مطعم سكر باشا / الحي الثقافي--- كتـــارا

[rashid alkubaisi]

بسم الله الرحمن الرحيم


السلام عليكم روحمة الله وبركاته


حبيت اعرض لكم بعض الصور من المطعم التركي مطعم سكر باشا في الحي الثقافي كتارا

مطعم ممتاز وفخم جدا من ناحية الديكورات والخدمه لكن اسعاره نوعا ما مرتفعه

فيه جلسات خاصه وفيه جلسات داخليه وخارجيه


واتمنى اللقطات تعجبكم


http://www.9o9i.com/upfiles/huB91653.jpg (http://www.9o9i.com/)
http://www.9o9i.com/upfiles/D6M91653.jpg (http://www.9o9i.com/)
http://www.9o9i.com/upfiles/XBX91653.jpg (http://www.9o9i.com/)
http://www.9o9i.com/upfiles/JId91249.jpg (http://www.9o9i.com/)
http://www.9o9i.com/upfiles/NlU91249.jpg (http://www.9o9i.com/)
http://www.9o9i.com/upfiles/rkt91250.jpg (http://www.9o9i.com/)
http://www.9o9i.com/upfiles/9Bu91250.jpg (http://www.9o9i.com/)
http://www.9o9i.com/upfiles/P3R91250.jpg (http://www.9o9i.com/)
http://www.9o9i.com/upfiles/IE091653.jpg (http://www.9o9i.com/)
http://www.9o9i.com/upfiles/Q5791653.jpg (http://www.9o9i.com/)
http://www.9o9i.com/upfiles/j9S91751.jpg (http://www.9o9i.com/)
http://www.9o9i.com/upfiles/6ZU91751.jpg (http://www.9o9i.com/)
http://www.9o9i.com/upfiles/g3b91751.jpg (http://www.9o9i.com/)


بحفظ الله

[عيون Qatar]

المطعم مبين عليه رااقي وفخم

بس شنو اكلاتهم شرقية ولا غربية؟؟

تسلم يا اخوي راشد

[simsim1963]

تركي اعتقد

[asadfg]

المطعم تركي وفيه غالبيه من الاذريبجانين وبنت اوكرانيه

واكلهم صراحه عادي كنكم اطرون الاكل منهم ايبونه كميه قليله جدا والسعر غالي جدا

بس عندهم احلى الشيش بقطر شيشهم لايعلى عليها ناهيكم عن المنظر الي يطل ع البحر

انا تعشيت فيه وشيشت مع 2 من ربعي طلع حسابنا تقريبا 850 ريال

مبلغ مبالغ فيه جدا

[غايه الطواش]

اخوي اعتقد اسمه صقر باشا مو سكر باشا

يعطيك الف عافيه اخوي الكريم

[فرقاك عيد]

الصوووور روووووووووووووووووعه
مشاءالله

واسمه سكر باشا مثل ماقال اخوي:)



رحت الحي الثقافي المكان شكله عجيب بس للاسف مااستمتعت لانه ظلام والاناره بالمكان كله الى حد ما معدومه وبعد لف وتعب قررت اقعد بالمطعم التركي الجلسات الداخليه بعيد عن الشيشه وريحتها كان هادي جدا ومرتب وطلبنا جانا بسررررررعه البرق بس !


الاسعار 30 و 40 حلوه صح لكن شنو المقابل !

40 ريال لصحن فيه كفته عدد 2
40 ريال لفطاير عدد 4 كانهم بسبوسه من صغرهم
25 ريال لبياله شاي
30 ريال لشوربه شعير

يعني طاوله تحسها فاضيه من الاكل واخرتها تدفع فاتوره على ماشي


كان خاطري امر مقهى الكرك والجباتي بس كله شباب ماقدرت امر ولا اقعد

[KABOOM]

عادي في كل مكان
مطاعم , لناس من الطبقه الالمعيه
ومبين عليه مطعم طبقه المعيه من الديكووورر

فــ اللي من الطبقه الكوحيتي ,
يروح ياكل من بو رخيص و كويس

قالوها المصريين
اللي ماعندوش مايلزموش

لوووووووووووووووول

[HADi]

لقطات جميله منك اخوي ..

ومثل ماقلت شكل المطعم راقي .. شكرا على الموضوع وعلى هالتصوير الطيب

وان شاء الله نجرب المطعم

[Eyeliner]

المطعم راقي بس اكله عادي وصح ومافي غدا بس عشا
وفليل يكون كلش ظلام برع المطعم لان داخل حكره شيشه
ويفضل الحجز قبل ماتروحون

[أم شيوخ]

اسمه صقر باشا مب سكر باشا

[rashid alkubaisi]

مشكورين على الردود ويعطيكم الف عافيه

[rashid alkubaisi]

اخوي اعتقد اسمه صقر باشا مو سكر باشا

يعطيك الف عافيه اخوي الكريم

المطعم اسمه سكر باشا

[غزلان]

المطاعم اسعار مبالغ فيها على اكل عادي

شكل السعر يحدد حسب ديكور المطعم ولتوهيم الزباين بجودة الأكل

شكرا

[فيزيائية]

بصراحة قعدة تشرح النفس
وبياله الشاي لو ب25 تستاهل اذا بنشوف هالمنظر!!

[العضو الماسي]

نص المبلغ عالاكل ونص المبلغ على اساس الديكور = ههههه

[rashid alkubaisi]

مشكورين على الردود

وانا اتفق معاكم

سلبياته الاسعار المرتفعه نوعا ما والاضائه الخارجيه معدووومه

وايجابياته قعده خارجيه روووعه وخاصه هالايام الجو حلو والديكورات رووووووووعه وحتى الاكل اشووفه ممتاز

[مضارب مستثمر]

السلام عليكم وتشكر للمجهود الطيب,,,,,

شكل المطعم من الصور راقي,,,,,وانا سبق وزرت المطعم الهندي

اكله تمام بسعر الاسعار نار,,,,,,

ملاحظتي بالنسبه للصور في المطعم التركي,,,باعتقادي لم يوفق مصمم
الديكور باختيار اللوحات الجداريه على الحوائط,,,,,

جميعها تقريبا من طابع عصر المجون و الحريم والتي لا تعكس المجتمع التركي
الذي مال للتحفظ و الاسلام بالسنوات الاخيره,,,,
كان بامكانهم وضع رسوم افضل من هذي مما يعكس الحضاره العثمانيه بوجهها الصحيح
واسمحوا لي بالمداخله و الملاحظه,,,,,

بس يبقى بالاول و الاخر حي ثقافي!!:omen2:!!

[ورقــة أمــل]

كشخه بس اروح اشرب شاي واستمتع بالمناظرر

[وحيد-الشوق]

ما احب المبالغة في ديكور المطاعم لأنه دايما ديكور حلو اكل عادي وسعر مبالغ فيه :tease:

يازين مطاعم الفقر بس ههههههههههههههههه :nice:

تسلم عالتقرير ويعطيك العافية عالصورة التحفه اخوي

[al-saee]

مطعم راقي من صوره ويستاهل

[شويهينــه]

عساك عالقوه ومبين عليه خوش مكان

[ساحر برشلونة]

تسلم اخوي راشد

[باسكن روبنز]

شكل الكراسي والقعده ذكروني في (المرحومه) شيشة راس النسعه ،
ياووووويل حالي على ذيك الآيـــــــاام ، :)

[حمد911]

أروح مطعم الحباري بشيراتون ابرك منة وأطلالة فضيعة

[بنت شيوخ]

روووووووووووووووووعه ومش مهم الاسعار المهم نوسع صدورنا

[KABOOM]

أروح مطعم الحباري بشيراتون ابرك منة وأطلالة فضيعة


انا اخبر حباري في شارع معيذر التجاري

:tease:

[rashid alkubaisi]

يعطيكم الف عافيه على الردود

[بو راشد 1]

بعد شيشه crazy ما تم مطعم راقي الا حطو فيه شيشه، السبت معزوم فيه و لازم اروح :weeping:

[mr_qtr]

الاسعار وايد مبالغ فيها

والاكل مايستاهل,,, الصراحه

على قولة اخوي وحيد-الشوق
"يازين مطاعم الفقر بس ههههههههههههههههه "

تعجبني والله كلامك 1000% متوافق معاي

يعطيكم العافيه

[khalid-qtr]

مشاء الله اخوي اعجبني تصويرك مبدع صراحة

حسيت من جمال الصور خاطري اطير للحي الثقافي الحين

تسلم يدك وماقصرت يامبدع

[MaRuKoO]

ماشاء الله
رووووووووووووووووووووووووووووووعـــه حبيته هههه ><

اخوي شلون الزحمه عندهم ؟؟

[مهاجر]

المطعم راقي جدا وقعداته روووعه فالديكور بس هو مب مطعم تقدر تقول ينفع كوفي لان اكل وايد غالي ومب حلو لكن ينفع للكوفي والشيشه لاصحاب الشيشه :)

[mirage]

أروح مطعم الحباري بشيراتون ابرك منة وأطلالة فضيعة

قصدك الشاهين

[حقيقه]

راشد ماشاءالله تصويرك خياال

[ضي البدر]

مشكور عالتقرير والصور الحلوة...

بس بعض الردوود اتغث يابلفيت الي مايهمه السعر والي مقطعنا بالأماكن الراقية!!
وهي مره وماراح يعيدها!!! المكان وااايد حلو ويبيله زيارة عن خاطري بس وينفع اكثر شي حق المشيشيييين!
وتسلم مره ثانيه اخوي..

[بوخالد911]

تسلم للصور


ولا هنت

[STAR]

بخصوص اللي يفاشرون ومستانسين انهم يشيشوون
مادري عبالهم هاي سر الرجولة والا فيتامينات؟!!‏

الحمدلله والشكر ع نعمة العقل,,‏

[Tasneem]

الصور تشجع على التجربة خصوصاً في الجو الحلو هالأيام

يعطيك العافية عالصور

[A.Y.A]

بخصوص الاسم
على ماسمعت انه صقر باشا على اسم راعيه والله أعلم

ومن ناحية الأكل مافيه الا وجبتين ولا ثلاث وأكله حلو بس مش بيرفكت مع ان الي يشوف المكان والقعده يقول أكله خيالي

ومثل ماقالت الأخت ظلام الواحد مايقدر يشوف شي
يحطون شمعه ولا شمعتين .. هذي بتظوي لإيش يعني ..؟

والسعر ماشاء الله يعني مثل ماقال الأخ الي فوق مبالغ فيه

اذا احنا كنا 4 اشخاص بس حسابنا فوق الـ 1000 مهما كان ماكلين ذهب ولا شنو ..؟

ويعطيكم العافيه
ومشكووور على الطــرح بوسنيده

[مشاكل]

مشكور عالتقرير والصور الحلوة...

بس بعض الردوود اتغث يابلفيت الي مايهمه السعر والي مقطعنا بالأماكن الراقية!!
وهي مره وماراح يعيدها!!! المكان وااايد حلو ويبيله زيارة عن خاطري بس وينفع اكثر شي حق المشيشيييين!
وتسلم مره ثانيه اخوي..

هههههههههههههههههههههههههههههههه
احلى شي لما تحس ان اللي حولك يحسون نفس احساسك
:nice::nice::nice:

[شبح الصمت]

صراحة المطعم راقي ومكانه حلو
وتسلم يدينك يالكبيسي وأنا للعلم كتارا لين الحين ما رحتها

بس ياخي خل الاكل بسعر معقول لازم يعني نفتح لهم مجال !!!

صدقوني لو أحنا ما نروح لهم ونخلي المطعم يخيس جان نزلوا في الاسعار

بس لازم مكان جديد وكتارا وشيشه وبنات وطالعني وطالعك لازم يرفعون السعر

خلونا واقعيين دخلنا مطاعم والحمد لله

بس نفس هالاسعار الخياليه عسى ما شر !!

اروح شرق ابرك لك ريوقهم عجيب وعشاءهم عجيب ويلسه على البحر

وبعد لو اني اشيش بشيش ( الله لا يبلايني يارب )
:weeping:

وما راح يطلع علي نفس صقر باشا

بس الحبيب شكله يحسب الديكور يبي يطلعه من مخابيكم غصب

صج كلا يمد ريله على قد الحافه

بس الله عرفناه بالعقل وما شفناه

مب فلوسنا جايتنا بلاش تعال وقط

وصراحة احلى نظام الامريكي هالايام

كلا يدفع عن نفسـه وعيشوا حياتكم

[حقيقه]

رحت له بس شفته من برى لانه مستحيل ادخله غااااالي كثير

[rashid alkubaisi]

مشكوووورين

ويعطيكم الف عافيه