اي فون4 بالماي والملح

[عضو قديم]

هلا فيكم

يا شباب عندي اي فون4 حجم 32 ماخذه من فودافون والحين الجهاز طاح مني في البحر وما عاد يشتغل هل الضمان يشمل تصليحة

تحياتي لكم

[ذيبة الريان]

ما اتوقع اخوي

الضمان مايغطي الأعطال الشخصية من المستخدم
والله خبر يعور القلب
:(
حاول تصلحه في ستار لنك شوفهم

[بو عذاب]

الله يعوض عليك

بس عجيب عنوان الموضوع

[MBI]

الله يعوضك باحسن منه بس وده وشوف وان شا الله يصلحونه على الضمان بس باتصل الcall center وبرد لك خير

[MBI]

اخوي اتصلت وقالو لي تدفع۹۹۹ ريال ويعطونك واحد جديد

[بومحمد92]

تبيع ؟

[بو_درويش]

ها تبيعة

[airbus]

حطه في خيشة رز مب مطبوخ او صحن رز عادي مب مطبوخ وخله يغطيه بالكامل لمده يوم كاااامل وبعدها شغل الجهاز ورد بالك انك تحاول تشغله الحين ممكن ينحرق انت حطه في خيشة رز مب مطبوخ وشوف شنوا يصير معاك وردلي خبر

[بومحمد92]

^^^^

؟

[MBI]

اخوي اذا نويت تبيعه كلمني

[فريج البدر]

حطه في خيشة رز مب مطبوخ او صحن رز عادي مب مطبوخ وخله يغطيه بالكامل لمده يوم كاااامل وبعدها شغل الجهاز ورد بالك انك تحاول تشغله الحين ممكن ينحرق انت حطه في خيشة رز مب مطبوخ وشوف شنوا يصير معاك وردلي خبر

ههههه حلوه حركتك كنا نسويها في المنقا اذا جابوه اخضر ولا الباباية حسيتك شيبة من الجيل السبيعينات :nice:

[airbus]

ههههه حلوه حركتك كنا نسويها في المنقا اذا جابوه اخضر ولا الباباية حسيتك شيبة من الجيل السبيعينات :nice:

ههههههه لا مب شيبة من جيل الخمسينات http://img.skitch.com/20101113-mc1gjcpp11yeqggri2e5j44dqt.medium.jpg :tease::tease:

[بوصالح 92]

الله يعينك

[بو_درويش]

اخوي اذا نويت تبيعه كلمني

ها صار مخامط خخخ عليك بالعافية

[عضو قديم]

تحياتي للكل
الجهاز وديته فودا وقالوت الضمان ما يشمل اذا طاح في البحر وخلافة (يعني الله يعوض علي) المهم بغيت اخذ من عندهم واحد يديد قال لي بعد اسبوع

[Mody]

يبه ادفعلك هالالف ريال (999) وتوكل على الله ويبدلونه لك بواحد يديد

[Dream Team]

جرب تحطه في خيشة عيش مب مطبوخ .. مب خسران شي

بس لاتنسى تحط معاه ماجي عشان يطلع مجبوس خخخخخخخخخخخخخخ .. أتغشمر

بس جرب حركة الرجال ويمكن تضبط .. هي خربانه خربانه

[((ولدالدوحة))]

ترا معلومه صحيحه العيش يشفط الماي

[أبو بكر سالم]

الله يعوض عليك اخوي

[مستر بن]

والله اول امس

ولد خالي كان توه ماخذه ورااح البحر ..


كان ف الطرااد صور و طااح منه ..

[B-GMC]

جرب تفتحه يمكن تحصل في بطنه خاتم الماس ولا دانه بيعها وشتر واحد جديد

[الجوكر90]

اذا عندك لعبه الكوره من قدك اخوي
عندك لعبه محد عنده نفسها
الملعب الصابوني فالايفون والله حركات

[bo_Yousef1]

بس والله روحك رياضية خربان تلفونك وقاعد تضحك وتتغشمر هههه عجيييييييييب

[العبدلي1]

السلام عليكم شخبارك اخوي

انا سمعة انهم بنزلون ايفون4 الدفعه الثانيه معدلين اخطاء الدفعه الاولى من ناحية الارسال
وايفونك الخربان خله قطع غيار وحطه في خيشة الرز على طوووووووووووول

[محمد11]

هاي اخر الشماته

أنا اقول مثل ماقلت لك قبل اربط الايفون بسيكل حد من اليهال وخلع يدور فيه ف الفربج
وان شاء الله يرجع مثل قبل

عاد عطني خبر

[rayyani12]

اخوووي روح ورشة فودافون اللي في شارع الخليج قبل دوار الجيده وانت جاي من صوب البولينج ع اليمين .. الورشه مشتركه مع شركة الموتورولا يعني روح الموتورولا وعندهم صيانة فودافون .. انا طاح ايفوني في الماي ودفعوني الف وعطوني جديد*