01:29 PM
جرب افصل اصبع البطاريه السالب 5 دقايق واذا مانفع


في محل في طريق سلوى اسمه الرشيد وفيه واحد فنان اسمه محمد

واي شي انا حاظر واتمنى تخبرني وش يصير معاك وبالتوفيق
باسكن روبنز
09-11-2010, 02:20 PM
اعتقد العوامه هذا اغلب الظن ،
fahadvx97
09-11-2010, 04:03 PM
يعطيكم العافية شباب

باجرب اللي قلتوه وبارد عليكم ان شاء الله
حليتان*
09-11-2010, 09:24 PM
شيك على الفيوزات
العساس
09-11-2010, 10:45 PM
لاتخسر روحك ولاتغير عوامه او فيوزات
اخوي صارت معاه في السوبر سفاري 2004
والله يعينك تبديل عداد الطبلون ومايجي بروحه يجي كامل 5000

انشالله ماتكون نفس المشكلة

وانا حبيت ابينلك قبل ماتخسر
نفس اخوي
ماخلا شي ماغيره
وبالاخر
الطبلون.


اتمنى لك التوفيق
او شوف العضو احمد2 بيفيدك بسعره في الامارات


والسموحه ع الاطالة
NMN
10-11-2010, 01:04 AM
خالي عنده نيسان 2005

ونفس الي صار معاك

وراح بدل طبلون كامل
راعي المواجيب
10-11-2010, 01:27 AM
السلام عليكم

اخواني عندي نيسان سوبر سفاري 2004 قير اتوماتيك

وعندي مشكلة بعداد البترول للخزان الرئيسي والاحتياطي

دوم شابك ليت الخزان الاحتياطي ويبين عندي بالعداد ان الخزانين مليانين فوول

مع ان يكون مفضي مرات ... شنو سبب المشكله وشنو حلها

واللي ما عليه امر ويدل مكان يصلح هالمكان وخبره فيه يدلني عليه

وشكرا

الخلاصة

حل من اثنين :

تبديل الطبلون في الدوحة مثل ماقالوا لك الشباب 5000 الى 6000

أو تقبض خط السعودية وهذي ردود الشباب بمكشات :

عندك ورشة التركي تخصص نيسان بالصناعية القديمة هذا رقم جواله 0504118191
او ورشة العثيم + ورشة يوسف الخضير في بريدة
و شغله يكلف مع الضمان من 300 الى 500ريال
الخراب بنفس الطبلون خراب ايسي مثل ايسي ارسال الكنود او الايكوم
دام ان الانبير يلعب فالمشكلة من الطبلون باذن الله خراب ايسي بنفس بورد او خريطة الطبلون
سوبر VTC بمكشات

رد آخر

وعلى فكرة المشكلة هذي مايعرف لحلها الا 3 على مستوى السعودية وهم العثيم ببريده وفلب في الخبراء . وابوصالح التركي في الرياض.
الوكالة ماتعرف لها تعتمد على قاعدة ( اقشعها بطينتها) يغيرون الطبلون كامل2800 ريال (والله من الدجة يالحمراني )


مصادر بعد اذن المشرف

http://www.mekshat.com/vb/showthread.php?t=238235
http://www.mekshat.com/vb/showthread.php?t=314093
fahadvx97
10-11-2010, 01:28 AM
هلا اخواني ويعطيكم العافيه عالردود

انا اليوم حاولت وفصلت البطارية ورديتها وما صار شيئ

وتعبثت بالفيوزات وطلعت كلها اوكي

فبكره باودي السياره للكهربائي يشوفها ان شاء الله

واتمنى ما يكون لازم ابدل الطبلون كامل ...لان كل العدادت تشتغل ما عدا البترول وتبين فول يعني تشتغل مب العكس

وشكرا للجميع
ahmed_qtr
13-11-2010, 07:46 PM
انا عندي نفس المشكله بالضبط العدادين يعطوني فول وبعض الاحيان اتوهق يكون مصفر وانا عندي عالنص فالطبلون وصراحه الربع قالو لي انه تفصل البطاريه وتخليها مفصوله ليله كامله بس ماجربت اليوم بجرب وبعطيك خبر بكره
نيساني
13-11-2010, 11:47 PM
الرشيد اللي في طريق سلوى

وبالتوفيق ان شاء الله
أنت
14-11-2010, 12:21 AM
اخوي جووف هاي الطابلون روح الامارات وخذلك واحد من السكراب 500 ريال وعود الدوحه
انا صارت لي وله وايد
مالك اله تبدل اطبلون
بوجاسم 999
15-11-2010, 06:14 PM
انا صارت لي نفس المشكله وبدلت الطبلون كامل من الامارات ب1200 من السكراب