بطاقه مسبقة الدفع

[بنت قطر33]

من وين اقدر اشتري البطاقه اللي اقدر اشتري فيها من النت مثل الكردت
مابي يكون فيها فلوس وايد

[العتوي]

هلا اختي
بخصوص طلبج انا ماعرف من وين تشترين الكرددت
بس اللي اعرفه من الشباب وفاتحين احساب من البنك يقدرون يطلبون كردت كارد ويكون فيها مبلغ معين
اشوفهم كله يشترون عن طريق الانترنت
وايد يمدحونه
فلو عندج احساب في اي بنك تقدرين تطلبين الكردت كارد وتحطين المبلغ اللي انتي تبينه
وان شاء الله افدتج بشي

[مالي ومال الناس]

افضل مكان للبطاقات المسبقة الدفع , وبدون رسوم سنويه وبدون اجراءات معقده وانا مجربهم

والبطاقه مثل كرت الهلا استخدام مره وحده وتقطها , 100 , 250 , 500 , 1000 , لين 5000 اعتقد

بطاقة هديتي من مصرف قطر الاسلامي , وراح تدعين لي :)

[بنت قطر33]

وين احصل بطاقة هديتي وعلى طول اخدها ادفع واخذ ولا لازم حساب وحاله؟

[qatari1]

وين احصل بطاقة هديتي وعلى طول اخدها ادفع واخذ ولا لازم حساب وحاله؟

تلاقينها في أي فرع من فروع مصرف قطر الإسلامي، ولست بحاجة لفتح حساب إطلاقا!

[مالي ومال الناس]

تلاقينها في أي فرع من فروع مصرف قطر الإسلامي، ولست بحاجة لفتح حساب إطلاقا!

مثل ماتفضل اخوي قطري جزاه الله خير :nice:

[السموك]

وبعد عندج بنك الدوحة قيمة الكرت 50 ريال وتعبين باي مبلغ

[فالكـ GOOD]

عندج الماسترد كارد من المجموعة وايد عمليه هالبطاقه تعبينها مبلغ بسيط
بقيمه الغرض اللي تبينه ولانها مالها شغل بالبنك وحسابج بالبنك
وتضمنين ان ماينسحب منج شي في حال ضاعت او تهكرت بلنت

[بوNasser]

عندج الماسترد كارد من المجموعة وايد عمليه هالبطاقه تعبينها مبلغ بسيط
بقيمه الغرض اللي تبينه ولانها مالها شغل بالبنك وحسابج بالبنك
وتضمنين ان ماينسحب منج شي في حال ضاعت او تهكرت بلنت

السلام عليكم ورحمة الله

مجرد توضيح

انا كنت استخدم بطاقة ماستر كارد المجموعة بس لا حظت من اكثر من سنه ان معظم مواقع النت ما تقبلها بااستثناء امازون وكم موقع بس

والسبب في اعتقادي انه بعد التشديد على التحويلات صارت معظم المواقع تطلب ان تتطابق بيانات الشخص ( وخاصة العنوان ) مع بيانات البطاقة وللأسف ماستر كارد المجموعة ما فيها العنوان لذلك ترفض عملية الشراء

ايضا البطاقة لا تنفع للسحب النقدي

طبعا هذا الكلام من تجربة شخصية، ويمكن ما صادفتكم ، بس على الاقل الواحد يتأكد من خلال تعبئة البطاقة بمبلغ بسيط ويجرب اذا مشت العملية يزيد الرصيد بعدين.

بطاقة هديتي من مصرف قطر الاسلامي جيدة بس عيبها ان صلاحيتها سنة يعني لو خلصت السنة وما خلص الرصيد يتم تحويله، حسب ما سمعت، الى الاعمال الخيرية الا في حاله كون المبلغ المتبقي كبيرا فهناك ترتيبات اخرى.


مع تحيات اخوكم

[الواعد]

السلام عليكم

بطاقة هديتي حلوة جدا ولها مميزات :

1- تاخذها من اي كاشير من اي فرع للمصرف وأنت واقف

2- تقدر تعرف اللي انسحب من البطاقة في اقل من 24 ساعة خلال موقع بالنت

3- تقدر تستخدمها للشراء من المحلات او المجمعات نفس بطاقات الـ atm

العيب فيها في فئاتها صحيح ان فيه 100 و 500 و1000

لكن ليش مافيه 1500 و 2000 ؟؟؟؟ من 1000 إلى 2500

مرة اشتريت من النت بمبلغ 1200 فاضطريت آخذ فئة 2500

لأن الغرض واحد يعني لازم الدفع مرة وحدة

[salman_83]

المجموعه ماستركارد

[Searchon]

وبعد عندج بنك الدوحة قيمة الكرت 50 ريال وتعبين باي مبلغ

Click card
لازم يكون عندك حساب عشان تطلعها ..
سالفه يعني ..