ابي رايكم يمكن انا الي غلطان (القطرية فرع الغرافة)

[محمد 2002]

السلام عليكم ورحمة الله وبركاته

الموضوع يا جماعة الخير اني حجزت اول امس تذكره بمبلغ 6400 قلت لهم عندي نقاط لكن للاسف الرحله هذي حسب كلامهم كراسيها ما ينطبق عليه نظام النقاط قلت طيب خصم الشغل لالالالا للاسف الكرسي هذا الوحيد الي ما متقدر تاخذ عليه خصم طبعاً انا شكيت انه كرسي الكابتن المهم دفعت وانا اضحك وخذتها ورحت البيت

ادور الجواز (مفقود) الحل اتصلت مع القطرية على الرقم العام عشان اكنسل الحجز

بلغني بتنخصم منك مبلغ 350 ريال قلت مب مشكله قالي خلاص بكره تروح تاخذ فلوسك بشرط من نفس المكتب كاش

رحت المكتب طبعاً ولا قطري يشتغل هناك طبيعي الوضع المهم 5 موظفين اربعه مشغولين وواحد فاضي رحت له قالي خذ رقم (قلت صج اني حطيت نفسي في موقف مب مشكله )

خذت رقم المهم الاخ مدير يوم جا رقمي شل اوراقي وعلى البنت الي جمبه قلت له حق وهذي امور خاصه فيهم


(قالت لي خير !!! قلت التذكره برجعها قالت لحظه المهم تضرب تضرب وين اثباتك قلتها تفضلي ) عاد انا قلت الحين بروح اتسوق للعيد شوي يعني بيردون لي 6050 ريال الا تقولي لك 5800 قلت لحول شسالفه داشين مطعم في مصر الاكل سعره في المنيو غير وعند الدفع غير

قلت ليش قالت خصم اتعاب وسالفه مع العلم اني كنسلت حجزي بوقت كافي جداً حسب قوانينهم

قلت اقول عطيني فلوسي بس قالت لحظه

ياربع جلست اوقع على اوراق (تذكرت سلفيتي ايام بنك المشرق ) المهم بعد التعب

راحت للكشير قالت له عطني 5800 ريال قالها ما يصير قالت له ليش قالها اي مبلغ فوق 5000 لازم شيك
طيب فلوسي عيد وخير والبنوك بتسكر والحل طبعاً مافي الا الفرع الرئيسي وعقب العيد

قلت طيب حد فيكم قطري الا بذيك النظره الي ما يحتاج قلت طيب مواليد قطر الا لا حياة لمن تنادي

عطوني ورقتي وطلعت وقلت الشرهه علي الي للاسف افضل القطرية على باقي الطيران عشانها طيران وطني

ولكن قررت اني اعيد النظر في اختياري

وهذا الي حصل معاي


يا جماعه يمكن انا الي غلطان ياليت تفيدوني عشان نكون منصفين


ا

[Abdullah_89]

القطرية طيران هابط في هالامور المفروض يسمونها الهندية او المغربية او الفلبينية

حسبي الله على اكبر الباكر لكن وين ادارة العمل عنهم

روح شوف طيران البحرين شلون البحرينيين يشتغلون فيه طبعا لازم فيه هنود لكن الحمد لله عالاقل تلاقي فيه بحرينين مظيفين فالطيارة وموظفين حجوزات وغيره

[بلوتنيوم]

600 طارت بطرفة عين:eek5:
صراحة ما اعرف عن قوانين القطرية
بس يمكن الاخوان يفيدونك
واتوقع المشكلة في لغة التفاهم ولازم يكون في شخص
يتحدث العربية في كل مكاتبهم
ولازم يوضحون لك الخصومات الى صارت وش اسمها
وعلى اي اساس انخصمت؟؟!
وعقبها بتكون راضي:tease:

[محمد 2002]

600 طارت بطرفة عين:eek5:
صراحة ما اعرف عن قوانين القطرية
بس يمكن الاخوان يفيدونك
واتوقع المشكلة في لغة التفاهم ولازم يكون في شخص
يتحدث العربية في كل مكاتبهم
ولازم يوضحون لك الخصومات الى صارت وش اسمها
وعلى اي اساس انخصمت؟؟!
وعقبها بتكون راضي:tease:

كلهم عرب المشكله وين فلوسي 5800

والمشكله رسوم للغاء 350
طيب ليش فوق هذا الخصم يخصمون 5% رسوم خدمه

يعني الاجمالي يطلع سعر تذكره على دبي

[شيط ويط]

انت غلطان عيل حد يحجز قبل لا يتأكد اذا جوازه موجود .. منتهي .... إلخ :)

[محمد 2002]

انت غلطان عيل حد يحجز قبل لا يتأكد اذا جوازه موجود .. منتهي .... إلخ :)

مرحبا بك طيب خلنا نقول الجواز موجود وكل شي تمام وقررت اني اكنسل رحلتي بوقت كافي حسب القوانين وين المشكله

[شيط ويط]

مرحبا بك طيب خلنا نقول الجواز موجود وكل شي تمام وقررت اني اكنسل رحلتي بوقت كافي حسب القوانين وين المشكله

المشكلة ان قوانينهم تقول اي مبلغ فوق 5000 ريال ينصرف بشيك .. لازم تلتزم بالقوانين مثل ما التزمت بالغاء الحجز بوقت كافي حسب القوانين :)

قسم بالله انا مب موظف في القطرية ولا لي اي صله فيهم .. لكن قاعد ارد عليك بنفس المنطق اللي انت تبيه .. لكن اذا بغيت ارد عليك واتعاطف معاك ممكن :rolleyes2:

[ام ريان]

الطيران القطري معروف والافضل انك سألت قبل لاتحجز

[LiL iNVe$ToR]

مرحبا بك طيب خلنا نقول الجواز موجود وكل شي تمام وقررت اني اكنسل رحلتي بوقت كافي حسب القوانين وين المشكله


انا اشتغل في مجال الطيران ..السالفه فيها اكثر من انك تكنسل وخلاص الفلوس لازم ترجع ..

التذاكر 3 انواع flexible و semi-flexible و fixed*

كل نوع له خصائص ..انك تقدر تغير اوقات الاقلاع ..او وقت الرجوع ..برسوم بسيطه ..وارخص نوع اللي ماتقدر تغير ولاشي .

لكن مع كل الانواع لما تجي تكنسل الحجز ..بياخذون عليك رسوم ..

ولاننسى السالفه كلها بزنس من البدايه في مجال الطيران التجاري ..بغض النظر كانت القطريه او اي شركة طيران ثانيه .

[ALHAJAJI]

اسمع القوية يا محمد :eek5:

الاجنبي ما علية اي خصم ويسترد فلوسة باردة مبردة ويمكن بعد يعطونه هدية عشان يتم وياهم :tease:

انا صارت لي نفس سالفتك بالظبط وخصموا على ام العيال مبلغ خمسائة ريال وبنتي الصغيرة عمرها كان
عشرة شهور وقيمة تذكرتها كانت 450 وخمسين ريال والغرامة لالغاء الحجز 500

طيب اشلون قيمة الغرامة اكثر من قيمة التذكرة , هذا سؤوال يروح حق ادارة الطيران المدني :omen2:؟

[المتألق]

طيران الامارات ورح لهلك

[عسولة]

معروف ان اقطرية مهزلة ؟؟؟ والباكر الله فوقة ؟؟ في النهاية كل شي حق الأجانب والعرج يحن حق هلة ؟؟؟

اي وطنية الله يهديك ؟؟؟ الغرب بيحشمونك اكثر

[محمد 2002]

اللهم عليك بهم فإنهم لا يعجزونك

[Gh2o]

الله يعينك بس بغيت اسألك شالهدف من هالسؤال ؟ ( قلت طيب حد فيكم قطري الا بذيك النظره الي ما يحتاج قلت طيب مواليد قطر الا لا حياة لمن تنادي ) ؟؟

[بدون]

الله يعينك بس بغيت اسألك شالهدف من هالسؤال ؟ ( قلت طيب حد فيكم قطري الا بذيك النظره الي ما يحتاج قلت طيب مواليد قطر الا لا حياة لمن تنادي ) ؟؟

لحاجة في نفس يعقوب!!!!

شي طبيعي أنه يسأل إذا في قطريين في المكتب !!! الشركة كلها أجانب ياكلونك بالطالع و النازل، و الأجنبي لي دخل ما يصدقون ، يستقبله المدير و يشيله على كفوف الراحة و يطلب عصير من المعصرة ، و شوف عيني بعد و في فرع الغرافة!!!!!

القطري يمكن يقدر يتفاهم معاه ، لكن الأجنبي ما يهمه انت متضايق و لا في الطقاق!!!!
و لا أحد يقول لي لأ و لا حتى يحاول ،، لأن هذي الأشياء صارت لنا مرات و مرات،،
على قد ما نتعاون معاهم، لي صارت الحاجة لنا تلقاهم أسوأ الناس في التعامل معانا

حسبنا الله و نعم الوكيل

[The Watcher]

اشوف الوضع عادي

5% لأنك ماحجزت عن طريق الانترنت
هالكلام صارله سنتين

[السندان]

عيد حساباتك وشوف مصلحتك ولا تفكر بالاسم الوطني لانه فقط شعار