::: لمن يرغب: مكاين كهرباء ديزل للبيع بأسعار معقوله :::

[إعلامي قطر]

..

السلام عليكم..

شباب لاحظت بالفتره الأخيره كثرة الطلب على مكاين الكهرباء وطبعاً هذا
شي طبيعي خصوصاً بالشتاء، المهم من فتره شفت عدة مواضيع فيها
مكاين وبأسعار غاليه شوي، وخذيت لفه على شركة الخليفي وغيرها
بالدوحه ولقيت أرخص المكاين عندهم مثل بيركنز 40-44 كيفي
بـ 49 ألف عقب الخصم، وكلمت واحد من الربع من قرايبهم
وقال بيطلع لي خصم وووإلخ وزحلقني كالعاده !! :omg:

المهم..

من يومين طحت على شركة تبيع مكاين إنجليزية ماركة كومنز وبأسعار أقل بكثير،
مثلاً 40-44 كيفي بـ37 ألف مع الضمان طبعاً، ومع الكاتم مال لبنان وميزته
حسب مافهمت إنه أفضل من كاتم البيركنز والأقريكو وغيرهم لأن حديده
أسمك ويستخدمونه في البيوت والمخيمات والمجمعات السكنيه في
لبنان ومخلينه يعزل الصوت مضبوط، ورحت شفتها وعلى حسب
ماسمعت وشفت فهي نوعيه ممتازه ويمكن عيبها الوحيد إن الخزان
مالها أصغر من البيركنز ويفضل إن الواحد يفصل له خزان ويسوي
وصله مباشره من الخزان للمكينه وهالشي إللي بسويه إن شاء الله..

المهم حبيت أحط هالموضوع للفائده العامه وإللي حاب ياخذ أرقام مدير الشركه
ويروح يشوفهم يراسلني على الخاص مقابل دعوه طيبه بهالأيام المباركه.. :nice:

وإللي عنده معلومات زياده ياليت يفيدنا..

بالتوفيق للجميع إن شاء الله..

..

[قطـــر 386]

جزاك الله خير

[بوزيد]

ممكن الرقم جزاك اللة خير

[مهاجر]

ممكن الرقم والعنوان عالخاص يالغالي

[رياني قطر]

ممكن الرقم والعنوان عالخاص يالغالي

[إعلامي قطر]

..

ياشباب ياليت الرغبان بالأرقام يراسلني خاص مباشره..

وللعلم آخر ماوصلني من الرجال إن الـ 40 كيفي بـ 37 ألف
والـ 50 كيفي بـ 39 ألف..

والـ 60 كيفي بـ 45 ألف تقريباً..

وأغلب الشباب ياخذون مابين الـ 30 كيفي
والـ 60 كيفي خصوصاً أهل المخيمات والعزب..

وأرجو رفع الموضوع للمصلحه العامه..

..

[[جمال الروح]]

اخوي الله لايهينك بقيت ترسلي الرقم .....

وبخصوص المكينه 15 كيفي كم قيمتها....

وهل يوجد لها ضمان وصيانه .....

وهل يوجد لها قطع غيار.....

[إعلامي قطر]

..

لي بدّو أرقام ميشيل يراسلني خاص ولو !! :thumbup1:

ولي رجاء خاص ياليت كل شخص يراسلني خاص وياخذ رقمه ويتعامل معاه
يكتب لنا تجربته عقب ما يتعامل معاه عشان الكل يكون بالصوره
ويستفيد وبنفس الوقت ينرفع الموضوع والكل يقرى..

وعن نفسي شريت مكينه وفصلت درام قلفنايز 1000 لتر وإن شاء الله
آخر الأسبوع بيركبونهم لي وبعطيكم إنطباعي الأسبوع الجاي فإللي مب
مستعجل ينتظر ردي السبت بتاريخ 04/12/2010م إن شاء الله.. :strong2:

..