رقم خطيييييييييييييييييييييير

[على قد حالها]

:p السلام عليكم يأهل الدوحة الطيبين

في البداية أطلب انكم توسعون صدوركم معاي ولاحد يتضايق من الكلام اللي يقراه ، لأن هاي رأيي الشخصي وحبيت أعرف من منكم يشاركني هالراي والا أنا بروحي اللي تفكيري عكس الناس.

طبعاً مافهمتوا شي من هالمقدمة الطويلة ، على العموم الموضوع هو عن لوحات السيايير اللي تنباع بعشرات الالوف وأحياناً مئات الألوف !!!!!!!!!!!!!!! ودي حد يقولي ليييييييييييييييييييييييييييييييييييييييش :confused: شنو الهدف لما الواحد يشتري رقم بهالمبلغ ؟ يعني لما نقول نشتري سيارة قيمتها 200 أو 300 ألف أو حتى نص مليون الواحد ممكن يقتنع لأنها سيارة بيستخدمها ويسوقها ويستخدم المواصفات العالية اللي فيها . لكن تقولي رقم سيارة يتعلق على السيارة من برع (يعني حديدة وعليها رقمين أو ثلاثة ) بهالمبلغ مب حرام ؟؟؟؟ (المشكلة أحياناً سعر الرقم يعادل سعر السيارة إذا ماكان أكثر ) :looking: يعني لو شي بيعود عليه بفايدة معلش، لكن من وجهة نظري الشخصية جدا أعتقد إن الفايدة والهدف بس عشان لما الناس يشوفون رقمه يقولون شوف هالرقم خطيييييييييييييييييييير مادري بكم مطلعه وإذا في هدف غير هاي وأنا غشيمة ومب عارفته افيدونا افادكم الله.


والسموحة من الكل :o

[فقط قطر]

وجهة نظر......جديرة بالاحترام

[لمت داون111]

وعليكم السلام يابنات الدوحه الطيبات !

مثل ماقلتي اختي هالشي لمجرد لفت النظر والارقام كانت قبل ثلاث واربع سنوات مايسوون شي والله كان عندي 33331 وبعته ب 15 الف تصوري ؟ وهالكلام كان سنه 2002 وهالسعر كان عالي جدا علي هالرقم حزتها وانا بايعه علي واحد علي اساس اني الحين استفدت من وراه ونصبت عليه ! وانا ماخذه من الديوان بس مادريت انه بيجي يوم بنشوف مغفلين واجد وخفاف عقل يشترون هاللوحات الحديد بمئات الالوف ؟ ولا كان خميت كل اللوحات بو 500 من المرور وجان الحين مليونير :) عموما الله يهديهم جميعا والله يطول بعمر بومشعل لانه لولاه جان ماشافو هالخير كله لدرجه انه بعضهم ماقامو يعرفون شيسون في بيزاتهم !
بس انتي ليش معوره قلبج فيهم اختي ؟! اتركيهم عنج وهم بيكيفهم وبيجيهم يوم بيعرفون انه الله حق وانه القرش الابيض ينفع في اليوم الاسود !
ولو كل واحد فينا مشي علي المثل الي يقول ( مد ريولك علي قد لحافك ) جان مانترست سجون الدوحه من المديوينين !

الله يطول بعمرك يابومشعل ويحفظك ذخر لنا يارب :)
ويعطيج العافيه اختي

[الغـــيور]

اختي كلامج وكلام الإخوان على العين والراس بس الي صاير هالأيام

إن الأرقام صارت سوق نفس الأسهم يعني بالأمس انباع رقم اخونا لمت داون ب 15000 الف

اليوم ينباع بأكثر من 150000 الف يعني زاد عالمبلغ صفر.

ونقدر نقول ((مصائب قومٍ عند قوم فوائدُ))

يعني واحد ربج فاتحها عليه يبي يبطر وياخذ رقم بالسعر الفلاني هذي مانقدر نسميها مصيبه

بس الطرف الثاني حالته لله ومو محصل شي باع هذي الحديده وقدر يكون نفسه ويساهم

وحالتها والحمد لله تحسنت 360 درجه ولا تقولي اني مبالغ والله هذي صارت وايد.

وفي الأخير اقول المصيبه ان الشخص يحط على روحه ديون عشان المظاهر

لكن الي ربي فاتحها عليه الله يزيده وما نلومه إلا إذا بالغ في المظاهر.

ودمت بود

[لمت داون111]

صحيح كلامك اخوي الغيور واعرف ناس وايد تبطرو من ورا الهوامير الي يشترون الارقام بمئات الالوف وهذا فعلا صار لناس مقربين لي ! ولد عمتي كان عنده رقم ثلاثي شاريه ب5 الاف من المرور ومنزله علي سيارته وتوه بايعه من كم شهر بـ 240 ألف ! سدد ديونه وشراله اسهم وسافر واستانس كله من ورا الي شرا رقمه ! والحمدلله انفرجت عليه وقبلها كان عليه دين بمايقارب ال180 وكان نص معاشه يروح للبنك ويده منربطه ولا كان يقدر يسوي شي من الي ذكرته قبل ! والحمدلله علي كل حال
لكن بنفس الوقت الهدف الرئيسي من كلامنا انها حرام تشتري او تبيع لوحه حديد بمئات الالوف ! وعلي ماسمعت من كلام الشباب انه القرضاوي محرم هالشي ( بعيد عن ذمتي ) بس هذا الي سمعته
ولكن بصراحه ما بالبيد حيله دام كل واحد جا وقال هذي ( هوايه وكشخه ) وعلي اساس انه رقع علي الفتوي ! شتقوله هذا ؟ الله يهديه ويهدينا جميعا وهو بالعقل اصلا حرام تحط هالمبالغ كلها في لوحه حديد ! انا مامانع الكشخه والهوايه علي قولت بعض الناس ولكن بمبالغ معقوله ماتتعدي ال10 الاف في نظري !

واشكرك علي المداخله الرائعه اخي الغيور :)

[M O 7 A M M E D]

باختصار مفيد هذي تجارة

(( التجارة شطارة ))

[على قد حالها]

الله يعطيكم العافية اخواني على المرور والردود ، وهالشئ حرية شخصية لأن اللي يشتري الرقم بهالمبلغ محد جابره ولا ضاربه على يده إنه يشتري بس على قولتكم ناس من البطرة مايعرفون شيسوون بالفلوس اللي الله منعم عليهم فيها وحتى لو ماكانت هالتجارة (حرام مثلا) عندنا عقل ونفكر فيه ونعرف وشو اللي يسوا واللي مايسوا !!!!!!!!!!!

ومشكورين