اللي ماله اول ماله تالي / من ذاكرة الايام

[بطل الفريج]

قعدت من الرقاد ونزلت من فوق الكرفايه ؛

وبطلت الثلاجه وشربت عرنجوش؛

وكليت ميوه وسحه؛

ولبست الزنجفره نمره واحد الي شريته من الحفيز اللي في السوق

وحطيت الكشمه الي عليها النمونه الحمره

ووخذيت التمبه الربل من فوق روشنة الدهريز

وآنه نازل من دجة البيت والفريج خرمس والشوارع سهده

والجو سريده وإلا بصوت عمبلوص مهتد وشاخطه

ومسوي دندره في الفريج

وومعاهم دختر شيبه وقصله

ووكانو كلهم رايحين صوب الاسبيتار

وشايلين معاهم واحد ميهود

وشوي والا بست متروس وعليه نيشان ونمرة نقل عام وكان يسوق مثل الغيلمه

ووحاط على البانيت عكس مكتوب نحو الأميه

وكلهم مستانسين

قلت آنشدهم وين رايحين

رد علي واحد قلج لكنه كان يلبلب

قال لي رايحين كشته تبي أتييويانه

قلت له والله قميضه

وآنه محيوب من الكشته

أاقول باشوفكم الجابله الأحسن أروح ألعب في التمبه الدويحه

تره غلق الوقت

منقول :)

[بدون]

هههههههههههههههههه

ما دريت انك شيبه لهالدرجة :)

ما يبت لنا معاك برميت و نامليت من الحفيز يالحبيب؟؟؟؟ كخخخخ

[الـقـاسـي]

باااال كلمات اندثرت ومراح ترجع
دختر
عمبلوص
دندره
عرنجوش

اهم شي العكس مال محو الاميه

جدي للحين يقول عكس مايعرف صوورة

[جلمود]

عــجيب عــــجيب موضوعك

خوش نمونه

طلعت (جوكم) يابطل الفريج :victory:

[الأصيلة]

ماشاء الله عليك يابطل الفريج
وكنت تقدر اطولها زيادة بكلمات فعلا اندثرت
مع آبائنا وأجدادنا...
مرة ثانية جيب لنا الله يواليك العافية من الدكان عويزة حق البزران
خل يهيعون من هاللويه في السكيك وعلى السمايد...
خوفناهم بحمارة القايلة ومافيه فايده
البنات شحليلاتهم في الحوش يلعبون صقلة وقيس ومع البّروي...
وفي الليل نقولهم حزاوي ويرقدون...


تحياااتي لـ زمن الصفاء والنقاء...

[شمعة الدوحه]

زمن القلوب النظيفه اندثر :(

من قلب كلمات قديمه واشوف ان ايام قبل احلى

يعطيك الف عافيه اخوي

[( أكاديمية )]

كح .. كح ... !

الله ياوطر ٍ مضى ليته يعود...!

يعل ربي يسلمك يابطل الفريج

[الحياة الخالدة]

السلام عليكم و رحمة الله ..


بطل الفريج ..


جزاك الله خير على النقل ..
رجعتنا حق أحلى كلام .. و أحلى ذكريات ..


مصطلحات قطرية قح و مميزة لأهل البلد ..
عرنجوش عصير البرتقال .. طمارجوش عصير الطماط .. و يا زينه مع الدهنة و العيش الهميch
الكرفاية .. الشبرية .. و ملحقاتها .. النهلية ( و يا زين رقدة الأرض ) .. و الموسدة ..
كليت .. خذيت .. الحين بعضهم لما يسمعونها .. يضحكون .. و يقولون أكلت و أخذت ..
الاسبيتار .. ذكرتني بسبيتار حمدة .. و السيد ( الطابور ) مال الحمل ( أمهاتنا الحوامل ) ..
سهده .. صخه


الأصيلة .. كالعادة أصيلة ..


مرة ثانية جيب لنا الله يواليك العافية من الدكان عويزة حق البزران
خل يهيعون من هاللويه في السكيك وعلى السمايد...
خوفناهم بحمارة القايلة ومافيه فايده
البنات شحليلاتهم في الحوش يلعبون صقلة وقيس ومع البّروي...
وفي الليل نقولهم حزاوي ويرقدون...


عويزة .. لو قلتيها حق الجيل الجديد أو يمكن حتى عمر 25 أو حتى 30 ما راح يعرفونها ..
الله يرحم أهلنا كانوا يخوفوننا بكل شي .. أم السعف و الليف ( مع الاعتذار الشديد حق حبيبتنا أم السعف ) .. بودرياه .. الساحرة أم قنان ..
كله عشان ما نطلع نهايل في السكيك .. و بعد ما كان ينفع ..
ألعابنا البريئة .. القيس .. الكتور .. و غيرهم .. نلقط من اللي يبقى من الخياييط و نسوي دراريع و ملابس حق ألعابنا اللي نسويها من الخشب ..


و الحزاوي عاد سالفة ثانية ..
قرقوة .. عرووووي ... و الباقيين نسيت أساميهم .. بس أغلبها كانت تخرع .. و فيها الكثير من التكرار .. الظاهر عشان الياهل يدوخ و يرقد ..


يا الله .. شلون تغيرت الدنيا .. و تغيروا الناس ..
و سبحان اللي يغير و ما يتغير ..


شكراً يا بطل .. عساك تعتادها ..

[الأصيلة]

ومع الوقت ودخول الكلمات الأجنبية في أحاديث الأغلبية
كلمة عربية والباقي أجنبية ويتفاخرون بها ويقيسون بها التطور والتقدم والتمدن...
بيجي يوم لعيالنا ( الله لايقول ) يتذكرون كلامنا العادي هذا ويقولون زمان أول...
والله يعورني قلبي من تغير لسان الشباب وترديدهم للكمات الغريبة والمشكلة يصرون عليها
وأمهاتهم صاروا مثلهم الكلام نصه إنجليزي..
لاحول ولاقوة إلا بالله...

[dream~qa]

أنا مابي عرنجوش ابي طماطيوش وإذا في عنصنص ما يخالف

أحس اللي بيدخل ويقرا الموضوع بيحس أنه قاعد يقرا اللغة الهيروغليفية

[العـوا]

الماضي له طعم اخر شكراا لصاحب الموضوع على الاضائه

[simsim1963]

بضيف كلمات عتيجه . تعرفون (تخت بند) -ريوس -رون قول - سيدا - قرنبع - دروازه - شغمقشه ( لا هذي مب قطريه ههههههه) .

[حبر سري]

بضيف كلمات عتيجه . تعرفون (تخت بند) -ريوس -رون قول - سيدا - قرنبع - دروازه - شغمقشه ( لا هذي مب قطريه ههههههه) .

تخت بند = (ماعندي فكرة عن هالجملة بصراحة)
ريوس = ارجع ورا
رون قول = (ماعندي اي فكرة , بس اعرف ان كلمة قول يعني هدف هههههههه , يمكن المقصود فيها روني هداف مانشستر يونايتد جاب قول :tease: , لحد يصدق بس)
سيدا = الى الامام
قرنبع = يعني شي كحيان او تعبان
دروازة = اظن دريشة (نافذة)
شغمقشه = (هاذي اخلي ترجمتها حق سمسم , لاني مااعرفها وهو اخبر):nice:

[simsim1963]

تخت بند هذي كلمه بتان (لغه بشتون ) سقف
دروازه ( كلمه فارسيه +أورديه ) تعني باب
رونقول (كلمه أنجليزيه) تعني wrong gold ذهب مغشوش أو تقليد
سيدا ( كلمه أورديه) تعني للأمام أو طريق
قرنبع ( كلمه أنجليزيه محرفه ) من : الجد granba تستخدم من قبل الامريكان في أرامكو واخذت من قبل العرب العاملين هناك
شقمقشه ( هذي كلمه كورديه ) يستعملها العراقين ايضا ومعناها درج السيارة الداخلي

[simsim1963]

نظيف كلمات أخرى : كبت + ليسن + خادموني + بشت + كرين + بيزات

[بو خليفه 123]

ومع الوقت ودخول الكلمات الأجنبية في أحاديث الأغلبية
كلمة عربية والباقي أجنبية ويتفاخرون بها ويقيسون بها التطور والتقدم والتمدن...
بيجي يوم لعيالنا ( الله لايقول ) يتذكرون كلامنا العادي هذا ويقولون زمان أول...
والله يعورني قلبي من تغير لسان الشباب وترديدهم للكمات الغريبة والمشكلة يصرون عليها
وأمهاتهم صاروا مثلهم الكلام نصه إنجليزي..
لاحول ولاقوة إلا بالله...

كلامك على العين والراس

و لكن

عنبلوص وش بتنفعني في اختصاص ال Business management او الاختصاصات الاخرى ؟

أم السعف (و ليست العضوه لدى المنتدى) هل ستساهم في ارتفاع سهم بنك قطر الوطني في البورصه و تعويض ملاك سهم صناعات خسارتهم ؟

و كثير من الكلمات الاخرى التي تتحسرين عليها ..

:tease:

[باسكن روبنز]

والديني للحين كلامهم جذي ههههههه الله يطول بآعمارهم ،:nice:
تسلم يابطل الفريج ،


موضوعك 10/10 ،
:victory:

[simsim1963]

:nice:
كلامك على العين والراس

و لكن

عنبلوص وش بتنفعني في اختصاص ال Business management او الاختصاصات الاخرى ؟

أم السعف (و ليست العضوه لدى المنتدى) هل ستساهم في ارتفاع سهم بنك قطر الوطني في البورصه و تعويض ملاك سهم صناعات خسارتهم ؟

و كثير من الكلمات الاخرى التي تتحسرين عليها ..

:tease:


:nice:ههههههههههههههههه :nice:

[JN000N]

هههههههه

احنا لحين نص هالكلام نقوله

يعطيك العافيه.. تبي اعطيك قاموس هههه حاضرين ^_*

[JN000N]

كلامك على العين والراس

و لكن

عنبلوص وش بتنفعني في اختصاص ال Business management او الاختصاصات الاخرى ؟

أم السعف (و ليست العضوه لدى المنتدى) هل ستساهم في ارتفاع سهم بنك قطر الوطني في البورصه و تعويض ملاك سهم صناعات خسارتهم ؟

و كثير من الكلمات الاخرى التي تتحسرين عليها ..

:tease:



شهست:rolleyes2:

وانت ماتفكر الا فالبيزات
عمي ريح بالك شوي ههههههه

[simsim1963]

ممكن حد يفسر لي شنو تقصدون بأم السعف ؟

[حمد]

وآنه نازل من دجة البيت والفريج خرمس والشوارع سهده



منقول :)

موضوع روعه وكلام جميل ... وللاسف بدا يندثر .

اخوي بخصوص نزلت من دجة الباب .... فاعتقد انا الي عند الباب تسمى اعتبه وهي الدرجة الاولى الي تنزلك على الشارع .

اما الدجه ... فهي كرسي مسوينه من الطابوق ... وكون ملاصق لسور المنزل .... ويجلس عليه كبار السن الي في الفريج .... بعد صلاة العصر او المغرب .

ومازالت بعض البيوت القطرية .... تضع الدجه .... وتستخدمها كجزء اساسي من البيت ومن الحياة اليومية .

[نمر بن عدوان]

معظم هالكلمات اصلها اما ايراني او هندي او تركي وهاجرت الينا مع التجار الهنود والايرانيين ومع الحكم العثماني .

[simsim1963]

معظم هالكلمات اصلها اما ايراني او هندي او تركي وهاجرت الينا مع التجار الهنود والايرانيين ومع الحكم العثماني .

ههههههههههه سلم لي على الاصاله .

[بدون]

موضوع روعه وكلام جميل ... وللاسف بدا يندثر .

اخوي بخصوص نزلت من دجة الباب .... فاعتقد انا الي عند الباب تسمى اعتبه وهي الدرجة الاولى الي تنزلك على الشارع .

اما الدجه ... فهي كرسي مسوينه من الطابوق ... وكون ملاصق لسور المنزل .... ويجلس عليه كبار السن الي في الفريج .... بعد صلاة العصر او المغرب .

ومازالت بعض البيوت القطرية .... تضع الدجه .... وتستخدمها كجزء اساسي من البيت ومن الحياة اليومية .

إيه والله ،،، الله يرحم أيام لول ، الشيبان كانوا يقعدون على الدجيج و اليهال يلعبون و إذا حد تشيطن ياته لشطه بالخيزرانة،، و الله مب من ابوه و لا عمه ، من أي واحد من شيبان الفريج .
لول كل الفريج يربي العيال، علشان جذي طلعت التربية تمام، الحين العيال و شيبانهم ما يتوايهون ألا كل حين و مين، و التربية على الخدم و التلفزيون و نتيجة لذلك بدأت بعض العادات الدخيلة تتسلل لنسيج المجتمع و بدأ البعض يسميها من التراث القطري الأصيل >>>>لين الحين ميهود من سالفة رقصة المناديل .

[ام السعف]

اللـــــــــــــــــــه عبق الماضي ريحته حلووووووووة

تسلم على هالنقل ،،

[حسن]

ياحمد الدجه غير اللي انت تقصده يسمونه حبس والدروازه فيها فرخه من يعرف الفرخه

[ام السعف]

معظم هالكلمات اصلها اما ايراني او هندي او تركي وهاجرت الينا مع التجار الهنود والايرانيين ومع الحكم العثماني .

واستبدلت بكلمات انجليزية،،
واي
اوج
اوبس
ستيوبد:telephone:

[حسن]

الله يرحم يدي يقولي ماعندي قوازي اعطيك وانه صغير ويوم سئلت امي وش معناها قالت لي يعني فلوس بيزات وذكرتوني بالربيه والانتين

[بويوسف]

واستبدلت بكلمات انجليزية،،
واي
اوج
اوبس
ستيوبد:telephone:

ام السعف .. الكلمات التركية والايرانية والهندية عار ودونية والانجليزية فخر وكشخة :nice:

هذا يسمونه الانبهار الحضاري ..

مع ان للأسف الواقع يقول ان الهنود والاتراك والايرانين ارقى منا في سلم التنمية والتحضر حاليا .. مع هذا مانشوف ونقارن منهم الا السواقين والخدم والعمالة البسيطة .. اصحوا ترى الهند الدولة الصناعية الثامنة بالعالم ..

شكرا على الموضوع الحلو .. في بعض الكلمات مازلنا نستخدمها ..

[ام السعف]

ام السعف .. الكلمات التركية والايرانية والهندية عار ودونية والانجليزية فخر وكشخة :nice:

هذا يسمونه الانبهار الحضاري ..

مع ان للأسف الواقع يقول ان الهنود والاتراك والايرانين ارقى منا في سلم التنمية والتحضر حاليا .. مع هذا مانشوف ونقارن منهم الا السواقين والخدم والعمالة البسيطة .. اصحوا ترى الهند الدولة الصناعية الثامنة بالعالم ..

شكرا على الموضوع الحلو .. في بعض الكلمات مازلنا نستخدمها ..


هي الدولة الثامنة وبس !!

طيب خلهم اللي ميتين على الماركات ومطيحين في المجمعات وشالين سياراتهم
شيل للدول الأوروبية ،، يشوفون كبرى الشركات الأمريكية وين تستغل رخص الأيادي
العاملة ،، في أي دول ،، الفنيين و العباقرة من وين ،، وعقب بضحكون على كلمات
هندية او عثمانية او غيرها ،،

[بدون]

برزتو البيزات حق العيدية ؟؟؟ :)

:nice::nice::nice:

عن اذنكم بنروح السوق نشتري عويزات حق العيد و ماجلة البيت

:)

[ام السعف]

ممكن حد يفسر لي شنو تقصدون بأم السعف ؟


هل كيفما ربما انهم يقصدوني :shy:

هل من صجك ما اتعرف شيقصدون بأم السعف ؟:telephone:

[روضة]

كلمات عاميه اصلها فارسي-هندي-انجليزي!!!

--------------------------------------------------------------------------------

السلام عليكم جميعاً...اليوم لطشت موضوع عن اصل كلمات منستخدمها بلغتنا العاميه!

وهالكلمات هي....:
استمارة : كلمه تركية
باغه :كلمة تركية تعني بلاستك
بفته :كلمة هندية تعني القماش الأبيض
بخت : كلمة فارسيه تعني الحظ
بس :كلمة فارسيه تستعمل للإسكات
بشت : كلمة فارسيه تعني المشلح
بهار :كلمة هندية تعني بلادالهند ابازير
تتن :كلمة تركية بمعنى الدخان
تجوري: كلمة هندية تعني الخزنة
تريك :كلمة لاتينية تعني المصباح
توله :كلمة هندية تعني عيارللوزن
تاوه : كلمة تركية تعنيالمقلاة
خاشوقه :كلمة تركية تعني الملعقة
خيشه: كلمة فارسية تعني كيس من القماش
خبل :كلمة فارسيه وهوالمجنون
دربيل :كلمة تركية تقرب البعيد
دروازة :كلمة هندية تعني البوابة
دريشه: كلمة فارسية تعني نافذة
دسته :كلمة فارسيه تعني حزمه من الورق
ديرم :كلمة هندية تعني صبغةالرمان
ريغه :كلمة فارسيه تعني خليط الماءوالطين
زلطة: كلمة إيطالية تعني جمع الخضرواتفي إناء
زوليه :كلمة فارسيه تعني البساط
سرسري :كلمة تركية تعني عاطل عن العمل
شيرة :كلمة فارسية تعني رحيق السكر
شرشف :كلمة كردية تعني غطاءالنوم
طشت :كلمة فارسية تعن يإناءالغسيل
طربال :كلمة فارسية تعني الشراع
طرمبة :كلمة إيطالية تعني مضخةالمياه
غرشة :كلمة فارسية تعني جرةالماء
قرطاس: كلمة يونانية بمعى الورق
قوطي: كلمة تركية تعني علبةمن الصفيح
كليجة: كلمة فارسية تعني القرص الصغير
عفواً على هالكلمه...وانتو اكبر قدر....كندرة:وهي كلمة تركية تعني الحذاء

[abdulbaset]

دوام الحال من المحال
بس ياريت الزمن اللي راح يرد يرجع

[الحياة الخالدة]

السلام عليكم ..


أخي الكريم .. حسن



ياحمد الدجه غير اللي انت تقصده يسمونه حبس والدروازه فيها فرخه من يعرف الفرخه


الفرخه .. الباب الصغير اللي في الدروازة ..

[حسن]

السلام عليكم ..


أخي الكريم .. حسن



ياحمد الدجه غير اللي انت تقصده يسمونه حبس والدروازه فيها فرخه من يعرف الفرخه


الفرخه .. الباب الصغير اللي في الدروازة .. انت:victory:

[simsim1963]

هل كيفما ربما انهم يقصدوني :shy:

هل من صجك ما اتعرف شيقصدون بأم السعف ؟:telephone:

لا والله ما المقصود بها هل هب كلمه للتخويف مثل بودرياه ؟ والا العيوز الي معها مخمه وتطير فيها؟

[فراغ]

كلمات عاميه اصلها فارسي-هندي-انجليزي!!!

--------------------------------------------------------------------------------

السلام عليكم جميعاً...اليوم لطشت موضوع عن اصل كلمات منستخدمها بلغتنا العاميه!

وهالكلمات هي....:
استمارة : كلمه تركية
باغه :كلمة تركية تعني بلاستك
بفته :كلمة هندية تعني القماش الأبيض
بخت : كلمة فارسيه تعني الحظ
بس :كلمة فارسيه تستعمل للإسكات
بشت : كلمة فارسيه تعني المشلح
بهار :كلمة هندية تعني بلادالهند ابازير
تتن :كلمة تركية بمعنى الدخان
تجوري: كلمة هندية تعني الخزنة
تريك :كلمة لاتينية تعني المصباح
توله :كلمة هندية تعني عيارللوزن
تاوه : كلمة تركية تعنيالمقلاة
خاشوقه :كلمة تركية تعني الملعقة
خيشه: كلمة فارسية تعني كيس من القماش
خبل :كلمة فارسيه وهوالمجنون
دربيل :كلمة تركية تقرب البعيد
دروازة :كلمة هندية تعني البوابة
دريشه: كلمة فارسية تعني نافذة
دسته :كلمة فارسيه تعني حزمه من الورق
ديرم :كلمة هندية تعني صبغةالرمان
ريغه :كلمة فارسيه تعني خليط الماءوالطين
زلطة: كلمة إيطالية تعني جمع الخضرواتفي إناء
زوليه :كلمة فارسيه تعني البساط
سرسري :كلمة تركية تعني عاطل عن العمل
شيرة :كلمة فارسية تعني رحيق السكر
شرشف :كلمة كردية تعني غطاءالنوم
طشت :كلمة فارسية تعن يإناءالغسيل
طربال :كلمة فارسية تعني الشراع
طرمبة :كلمة إيطالية تعني مضخةالمياه
غرشة :كلمة فارسية تعني جرةالماء
قرطاس: كلمة يونانية بمعى الورق
قوطي: كلمة تركية تعني علبةمن الصفيح
كليجة: كلمة فارسية تعني القرص الصغير
عفواً على هالكلمه...وانتو اكبر ئدر....كندرة:وهي كلمة تركية تعني الحذاء
بل صحيح طلعت لغتنا مجمعه
هذي كلها نستخدمها في كلامنا
بس فيه كلمات يستخدمها جدي وهي كلام أهل الشمال وهو تأنيث الشي
مثل أنعاليه وزاريه زنجفرتيه (فانيلتي)

[simsim1963]

بل صحيح طلعت لغتنا مجمعه
هذي كلها نستخدمها في كلامنا
بس فيه كلمات يستخدمها جدي وهي كلام أهل الشمال وهو تأنيث الشي
مثل أنعاليه وزاريه زنجفرتيه (فانيلتي)

هذول مال بحرين .وبدقه ( قلالي - المحرق )

[نمر بن عدوان]

هي الدولة الثامنة وبس !!

طيب خلهم اللي ميتين على الماركات ومطيحين في المجمعات وشالين سياراتهم
شيل للدول الأوروبية ،، يشوفون كبرى الشركات الأمريكية وين تستغل رخص الأيادي
العاملة ،، في أي دول ،، الفنيين و العباقرة من وين ،، وعقب بضحكون على كلمات
هندية او عثمانية او غيرها ،،


محد ضحك على الكلمات واصلها احنا نعطي معلومه وبس.

بعدين من قال ان لهنود او العثمانيين او الايرانيين افضل من الاوروبيين والامريكان هذا مايدري شسالفه ويذكرني بأفتخار العرب بحضارتهم .

انتي اذا بغيتي اتعالجين وين تروحين؟

اذا انسئلتي عن سياره بتقولين هنديه او اوروبيه؟

اذا بحثتي عن الماركه والتصنيع الصح والي يدوم بتشترين بضاعه هنديه او اوروبيه وامريكيه.

اذا بحثتي عن الرقي الفكري والديمقراطيه وحقوق الانسان بتقولين اوروبا وامريكا او الهند؟

اخيرا : اللغه الي تعلمينها عيالج عشان يطورون مستواهم العلمي ويتعرفون على كل جديد الهنديه او الانجليزيه .
ماعليه انقارن الهند بالعرب لكن انا انقارنها بأوروبا وامريكا هههههههه هذي نكته.

[الحريّه]

ليس عار ولا يعتبر دونيّة أن تُطَعّم اللغات بلغات أخرى . فهذه هي طبيعة الحضارات . وتسبب الهجرات الإنسانية والتجارة العالمية ولادة لغات جديدة لشعوب قد تعتبر لغاتها من أقدم اللغات . فقد اعتبر المؤرخون اللغة كائن حيّ يكبر وينمو ويتغير تبعاً للظروف .
كما أن إصرارنا على الإحتفاظ بالمفردات القديمة والألم لفقدها هو كحامل الشبك , يريد أن يحبس به الهواء .
لقد دخلت إلى اللغة العربية مفردات من لغات أخرى حين كانت في أوج قوتها . مفردات دخلت مع المد الإسلامي ودخول الناس في الاسلام . ولم يعتبر العرب الأولون ذلك ضعفاً , بل قوّة وجزالة في اللغة العربية التي قامت بإحتواء مفردات جديدة وقامت بتعريبها .
ليس هناك مانع في أن نتذكر قديمنا ونَحِنّ إليه , إلا أننا لا يجب أن نتباكى على الطلل وننظر إلى نصف الكأس الفارغ
سأذكركم بكلمة قديمة أيضاً , قد يذكرها البعض وهي السِيّمْ , هل تذكرون السِيَمْ ؟
تحياتي
:victory:

[فراغ]

هذول مال بحرين .وبدقه ( قلالي - المحرق )
يستخدمونها أهل قطر بعد

[حسن]

اتذكر العريش

[ام السعف]

محد ضحك على الكلمات واصلها احنا نعطي معلومه وبس.

بعدين من قال ان لهنود او العثمانيين او الايرانيين افضل من الاوروبيين والامريكان هذا مايدري شسالفه ويذكرني بأفتخار العرب بحضارتهم .

انتي اذا بغيتي اتعالجين وين تروحين؟

اذا انسئلتي عن سياره بتقولين هنديه او اوروبيه؟

اذا بحثتي عن الماركه والتصنيع الصح والي يدوم بتشترين بضاعه هنديه او اوروبيه وامريكيه.

اذا بحثتي عن الرقي الفكري والديمقراطيه وحقوق الانسان بتقولين اوروبا وامريكا او الهند؟

اخيرا : اللغه الي تعلمينها عيالج عشان يطورون مستواهم العلمي ويتعرفون على كل جديد الهنديه او الانجليزيه .
ماعليه انقارن الهند بالعرب لكن انا انقارنها بأوروبا وامريكا هههههههه هذي نكته.

لحظة لو سمحت ،، هل هناك ما يفيد اني قارنت الهنود بالأمريكان ؟
ييب لي ما يفيد ذلك و بعدين تعال بقول لك رايي :shy:

[الحريّه]

و الكبَر
عريش بس مقفل :)
صح ؟؟

[ام السعف]

لا والله ما المقصود بها هل هب كلمه للتخويف مثل بودرياه ؟ والا العيوز الي معها مخمه وتطير فيها؟

ايوه هذي اللي يخرعون فيها اليهال ام قشة ،،:shy:
و تنحدر من اصول عربية ترجع الى شجرة النخيل :shy:

اما العيوز اللي معاها المخمة هذي فلكلور غربي مب خليجي :shy:

[حسن]

العريش والسيم اعتقد نفس المعني

[نمر بن عدوان]

لحظة لو سمحت ،، هل هناك ما يفيد اني قارنت الهنود بالأمريكان ؟
ييب لي ما يفيد ذلك و بعدين تعال بقول لك رايي :shy:



هي الدولة الثامنة وبس !!

طيب خلهم اللي ميتين على الماركات ومطيحين في المجمعات وشالين سياراتهم
شيل للدول الأوروبية ،، يشوفون كبرى الشركات الأمريكية وين تستغل رخص الأيادي
العاملة ،، في أي دول ،، الفنيين و العباقرة من وين ،، وعقب بضحكون على كلمات
هندية او عثمانية او غيرها ،،

[ام السعف]

هي الدولة الثامنة وبس !!

طيب خلهم اللي ميتين على الماركات ومطيحين في المجمعات وشالين سياراتهم
شيل للدول الأوروبية ،، يشوفون كبرى الشركات الأمريكية وين تستغل رخص الأيادي
العاملة ،، في أي دول ،، الفنيين و العباقرة من وين ،، وعقب بضحكون على كلمات
هندية او عثمانية او غيرها ،،


يعني انت فهمت من كلامي اني اقارن الهنود بالأمريكان ؟:)

طيب اسمح لي اوضح لك علشان اشل الالتباس اللي حصل ،،

قارنت ما بين عقول اللي يدورون في المجمعات ويخمون سياراتهم
ويدورون الماركات والمقصود فيهم شباب وبنات الخليج ،،
اللي يقللون مكانة الآخرين ،، على اساس انهم حافظين لهم كم كلمة انجليزية
ويظنون انهم اخترقوا خط الأفق في علمهم وتطورهم ،،

وضح مقصدي والا لا ؟:shy:

[نمر بن عدوان]

يعني انت فهمت من كلامي اني اقارن الهنود بالأمريكان ؟:)

طيب اسمح لي اوضح لك علشان اشل الالتباس اللي حصل ،،

قارنت ما بين عقول اللي يدورون في المجمعات ويخمون سياراتهم
ويدورون الماركات والمقصود فيهم شباب وبنات الخليج ،،
اللي يقللون مكانة الآخرين ،، على اساس انهم حافظين لهم كم كلمة انجليزية
ويظنون انهم اخترقوا خط الأفق في علمهم وتطورهم ،،

وضح مقصدي والا لا ؟:shy:


اذا كان هذا قصدج اتفق معاج مع انج ماعرفتي توصلينه بشكل صحيح خصوصا انج حطيتي كلمة(العثمانيه) وانا الي قلت فردي هالكلمه فتوقعت انه نقد موجه لي او اني كنت اتطنز(1) عليهم.




(1)-اتطنز= يعني اتمصخر = يعني استهزء ههههههههه

[ام السعف]

اذا كان هذا قصدج اتفق معاج مع انج ماعرفتي توصلينه بشكل صحيح خصوصا انج حطيتي كلمة(العثمانيه) وانا الي قلت فردي هالكلمه فتوقعت انه نقد موجه لي او اني كنت اتطنز(1) عليهم.




(1)-اتطنز= يعني اتمصخر = يعني استهزء ههههههههه

المهم الحين ان ردي انفهم :shy:

[الجغميني]

بطل الفريج و شفيك شال اقشارك خل عنك قلة التمر ينب يونية العيش اقلط حياك بس افصخ ادلاغك .

علة تعل راعي الموتر هاد على خلق الله اتقول ماشي على الرسته.

علووووي هات الدربيل اشوف

ايا الهيس مندعس ورا الكبت وراك متروع تراني اشوفك من الدريشة في الاحوط وش عندك حبال هات الفخ عنك لا وكسار الاخرزه شوف ايدك اشلون وصخة من التنبر زين ما قلت لي وين غرشة العتل يا العنيووشش

شقيت ثوبك .... غبرة صكتك
تراني ميهود منك .... تلعب خشيشة
او صمخ اجلاب قم فز حق عمك
متدهن زبرة العيد من قدك

كح كح ............. خلوني اتذكر وراجع لكم

تسلم يا بطل :)

[الأصيلة]

خلونا ياجماعة نقيل في الفي على المده المفروشة...
سندرتونا مع هيلة زمان أول..
صكوا الفرخة بالمزلاي لو سمحتوا..
واهيعوا اشوي ..
وجيبوا لي الصنطور من الروشنة وركبوه على الساعة 3 عشان الصلاة...
بقوم أتيدد في القطيع من درام الماي والا الكلك الأحمر اللي شريناه من سوق المهارة...

[هداف]

ذكرتوني بزمان العرمووووووووووووووووط الجميل

وزمان العنصنص


تعرفون العرموط ؟

[بـــــــنت النوخـّــــذه]

اههههههههههههههههههه:thumbup1:

copy &Beast من قوقل :p


انزين ماسئلتو نفسكم سؤال ليش هالمصطلحات شبه مندثره:


الجواب لان صارو يعرضونها فقط ويكتبونها بالنت ونسو او يدعون التناسي او اعتبروها من ضمن التراث يعني نفس قلعه الزباره اشهر معلم تراثي لي قالو وشهو اشهر معلم تراثي قالو الزباره لي قالو لهم وشنهي الزباره :telephone: قالو هاه :omg:

هذي مشكله الكوبي بيست من النت والاكتفاء بذلك وعدم استخدام هالكوبي وعمل له بيست في حياة الناس العامه ليصبح له معنى يتداوله الجميع 0 ومحمي من الاندثار



ويستمر مسلسل الكوبي بيست من النت بين الناس ومتابعه معاكم ^_*

escapeescape

[آلسنآفيه]

كلمات عاميه اصلها فارسي-هندي-انجليزي!!!

--------------------------------------------------------------------------------

السلام عليكم جميعاً...اليوم لطشت موضوع عن اصل كلمات منستخدمها بلغتنا العاميه!

وهالكلمات هي....:
استمارة : كلمه تركية
باغه :كلمة تركية تعني بلاستك
بفته :كلمة هندية تعني القماش الأبيض
بخت : كلمة فارسيه تعني الحظ
بس :كلمة فارسيه تستعمل للإسكات
بشت : كلمة فارسيه تعني المشلح
بهار :كلمة هندية تعني بلادالهند ابازير
تتن :كلمة تركية بمعنى الدخان
تجوري: كلمة هندية تعني الخزنة
تريك :كلمة لاتينية تعني المصباح
توله :كلمة هندية تعني عيارللوزن
تاوه : كلمة تركية تعنيالمقلاة
خاشوقه :كلمة تركية تعني الملعقة
خيشه: كلمة فارسية تعني كيس من القماش
خبل :كلمة فارسيه وهوالمجنون
دربيل :كلمة تركية تقرب البعيد
دروازة :كلمة هندية تعني البوابة
دريشه: كلمة فارسية تعني نافذة
دسته :كلمة فارسيه تعني حزمه من الورق
ديرم :كلمة هندية تعني صبغةالرمان
ريغه :كلمة فارسيه تعني خليط الماءوالطين
زلطة: كلمة إيطالية تعني جمع الخضرواتفي إناء
زوليه :كلمة فارسيه تعني البساط
سرسري :كلمة تركية تعني عاطل عن العمل
شيرة :كلمة فارسية تعني رحيق السكر
شرشف :كلمة كردية تعني غطاءالنوم
طشت :كلمة فارسية تعن يإناءالغسيل
طربال :كلمة فارسية تعني الشراع
طرمبة :كلمة إيطالية تعني مضخةالمياه
غرشة :كلمة فارسية تعني جرةالماء
قرطاس: كلمة يونانية بمعى الورق
قوطي: كلمة تركية تعني علبةمن الصفيح
كليجة: كلمة فارسية تعني القرص الصغير
عفواً على هالكلمه...وانتو اكبر ئدر....كندرة:وهي كلمة تركية تعني الحذاء



آغلبيت آلكلمآت نقـولهـآ حآليآ :shy:




اههههههههههههههههههه:thumbup1:

copy &Beast من قوقل :p


انزين ماسئلتو نفسكم سؤال ليش هالمصطلحات شبه مندثره:


الجواب لان صارو يعرضونها فقط ويكتبونها بالنت ونسو او يدعون التناسي او اعتبروها من ضمن التراث يعني نفس قلعه الزباره اشهر معلم تراثي لي قالو وشهو اشهر معلم تراثي قالو الزباره لي قالو لهم وشنهي الزباره :telephone: قالو هاه :omg:

هذي مشكله الكوبي بيست من النت والاكتفاء بذلك وعدم استخدام هالكوبي وعمل له بيست في حياة الناس العامه ليصبح له معنى يتداوله الجميع 0 ومحمي من الاندثار



ويستمر مسلسل الكوبي بيست من النت بين الناس ومتابعه معاكم ^_*

escapeescape



مـآقـدر آضيـف عـلـى آختـي بنـت آلنـوخذهـ شـي
كفيـتـي ووفيـتـي :shy:

[حسن]

ضحكتيني يالاصيليه سوق المهاره عاد طلعتي اغبار حذا سوق الجمال اتوقع شكثر اول مره يسمعون هل الاسواق

[الأصيلة]

ضحكتيني يالاصيليه سوق المهاره عاد طلعتي اغبار حذا سوق الجمال اتوقع شكثر اول مره يسمعون هل الاسواق

عاد تدرون ان أعمار الأعضاء الظاهر بتبين من المشاركات ...
اللي يعرف المصطلحات أكثر بيكون أكبر من الثاني..
لكن كوبي بست ماعندنا خليناها حق البزران...

[حسن]

عاد تدرون ان أعمار الأعضاء الظاهر بتبين من المشاركات ...
اللي يعرف المصطلحات أكثر بيكون أكبر من الثاني..
لكن كوبي بست ماعندنا خليناها حق البزران...اي والله وجيل امنه محمود الله يغفر لها

[الكــاســــر]

انا اقول الحمدلله ان معظم هالكلمات اندثرت
لأن مثل ما هو واضح
أغلبها جيبينها من لغات ثانية
الحمدلله مصطلحات اليوم أقرب للعربية
في شي يزعل لما صرنا نقول مثلا كلمة "باب" العربية بدال "دروازه" الهندية.. انا اشوفه خير
عقبال باقي المصطلحات الاجنبية حتى لو كانت تراثية

[حسن]

بروه البيت من يات حد يعرف

[khaleeji]

الحمد لله اني صغير و ما اعرف هالكلمات

ياشياب وعيايز المنتدى :nice:

[الفهد1]

قعدت من الرقاد ونزلت من فوق الكرفايه ؛

وبطلت الثلاجه وشربت عرنجوش؛

وكليت ميوه وسحه؛

ولبست الزنجفره نمره واحد الي شريته من الحفيز اللي في السوق

وحطيت الكشمه الي عليها النمونه الحمره

ووخذيت التمبه الربل من فوق روشنة الدهريز

وآنه نازل من دجة البيت والفريج خرمس والشوارع سهده

والجو سريده وإلا بصوت عمبلوص مهتد وشاخطه

ومسوي دندره في الفريج

وومعاهم دختر شيبه وقصله

ووكانو كلهم رايحين صوب الاسبيتار

وشايلين معاهم واحد ميهود

وشوي والا بست متروس وعليه نيشان ونمرة نقل عام وكان يسوق مثل الغيلمه

ووحاط على البانيت عكس مكتوب نحو الأميه

وكلهم مستانسين

قلت آنشدهم وين رايحين

رد علي واحد قلج لكنه كان يلبلب

قال لي رايحين كشته تبي أتييويانه

قلت له والله قميضه

وآنه محيوب من الكشته

أاقول باشوفكم الجابله الأحسن أروح ألعب في التمبه الدويحه

تره غلق الوقت

منقول :)

تعبيرك ماراح يفهمة الا من مواليد 1960 وانت نازل لكن الي لفو من1970 الله يعينهم

[khaleeji]

يارجال والله بعضهم مواليد 1950 ولا يدري وين الله حاطه

ويجيك ولد مواليد 90 يعرف اكثر منهم المعرفه والاطلاع هي المعيار وليس العمر

[بوعمير]

ذكرتوني بزمان العرمووووووووووووووووط الجميل

وزمان العنصنص


تعرفون العرموط ؟

العنصنص = الأناناس، العرموط = الكمثرى.

[الأصيلة]

انا اقول الحمدلله ان معظم هالكلمات اندثرت
لأن مثل ما هو واضح
أغلبها جيبينها من لغات ثانية
الحمدلله مصطلحات اليوم أقرب للعربية
في شي يزعل لما صرنا نقول مثلا كلمة "باب" العربية بدال "دروازه" الهندية.. انا اشوفه خير
عقبال باقي المصطلحات الاجنبية حتى لو كانت تراثية

السالفة مب عشانها أجنبية واحنا نتفاخر فيها ونتذكرها...
القضية إن اهلنا الأولين استخدموها وسمعناها منهم
وتّذكرنا فيهم وفي زمن الصفاء والنقاء...
لكن مب ضروري نستخدمها الحين أو إنها
مهمة لدرجة إن احنا نتحسر عليها..
هي مجرد تراث عشناه وسمعناه والكلمات مستورده
من التجار اللي كانوا الأولين يعاشرونهم ويشوفونهم بزمن الغوص..
والحين التاريخ يعيد نفسه مع ها الأجانب اللي في كل مكان من بلدنا
والناس تسمع منهم الألفاظ ويقلدونهم فيها..
من كلمات أجنبية دخيلة على العربية
وبتفاخر وتنافس في شانها...

[بوعمير]

السلام عليكم ..


أخي الكريم .. حسن



ياحمد الدجه غير اللي انت تقصده يسمونه حبس والدروازه فيها فرخه من يعرف الفرخه


الفرخه .. الباب الصغير اللي في الدروازة ..

على طاري الدروازة طرى علىّ هـ المثل : راحت رجال ترفع الدروازة وجتنا رجال المطنزة والعازة.

[البوررصة]

في كلمات بعض الشباب يشوفها غريبه مع انها نتداولها عند الاهل مادري شلون انتوا اتشوفونها؟؟
يعني انا ماقول عباية متعود اقول دفة
والستارة متعود اقول بردة
قديم دايما اقول عتيج
كجرة اقول كرمبع
مروحة اقولها انا بانكة
فلوس > بيزات
في حد يستخدم هل كلمات ولا بس اهلنا ولاشسالفة

[simsim1963]

طيب من يعرف : خادموني ؟

[بطل الفريج]

طيب من يعرف : خادموني ؟

:eek5:omen:telephone::sorry:


لا والله ياسمسم ماعرفت , قولي انت من اي فريج ؟

[الحياة الخالدة]

السلام عليكم و رحمة الله ..


الأخ الكريم .. هداف ..


ذكرتوني بزمان العرمووووووووووووووووط الجميل

وزمان العنصنص


تعرفون العرموط ؟


العنصنص .. أكيد نعرفه ..
و أهم شي كنا نستخدم قوطيه يا إما حق شيلة العيش ..
أو الأهم من ذلك كنا نزرع فيه الحية ( أي الحجة ) عشان نغني ..
يا حيتي .. يا بيتي .. راحت حية و يات حية .. على درب الحنينية ..
يا حيتي .. عشيتج غديتج .. نهار العيد لا تدعين عليه ..
و بعدين نقطها في البحر ..


أما العرموط .. فأنا ما سمعت به الا في هالوقت ( يعني طرز الحين ) .. و مثل ما قالو هو الكمثرى ( و بلهجتنا الكمترى ) ..


أختي العزيزة .. بنت النوخذة ..


copy &Beast من قوقل


مب الكل محتاج حق كوبي و بيست عشان يكتب في هالمواضيع .. :)
و بما ان احنا عجايز و شياب المنتدى على قولتهم ..
فاحنا عندنا قوقلنا الخاص ( الذاكرة ) الله يستر عليها ..


أختي الغالية .. الأصيلة ..


عاد تدرون ان أعمار الأعضاء الظاهر بتبين من المشاركات ...
اللي يعرف المصطلحات أكثر بيكون أكبر من الثاني..


عادي يا قلبي .. خل أعمارنا تبين ..
كل وقت ما يستحي من وقته على قولت الأوليين ..


الأخ المحترم .. البورصة ..



في كلمات بعض الشباب يشوفها غريبه مع انها نتداولها عند الاهل مادري شلون انتوا اتشوفونها؟؟
يعني انا ماقول عباية متعود اقول دفة
والستارة متعود اقول بردة
قديم دايما اقول عتيج
كجرة اقول كرمبع
مروحة اقولها انا بانكة
فلوس > بيزات
في حد يستخدم هل كلمات ولا بس اهلنا ولاشسالفة


لا غريبة و لا شي ..
هالكلمات ليلحين مستخدمة ..
بس في ناس برستيجها ما يسمح ..


الأخ المحترم .. صاحب الموضوع .. بطل الفريج ..


أخونا سمسم .. من فريج ثاني .. :)

[بطل الفريج]

اشكر كل المساهمين على الردود
وهذه بعض الكلمات المتداولة قديماً
البيب
عسو
محماس
كلك
بريج
داعوس
باس
عويزة
منز
الجابلة
روزنة
حوي
غوري
ملة
زرنوق
محزر
جنجفة / زنجفة
خرمس
.........
ديرم
نفنوف

[بدون]

و الكبَر
عريش بس مقفل :)
صح ؟؟

و البرستي ؟؟؟ :victory:

[الأصيلة]

اشكر كل المساهمين على الردود
وهذه بعض الكلمات المتداولة قديماً
البيب
عسو
محماس
كلك
بريج
داعوس
باس
عويزة
منز
الجابلة
روزنة
حوي
غوري
ملة
زرنوق
محزر
جنجفة / زنجفة
خرمس
.........
ديرم
نفنوف

90% من ها الكلمات والله مازلنا نستخدمها
وشفيها عادية جدا وتعطي السوالف طعم حلو...

[بطل الفريج]

90% من ها الكلمات والله مازلنا نستخدمها
وشفيها عادية جدا وتعطي السوالف طعم حلو...

احلوت ايامك يا الأصيلة
90% من ها الكلمات مازلتو تستخدمونها والله شي طيب

[خطوة]

ماعرفت وش تقصدون مافهمت ولاكلمه

>> من جيل الكورن فلكس

>> نصاااااااابه

>> عجيز:tease:

[simsim1963]

:eek5:omen:telephone::sorry:


لا والله ياسمسم ماعرفت , قولي انت من اي فريج ؟

شباب البراحه والدوحه اليديده وينكم ؟ ساعدوا أخوانكم الباقيين :omen2:

[السهم السريع]

أيييييه
عورتو قلبي
الله عليك يازمان أول
كان في شي أهم من هالكلام كله

فريج واحد
وحوش واحد
تلاقون كم عايله في بيت واحد
والقلب واحد

ولين صارت عزيمة في بيت حد تشوفون امهاتنا ونسوان الفريج يتساعفون باللي يقدرون عليه
ويازين ريحة الطباخ وريحة الحطب

كنت امر صوب بيتنا ورى مدرسة الصناعة بيوت الحكومة قبل لايهدمونها
واتمنى لو الزمن يرجع لو ثواني واعيش ذكريات عمري هناك

اييييه راحو الطيبيين وراحت ذيك الايام

وانتي يام السعف الكل ياكل من خيرج
والعسو ياما انطقينا فيه يوم احنا صغار
وحق الخمام نمره واحد

وعقب اسطوانات الغناوي انزلت أشرطة الكاترج
بووووووه مالها حل

يازينها من ايام والله

[فراغ]

خدموني يعني من الجماعة
وهي كلمه أيرانية

[بدون]

شباب البراحه والدوحه اليديده وينكم ؟ ساعدوا أخوانكم الباقيين :omen2:

الحين عرفنا من وين انت بس عندي تعليق أخوي بالنسبة لتوقيعك :

الجملة مفروض تكون لا يخافون في الله لومة لائم

لأنه (مايلومون في الحق لومه لائم) ما لها معنى في اللغة العربية

[بـــــــنت النوخـّــــذه]

عاد تدرون ان أعمار الأعضاء الظاهر بتبين من المشاركات ...
اللي يعرف المصطلحات أكثر بيكون أكبر من الثاني..
لكن كوبي بست ماعندنا خليناها حق البزران...

سبحان الله كنت اعتقدج اكبر من هذا المستوى انج اتنغزين وتتهمين بعد ومتأكده هذي الطامه الكبرى 00 بس معليه معذوره هذي الروح الحماسيه وماتسوي 0 وتعتبرين من قال هالكلمه بزر 00ليكون انتي الوحيده ام العريف وصاحبه الرأي السديد ومحد حولج وانا مدري ابشرج انا كبيره مهب بزر 000ولا احب اعرض عضلاتي بالنت لجل يمدحوني مثل ناس انا من اهل السنع والماضي ومعروفين في بيئتنا ان احنا مازلنا نستخدم هالمصطلحات 00لكن ماجيت وعرضت وسردت معلقات يبه ناقشو الاسباب بدل ما كل واحد ينزل له كلمه عن التراث 000000 يابلفيت يعني ان صدقني ^_________^ بس نصيحه لاتاخذج الروح الحماسيه من البعض للتقليل من الغير <<نصيحه لوجه الله
وانا كلامي قصدت به ان الكلام اصبح فقط محصور لعالم النت 0000000000ماقصدت حد لكن شنقول 0000^_^

ومازلت اقول يستمر مسلسل عرض المصطلحات بالنت الباب مفتوح للجميع

بس ياريت والله تناقشون الاسباب الي ادت لاندثار هذه المصطلحات لدى بعض من الناس 000 واصبحو يتناقلونها بالنت 00

ورجاء ما ابغي فزعات نفس ماصار للعضوه فلانه في الموضوع الفلاني :shy: لان كلمه الحق تزعل :nice:

[بدون]

سبحان الله كنت اعتقدج اكبر من هذا المستوى انج اتغنزيني بالمشاركات 00 بس معليه معذوره هذي الروح الحماسيه وماتسوي 0 وتعتبرين من قال هالكلمه بزر 00ليكون انتي الوحيده ام العريف وصاحبه الرأي السديد ومحد حولج وانا مدري ابشرج نا كبيره مهب بزر 000ولا احب اعرض عضلاتي بالنت لجل يمدحوني مثل ناس انا من اهل السنع والماضي ومعروفين في بيئتنا ان احنا مازلنا نستخدم هالمصطلحات 00لكن ماجيت وعرضت وسردت معلقات يبه ناقشو الاسباب بدل ما كل واحد ينزل له كلمه عن التراث 000000 يابلفيت يعني ان صدقني ^_________^

وانا كلامي قصدت به ان الكلام اصبح فقط محصور لعالم النت 0000000000ماقصدت حد لكن شنقول 0000^_^

ومازلت اقول يستمر مسلسل عرض المصطلحات بالنت الباب مفتوح للجميع

بس ياريت والله تناقشون الاسباب الي اندثره بها هالمصطلحات واصبحو يتناقلونها بالنت من يعرض اكثر 00

ورجاء ما ابغي فزعات نفس ماصار للعضونه فلانه في الموضوع الفلاني :shy: لان كلمه الحق تزعل :nice:

:telephone::telephone: ألوووووه يا بوليس
صار مشادخ في الأسهم القطرية

:tease::tease:

يا بنت النواخذه عااادي سموج بزر ، الحين الكل يبي يصغر <<< انتي الوحيدة اللي تبين تكبرين بس و لا يهمج ،،، بنقو لج امناالعودة :tease::thumbup1::thumbup1:

[ريم الشمال]

اضحكي اضحك الله سنك .بنت النوخذه ................. صغرتك في العمر كلنا نبي نصغر انا ستعش انتي اثنعش
كلش ما يلوق عليج التعصيب :anger1:

ريم الشمال

[بـــــــنت النوخـّــــذه]

:telephone::telephone: ألوووووه يا بوليس
صار مشادخ في الأسهم القطرية

:tease::tease:

يا بنت النواخذه عااادي سموج بزر ، الحين الكل يبي يصغر <<< انتي الوحيدة اللي تبين تكبرين بس و لا يهمج ،،، بنقو لج امناالعودة :tease::thumbup1::thumbup1:

اهههههههههههههه اصلا حلاه المواضيع بالمشادخ :shy: اشدراني عن البعض والله ردك ضحكني :) بس جد لان انا قصدي شي ثاني والبعض راح فكره بعيد يعني لازم اعرض لكم كمن مصطلح واذكر بطولات ومواقفي واكون معقده الفكر لجل اكون كبيره والله امر عجيب 000 هذا حكم بالله عليكم

المهم :

ترى الموضوع بيكون له اكثر هدف لما نناقش الاسباب ألي ادت لاندثار هذه المصطلحات لدى البعض او عدم نطقها بشكل صحيح لدى البعض ماهي الاسباب؟

وعاد يسمحولنا الناس الي فهمو غير مجبوره اوضح وجهة نظري ^________^

[بـــــــنت النوخـّــــذه]

اضحكي اضحك الله سنك .بنت النوخذه ................. صغرتك في العمر كلنا نبي نصغر انا ستعش انتي اثنعش
كلش ما يلوق عليج التعصيب :anger1:

ريم الشمال

اهههههههههههههههههههههههههههههههههههههه
والله ضحكتوني وانا معصبه ليش جذيه خلوني اعيش جو العصبيه :) بس احتمال لان الغالب على ردي سمه البراءه وماعندي لف ودوران وماخذه الامور بسلاسه مهب بعقد فعشان كذا البعض يحسبوني بزر ويفهمون ردي غير^___________^

فديتج ريم الشمال [u]بس الصفه لما توجه للشخص على انها تصغير بالعقليه اهنيه ستوب لازم يتم ايقاف هذه المهزله من باب الذوق ان الشخص يستفسر عن الرد وماذا اقصد به مهب يلا استلمي هذا الرد والسلام 00 [/u:)

[دلة الرسلان]

الله يذكر ذيك الأيام بالخير ويرحم شيبانا وامهاتنا جميعا نشتاق لهذه الكلمات لشوقنا لأهلها ولبرائتنا في تلك الفترة .

اتذكرمرة قبل ما ادخل المدرسة اقنعت ولد عمي بزيارة خالي لأنه كان كريم يعطينا على روبية

يعني عبارة مية الحين- بدون رخصة من أمي - وعقب ما عبرنا الرسته انا وياه ضعنا ما دلينا

بيته ايلين دخلنا على بيت مرة وبناتها او با لأحرى عزمونا ولعبنا معهم تحت السدرة وفوق

الصبان وعقب تغدينا معاهم عيش شيلاني مع لبن عقب جا العصر وترخصنا منهم وعودنا لبيتنا

وسبحان الله كانت الوالدة ومرة عمي جنب البيت ومع امي كما اعتقد مضراب هريس مهوب

عسو :shy:

للحين ادعي لتلك الفاضلة وبناتها وتوني اعلم بناتي بسالفتنا جمال الماضي بجمال هله

[simsim1963]

خدموني يعني من الجماعة
وهي كلمه أيرانية

هههههههههههههه انت صح أكيد انت من الفريج . بس ثرى مب ايرانيه هذى كلمه دارجه بين شباب البراحه واهل الدوحه وفرجانها القديمه .

[الأصيلة]

سبحان الله كنت اعتقدج اكبر من هذا المستوى انج اتنغزين وتتهمين بعد ومتأكده هذي الطامه الكبرى 00 بس معليه معذوره هذي الروح الحماسيه وماتسوي 0 وتعتبرين من قال هالكلمه بزر 00ليكون انتي الوحيده ام العريف وصاحبه الرأي السديد ومحد حولج وانا مدري ابشرج انا كبيره مهب بزر 000ولا احب اعرض عضلاتي بالنت لجل يمدحوني مثل ناس انا من اهل السنع والماضي ومعروفين في بيئتنا ان احنا مازلنا نستخدم هالمصطلحات 00لكن ماجيت وعرضت وسردت معلقات يبه ناقشو الاسباب بدل ما كل واحد ينزل له كلمه عن التراث 000000 يابلفيت يعني ان صدقني ^_________^ بس نصيحه لاتاخذج الروح الحماسيه من البعض للتقليل من الغير <<نصيحه لوجه الله
وانا كلامي قصدت به ان الكلام اصبح فقط محصور لعالم النت 0000000000ماقصدت حد لكن شنقول 0000^_^

ومازلت اقول يستمر مسلسل عرض المصطلحات بالنت الباب مفتوح للجميع

بس ياريت والله تناقشون الاسباب الي ادت لاندثار هذه المصطلحات لدى بعض من الناس 000 واصبحو يتناقلونها بالنت 00

ورجاء ما ابغي فزعات نفس ماصار للعضوه فلانه في الموضوع الفلاني :shy: لان كلمه الحق تزعل :nice:

عسى ماشر يا بنت النوخذه...
من قال إني أقصدج بكلمة البزر...الله يعلم فوقي ولما كتبت الكلام
وأنا صايمه إني ماقصدتج ولاقصدت أي أحد ...
والظن إثم ومضاعف بها الأيام الفضيلة
استغفري ربج أختي...
ومن قال أظن نفسي أم العريف ومافوقي أحد...
أنا لو بشوف نفسي على الناس شفته بشي ثاني أكبر من الكتابة والردود والمشاركات...
و أي حماس وأي تشجيع اللي تقولين عنه أخذني..
ليش أنا ايش مسويه من بطولات حتى أفرد عضلاتي بمشاركات عادية بمنتدى .....
كل اللي قصدته فعلا إن
الكلمات اللي في النت يبحثون عنها اللي ماعاصروا
الكبار والشياب بس والله لا أكثر..ولا جيتي انتي في بالي وأنا أكتب الرد...

وتصدقين عاد والله ماكنت أعتقد انج من ذوي
الظنون السريعة بالآخرين وبدون تركيز ومعرفة وتاخذين
فكرتج عن الغير وانتي ماتعرفينهم بس من مجرد حكم الآخرين عليهم ...
لأني كنت أستشف من قلمك الحكمة والتأني...
والله يعلم إني احب أقرأ مشاركاتج وردودج لأن
القليل من يكتب بها الأسلوب اللي انقلب اليوم علي بدون ذنب وخطية...
واش سالفة ها الفزعات اللي كلن يذكرها
وين احنا بحرب والا بمعركة ....
وليش تقولين فلانه عادي افصحي عن اسمها عقب
الإتهامات هذي اللي مالها أساس من الصحة...
ما أقول إلا الله يسامحج ويعفو عني وعنج...
وبتكشفين في يوم من الأيام
إن ظنك أبد مب في محله...

وكل عام وانتي بخير....

[حسن]

هههههههههههههه انت صح أكيد انت من الفريج . بس ثرى مب ايرانيه هذى كلمه دارجه بين شباب البراحه واهل الدوحه وفرجانها القديمه . سيم سيم عرفتك اكيد انت المقنع

[حسن]

يالربع محد عنده محقان ابي اصب قاز حق الفنر والتريك والجوله

[فراغ]

هههههههههههههه انت صح أكيد انت من الفريج . بس ثرى مب ايرانيه هذى كلمه دارجه بين شباب البراحه واهل الدوحه وفرجانها القديمه .
أخوي أنا من أهل الشمال
بس أهل قطر ما يستخدمونها وهي مش من الكلمات القديمه في قطر
هي كلمة أيرانيه

[simsim1963]

سيم سيم عرفتك اكيد انت المقنع

الله يذكرة بالخير المقنع ... بس ثراه عبقري ومخه نظيف اذكر ايام الفريج أول يشتغل في الشرطه وكان يوقف صاحب التكسي ويرسم على باب التكسي دائرة ويكتب أجرة . بس تعرف الكفاءات ما تكتشف الا بعدين ومسكوه وسجنوه كم يوم وقالوا له لا تسويها مرة ثانيه .
واحين شوفه مع البطبطه الملونه شلون الكل يسلم عليه ويرسم البسمه على وجوة الناس .
الله يذكر ايام اول فريج البراحه وشارع الكهرباء

[simsim1963]

أخوي أنا من أهل الشمال
بس أهل قطر ما يستخدمونها وهي مش من الكلمات القديمه في قطر
هي كلمة أيرانيه

يعني بس هذي الكلمه الايرانيه الوحيدة حتى شيابكم مالوت الشمال يستخدمون كلمات ايرانيه وهنديه . :)

[بـــــــنت النوخـّــــذه]

اههههههههههههههههههه:thumbup1:

copy &Beast من قوقل :p


انزين ماسئلتو نفسكم سؤال ليش هالمصطلحات شبه مندثره:


الجواب لان صارو يعرضونها فقط ويكتبونها بالنت ونسو او يدعون التناسي او اعتبروها من ضمن التراث يعني نفس قلعه الزباره اشهر معلم تراثي لي قالو وشهو اشهر معلم تراثي قالو الزباره لي قالو لهم وشنهي الزباره :telephone: قالو هاه :omg:

هذي مشكله الكوبي بيست من النت والاكتفاء بذلك وعدم استخدام هالكوبي وعمل له بيست في حياة الناس العامه ليصبح له معنى يتداوله الجميع 0 ومحمي من الاندثار



ويستمر مسلسل الكوبي بيست من النت بين الناس ومتابعه معاكم ^_*

escapeescape





لكن كوبي بست ماعندنا خليناها حق البزران...

8
8
8

:nice:
سؤال من قائل هذه العباره: كوبي بيست اولا" ؟؟؟؟؟؟؟ ولمن نسبت في الرد كلمه بزران ^_*000

عموما" اختي غلطتي بتشبيه البعض بالبزران لان عمر ترديد المصطلحات ماكان يعبر عن السن والعقليه 000يلا حصل خير مجبوره اسامح لان المسامح كريم ما احب اجادل في امور واضحه وانتهى التعيلق بها وعبرت عما بداخلي وانا واثقه انها كانت مقصوده للكلمه الي اطلعت مني كوبي بيست لان محد ذكرها غيري فليش الهروب ^_* عموما جزاج الله خير انا وضحت وخلصت من لتعليق :)

7
7
:nice:



عسى ماشر يا بنت النوخذه...
من قال إني أقصدج بكلمة البزر...الله يعلم فوقي ولما كتبت الكلام
وأنا صايمه إني ماقصدتج ولاقصدت أي أحد ...
والظن إثم ومضاعف بها الأيام الفضيلة
استغفري ربج أختي...
ومن قال أظن نفسي أم العريف ومافوقي أحد...
أنا لو بشوف نفسي على الناس شفته بشي ثاني أكبر من الكتابة والردود والمشاركات...
و أي حماس وأي تشجيع اللي تقولين عنه أخذني..
ليش أنا ايش مسويه من بطولات حتى أفرد عضلاتي بمشاركات عادية بمنتدى .....
كل اللي قصدته فعلا إن
الكلمات اللي في النت يبحثون عنها اللي ماعاصروا
الكبار والشياب بس والله لا أكثر..ولا جيتي انتي في بالي وأنا أكتب الرد...

وتصدقين عاد والله ماكنت أعتقد انج من ذوي
الظنون السريعة بالآخرين وبدون تركيز ومعرفة وتاخذين
فكرتج عن الغير وانتي ماتعرفينهم بس من مجرد حكم الآخرين عليهم ...
لأني كنت أستشف من قلمك الحكمة والتأني...
والله يعلم إني احب أقرأ مشاركاتج وردودج لأن
القليل من يكتب بها الأسلوب اللي انقلب اليوم علي بدون ذنب وخطية...
واش سالفة ها الفزعات اللي كلن يذكرها
وين احنا بحرب والا بمعركة ....
وليش تقولين فلانه عادي افصحي عن اسمها عقب
الإتهامات هذي اللي مالها أساس من الصحة...
ما أقول إلا الله يسامحج ويعفو عني وعنج...
وبتكشفين في يوم من الأيام
إن ظنك أبد مب في محله...

وكل عام وانتي بخير....

وانتي بصحه والف سلامه ^________^

[ام السعف]

الله يذكر ذيك الأيام بالخير ويرحم شيبانا وامهاتنا جميعا نشتاق لهذه الكلمات لشوقنا لأهلها ولبرائتنا في تلك الفترة .

اتذكرمرة قبل ما ادخل المدرسة اقنعت ولد عمي بزيارة خالي لأنه كان كريم يعطينا على روبية

يعني عبارة مية الحين- بدون رخصة من أمي - وعقب ما عبرنا الرسته انا وياه ضعنا ما دلينا

بيته ايلين دخلنا على بيت مرة وبناتها او با لأحرى عزمونا ولعبنا معهم تحت السدرة وفوق

الصبان وعقب تغدينا معاهم عيش شيلاني مع لبن عقب جا العصر وترخصنا منهم وعودنا لبيتنا

وسبحان الله كانت الوالدة ومرة عمي جنب البيت ومع امي كما اعتقد مضراب هريس مهوب

عسو :shy:

للحين ادعي لتلك الفاضلة وبناتها وتوني اعلم بناتي بسالفتنا جمال الماضي بجمال هله

حصى الصبان كنا نلعب فيه اكتور :(

اللــــــــه لو ترجع ذيك الأيام ،، ابي ارجع صغيرة :weeping:

[ضوى]

ياحلو زمان اول وكلام اول وكل شئ من ريحة الماضي ، ااااااااه كم اعشق الماضي

[simsim1963]

عسى ماشر يا بنت النوخذه...
من قال إني أقصدج بكلمة البزر...الله يعلم فوقي ولما كتبت الكلام
وأنا صايمه إني ماقصدتج ولاقصدت أي أحد ...
والظن إثم ومضاعف بها الأيام الفضيلة
استغفري ربج أختي...
ومن قال أظن نفسي أم العريف ومافوقي أحد...
أنا لو بشوف نفسي على الناس شفته بشي ثاني أكبر من الكتابة والردود والمشاركات...
و أي حماس وأي تشجيع اللي تقولين عنه أخذني..
ليش أنا ايش مسويه من بطولات حتى أفرد عضلاتي بمشاركات عادية بمنتدى .....
كل اللي قصدته فعلا إن
الكلمات اللي في النت يبحثون عنها اللي ماعاصروا
الكبار والشياب بس والله لا أكثر..ولا جيتي انتي في بالي وأنا أكتب الرد...

وتصدقين عاد والله ماكنت أعتقد انج من ذوي
الظنون السريعة بالآخرين وبدون تركيز ومعرفة وتاخذين
فكرتج عن الغير وانتي ماتعرفينهم بس من مجرد حكم الآخرين عليهم ...
لأني كنت أستشف من قلمك الحكمة والتأني...
والله يعلم إني احب أقرأ مشاركاتج وردودج لأن
القليل من يكتب بها الأسلوب اللي انقلب اليوم علي بدون ذنب وخطية...
واش سالفة ها الفزعات اللي كلن يذكرها
وين احنا بحرب والا بمعركة ....
وليش تقولين فلانه عادي افصحي عن اسمها عقب
الإتهامات هذي اللي مالها أساس من الصحة...
ما أقول إلا الله يسامحج ويعفو عني وعنج...
وبتكشفين في يوم من الأيام
إن ظنك أبد مب في محله...

وكل عام وانتي بخير....

يه من مزعل الاصيله ؟؟ مالكم حق كل شئ الا الاصيله ... معليج منهم كلهم أنتي وبس والباقي خس .

[الأصيلة]

8
8
8

:nice:
سؤال من قائل هذه العباره: كوبي بيست اولا" ؟؟؟؟؟؟؟ ولمن نسبت في الرد كلمه بزران ^_*000

عموما" اخنتي غلطتي بتشبيه البعض بالبزران لان عمر ترديد المصطلحات ماكان يعبر عن السن والعقليه 000يلا حصل خير مجبوره اسامح لان المسامح كبير ما احب اجادل في امور واضحه وانتهى التعلق بها :)

7
7
:nice:

والله العظيم ما أدري إنج انتي اللي كاتبتها ولاشفت المشاركة حق من حتى...
والله يشهد...
ومافيه داعي إني أحلف لأني ماعمري كذبت ..!!
لكن منصدمة من اللي حولي...وفي نفس الوقت ماهقيتها منج أنتي بالذات....
ولما قلت بزران كنت أخاطب نفسي وصاحب المشاركة وأقولها خلوها للبزران
بدون ما أعني أحد معين من أصحاب الردود في الموضوع.....
ولاقصدت اللي كاتبها..
لكن في العجلة الندامة وفي التأني السلامة
حتى في الحكم على الآخرين من خلال الحروف....

وعيدج مبارك...

[حسن]

سيم سيم لاتشب السراي ترى بزنطك بملفع امي

[خطوة]

يه من مزعل الاصيله ؟؟ مالكم حق كل شئ الا الاصيله ... معليج منهم كلهم أنتي وبس والباقي خس .

الخس والله الي تعلفه ( تعلفه ليس خطأ املائي انما نسبه الى كلمة العلف)

>> تسمع امبااااااااااااااع بالمنتدى

[simsim1963]

لا يا حسن لا تزنطني ولا ازنطك روح طق غلوم صاحب الدكان بالنباطه هو الي باق بيزاتك ولا رجع لك الآنتين

[بـــــــنت النوخـّــــذه]

سؤال مهم :

ماهو سبب اندثار المصطلحات الشعبيه لدى (البعض) ؟؟؟؟ولماذا يتم سردها وتداولها في النت واعتبارها من عالم التراث؟؟؟؟ من (البعض)

اكرر من البعض 0000000وماقصدت حد بالسؤال 00له هدف سامي لاستخلاص النتائج 00


ملاحظه : ياريت البعض يترك فزعاته ويركز بالموضوع ويخلي االي عندهم سوء تفاهم يتفاهمون مع بعض كلن لديه حجته القويه التي لا تحتاج للدفاع والفزعه :victory:^_______^

[simsim1963]

الخس والله الي تعلفه ( تعلفه ليس خطأ املائي انما نسبه الى كلمة العلف)

>> تسمع امبااااااااااااااع بالمنتدى

بل بل يالله ياكريم عموما عيدك مبارك . :) هذي يبه كلمه مصريه فيها دعابه ونكته ما قصدي شئ فيها .

[بدون]

سيم سيم لاتشب السراي ترى بزنطك بملفع امي

:omg::omg::omg::omg:
عالم تتشادخ
و عالم تتزانط

زتات نادو الفزعة و حرس السواحل و ووووينك يا بطل الفريج

السالفة خلت العرب حمسانين على بعض

باروح أدبج بيتنا أييب مشعاب الشيبة نفزع لهم :)

[حسن]

يابنت النوخذه كل وقت وله كلماته امر طبيعي ماقدر اقول سوق المهاره ولا الجمال لانه دوثر وازيل

[ام السعف]

لا يا حسن لا تزنطني ولا ازنطك روح طق غلوم صاحب الدكان بالنباطه هو الي باق بيزاتك ولا رجع لك الآنتين

نباطة تقصد فيها نبالة ؟:telephone:

[بـــــــنت النوخـّــــذه]

يابنت النوخذه كل وقت وله كلماته امر طبيعي ماقدر اقول سوق المهاره ولا الجمال لانه دوثر وازيل

حلو عجبني ردك الذوق الي جيه ضمن السؤال 0000اذا انت مع الوقت و الزمان الي يناسبه من مصطلحات 0000 والله جزاك الله خير على الاجابه الصادقه 000

اذا انت تحط الزمن والوقت سبب من الاسباب ^_^ 00عموما ألي عنده سبب آخر يتفضل يحطه لجل انشوف جميع الاسباب ويكون الموضوع ذا هدف وقيمه ونستخلص منه النتائج بالنسبه للمصطلحات التراثيه لان اشوف الموضوع مهم لمناقشته بجديه

:)

[حسن]

نباطة تقصد فيها نبالة ؟:telephone:

يمكن تقصدين الفلاتيه

[ام السعف]

يمكن تقصدين الفلاتيه

ايه الفلاتية ،، ام استيك عريض :shy:

[simsim1963]

تذكر يا حسن دكان فتح الله في فريج بن عمران يوم بقنا منه علوج ونفاخه وزنوبه حق الوالده وشربنا فانتا وشردنا منه وهو يصيح ورانا ويقول زهرمار نار جهندم .

[simsim1963]

يمكن تقصدين الفلاتيه

عتيج يا حسن :)

[حسن]

تذكر يا حسن دكان فتح الله في فريج بن عمران يوم بقنا منه علوج ونفاخه وزنوبه حق الوالده وشربنا فانتا وشردنا منه وهو يصيح ورانا ويقول زهرمار نار جهندم . صراحه اللي اذكره اني شريتلك صفيحه بولحم من باقروه اللي ورابيت الغزالي وشربنا فاليتا وكنددراي صج مغير

[simsim1963]

حسن تتذكر الحمالي أحمد كشل مال سوق واقف ؟

[حسن]

احمدو كشل اللي لحقنه وي سبنا ويقول زقنبوت

[hard to get]

سؤال مهم :

ماهو سبب اندثار المصطلحات الشعبيه لدى (البعض) ؟؟؟؟ولماذا يتم سردها وتداولها في النت واعتبارها من عالم التراث؟؟؟؟ من (البعض)

اكرر من البعض 0000000وماقصدت حد بالسؤال 00له هدف سامي لاستخلاص النتائج 00


ملاحظه : ياريت البعض يترك فزعاته ويركز بالموضوع ويخلي االي عندهم سوء تفاهم يتفاهمون مع بعض كلن لديه حجته القويه التي لا تحتاج للدفاع والفزعه :victory:^_______^

من وجهة نظري
من اهم الاسباب التي ادت الى اندثار المصطلحات القديمة هو ابتعاد القطريين الاصليين عن بيئتهم التي نشاء عليها اجدادهم

على سبيل المثال
اهل البحر كانوا يعيشون بالقرب من السواحل وكانت بيوتهم ملاصقة للبحر
لذلك كان لهم عادات وتقاليد ولهجة تميزهم عن غيرهم
في مطلع السبعينات بدات الحكومة القطرية انذاك بانشاء المساكن الشعبية

ومع انتقال الاجداد من البيوت المصنوعة من الطين الى البيوت الاسمنتية ودخول الكهرباء والماء الى المنازل الحديثة انذاك
بدات الكلمات القديمة بالاندثار مع دخول كلمات جديدة على المجتمع القطري


ايضا لا ننسى التجنيس العشوائي الذي حصل في تلك الفترة حيث دخل الكثير الى قطر وحصلوا على جنسيتها
وهم لا يعرفون شي عن قطر
ومع تعاقب السنين
واختلاط اهل قطر الاصليين بالمجنسين نتج عنه دخول كلمات جديدة
ومع موت كبار السن في فترة الثمانينات والتسعينات ذهبت هذه الكلمات
وبقي هذا الخليط العجيب من الكلمات واللهجات الغريبة على قطر

[simsim1963]

والله ياحسن طلعت خدموني

[<<روز>>]

اعنبووووه ماخليتوا لي شي اقوله وانا ذبحبتي هالسوالف حجي لول

يالله جاوبوا مامعنى هالكلمات
خنه؟
قلينه.؟
تيل؟
زوليه؟
برنوص؟
موسده؟

[حسن]

من صوره بوشوارب عرفت انك خدوموني جماعات خيلي خوب

[ام السعف]

اعنبووووه ماخليتوا لي شي اقوله وانا ذبحبتي هالسوالف حجي لول

يالله جاوبوا مامعنى هالكلمات
خنه؟
عطر
قلينه.؟

القلينة و الماطوع لعبة

تيل؟

عاد هذي ما يبي لها شي
احلى شي التيلة اللولوية السحرية:eek5:

زوليه؟

للحين ينقال لها زولية ،، السجاد
برنوص؟
ماله اسم ثاني هو بعده برنوص

موسده؟
مخدة السرير
:shy:

[بـــــــنت النوخـّــــذه]

من وجهة نظري
من اهم الاسباب التي ادت الى اندثار المصطلحات القديمة هو ابتعاد القطريين الاصليين عن بيئتهم التي نشاء عليها اجدادهم

على سبيل المثال
اهل البحر كانوا يعيشون بالقرب من السواحل وكانت بيوتهم ملاصقة للبحر
لذلك كان لهم عادات وتقاليد ولهجة تميزهم عن غيرهم
في مطلع السبعينات بدات الحكومة القطرية انذاك بانشاء المساكن الشعبية

ومع انتقال الاجداد من البيوت المصنوعة من الطين الى البيوت الاسمنتية ودخول الكهرباء والماء الى المنازل الحديثة انذاك
بدات الكلمات القديمة بالاندثار مع دخول كلمات جديدة على المجتمع القطري


ايضا لا ننسى التجنيس العشوائي الذي حصل في تلك الفترة حيث دخل الكثير الى قطر وحصلوا على جنسيتها
وهم لا يعرفون شي عن قطر
ومع تعاقب السنين
واختلاط اهل قطر الاصليين بالمجنسين نتج عنه دخول كلمات جديدة
ومع موت كبار السن في فترة الثمانينات والتسعينات ذهبت هذه الكلمات
وبقي هذا الخليط العجيب من الكلمات واللهجات الغريبة على قطر

نظره ثاقبه للموضوع 000طيب حضرتك ذكرت أهل البحور وين أهل البرّ 000؟؟

ترى انا لاحظت مع احترامي للجميع ان اهل البرّ وما ابغي حدد مسمى معين اهم اكثر فئه محافظين على لغتهم الشعبيه التراثيه 000ويمكن اذا تخلى عنها البعض احتمال لاندماجهم ومصاهرتهم للبعض من اهل المدينه ولكن الكثير منهم تبغى لغته التراثيه ويفتخر بها ولابناءه وتستمر وتتوارث من جيل إلى جيل مارأيك ؟؟؟ 000

سعيده جدا بمشاركتك القيمه وردك على سؤالي الي اعطى للموضوع جديه و اهميه لمعرفه اهم الاسباب 000^_^<<<كني استلمت الموضوع عن صاحبه الغايب

[حسن]

اعنبووووه ماخليتوا لي شي اقوله وانا ذبحبتي هالسوالف حجي لول

يالله جاوبوا مامعنى هالكلمات
خنه؟
قلينه.؟
تيل؟
زوليه؟
برنوص؟
موسده؟ خنه تعني غرشه عطر قلينه بس نسيتي الناطوع اي تيله انه عندي لولب زوليه يعني السجاده برنوص يعني بطانيه موسده مخده

[ام السعف]

خنه تعني غرشه عطر قلينه بس نسيتي الناطوع اي تيله انه عندي لولب زوليه يعني السجاده برنوص يعني بطانيه موسده مخده

امم غرشة خنة يعني غرشة عطر او طيب ،،

للحين نقول الله ريحتها خنينة ،، يعني ريحتها طيبة

[بطل الفريج]

مسابقة
يلة من يعرف ايش معني كلمة ( سريده )؟

[simsim1963]

خنه تعني غرشه عطر قلينه بس نسيتي الناطوع اي تيله انه عندي لولب زوليه يعني السجاده برنوص يعني بطانيه موسده مخده

يا خدموني ياتني النوده من كلامكم:)

[حسن]

اول مره اسمع هل الكلمه

[بطل الفريج]

اول مره اسمع هل الكلمه

اكيد مترجم قوقل استخف

[hard to get]

نظره ثاقبه للموضوع 000طيب حضرتك ذكرت أهل البحور وين أهل البرّ 000؟؟

ترى انا لاحظت مع احترامي للجميع ان اهل البرّ وما ابغي حدد مسمى معين اهم اكثر فئه محافظين على لغتهم الشعبيه التراثيه 000ويمكن اذا تخلى عنها البعض احتمال لاندماجهم ومصاهرتهم للبعض من اهل المدينه ولكن الكثير منهم تبغى لغته التراثيه ويفتخر بها ولابناءه وتستمر وتتوارث من جيل إلى جيل مارأيك ؟؟؟ 000

سعيده جدا بمشاركتك القيمه وردك على سؤالي الي اعطى للموضوع جديه و اهميه لمعرفه اهم الاسباب 000^_^<<<كني استلمت الموضوع عن صاحبه الغايب

اعتقد من اهم الاسباب الى حافظت على لهجة اهل البر هو الشعر
فالشعر يعلمهم كلمات ومعاني ومفردات تتعلق في بيئتهم

ايضا لا تنسين ان اهل البر تمسكوا بعوايدهم ومن اهمها تربية الابل

اذا تذكرين قلت لك
من اهم اسباب اندثار اللهجة القطرية الحضرية هو ابتعادهم عن بيئتهم البحرية
اذا بتلاحظين اهل الشمال وخصوصا الي بيوتهم على البحر للحين محافظين على هاللهجة

[حسن]

اي قوقل

[فراغ]

حلو عجبني ردك الذوق الي جيه ضمن السؤال 0000اذا انت مع الوقت و الزمان الي يناسبه من مصطلحات 0000 والله جزاك الله خير على الاجابه الصادقه 000

اذا انت تحط الزمن والوقت سبب من الاسباب ^_^ 00عموما ألي عنده سبب آخر يتفضل يحطه لجل انشوف جميع الاسباب ويكون الموضوع ذا هدف وقيمه ونستخلص منه النتائج بالنسبه للمصطلحات التراثيه لان اشوف الموضوع مهم لمناقشته بجديه

:)
أختي بنت النوخذة
لكل زمان دولة ورجال
ومع تغير الزمان تتغير الكلمات
وكما تعرفين ويعرف الأخرين أن دول الخليج من أكثر دول العالم الذي يعج بمختلف الجنسيات
لذلك كثرت البهارات فتغيرت الطبخه
والمفكر عبدالله النفيسي قال بأن الهويه الخليجيه ستتغير
أختي فيه ناس في بيوتها اليوم تخلط عربي أنجليزي
فيه أطفال يتربون على أيادي أسيويه
فيه وفيه وفيه
كيف تريدين أن تبقى لهجتنا القطريه
لقد قتلنا هويتنا
مع هذا الكم الهائل من الجنسيات قتلنا هويتنا

[بطل الفريج]

اي قوقل

حسن لتدور في غوغل لاتغش

[حسن]

اعتقد من اهم الاسباب الى حافظت على لهجة اهل البر هو الشعر
فالشعر يعلمهم كلمات ومعاني ومفردات تتعلق في بيئتهم

ايضا لا تنسين ان اهل البر تمسكوا بعوايدهم ومن اهمها تربية الابل

اذا تذكرين قلت لك
من اهم اسباب اندثار اللهجة القطرية الحضرية هو ابتعادهم عن بيئتهم البحرية
اذا بتلاحظين اهل الشمال وخصوصا الي بيوتهم على البحر للحين محافظين على هاللهجة في راى ان الاثنين انفس الشي

[حسن]

بعد غوغل بيدل داعوس سوق المهاره غوغل والله في الراس

[بطل الفريج]

بعد غوغل بيدل داعوس سوق المهاره غوغل والله في الراس

غوغل يقول حاول مرة اخرى

[بـــــــنت النوخـّــــذه]

اعتقد من اهم الاسباب الى حافظت على لهجة اهل البر هو الشعر
فالشعر يعلمهم كلمات ومعاني ومفردات تتعلق في بيئتهم

ايضا لا تنسين ان اهل البر تمسكوا بعوايدهم ومن اهمها تربية الابل

اذا تذكرين قلت لك
من اهم اسباب اندثار اللهجة القطرية الحضرية هو ابتعادهم عن بيئتهم البحرية
اذا بتلاحظين اهل الشمال وخصوصا الي بيوتهم على البحر للحين محافظين على هاللهجة


أختي بنت النوخذة
لكل زمان دولة ورجال
ومع تغير الزمان تتغير الكلمات
وكما تعرفين ويعرف الأخرين أن دول الخليج من أكثر دول العالم الذي يعج بمختلف الجنسيات
لذلك كثرت البهارات فتغيرت الطبخه
والمفكر عبدالله النفيسي قال بأن الهويه الخليجيه ستتغير
أختي فيه ناس في بيوتها اليوم تخلط عربي أنجليزي
فيه أطفال يتربون على أيادي أسيويه
فيه وفيه وفيه
كيف تريدين أن تبقى لهجتنا القطريه
لقد قتلنا هويتنا
مع هذا الكم الهائل من الجنسيات قتلنا هويتنا


اذا انتم معي ان اللجه الخليجيه التراثيه شبه مندثره وربما اصبحت محصور بالتناقل بالنت (لدى البعض ) وليس الكل كونه نقل من التراث 000
اخي الفاضل : hard to get

كلامك صحيح 100% وبالنسبه لاهل البر والشعر والله اني شفت بزران صغار بسن ال 7 سنين يقول لك ابيات شعر من مخيلته ولو انها عفويه وغير موزونه ولكن صراحه تستعجب تطلع هالكلمات والمصطلحات بلكنه خليجيه بحته ونطق للمصطلح صحيح 000بالاضافه انه قادر على تفسير كلمات شعبيه نظرا" لتدولها في بيئته 000

وهذا الشي شدّ انتياهي في اهل البر اكثر لمحافظتهم على المصطلحات الترثيه البحته واصرراهم على تعليم ابناءهم لها الى اليوم


اخي الفاضل : فراغ00

سعيده بردك على سؤالي 000
لكل زمان دولة ورجال
ومع تغير الزمان تتغير الكلمات


00 لا الكلمات ولا الرجال لهم دخل بالزمن بل لهم دخل كبير بالتطور والاشخاص انفسهم ومفهومه الي ممكن اتقول بدأ خطأ لدى البعض 000 00يعني لاحظ مدارسنا ماشاء الله عليهم حزة القرنقعوه الكل فجأه صار كلامه تراثي ولبسه تراثي 00يعني صارت اللهجه والمصطلحات محدوده لمناسبة معينه :)0 طيب وين دور اللكنه الخليجيه في باقي الايام ؟؟؟؟ ودعمها من 00المجتمع 00

صحيح كلام النفيسي الهويه الخليجيه ستتغير لان التطور الخاطئ هو السبب لو ربطنا التطور بعادات الماضي 000كان استمرت اللغه والعوايد الطيبه لكن دخل التطور من صوب وبدت تندثر اللكنه الخليجيه او خلني اقول الصطلحات الشعبيه من الصوب الثاني ---

سعيده بمداخلتك واجابتك على سؤالي ^_^


بطلنا يا بطل الفريج يا صاحب الموضوع اسمحلي عاد مجبوره ارد عليهم طالما اقتبسو ردي :)

[اللورد]

سوالفكم غير نمونه فديتكم
ذكرتوني بطير يلي
موضوع جميل ادخله كل يوم والله
لأرى من خلاله الماضي الجميل والنقي ...

[الأصيلة]

سوالفكم غير نمونه فديتكم
ذكرتوني بطير يلي
موضوع جميل ادخله كل يوم والله
لأرى من خلاله الماضي الجميل والنقي ...

http://t2.gstatic.com/images?q=tbn:ocFmBESbzYNP3M:http://msoeeh11.jeeran.com/%D8%B2%D9%85%D8%B2%D9%85%D9%8A%D9%87.jpg
حياك الله نحط لك زمزمية قهوة تشربها ليمن أكلت السحة...
وشغل الريديو والا اسمع الغوانات من البشتخته...

[بطل الفريج]

سوالفكم غير نمونه فديتكم
ذكرتوني بطير يلي
موضوع جميل ادخله كل يوم والله
لأرى من خلاله الماضي الجميل والنقي ...

حياك , مايصيرتدخل وتروح بدون ماتتفاول ابي ارمس معاك شوي

[<<روز>>]

السريده
اعتقد البرد

[simsim1963]

حياك , مايصيرتدخل وتروح بدون ماتتفاول ابي ارمس معاك شوي

هذي مب لنا هذي مالوت آهل الامارات .:secret:

[الأصيلة]

بكرة حية بية
http://www.qatarshares.com.qa/data/131/133/storm_182148925_1309707450.jpg
ياحيتيه يابيتيه
راحت حية ويات حية على درب الحنينية..
غديتج وعشيتج ونهار العيد لاتدعين عليه...

[<<روز>>]

بكرة حية بية
http://www.qatarshares.com.qa/data/131/133/storm_182148925_1309707450.jpg
ياحيتيه يابيتيه
راحت حية ويات حية على درب الحنينية..
غديتج وعشيتج ونهار العيد لاتدعين عليه...

اصيله يا الاصيله
والله انج يبتيها:victory:

[حسن]

هذي مب لنا هذي مالوت آهل الامارات .:secret: والله ياسم سم كنت شاك في الكلمه انها لهل شرق وانت الصادق صدك ياولد الفريج غوغل ها

[بطل الفريج]

السريده
اعتقد البرد

شكراً لك ياروز

جوابك صح بس اي نوع من البرد

[بدون]

بكرة حية بية
http://www.qatarshares.com.qa/data/131/133/storm_182148925_1309707450.jpg
ياحيتيه يابيتيه
راحت حية ويات حية على درب الحنينية..
غديتج وعشيتج ونهار العيد لاتدعين عليه...

شفت الصورة و فجأة هفت علي ريحة فريجنا لول

كل عام و انتو بخير ،،، باجر العيد :nice:

[حسن]

اذا الجو بارد يقولون سبره

[<<روز>>]

اذا الجو بارد يقولون سبره

بس السريده البرد القارص اللي يقص العظم:)

[جلمود]

هذول مال بحرين .وبدقه ( قلالي - المحرق )

هذا كلام أهل قطر

انا جدتي الله يرحمها أم أبوي تقريباُ أبدويه أحضريه

تقول هذا الكلام وااااا (غبرتيه) على وليدي

المعلومات خلف وخلاف عندك أنت :rolleyes2:

[<<روز>>]

شكراً لك ياروز

جوابك صح بس اي نوع من البرد

شديد البروده يعني شي مب طبيعي

طلعت مال اول واصل:nice:

[بطل الفريج]

اذا الجو بارد يقولون سبره

سبرة .....البرد الشديد

[جلمود]

بكرة حية بية
http://www.qatarshares.com.qa/data/131/133/storm_182148925_1309707450.jpg
ياحيتيه يابيتيه
راحت حية ويات حية على درب الحنينية..
غديتج وعشيتج ونهار العيد لاتدعين عليه...


الله يالأصيله

مع السلامه ياحيتيه
أمنتك الله يايتيه

أطلعت الغبره يالربع :shy:

[hard to get]

بكرة حية بية
http://www.qatarshares.com.qa/data/131/133/storm_182148925_1309707450.jpg
ياحيتيه يابيتيه
راحت حية ويات حية على درب الحنينية..
غديتج وعشيتج ونهار العيد لاتدعين عليه...

ترى الحية بية فيها شرك بالله والعياذ بالله

انتبهي
هذي من العادات الي ما تمنى انهى ترجع

[بطل الفريج]

شديد البروده يعني شي مب طبيعي

طلعت مال اول واصل:nice:

صح صح صح شاطرة عفية عليك:app2::app2::app2:

[حسن]

هذا كلام أهل قطر

انا جدتي الله يرحمها أم أبوي تقريباُ أبدويه أحضريه

تقول هذا الكلام وااااا (غبرتيه) على وليدي

المعلومات خلف وخلاف عندك أنت :rolleyes2:

الهجه ذي ياجلمود ينطقونهه هل الخور وانت رايح الرويس باضلوف اليميل حده على مااعتقد

[ZURICH]

خصر .... البارد

[بدون]

بس السريده البرد القارص اللي يقص العظم:)

أول لي رحنا البر و وقضونا الصبح للصلاة قلنا: برد ،، نبي نكمل رقادنا ...
قالوا لنا : برد السريدة ان شاء الله ،، قوموا تقمقمت حنوج العدو

[<<روز>>]

الهجه ذي ياجلمود ينطقونهه هل الخور وانت رايح الرويس باضلوف اليميل حده على مااعتقد

كل عيايزنا يقولون جذي ماله خص فالبحرين

[حسن]

بس السريده البرد القارص اللي يقص العظم:) لهجه شرق ولا البحرين

[<<روز>>]

لهجه شرق ولا البحرين

البحرين لا:eek5:
شرق يعني اي صوب

[جلمود]

الهجه ذي ياجلمود ينطقونهه هل الخور وانت رايح الرويس باضلوف اليميل حده على مااعتقد

صدقت ياخوي أنت :nice:

[<<روز>>]

صح صح صح شاطرة عفية عليك:app2::app2::app2:

:app2::app2::app2:

[حسن]

البحرين لا:eek5:
شرق يعني اي صوبالامارات وساحل عمان

[<<روز>>]

الامارات وساحل عمان

:nono:

[<<روز>>]

ما معنى الدحروي؟

[اللورد]

حياك , مايصيرتدخل وتروح بدون ماتتفاول ابي ارمس معاك شوي
قميظه كان ودي بس ازهلها الجابله يابطل الفريج

[جلمود]

ما معنى الدحروي؟

رنق سيكل وندفه بعصا :tease:

[<<روز>>]

رنق سيكل وندفه بعصا :tease:

:victory:

قطري نمبر ون

[بطل الفريج]

ما معنى الدحروي؟

عبارة عن عجلة سيكل مع حديدة يلعبون بها اليهال

[<<روز>>]

ما معنى النمليه؟؟

[بطل الفريج]

قميظه كان ودي بس ازهلها الجابله يابطل الفريج

اترياك

[جلمود]

:victory:

قطري نمبر ون

:victory:

ســـــؤال يسدح نفسه ويتمرغد ع التراب

ما معني ( النمليه ) :p

[بطل الفريج]

ما معنى النمليه؟؟

الكبت

[<<روز>>]

:victory:

ســـــؤال يسدح نفسه ويتمرغد ع التراب

ما معني ( النمليه ) :p


كبت المطبخ:nice:

[<<روز>>]

الكبت

احسنت:nice:
ليكوون من فريجنا:secret:

[جلمود]

ما معنى النمليه؟؟


:victory:

ســـــؤال يسدح نفسه ويتمرغد ع التراب

ما معني ( النمليه ) :p


ههههههههههههههههههه نفس الفكره :(

[simsim1963]

خلاص باح للهجات القديمه . ولا عاد تسمعونها مرة ثانيه الدنيا تغيرت وبكرة نتكون لهجات هالايام قديمه للجيل المستقبل .

[<<روز>>]

يعني شنو
ياعلك مرجده؟

[جلمود]

مامعني ( السرود )

الحـــين !

[<<روز>>]

ههههههههههههههههههه نفس الفكره :(

ههههههههههههههههههههههه
:shy:
احسبك تسألني

[simsim1963]

ما معنى النمليه؟؟

أول مرة اسمع فيها . هذي كلمه شاميه أو مصريه نمليه مانعه للنمل .

[خليفـة]

الماضي الجميل

:weeping:

[<<روز>>]

أول مرة اسمع فيها . هذي كلمه شاميه أو مصريه نمليه مانعه للنمل .

بك غبره:eek5:
ماتعرف نمليه شخانتكم

[جلمود]

ههههههههههههههههههههههه
:shy:
احسبك تسألني

لالالا انا سأل سؤال

النمليه كبت بالمطبخ وتلقى الفيران لول مقرضينه من تحت والارضه ماكلته

يسلم راسك ياروز :victory:

[بطل الفريج]

مامعني ( السرود )

الحـــين !

اعتقد الجفير

[simsim1963]

بك غبره:eek5:
ماتعرف نمليه شخانتكم

طيب هذا اي فريج يتكلمون هاللون؟

[<<روز>>]

لالالا انا سأل سؤال

النمليه كبت بالمطبخ وتلقى الفيران لول مقرضينه من تحت والارضه ماكلته

يسلم راسك ياروز :victory:

هههههههههههههههههههههه اي هذا هو

تسلم اخوي:nice:

[جلمود]

اعتقد الجفير

لا:nono:

[<<روز>>]

طيب هذا اي فريج يتكلمون هاللون؟

اللي وراء فريجكم :victory:
انت اي فريج

[<<روز>>]

ما معنى النامليت؟

[simsim1963]

ما معنى النامليت؟

هو شراب البيذان وكان في داخله خرزة نطقها وتنفتح القرشه:nice:

[جلمود]

هههههههههههههههههههههه اي هذا هو

تسلم اخوي:nice:

ههههههههه يسلمك من ( السو) :victory:

الموضوع بصراحه مفيد جداُ يحي الماضي الجميل

[فريج البدر]

سؤال يا العيايز و الشيبان

شنو يعني شلك طهف ؟ ولا مرجده ؟

لو مب خايف يعطوني باند جان حطيت الأدعئ او الدعاوي العتيجة الله يرحم عيايزنا و شيبانا

[<<روز>>]

ههههههههه يسلمك من ( السو) :victory:

الموضوع بصراحه مفيد جداُ يحي الماضي الجميل

اي والله حتى النوده طارت

[بطل الفريج]

الحصير

[جلمود]

سؤال يا العيايز و الشيبان

شنو يعني شلك طهف ؟ ولا مرجده ؟

لو مب خايف يعطوني باند جان حطيت الأدعئ او الدعاوي العتيجة الله يرحم عيايزنا و شيبانا

شلك طهف يعني الهـوى القوي

ماسمعت الشاعر بن عفيشه يوم يقول : يمشي طهف مايمشي على هونه :victory:

[<<روز>>]

سؤال يا العيايز و الشيبان

شنو يعني شلك طهف ؟ ولا مرجده ؟

لو مب خايف يعطوني باند جان حطيت الأدعئ او الدعاوي العتيجة الله يرحم عيايزنا و شيبانا

من وين مطلع هالدعاوي هههههههههههههه

[جلمود]

الحصير

بطل الفريج ترا بحمس عليك هذا بالله عليك سؤال

الحصير قطعة زوليه ههههه من سعف النخل

عطنى سؤال حزرررر :tease:

[<<روز>>]

هو شراب البيذان وكان في داخله خرزة نطقها وتنفتح القرشه:nice:

وانت صح:nice:
عندك واحد نامليت وصلحووووو

[<<روز>>]

اخوي جلمود انا من كتر الفريج وراه ماتحطوني عضو مؤسس

[جلمود]

اخوي جلمود انا من كتر الفريج وراه ماتحطوني عضو مؤسس

وش عاد بكلمهم إن شاء الله
والله لو بهواي كان سويت قسم للتراث الشعبي و حطيتك مراقة التراث الشعبي ونفرش لج حصير وتيلسين أتراقبين :p


زين ماقلتولي , شنهو ( السرود)

[بطل الفريج]

مامعني ( السرود )

الحـــين !

اعتقد الحصير او الخوص

[جلمود]

اعتقد الحصير او الخوص

:nono:

[<<روز>>]

وش عاد بكلمهم إن شاء الله
والله لو بهواي كان سويت قسم للتراث الشعبي و حطيتك مراقة التراث الشعبي ونفرش لج حصير وتيلسين أتراقبين :p


زين ماقلتولي , شنهو ( السرود)

ماعرفتها انطر باجر باسال اميه:nice:

[بطل الفريج]

مامعني ( السرود )

الحـــين !

انزين السفرة مالت الاكل

[<<روز>>]

يمكن السفره

[جلمود]

ماعرفتها انطر باجر باسال اميه:nice:

الله يخليها لج إن شاء الله :victory:

[بدون]

مرجدة : هي كلمة من دعاوي العجايز المفضلة>>>> إذا هي اللي في بالي

و الصيغة المتداولة لها سابقا : يعلك مرجد أبوي اللي رقد ما قام <<< و تقال في ساعات الغضب الشديد:tease::tease::tease:

[<<روز>>]

الله يخليها لج إن شاء الله :victory:

ويخلي لك كل غالي :omen2:

[جلمود]

انزين السفرة مالت الاكل


يمكن السفره

السرود إللي ينحط فيه (التمر) مثل كبوس الاسباني وهو يصنع من الحصير :victory:

بطل الفريج أنت قربت :(

[جلمود]

ويخلي لك كل غالي :omen2:

يعل ربي يسلمك

قمت أشك أنج تلبسين بطوله :rolleyes2:

[بدون]

السرود إللي ينحط فيه (التمر) مثل كبوس الاسباني وهو يصنع من الحصير :victory:

بطل الفريج أنت قربت :(

كوكوكو
عمتي حمدة في السرود
عليها الحب منثور
من اللي يتذكر هذي الحزاية

أبغي حزاية :weeping:

[بطل الفريج]

السرود إللي ينحط فيه (التمر) مثل كبوس الاسباني وهو يصنع من الحصير :victory:

بطل الفريج أنت قربت :(

اخيراً

[بطل الفريج]

كوكوكو
عمتي حمدة في السرود
عليها الحب منثور
من اللي يتذكر هذي الحزاية

أبغي حزاية :weeping:


ناس يقولون سرود وناس تقول التنور اهم شيء انه حمدة مخشوشة

[الحياة الخالدة]

السلام عليكم و رحمة الله ..


الأخ الكريم .. فريج البدر ..


غبرة صكت العدو ..
بعد المرجدة يبي لها معرفة ..
أتوقع انها المرض القوي أو الصخونة .. اللي تخلي راعيها يرقد ما يعبر يشيل راسه ..

عاد دور لنا سالفة أحسن من الدعاوي في هالأيام الفضيلة ..


الأخ الكريم .. بدون ..


أكيد نعرف الحزاية .. بس مثل ما قالوا
كوكو كوكو
عمتي حمدة .. طاحت في التنور ..
كتو عليها العيش ( الحب ) منثور ..


انزين اتذكر حزاية سرور
سرور يا ولداه .. ذبحته مرت أباه
ايدياته و رويلاته تحت مربط خيل أباه ..

[بـن عدوان]

أشكرك أخوي على الموضوع القيّم ..

بس للعلم بعض الكلمات مب عربية، وإنما مأخوذة من اللغات الأخرى ...

والكلمات اللي دخلت اليوم ،، بتصير من الماضي عقب 50 سنة، وبتكون مصطلحات شعبية ..

تحياتي لــكــ

[الحريّه]

السرود إللي ينحط فيه (التمر) مثل كبوس الاسباني وهو يصنع من الحصير :victory:

بطل الفريج أنت قربت :(






السرّود واليالوق والقَصْرَه , كلهم اشياء توضع فيها التمور .
السرّود من الخوص
اليالوق من صلخ ( جلد ) الغنم
القَصْرَه من الخوص أيضاً لكنها أكبرهم حجما . يقولون " ناصر , حَمّال القواصر " وناصر هذيه كان حَمّالي في ميناء البصره قديما , شديد وقوي , ومن قوّته يستطيع حَمل 3 قواصر مره واحده .
تحياتي:victory:

[الحريّه]

[QUOTE=الحياة صعبة;6589995]
السلام عليكم و رحمة الله ..


الأخ الكريم .. فريج البدر ..

[b][center][color="darkorchid"]غبرة صكت العدو ..
بعد المرجدة يبي لها معرفة ..
أتوقع انها المرض القوي أو الصخونة .. اللي تخلي راعيها يرقد ما يعبر يشيل راسه ..




[SIZE="5"]المرجِدِه ما لها خص في لرقاد شباب . القاف لا تُقلب جيم في قطر . المِرجِدِه هي اللي تَرْجِد بالواحد , يعني تهزه هز . ما تسمعونهم يقولون " يَرْيِدْ " أو " يَرْجِد " بمعنى الصوت المرتفع الذي يهز الأركان .
تحياتي:victory:

[الأصيلة]

وش عاد بكلمهم إن شاء الله
والله لو بهواي كان سويت قسم للتراث الشعبي و حطيتك مراقة التراث الشعبي ونفرش لج حصير وتيلسين أتراقبين :p


زين ماقلتولي , شنهو ( السرود)

صباح الخير على زمان أول
اخوي جلمود بالنسبة للسرود هذي تقريبا كلمة يتداولها أهل الإمارات..
هو صح مثل ماقالوا السفرة
http://www.tawyeen.com/2005WEB/_images/magazeen/toraath/sarawood.jpg

لكن البعض يطلقها على المنسف
وهو نفس السفرة بس مقعر شوي ينحط
فيه الرطب والتمر وله أحجام مختلفة...

[خطوة]

يااااااااااااااااااااااااااااا قدمكم

وربي نص الكلمات ماعرفها

ياما اني بدوية في الصميم ونص كلامكم حضر

ياما فعلا طلعت انا من جيل الكورن فلكس

عيدكم مبارك

[<<روز>>]

يعل ربي يسلمك

قمت أشك أنج تلبسين بطوله :rolleyes2:

اي البس بطوله وملفع نقده

[بطل الفريج]

بكرة حية بية
http://www.qatarshares.com.qa/data/131/133/storm_182148925_1309707450.jpg
ياحيتيه يابيتيه
راحت حية ويات حية على درب الحنينية..
غديتج وعشيتج ونهار العيد لاتدعين عليه...

على درب الحنينية
اللي يعرف اين تقع الحنينية ؟

[بوNasser]

الهقوة يا راعي الموضوع انك قديم ومغبر

عيل تذكر قراش البيبسي وشلون كنا نبط الطبيشة بمسمار ونشرب منها علشان ما تخلص، او نحط الثوب المحلط على بوز القرشة ونشرب البيبسي مفلترة بنكهة الثوب!!!

والا قوطي الحليب بو شيرة، والله صار خاطري فيه الحين، نشفط منه لين ينشف وبعدين نفتحة بالمقراض او السجيين ونطلع الباقي، عاد عقب ما نخلص تلقى الدمان سحوب من اصابعنا!!

اخيرا : "قطي قلاطي وانا اقطي ، قطي قلاطي وانا اقطي " هذه اللي كانوا يراكضون حفي في فريجنا يتذكرونها ويعرفون معناها!!!

تحيات اخوكم

[حسن]

انت مب بقراطيسك انت عتيج الصوف ولايديد البريسم ابوي فصلي ثوب لاس حق العيد

[بطل الفريج]

الهقوة يا راعي الموضوع انك قديم ومغبر

عيل تذكر قراش البيبسي وشلون كنا نبط الطبيشة بمسمار ونشرب منها علشان ما تخلص، او نحط الثوب المحلط على بوز القرشة ونشرب البيبسي مفلترة بنكهة الثوب!!!

والا قوطي الحليب بو شيرة، والله صار خاطري فيه الحين، نشفط منه لين ينشف وبعدين نفتحة بالمقراض او السجيين ونطلع الباقي، عاد عقب ما نخلص تلقى الدمان سحوب من اصابعنا!!

اخيرا : "قطي قلاطي وانا اقطي ، قطي قلاطي وانا اقطي " هذه اللي كانوا يراكضون حفي في فريجنا يتذكرونها ويعرفون معناها!!!

تحيات اخوكم

تذكر التحدي من يشرب فلفل لغراش اكثر من الثاني والله رايحين فيها.....

[حسن]

يالبطل يقولون افلان بقم وش يعني يالله خلغوغل ينفعك

[بطل الفريج]

يالبطل يقولون افلان بقم وش يعني يالله خلغوغل ينفعك

يعني مايفتهم

[حسن]

احنا مصريين يالبطل كلمه قطريه بغم فتحه على البا وشده على غ وسكون على الميم سرت استاد للك

[بطل الفريج]

يالبطل يقولون افلان بقم وش يعني يالله خلغوغل ينفعك

اعتقد الشخص اللي مايعرف يرد على الكلام
يعني مايعرف يتكلم

[حسن]

بقربلك سيم سيم لين الحين مابقم

[بدون]

طلعتوا طبعة أقدم مني !!!!

[جلمود]

صباح الخير على زمان أول
اخوي جلمود بالنسبة للسرود هذي تقريبا كلمة يتداولها أهل الإمارات..
هو صح مثل ماقالوا السفرة
http://www.tawyeen.com/2005WEB/_images/magazeen/toraath/sarawood.jpg

لكن البعض يطلقها على المنسف
وهو نفس السفرة بس مقعر شوي ينحط
فيه الرطب والتمر وله أحجام مختلفة...

أهل الامارات !

انا كلش ماعدي حد صوب شرق وسمع هلي يسمونه بهذا الاسم

هذا هو السرود

http://www6.0zz0.com/2010/11/15/11/156912537.jpg (http://www.0zz0.com)

[جلمود]

السرّود واليالوق والقَصْرَه , كلهم اشياء توضع فيها التمور .
السرّود من الخوص
اليالوق من صلخ ( جلد ) الغنم
القَصْرَه من الخوص أيضاً لكنها أكبرهم حجما . يقولون " ناصر , حَمّال القواصر " وناصر هذيه كان حَمّالي في ميناء البصره قديما , شديد وقوي , ومن قوّته يستطيع حَمل 3 قواصر مره واحده .
تحياتي:victory:

:nice:


اي البس بطوله وملفع نقده


ملفع مبكر هههههههههه :victory:

[بطل الفريج]

:nice:




ملفع مبكر هههههههههه :victory:

البارحة رحت شريت حق الوالدة دراعة رش المطر و غرشة فدور و ثوب مفحح و دفة مقصبة ومضاعد و نيرات. و خذنا مقابس و دوة حق الميلس.

[simsim1963]

بقربلك سيم سيم لين الحين مابقم

وانا عبالي أنك خدموني طلعت تقوقل طول الوقت . بس انت مصري ميه الميه والا فراخ الجمعيه:nice:

[حسن]

زمن الغوص اذا الغيص تاخر في الطلوع ويحاتوته وذا طلع وشافوه قالو سيم سيم بقم هناك يعني طلع هناك ذى مصطلح بحري ماتدري اني نوخذه

[simsim1963]

زمن الغوص اذا الغيص تاخر في الطلوع ويحاتوته وذا طلع وشافوه قالو سيم سيم بقم هناك يعني طلع هناك ذى مصطلح بحري ماتدري اني نوخذه

والله انت البقم يابقم طلعت من بلوش مصر

[بطل الفريج]

مافي حد جاوب

على درب الحنينية
اللي يعرف اين تقع الحنينية ؟

[simsim1963]

عين ماء في الرفاع . البحرين

[بطل الفريج]

عين ماء في الرفاع . البحرين

صح يا سمسم
بس اشدراك

[simsim1963]

صح يا سمسم
بس اشدراك

:omg: :omg: الي يسأل ما يتوه

[simsim1963]

طيب ويش معنى طرطبيس؟

[بطل الفريج]

طيب ويش معنى طرطبيس؟

شوف غيري
ذكرتني بالحنطفيس

[بدون]

شوف غيري
ذكرتني بالحنطفيس

:funny::funny::funny:

عيدكم مبارك

[بطل الفريج]

:funny::funny::funny:

عيدكم مبارك

عساك من العايدين والفايزين اخوي بدون
كل عام وجميع اخواني الكرام بخير
سرني تواجدكم هنا ودمتم بخير

[بطل الفريج]

سؤال
شنهو الشئ اللي كان اسمه علي بن علي
وسعره بريال واثني عشر آنة

[اللورد]

سؤال
شنهو الشئ اللي كان اسمه علي بن علي
وسعره بريال واثني عشر آنة

الزقاير
:)

[simsim1963]

زقاير روثمان (علي بن علي )

[simsim1963]

بعد عندك زقاير (ثري فايف ) و( زقاير ابو قطو)

[بطل الفريج]

الزقاير
:)

انت صح بس ماقلت اي نوع من الزقاير
شكراً لك

[بطل الفريج]

زقاير روثمان (علي بن علي )

صح صح صح
:thumbup::thumbup::thumbup: