قصة واقعية حدثت بالأمس

[خطوة]

بالأمس وبعد يوم متعب طويل سبقته ليله مزعجة بطوارئ السد للاطفال ومع اذان صلاةالعصر

وبعد وجبة غداء دسمة 00استسلمت عيناي للنوم رغما عني ولم اصحو الا على صوت تلفوني

واذا بصوت خويتي( وينج مامرتيني نروح لمستشفى لفلانه والده) طمرت بمنتهى النشاط

وتوجهت لمنزلهاوالهدوء يخيم على الدوحة 00جائتني وقالت تدلين مستشفى البدع الجديد

قلت وشهالمستشفى ماسمعت عنه قالت اطلعي بدلج وصلنا المستشفى فاذا به قمة الفخامه

والنظافه والتجهيزات الطبيه الحديثه ونحن نعبر ممرات المستشفى في طريقنا الى غرفه زميلتنا

لفت نظري عدم مرور اي اجنبي كلهم قطريين التفت لخويتي وقلت وينهم الاجانب الي مالين

البلد قالت هذا مستشفى جديد للولاده خاص بالقطرييين فقط وكل خدماته تقدم بدون رسوم حتى

غرف الولاده التي تشبه افخم اجنحه في افخم فنادق بالعالم

( اهنيه بدت تراودني فكره الانجاب من جديد) مستشفى رائع والطاقم الاداري والطبي كلهم

كفاءات قطرية000 انتهت زيارتنا وقالت خويتي انها تبي تمرتاخذ بنتها من المدرسه

ونحن نقترب من المدرسه الابتدائيه للبنات قلت ليه ماحطيتيها بمستقله؟ انفجرت خويتي
بالضحك

قالت انتي موب في الدنيا؟؟ قلت شسالفه؟ قالت تم حل المجلس الاعلى للتعليم والغاء نظام

المدارس المستقله نظرا لفشلها الذريع000 عاد انا من هول الخبر ضربت بريك جامد وجا

راس خويتي في الطبلون قالت اشفيج فقعتي راسي 000 قلت أنا يعني ماعاد فيه اصحاب

تراخيص ومديرات يحسبون المدرسه حلال ابوهم قالت لا ( عاد انا كنت مخططه اخذ ترخيص

من مبدأ مع الخيل ياشقرا)

المهم مالكم في الطويله

في الطريق لبيت خويتي والجو اكثر من رائع كنا نستمع الى الاذاعة وجايبين موضوع

عن الرياضه وكان المذيع يتكلم باسلوب المتحامل على الفيفا ونظامهم المتحيز قلت اشفيه هذا

لايسمعونه الفيفا ولايعطون قطر حق استضافه 2022 وانفجرت خويتي بالضحك مرة اخرى

وقالت صج انج موب في الدنيا ترى كاس العالم راح لامريكا يعني بح مافيه 2022

واضرب بريك بقوووووووووووووووه ويكفخ راسي بالسكان وتطمر بنت خويتي بحضن امها

قلت ماعاد فيه 2022 ؟؟ يعني طارت الطيور بارزاقها؟؟ قالت خويتي طارت والا وقعت انتي

وصلينا البيت سالمين وبس

تابعنا طريقنا ودخلنا منطقه الخريطيات العامرة حيث تقطن خويتي ( جملة كنت متحفظتها

عشان لاخذيت تصريح مدلاسه مستقله بس خلاص بح)

عندما وقفت عند باب منزل خويتي لاحظت كل البيوت ترفع علم قطر (( بالقطري رازين

نشورهم))قلت لخويتي اشفيهم فريجكم كلهم حاجين السنه ؟قالت يالخبله هذا احتفال بقرار

سقوط ديون المواطنين الي طلع امس 0000 ( بققت عيوني وبلعت ريجي وشعرت بعض

من الدوخة)) واذا بخويتي تقول اشوا ان السياره واقفه والا كان كانت ضربه البريك هالمره

الضربه القاضيه 00 تنفست بقوه وانا اهم بتحريك سيارتي وخويتي تقول انزلي تقهوي

قلت لا لا بروح عيالي عندهم مذاكره وولدي مسخن من البارح -- ولا اخفيكم سرا اني

كنت بشبه غيبوبه اضرب واحسب راتبي بعد اسقاط ديني الي قطع ظهري سنين0

في الطريق الى بيتي تخيلت حال كل مواطن وهو رافع كفيه بالدعاء لسمو الامير على هذا

القرار الجرئ 00 تخيلت كم اسره قطريه تم تفريج كربتها بهالايام المباركه 00 تخيلت

كم شاب بدا يخطط لزواجه واستقراره بعد اسقاط ديونه 0 0 وكم وكم وكم

وصلت بيتي واذا بسياره زوجي للحين موجوده؟؟؟ غريبة صلى المغرب وماطلع؟؟؟

وضرب بريك بقوه واطمر من سيارتي ايه هذا ابوعيالي راس المال اكيد مسخن ولاشي

( عشر سنين زواج ماذكرت انه جلس بالبيت بعد المغرب))

هرولت الى داخل المنزل واذا بصوت رجولي يذاكر لعيالي00 استغربت 00 ابوهم جايب

مدرس؟؟ تغشيت بشيلتي وتبعت الصوت الى وسط الصاله

هناااااااااااا 0000 هنااااااااااا بالضبط 0 كانت ضربة البريك الاقوى

تدرون وش شفت؟؟؟ زوجي في وسط الصاله يفترش الارض بين كتب اولاده

يساعد واحد بحل الواجب 00 ويسمع لواحد 00 والصغير الي كان مسخن منبطح على رجل

ابوه والكمادات على راسه 00 صدمت الكنب من قوة البريك وسقطت مغشيا علي

ولا صحيت الا على صوت ولدي يقول يمة اشفيج ماقمت تذاكرين لي؟؟ طمرت واقفه

ليه كم الساعه؟؟ قال السا\عه6 المغرب وابوي تسبح وقال تبون شي؟ وطلع

قلت يعني انا كنت نايمه؟؟؟؟؟؟؟؟؟؟؟؟؟؟؟؟؟؟؟

نصيحه

لاحد يثقل بالغدا وينام بعد صلاة العصر

تقبلو تحياتي حبيت الطف جو المنتدى شوي بعد سوالف الحوادث الي تغث

وكل عام وانتو بخير


>> تنتظر ردة فعل زوجها بعد قرأة الموضوع ياخوفي امسي ببيت هلي:weeping::weeping:

[ألحـــــان]

معاناة إمرأه متزوجه

يعطيج العافيه على الحلم الذي لن يتحقق أبداً

ههههههههههههههههه

[ظبيــღــه]

:funny:

كواابيس سعيده

[مساهم متوهق]

يــــــــــازين بعض الاحلام
تذكرت مقولة طاش ماطاش ردد ردد ياليل مطولك

[khalid-qtr]

الله كريم

[الحبتور]

تشبصي في احلامج ..

لعل وعسى وربما يكون لها فال طيب ..

[ممنوع اللمس]

ههههههههه وانا صدقت وحالتي لله بس يوم وصلت للمجلس الاعلى قلت بس السالف فيها أنه

[أستاندر]

الحلم مهب بعيد على بومشعل يحققه هذا هو يحقق المستحيل ان شاء الله جاينا الدور ويحقق لنا المستحيل ويطول في عمره .

[R 7 A L]

اشوه

الحمد لله انة حلم


:tease:

[الصريحه]

صدقتج في البدايه وقلت خل احفظ هالمستشفى الجديد
لكن يوم فلتي المجلس الاعلى تحطمت درين انها اماني الكثيرين
لعلها خيره
ان شاء الله يتحقق حلمج ماهي ببعيده على ربج

[الأصيلة]

الحلم ممكن يتحقق ..
حتى اللي احنا فيه الحين من تطور في العمران مثلا
أو وجود الجامعات ..
أو أو الإختلاط أو أي شي زين او شين
كان أحلام لـ ناس كثيرة وتحقق...
احلمي عزيزتي كل يوم واسألي الله
يحقق كل الأحلام اللي
فيها خير للبلاد والعباد...

[ملسونه]

هرولت الى داخل المنزل واذا بصوت رجولي يذاكر لعيالي00 استغربت 00 ابوهم جايب

مدرس؟؟ تغشيت بشيلتي وتبعت الصوت الى وسط الصاله

شدعوه ماتعرفين صوت زوجج :tease:


الضاهر ان موضوع الاخ طارق العلي فتح علينا باب الابداعات

انا متأكده انه في رمضان الجاي بينعرض مسلسل من ورى الاسهم القطريه خخ

[القلم الصريح]

شالكابووووووووووووووووووس اللي يخرع

[basma222]

يارب تحقق كل الأحلام

[بوفهد 5555]

انشاالله يتحقق حلمك لانه حلم كل قطري وقطرية

[MAZEN37]

الحمدلله

[كازانوفا]

هههههه اضغاث احلام

[خطوة]

شاكره مروركم الرااااااائع

الله لايهينكم

ويحقق احلامنا جميعا

[المستريح]

والله اندمجت وقعدت احلم مثلك يوم نزلتى رفيجتك وراجعه البيت الحمد لله على كل حال احنا احسن من غيرنا الله يجيب لنا الى فيه خير

[ورد احمر]

الله كريم

[الطيبة كلها]

اقول ولا بالاحلام تستوي ها الاشياء

[RAbbaSH]

عسى يصير الحلم واقع..... والاهم ان الدوحه ما تستضيف كاس العالم..... والله يا جماعه ان مافيها خير.....

[البعد الخامس]

هي بالفعل واقع وليست حلم

نحن بأيدينا نجعل الحلم واقع

برأيي ما تم ذكره ليس بالشيء الصعب تحقيقه لدرجه تسميته بالحلم

وين الصعب في كل ما ذكر أعلاه


http://img261.imageshack.us/img261/5858/cxzc.png (http://img261.imageshack.us/i/cxzc.png/)

:)

[bo_hamad]

طارت الطيور بارزاقها هههههه

[MAZEN37]

الحمدلله على كل حال

[alwahesh]

sweet dreems dear

[خطوة]

شدعوه ماتعرفين صوت زوجج :tease:




مسلونه اعرف صوته ياوخيتي بس عقلي الباطن كان رافض يستوعب

هههههههههههههه

[جفلة]

الله يحقق حلمج وحلم كل قطري وقطريه

[marqap75]

shhe 7looooooooooo

[QtrGate]

تفائلو بالخير

ماهي بعيدة على بومشعل

ان شاء الله تتحق كل امنياتج

[السهم السريع]

انا استغربت من سالفة المستشفى
ولا زوجتي بققت عيونها:omg: وتسألني وين هالمستشفى
قلت لها ما ادري اول مرة اسمع عنه

وسالفة اسقاط الديووون :weeping:

أحلام تعور القلب:yawn:

[cupcake_time]

هههههههههههه صدقت انا فالبدايه .. عسى يتحقق حلمج ..

[الراقيه سبشل]

هههههههه شوفي تفسيره انزين :funny:

[alflasi]

ابداع + ابداع + ابداع = تشويق للقراءة

ماشاء الله تبارك الرحمن لله درك .

لي عودة فالطرح جد مشوق .

لكِ تحيه وتقدير

[airbus]

انا اول ماشفت المجلس الاعلي ضربت بريك جامد على الماوس حصلت الماوس انقلب قطوا ههههه


والله الصراحه موضوعك ابداااااااااااااااااااع وربي يوفقك ان شاء الله

[خطوة]

مشكورين جميعا على المرور الجميل

وابشركم

جا زوجي وقال وش انت كاتبه بالمنتدى؟؟ قلت ابد احلام واتمنى تتحقق

قال بتتحقق ان شاء الله بس بنفس الترتيب الي كتبتيه بالمنتدى

لاتحققت الاحلام الي قبلي بيتحقق حلمج فيني:anger1::anger1::anger1:

[ابن قطر]

الله كريم

وعن السرررررررررررررررعه بس سالفة التفكيرررررر بالانجاااااااااب

عشان فخامة المستشفى مالهاااااااااااااااا حل

موفقة

[قطر love]

ههههههههههههههههههههههههههههههههههههههههههههه

يعطيج العافيه

[بصمة قطرية]

وااااااااااااااي
أحلامج تعور القلب بصراحة ..:weeping:
نتمنى ونتمنى ونتمنى

ونأمل خيراً ..

الله يجيب اللي فيه الخير
ويتحقق ولو جزء بسيط من أحلامج ( المستحيلة )

ابدعتي اختي اسلوبج جداً مشوق ..
تسلم الأيادي ..
وأحــــلام سعيدة ..:tease:

[Abdullah_89]

هههههههههههه

يعطيج العافيه والله صدقت وانا متابع ومبقق عيوني

[غزلان]

تفائلو خيرا تجدوه

فيه احلام تحققت ونتفائل ان يتحقق حلمج عن قريب

[نمر بن عدوان]

انا معاج في الحلم الاول اما اسقاط الديون فلا والف لا الا لحالات معينه بعد الدراسه لهذه الحالات وسبب الدين ومصدره .

[فيزيائية]

موضوع مميز

يعطيج العافية

[خطوة]

انا معاج في الحلم الاول اما اسقاط الديون فلا والف لا الا لحالات معينه بعد الدراسه لهذه الحالات وسبب الدين ومصدره .

اكيد اخي العزيز كلنا مع دراسة كل حاله ولكن المقصود هو ديون من اضطر اليها لحاجة ماسه

كعلاج او زواج او ماشابه

[مشتاقة لقطر]

احلى شي علم قطر فوق كل بيت .. عشان اسقاط الديون الله كريم متفائلين قولو امين يارب

[لاجل QT]

احلام وسعيدة:rolleyes2:

[QatarSupport]

لووووول

مالج حـــل

عيشتينا الحلم و لو كانت دقايق

[بنت شيوخ]

من البدايه اقول

اكيد حلمانه

هههه يارب تتحقق الاحلام

تسلمين اختي

[ummohammed]

كثري من هالاحلام يقولج كثر الدق يفج للحام

[ريم الشمال]

احلام سعيده أختي بس ............. الله كريم

:omen2: نصيحه احلامك كلها بريكات سوي تأمين عليها

اضحك الله سنك :(

[الاسطورة]

بدون تعليق
؟؟؟؟؟؟؟؟؟؟؟؟؟؟؟؟؟؟؟؟؟

[بوناصر1]

اول شي اهنيك على اسلوبك المتميز
بس خلينا نكون واقعيين شوي بخصوص الحلم الاخير الي هو تدريس الزوج للابناء
صدقيني لو بتنامين يوم كامل مب بس ساعتين او ثلاث مابتحلمين مثل هلاحلام
انتي سمعتي بلمثل الي يقول (((ولا في الاحلام)))يعني حتى في الحلم مستحيل يصير هلشي:nice:

[sendarala]

يا حليلج والله

[خطوة]

اول شي اهنيك على اسلوبك المتميز
بس خلينا نكون واقعيين شوي بخصوص الحلم الاخير الي هو تدريس الزوج للابناء
صدقيني لو بتنامين يوم كامل مب بس ساعتين او ثلاث مابتحلمين مثل هلاحلام
انتي سمعتي بلمثل الي يقول (((ولا في الاحلام)))يعني حتى في الحلم مستحيل يصير هلشي:nice:

شاكره مرورك اخي الكريم

المشكله ان حنا عودنا ازواجنا على الاتكالية

مثل مايقولون ولدك على ماتربيه وزوجك على ماتعوديه

[jo0ory.56]

أحلام جميلة .. نتمنى تحقيقها .. وكل حلم وانتي بخير !!!!!!!

اسلوب رائع ومشوق ..ولاتحرمينا من ابداعك ...

[غريب بلا وطن]

:funny:

كواابيس سعيده

الله على هيك كوابيس يا ريتني ياكوبس زي هيك و انا صاحي .

[التايه]

ههههههههههههههههههههه

حلوه منج

[meme~qatar]

من البداية حسيت انه (حلم )

الله يعين

[سكرمر]

الحمدلله على كل حال

والدعاء لبو مشعل يندعاله سواء اسقط الديون على المواطنين ولا لا

بس اهم مافى هالحلم ياليت يكنسلوون المدارس المستقـله

[بنت ابوها 19]

والله اني صدقت لكن لما وصلت للمجلس الاعلي

صحيت وعرفت انه تخيلات واحلام

لانه من المستحييييييييل يتغير النظام ولا يعترفون بانه فاشل

الي يضحكني صج انه النظام قاعد يرجع للحكومي شوي شوي عشان مايلفت نظر الكثيرين


ولا الاديون هذا مش مستبعدينه بتاتاً

لانه في حركات وامور قاعده تدرس لجل الاسقاط
الحمدالله اعيال الحلال للحين موجودين
بس مش لكل الشعب فقط لديون الزواج وديون البيوت
هذا كلام خذته من عضو بمجلس الشوري.


عاد ان شالله مايطلع لنا واحد ويوقف الموضووع مثل كل مرره
وان شالله يكون فعل بدون قيل وقال مثل كل مره

[حليتان*]

اذا تحصل هالاشياء في الاحلام <<< بروح ارقد ومب قايم

[الماريّة]

عسى الاحلام تتحق يارب

[بعيد النظر]

اسلووبج رووعة ..
وزيين ما طولتي فـ الرقدة ..
جان حررتي فلسطين ههههههه




يعطييج العافية

[شـعـشـبـونـه]

يوم وصلت للمدارس المستقله فهمت انه حلم

عساا احلامج كلها احلام حلوووووووووووووه وتتحقق امنياتنا كلهااا ( بالحلم)..

[هبة ريح]

لين سالفة المستشفى انا مصدقة عقب قلت اكيد هلمره قاعده تحلم
ياليت اللي يحلم نفس الاحلام يكمل ((استغفر الله ))
الله كريم مافي شيء بعيد عن رب العالمين

[مخطط قطري]

يصير تسلفيني حلمك كم يوم بس

[خطوة]

يسعد لي صباااحكم جميعا

شاكره لكم روعة مروركم

الاحلام هي ابسط حقوق الانسان فلنحلم جميعا

الاحلام هي زادنا في هذا الزمن المثقل بالهموم

فلنحلم جميعا بغد افضل

تقبلو تحياتي وتمنياتي بعيد سعيد باذن الله

[سبشل]

يه شلون ماتحطينا فالقصة؟؟
ولا ماتبين

[خطوة]

يه شلون ماتحطينا فالقصة؟؟
ولا ماتبين

ههههههههههههههههه

لا والله الا ابي وحاسه بمشكلتكم

بس خفت اثقل الحكي على الحكومة:tease: واصير مثلكم

[خطوة]

الحمدلله على كل حال

والدعاء لبو مشعل يندعاله سواء اسقط الديون على المواطنين ولا لا

بس اهم مافى هالحلم ياليت يكنسلوون المدارس المستقـله

مدري ليه ارتفعت حواجبي في حركه تلقائيه وانا اقرا كلامك

[العـوا]

احلامج حلوة وايييييد

[شبيهة البحر]

أشوا
عبالي أنا اللي مو بالدنيا

بس أنتِ حلمتي بكل هذا في حلم واحد؟

[opama]

اسلوب مشوق ورائع انشاء الله يتحقق ولو جزء بسيط من احلامج
يعطيج العافية وانشاء الله تكتبين لنا مسلسل ابرك من هالخرابيط اللي يكتبونها

[Arab!an]

دمرتي سفايف الموتر

[technical]

الله يستر لا ينزل حلمك تحت بند نشر الشائعات المغرضه ضد الدوله , واتهام القياده باهمال الاقتصاد والصحه

[خطوة]

الله يستر لا ينزل حلمك تحت بند نشر الشائعات المغرضه ضد الدوله , واتهام القياده باهمال الاقتصاد والصحه


>>> تروعت من هالتعليق

تراه حلم ياجماعه ولاحرج على النائم:):)

[نااااني]

هههههههههههههههههه
الله كريم
كل شي راح ينحل باذن الله
وماراح يخلينا ابو مشعل
بس ازواجنا ما ظني يتغيرون؟؟؟؟؟؟؟؟؟؟؟؟؟؟؟؟

[خطوة]

هههههههههههههههههه
الله كريم
كل شي راح ينحل باذن الله
وماراح يخلينا ابو مشعل
بس ازواجنا ما ظني يتغيرون؟؟؟؟؟؟؟؟؟؟؟؟؟؟؟؟

شاكره مرورك يالغلا

بس تدرين حنا الي علمنا ازواجنا الاتكالية والاعتماد علينا بكل شي

مدري كم صار لك متزوجة؟ بس اذا زواجكم حديث يمديك تعودينه على المسؤولية

[آلسنآفيه]

ههههههه
آمـآ يآخووفكـ تمسيـن ببيـت آهلكـ ههههههه عنـدنـآ وعنـدكـ خيـر :secret:
بـس آحـلى كـآبوس آللي هوو آسقآط آلديـوون يــآآآآآلييــــــــت كـآآن آلدنيـآ بخيـر :(

كثـري مـن آلكوآبيـس آلزيـنـه آللـيي تونـس :nice:

عـل وعسـى آن تصبـح رؤى وتتحـقق :victory: ^_*

[ناصر30]

حلم رائع

والاروع صياغتج له بعفويه



فيه جزء ثاني والا خلاص ...؟

[خطوة]

حلم رائع

والاروع صياغتج له بعفويه



فيه جزء ثاني والا خلاص ...؟

شاكرة لكم مروركم الاروع

ابشرو بالجزء الثاني بعد العيد

وكل عام وانتو بخير وعيدكم مبارك

[المتألق]

الحلم الفقراء

كلنا نتمنى ان احلامنا تتحقق ..!!

ولكن

الوقع مر


بمانه احلامك امتعتنا وكلنا معك في احلامك الــا ان تتحقق