العرب: إدانة 3 موظفين باختلاس 400 ألف ريال

[fathi]

الدوحة - فتحي إبراهيم بيوض - العرب
دانت محكمة الجنح 3 موظفين بجرم تزوير محرر رسمي واستعماله في عملية نصب، وقضت بحبسهم سنتين لكل واحد منهم مع الشغل والنفاذ، بالإضافة لغرامة مالية ومصادرة المحررات موضوع الدعوى.
وبحسب صحيفة الدعوى، فقد أقدم الثلاثة على تحرير فواتير وهمية؛ لتبادل تجاري بين مؤسستين يعملان بها، وصرف فواتير غير صحيحة باسم الأولى لصالح الثانية أكثر من 8 مرات، وفاق مجموع المبالغ المختلسة 400 ألف ريال.
ووزع الثلاثة المبالغ المختلسة بحصص متفاوتة فيما بينهم، ضاربين بعرض الحائط مواقع المسؤولية التي يشغلونها في الشركتين.
من جهتها اطمأنت المحكمة إلى تجريم الثلاثة من خلال الأدلة المقدمة لها، واستندت بحكمها إلى عدة مواد من قانون العقوبات القطري.

[فلتة زمانها]

يستاهلون

[simsim1963]

زين سو فيهم

[R 7 A L]

سنتين شوي
المفروض يزودونها

[تميم بن خالد]

الخبيث خرب على الطيب ... وشكرا لعمل النيابة

[الأصيلة]

الله يسهل عليهم ويصيدون كل مختلس
وما أكثرهم ضعاف النفوس...
الله يطهر كل مكان منهم...

[وهم قطر]

لو أنا القاضي كان اعطيهم برائه ولا يطلق عليهم مختلسيين لانهم ماتعدو الـ 500 الف

[ضوى]

يحليهم بس 400 الف؟؟ قنوعين ، واللي اختلس ملايين شنهي عقوبته؟؟الشاطر بيعرف :)

[مالي ومال الناس]

ياجماعة والله ان حنا مساكين ياهل قطر تدرون ليش ؟

لو الي مسوين السالفه قطريين كان كتبوا 3 مواطنين ولو كانوا اهنود ولا غيرهم كان كتبوا اسيويين واذا الحرامية من الديار اللي حوالينا ابوعراب كتبوا موظفين لحالها بدون توضيح مقيمين من دولة عربية ولا شي , لان الاعلامي اللي ناشر الموضوع مستانس انه يستر على اهل ديرته وقرايبه :)

دققوا في جميع الاخبار بعدين وبتصدقوني

ملعوبه يا اعلاميين جرايدنا المحليه :)

[فتى الجود]

أحس انه السالفه مب صجية
والجريده مؤلف السالفه من عنده

[البارع]

اذا كانو قطريين مبروك عليهم المناصب الي راح توكلهم بعد اختلاسهم لانه جرت العاده المختلس عندنا يوضع في منصب يصل لبعض لحيان الى منصب وزير ــــــلاحد يصدق كلامي ترا كلام منتديات عاري من الصحه ــــــــــــ؟ــــــــــــ

[ابن قطر]

:victory::victory::nice:
ياجماعة والله ان حنا مساكين ياهل قطر تدرون ليش ؟

لو الي مسوين السالفه قطريين كان كتبوا 3 مواطنين ولو كانوا اهنود ولا غيرهم كان كتبوا اسيويين واذا الحرامية من الديار اللي حوالينا ابوعراب كتبوا موظفين لحالها بدون توضيح مقيمين من دولة عربية ولا شي , لان الاعلامي اللي ناشر الموضوع مستانس انه يستر على اهل ديرته وقرايبه :)

دققوا في جميع الاخبار بعدين وبتصدقوني

ملعوبه يا اعلاميين جرايدنا المحليه :)

[بنت ابوها 19]

قلعتهم يستاهلون

انا استغرب يسلمون الحلال للي يسوي والي مايسوي وبدون رقابه وعقب يصرخون ويقولون اختلسونا

ماهو لمال السايب يعلم السرقه لو كانت في رقابه ماكان تجرأو بالاصل


مب هم يبون الاجانب .. خل يملون عينهم هاي هم الاجانب .,,

[Q_Invest]

المال مش سايب وعشان كذا صادوهم ... والمشكلة الاكبر في المسؤول القطري اللي يوقع على الفواتير وما يدري شفيها.

هم اسيويين بس من جنسيات مختلفة.

[Abdullah_89]

اكيد اجانب ولا القطري ماياكل حق بلاده

[كازانوفا]

الكلام على فكره مش واضح احس اللى كاتبه ميت من الجوع او انه كاتب رؤوس اقلام

لا تصدقو كل شي يكتب بالجرايد

[ألحـــــان]

هذا والله أعلم،

مب اول ولا اخر حالات النصب، ومثل ما إذكروا الأخوان والخوات، دام المال متروك خلهم ومبروك

[مكين]

يحليهم بس 400 الف؟؟ قنوعين ، واللي اختلس ملايين شنهي عقوبته؟؟الشاطر بيعرف :)

عقوبته براءة ويكون وجيه في المستقبل

[الصريحه]

قليله سنتين

[العضو الماسي]

مسكين ادانوه ب 400 الف صج مايستاهل مسكين غيره غرف بالملايين وان اصح التعبير بالمليارات لاتعليق

[شيط ويط]

مشكور ع الخبر

[طارق]

يالله لو يصير كاس العالم

كم تضنون بتكون ارقام الاختلاسات؟

[مخطط قطري]

ياجماعه ترى كثر شي اسمه نصب واحتيال في بلاادنا وخاصه موظفين لاحول ولا قوة الا بالله وصعبه ممكن يكونون موظفين كبار ولهم وزن بدوله وممكن يكونون اجانب وهم الاكثريه محد يقولي لاتعمم انا استقصد وجود الكثر من العماله تسرق ولاسف يوجود قطريين يسرقون

[متسلف وفي الاخير]

واللي اختلس 100 مليون شنو عقوبته ؟؟؟؟

[مخطط قطري]

يحبون خشمه

[latty]

ليه ما يخبرونا باسمائهم وجنسيتهم

سود الله وجيهم مايعرفون الا السرقه والدمار لكن شوي عليهم وبعد السنتين بيردون يمرحون بالبلاد

الله ياخذهم

[online]

المال السايب يعلم السرقة