تكاليف ومساعدات الزواج ؟؟؟؟؟

[الواعد]

السلام عليكم

لي صديق طالب منكم المساعدة حيث انه مقبل على زواج

وعنده كم سؤال وهو للعلم موظف في التربية

ويبي احد يساعده في استفساراته وهي :-

1- تكاليف الزواج تكسر الظهر في هالعصر مثل ماأنتم عارفين
فكيف الطريقة لطلب المساعدة من جمعية خيرية مثلا ؟؟؟
وكم المبلغ تقريبا اللي بيحصله منهم ؟ وايش افضل جمعية خيرية ؟
وايش يطلبون غير عقد الزواج ؟؟؟ وكم المدة لحد مايعطونه المبلغ ؟؟

2- بما انه موظف ( سنيور ) في التربية كيف الطريقة لو حب ياخذ بيت
ايجار هل راح تنشال منه علاوة السكن اللي هي حوالي 2000
وراح يعطونه 5000 ريال للإيجار او ايش السالفة بالضبط ؟؟؟
أنا اقول ممكن يقولون له شوف لك بيت لحد 5000 يعني
ماراح يحطونها في يده بس هو يبي يتأكد اكثر .

4- تكاليف حفل الزواج كم تكلف تقريبا للرجال وللنساء
ومن الأفضل في اقامة الحفل من حيث السعر ؟؟؟

هذا كل ماعنده

والله يعطيكم العافية

مع السلامة

[البنز]

ما سمعت أنه فيه جمعيات تساعد على مصاريف الزواج ،، لكن أعرف إن الديوان الأميري بيعطونه في 20.000 Q R ، ولكن إنطر عاد لين تستلمها >>> بيكبرون عياله وبيدشون المدرسة ويمكن يتخرجون من الجامعة وهو للحين ينطر الدور ..

علاوة السكن في وزارة التربية والتعليم 2200 Q R ، بيقصونها ولا راح ترجع نهائياً حتى لو طلع من بيت الأجار ، إلا في حالة وحده >>> لو قدّم إستقالة من الحكومة وإتجه للعمل في المؤسسات أو الهيئات والقطاعات الخاصة ..

وإذا عندك واسطة في الإسكان ممكن يأجرون لك بيت 25000 Q R ، موب 5000 بس ، وطبعاً الأجار راح ينصرف للمالك على شيك كل ستة شهور ..

أما عن تكاليف الزواج فقول حق رفيجك الله يعينه ،، والمصاريف في قطر كثيرة وباهضة وما تدري من تطلع ،، ويا ليت توصيه يمد رجولة على قد لحافة وما يحط على نفسة ديون ما لها آخر ..

ولكن تأكد بأن مصاريف الزواج تتسهل وتتدبر من ربك في حال إذا كان المعرس ونسـايبه متواضعين وما يحبون المظاهر والزبو والفشخرة ..


وألف مبروووووكـ وبالرفااااااااء والبنين ..

[الواعد]

علاوة السكن في وزارة التربية والتعليم 2200 Q R ، بيقصونها ولا راح ترجع نهائياً حتى لو طلع من بيت الأجار ، إلا في حالة وحده >>> لو قدّم إستقالة من الحكومة وإتجه للعمل في المؤسسات أو الهيئات والقطاعات الخاصة ..


علاوة السكن اصلا مو تنقع لما يطلع للواحد بيت من الحكومة ؟؟؟

طيب هو بيقعد في بيت الإيجار لحد مايطلع بيته

يعني نفس الشيء لو قطعوها لأنهم اصلا قاطعينها قاطعينها


ياليت شوي تفاعل مع الموضوع :o


فمان الله