إستشـارة بليز ..

[رويتر]

مسـاء الخير عليكم جميعاً ..

ممكن أستشيركم في شغلة محتار فيها ومتعبتني ، قلت أستشيركم عشان تساعدوني

وعشان ما أندم فيما بعد ..

قررت أبيع سيـارتي لكثرة زياراتها للشركة ، والحين أنا محتار بين سيارتين وهما :

1 ـ لكزس فورويل 2006 اللون رملي .

أو

2 ـ B M W 745 L I / موديل 2005 اللون إما أبيض أو أسود أو عودي ..

بليز أبي رايكم في الموضوع بسرعة لأن السيارات المذكورة كلها متوفرة حالياً وأخاف تنبـاع

قبل لا أختـار وحدة منهم ..

[M O 7 A M M E D]

انا افضل اللكزس فورويل 2006 فخمة ومريحة ومرغوبة

[الرميله]

لكزس مضمونة وممتازه

[رويتر]

2 ــ 0

حق اللكزس :app:

الف شكر أخواني على الرد والمساعدة .

[عبـــــادي]

اللكزس وبس

ولو يكون اللون الفضي الجديد اللي توه نازل بيكووون ولا احلى

[على قد حالها]

اللكزس فورويل وإنت مغمض أخوي

[saud580]

لكزس فورويل واذا كان اللون رصاصي رهيييب

[لمت داون111]

الريال يقولكم اللون الرملي تقولون له الرصاصي ؟ فيكم عمي الوان ولا شسالفه :p

امزح لحد يزعل

بالنسبه حق الموترين اخوي ماعليك مني ولا من غيري والرأي الاول والاخير يرجع لك نظرا لحبك للصالون او الفور ويل وانا عن نفسي انصحك في البي ام وخاصه ان كان سعرها مناسب !

يعطيك خيرها ويكفيك شرها مقدما وبالتوفيق ان شاء الله اخوي :)

[البنز]

بالنسبه حق الموترين اخوي ماعليك مني ولا من غيري والرأي الاول والاخير يرجع لك نظرا لحبك للصالون او الفور ويل وانا عن نفسي انصحك في البي ام وخاصه ان كان سعرها مناسب !

يعطيك خيرها ويكفيك شرها مقدما وبالتوفيق ان شاء الله اخوي :)


موافق على هالكلام 100 % ،،

إنت تحب الفورويل >>>>>>>>>>> خذ اللكزس

إنت تحب الصالون >>>>>>>>>>>> خذ البي أم ( ولو إن اللكزس 430 L S أبرك من البي أم )

[رويتر]

شكراً جزيلاً أخواني الكرام على المرور والتصويت على السيارتين ..


النتيجــة :

6 ــ 1 حق اللكزس

[الغـــيور]

انا اقولك اخوي لاتاخذ الا الموتر إلي في خاطرك

لأن رضى الناس غايه لاتدرك اليوم بتاخذ اللكزس بكره يجيك

واحد يقولك والله غلطان ماخذت البي أم

انت بدون ماتستشير الشباب في المنتدى راي الأغلبيه في الدوحه معروف

لو تحط في المقارنه جي اكس ويا بي ام البينا 90% بيقولون الجي اكس

لطبيعة البلاد الي انت فيها لكن روح برع الخليج مايعترفون بالفورويل الياباني انه

موتر هاي كلاس.

لاتندم مثل ماندمت انا من قبل الموتر الي يدش في خاطرك خذه لأن انت إلي بتستعمله

هذي نصيحتي والباقي عليك.

دمت بود

[رويتر]

أشكرك يا أخوي الغيور على إبداء رأيك ومشاركتك معنا ، وإن جيت للصج انا خاطري في البي أم لكن أخاف أندم إني ما خذت اللكزس وعقب ابيع البي أم بخسارة ، بيني وبينك خسارتي كبيرة في السيارات لأني في السنة أغير سيارتي مرتين أو ثلاث مرات ، فما ابي سيارة ابيعها بسرعة واخسر فيها ..

وتسلم على النصيحة الثمينة ..