افا بس افا .. جهة حكوميه !!

[باسورد]

السلام عليكم ورحمة الله وبركاته

مساكم الله بالخير والسرور

افا بس افا .. جهة حكوميه قطريه ..

قبل اسبوع كنت في دولة الامارات العربيه المتحده

للاسف وانا اتصفح احد الصحف الاماراتيه تفاجئت باعلان

من جهة حكوميه قطريه طالبه موظفين للتوظيف ولا في اقسام طالبين شهاده متوسطه


اهل قطر وش فيهم اهل البلاد اولى في الوظايف وايد ناس يدورون وظايف مب محصلين

افا بس افا يعني لهل درجة ماعندنا كفائات وطنيه في بلادنا

وهذي صورة للاعلان

http://im1.gulfup.com/2010-11/12894074332.jpg

http://im1.gulfup.com/2010-11/12894074331.jpg

اوكيه في تخصصات يبون فيها خبره ,, عندنا شباب عندهم الموهبه والخبره ولو ماعندهم هاي

جهة حكوميه المفروض هم يوظفون الشباب ويعطونهم الخبره مب يدورون من برع !! اذا

ماوظفناهم من وين بتجيهم الخبره


للامانة منقووول

[البدع]

اتفق معاك

من واقع تجربة

[بصمة قطرية]

واضح من خلال التخصصات المطلوبة انها خاصة بالمسرح ..

مهندس اضاءة مسرحية
مهندس ديكور مسرحي ..
تقنيات مسرحية ..

إلخ ..
بعدين طالبين شهادة متوسطة ..

فعلاً شبابنا بالذات اللي ماعندهم شهادات اولى من غيرهم بالوظايف ..
بالذات اللي ماعندهم ثانوية مجال الوظيفة بالنسبة لهم ~ حلم ~
لأن حالياً من غير ثانوية انسى الوظيفة ,,

[الدوحه1]

احتمال الحي الثقافي او وزارة الثقافه !!!
بس فعلا تصرف غريب!! وين وزارة العمل عنهم؟؟

[MAZEN37]

ممكن عمل دورات تدريبيه وبتخرج طلاب كثير

[simsim1963]

شلون هالشكل ؟؟؟؟ خيانه

[R 7 A L]

لو شركة مساهمة او بنك كان هانت بس جهه حكومية


نتمنى ان يوصل هذا موضوع لرئيس مجلس الوزراء

[العـوا]

يمكن غير متوفرة بسوق المحلي

[غلا2022]

وش كثر شباب عندهم متوسط وماتقبل فيهم اي جهه الا العسكرية حرام عليكم خلوا دهنا في مكبتنا

[KABOOM]

اليوم جالس مع رجال

قطري عمره 25 محتاااااااااااج

مفي جيبه ريال ,, وكثار مثله

يقول والله خاطري اتوظف
اي شي , محتاج ماخليت حد
ماسمت وجهي له مايبون يوظفوني
كسر خاطري والله ماعرف شلون اساعده

الله المستعااااااااااااااااااااااااااااااااان

قسم بالله قهررررر

[بصمة قطرية]

اليوم جالس مع رجال

قطري عمره 25 محتاااااااااااج

مفي جيبه ريال ,, وكثار مثله

يقول والله خاطري اتوظف
اي شي , محتاج ماخليت حد
ماسمت وجهي له مايبون يوظفوني
كسر خاطري والله ماعرف شلون اساعده

الله المستعااااااااااااااااااااااااااااااااان

قسم بالله قهررررر


لا حول ولا قوة الا بالله ..:weeping:
قمة القهر بصراحة ..

شباب البلاد اولى ..:anger1::anger1:

[باسكن روبنز]

قعدت أفكر بآعذار لهالآعلان بس للآسف مافي! ،


صج هزلت ،

[بنت ابوها 19]

هاي جريدة بدبي


لووو تشوف الاعلانات الي بالجريده لبنانيه عيل شبتقووول


والله مره دخلت بحث بالغلط لمنتدي لبناني وكانو حتطين اعلان لشاغر باحدي الشركات الكبري بقطرررر بجريده لبنانيه




ليششششششششششش اعيالنا مب لهم الاحقيه ؟؟؟؟؟

[بـن عدوان]

طيب .. المفروض ناخذ ايميل الجهة ونخاطبها ..

نشوف الرد منهم ..

[الجوكر90]

اليوم جالس مع رجال

قطري عمره 25 محتاااااااااااج

مفي جيبه ريال ,, وكثار مثله

يقول والله خاطري اتوظف
اي شي , محتاج ماخليت حد
ماسمت وجهي له مايبون يوظفوني
كسر خاطري والله ماعرف شلون اساعده

الله المستعااااااااااااااااااااااااااااااااان

قسم بالله قهررررر
سهله
قوله كثر من الاستغفار
والله بيهونها عليك
وهم تصدق والله بفرجها عليك

[بدون]

لا حول و لا قوة إلا بالله العلي العظيم

[KABOOM]

ونعم بالله
صح كلامك
اخوي الجوكر

[الـقـاسـي]

عسى ماشر !!!!!!!!!!!!!!! توقيعي كلمات طلعت من خاطري وللاسف كل يوم اتاكد انها صحيحه

[باسورد]

لو كان عندنا برلمان ديمقراطي منتخب من الشعب كان الوزير على منصه الاستجواب

[سكرمر]

عنزه الفريق تحب التيس الغريب



بعدين يا شباب الحكومه فاهمه خطه التقطـيـر بالغلط عادي ترى

[بوطويشم]

السلام عليكم

جهة حكومية وطالبه مثل هالتخصصات مافي الا وزارة الثقافة

ما توقعت هالكره للقطرين من قبل هالجهه المذكورة سواء وزارة الثقافة أو غيرها

الله كريم

[ريم الشمال]

قطر صارت مثل البيت الي يطرد هله ويستقبل غيرهم
الخلل في من
في المسؤولين الي يصدرونهم ويوردوهم من هم تحتهم ويتصرفون بعلمهم او دون علمهم
كله عشان تجيبون ربوعهم وحبايبهم واسمتهم سو اعلان في الامارات بعد ما قفلت الامارات عليهم
وعيال البلد يدورون الشغل مو محصلين ............... من يرضي بلي يحصل في قطر
صارت ملفي مكان لتفريخ الخبرات حق زيد وعبيد يدربون عيالهم ويدرسونهم على حساب دولة قطر و هم في نهايه بغادرون البلاد بشهاداتهم
بدل ما ندرب عيالنا وبناتنا ونجعل التطوير والتدريب للقطري فقط

حسبي الله ونعم الوكيل
ملاحظه
انا مو عنصريه بس هذا حق وحق عيالنا وبناتنا ولو في بلادكم ما ستقبلتونا ولا دربتونا

ريم الشمال

[منارة الدوحة]

حسبي الله و نعم الوكيل

[thanked]

للاسف غطينا على عيــــــــــــــــــــــن عـــــذاري

[مهل]

لا حول ولا قوه الا بالله ، اعرف من صار لهم ٣ سنين جامعيين يبحثون عن وظيفه (من هل قطر) و اعرف قطريات جامعيات اظطرو يقدمون على وظايف بشهاداتهم الثانويه

صدقت ..... افا بس افا

[muraikhi77]

لا تستغربون كل شي جايز ، تبون تضحكون؟؟؟
قدمت من سنة ونص تقريبا على واحة العلوم والتكنولوجيا قبل افتتاحها الرسمي وحسب الاعلان في الجريدة .
اتصلت لي انجليزية وقالت عندك انترفيو في برج وزارة الاعمال ماخذين لهم مكتب في شقة .
رحت للمقابلة وتفاجأت انها في شركة توظيف عالمية مهمتها عمل مقابلات :) .

قلت لها انا ماقدمت عندكم ، والسيرة الذاتية بعثتها على ايميل رسمي للمؤسسة ، كيف وصلت لكم وتقابلوني قالت لا احنا وقعنا عقد ان كل المتقدمين احنا نقابلهم وبعدين نبعث لهم الاشخاص المناسبين للوظيفة

نرجع للموضوع
تحصل الاعلان ماسكته شركة توظيف مية بالمية

[qatar1111]

افا بس افا

نغير المثل من

عين عذاري تسقي البعيد وتخلي القريب

الى

قطر تعطي البعيد وتخلي القريب

[شمس]

لا تستغربون كل شي جايز ، تبون تضحكون؟؟؟
قدمت من سنة ونص تقريبا على واحة العلوم والتكنولوجيا قبل افتتاحها الرسمي وحسب الاعلان في الجريدة .
اتصلت لي انجليزية وقالت عندك انترفيو في برج وزارة الاعمال ماخذين لهم مكتب في شقة .
رحت للمقابلة وتفاجأت انها في شركة توظيف عالمية مهمتها عمل مقابلات :) .

قلت لها انا ماقدمت عندكم ، والسيرة الذاتية بعثتها على ايميل رسمي للمؤسسة ، كيف وصلت لكم وتقابلوني قالت لا احنا وقعنا عقد ان كل المتقدمين احنا نقابلهم وبعدين نبعث لهم الاشخاص المناسبين للوظيفة

نرجع للموضوع
تحصل الاعلان ماسكته شركة توظيف مية بالمية
لا حول ولا قوة الا بالله لهدرجه ما فيه ثقة بالنفس والله احس الاجانب مستغربين شفيهم على شعبهم متبرين منهم ؟هههههههه