مشكلتي ما ايفون 4 فودافون!

[ولـ بلادي ـد]

والله يا اخووان ماكتبت هالموضوع إلا من القهر .. اول ما نزلو الايفون 4 فودافون خذت واحد مع العلم نه كان عندي واحد من برطانيا ما فيه شي وفرطت فيه ..

اول ما خذيته كان استعمالي له خفيف وما كنت ملاحظ مشكلته يوم استعملته استعمالي اليومي اكتشف انه الطرف الثاني في المكالمة ما يقدر يسمعني في اغلب الاوقات لازم افتح السبيكر عشان يقدر يسمعني !! وديته الصيانة اكتشف انها صيانة موترولا و غرفة الاستقبال اقل ما يقال عنها انها ما فيها اي امكانيات وبدون دور ولا ارقام ولا شي و الوكالة في مجمع (نصرالله) صوب دوار الجيدة !! يوم عطيته التلفون للموظف قلت له اني مسويله ريستور وما ضبط .. ثاني يوم اتصلت استفسر قالي جهازك خلص رحت استلمه قالي سويناله سوفت وير يوم شغلت الجهاز اكتشف بانهم مسحو كل الي فيه بدون علمي !! والمشكلة موجودة !!!

[الغيور]

اخوي بخصوص بياناتك اولاً اذا انت مسوي له back up لا تحاتي كل ملفاتك موجوده بشرط انك اخر مره متى شبكت الايفون بالايتونز واتوماتيكي بيسوي لك back up ويكتب لك في الايفون sync in progress او بالعربي جاري التزامن . والحين بعد ماسويت له ريستور ترد تشبكه ويسألك اذا تبي تنسخ الـ back up الموجود باسم ايفونك قبل . راح ينسخ كل شي مسويله بك اب ويكتب لك اخر تاريخ مسويله بك اب .
اما بخصوص مشكلة الصوت اول دفعات من الايفون 4 فيها مشاكل ارسال بحيث حزات تتكلم في التلفون عادي طرف الثاني مايسمعك او تفصل المكالمه , الحل جرب لعله عسى يتعدل تسويله ابديت وحاول انك ماتلمس الجزء الخارجي الستيل اللي ع اليسار و في مشاكل هاردوير بعد في الفلاته ( قطعه في الميكروفون) روح ال شريم انشاءالله راح يضبك :omen2: والسموحه ع الاطاله وتقبل تحياتي

[airbus]

ابي اعرف بس ادا شريته من فودافون ليش مارحت لفودافون !!!

لانه تحت الضمان

[ولـ بلادي ـد]

اخوي الغيور الله يعطيك العافية وما قصرت بخصوص البك اب بس المشكلة انه في بيانات مب مسويلها بيك اب وشكلي اخر شي بوديه ال شريم وخلي الضمان ينقلع !

اخوي airbus انا وديته مركز صيانة فودافون والي هي وكالة موترلا ( يعني فودافون تتعامل مع وكالة موترلا لتصليح الايفون وما في وكالة غيرها ) !!

[الغيور]

اخوي الغيور الله يعطيك العافية وما قصرت بخصوص البك اب بس المشكلة انه في بيانات مب مسويلها بيك اب وشكلي اخر شي بوديه ال شريم وخلي الضمان ينقلع !
اخوي airbus انا وديته مركز صيانة فودافون والي هي وكالة موترلا ( يعني فودافون تتعامل مع وكالة موترلا لتصليح الايفون وما في وكالة غيرها ) !!

الله يعافيكـ اخوي ، المفروض تشرشحهم ليش يمسحون بياناتك بدون اذنك :anger1: وثاني شي قانون ابل عليه ضمان 90 يوم على المشاكل الفنية او الهاردوير اذا ماتصلحت المشكله المفروض يعطونك بداله واحد جديد .

[airbus]

طيب انت قلت ادا مسكت الجهاز وفتحت السبيكر يقدر يسمعك صح يعني مافي مشكله في المايك الجهاز هدا اول شي

تاني شي لما تتكلم في الجهاز كيف تمسك الجهز يعني ماتغطي المايك وانت تتكلم للعلم المايك على اليسار نفس الي في الصوره

http://img.skitch.com/20101114-du6jpy3wubfby9dr6mkp3f3hbj.medium.jpg

تكلم الحين مع اي شخص وماتحط ايدك على المايك وشوف شنوا يصير معاك

[ولـ بلادي ـد]

اخوي الغيور انا لما شغلت الجهاز شغلته وانا في السيارة ! وكلمت 111 وقالي المشكلة بتنحل ونعدك انها ما تتكرر ( مادري وش استفدت يعني من وعده )

اخوي airbus انا مركبله كفر من برطانيا ونفس المشكلة بكفر او بدون وما اكون ماسك صوب المايك!!!

ويعطيكم العافية على التفاعل ...

[محمد_ قطر]

شباب تليفونات اي فون .. الخاصه بشركه فودافون فيها عيب كبير ... اول شي الوايرلس تعبان ويعاني من مشكله كنت اعاني من الواير لس ورحت وديته شركه الصيانه وتهاوشت معاهم وعطوني جهاز جديد

للاسف شركه ابل ... باعت اي فون وهيه فيها مشاكل .. وفودافون باعت وهي ماتدري شسالفه

[الجوكر90]

السلام عليكم
انا شريت لي ايفون من فودا فون اول دفعه
والحمدلله ولا عيب لين الحين
شوف وده اول شي محل عادي وادفع 50 ريال عشان يشوف لك وشو الخربان
واذا عرفت روح فودا فون وقولهم هاي خربان وخل يشوفون لك حل
وبالتوفيق ان شاء الله