واجهات المحلات التجاريه ..

[سحايب2010]

السلام عليكم ورحمة الله وبركاته

أنا عندي شكوى ضد بعض الاماكن الي تعرض ملابس خاصه بالنساء

ومنها شروه الصراحه يعرضون ملابس غير لائقه الكل يشوف هالملابس

ياليت تكون المحلات مغلقه مو مكشوفه للكل

ومو بس شروه حتى المجمعات في محلات نفس الحاله تعرض الملابس على الواجهه...
فيلاجيو + لاندمارك
هذا غير الاعلانات الفاضحه
وين أقدم الشكوى ؟؟؟

[الأصيلة]

السلام عليكم ورحمة الله وبركاته

أنا عندي شكوى ضد بعض الاماكن الي تعرض ملابس خاصه بالنساء

ومنها شروه الصراحه يعرضون ملابس غير لائقه الكل يشوف هالملابس

ياليت تكون المحلات مغلقه مو مكشوفه للكل

ومو بس شروه حتى المجمعات في محلات نفس الحاله تعرض الملابس على الواجهه...
فيلاجيو + لاندمارك
هذا غير الاعلانات الفاضحه
وين أقدم الشكوى ؟؟؟

عندج حق ياسحايب
أنا لما اشوف ها المناظر
أدخل على أهل المحل وأكلمهم باللطف وأمدح بضاعتهم شوي
وبعدين أطلب منهم يشيلون الملابس الفاضحة
من الواجهة ..والأغلبية تستجيب للطلب لكن المشكلة في صاحب المحل ....
المفروض توضع له رسالة خاصة يقراها
ويكتب فيها الإثم اللي يطوله من ها المناظر...

[بدون]

لا حول و لا قوة إلا بالله العلي العظيم ،حسبنا الله و نعم الوكيل
كثيرون يتحرجون من هذه المناظر الخادشة ،،،
لكن يبدو أن ملاك هذه المحلات و العاملين بها قد فقدوا ما بقي من حياء و حشمة
فأصبح إظهار هذه الملابس و التفنن في عرضها بغية جذب الزبائن شغلهم الشاغل
يجب أن تتحرك الجهات المسئولة لوقف مثل هذه الأفعال لأنها تقتل الحياء شيئا فشيئا في نفس المسلم حتى يصبح منظرها معتادا و لا يستنكر وجودها أحد

شكرا على الطرح

[سحايب2010]

شاكره لكم تفاعلكم ومروركم

ياليت يكووووووون في رقابه على الاسواق

[q6ryah]

طيب انا يوم الخميس شفت منكر

والله ارتفع ضغطي (محل مانجو) بفيلاجيو عارض بالفاترينه ملابس ومع الديكور صحن جوكليت وغرشتين


غرشتين وحده لونه السائل خمري والثاني ازرق بالله عليكم شنو المقصود بهذا الشي

والله من القهر طلبت المدير المسؤول عن المحل وطلع عربي وطلبت منه تفسير لهذا الاعلان


والله شوي بيذبحني تبلع وماعرف شنو يرد الا يقول البلديه كل جمعه تمر وشافت المعروض ماعلقت

قلت له يمكن مانتبهت بعدين احنا نستقبل العيد والحج هذا رمز للخمر يقول هذا احتفال بالسنه الحديده

الا يقول احنا ايش نعمل كل وتحد يدخل ويكلمنا قلت له انا اكلمك بادب وماطلعت اشتكي بره

كلمتكم بالاول الا يرد صح كلامك بس البلديه شالت شجره الميلاد كمان

قلت له انا موضوعي المشرووب والله قهر اكلم حمايه المستهلك محد رد علي

من المفروض اكلمه


والشي الثاني دخلت h m الصراحه كانو مشغلين اغاني اجنبيه وعاليه وقلت للفلبنيه ممكن


اطفينها او تحطين اي شي غير اغاني الكريسمس لانه هذي الايام خاصه للدين الاسلامي ع الاقل لحد مايخلص العيد

والله فرق المعامله اعتذرت واركضت اطفيه

اقول يمكن اليوم بتشغل الاغاني بس مايهم المهم اني حاولت اغير المنكر

ياناس انتبهو هذي الايام العشر اللي الله سبحانه اقسم بها

ياريت اسمع بالمجمعات اصوات التكبير بدال هالمصخره

[q6ryah]

طيب انا يوم الخميس شفت منكر

والله ارتفع ضغطي (محل مانجو) بفيلاجيو عارض بالفاترينه ملابس ومع الديكور صحن جوكليت وغرشتين


غرشتين وحده لونه السائل خمري والثاني ازرق بالله عليكم شنو المقصود بهذا الشي

والله من القهر طلبت المدير المسؤول عن المحل وطلع عربي وطلبت منه تفسير لهذا الاعلان


والله شوي بيذبحني تبلع وماعرف شنو يرد الا يقول البلديه كل جمعه تمر وشافت المعروض ماعلقت

قلت له يمكن مانتبهت بعدين احنا نستقبل العيد والحج هذا رمز للخمر يقول هذا احتفال بالسنه الحديده

الا يقول احنا ايش نعمل كل وتحد يدخل ويكلمنا قلت له انا اكلمك بادب وماطلعت اشتكي بره

كلمتكم بالاول الا يرد صح كلامك بس البلديه شالت شجره الميلاد كمان

قلت له انا موضوعي المشرووب والله قهر اكلم حمايه المستهلك محد رد علي

من المفروض اكلمه


والشي الثاني دخلت h m الصراحه كانو مشغلين اغاني اجنبيه وعاليه وقلت للفلبنيه ممكن


اطفينها او تحطين اي شي غير اغاني الكريسمس لانه هذي الايام خاصه للدين الاسلامي ع الاقل لحد مايخلص العيد

والله فرق المعامله اعتذرت واركضت اطفيه

اقول يمكن اليوم بتشغل الاغاني بس مايهم المهم اني حاولت اغير المنكر

ياناس انتبهو هذي الايام العشر اللي الله سبحانه اقسم بها

ياريت اسمع بالمجمعات اصوات التكبير بدال هالمصخره

[بدون]

اقول يمكن اليوم بتشغل الاغاني بس مايهم المهم اني حاولت اغير المنكر

ياناس انتبهو هذي الايام العشر اللي الله سبحانه اقسم بها

ياريت اسمع بالمجمعات اصوات التكبير بدال هالمصخره

إي و الله أصوات الأغاني تضيق الصدر بهالأيام الفضيلة
بس نصيحة مروا حياة بلازا ،، و الله أمس الجو روعة و انتوا تسمعون التكبير على المكبرات
الله يوفق الإدارة و صاحب الفكرة و يجزيهم خير دنيا و آخرة

[بصمة قطرية]

حسبي الله ونعم الوكيل عليهم ..

فعلاً وقاحة بصراحة بعروضهم اللي يحطونها ..

والله مرات استحي ادخل المحل من سخافة وجرأة المعروض ..!!

ماعاد في حيا ولا مستحا ..

الله يهديهم ..

[q6ryah]

الله يجزاهم الجنه وان شاء الله اصحاب المجمعات بما انهم عيال هالقطر ومسلمين

انهم يفرضون ع المحلات احترام الدين سواء بالعرض بالواجهات او المواد السمعيه

والله المجمعات مافيها شي يوحي للعيد المظهر العام نيو ير وكريسمس

[dream~qa]

بالنسبة للأغاني أنا جربت أكثر من محل من أدخل المحل أول شي أطلبه منهم هو أنهم يصكرون الاغاني والصراحة كل المحلات اللي طلبت منها هالطلب على طول يصكرون المسجل لين اطلع وهذا ترى من حقكم كزباين أنكم تتشرون بالطريقة اللي تريحكم .

[سحايب2010]

شاكره لكم مروركم شخص شخص

وسالفه الاغاني هاذي سالفه بروحها شي الصراحه ينرفز

يعني مالها داااااااااااااعي مادري شنو الحل معاهم
كل ماروح فيلاجيو ادخل محل محل اقولهم سكرو الاغاني حاضر
واتوقع اول ماطلع يشغلونها
بس اليوم زارا
قلت لهم سكرو قالو حاضر
قصرو على الصوت


لو يحطون مخالفه على الاغاني يكون احسن

[وهم قطر]

من حق أي شخص يشوف أي شي غير اخلاقي معروض أن يكلم راعي المحل بأزالته

واذا رفض بلغ عليه

[abdo222]

بالنسبه للتمثال الي لابس ثياب ،، اشوف الموضوع عادي حتى لو ثياب نوم ومشخلعه لانه يسوقون لبضاعه
في اشياء افضع من هال الشيء اليوم كنا في سوق الجبر ،، معقوله للحين رجال يبيعون في محلات الملابس الداخيه حق الحريم !!!!!!! مب على اساس غيروا هال النظام في كل المحلات !!! لا وعرب بعد !! اكيد محد بيدخل عندهم !!

صوت الاغاني مزعج في " مانجو حق الاند مارك" و "سلسا حق الاند مارك"

والعجيب صوت القران في لايف ستايل وسبلاش في السنتر بوينت و صوت التكبيرات في كل المجمع ،،

[الصريحه]

اللهم اهدي قومي فانهم لايعلمون

[قطرية فذة]

ناس وايد تكلمت ومازال الوضع على ماهوعليه

[شيزكيك]

صاجين اعتقد الحريم يعرفون المحلات ومافي داعي حق المسخره الي يحطونها على الفاترينات

وعن محلات سوق الجبر الصراحه احنا ما نروح لهم

[نجمة في سماه]

فعلا هذي مشكله اكبيره او يا ريت يلقون لها حل في اسرع وقت لأنه فعلا أنا نفسي لمن امر من جدام اي محل عارض ملابس خليعه أخجل من المنظر بالذات المحلات الي اتبيع الملابس النسائيه... يعني انا اقول انه الكل عارف المحلات هذي اشتبيع ماله داعي يعرضوون الملابس ابهالطريقه؟؟؟؟؟؟

[سحايب2010]

بما أن الكل مو عاجبه الوضع

وين نشتكي ؟؟؟؟

ياليت يكووووون فيه غرامه على الواجهات وعلى الاغاني

[Super Cool]

من صجك انت والا تمزح؟؟؟

ترى والله "خلاجين" معلقة مب حريم!!!!

لهالدرجة قماش مخيط يرفع ضغطك؟؟؟؟

اللي يقول لي ما يصير يا ريت يفسر لي ليش؟ اخبر عورة المرة في جسمها و هذي ملابس "بدون جسم" يعني حيالله خلاجين فكيف صارت ممنوعة؟؟؟؟؟

[سحايب2010]

أنا أتكلم عن طريقة عرض الملابس
عرض الملابس العاريه على واجهة المحلات

الصراحه الواحد يخجل ينظر لهاذي الاشياء

واذا تبغي تفسير ابحث بنفسك في قوقل واقرا

[Super Cool]

أنا أتكلم عن طريقة عرض الملابس
عرض الملابس العاريه على واجهة المحلات

الصراحه الواحد يخجل ينظر لهاذي الاشياء

واذا تبغي تفسير ابحث بنفسك في قوقل واقرا


العري يكون فالجسم مب الهوا!!!
الملابس هذي هل لابسينها حريم و واقفين؟
هل فضحت او بينت جسم انثى؟
بالعربي شي معلق في واجهة المحل صح؟

طيب ابي افهمها هذي ملابس بدون ادمي بدون لحم و دم بس خرجة كيف تخدش الحياء؟؟؟؟؟

[فلتة زمانها]

وانا مايبط جبدي غير هالشباب اللي يزاحمون الحريم بدون هدف في نعومي ولاسنزا

[سحايب2010]

المانيكان
في فتاوى اللجنة الدائمة، للبحوث العلمية والإفتاء، بالمملكة العربية السعودية:

الحمد لله وحده، والصلاةُ والسلامُ على مَن لا نَبِيَّ بعدَه، وبعد:

فقد اطلعت اللجنة الدائمة للبحوث العلمية والإفتاء، على ما ورد إلى سماحة المفتي العام، من فضيلة مدير المكتب التعاوني للدعوة والإرشاد بالمذنب، والمحال إلى اللجنة من الأمانة العامة لهيئة كبار العلماء، برقم (675) وتاريخ 10/2/1416 هـ وقد سأل المستفتي سؤالا هذا نصه:

مما يكثر سؤال الناس عنه، وخاصة التجار في هذا الوقت، ما يسمى بـ«المانيكان»، وهو مُجَسَّمٌ لامرأة كاملة، بدون الرأس، يَضعُها أصحابُ المحلاتِ التجارية؛ ليعرضوا عليها الملابس النسائية.

والملاحظ أن فيها فتنة للشباب؛ لبروز شكل المرأة فيها من الصدر والخصر.

فما هو رأيكم فيها؟

وهل يحق لرجال الهيئة منعُ هذه الأشياء؟

أفتونا مأجورين؟

وبعد دراسة اللجنة للاستفتاء أجابت بأنه:

إذا كان الأمر كما ذكر؛ فإن عَمَل هذه الصورة واستعمالها حرام.

لما فيه من الفتنة؛ لأنها تُمَثِّل أعضاءَ المرأة ومحاسن جسمها.

ولأن ذلك وسيلة إلى استعمال الصورة الكاملة.

فالواجب المنعُ مِن نَصبِ هذه الصورة في المحل.

وبالله التوفيق. وصلى الله على نبينا محمد وآله وصحبه وسلم.

اللجنة الدائمة للبحوث العلمية والإفتاء

بكر أبو زيد ... عبد العزيز آل الشيخ ... صالح الفوزان ... عبد العزيز بن عبد الله بن باز

[فتاوى اللجنة الدائمة، المجموعة الثانية (1/ 298)، الفتوى رقم (17759)]

كيف ماتخدش الحياء
ليش المجسم مو مثل جسم المرأة !!!!؟
والملابس تكون ضيقه او عاريه كأنك تشوف امراه أمامك

[صوت الضمير]

صحيح اختي انا معاك في هذا الموضوع

وبخصوص الاغاني اللي يحطونها بالمحلات مزعجه حيل وتعور الرأس

قلبي يعورني حزة الاذان حاطين اغاني .. اتمنى على الاقل يجبرون المحلات بأطفاء الاغاني وقت الصلاه

أبداع

[BURBERRY]

ياريت بعد يسون حل مع الاغاني المزعجه .. والله تعور الرأس

[سحايب2010]

^
صحيح الاغاني المفروض مايشغلونها ابد

الحين محد رد علي وقال شنو الجهه المسؤوله الي نشتكي لها؟؟؟!!!!