كلنا قطر

[القطو السمين]

السلام عليكم ورحمة الله وبركاته كلنا عارفين ان الاحتفال باليوم الوطني قرب وبالتالي كالعادة تقوم كل قبيلة بالاحتفال وتقوم بالتجهيز المسبق لذلك انا اريد ان اقدم اقتراح لعل وعسى يؤخذ به ان كان فيه فائدة الاوهو ان يكون الاحتفال بهذه المناسبة في مكان واحد ويطلق عليه احتفال القبائل القطرية وهذا سوف يزيدمن تعزيزالتفاف القبائل مع بعضها وسوف تغلل الحساسية بين بعض القبائل اعرف ان هناك من سيقول القبائل مع بعضها ولافيه داعي للاحتفال الموحد نعم كلامكم صحيح ولكن ماهي مشكلة اذا قمنا بشي ارى انه سيجدد الا لفة بين افراد المجتمع ارجو الاياخذ الموضوع منحى عنصري وقبل ان تكتب تذكر كلنا قطر

[$$كلنا قطر$$]

هلا ااخوي اقتراح حلو بصراحه
بس لاتنسى في قبائل تحب تسوي احتفالاتها قريب من منطقتها
وكلنا قطر

[ZURICH]

القطو السمين .. سؤالك في وقتة

تتوقع وين هالمكان إلي يستوعب كل هالقبائل !

ومااتوقع كل القبائل القطـــــرية تتقبل فكرة الدمج لأن كل قبيلة تبي تتميز بالشكل إلي يخليها أفضل من غيرها ..

وسمعت من أكثر من واحد ان بيكون حفل واحد .. وين ولمن مادري ! ؟؟

وكلنا قطـــــر

[ابو محمد7]

انا مؤيد لكل مايجمع اهل قطر على خير

[القطو السمين]

الي يبي يتميز من القبائل هذا الميدان بس الفكرة لما يكون مكان الحفل موحد مهوب لازم ينعرف الشخص من اي قبيلة لاننا شعب واحد لابد ان يظهر التفافنا حول قيادتنا من خلال الاحتفالية بس لوصار هالشي وين المكان الي يقدر يلم الامة اواقتراح ثاني يخلون ميدان كبير للاحتفال ويحدد لكل قبيلة ساعتين يقومون باحتفاليتهم بطريقة مرتبة ويشرف على الموقع عدد من الافراد من كل قبيلة وياليت يصورون الحدث على الهواء مباشرة وكلنا قطر

[restricted_1]

بس اي قبايل تقصد أخوي؟

اذا قبايل قطر المعروفه انا مؤيد صراحه وبقووووه

بس اذا القبايل الي طالعه من سنتين ما أنصح أخوي صراحه

عرضتهم غير وعرضة هل قطر غير :)

يعني لو اجتمعوا كلهم بتحس انك قاعد في الحي الثقافي

[الأصيلة]

المفروض على الأقل كل 4 او 5 قبايل مع بعض..
مب هواش وشكاوي وكلام فاضي
عشان اسمي قبل اسمك واسمك قبل اسمي...
اش ها العقول اللي لين الحين ..
أنا ولد فلان وهذا ولد فلان...
قبايل قطر معروفة مافيه داعي يكون تفاضل بينهم
على شي مايستاهل...
وكلنـــا قطر الغالية...

[القطو السمين]

الهدف من هاالاقتراح ان يكون الاحتفال موحد بغض النظر من القبائل الي تحتفل اي الشعب القطري هو الي يحتفل وارجو الا يتغير الموضوع الى منحى عنصري بارك الله فيكم الهدف نبيل بل العكس في الاحتفال كل سينافس ولكن تحت مظلة واحدة وهي كلنا قطر

[restricted_1]

الهدف من هاالاقتراح ان يكون الاحتفال موحد بغض النظر من القبائل الي تحتفل اي الشعب القطري هو الي يحتفل وارجو الا يتغير الموضوع الى منحى عنصري بارك الله فيكم الهدف نبيل بل العكس في الاحتفال كل سينافس ولكن تحت مظلة واحدة وهي كلنا قطر


عزيزي ,,

يشهد الله علي اني ماقصدت اغلط عل حد ,,

بس قلت الي حاصل بالضبط والصج ماينزعل منه ,,

شلون بتقوم العرضه بسيف وخنجر الله يجزيك خير؟