والله حرام يا شباب إلي تسونه بنفسكم

[lifeqatar]

المهم بختصرلكم على إلي شفته اليوم بسيلين بالضبط طعس التوقيع أكيد الشباب يعرفون هالطعس
كنت قاعد أصيد في سيلين وجان اتملل من الصيد وقمت وطقيت سلف لموتري العجيب الديهاتسو تيريوس الفوروويل الرصاصي ورحت طعس التوقيع بس وقفت فوق كلش علشان في ميانين وايد وبعد ربع ساعه جان يجي جي ابيض إستاندر من تحت لين فوق وبعد ما وصل المسكين فوق كان فيه قص صغير جدامه بالضبط على الجنب وهو نازل والمسيكن طاح في القص وأنقلب مرتيين والحمدلله ما صار له شي إلا خفس في الموتر وهو كان خال صار لون ويه نفس لون الرمل وبعدها المسكين عدل نفسه في الموتر لانه هو طار من مكانه وراح ورا السواق إشلون ما عرف بس المهم والحمد لله ما صار له شي وانزين جان ينزل ويروح بعيد عن الشباب المسكين شكله منحرج ومتحسف على الحركة إلي سواها وبعد في واحد من ربعه راحله وجان ينزلونه من السياره أتاري هو دايخ .... والله يهدي شبانا وهاذي كل القصة

[بصمة قطرية]

الله يهديهم ويصلحهم ..

[باسكن روبنز]

كان خال
وين مارتن لوثر كينغ عنك ،:weeping:





الله أحفظه وأتمنــى من الجماعه آلي يروحون هناك يتعضون شوي ،

شدعوا كل سنه حوادث غريبه وعجيبه ولا يتوبون الجماعه! ،

بصراحه المفروض تحديد مسارات آو وضع شروط للتطعيس دام ذي حال شبابنا في الآستهتار ،

يجيك واحد من يمين الطعس طيراان ،
والثاني من يسار الطعس مقلع ،

ويتقابلون فوق على قمة الطعس وجه بوجه! ،
ياســلآآم ،:(

[مخباط]

المشكله كل من هب ودب جاب فرويل وراح سيلين

لا واعمارهم اقل من 18 سنه لا ومحمل وياه 10 في الموتر والله حرام يكسرون خاطري

[Markato]

بسبة هالمناظر والاشياء اللي تستوي هناك كنسلت اروح سيلين لو وشو لو يقولون دواي هناك مارحت

والله يحفظ كل من يروح هناك

[KABOOM]

مصــخره
فلوس زايده
وقلة عقل

والا شالوناسه فيها
يبون يحسون بالاثاره
يروحون ملاهي ويركبون قطار الموت
تخوووف اكثر وسيفتي اكثر !!

[ابن القدس]

الله يهديهم ويصلحهم

[الـقـاسـي]

عسى الله يهدي الشباب انا والله صرت اكره روحة سيلين والسبه هالمصبنه واللي عقولهم ناقصه .. بس شسالفتكم على الخوال اليوم مرة هواش ومرة منقلب

[العـوا]

لا حول ولا قوة الا بالله

[MAZEN37]

الله يهدي الجميع
بس
بالنهايه كل انسان يتحمل نتيجه تصرفاته

[R 7 A L]

سيلين
للاسف تغير واصبح مكان مزعج للغاية

[الصريحه]

الله يهدي الشباب
اللي هم عماد البلد

[الراقيه سبشل]

مابيفهمون خطورة هالشي الا لما ينقرصون:)

[بوجاسم 2009]

شباب يعرفون هذي خطرة و مجازفة

لكن شيطان شاطر


الله يهدي الجميع

[السهم السريع]

الله يهديهم ويصلحهم

والله كنت أروح في الثمانينات أنا وربعي يمكن سنة 83 / 84 وكان عندي عنتر ناش international
http://imcdb.org/images/225/208.jpg
تقريبا مثله لونه أسود
والله كنا نوصل خور العديد و انبات يمكن يمر علينا موتر أو موترين وباقي الوقت أبد سهده ولا تسمع غير صوت طيور البحر أو الثعل والارنب ننبسط ونعين من الله خير والجمعه رجعنا
والحمدلله مستانسين ومرتاحين حتى الموتر نريحه لانه خدمنا الله خير ماقصر


سيلين وخور لعديد خلاص انا عفتهم من سنة 2000 ماطبيت سيلين غيرالعام عشان خاطر العيال وحلفت ما ارجع لها عقب الجنون والخبال والهبالة اللي شفتها

حتى البتان صارو يطعسونescape لايحوووووشك

العقل زينة الرجاجيل

[شمعة الدوحه]

الله يهديهم ويصلحهم

[BURBERRY]

من سنتين ما طبيت سيلين و السبه هالمجانين و الازعاج الي مب طبيعي

[ساهر الليل]

::

الحادث ماكان فطعس التوقيع

والي سوا الحادث رفيج واحد من الربع وانا شفت الحادث

وسبب الحادث بنجر التاير الي قدام ع اليسار وهو ماكان متهور

كان يظرب ظرب عادي ولما نزل قريب القص بنجر عليه التاير وانقلب قلبه وحده وتعدل الموتر

والحمد لله على سلامته

:::

[خليفـة]

بعضهم يفكرون انها رجولة
ولما ينقلب ويتعور او يتعور موترة .. تلقاه يصيح عند امه مثل البزر :
ماما .. ابي فلوث اثلح ثيارتي
:weeping:

[qatari 111]

الحمد لله على سلامته

والله يستر علينا وعليهم ويهديهم ويهدينا ويحفظهم ويحفظنا من كل شر

من سنة 2004 ما ادل السيلين كفايه باللي مر عليي من الرعب

[vtc_4.8]

من العام حاط اكس على سيلين بسبب اليهال

اروح العديد مع ربعي حداق ووناسة احسن من هالمصايب الي فسيلين

[jeep-srt8]

عَنْ النَّبِيِّ ‏ ‏صَلَّى اللَّهُ عَلَيْهِ وَسَلَّمَ ‏ ‏قَالَ ‏ ‏مَنْ تَرَدَّى مِنْ جَبَلٍ فَقَتَلَ نَفْسَهُ فَهُوَ فِي نَارِ جَهَنَّمَ يَتَرَدَّى فِيهِ خَالِدًا مُخَلَّدًا فِيهَا أَبَدًا وَمَنْ ‏ ‏تَحَسَّى ‏ ‏سُمًّا فَقَتَلَ نَفْسَهُ فَسُمُّهُ فِي يَدِهِ يَتَحَسَّاهُ فِي نَارِ جَهَنَّمَ خَالِدًا مُخَلَّدًا فِيهَا أَبَدًا وَمَنْ قَتَلَ نَفْسَهُ بِحَدِيدَةٍ فَحَدِيدَتُهُ فِي يَدِهِ يَجَأُ بِهَا فِي بَطْنِهِ فِي نَارِ جَهَنَّمَ خَالِدًا مُخَلَّدًا فِيهَا أَبَدًا ‏

[العساس]

الله يهديهم ويصلحهم

والله كنت أروح في الثمانينات أنا وربعي يمكن سنة 83 / 84 وكان عندي عنتر ناش international
http://imcdb.org/images/225/208.jpg
تقريبا مثله لونه أسود
والله كنا نوصل خور العديد و انبات يمكن يمر علينا موتر أو موترين وباقي الوقت أبد سهده ولا تسمع غير صوت طيور البحر أو الثعل والارنب ننبسط ونعين من الله خير والجمعه رجعنا
والحمدلله مستانسين ومرتاحين حتى الموتر نريحه لانه خدمنا الله خير ماقصر


سيلين وخور لعديد خلاص انا عفتهم من سنة 2000 ماطبيت سيلين غيرالعام عشان خاطر العيال وحلفت ما ارجع لها عقب الجنون والخبال والهبالة اللي شفتها

حتى البتان صارو يطعسونescape لايحوووووشك

العقل زينة الرجاجيل




لاتذكرني الله يخليك
كنا انروح العديد في 1973 اذا ماخاب ظني
على لاندلوفر وعلى بوشوارب
صج وناسه
صيد
وخير
بس الفرق انه كلش ماتمر علينا مواتر
ومن التسعينات خلاص اكس عود على سيلين والعديد

[هبوب الكوس]

لاتذكرني الله يخليك
كنا انروح العديد في 1973 اذا ماخاب ظني
على لاندلوفر وعلى بوشوارب
صج وناسه
صيد
وخير
بس الفرق انه كلش ماتمر علينا مواتر
ومن التسعينات خلاص اكس عود على سيلين والعديد


توني كنت بقتبس كلام السهم السريع

وقول نفس كلامك بس مب 73 :omg:

اول التسعينات كان للحين خير

ايام حلو :weeping:

[العساس]

توني كنت بقتبس كلام السهم السريع

وقول نفس كلامك بس مب 73 :omg:

اول التسعينات كان للحين خير

ايام حلو :weeping:


شف اخوي
من السبعينات لين الاثنين وتسعين
كان للرحلات طعم
بسطه وترتيب وطبخ ووناسة
وحلا شي تالي الليل (سوالف دنيا)

لكن اللحين خذ اخبال

[باراكودا]

أنا قبلك بيوم راجع من الطعس الوصخ شرق الديحة مكاني المفضل للحداق .. شفت تجمع للشباب عند طعس التوقيع الساعة 10 مساء حاولت أوقع ماقدرت الشباب مسكرين على الطعس مسوين دائرة
أنا دائما أوقع عند العوده خاصة أذا الثلاجة مدحوبة سمج وأذا فاضية ما اوقع .

[القيادة]

ايام التسعينات احلاء الايام الناس تروح تحدق وتستانس
اما الحين كله شباب مراهقيين واستعراض وغيره

مساكيين هاشباب مواترهم كلها ديون ويستعرض
والله واحد انقلب جدامي نزل يبكي على موتره
اقول في خاطري شنو الى حداك
شنو المخ مادري
ماقول الا الله يهديهم

[فرقاك عيد]

أنا قبلك بيوم راجع من الطعس الوصخ شرق الديحة مكاني المفضل للحداق .. شفت تجمع للشباب عند طعس التوقيع الساعة 10 مساء حاولت أوقع ماقدرت الشباب مسكرين على الطعس مسوين دائرة
أنا دائما أوقع عند العوده خاصة أذا الثلاجة مدحوبة سمج وأذا فاضية ما اوقع .

شنو توقيع واوقع :secret:
ماعرف التوقيع الا في الدوام:(

صج كلام حاولت افهمه ماقدرت
ولا فهمت القص

عموما الحمدلله ع سلامته والله يستر ع الشباب

[بنت ابوها 19]

هههههههههههه والله اني اضحك

شكلهم يفشل يتفلسفون عقب بالاخير ياحادث ياناتجه : اعاقه او وفاه

ليششش

اخبر مره في واحد يستعرض جدامنا بالدراجه ع الكورنيش

جان يطيح طيحه اتوقع بعدها ايقاعه ماتوقع سلم منها

شحصل من بعد هاي كله غير
انه هو تعور + واحنا ضحكنا عليه


اخبر مره بعد واحد جاي يحفص جدامنا ركب الدوار انكسر التاير الي جدام خخخخ خاطري اعرف شستفااااد ؟؟؟



والله غباااء *

[بوحارب]

الله يهديهم :(

[بنت شيوخ]

الله يحفظهم من كل شر