تحتر ولا .. لأ ..

[بنت سيف]

تحتر ولا .. لأ


تحتر ولا .. لأ
.. لما تشوف المئات من الخريجين القطريين مو لاقيين وظائف ..
وولد المقيم والأجنبي يحصل وظيفة بكل سهولة ..


تحتر ولا .. لأ
.. لما تعلن شركة كبيرة مثل "ناقلات" أن الربح السنوي على السهم نص ريال ..
إن السهم .. اللي بالمنطق سعره لازم يفوق الـ100 ريال .. سعره اليوم 19 ريال وكسور ..


تحتر ولا .. لأ
لما يصرح عضو مجلس البلدية في موضوع عن حديقة الحيوان أمس في الجريدة .. في أحد تعليقاته ..
وجود حديقة في منطقة سكنية خطر ..
( على أساس إن الحيوانات بتشرد من الحديقة .. أو الحديقة مشت ووقفت في المنطقة السكنية مب العكس هو الصحيح)


تحتر ولا .. لأ
.. لما تروح العيادة الخارجية بمؤسسة حمد وعندك موعد حصلته بالموت قبل 6 شهور ..
لتتفآجأ أن الطبيب مسافر في مؤتمر .. وغيره بيشوفك .. وأنت ناطر ..


تحتر ولا .. لأ
لما تعب روحك .. وتحط رد في موضوع ما ..
ويتفاعل معاك الكاتب بكلمة "شكرا ولا جزاك الله خير "
ويهد السالفة الأصلية .. أو يسفه ردك من أصله ..


تحتر ولا .. لأ
.. لما تكون واقف في طابور من السيارات ..
وبكل سهولة يطوفك سايق من يمنيك ومحد يخالفه ..


تحتر ولا .. لأ
لما ينزل المطر لمدة ساعة ..
وتكتشف إنك محتاج شوعي لتعبر النقعة اللي في شارع بيتكم ..


تحتر ولا .. لأ
.. لما كل الدنيا تقول لك في خلل مصنعي في سيارات محددة من شركات عالمية محددة ومعروفة ..
وراعي الوكالة يقول لك سيارتك اللي منها ما محتاجة شي ..


تحتر ولا .. لأ
تروح الحي الثقافي .. وتتفآجأ إن الشارع مرصوف على الطريقة الأوروبية بالانترلوك (حصى) .. تمشي عليه السيارات ..
مع إن القار أفضل ..
أوروبا يوم سووا الشوارع كانت تمشي عليها الخيول ..
ولذلك ما استخدموا القار اللي ماكان متاح اصلا في شوارع عمرها مائة أو أكثر .. أما الشارع في الحي الثقافي ما وصل عمر سنتين ..
واعتقد فرصة مرور ضب عليه ما هي بعالية .. إلا خيل ..


تحتر ولا .. لأ
.. ولما يعلن مصرف الريان .. إنه ما في أرباح السنة ..
لأنه بيسدد جزء من الحصة الأصلية للمساهمين في المصرف ..


تحتر ولا .. لأ
لما تكتب موضوع في المنتدى .. ويعجب فيه كاتب ثاني ..
فيقلده .. وتطلع النسخة تايوانية ..


تحتر ولا .. لأ
.. لما مديرة المدرسة .. تقول لمدرساتها ممنوع الحمل ..
خلال العام الدراسي ..


وايد أشياء تحر .. مالنا الصبر ..
واحتساب الصبر آجر لنا ..

يعين ربي


بنت سيف

11/11/2010

[المتألق]

تحتر ولا .. لأ
.. لما مديرة المدرسة .. تقول لمدرساتها ممنوع الحمل ..خلال العام الدراسي ..


مو على كيفها

البشر مو عبيد عندها .. تتحكم حتى في تاكثر البشر

مشكوره يالغاليه ابدع

[فارس الكلمة]

وايد أشياء تحر .. مالنا إلا الصبر ..

واحتساب الصبر آجر لنا ..

الحرة تجر أشياء كثيرة .. أهمها الأمراض و العياذ بالله .. شكراً لك ..

[antar]

روعة أختي

مشكورة علي السرد الجميل

نحتر لما زملائك بالعمل الغير قطريين عندهم سيارات اوربية و ربعنا يابانية

[بلوتنيوم]

احتر لما اشوف ناس ماتعرف جيرانها
احتر لما اشوف اطفال يلعبون بالشارع بدون اهتمام
احتر لما اشوف المراهقين بالمجمعات بدون هدف غير تقليد الافلام الامريكية
احتر لما اشوف شاب ثقافته كورة ورياضة بس
احتر لما اشوف اهتمامنا بالقشرة والفرعيات وننسى الاساسيات

ياكثر الاشياء الى تحر:anger1:
لازم نحتر من الصبح يعني:weeping:

في خطأ مطبعي اخر سطر:eek5:

[R 7 A L]

احتر
لما اروح للديوان الاميري على شان مساعدة الزواج الى مو راضين يعطوني اياهاه

[ألحـــــان]

تحتر ولا .. لأ
.. لما تكون واقف في طابور من السيارات ..
وبكل سهولة يطوفك سايق من يمنيك ومحد يخالفه ..


أعجبتني كثيرا لأن كل يوم أعاني من هالمشكلة ، بالفيت محترمه القانون وانتظر في الطابور ورا الشاحنات وغيري يتجاوز من على اليمين - موقف المواقف - بكل سهوله ويدخل

[ملكت الكون]

اي اكيد احتر واموت من الحرة :court:


لما اشوف المئات من الخريجين القطريين مو لاقيين وظائف ..
وولد المقيم والأجنبي يحصل وظيفة بكل سهولة ..

واحتر لما ادرس واتعب واجيب اعلى معدل عشان احصل راتب محترم :weeping:
وعقب كل هاي انصدم فالواقع :eek5:

مافي تقدير للطموحيييين والمجتهدين :deal: >>> عاشت الطمووووحة :shy:

[إينشتاين]

تحتر ولا .. لأ
.. لما مديرة المدرسة .. تقول لمدرساتها ممنوع الحمل ..
خلال العام الدراسي ..





هههههههههه
ضحكتني هذي يعني المفروض تحمل وتربي في ثلاث شهور الإجازة خخخخخ
يعطيج العافية على الموضوع فعلاً فيه اشياء كثيرة تحر...
بس مافهمت سالفة حديقة الحيوان:shy:

[Doha Sun]

تحتر ولا لأ ..
مهب احتر الا بانفجر .. وتسلمين على الموضوع اللي كله حرااااات
تحتر ولا لأ يوم تشوف بنات صغار في الروضة شايلهم الدريول وموديهم داخل الروضة ( منظر يجيب السكته القلبية )

[maruuma]

تحتر ولا .. لأ
.. لما تشوف المئات من الخريجين القطريين مو لاقيين وظائف ..
وولد المقيم والأجنبي يحصل وظيفة بكل سهولة ..


ايه احتر

لما يكون الاب والابن مع بعض في الوزارة او الهيئة ومب حالة وحدة جدامي 4 حالات

الاب عمره 60 لا ويستثنونه بعد

والابن 25 وتعليمه مب احسن من تعليم عيالنا
بس الهدف .. ان احنا نحتر

فليش ما نحتر


والله المستعان

[بوعيسى1]

باااال نسيتوا الهندي يوم تكون متأخر على الدوام و يفاجئك يمسك البيرك جدام موترك وتدعمه
وتطلع انت غلطان تتحمل تصليح موترك ولا وبعد يوقف لك في الدوار ساعة كاملة وموب راضي يدش الدوار
لالالا ولو يبغي يلف على الدوار يمسك لك خط السريع من مسافة كيلو ويمشي بسرعة 50 وما يعطيك الطريق
لالا ويوم تحرن تاشر له يسحب عليك وما يطالعك ههههههههههههههههههههههههه

[ألحـــــان]

روعة أختي

مشكورة علي السرد الجميل

نحتر لما زملائك بالعمل الغير قطريين عندهم سيارات اوربية و ربعنا يابانية

ما فهمت؟

[ألحـــــان]

باااال نسيتوا الهندي يوم تكون متأخر على الدوام و يفاجئك يمسك البيرك جدام موترك وتدعمه
وتطلع انت غلطان تتحمل تصليح موترك ولا وبعد يوقف لك في الدوار ساعة كاملة وموب راضي يدش الدوار
لالالا ولو يبغي يلف على الدوار يمسك لك خط السريع من مسافة كيلو ويمشي بسرعة 50 وما يعطيك الطريق
لالا ويوم تحرن تاشر له يسحب عليك وما يطالعك ههههههههههههههههههههههههه

هههههههههههههههههههههههههههههههههههههههههههههههههه ههههههه

اي والله انك جبتها على العوق، ولا سالفة الشارع السريع

[خالـــــد]

تحتر ولا .. لأ
.. لما مديرة المدرسة .. تقول لمدرساتها ممنوع الحمل ..خلال العام الدراسي ..


مو على كيفها

البشر مو عبيد عندها .. تتحكم حتى في تاكثر البشر

مشكوره يالغاليه ابدع


والله قويه هذي

شدعوه حتى في الحمل تدخلو؟؟؟؟؟؟

[عابر سبيل]

احتر لما اشوف
v
v
في خطأ مطبعي اخر سطر:eek5:


قعدت أدور عليه و في كلل الموضوع..ما حصلته..
فاحتريت ازياده..

[ألحـــــان]

قعدت أدور عليه و في كلل الموضوع..ما حصلته..
فاحتريت ازياده..

نعيين ربي :victory:

[عابر سبيل]

تحتر ولا .. لأ



تحتر ولا .. لأ
لما تعب روحك .. وتحط رد في موضوع ما ..
ويتفاعل معاك الكاتب بكلمة "شكرا ولاّ..
جزاك الله خير "
ويهد السالفة الأصلية .. أو يسفه ردك من أصله ..

11/11/2010


عشان ما كون من النوع الاخير..
اقول..
شكرا..
و

جزاج الله خير
:sorry:

[بنت سيف]

تحتر ولا .. لأ
.. لما مديرة المدرسة .. تقول لمدرساتها ممنوع الحمل ..خلال العام الدراسي ..


مو على كيفها

البشر مو عبيد عندها .. تتحكم حتى في تاكثر البشر

مشكوره يالغاليه ابدع

شكرا لمرورك ..

وتدخل مديرة المدرسة في الحياة الخاصة للمدرسات .. أمر عجيب ..

اذكر حتى السي إن إن حطوا هالخبر ..


وايد أشياء تحر .. مالنا إلا الصبر ..

واحتساب الصبر آجر لنا ..

الحرة تجر أشياء كثيرة .. أهمها الأمراض و العياذ بالله .. شكراً لك ..

نعم الحرة ممكن تمرض ..

وتجيب السكر والضغط .. والسكتة القلبية ..

الله يحمي الجميع


روعة أختي

مشكورة علي السرد الجميل

نحتر لما زملائك بالعمل الغير قطريين عندهم سيارات اوربية و ربعنا يابانية

طبعا .. احتر ..

والسبب .. التفرقة العنصرية في الوظائف والرواتب ..


احتر لما اشوف ناس ماتعرف جيرانها
احتر لما اشوف اطفال يلعبون بالشارع بدون اهتمام
احتر لما اشوف المراهقين بالمجمعات بدون هدف غير تقليد الافلام الامريكية
احتر لما اشوف شاب ثقافته كورة ورياضة بس
احتر لما اشوف اهتمامنا بالقشرة والفرعيات وننسى الاساسيات

ياكثر الاشياء الى تحر:anger1:
لازم نحتر من الصبح يعني:weeping:

في خطأ مطبعي اخر سطر:eek5:

ساعات الجيران ما ينبغون .. وخاصة لا طلعوا عزوب ..

لعبة اليهال في الشوارع .. فيها مشكلتين .. إزعاج للفريج .. وخطورة على أرواح الأطفال ..

أما المراهقين .. صج يحرون في المجمعات .. وخاصة أصحاب الشعر الطويل من الأولاد ..

المشكلة اهتمامات الشباب صارت موجهه .. أحس بالعمد صارت الأمور تمشي .. بخطة تغييب العقل .. للأجيال الجديدة

أما السطحية .. أكيد تحر ..

شكرا على التنبيه على الخطأ المطبعي .. وتم التعديل ..


بنت سيف

[MAZEN37]

الله المستعان

[بنت قطريه]

والله احتتريتتتتتتتتتتتتتتتتت واحترييييييييييت وانبطت جبدي وصااااااااااااااادني القولون العصبي والحين محد متبهدل غيري :( يعني بالعربي لااحد يحتر وطنشوا احسن لكم عن الصحة نعمة

[مناحي السادس عشر]

طبعا نحتر بكل ما قلتي
بس عندي سؤال؟
مئات الخريجين القطريين مالقوا وظائف !!!!!!!!!
متاكده من هالنقطه يا بنت سيف
لاني ماقدرت استوعبها بصراحه
اللي حاصل واللي اعرفه انه اي خريج يحصل وظيفته بشكل سريع
ترى ماشكك في كلامج بس عمري مالقيت خريج وعاطل
وشكرا عالموضوع الحلو يا ست بنت سيف

[بنت سيف]

احتر
لما اروح للديوان الاميري على شان مساعدة الزواج الى مو راضين يعطوني اياهاه

الله يعينك .. وإن شاء الله تنفك أزمتك ..


تحتر ولا .. لأ
.. لما تكون واقف في طابور من السيارات ..
وبكل سهولة يطوفك سايق من يمنيك ومحد يخالفه ..


أعجبتني كثيرا لأن كل يوم أعاني من هالمشكلة ، بالفيت محترمه القانون وانتظر في الطابور ورا الشاحنات وغيري يتجاوز من على اليمين - موقف المواقف - بكل سهوله ويدخل


الحين الملتزم بقوانين المرور .. صار هو الغلط ..

فاهمتج .. وحاسة بج .. لأني أعني من نفس الوضع ..




اي اكيد احتر واموت من الحرة :court:


لما اشوف المئات من الخريجين القطريين مو لاقيين وظائف ..
وولد المقيم والأجنبي يحصل وظيفة بكل سهولة ..

واحتر لما ادرس واتعب واجيب اعلى معدل عشان احصل راتب محترم :weeping:
وعقب كل هاي انصدم فالواقع :eek5:

مافي تقدير للطموحيييين والمجتهدين :deal: >>> عاشت الطمووووحة :shy:

نعم .. نقطة .. مثيرة جداً للزعل وعدم الرضا .. والإحساس بالظلم ..



هههههههههه
ضحكتني هذي يعني المفروض تحمل وتربي في ثلاث شهور الإجازة خخخخخ
يعطيج العافية على الموضوع فعلاً فيه اشياء كثيرة تحر...
بس مافهمت سالفة حديقة الحيوان:shy:

شفت .. ثلاث شهور .. ولا ما لها أمل في الوظيفة .. بالله هذا مب ظلم ..

أما سالفة حديقة الحيوان .. فهي حارتني بجد ..

لأن النائب .. هد كثير من الأمور .. ومسك هالموضوع ..
الحين هي جات على أفكار نيرة لحديقة الحيوان؟؟




تحتر ولا لأ ..
مهب احتر الا بانفجر .. وتسلمين على الموضوع اللي كله حرااااات
تحتر ولا لأ يوم تشوف بنات صغار في الروضة شايلهم الدريول وموديهم داخل الروضة ( منظر يجيب السكته القلبية )

هاذي الصراحة .. تجلط .. هل إهمال آباء .. ولا غباء .. ولا ثقة زايدة ..

الله يهديهم ..


بنت سيف

[بنت سيف]

تحتر ولا .. لأ
.. لما تشوف المئات من الخريجين القطريين مو لاقيين وظائف ..
وولد المقيم والأجنبي يحصل وظيفة بكل سهولة ..


ايه احتر

لما يكون الاب والابن مع بعض في الوزارة او الهيئة ومب حالة وحدة جدامي 4 حالات

الاب عمره 60 لا ويستثنونه بعد

والابن 25 وتعليمه مب احسن من تعليم عيالنا
بس الهدف .. ان احنا نحتر

فليش ما نحتر


والله المستعان

والله نحتر ..

لأن الواسطة تلعب دور ..

والظلم يلعب دور ..

واللي يعاني احنا ..

الله يرحمنا برحمته الواسعة ..

بنت سيف

[بنت سيف]

باااال نسيتوا الهندي يوم تكون متأخر على الدوام و يفاجئك يمسك البيرك جدام موترك وتدعمه
وتطلع انت غلطان تتحمل تصليح موترك ولا وبعد يوقف لك في الدوار ساعة كاملة وموب راضي يدش الدوار
لالالا ولو يبغي يلف على الدوار يمسك لك خط السريع من مسافة كيلو ويمشي بسرعة 50 وما يعطيك الطريق
لالا ويوم تحرن تاشر له يسحب عليك وما يطالعك ههههههههههههههههههههههههه

والله معاناة ..

الآسيوين في السواقة .. يقهرون ..

ولا لاجاك فليبيني متعلق في سكان السيارة .. وماشي في الخط السريع بسرعة 40 كم ..

ما يفيد فيه شي ..

الله يعين الجميع


بنت سيف

[بنت سيف]

ما فهمت؟

حطيت شرح في الرد فوق ..


هههههههههههههههههههههههههههههههههههههههههههههههههه ههههههه

اي والله انك جبتها على العوق، ولا سالفة الشارع السريع


وهو صادق ..



نعيين ربي :victory:

ما قصرتي شكرا على التنبيه


بنت سيف

[alwahesh]

الله كريم

لكل .....دولة وزمان

[بنت سيف]

والله قويه هذي

شدعوه حتى في الحمل تدخلو؟؟؟؟؟؟

شفت الله المستعان ..

ولا حول ولا قوة إلا بالله ..

بنت سيف

[Bo Khalid]

تحتر أو ما تحتر

لما تلاقي واحد ما يسوى

وواحد كل القوانين القانونية والبشرية والإنسانية تنظبق عليه وساحبين عليه سيفون ولا كانه موجود :victory:

[بنت سيف]

قعدت أدور عليه و في كلل الموضوع..ما حصلته..
فاحتريت ازياده..

مب القصد إنك تحتر من طباعتي ..

ساعات الأخطاء مطبعية ..

لكن لو جات إملائية بإصرار .. هني لازم تحتر ..( عادي ممكن اصفط لك لسته .. بتعور العين قبل القلب)

ولا لغوية .. عاد بيكون الخطأ فادح ..



عشان ما كون من النوع الاخير..
اقول..
شكرا..
و

جزاج الله خير
:sorry:

محد قال إنك من أي نوع ..

لكن ساعات الواحد يجتهد ويحط رد من قلبه .. بغرض إثراء الموضوع

ويقوم كاتب الموضوع بعدم الرد عليه نهائيا ..

لو أنت مكان هالشخص بتحتر ولا لأ ..

تحياتي

بنت سيف

[بنت سيف]

الله المستعان


ونعم بالله ..



والله احتتريتتتتتتتتتتتتتتتتت واحترييييييييييت وانبطت جبدي وصااااااااااااااادني القولون العصبي والحين محد متبهدل غيري :( يعني بالعربي لااحد يحتر وطنشوا احسن لكم عن الصحة نعمة

والله الواحد يحتر .. مب برضاه ..

ما عليج شر ..

علينا كلنا بشرب الكركدية .. يهدأ الأعصاب ..

بنت سيف

[عابر سبيل]

مب القصد إنك تحتر من طباعتي ..

ساعات الأخطاء مطبعية ..

لكن لو جات إملائية بإصرار .. هني لازم تحتر ..
( عادي ممكن اصفط لك لسته .. بتعور العين قبل القلب)

ولا لغوية .. عاد بيكون الخطأ فادح ..



محد قال إنك من أي نوع ..

لكن ساعات الواحد يجتهد ويحط رد من قلبه .. بغرض إثراء الموضوع

ويقوم كاتب الموضوع بعدم الرد عليه نهائيا ..

لو أنت مكان هالشخص بتحتر ولا لأ ..:con2:

تحياتي

بنت سيف


اكيييد باحتر..
اذا كان التطنيش..
بس لي ..من بد كل الباقين..انا وحدي!

غيره..باعذره..خاصة
لما اشوف كل ردوده
و اسلوبه في ادارة..موضوعه..
و/او..مواضيعه!

[بنت سيف]

طبعا نحتر بكل ما قلتي
بس عندي سؤال؟
مئات الخريجين القطريين مالقوا وظائف !!!!!!!!!
متاكده من هالنقطه يا بنت سيف
لاني ماقدرت استوعبها بصراحه
اللي حاصل واللي اعرفه انه اي خريج يحصل وظيفته بشكل سريع
ترى ماشكك في كلامج بس عمري مالقيت خريج وعاطل
وشكرا عالموضوع الحلو يا ست بنت سيف

حياك الله أخوي ..

نعم متأكدة .. الخريج يقعد عندنا سنوات قبل ما يحصل وظيفة ..

وفي قطريين موظفين ياخذون رواتب بدون ما يشتغلون لأن الوظائف عطوها للأجانب ..

وياريت تقرأ الموضوع التالي اللي نشرته جريدة الراية من سنتين في حوار مع وزير العمل .. إقراه بالكامل .. وبتفهم السالفة ..

http://www.raya.com/site/topics/printArticle.asp?cu_no=2&item_no=334286&version=1&template_id=20&parent_id=19

وأكيد إنك شفت المواضيع .. اللي في المنتدى للقطريين اللي يبغون وظائف وصار لهم سنين في بيوتهم

تحياتي

بنت سيف

[بنت سيف]

الله كريم

لكل .....دولة وزمان

الله يعين ..



تحتر أو ما تحتر

لما تلاقي واحد ما يسوى

وواحد كل القوانين القانونية والبشرية والإنسانية تنظبق عليه وساحبين عليه سيفون ولا كانه موجود :victory:

للظلم أشكال ..


لا حول ولا قوة إلا بالله



بنت سيف

[بنت سيف]

اكيييد باحتر..
اذا كان التطنيش..
بس لي ..من بد كل الباقين..انا وحدي!

غيره..باعذره..خاصة
لما اشوف كل ردوده
و اسلوبه في ادارة..موضوعه..
و/او..مواضيعه!

صحيح ..

لكن في جهد مبذول في الرد ..

وحتى لو طنش مجموعة .. مب شخص ..

تصير الحرة أكبر

ولا شرأيك

بنت سيف

[الأصيلة]

احتر
لما اروح للديوان الاميري على شان مساعدة الزواج الى مو راضين يعطوني اياهاه

بيعطونك يا اخوي
لكن شوف من الشخص اللي معرقلها ..لأهداف شخصية يمكن ....
لو على راعي الديوان كان من اول ماقدمت بيعطيك
لكن السالفة عند اللي تحت راعي الديوان...!!!
الله يعينكم بس....


موضوع راقي كـ رقيك أختي بنت سيف
ولي عودة...

[بلوتنيوم]

مب القصد إنك تحتر من طباعتي ..

ساعات الأخطاء مطبعية ..

لكن لو جات إملائية بإصرار .. هني لازم تحتر ..( عادي ممكن اصفط لك لسته .. بتعور العين قبل القلب)

ولا لغوية .. عاد بيكون الخطأ فادح ..



محد قال إنك من أي نوع ..

لكن ساعات الواحد يجتهد ويحط رد من قلبه .. بغرض إثراء الموضوع

ويقوم كاتب الموضوع بعدم الرد عليه نهائيا ..

لو أنت مكان هالشخص بتحتر ولا لأ ..

تحياتي

بنت سيف

مدري بس حسيت التنبيه للخطأ المطبيعي جرنا لامور ثانية بعيده عن صلب الموضوع
وانا احمل نفسي المسئولية
اعذروني :(

[عابر سبيل]

صحيح ..

لكن في جهد مبذول في الرد ..

وحتى لو طنش مجموعة .. مب شخص ..

تصير الحرة أكبر

ولا شرأيك

بنت سيف


لو هالشكل..
فما بيكون فيه شي اسمه
للغير..التمس العذر..
و في السنّة..
موب عذر و احد الي نتخذه له
و لا سبعه..
بس..نخليهم 70 عذر!
*
*
،،
عموما..الفكرة اوضحت من اول الموضوع
بس حبينا..نقللب المسألة من كل جوانبها

و اتمنى..انها تفيد..في تخفيف
شيء من (الحرة)..

اسإلج..
للحين انتي محترة..
و لا لأ!

[عابر سبيل]

مدري بس حسيت التنبيه للخطأ المطبيعي جرنا لامور ثانية بعيده عن صلب الموضوع
وانا احمل نفسي المسئولية
اعذروني :(


لا تصير حساس بزيادة
يا عوين امك..

يا الألمعي
انا سألتك و انت طنشت لي..
بعد اعذرك و احترمك و احبك:secret:

بس.. هي احترت بزيادة مني..
طيب..انا ايش ذنبي:(

[بنت سيف]

بيعطونك يا اخوي
لكن شوف من الشخص اللي معرقلها ..لأهداف شخصية يمكن ....
لو على راعي الديوان كان من اول ماقدمت بيعطيك
لكن السالفة عند اللي تحت راعي الديوان...!!!
الله يعينكم بس....


موضوع راقي كـ رقيك أختي بنت سيف
ولي عودة...

حياج الله الأصيلة ..

وشكرا لمرورك الجميل .. كعادتك

بنت سيف

[بنت سيف]

مدري بس حسيت التنبيه للخطأ المطبيعي جرنا لامور ثانية بعيده عن صلب الموضوع
وانا احمل نفسي المسئولية
اعذروني :(

بالعكس أخوي ..

مطلوب التنبيه دوماً .. سواء خطأ مطبعي أو إملائي أو لغوي ..

لأن تصحيح الأخطاء .. يساعد كثيراً على الكتابة ..

في كثير من الحالات .. الواحد يتعلم شيء جديد ..

وهنا تأتي الإفادة والاستفادة ..

وأنا أشكرك بجد على النقطة هذي تحديدا ..

ونرجو من الجميع عدم التحرج من ذكر الأخطاء ..
وعدم الزعل .. إذا حد ذكرها لهم .. لأن فيه مصلحة طيبة

شكرالك

بنت سيف

[بنت سيف]

لو هالشكل..
فما بيكون فيه شي اسمه
للغير..التمس العذر..
و في السنّة..
موب عذر و احد الي نتخذه له
و لا سبعه..
بس..نخليهم 70 عذر!
*
*
،،
عموما..الفكرة اوضحت من اول الموضوع
بس حبينا..نقللب المسألة من كل جوانبها

و اتمنى..انها تفيد..في تخفيف
شيء من (الحرة)..

اسإلج..
للحين انتي محترة..
و لا لأ!

لا مب محترة ..

ما أدري ليش متصور إني محترة ..

هي مجرد نقطة .. تثير زعل البعض

وحبيت أنوه بها

وأشكرك على التأكيد

بنت سيف

[بلوتنيوم]

لا تصير حساس بزيادة
يا عوين امك..

يا الألمعي
انا سألتك و انت طنشت لي..
بعد اعذرك و احترمك و احبك:secret:

بس.. هي احترت بزيادة مني..
طيب..انا ايش ذنبي:(

ماطنشت :secret:
بس الرسالة كانت مرمزه لصاحبة الموضوع
ليش تمسحون عليها بالحبر السري
وتكشفون المحتوى والمضمون
عموما الموضوع ما اشوفه يستحق كل هالضجة
انا كنت حابب انبه على الخطأ بحسن نيه
وماحبيت اخترق الرسائل الخاصة علشان موضوع صغير بهذا الحجم
فقلنا نبعث لها التنبيه قدام الملأ بس مرمز :omen2:
لكن للاسف
طلع الحبر السري مغشوش
عموما نرجع لصلب موضوعنا ونقول
وش يحرك بعد ايها المواطن
وايها المقيم
:omen2:

احتر اذا شفت سيارة تكسر اشارة شرطي المرور وتطنشه
احتر اذا شفت امرأة شابة او عجوز او رجل شايب ينطر في طابور وقدامه رجال شباب وماعندهم ذوق يعطونهم الدور
احتر اذا رحت اخلص معاملة في وزارة وكان الموظف مش موجود
احتر اذا فتحت تلفزيون قطر وحصلت اغنية من مهرجان الاغنية بالدوحة
احتر اذا كنت بالصالة والى قبلي ما مسح الجهاز لما يخلص

ياكثر ما احتر
ومتهرب من الكشف الطبي اتوقع عندي السكري والضغط وتصلب الشرايين:anger1:

[بصمة قطرية]

احتر ..
لما اروح مستشفى خاص ويسألوني عن التأمين الصحي ..
وأقول ماعنــدي ..!!!
لأني قطــري ..:weeping:

أحتر ..
لما أنذل في تسجيــل عيالي في المــدارس المستقلة ..
الله يرحم أيام المدارس الحكومية ..
لاتعب ولا عوار راس ..:anger1:

أحتر لما يتدني مستوى التعليم وتفشل سياسة المدارس المستقلة
فشل ذريــع ومع ذلك عمموها على كل المدارس ..
ولا براضيين يعترفون بفشلها ..:secret:


والمسلسل يستمر ....

[تحداني]

أحتر
من الأشخاص السلبيين في كل شئ
من الشخص الذي يعيش بلا هدف
من شخص لا يملك أدب الإستماع
من الحوار بصوت مرتفع
من تفسير بعض الرجال " معنى القوامة " بطريقه تسئ لهذا الدين
من عدم إحترام سواقه المرأه


أحتر

من موظف لا يعرف سبب وجوده في المؤسسه التي يعمل بها
ومن موظف يعطل مصالح الناس

أحتر
من التعليمات والقرارات التي يتم رصها ويجب علي تنفيذها دون نقاش
من شخص فضولي


أحتر
من هؤلاء الذي يعاملون الغير بتكبر وكأنه خلق من ذهب والآخرين خلقوا من ورق
من الذي يكذب ونكتشف كذبه ويصر على الكذب

احتر
من الفتاه التي تعتقد ان طلباتها يجب ان تنفذ في حضره الرجال
من الجرأه في معاملتها مع الرجل
من وقاحتها عندما يتعدى أدبها نبره الإحترام


أحتر
من الامبالاه .. الإستهتار ..

احتر
لما أدخل سينما أشوف فلم .. ومن خلفي يجبرني على مغادره المكان

احتر
من معامله بعض الأهالي للأطفال على إنهم أغبياء
يكذبون عليهم .. يصرخون في وجههم .. يعاملونهم بقسوه وكأنهم ولدوا كبار


بنت سيف وايد أشياء تحرني



جملك الله برضى الرحمن

[المتألق]

تحتر ولا .. لأ
لما يصرح عضو مجلس البلدية في موضوع عن حديقة الحيوان أمس في الجريدة .. في أحد تعليقاته ..
وجود حديقة في منطقة سكنية خطر ..
( على أساس إن الحيوانات بتشرد من الحديقة .. أو الحديقة مشت ووقفت في المنطقة السكنية مب العكس هو الصحيح)


ياليت توضحين لنا اكثر هالنقطه لاني مافهمتها ..!!

[بنت سيف]

ماطنشت :secret:
بس الرسالة كانت مرمزه لصاحبة الموضوع
ليش تمسحون عليها بالحبر السري
وتكشفون المحتوى والمضمون
عموما الموضوع ما اشوفه يستحق كل هالضجة
انا كنت حابب انبه على الخطأ بحسن نيه
وماحبيت اخترق الرسائل الخاصة علشان موضوع صغير بهذا الحجم
فقلنا نبعث لها التنبيه قدام الملأ بس مرمز :omen2:
لكن للاسف
طلع الحبر السري مغشوش
عموما نرجع لصلب موضوعنا ونقول
وش يحرك بعد ايها المواطن
وايها المقيم
:omen2:

احتر اذا شفت سيارة تكسر اشارة شرطي المرور وتطنشه
احتر اذا شفت امرأة شابة او عجوز او رجل شايب ينطر في طابور وقدامه رجال شباب وماعندهم ذوق يعطونهم الدور
احتر اذا رحت اخلص معاملة في وزارة وكان الموظف مش موجود
احتر اذا فتحت تلفزيون قطر وحصلت اغنية من مهرجان الاغنية بالدوحة
احتر اذا كنت بالصالة والى قبلي ما مسح الجهاز لما يخلص

ياكثر ما احتر
ومتهرب من الكشف الطبي اتوقع عندي السكري والضغط وتصلب الشرايين:anger1:

أخوي

حسن النية .. موجود ..

والخطأ .. في الكتابة شيء وارد ..

انا ما زعلت ..

وأخونا عابر سبيل كان يبغي يعرف الغلطة اللي علي .. عادي ..

**

أما حراتك .. فهي في مكانها .. واتفق معاك ..

القوانين والطابور .. وتنظيف الجهاز ..

كلها شغلات ممكن البعض يعتقد إنها بسيطة ..
لكنها في الحقيقة ممكن ترفع الضغط ..

الحقيقة مراعاة شعور الاخرين واحترامهم .. المفروض يكون أمر عادي ..
لكن البعض الله يهداهم .. ما يفكر إلا في نفسه ..

تحياتي

بنت سيف

[بنت سيف]

احتر ..
لما اروح مستشفى خاص ويسألوني عن التأمين الصحي ..
وأقول ماعنــدي ..!!!
لأني قطــري ..:weeping:

أحتر ..
لما أنذل في تسجيــل عيالي في المــدارس المستقلة ..
الله يرحم أيام المدارس الحكومية ..
لاتعب ولا عوار راس ..:anger1:

أحتر لما يتدني مستوى التعليم وتفشل سياسة المدارس المستقلة
فشل ذريــع ومع ذلك عمموها على كل المدارس ..
ولا براضيين يعترفون بفشلها ..:secret:


والمسلسل يستمر ....

نعم المسلسل مستمر ..


عليج بالكركدية .. وشراب الرمان ..

تحياتي

بنت سيف

[بنت سيف]

أحتر
من الأشخاص السلبيين في كل شئ
من الشخص الذي يعيش بلا هدف
من شخص لا يملك أدب الإستماع
من الحوار بصوت مرتفع
من تفسير بعض الرجال " معنى القوامة " بطريقه تسئ لهذا الدين
من عدم إحترام سواقه المرأه


أحتر

من موظف لا يعرف سبب وجوده في المؤسسه التي يعمل بها
ومن موظف يعطل مصالح الناس

أحتر
من التعليمات والقرارات التي يتم رصها ويجب علي تنفيذها دون نقاش
من شخص فضولي


أحتر
من هؤلاء الذي يعاملون الغير بتكبر وكأنه خلق من ذهب والآخرين خلقوا من ورق
من الذي يكذب ونكتشف كذبه ويصر على الكذب

احتر
من الفتاه التي تعتقد ان طلباتها يجب ان تنفذ في حضره الرجال
من الجرأه في معاملتها مع الرجل
من وقاحتها عندما يتعدى أدبها نبره الإحترام


أحتر
من الامبالاه .. الإستهتار ..

احتر
لما أدخل سينما أشوف فلم .. ومن خلفي يجبرني على مغادره المكان

احتر
من معامله بعض الأهالي للأطفال على إنهم أغبياء
يكذبون عليهم .. يصرخون في وجههم .. يعاملونهم بقسوه وكأنهم ولدوا كبار


بنت سيف وايد أشياء تحرني



جملك الله برضى الرحمن

تحداني الزمن ..

الله المستعان ..

وكل ما ذكرتيه يقهر ..

تعرفين .. أحس إن فيه ناس تتصرف بطرق تحر الاخرين من غير ما يقصدون ..

وقراءة الأمور اللي تحر بعضنا .. فيها توضيح لهم .. وتساعدهم على تجنب ما يغيظ الآخرين


شكرا لإثراءج الموضوع

تحياتي


بنت سيف

[Qatarianes]

احتر
لما اروح للديوان الاميري على شان مساعدة الزواج الى مو راضين يعطوني اياهاه

احتر لما يقولون تعال الاسبوع الياي وتروح يقولون تعال بعد شهر
احتر لما اروح بعد شهر يقولون تعال بعد اسبوع وتستمر المصخره اهناك
واخيراً احتر لما اقدم من سنه ونص على مسادعة زواج ويجي موظف ملامحه موزمبيقيه ويقول الشيخ انت مب مساعدة زواج, طالبين شهادة الزواج يقزون اسم مرتي مثلا؟
حسبنا الله ونعم الوكيل

[بنت سيف]

تحتر ولا .. لأ
لما يصرح عضو مجلس البلدية في موضوع عن حديقة الحيوان أمس في الجريدة .. في أحد تعليقاته ..
وجود حديقة في منطقة سكنية خطر ..
( على أساس إن الحيوانات بتشرد من الحديقة .. أو الحديقة مشت ووقفت في المنطقة السكنية مب العكس هو الصحيح)


ياليت توضحين لنا اكثر هالنقطه لاني مافهمتها ..!!

أخوي المتألق ..

حديقة الحيوان .. أنا من الناس اللي ضد إنشاءها في المقام الأول .. في أي مكان في العالم ..

لأن الهدف منها استعبادي بحت ..

ولذلك أقرأ الكثير وابحث في موضوعها .. وللحين ما عرفت الهدف من انشاءها ..

ناس تقول الهدف ترفيهي .. وخل اليهال يستانسون ..

وناس تقول معلوماتي ..

لكن الحقيقة هي سجن .. للحيوانات ..

والمعرفة والمعلومات ممكن تتم عن طريق القنوات التعليمية مثل ديسكفري وناشيونال جيوغرافيك وغيرها ..

لأني لم أفهم الحكمة .. من إبعاد حيوان عن موطنه الاصلي .. علشان ينحبس في قفص والناس تشوفه .. واليهال يستانسون عليه ..

مثلا .. الأسد أو النمر أو الفيل أو الزرافة او حمار الوحش أو الدب .. مواطنهم مش الخليج العربي .. كل منهم له بيئة خاصة يعيش فيها ..

العذر .. إيش من حبسه .. ؟ نتعلم عنه ونعرف؟
ممكن أن يتم ذلك عن طريق التلفزيون والقنوات العلمية ..

وعندي الكثير ما أقوله ضد إنشاء حديقة حيوان

**

النائب في المجلس البلدي .. يبغي الحديقة أن ينالها التطوير ..
وتنقل من مكانها .. لأن في رايه تشكل خطورة على المنطقة السكنية اللي هي فيها ..

وأنا اقول .. بدل ما يحط أسباب .. لتطويرها ..
ونقلها .. (مع العلم الحديقة موجودة من ستينيات القرن الماضي .. في وسط البر.. والمناطق السكنية هي زحفت حواليها)

وبدال ما يقول كلامي منطقي .. في مسألة تطويرها .. يقول كلام ما يدخل العقل ..

يعني كيف تشكل حديقة الحيوان خطورة .. الحيوانات الخطرة مثلا بتطلع تتمشى في المناطق السكنية ..

أنا حارررني المنطق ورا طلب النائب .. والجرائد تنشر

وسلامتك

بنت سيف

[الأصيلة]

أحتر من كل ام أو أب
يعاملون عيالهم بقسوة ويسمعونهم الشتائم وقد يعتدي عليهم بالضرب
أمام الأطفال الآخرين
مما يؤثر على شخصيته وثقة الطفل بنفسه...
ولما يكبر الولد يقولون تعبّنا والله وما ينفع بشيء..
طيب من اللي خلاه يوصل لـ ها الحال مب معاملة أبويه له..
ليتهم بس يفقهون...!!!

أحتر لما يستحل الموظف أموال الناس التي بين يديه
فيسيل لعابه عليها ويغريه الشيطان فيأخذها خلسه بعيدا
عن عيون الناس قريبا من عيون الله التي لاتنام...
ألا يخاف يوما تتقلب فيه الأبصار...
وتتناثر الصحف ...
وللنبي صلى الله عليه وسلم وصاية تنهى عن أكل أموال الناس بالباطل ،
منها قوله:
( من أخذ من الأرض شيئا بغير حق خسف به يوم القيامة إلى سبع أرضين )
ويحذر النبيء صلى الله عليه وسلم من أكل مال الحرام بقوله:
(كل لحم نبت من سحت فالنار أولى به ).

[بنت سيف]

أحتر من كل ام أو أب
يعاملون عيالهم بقسوة ويسمعونهم الشتائم وقد يعتدي عليهم بالضرب
أمام الأطفال الآخرين
مما يؤثر على شخصيته وثقة الطفل بنفسه...
ولما يكبر الولد يقولون تعبّنا والله وما ينفع بشيء..
طيب من اللي خلاه يوصل لـ ها الحال مب معاملة أبويه له..
ليتهم بس يفقهون...!!!

أحتر لما يستحل الموظف أموال الناس التي بين يديه
فيسيل لعابه عليها ويغريه الشيطان فيأخذها خلسه بعيدا
عن عيون الناس قريبا من عيون الله التي لاتنام...
ألا يخاف يوما تتقلب فيه الأبصار...
وتتناثر الصحف ...
وللنبي صلى الله عليه وسلم وصاية تنهى عن أكل أموال الناس بالباطل ،
منها قوله:
( من أخذ من الأرض شيئا بغير حق خسف به يوم القيامة إلى سبع أرضين )
ويحذر النبيء صلى الله عليه وسلم من أكل مال الحرام بقوله:
(كل لحم نبت من سحت فالنار أولى به ).



مرحبا الأصيلة ..

سوء معاملة الوالدين لأطفالهم أمام الآخرين .. شيء يقهر ..

وتدليعهم الزايد .. دون وضع اعتبار للحضور .. بعد شي يحر ..

شكرا عزيزتي لمشاركتج ..

تحياتي



بنت سيف

[شيط ويط]

.


لأ


.

[عسولة]

احتر اذا الأجنبي هو الأساس وأحنا ولالالالالالالالالالا شي ؟؟؟؟

[حليتان*]

احتر لما اتكلم عن شي ويكذبوني :(


من كم يوم اتصلت وطني الحبيب صباح الخير اشتكي على مقصف المدرسه
ان الاكل يابس والمقصف فيه حشرات :(
بعد يومين من الشكوى رد مدير المدرسه بفاكس للبرنامج يقول ان المقصف نظيف
والاكل حسب المتطلبات الصحيه :(
على الاقل خل يقول تم حل بعض الامور والباقي تحت التنفيذ <<<لان هذا هو الصحيح والاقرب للحقيقه

والمشكله ان لا البرنامج والمجلس الاعلى ردو كلموني عشان يتاكدون :(

الله كريم

[نورالهدى]

أنا صار معي الضغط من الحره
وخسرت صحتي

ولكن وكلت أمري لله عز وجل فله حكمة لا نستطيع أن نعترض عليها

أحتر لما أشوف البنات والحريم مستهترين بحجابهم
بصراحه وبدون زعل أحتقرهم وأشمئز منهم
عبالها حلوه وكيوت مع الشيله اللي نص شعرها طلع
والا الميك أب كنها رايحه حفله أو عرس

أحتر لما يكون إنسان سيء والناس شايفته ملاك

أحتر لما أشوف ناس قاعده تنصب باسم الدين

أحتر لحقوقي اللي ضاعت وأنا قاعده مكتوفة اليدين


وأحتر وأحتر وأحتر


ما أقول غير حسبي الله ونعم الوكيل

[الـقـاسـي]

والله يابنت سيف نحتر ونحترق وننشوي لما نشوف الاهمال لعيال البلد والاعتاد الكلي على غيرهم على الاقل لو في تاسيس حق الاجيال القادمة بنقول معليه البلا ضيعوا الجيل الحالين يهدمون الجيل الجديد ..

مايبون لعيال البلد اي اعتبار يبون يسرحون ويمرحون على كيفهم ..

[غلا زايد]

تحتر ولا .. لأ
.. لما تعلن شركة كبيرة مثل "ناقلات" أن الربح السنوي على السهم نص ريال ..
إن السهم .. اللي بالمنطق سعره لازم يفوق الـ100 ريال .. سعره اليوم 19 ريال وكسور ..





لا تزيدين المواجع والله حرقت قلب خليها على الله وانا اختج

[بنت سيف]

.


لأ


.


عادي .. متوقع


بنت سيف

[بنت سيف]

احتر اذا الأجنبي هو الأساس وأحنا ولالالالالالالالالالا شي ؟؟؟؟

معاج حق .. واتفق في الرأي


بنت سيف

[بنت سيف]

احتر لما اتكلم عن شي ويكذبوني :(


من كم يوم اتصلت وطني الحبيب صباح الخير اشتكي على مقصف المدرسه
ان الاكل يابس والمقصف فيه حشرات :(
بعد يومين من الشكوى رد مدير المدرسه بفاكس للبرنامج يقول ان المقصف نظيف
والاكل حسب المتطلبات الصحيه :(
على الاقل خل يقول تم حل بعض الامور والباقي تحت التنفيذ <<<لان هذا هو الصحيح والاقرب للحقيقه

والمشكله ان لا البرنامج والمجلس الاعلى ردو كلموني عشان يتاكدون :(

الله كريم

الله المستعان ..

بالفعل .. لما يكون في تجاهل من الجهات المختصة .. لقضية حاصلة ..

يصير شي يحر

بنت سيف

[بنت سيف]

أنا صار معي الضغط من الحره
وخسرت صحتي

ولكن وكلت أمري لله عز وجل فله حكمة لا نستطيع أن نعترض عليها

أحتر لما أشوف البنات والحريم مستهترين بحجابهم
بصراحه وبدون زعل أحتقرهم وأشمئز منهم
عبالها حلوه وكيوت مع الشيله اللي نص شعرها طلع
والا الميك أب كنها رايحه حفله أو عرس

أحتر لما يكون إنسان سيء والناس شايفته ملاك

أحتر لما أشوف ناس قاعده تنصب باسم الدين

أحتر لحقوقي اللي ضاعت وأنا قاعده مكتوفة اليدين


وأحتر وأحتر وأحتر


ما أقول غير حسبي الله ونعم الوكيل

الله يعين الجميع ..

المشكلة لو الواحد منا انقهر بالفعل بيمرض ..

ولو تجاهل السالفة وسكت .. يصير ما عنده إحساس ..

والحل بين الاثنين .. لكن كيف..؟

شكرا لمرورك الطيب

بنت سيف

[نمر بن عدوان]

بصراحه ماحتر ابدا والسبب ان هناك اشياء ثانيه اتمتع فيها انا المواطن محد في العالم يتمتع فيها .

الكمال مستحيل الا في الجنه ومن يبحث عن الكمال في الدنيا بيتعب .

[بنت سيف]

والله يابنت سيف نحتر ونحترق وننشوي لما نشوف الاهمال لعيال البلد والاعتاد الكلي على غيرهم على الاقل لو في تاسيس حق الاجيال القادمة بنقول معليه البلا ضيعوا الجيل الحالين يهدمون الجيل الجديد ..

مايبون لعيال البلد اي اعتبار يبون يسرحون ويمرحون على كيفهم ..

اتفق معاك ..

إحساسي بالخسارة القادمة .. للجيل الحالي مؤلمني جداً ..

الله يعين

بنت سيف

[بنت سيف]

تحتر ولا .. لأ
.. لما تعلن شركة كبيرة مثل "ناقلات" أن الربح السنوي على السهم نص ريال ..
إن السهم .. اللي بالمنطق سعره لازم يفوق الـ100 ريال .. سعره اليوم 19 ريال وكسور ..





لا تزيدين المواجع والله حرقت قلب خليها على الله وانا اختج

اتكلي على الله ..

والحمدلله على كل حال


بنت سيف

[العـوا]

احترم وايييييد بس اخاف يجنا ضغط من كثر الحرة

مشاركه مميزه اختي الى الامام

[بنت سيف]

بصراحه ماحتر ابدا والسبب ان هناك اشياء ثانيه اتمتع فيها انا المواطن محد في العالم يتمتع فيها .

الكمال مستحيل الا في الجنه ومن يبحث عن الكمال في الدنيا بيتعب .

لا ننكر أن الإيجابيات كثيرة للمواطن ..

ولا ننكر أن الوضع أفضل بكثير من دول العالم ..

ولكن نستنكر .. كثير من الأمور غير المنطقية .. في سياسة توظيف المواطنين مقابل توظيف غير المواطنين ..

شكرا لمرورك

بنت سيف

[بنت سيف]

احترم وايييييد بس اخاف يجنا ضغط من كثر الحرة

مشاركه مميزه اختي الى الامام

الله يعين الجميع ..

شكرا لك

بنت سيف

[فداك يا أقصى]

شكرا على الموضوع الجريء بصراحة دستي على الجرح أنا احتر لما أخسر قضيتي في المحكمة اللي ضامنها مية المية اني باكسبها لأني مظلوم مع ان الأدلة واضحة وضوح الشمس لكن ارضاء للأجنبي خسرت القضية وراحت علي حقوقي اللي استحقها شي يقهر:anger1::weeping:

[طلعة الروح]

احتر لما مديرتي ومدير مديرتي اجانب
لانه مافي تقطير حقيقي لو وجد تقطير فهو تقطير سلبي
بمعنى تطفيش الموظف المواطن بكل الطرق الممكنه
وهم يقعدون بالسنين عالكرسي لين يبرد خاطره والمواطن بالكثير سنة او سنتين
ويتم يتنقل من مكان لي مكان فالدوله لانه ببساطه لا يوجد دعم
حقيقي لوجوده.................

[ZURICH]

تحتر ولا .. لأ
نعم إذا الدولة تكفلت بإنشاء مبنى كبيربــ 50 مليون يضم خدمات متميزة للمواطنين والمقيمين وفي الأصل التكلفة ماتوصل 20 مليون وبعد اربع شهور من الإفتتاح يتهالك المبنى وتتصدع الطوف وينزل المطر وتتضح الصورة وتحترق الكيابل الارضية للكهرباء ويتعطل الشغل وتتعطل معاملات الناس



واحتر ليش ماأحتر ..

لما اشوف شباب مواطنين يقدمون على لجنة الزواج من خارج الدولة


ويشغل الواسطة وماعندة أي مشكـــلة ينتظر ثلاث سنوات للموافقـــة

والبنات في كل بيت في هالديرة ماعليهم قاصر ..




:

:

:

:

:

:


حال البنات إذا سمعموأ بالمعرس

http://im1.gulfup.com/2010-11/12895594271.gif (http://www.gulfup.com/)

[بنت سيف]

شكرا على الموضوع الجريء بصراحة دستي على الجرح أنا احتر لما أخسر قضيتي في المحكمة اللي ضامنها مية المية اني باكسبها لأني مظلوم مع ان الأدلة واضحة وضوح الشمس لكن ارضاء للأجنبي خسرت القضية وراحت علي حقوقي اللي استحقها شي يقهر:anger1::weeping:

الله يعوضك خير ..

ويصبرك ..

بنت سيف

[بنت سيف]

احتر لما مديرتي ومدير مديرتي اجانب
لانه مافي تقطير حقيقي لو وجد تقطير فهو تقطير سلبي
بمعنى تطفيش الموظف المواطن بكل الطرق الممكنه
وهم يقعدون بالسنين عالكرسي لين يبرد خاطره والمواطن بالكثير سنة او سنتين
ويتم يتنقل من مكان لي مكان فالدوله لانه ببساطه لا يوجد دعم
حقيقي لوجوده.................

كلام صحيح ..

وموجود في كثير من المؤسسات والشركات

وخاصة اللي لها علاقة بالبترول

الله يعين

بنت سيف

[بنت سيف]

تحتر ولا .. لأ
نعم إذا الدولة تكفلت بإنشاء مبنى كبيربــ 50 مليون يضم خدمات متميزة للمواطنين والمقيمين وفي الأصل التكلفة ماتوصل 20 مليون وبعد اربع شهور من الإفتتاح يتهالك المبنى وتتصدع الطوف وينزل المطر وتتضح الصورة وتحترق الكيابل الارضية للكهرباء ويتعطل الشغل وتتعطل معاملات الناس



واحتر ليش ماأحتر ..

لما اشوف شباب مواطنين يقدمون على لجنة الزواج من خارج الدولة


ويشغل الواسطة وماعندة أي مشكـــلة ينتظر ثلاث سنوات للموافقـــة

والبنات في كل بيت في هالديرة ماعليهم قاصر ..




:

:

:

:

:

:


حال البنات إذا سمعموأ بالمعرس

http://im1.gulfup.com/2010-11/12895594271.gif (http://www.gulfup.com/)

الحرات وايد ..

والبنية التحتية .. في كثير من الأماكن .. تعاني من نفس المشكلة .. تكاليف عالية ..
ومواصفات سيئة ..

الشباب والبنات .. الله يعينهم على أمور الزواج ..

واحتر ازيد .. لما الواحد بالزور يدبر أموره للزواج بسلف ودين .. وتجيك عروسته تسوي عرس .. بذاك البذخ من الزين ..

ما في اتزان ..

بنت سيف

[MAZEN37]

الصبر زين

[جاسم911]

احتر واموت من القهر
لما يلف علي هندي ويبطل الدريشه ويسب

هاههاهاهاهاهاهاهاي

قام سوقهم عندنا

[الرهيبه]

تسلمين اختي عالموضوع وصج المواضيع الي ذكرتيها تحر

[Right]

حال البنات إذا سمعموأ بالمعرس

http://im1.gulfup.com/2010-11/12895594271.gif (http://www.gulfup.com/)



بل هذا حال البنات إذا سمعوا بالمعرس :eek5:

صورة تموت من الضحك :nice:

حوران ماااااااااااااااااااااااالك حل