رايكم يهمني...ادخلو بسرعه بكره ناوي عليه

[بوبندر]

حاجزه من شركة الفورد وكلاموني اليوم اني اجي ادفع باقي الفلوس واستلمه...هل يسوى ادفع فيه 200 الف...ولا اغير رايي ...ابغي نصيحتكم..معشش في مخي وهاذي مواصفاته

2010 Ford F-150 SVT Raptor


نبذة بسيطة عنها



نظام التعليق : Fox Racing Shox مخصص للطرق الغير معبدة والوعرة


القير : 5 سرعات اتوماتيكي قابل للتعديل التلقائي للطرق الوعرة


المحرك نوعين : SVT-Tuned Ford Triton V-8 5.4L ينتج 320 حصاناً و 390 lb-ft من العزم


والثاني 6.2 V8



اطارات السيارة رائعة BF Goodrich All-Terrain TA/KO 315/70-17 tires


عجبتني هالسياره خصوصا انها مزودة بالاطارات الكبيرة وشكلها هيبه ومتعددة
الاستخدامات وعملية جداً وليست طويلة مثل باقي الشاحنات مما يزيد من كونها عملية بشكل
اكبر في المدينه والاماكن المزدحمة ويعطيها طابع جميل

http://up4.al-qatarya.org//uploads/images/al-qatarya-2acc83f851.jpg (http://up4.al-qatarya.org//uploads/images/al-qatarya-2acc83f851.jpg)

[سلامي للكل]

الســلام عليكم ورحمــة الله وبركاته

مواصفات حلــــوة . . . بس مافي احســن من الــ GMC

والــ GMC ماشاء الله . . . ماعليه كلام . . .

واشوف الــ 200 الف خسارة فيه . . . تاخذ لك جمس وتضبطـــه يطلع اخــر حــلاوة :victory:

وبالاول والاخيــر هذا رائي الشخصــي . . . ولك حرية الاختيـار :nice:

وفالك التوفيــق

:)

[الارض]

جفته عند واحد اعرفه

الصراحه ماعجبني

وشدعوووه سعره 200 الف !!!

مومعقوله

بس اذا انت خاطرك لاتخلي شي بخاطرك

بس نصيحه مني الجمس السيرا افضل منه بوايد ورزه شكله عجيب وحش

وفالبيعه اسرع من الفورد

وفالاخير شوف اللي يصلح لك

[بوبندر]

الله يجزاكم خير على النصيحه

[الزيبق]

لا توهق نفسك مع الفورد خله عنك وتذكر كلامي بعدين

[ابو مشعل]

نصيحة من اخ لاخوه ..
ما يستاهل ال 200
شكله جدا عادي

الجمس سيرا هيبه وله سوق .. ومع شوية تعديلات بتحصل النتيجة اللي ترضيك

وفي النهاية هذه وجهة نظري الشخصيه
ولك القرار

الله يوفقك

[فقط قطر]

عندك فلوس وخاطرك في الموتر....اخذه اخوي....

[Bo 5alid]

:nice: وانا مع الجمسي

[وهم قطر]

اشوفه حلو وحجمه رووعه والتواير كبيره شي

والفورد من الداخل مميز وراقي والله يوفقك فيه

[بوعمير]

والله يا بو بندر لو يعطوني ابلاش ها الموتر ما خذيته، الفورد أسوء وكاله سيارات في الدوحة، عندي فورد f350 ودي ابيعه اليوم قبل بكرة بسبت الوكالة (تصليح أي كلام، قطع غيار غاليه، ما في أهتمام بالعميل، الموتر يقعد عندهم 10 ايام عادي، مركز الصيانة كانه كراج في الصناعية، خدمة سيئة)، يا رجال محد يعرف يصلح الفورد إلا الوكالة مهب مثل التويوتا والنيسان وده اي كراج وامورك طيبة.

استخير و نصيحه لا تتعدى الجمس.

وموفق خير إن شاءالله.

[BU_7MD]

بالتوفيق يا بوبندر

[زقرت]

مايسوى 200
اخذلك تندرا وصدقني منت متحسف وانا مجربه عزم ونادر بالدوحه
يكفي انه تويوتا وسيع نن داخل ومكينه لكزس واريف من الجمس وغيره

[احساس رابح]

حبيبي 70 الف وايد عليه حتى لو موصفاته شنو

غير الجمس الدبل تاير غماره وحده مافي مثله وشوي تظبيطات مثل دباب وغطاء بدي واقليت على السياره والله يطلع هييييييييييييييييييبه

[No.Limit]

خذ الـ 2011 يالغالي لان غيروا مكينته وخلوها 6.2

وسعرها بأمريكا 180 الف تقريبا ً زايد ولا ناقص شوي

واعتقد واحد من الشباب سأل الوكاله وقالوا سعرها بيكون فوق الـ 200

ادخل موقع يوتيوب وشوف الريفيوز عن هالموتر .. الصراحه الاوبشن الي فيه وامكانياته وايد حلوه

واذا خاطرك في الموتر .. انا اقول توكل على الله وبالاخير انت الي بتسوقه مب غيرك

بالتوفيق

[خيال شمر]

عندك فلوس وخاطرك في الموتر....اخذه اخوي....
:nice::nice::nice:

[بوحارب]

الموتر حلو

بس نصيحتي خذلك تندرا ابرك لك :)

واهم شي اذا خذيته لاتنسى تمرلي نروح انكرك سوى :(

[العساس]

شف لو علي
اولا تندرا
ثانيا الفورد هذا
ثالثا هلكس ولا اخذ جمس
الجمس شكل لكن خذ عيوب مصنعية

الفورد موتر قوي ويكفي انه مصنع كامل في شركة الفورد
مب نفس الجمس تجميع المكسيك كند الهند....

خذ الي في خاطرك

بالنسبه لي التندرا
ومر علي بعد ماتمر على بوحارب عشان نكرك عند تذكار

[ابن قطر]

بو حوض ابرك

تدفع 200 الف عقب تبغي تبيع ما تجيب لك حتى 55 الف

والشور شورك وانت ابخص واي شي تااااااخذ مبروك مقدماااااااا

[مهل]

موتر معروف و لاغبار عليه ولكن ،، هل انت اذا خذته بتستخدم كل المواصفات الي فيه من نظام تعليق و قوه مكينه و غيره ؟

اذا بتاخذه منظر و تمشي .. حط فلوسك في شي ثاني

و اذا خاطرك فيه و بتروح فيه بر و طعوس الموتر يستاهل فوق هالقيمه

لاتنسى الاستخاره ،، تراها اهم من هالموضوع

[..er..]

200 ?


غالي بالنسبه لـ اسم الشركه وشكل السياره


اخذ لك جمس ورتبه من آلى مايتعدى 130 :)


والراي الاول والاخير لك :)


موفق بأذن الله

[رهيباوي]

السلام عليكم اخواني وهذا رايي ونته حرفي رايك

يالله عسى الجيبات نذراً على الجمس $$ واللي يسب الجمس يبلا بعله
اللي ورد بشـراع واللــي ورد هـبـس $$ كل التيوته جـعـلــها فـدوتلـه

الجمس وبس الفورد مو بشي نصيحه والراي الاول والاخير لك يالغالي

[G0LD]

وعليكم السلام ورحمة الله وبركاته


بالنسبه للفورد رابتر مواصفاته عاليه جدا + محرك قوي جدا 6.2

ومقوين كل شي فيه حتى الجانبينات غير عن اي موتر و السياره توها نازله السوق ومجربينها وعملوا عليها تجارب في الصحراء وغيرها

واحد من الربع من اسبوعين ماخذه من الشركه ويمدحه الصراحه

وانا اطلعت على الفيديو الي منزلينه عنه الصراحه شي خيالي

والاطارات الي عليه هي الي تجي على الهمر h2 قويه وتستحمل

- - - -

رأيي السوق العام

لاشك ان الجمسي عليه طلب اكثر والشفر كذلك - وان السعر مايطيح بسرعه - لكن القوه اكيد الرابتر اقوى وواضح

لكن اذا انت رغبان بالسياره توكل على الله

ومبروك مقدما ويعطيك خيره ويكفيك شره

[بويعقوب]

اخوي
خذ لك سلفرادو الشفر
عندهعم في الشركة نوع قريب من شكل الفورد
مضبط من المصنع
وسعره معقول

والله يوفقك

[reya7]

أقوووووول .. الرجال أيقووووول أنه بخاطره .. لتخلي شي بخاطرك .. بس نصيحه لاتاخذه

[عبدالله الحميدي]

والله مانصحك يا خوك

[بوبندر]

مشكورين على النصيحه...وان شاء الله راح اخذ تويوتا تندار بلاتنيوم 4ابواب2010
ابييظى اصفار 185 ...بكره رايح اجيبه من الشارقه

[تراب قطر]

مشكورين على النصيحه...وان شاء الله راح اخذ تويوتا تندار بلاتنيوم 4ابواب2010
ابييظى اصفار 185 ...بكره رايح اجيبه من الشارقه

ونعم الاختيار... ألف مبرك مقدما ويعطيك خيره ويكفيك شره موتر حلو وممتاز

[ابو مشعل]

مشكورين على النصيحه...وان شاء الله راح اخذ تويوتا تندار بلاتنيوم 4ابواب2010
ابييظى اصفار 185 ...بكره رايح اجيبه من الشارقه

اي والله ونعم الاختيار :victory:
الله يعطيك خيرها ويكفيك شرها
ومبروك عليك الوحش مقدما :)

[العساس]

اي والله ونعم الاختيار :victory:
الله يعطيك خيرها ويكفيك شرها
ومبروك عليك الوحش مقدما :)

هذا الكلام
قال جمس قال

ياجعل الجموس فدوه للتندرا

[simota uae]

Toyota
tundra
تويوتا تاندرا وبــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــس
الغالي انا مجرب الامريكي من جمس بيكب وكابرس وافلانش وسلفرادو2500 6.0

والله كلهن واللعنتين والفورد بعد جاي من شماليهن امحق وكاله وامحق سياره
إنسى الامريكي البحت لانه فيه عيوب الشباب ما يذكرونها
الشباب يهمهم الشكل الخارجي وحجم المحرك بس
شركة gm اكبر مشكله تواجه من انتاجها
اولا الجير والبوشات والمكيف او التكيف
نآخذ اول شي الجير من عيوبه ان يفصل او يعلق او اذا شغلت الدبل وعشقت ريوس اونت مغرز بعد يفصل
البوشات يطقطقن بعد مده الموتر جديد يجيك احساس كأنك مستعملنه كمل 7 سنين
المكيف والعله الصحيه اللي يجيب المرض انه لو كان تكيف داخلي يدخل هوا خارجي اذا توديه الوكاله يقولك والله هذا نظام سفتي.......سفتي على حساب صحة المستهلك .......يعني تعيش سلعتهم ونفاد للمستهلك يمرض تصيبه ضيقه يموت ما يهم

يا الحبيب انا من 1996 وانا استعمل امريكي والله ان القديم كان احسن من الجديد غشونا بالشكل وقلنا يلا مع الليل يا شقرا واشترينا وندمنا

وارجع واقولك تويوتا وبس
تحياتي

[المريش]

ما يستأهل