الطريقه الي ارضي فيها الوالده ؟ [الأرشيف] - منتديات شبكة الأسهم القطرية

مشاهدة النسخة كاملة : الطريقه الي ارضي فيها الوالده ؟

MAZEN37

14-11-2010, 10:18 AM

السلام عليكم
كيف هي الطريقه والعيد جاي سؤال من صديق سئلني ؟
بصراحه اختلطت علي الاجابات!
يقولي انه والدته هي الي غلطانه فيه وهو ساكت بس مو عاجبه انها مو راضيه عليه
ايش افكاركم ؟

هبوب الكوس

14-11-2010, 10:26 AM

امه غلطانه ولا زعلانه ولا اضربته

يروح ويحبه على راسه ويراضيها وهو يضحك

بغض النظر ان كانت غلطانه ( امك ثم امك ثم امك )

ويحتسب الاجر عند الله سبحانه

MAZEN37

14-11-2010, 10:29 AM

كلام كبير من شخص كبير

شويهينــه

14-11-2010, 10:36 AM

عدل كلام هبوب الكوس

هذي امه وحتى لو هي الغلطانه ماله حق يزعل عليها ويخليها اكثر من يوم من دون مايراضيها

بو خليفه 123

14-11-2010, 10:42 AM

قول لـ صديقك :

من روائع خلق الله هو قلب الأم , فما بالك اذا رائعة خلق الله لا تشمل الحنان عليك ؟

فالامام الشافعي قال : و إخضع لأمك و إرضها , فـ عقوقها من الكبر !

ام ريان

14-11-2010, 10:42 AM

اممممممم مافي شي اسمه امه غلطانه
يروح يحب راسها وي قولها رضاكِ عندي بالدنيا تري هالكلمه لها تأثير على الام والابو
وممكن يجيب لها الشي اللي تحبه بعد

pure

14-11-2010, 10:55 AM

شلون امه غلطانه عليه ؟

مادري ليش عندي احساس ان فيه حد داش عرض ومخرب العلاقه بين الام والولد :con2:

عوما . خل رفيجك يتعوذ من الشيطان ويروح يراضي امه

االااا الام ما يزعلها , قلبها ما يرتاح حتى لو اهي الغلطانه

يعني هاي يزاتها اللي ربته وكبرته وعطته من عمرها

simsim1963

14-11-2010, 11:15 AM

يعتمد أي أم فيهم ؟

بنت شيوخ

14-11-2010, 11:16 AM

شلووووووووووووووووون ينام واغلى البشر زعلانه

لا يبا لاينطر عيد ولاغيره يروح ويحب راسهااا ويقولهاا رضاج بالدنيا والام حنونه بتنسى

MAZEN37

14-11-2010, 11:35 AM

الشخص ضميره يءنبه , صحيح كلامكم ومعروف
بس الي حاصل انه امه عاداتها سيئه بالحشره ويقولي كل ما يقرب منها تءذيه وتتكلم فيه من وراه
وتسويله مشاكل مع ابوه ( والله صعبه )
هو الحين مو مقاطعها بس بعيد عنها قدر المستطاع ويجيها بالمناسبات بس قلبه حاس انها مب راضيه
حيره والله

pure

14-11-2010, 12:43 PM

simsim1963

14-11-2010, 12:45 PM

ترى الاخت الكبيرة بمقام الام .

بوحارب

14-11-2010, 12:49 PM

بسيطة

وهو طالع يحب راسها

وهو داخل يبوس راسها

وحبه على الأيد

واذا قاعدة بوسه على الركبة

ويتصل لأمه وهو برع ويسألها تبي شي ولا ناقصها شي !

وقلب الأم مافيه الين منه ترضى بسرعة

وقوله حق خويك الله الله في رضى امه ترى الجنه تحت ارجولها

pure

14-11-2010, 01:03 PM

زين رفيجك متزوج ؟

يا ان رفيجك مبهر السالفه او ان السالفه تيه مبهره :(

او ان فيه حد يوسوس براس الام ويخليها تقلب عل الولد

الزبده في وسواس بالسالفه :(

هدهد سليمان

14-11-2010, 02:23 PM

الام .. ما في اسهل من ارضائها .. غازلها دلعها حبها على راسها .. ما ادري شاقول .. الله يهدي رفيجك

غايه الطواش

14-11-2010, 03:00 PM

لي صديقه ..امها زعلانه على اخوها لانه ماتزوج بنت اختها..... وطاردته من البيت

ويوم سأل شيخ ..قاله ماعليك اثم ..انت ماغلطت وتصرف الام هو الغلط ...وقاله مو من حق الام تتحكم في مشاعر الابناء
انا ما اؤيد ...بس هذا الي اعرفه ..وعلى فكره بعض الخوات يشيشون الام على اخوهم اذا كانوا كارهين زوجته...لاتضنون ان كل الناس ملائكه .....الله يصلح الحال ..
يقوله يقول لامه انه بوديها العمره بعد موسم الحج وبوديها المدينه وان شاء الله بترضى ...

sara jsm

14-11-2010, 03:59 PM

الله يهديهم ان شاءالله ,,
خل يشتري لها هدية ويقدمه لها ,,
وهي ان شاءالله ترضى ,, :)

MAZEN37

14-11-2010, 04:05 PM

@north_star@

14-11-2010, 06:48 PM

اهم شي انه يتم يسال عنها ويراضيها وما يقصر معاها
والباقي بينه وبين ربه وعسى الله يصلح الامور بينهم خاصة بالايام الفضيلة

الأغر

14-11-2010, 08:31 PM

ما في انسان كامل والكل بيخطيء لكن مهما خطأت الأم بحق ابنها بيضل الاحترام واجب ورضا الأم من رضا الله ومهما عملنا ما راح نوفي الام حقها سامح لا تجاوبها خليك على السمع والطاعه لكن في الحدود المعقوله بوس الوالده على راسها واكثر من هالحركه مش مطلوبه صدقني على طول راح يحن قلبها عليه ، الله يحنن قلوبهم على بعض

بـــــــنت النوخـّــــذه

14-11-2010, 09:12 PM

السلام عليكم
كيف هي الطريقه والعيد جاي سؤال من صديق سئلني ؟
بصراحه اختلطت علي الاجابات!
يقولي انه والدته هي الي غلطانه فيه وهو ساكت بس مو عاجبه انها مو راضيه عليه
ايش افكاركم ؟

ترى لايغركم زعل الام هو زعل ظاهري لكن داخليا" مشاعر مليئه بالحب والحنان لأبنها 000:) ولازم الشخص يراعي السن لان كل ماتقدم الشخص بالسن اشوي صار اكثر متنرفز من بعض الاشياء فيعني يكبر عقله صاحبك

عموما" اذا صديقك متزوج وعنده عيال يخلي العيال في وجه المدفع يعني ياخذ لامه هديه عطورات تقليديه او شي تحبه ويكتب بها بطاقه من عيال فلان وابنج فلان إلى الغاليه ام فلان 00ويعطونها ترى يقولون لك ما اغلى من الولد ألا ولد الولد فخليه يستغل عياله :nice:

وحلو ان صاحبك عنده تأنيب الظمير معناته شخص فيه الخير 000خله يتوكل على الله ويسوي ألي عليه بوسه فوق الراس وعلى كف اليد كفيله بإلغاء كل المشاحنات ونسيانها 00 السالفه تعتمد اعتماد كلي على ( فن اسلوب الاعتذار):)

عيون آمي

14-11-2010, 09:23 PM

ان لله :eek5:
قوله روح وحب راسها واستسمح منها الا الام يخي خله يتخيل لو بكره ماتت :weeping: ؟؟؟ شيسوووي والله بيظل طول عمره محتقر نفسه ويحس بتأنيب الضمير والقهر
انا مادري شالسبب بس مهما كان هاذي امه حتى لو هي غلطانه عليه بعد يروح لها
والله اخر زمن :rolleyes2:

الجووري

15-11-2010, 12:32 AM

بس الي حاصل انه امه عاداتها سيئه بالحشره ويقولي كل ما يقرب منها تءذيه وتتكلم فيه من وراه
وتسويله مشاكل مع ابوه ( والله صعبه )
هو الحين مو مقاطعها بس بعيد عنها قدر المستطاع ويجيها بالمناسبات بس قلبه حاس انها مب راضيه
حيره والله

مهما بدر من امه لايحط في باله انها ذلته او هان نفسه انه جاها اكثر من مره ولاسامحته حتى لو غلطت بالكلام عليه هذي امه يتغاضى عن اللي يطلع منها ولاينسى انها شالته في بطنها وربته وكبرته ومن ابسط شي يهجرها ولا يجيها الا في المناسبات والله انها كبيره يروح عند رجولها ويبكي يطلب رضاااها ويتعذر منهااا ويهديها هديه لان الام كل ماكبرت في السن كل ماترجع لورى تتغير اطباعها وكل صبح يصبح عليها ويمسي عليها ويطلعها معه يمشيهاا ولايسمع في امه احد وبكره عياله بيسون نفسه ان كان بار او عاااق والله يجعله بار ان شاءالله بوالديه

بدون

15-11-2010, 12:57 AM

يدعي لها ، و يجيب لها خردة العيد و ما يزعلها مرة ثانية

MAZEN37

15-11-2010, 07:49 AM

الله يجيب الي فيه الخير للجميع وتحيتي لمشاركتكم القيمه
وكل عام وانتم بخير

meme~qatar

17-11-2010, 04:09 AM

الله يهدي الولد
ويهدي الام

كل عام وانتوا بخير

^امـ نواري^

17-11-2010, 09:47 AM

امي ريحانة الدنيا والجنة ..
الله يهدي كل الابناء والبنات ..
فيه حد مايعرف شلون يراضي امه ! ولا يعرف شاللي امه تحبه ؟ وشاللي يفرحها وشاللي يزعلها ؟!
كل الامهات ببوسة على الراس ترضى ..
والله يكفي تناديها " يماه " .." ابغي رضاج علي "

وخله يكثر من السؤال عليها والاطمئنان على صحتها..
وفي كل وقت قول لها "يمه تبغين شي " .." يمه في خاطرج شي "..
وشوف شاللي بخاطرها عليك ..
واصبر واحتسب الاجر وادعي لنفسك ولها بالهداية ..
قبل لا يفوت الفوت ولاينفع الندم :weeping:

KABOOM

17-11-2010, 11:42 AM

اخوي
معليه ترى طباع امه وحركاتها هذا
كله ابتلا من الله واختبار له
معليه يصبر عليها ويحتسب الاجر

اعرف ناس والله امهم كانت نفس ام رفيجك واكثر
وكانت مطينه عيشتهم في الطالعه والنازله الله يرحمها
والله يوم توفت فقدوها كل عيد يصيحون عليها
وكله يتذكرونها مره سمعت حد فيهم يقول
ياليتها ترجع وتهاوشني وتهزئني واسكت
وماتكلم اخليها تبرد حرتها فيني !!1
عور قلبي :(

فعشان هشكل خله يتحمل ويحتسب الاجر عند الله
وكل ماشافها بحب راسها ويسكت ويتقبل منها الشين والزين
وترى اوقات "دهان السير" ينفع .. بعض الامهات الكبار
كانهم اطفال يشفووون على كل شي يعني يجيب لها
خردة العيد وكساوي العيد والا فواله العيد
بين فتره وفتره يعطيها اللي الله كاتبه يدخل عليها ماجلة البيت
بووووووووووووووووووووه
والله بتحبه حب ..@@
ماتصور شكثرررر

اخر شي احب اقولك
خل يدلع دريولها وخدامتها
العجايز اهم شي دريولهم وخدامتهم
مايرضون عليهم ويحبونهم حب @@
واهم شي لايحسسها انه يحب مرته
دوووم يحسسها ان هي المراه الاولى
ومرته عقبها حتى لو ماكان صج
ونفس الشي مع مرته ...
لوووول خبرك الحريم

والله يكون في عونه

فلتة زمانها

17-11-2010, 02:21 PM

صج بعض الامهات اخلاقهم سيئه وكلامهم بذيء
بس الواحد شيسوي ملزوم يحترمهم ويرحمهم
ويعاملهم بالحسنى