## اماكن التنظيف الدقيقة في المنزل ##

[ضوى]

http://im1.gulfup.com/2010-11/12897555272.jpg (http://www.gulfup.com/)

اعترف ان تنظيف المنزل يحتاج لجهد وتعب ووقت طويل لمن هم على شاكلتي ، لإني انسانة منظمة جدا وادقق على كل شئ ، وحبيت افيد ربات البيوت والامهات والبنات الانسات بالاماكن التي يكثير فيها الغبار ، خاصة وان الجو العام للخليج تقريبا مغبر بشكل عام ، وبالنسبة لي فإن تنظيف الغبار يشكل تحديا لي لاني لا احب ان ارى ذرة غبار في البيت ، اتضايق واتنرفز وتكون هناك حالة استنفار قصوى ويتم تجنيد أفراد البيت كلهم عدا رب البيت ، والكل يشمر عن ساعديه في التنظيف والمسح والكنس ، وفيما يلي سأذكر لكم الاماكن الدقيقة التي تحتاج إلى التنظيف مرة في الاسبوع على الاقل ، وبشكل دقيق جدا لمنع تكون طبقة سميكة من الغبار صعب ازالتها فيما بعد ، لذلك لنبدأ من اليوم او الغد في عملية التنظيف الشاملة للبيت لننعم ببيت نظيف خالي من الغبار والبكتيريا خاصة مع وجود اطفال صغار بالبيت يكون الاهتمام اكبر بشكل عام من البيت الذي يخلو من الاطفال

http://im1.gulfup.com/2010-11/12897555273.jpg (http://www.gulfup.com/)

طريقتي الخاصة في التنظيف تعتمد على ان اخصص غرفة يوميا للتنظيف ، بمعنى يتم عمل عزل كامل للغرفة المختارة من تلميع ومسح وكنس .. الخ ، يعني تنظيف الشبابيك ، الستائر ، المكيف ، المراوح ، الخزانات ، الادراج السجاد ، تحت السرير ، ومن ثم مسح الارضية بمعقم أمن ، واليوم الذي يبعد غرفة اخرى وبنفس الطريقة يعني لو افترضنا بيتي اربع غرف ، وثلاث صالات هذه سبعة اماكن لسبعة ايام ، ويتم التنظيف الاسبوعي بشكل مستمر وذلك لنضمن عدم تكون الغباروتكدسه ، ولعل هناك الكثير الذي لا يلقي بالا لتنظيف اماكن كثيرة اما لصعوبة الوصول اليها او لعدم رؤية الغبار بشكل مباشر مما يجعل هذا المكان بؤرة خصبة لنمو وتكاثر البكتيريا ، ومن هذه الاماكن وبالتفصيل :-

http://im1.gulfup.com/2010-11/12897555271.jpg (http://www.gulfup.com/)

سطح الخزائن ، تحت السرير ، ثنايا الستائر ، انابيب الستائر خاصة مع وجود الديكور الجبسي ،وكذلك تنظيف الكورنيش الجبسي ان وجد ، ريش المكيف الداخلية والخارجية ، ارجل الكراسي والطاولات ، حدود الطاولات والكراسي والكنب ، تنظيف الزل والسجاد مما يعلق به من شعر خاصة بوجود بنات شعرها طويل بالبيت ، خلف الاسرة اذا كانت بتاج طويل ، التلفزيون ، اللوح والتحف ، قبضات الستائر المعلقة في الجدران ، الكتب والمجلات في المكتبة العامة للمنزل ، ارفف المطبخ ، بلاط الحمامات وتنظيف الحدود بين البلاط سواء كان على الارضية او على الجدار ، ستارة الحمام التي يجب ان تعرض في الشمس مرة في الاسبوع ، تنظيف البالوعة الصغيرة في الحمام عن طريق اليد الملبسة بقفاز طويل حيث ان الشعر النازل من المسبح ينزل في هالبالوعة الصغيرة ويسبب انسدادها ( مجربة ) ، مقابض الابواب ، السيراميك وتنظيف الفواصل بشكل اسبوعي بمادة منظفة فعالة لكي لا يتكون اللون الغامق في هذه الحدود ، تنظيف مرواح الشفط ومراوح الغرف بشكل اسبوعي ايضا ، الثريات تحتاج لتنظيف اسبوعي ايضاَ، كذلك كمبيوترات الديسك توب يجب تنظيفها سواء الكي بورد او الفأرة اوالبرنتر ، ويجب ان يكون التنظيف لكل هذه الاشياء بذمة وضمير واتقان ، الشبابيك يجب ان تنظف من الغبار العالق في الثنايا الداخلية والخارجية وشبك النوافذ ايضا يجب نفضه من الغبار بشكل رقيق حتى لا يتشقق الشبك وعادة هذا يحدث اذا علق الغبار بشكل دائم بها ، كذلك النباتات الطبيعية والبلاستيكية تحتاج للتنظيف والغسيل بشكل دائم ليكون دائما منظرها اخضرا براقاً وليس باهتاً



ولنعلم انه من المهم عمل جرد شهري او اسبوعي لما تحتويه خزانات البيت ودروجه وذلك لاننا احيانا ننسى بعض الاشياء التي اشتريناها او ان بعض الملابس قد صغرت او اكتشفنا عدم حاجتنا اليها فالجرد للملابس والكتب والاوراق والاحذية والاثاث ايضا مهم جدا ليكون البيت منظما ومرتباً

http://im1.gulfup.com/2010-11/12897555275.jpg (http://www.gulfup.com/)

هذا ماأقوم به اسبوعيا في منزلي ، وارتأيت انه فرصة مناسبة ان اذكركم به خاصة في هذه الايام التي يكون فيها جميع النساء في حالة استنفار للتنظيف والتلميع بمناسبة العيد

http://im1.gulfup.com/2010-11/12897555274.jpg (http://www.gulfup.com/)

دمتم طيبين في بيئة نظيفة خالية من الغبار والبكتيريا :victory:

[الأغر]

ست بيت من الطراز الأول الله يخليك لزوجك واولادك يعطيك العافيه

[بـــــــنت النوخـّــــذه]

نصائح مميزه من ربة بيت ممتازه

تدرين اختي ضوى احنا تنظيف البيت يومي طبعا" نفس الكل ولكن الشي المختلف ان نفس التنظيف ألي يصير الصبح يعاد العصر يعني يبدأ من 6 الصبح بعد ما يطلعون اليهال وينتهي بالضبط لازم الساعه 9:30 لجل يتفرغون الشغالات للمطبخ (طبعا" تحت اشراف الوالده الله يعطيها طولة العمر) واشرافنا احيانا" ويكون التنظيف دقيق وشامل كل شي ما يتأجل اي شي 00لدرجه ناس من معارفها يجيبون خداديمهم لجل يشوفون طريقه التنظيف الشامله يوميا وعلى الوقت ماينهمل اي شي حتى السقف والثريات 0

عاد نجي لحزة العصر بعد صلاة العصر نفس التنظيف لين الساعه 4:30

صراحه تنظيفنا مهب لجل التنظيف للامانه وسواس نظافه مهب طبيعي حتى اليهال صارو جذيه اي شي ينكت على طول ينادون بصوت عالي ان شي انكت كأن فيه جريمه صايره بالبيت :eek5:اهو طبع متعب ولكن متوارث شنسوي وحتى لي رحت بيت ناس اول شي اسوي اذا راحت المعزبه امسك الكوشن واضربها بيدي اذا فيه غبره معناته البيت ماينظفونه عدل اههههههه00

وعلى فكره بقولج سرّ كيف تزرعين النظافه في الشغالات اهههههه اول ماتجي شغالتج اتعلمينها النظافه حتى لو نظفت شككيها ان فيه غبره وخليها اتعيد لين تنزرع النظافه فيها ^_* لان خبرج اول مايجون مستهترين فلازم يتعلمون من البدايه 00طبعا" الشرح يطول بوصف الاماكن 000 واوجزتي بعضها بارك الله فيج واستفدت وايد وقالوها النظافه من الايمان

000

[فارس الكلمة]

هذا .. و أنت تشتغلبن خارج البيت و بدوام طويل .. :)

شىء جميل .. لكن خير الأمور أوسطها ..

[ضوى]

ست بيت من الطراز الأول الله يخليك لزوجك واولادك يعطيك العافيه

اللهم امييييييييييييييييييييييييين


شاكرة لك دعوتك الطيبة ولك مثلها وافضل ان شاء الله

تحية وتقدير

[شاهيناز]

ضوى موضوع مهم

انا احب التنظيف وخاصه غرفتي اذا المزاج اوكي انظف كل قطعه في الغرفه
لان المشكله في لغبار في كل مكان في الغرفه كل مانظف بعد ساعات نشوف لغبار على الاسطح

[بنت ابوها 19]

احنا ناس زهقنا من الغبار لدرجة انه البيت كله ااصاب بالتهاب الجيوب الانفيه
واثنين صابهم الربو

وعلي كثر مامي تشرف علي تنظيف الغبار مرتين باليوووم

لكن مافي فايده لانه حالات البناااء من كل تجاه للبيت

[اعالي الجنان]

نفس طريقتي ياضوى
ان نويت وتشجعت استلمت كل يوم مكان
يوم غرفتي ثاني يوم الصاله
وبالطريقه هذي
الا المطبخ
خذ مني 4 ايام لين اطلعت عيني
ماحب اشوف دهن بالطوفه او الارض او الفرن
يعطيج العافيه يالغاليه عالنصايح الطيبه

[ام السعف]

بالنسبة لي امشي وامسح يدي ،، ان شفت هناك غبار صوتت على الخدامة
وقلت لها بكل برود ،، متى اخر مرة مسحت هالمكان ؟
تقول لي اليوم ،، امسح صبعي او يدي واقول لها ،، معقولة اليوم ؟؟
تقول لي اسفة سستر وتمسح المكان مرة ثانية ،،

الشبابيك كل شهرين او 3 مرة ،، او كل ما توصخوا بسبب عوامل الجو،،
تحت السراير كل ما توصخ نفس الشي ،، الكباتة و بيبانها اسبوعيا لازم تنمسح ،،

يعني اقدر اقول اني ما ابالغ في التركيز الموسوس بخصوص الغبار
لكني ما احب منظره يطغي على منظر النظافة ،،

[جاسم911]

يوم الجمعه يوم التفتيش العالمي
البيت ينقلب

[ضوى]

نصائح مميزه من ربة بيت ممتازه

تدرين اختي ضوى احنا تنظيف البيت يومي طبعا" نفس الكل ولكن الشي المختلف ان نفس التنظيف ألي يصير الصبح يعاد العصر يعني يبدأ من 6 الصبح بعد ما يطلعون اليهال وينتهي بالضبط لازم الساعه 9:30 لجل يتفرغون الشغالات للمطبخ (طبعا" تحت اشراف الوالده الله يعطيها طولة العمر) واشرافنا احيانا" ويكون التنظيف دقيق وشامل كل شي ما يتأجل اي شي 00لدرجه ناس من معارفها يجيبون خداديمهم لجل يشوفون طريقه التنظيف الشامله يوميا وعلى الوقت ماينهمل اي شي حتى السقف والثريات 0

عاد نجي لحزة العصر بعد صلاة العصر نفس التنظيف لين الساعه 4:30

صراحه تنظيفنا مهب لجل التنظيف للامانه وسواس نظافه مهب طبيعي حتى اليهال صارو جذيه اي شي ينكت على طول ينادون بصوت عالي ان شي انكت كأن فيه جريمه صايره بالبيت :eek5:اهو طبع متعب ولكن متوارث شنسوي وحتى لي رحت بيت ناس اول شي اسوي اذا راحت المعزبه امسك الكوشن واضربها بيدي اذا فيه غبره معناته البيت ماينظفونه عدل اههههههه00

وعلى فكره بقولج سرّ كيف تزرعين النظافه في الشغالات اهههههه اول ماتجي شغالتج اتعلمينها النظافه حتى لو نظفت شككيها ان فيه غبره وخليها اتعيد لين تنزرع النظافه فيها ^_* لان خبرج اول مايجون مستهترين فلازم يتعلمون من البدايه 00طبعا" الشرح يطول بوصف الاماكن 000 واوجزتي بعضها بارك الله فيج واستفدت وايد وقالوها النظافه من الايمان

000


اضافتج رائعة يابنت النوخذه ، والصراحة اعشق بيتي لدرجة اين شارف على كل شئ فيه واشتغل بايدي احب لمساتي في بيتي :) ،
بس امانة انا مافيني وسواس نظافة بس احب البيت المنظم والنظيف والغبار ينرفزني احس بعصبية لين اشوفه ، ذبحنا هالغبار ، بس لاحظت مع طريقتي اللي ذكرتها بالموضوع وايد خف يعني مب زي لما اخليه شهر او اسبوعين او عشر ايام يعني اسبوع حلو وكمية الغبار تكون معقولة وقليلة في اغلب الاحيان بس مافي تخلص نهائي من الغبار مدري من وين يجي هالغبار ، يعني بدرج في كبت طوفة بعيد عن اي منفذ هواء او ضوء من وين يجي الغبار؟؟
اسعدتني مداخلتج جدا اختي الكريمة

[ضوى]

هذا .. و أنت تشتغلبن خارج البيت و بدوام طويل .. :)

شىء جميل .. لكن خير الأمور أوسطها ..

مادخل عمل البيت بعملي الخارجي ؟؟ تنتهي علاقتي بالعمل فور دخولي للبيت فانا ربة بيت وام بالدرجة الاولى ودوامي ليس طويلا بالمعنى المعهود :)

ولا تعتقد اني ابالغ في التنظيف وارجع لتعليقات اخواتي وستعرف انه ماقوم به هو شئ عادي ، وانا احببت التذكير بالاماكن التي يتركز فيها الغبار وغالبا يكون غير مرئي :)

تحياتي لك

[naklan]

الله يعطيج العافيه اختي ضوى

موضوع النظافه موضوع في غايه الاهميه

للراحتنا النفسيه وللصحه العامه عندنا مشكله ازليه

في الخليج عامه وفي قطر خاصه الى وهي الغبار طول السنه

والكثير من الناس يجهل اسباب دخول الغبار بهذه السهوله في المنازل

وتاتي اسبابه من التشطيب الغير مدروس او التجاري يعني مثلا الشبابيك

الالمنيوم تدخل غبار بنسب عاليه وهي غير محكمه الاغلاق والبديل اليو في سي

ويدخل الغبار ايضاً من جوانب المكيفات العاديه الوندو والبديل الانسب الاسبلت

تامين المنزل من دخول الاتربه مهم ويجب ان نفكر فيه قبل ان نسكن وننظف

وحتى مداخل المنزل يجب ان نفكر في تامينها من الغباروتحديد اتجاهها

حبيت ادلي بدلوي في هاذا الموضوع الطيب

وان اشرح راْيي المتواضع



تحياتي لك وللجمـــــــــــــــــيع

اخوكم/naklan

:)

[غايه الطواش]

يعطيج الف عافيه اختي ضوى....انا عقدتي درابزين الدري "ج"
تلقيني ادعس اصابعي فيه ..اشوف فيه غبار ..والا لأ....
وفي الحمام اطل تحت الحنفيات ...وامسح بيدي فوق الصيدليه اشوفها نظيفه والا لا...
واصعب شي عندي ...الحديد مال درايش"السحاب" البيت وايد يتجمع فيه الرمل ....والمكينه لي استخدمتيها في سحب الرمل وايد تخترب""ماعندج حل لهذه " ...بصراحه انا مانظف ..بس اجيك ...

[ضوى]

ضوى موضوع مهم

انا احب التنظيف وخاصه غرفتي اذا المزاج اوكي انظف كل قطعه في الغرفه
لان المشكله في لغبار في كل مكان في الغرفه كل مانظف بعد ساعات نشوف لغبار على الاسطح

بالضبط اختي شاهي مشكلتنا الاساسية هي الغبار ، بس لاحظت بالتنظيف الدوري تقل المشكلة صحيح ما تنتهي بس تقل ، لانه اذا تركتي الغبار يتراكم تتكون طبقة سميكة صعب ازالتها بالطريقة العادية ويبي لها شغل وحك وهذا شئ شفته بعيني محد قال لي :( خاصة لما صادتني ظروف وتميت مدة مانظفت وتفاجات باللي تكون وصار ، لذلك قررت مايتكررر تنظيف البيت الا في الحالات الضرورية والقصوى او اني محتاجة راحة ليوم او يومين

[ضوى]

احنا ناس زهقنا من الغبار لدرجة انه البيت كله ااصاب بالتهاب الجيوب الانفيه
واثنين صابهم الربو

وعلي كثر مامي تشرف علي تنظيف الغبار مرتين باليوووم

لكن مافي فايده لانه حالات البناااء من كل تجاه للبيت

صحيح اذا حواليكم بنيان وايد مزعجة هالمشكلة بس ان شاء الله تخف بعد مايسكنون جيرانكم ان شاء الله ، وانا شخصيا عانيت وايد بس الحمد لله فترة وعدت :)

[ضوى]

نفس طريقتي ياضوى
ان نويت وتشجعت استلمت كل يوم مكان
يوم غرفتي ثاني يوم الصاله
وبالطريقه هذي
الا المطبخ
خذ مني 4 ايام لين اطلعت عيني
ماحب اشوف دهن بالطوفه او الارض او الفرن
يعطيج العافيه يالغاليه عالنصايح الطيبه

هلا الغالية

المطبخ اتريكه على جنب هذا بروحه سالفة نسيت اذكرها ، مواعين المطبخ تحتاج لتنظيف شهري على الاقل بالبيوض والكولا او البيبسي ، الاستانليس اللي عندي بيوم احطهم بطشت كبير واترسه كولا وبيوض وماشاء الله صج يتلمعون من قلب :secret: الصراحة وايد عجبتني هالحركة لاني حسيت مواعيني نظيفة ، حتى الادوات حلو تغسلينها من فترة لفترة ببيوض احس ترد جديدة وهالشئ مجربته ، اما الدهن والكلس اللي على الطوف اووووووف مزعج هذا كل يومين ثلاثة لازم ولا بد يتنظف غير الفرن والمغاسل والارضية :)

[ضوى]

بالنسبة لي امشي وامسح يدي ،، ان شفت هناك غبار صوتت على الخدامة
وقلت لها بكل برود ،، متى اخر مرة مسحت هالمكان ؟
تقول لي اليوم ،، امسح صبعي او يدي واقول لها ،، معقولة اليوم ؟؟
تقول لي اسفة سستر وتمسح المكان مرة ثانية ،،

الشبابيك كل شهرين او 3 مرة ،، او كل ما توصخوا بسبب عوامل الجو،،
تحت السراير كل ما توصخ نفس الشي ،، الكباتة و بيبانها اسبوعيا لازم تنمسح ،،

يعني اقدر اقول اني ما ابالغ في التركيز الموسوس بخصوص الغبار
لكني ما احب منظره يطغي على منظر النظافة ،،


تعجبني طريقتج يام السعف ، بس شخصيا ماقدر لو اشوف الغبار اركض اجيب اي فوطة مبللة وامسح ، طبعا مب لهوس النظافة لا والله شئ عادي بس ماحب اتنرفز وايد اتضايق :(

[ضوى]

يوم الجمعه يوم التفتيش العالمي
البيت ينقلب

شئ حلو الاستنفار بيوم الجمعة ، انا يوم التفتيش العالمي لعيالي يوم السبت تفتيش بالكتب والدفاتر :secret:

شاكرة لك

[qatari1]

برنامج ممتاز لتنظيف شامل.

يعطيج العافية يا ضوى، وكل عام وأنتِ بخير.

[MAZEN37]

احلى شىء بالموضوع انه الكل يشارك بالتنظيف
الا رب البيت
شالطاعه الربانيه والادب
يا ريت الكل مثلك هههه

[الـقـاسـي]

بصراحة الله يكون في عونكم يالحريم انا قبل ماكنت احس بهالمعاناه ..
لكن الفتره الحاليه صار لنا فتره طويلة برى الديرة وعزابيه انا واخوي صدق حسيت بمعاناه الحريم من ناحية الطبخ والترتيب والنظافه خصوصا بعد ماشرد الطباخ ..

ماكنت اتوقع شغل البيت متعب مع العلم انا كل يومين او ثلاثه اجيب ناس ينظفون ويغسلون شلون انتوا اللي دوام وعيال وتنظيف وبيت ..

الله يعطيكم العافيه ويخلي لنا خواتنا وامهاتنا

[تحداني]

يعطيج العافيه أمي الغاليه " ضوى "
برنامج حلو .. وطريقه متعبه للغايه لكن مثل ما قلتي هي شبه مضمونه
الوالده الله يطول ابعمرها عندها نفس المعاناه الي تعانون منها ومثل ما ذكر احد الأعضاء التشطيبات النهايه للبيت والألمنيوم والدرايش تعلب دور كبير
وأيضا موقع البيت ان كان بالقرب من بيوت غير سكنيه وفي طور البناء أيضا يلعب دور كبير


عن نفسي أخصص للغرفه يوم في الإسبوع أقلب الدنيا رأسا على عقب
اما الخدامات يتظفونه كل يوم وكأنهم ما نظفوا شي ..
مهما نعلمهم تبقى مفاهيم النظافه محدوده عندهم ..
او ما يدققون مثل ما إحنه ندقق ما نقدر نلومهم فالبيوت ما عادت صغيره الحمد لله
وكثره التفاصيل في البيت والديكور والأثاث .. والمرافق من حدائق .. ومن غرف مهما تقسمين نظافه الغرف الى أسبوع كامل .. تشوفين خلص الإسبوع وانتي للحين ما خلصتي



...................

على فكره غرفه الشباب تاخذ أكبر مجهود عائلي في البيت
ما أعرف هالفئه إشلون يعيشون في غرفهم .. تلقين في كل زاويه شئ مهم فيهم بس مفلوع
ما اعرف ايش السر انهم يفلعون الفانيلا مكان .. والثوب مكان .. والإزرار واحد على الطاوله والثاني فوق الكرسي ..

ما اعرف ليش متعودين كل شي يطيرونه ما يلعقونه
ودي افهم سر العلاقه بين الفوضى والإصبيان :) الله يحفظهم





جملك الله برضى الرحمن

[العـوا]

النظافه من الايمان

[ضوى]

الله يعطيج العافيه اختي ضوى

موضوع النظافه موضوع في غايه الاهميه

للراحتنا النفسيه وللصحه العامه عندنا مشكله ازليه

في الخليج عامه وفي قطر خاصه الى وهي الغبار طول السنه

والكثير من الناس يجهل اسباب دخول الغبار بهذه السهوله في المنازل

وتاتي اسبابه من التشطيب الغير مدروس او التجاري يعني مثلا الشبابيك

الالمنيوم تدخل غبار بنسب عاليه وهي غير محكمه الاغلاق والبديل اليو في سي

ويدخل الغبار ايضاً من جوانب المكيفات العاديه الوندو والبديل الانسب الاسبلت

تامين المنزل من دخول الاتربه مهم ويجب ان نفكر فيه قبل ان نسكن وننظف

وحتى مداخل المنزل يجب ان نفكر في تامينها من الغباروتحديد اتجاهها

حبيت ادلي بدلوي في هاذا الموضوع الطيب

وان اشرح راْيي المتواضع



تحياتي لك وللجمـــــــــــــــــيع

اخوكم/naklan

:)


اخوي الفاضل

تعليقك ورايك وايد مهم والصراحة اشرت لنقاط جوهرية يمكن تكون غايبة عن الكثيريين،بس مو كل الناس تقدر تركب ابواب وشترات للغبار يعني هذا الشئ مكلف نوعا ما ، وعلى فكرة الغبار يدش حتى بالخزاين المقفلة باحكام مدري من وين ، صج هالغبار مشكلة أزلية ان شاء الله يكتشفون شئ يريحون فيه ربة البيت :shy:

شاكرة لك مداخلتك الرائعة جدا

[ضوى]

يعطيج الف عافيه اختي ضوى....انا عقدتي درابزين الدري "ج"
تلقيني ادعس اصابعي فيه ..اشوف فيه غبار ..والا لأ....
وفي الحمام اطل تحت الحنفيات ...وامسح بيدي فوق الصيدليه اشوفها نظيفه والا لا...
واصعب شي عندي ...الحديد مال درايش"السحاب" البيت وايد يتجمع فيه الرمل ....والمكينه لي استخدمتيها في سحب الرمل وايد تخترب""ماعندج حل لهذه " ...بصراحه انا مانظف ..بس اجيك ...

ممممممم درابزين ؟؟ لانه بيتي دور ارضي فما اعاني من هالمشكلة في الوقت الحالي ، انت تقصدين ثنايا ادرايش مكان السحب ؟؟ اللي يجيج ثلاث مدري اربع اماكن ضيقة يتجمع فيها الغبار صح ؟؟ تدرين انا شاسوي ؟ مخلية لي فرشاة اسنان قاسية افرك فيها هالثنايا من قلب اخليها تتفتت عدل وبعدين اسحبها بالمكينة والصراحة ترجع تلق من قلب ، واشلون تخترب المكينة يعني؟ قصدج ماتشفط عدل ؟ انا اللي عندي بانسونيك واستعمل القطعة الرقيقة جدا اللي تدخل في هالثنايا واللي اصلا مخصصة لهالغرض والحمد لله ماشتكي من خرابها ، يمكن لانج تستخدمين الخرطوم نفسه وهالشئ ماينفع لا ينظف عدل ولا يوصل للمساحات المطلوبة بسهولة ، جربي طريقتي ولمرة واحدة علميها الشغالة وشوفي النتيجة ان شاء الله ترضيج

[ضوى]

برنامج ممتاز لتنظيف شامل.

يعطيج العافية يا ضوى، وكل عام وأنتِ بخير.

الله يعافيك اخوي قطري ، وعساك من العايدين والفايزين يارب

شاكرة لك

[ضوى]

احلى شىء بالموضوع انه الكل يشارك بالتنظيف
الا رب البيت
شالطاعه الربانيه والادب
يا ريت الكل مثلك هههه

حتى ماكون مثالية هذا موطاعة ولا ادب ، مجرد احترام وتقدير لمكانته بالبيت ، يبي يساعد من نفسه اكيد بيسعدني هالشئ لكني اطلب منه ابدا ، كفاية عليه شغل برع البيت بعد داخل البيت ، يكفيني منه يرتب اغراضه وينظمها وهالشئ كفاية لهالمرحلة :secret:، مع انه بكل الاحوال مايقصر

[ضوى]

بصراحة الله يكون في عونكم يالحريم انا قبل ماكنت احس بهالمعاناه ..
لكن الفتره الحاليه صار لنا فتره طويلة برى الديرة وعزابيه انا واخوي صدق حسيت بمعاناه الحريم من ناحية الطبخ والترتيب والنظافه خصوصا بعد ماشرد الطباخ ..

ماكنت اتوقع شغل البيت متعب مع العلم انا كل يومين او ثلاثه اجيب ناس ينظفون ويغسلون شلون انتوا اللي دوام وعيال وتنظيف وبيت ..

الله يعطيكم العافيه ويخلي لنا خواتنا وامهاتنا


الله يعافيك اخوي الكريم

شوف ياخوي ، اي حرمة مهما كانت مهملة او غير مبالية تظل لمساتها بالبيت واضحة ، يعني شوف اي ام ماتطبخ لعيالها ابدا وتجي في يوم تسوي لهم طيق صغير مايسوى شوف الفرحة بعيون العيال والله انهم ياكلون بتلذذ عجيب والحلو انه مايتم شئ بالصحن ، عكس لما تطبخ الشغالة اكل مكرر مافي نفس طيبة ولا حب مجرد وجبة والسلام ياكلون بس عشان يسدون جوعهم ، وقيس هالامر على كل شئ تسويه المراة بنفسها وراح تشوف الاعجاب بنظر العيال وابوهم وبنظر المراة نفسها

الامهات وربات البيوت يتعبون وايد ، مشقة وجهد وخاصة اللي تشتغل ومراعية الله في بيتها وعيالها ، الله يعطيهم الف عافية ويبارك لهم في وقتهم واعمارهم اللهم امييييييييييييييين

[shmokh]

يعيطج العافيه على المجهود ،، النظافة مطلوبة والحمدلله في البيت عندنا تنظيف يومي ولكن مادري كل ما ادخل البيت خصوصا وقت الاجازة اشم ريحة هالمنظفات الكيماوية و اسأل نفسي هل كثرتها مضرة ؟؟ هل استخدامها يوميا يؤثر على الاطفال ،،

اما بالنسبة للغبار فكنا نعاني منه قبل بسبب نوع الدرايش الالمونيوم وبعد ما غيرانه والغينا نظام السحاب وركبنا نظام كبس اللى يفتح على برا ونوعه pvc عازل للغبار و دبل قلاس ارتحنا وايد من الصوت ومن الغبار

[ضوى]

يعطيج العافيه أمي الغاليه " ضوى "
برنامج حلو .. وطريقه متعبه للغايه لكن مثل ما قلتي هي شبه مضمونه
الوالده الله يطول ابعمرها عندها نفس المعاناه الي تعانون منها ومثل ما ذكر احد الأعضاء التشطيبات النهايه للبيت والألمنيوم والدرايش تعلب دور كبير
وأيضا موقع البيت ان كان بالقرب من بيوت غير سكنيه وفي طور البناء أيضا يلعب دور كبير


عن نفسي أخصص للغرفه يوم في الإسبوع أقلب الدنيا رأسا على عقب
اما الخدامات يتظفونه كل يوم وكأنهم ما نظفوا شي ..
مهما نعلمهم تبقى مفاهيم النظافه محدوده عندهم ..
او ما يدققون مثل ما إحنه ندقق ما نقدر نلومهم فالبيوت ما عادت صغيره الحمد لله
وكثره التفاصيل في البيت والديكور والأثاث .. والمرافق من حدائق .. ومن غرف مهما تقسمين نظافه الغرف الى أسبوع كامل .. تشوفين خلص الإسبوع وانتي للحين ما خلصتي



...................

على فكره غرفه الشباب تاخذ أكبر مجهود عائلي في البيت
ما أعرف هالفئه إشلون يعيشون في غرفهم .. تلقين في كل زاويه شئ مهم فيهم بس مفلوع
ما اعرف ايش السر انهم يفلعون الفانيلا مكان .. والثوب مكان .. والإزرار واحد على الطاوله والثاني فوق الكرسي ..

ما اعرف ليش متعودين كل شي يطيرونه ما يلعقونه
ودي افهم سر العلاقه بين الفوضى والإصبيان :) الله يحفظهم





جملك الله برضى الرحمن

ياهلا وغلا بكل الغلا ، هلا ببنتي الحبوبة :shy:

شوفي يا غاليتي ، مهما كانت تفاصيل البيت دقيقة وكثيرة لازم تتنظف ولازم نحاسب المسؤول عن هالشئ ، لانه الواحد ماجاب شغالة الا للتنظيف وكفاية مريحهم ومدلعهم وبعد مايريحون قلبه ، وبغض النظر عن وجود شغالة او ثنتين او حتى عشرة ، ربة البيت لازم تتدخل بهالتفاصيل الصغيرة للبيت لانه الشغالة مهما كانت امينة ومخلصة مابتكون حريصة مثل ربة البيت وهذا الشئ مستحيل ، تلقين ربة البيت تهتم بتفاصيل صغيرة وايدة ماظن الشغالة ممكن تهتم لها :)
بالنسبة لغرف الاولاد ، تدرين غرفة اولادي انظف من غرفة بنتي :secret:، بنتي حجرتها كله شعر جننتني بكل مكان تخيلي :( ، تعبت منها اغراضها وايد دثرتها وايد كانها عيوز ، بس الامانة لله منظمة بس غرف الاولاد مافيها شئ وتفاصيل عكس غرفتها هي تلقين غرفهم نظيفة ومرتبة اكثر ، وطبعا سالفة الثوب بصوب والزرار بصوب والغترة بصوب ثاني فهاي معاناة معاهم يوميا ولا يتعلمون ، لازم كل يوم ثيابكم كتبكم اغراضكم يعني يبي لهم تذكير مستمر ليش مدري :rolleyes2: الله يحفظهم اجمعين

تسلمين لي على هالمشاركة الحلوة :)

[ضوى]

النظافه من الايمان

:victory:

شاكرة مرورك الطيب

[ضوى]

يعيطج العافيه على المجهود ،، النظافة مطلوبة والحمدلله في البيت عندنا تنظيف يومي ولكن مادري كل ما ادخل البيت خصوصا وقت الاجازة اشم ريحة هالمنظفات الكيماوية و اسأل نفسي هل كثرتها مضرة ؟؟ هل استخدامها يوميا يؤثر على الاطفال ،،

اما بالنسبة للغبار فكنا نعاني منه قبل بسبب نوع الدرايش الالمونيوم وبعد ما غيرانه والغينا نظام السحاب وركبنا نظام كبس اللى يفتح على برا ونوعه pvc عازل للغبار و دبل قلاس ارتحنا وايد من الصوت ومن الغبار

اخوي الفاضل

المنظفات مضرة وهذا الشئ مفروغ منه ، كثرتها تسبب حساسية لدى الاطفال وقد تتطور إلى الربو ، كما انها تتسبب في تفتيت طبقة الاوزون ، بالنسبة للمنظفات فيفضل اقتصار استخدامها في الحمامات ، وللسراميك بكمية قليلة جدا ، شخصيا منظفات للحمام اما باقي البيت فديتول مخفف بماء يفي بالغرض ، اما تنظيف الغبار فيكفي فوطة مبللة بماء .

وبالنسبة لنوع الشبابيك والابواب اتفق معك بانها تخفف من الغبار بشكل كبير ولكن تكلفته باهضة مقارنة بالنوع العادي والدارج

تحياتي لمشاركتك الطيبة

[بنت شيوخ]

رووووووووووووووووووووووعه الموضوع

شكرا لك

[الزيبق]

الله ايخلي الخدم وله حريم هالايام؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟

[latty]

الحمد لله التنظيف للغرف يومي
الصالات والمجلس والحمامات الله يعزكم مرتين باليوم

المطبخ هو الي التنظيف فيه 24 ساعه

اللي حولي ملوا من كثرة ما انا ادقق وانظف وارتب

صابني هوس او وسواس

لكن طبعي ولا اغيره حتى بالعمل

[ضوى]

رووووووووووووووووووووووعه الموضوع

شكرا لك


الرائع هو مرورك اختي الكريمة

شاكرة لك

[ضوى]

الله ايخلي الخدم وله حريم هالايام؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟

الخدم لهم دورهم وراعية البيت لها دورها ، وصدقني البيت بدون مرة سنعة تديره ولو بوجود الف خدامة مارح ينضبط ويشرف ، لو راعية البيت توجه وتدير وتاشر بس بس هذا دور كبير انا اشوفه ، مو لازم تشتغل بايدها حتى نقول عنها مرة سنعة :)

[الماريّة]

النظافه من الايمان

يعطيج العافية ياضوى

نظافه بيت الوحده تدل على نظافتها في نفسها

[ضوى]

الحمد لله التنظيف للغرف يومي
الصالات والمجلس والحمامات الله يعزكم مرتين باليوم

المطبخ هو الي التنظيف فيه 24 ساعه

اللي حولي ملوا من كثرة ما انا ادقق وانظف وارتب

صابني هوس او وسواس

لكن طبعي ولا اغيره حتى بالعمل


الدقة مطلوبة في تنظيف البيت ، بس الهوس والوسواس مهب زين :) ، النظافة حلوة بس اهم شئ يكون بدون وسواس
شاكرة لج اختي الكريمة

[ضوى]

النظافه من الايمان

يعطيج العافية ياضوى

نظافه بيت الوحده تدل على نظافتها في نفسها

صحيح كلامك اختي

الله يعافيك يارب

وشاكرة لك مرورك الجميل

[الرويـس]

موضوع فكرته جديدة واستفدت منه بعض الافكار
وجاري التأكد من وجودها على ارض الواقــــــع

[غريب بلا وطن]

بارك الله فيك .

[ضوى]

موضوع فكرته جديدة واستفدت منه بعض الافكار
وجاري التأكد من وجودها على ارض الواقــــــع

الحمد لله انك استفدت من فكرة الموضوع ونتمنى مشاركتنا ما تاكدت منه على ارض الواقع

تحياتي اخي الفاضل

[شيط ويط]

يعطيج العافيه ونصائح رائعة لخبرات مستدامه من انسانه فاضله لبقية الاخوات

[هتـان قطر]

يعطيك العافية ضوى على هالموضوع القيم اللي يهم كل سيدة بيت ..

الحين طلعت لنا اجهزة مريحة ريحتنا وريحت الخدم من كثرة المسح

اهمها مكنسة " الكيربي " ماشالله تبارك الله لها قوة فولاذية في شفط الغبار

حتى على الاسرة والكنبات لها قوة على جذب الغبار من داخل المفارش والاسفنج

ارتحت جدا معها .. وانصح بشرائها وان كانت غالية الا انها تستاهل




صباح النظافة

:thumbup1:

[الرويـس]

الحمد لله انك استفدت من فكرة الموضوع ونتمنى مشاركتنا ما تاكدت منه على ارض الواقع

تحياتي اخي الفاضل

تأكدت من سالفة ( تنظيف الاتربة الواقعه بين ثنايا النوافذ )
وفعلا كان يوجد تقصير في التنظيف وجاري التأكد من باقي النقاط

كل الشكر

[ضوى]

بارك الله فيك .

جزاك الله خير الجزاء

[بوخالد911]

شي طيب


والله يحفظكم

[ضوى]

يعطيج العافيه ونصائح رائعة لخبرات مستدامه من انسانه فاضله لبقية الاخوات

الله يعافيك اخوي الكريم ، وجزاك الله الف خير على كلامك الطيب

شاكرة مرورك الطيب

[ضوى]

يعطيك العافية ضوى على هالموضوع القيم اللي يهم كل سيدة بيت ..

الحين طلعت لنا اجهزة مريحة ريحتنا وريحت الخدم من كثرة المسح

اهمها مكنسة " الكيربي " ماشالله تبارك الله لها قوة فولاذية في شفط الغبار

حتى على الاسرة والكنبات لها قوة على جذب الغبار من داخل المفارش والاسفنج

ارتحت جدا معها .. وانصح بشرائها وان كانت غالية الا انها تستاهل




صباح النظافة

:thumbup1:



مساء النظافة ياهتان

بخصوص الالة العجيبة والله ماحبيتها ، ماحب التكنولوجيا وايد وبعدين وايد استخسرت سعرها هذي لو اختربت قلبي بيعورني 13 الف خير ان شاء الله ، الغبار ينفض بالفرشاة وياحلو النظافة عقبها ، وبعدين اشلون امرر البروش الخاص بالالة على مفارشنا والحفتنا وسرايرنا وفرشنا وعلى الزل والستاير بنفس الوقت ؟؟ اما اذا يتم تغير البروشات فاعتقد هذا مكلف نوعا ما ، على ايه حال الماكينة العادية تفي بالغرض :thumbup1:


شاكرة لج ياهتان

[ضوى]

تأكدت من سالفة ( تنظيف الاتربة الواقعه بين ثنايا النوافذ )
وفعلا كان يوجد تقصير في التنظيف وجاري التأكد من باقي النقاط

كل الشكر

اهم شئ انه موضوعي كان ذو فائدة لديك واكتشفت التقصير الحاصل في تنظيف ثنايا النوافذ ، والله هالشئ يسعدني لما اشوف استفادة حقيقية للموضوع

الشكر موصول لك اخي الفاضل

[ضوى]

شي طيب


والله يحفظكم

الطيب هو مرورك اخوي بو خالد

الله يحفظك ويجزيك خير يارب

شاكرة لك

[الرويـس]

صحيح
وانا ذكرت ان فكرة الموضوع جديدة
وهذا اللي نبحث عنه بعيد عن روتين المواضيع الحاصل
لاني اقضي معظم تصفحي في المنتدى بجوار بعض المواقع

[ضوى]

صحيح
وانا ذكرت ان فكرة الموضوع جديدة
وهذا اللي نبحث عنه بعيد عن روتين المواضيع الحاصل
لاني اقضي معظم تصفحي في المنتدى بجوار بعض المواقع

بيني وبينك فيه مواضيع جديدة تنطرح بين فترة وفترة صحيح هي مب كثيرة بس معقولة نوعا ما ، وياربي تكثر هالمواضيع وتعم الاستفادة عالجميع ان شاء الله

[ضوى]

حبيت اضيف نقطة مهمة جدا في تنظيف المنزل الا وهي تنظيف المنهولات ( البواليع الكبيرة في الحوش ) هالشئ يبي له تنظيف ورش مبيدات كل شهر تقريبا كحد ادنى ، لمنع تكون الصراصير واي حشرات اخرى ولتجنب الروائح الكريهة ، كما يجب تنظيف المنهول الرئيسي خاصة اذا لم تكن المجاري عامة وتكون خاصة في البيت نفسه ، هذي يبي له تنظيف شهري عن طريق البلدية ، وتنظيف كل ثلاث سنوات عن طريق الشركات الخاصة يكلف مبلغ من المال بس الصراحة جدا مفيدة ، والصراحة لاحظت ماتتواجد الصراصير ولا الحشرات الضرة اطلاقا بهذه الطريقة .
انا ماعاني من مشكلة حشرات ضارة ابدا ولا صراصير ، في حين انه البيت اللي لاصق فيني يعانون من الصراصير لانهم يهملون الرش والتنظيف الدوري .
انتبهوا لهاالتفاصيل الصغيرة لانه تجنبكم مشاكل كبيرة وتحياتي الصباحية للجميع :)

[الدمعه]

السلام عليكم

مشكوره حبوبه عالنصايح والملاحظات اللي طرحتيها .

انا اللي معقدني في البيت وموملاقيه له حل .. مراوح الحمامات وشبابيك البيت والجبس

اللي في السقف ..ودرابزين الدرج .. والخدامات اللي لين قلتي لهم هالمكان فيه غبار

مسحيه بهالطريقه ترفع حواجبها مب عاجبهاcrazy ..هذا غير الديتول اللي لاعبين فيه

لعبه كل اسبوع غرشه كانهم يشربونه .. :secret: ..المهم ان اللي ذكرتهم مااقدر

اوصل لهم لابالدرج ولابالممسحه حتى الممسحه اللي تتطول شريت منها نوعين ومايوصلون ..

اصلا ماتطمنين الا لين تبقين عينج في الشي عدل .. السقف جدا عالى والشبابيك في الدور

الثاني ماتنطال .. والمراوح تحتهم الشباك والبانيو وطبعها ماتقدرين تحطين الدرج في

البانيو مايوقف .. وتصدقين احاتي اذا حد جاني يرفع راسه فوق ويشوف الغبار عالجبس .. :cry2:

اخبر يوم كان عندي حوض السمج كنت انظف زجاج الحوض بممسحه فيها مغناطيس

تركبينها من داخل وبرا وتمسحين بها ياليت لو الاقي مثلها كبيره تنفع حق الدرايش ..

ايه بعد عندي صراصير صغيره في المطبخ من الكبتات اللي حاطهم راعي البيت (خشب)

ماخليت شي ماسويته جبنا شركه والبلديه وسويت عجينه قريت عنها في النت ومانفعت

مع ان ناس وايد اعرفهم نفعتهم .. crazy:mad:

[بنت قطريه]

مشكورة اختي على الموضوع الرائع ....... انا اموت على التنظيف والتنظيم واسوي لي جدول اسبوعي ويومي بس بصراحة مااقدر اكون مثلج صعبه وعن تجربه ادري بعد فترة بتتعبين نفسيا لاني تعبت من الروتين والله احيانا اول مافتح عيوني اقعد ارتب غرفه النوم وارجع كل شي مكانه وارتب بس احس ضغط نفسي ولما اسافر احس بالتغير بس دايما بالي مشغول بالترتيب ولازم اسوي جدول وانفذه يوميا واعتقد انج مثلي يصيدج ضغط نفسي وعصبي ...... بس لازم التغير والتجديد من فترة لي فترة :)

[ابو خولة]

لاافراط ولا تفريط...

[بو خليفه 123]

طيب ..

اذا كان في طيّات المنزل اسقف عاليه مثل المجلس على ارتفاع 6 متر مثلاً .. هل راح تعلن ضوى اعتزال التنظيف ؟


أنا واحد من الي يواجهون هالمعوقات في بيتي

[الجني]

ماشاء الله عليكِ اختي ضوى . جدول عمل رائع

انا بيتي ما يتوسخ ابداً اطلع من البيت و ادخل و اجده دائماً نضيف و لله الحمد
مادري ليش بيوتكم اتوسخ :looking: الله يسلم الجنية اللي عندي

احب اضيف للموضوع :

(1) البواليع او المنهولات (الله يعزكم) استخسرت المبالغ التي ادفعها لشركات التنظيفات
و من اول مرة لاحظت عملهم و هو عبارة عن مكينة رش يدوية و يرش جدران المنهولات ,

فذهبت الى احد المشاتل و طلبت منه مبيد حشري يقضي على الصراصير
فأعطاني غرشة بحجم لتر واحد و اشتريت مكينة رش تملأ بالماء و يضاف اليها
مقدار فنجانين تقريباً من المبيد و يجب الحذر من العملية اثناء التحضير ,
يجب شراء فقازات بلاستيك و ملابس ترمى في القمامة مباشرة اذا لامست المبيد
بعد عملية التنظيف كمايجب ان لا تلامس اليدين المحلول ابداً و تحفظ مكينة الرش بعيداً
عن متناول اي أحد و لا تستخدم لأي غرض آخر.
ثم ترش جميع المراحيض اولاً و تسحب السيفونات ,
ثم البواليع الصغيرة في كل حمام و مطبخ و يفتح الماء لكي يذهب المبيد داخل مواسيرالمجاري ,
ثم رش البواليع الخارجيه و يجب الحذر من فتح الأغطية و السبب هروب الصراصير من مواسير البيت الى البواليع .
يرفع الغطاء قيد ربع سنتيمير و يرش بالداخل اولاً قبل فتح الغطاء .
الصرصور حشرة ذكية جداً اذا ترك مكان واحد بدون رش فأنهم يتجمعون
في ذلك المكان حتى ذهاب مفعول المبيد و يعودون للإنتشار مرة أخرى .

(2) التخلص من البريعصي : مسدس ماء (لعبة اطفال)
يملأ بمادة الديتول (الديتول العادي و ليس اي مادة منظفة أخرى)
ثم يوجه على البريعصي و يرش . يتفاعل الديتول مع جلد البريعصي و يتيبس .

الأعراض الجانبية: عند اصابة البريعصي بالديتول يصاب بالجنون و كأنه يحترق
و يجري في كل مكان و قد يجري في اتجاه اي شخص
و يفضل حمل نعال من نوع RBJ للضرورة ههههه

و تقبلي مروري

[بو خليفه 123]

ماشاء الله عليكِ اختي ضوى . جدول عمل رائع

انا بيتي ما يتوسخ ابداً اطلع من البيت و ادخل و اجده دائماً نضيف و لله الحمد
مادري ليش بيوتكم اتوسخ :looking: الله يسلم الجنية اللي عندي

احب اضيف للموضوع :

(1) البواليع او المنهولات (الله يعزكم) استخسرت المبالغ التي ادفعها لشركات التنظيفات
و من اول مرة لاحظت عملهم و هو عبارة عن مكينة رش يدوية و يرش جدران المنهولات ,

فذهبت الى احد المشاتل و طلبت منه مبيد حشري يقضي على الصراصير
فأعطاني غرشة بحجم لتر واحد و اشتريت مكينة رش تملأ بالماء و يضاف اليها
مقدار فنجانين تقريباً من المبيد و يجب الحذر من العملية اثناء التحضير ,
يجب شراء فقازات بلاستيك و ملابس ترمى في القمامة مباشرة اذا لامست المبيد
بعد عملية التنظيف كمايجب ان لا تلامس اليدين المحلول ابداً و تحفظ مكينة الرش بعيداً
عن متناول اي أحد و لا تستخدم لأي غرض آخر.
ثم ترش جميع المراحيض اولاً و تسحب السيفونات ,
ثم البواليع الصغيرة في كل حمام و مطبخ و يفتح الماء لكي يذهب المبيد داخل مواسيرالمجاري ,
ثم رش البواليع الخارجيه و يجب الحذر من فتح الأغطية و السبب هروب الصراصير من مواسير البيت الى البواليع .
يرفع الغطاء قيد ربع سنتيمير و يرش بالداخل اولاً قبل فتح الغطاء .
الصرصور حشرة ذكية جداً اذا ترك مكان واحد بدون رش فأنهم يتجمعون
في ذلك المكان حتى ذهاب مفعول المبيد و يعودون للإنتشار مرة أخرى .

(2) التخلص من البريعصي : مسدس ماء (لعبة اطفال)
يملأ بمادة الديتول (الديتول العادي و ليس اي مادة منظفة أخرى)
ثم يوجه على البريعصي و يرش . يتفاعل الديتول مع جلد البريعصي و يتيبس .

الأعراض الجانبية: عند اصابة البريعصي بالديتول يصاب بالجنون و كأنه يحترق
و يجري في كل مكان و قد يجري في اتجاه اي شخص
و يفضل حمل نعال من نوع RBJ للضرورة ههههه

و تقبلي مروري



هههههه :thumbup1:

[ضوى]

السلام عليكم

مشكوره حبوبه عالنصايح والملاحظات اللي طرحتيها .

انا اللي معقدني في البيت وموملاقيه له حل .. مراوح الحمامات وشبابيك البيت والجبس

اللي في السقف ..ودرابزين الدرج .. والخدامات اللي لين قلتي لهم هالمكان فيه غبار

مسحيه بهالطريقه ترفع حواجبها مب عاجبهاcrazy ..هذا غير الديتول اللي لاعبين فيه

لعبه كل اسبوع غرشه كانهم يشربونه .. :secret: ..المهم ان اللي ذكرتهم مااقدر

اوصل لهم لابالدرج ولابالممسحه حتى الممسحه اللي تتطول شريت منها نوعين ومايوصلون ..

اصلا ماتطمنين الا لين تبقين عينج في الشي عدل .. السقف جدا عالى والشبابيك في الدور

الثاني ماتنطال .. والمراوح تحتهم الشباك والبانيو وطبعها ماتقدرين تحطين الدرج في

البانيو مايوقف .. وتصدقين احاتي اذا حد جاني يرفع راسه فوق ويشوف الغبار عالجبس .. :cry2:

اخبر يوم كان عندي حوض السمج كنت انظف زجاج الحوض بممسحه فيها مغناطيس

تركبينها من داخل وبرا وتمسحين بها ياليت لو الاقي مثلها كبيره تنفع حق الدرايش ..

ايه بعد عندي صراصير صغيره في المطبخ من الكبتات اللي حاطهم راعي البيت (خشب)

ماخليت شي ماسويته جبنا شركه والبلديه وسويت عجينه قريت عنها في النت ومانفعت

مع ان ناس وايد اعرفهم نفعتهم .. crazy:mad:


هلا بج اختي الكريمة

الجبس اللي بالسقف لانه بيتي ارضي فما اعاني من هالمشكلة 3 امتار كفيلة اني اغطيها بالسلم الحديد والحمد لله يفي بالغرض :p ، بخصوص مراوح الشفط في الحمامات اعزك الله ، فأما احط الدري بكل اريحية جزء في البانيو وجزء برع عالبلاط وابتدي تنظيف وما واجهت هالمشكلة مع وجود السلام بو جزئين ، بالنسبة للمنظفات والديتول ، انا اشتري الدبة الكبيرة واعبي منها الغراش الصغار واخليها في الحمام في الكبت الخاص اللي حاطته لهالاغراض واحاسبهم عليه واعرف المدة اللي تكفي له هالكمية ،
وبخصوص الصراصير في مطابخ الخشب مالهم اي حل اي رش بترشينه مايفيد ولا بيقضي لج عليه ، الحل الاكيد تغيير المطبخ كامل إلى الالمنيوم ، وهذا هو الحل الجذري والا بتضيعين وقتج وفلوسج وجهدج على ولا شئ غير المضرة اللي بتجي على صحتج ، وعلى فكرة ترى بيوض الصراصير تتعلق بكل مكان شفتي الثلاجات والحديدة اللي وراها تلزق فيها ، يعني ول فكرتي تغيرين المطبخ طلعي كل هالاغراض في الشمس لمدة اسبوع اقل شئ ورشيها رش واشتغلي عليها شغل وتالي رديها مكانها والا ماستفدتي شئ من التغيير ، وبالنسبة للمعجون اللي قلتي عنه البوريك اعتقد ، الصراحة انا نفعتني للنمل وريحتني منهم ، اما الصراصير فلله الحمد مااعاني ابدا منهم لا داخل البيت ولا برع البيت ، بس على فكرة افضل رش رش البلدية وخلج من الشركات كلها خرطي ودفع فلوس عالفاضي .
بالنسبة لتنظيف الشبابيك انا موكلة هالمهمة للسواق هو ينظف من برع والشغالة من داخل ، ولانه بيتي دور ارضي فما اعاني المشكلة هذي ايضا
بس لو كنت مكانج وسقفي 6 امتار على ما قال بو خليفة فالاكيد اني باتفق ويا عامل بناء على شراء سقالات حديد جديدة تكون لاستعمالي انا لو ادفع فلوس واحتفظ بها ، اركبها بين فترة وفترة عن طريق عاملين ثلاث بالساعة ينظفون لي السقف والشبابيك العالية وانتهى الموضوع والاكيد اني مارح اخلي الامر عايم جذي ومافكر بحل يرضيني ويخليني مطمئنة للنظافة بالبيت
ياربي اني قدرت افيدج :p

[الدمعه]

رجعت لج ..

شنو السقالات ..اللي يستخدمونها العمال في البنيان او الصبغ..:con2:

ومااقدر احط الدرج مفتوح في الحمام (كرمج الله) بطيح اخاف هههههه

لان البانيو ارضيته صغيره وشبه دائريه ... والمشكله ان البيت اجار مانقدر نغير فيه شي ..

والا اشفيني استخفيت احط في المطبخ كبتات خشب .. هذا غير سقف البيت رفيع وايد حوالي

4ونص.. اذا بنركب ليتات انادي السايق يركب لين اخر الدرج ويالله يطال الليت .. تدرين احنا

نخطط حق بيتنا قاعدين نتعلم من اخطاء البيت اللي احنا فيه .. وبالنسبه للدرايش اللي تحت لا

الحمدلله مغسولين ويلُقُون بس يوم ونص ويغبرون مره ثانيه ..:thumbdown:

واذا البيت ارضيته سيراميك او رخام الله يعين راعيه البيت عالتنظيف .. تقريبا كل شهر احرك

كبتات البيت اخم واغسل وراهم يتجمع وصخ مب طبيعي .. يعني غرفة النوم مافيها مداس

وايد ومع ذلك من ادز السرير اطل وراه او اي قطعه اثاثا في الغرفه الاقي بلاوي ..

المهم مشكوره اختي واسعدني الحديث معاج..

[ضوى]

مشكورة اختي على الموضوع الرائع ....... انا اموت على التنظيف والتنظيم واسوي لي جدول اسبوعي ويومي بس بصراحة مااقدر اكون مثلج صعبه وعن تجربه ادري بعد فترة بتتعبين نفسيا لاني تعبت من الروتين والله احيانا اول مافتح عيوني اقعد ارتب غرفه النوم وارجع كل شي مكانه وارتب بس احس ضغط نفسي ولما اسافر احس بالتغير بس دايما بالي مشغول بالترتيب ولازم اسوي جدول وانفذه يوميا واعتقد انج مثلي يصيدج ضغط نفسي وعصبي ...... بس لازم التغير والتجديد من فترة لي فترة :)

تدرين اختي التنظيم والتنظيف متعة صج الامر متعب بس حلو لما تشوفين النتيجة وانا هذا الشئ يسعدني ، التنظيف روتين حلو والزامي بنفس الوقت مانقدر نتملل ونتعب نفسيا منه :p
السفر تغيير صحيح والمكان الوحيد اللي اعيش فيه براحتي وادري فيه احد بينظف وراي :p

ضغط نفسي اكيد يصيدني بس احالو اتغلب عليه شاسوي ملزمة بهالشئ مش باختياري

تحياتي اختي الغالية

[نور الحور]

موضوع روعة ,, أنا عندي وسواس نظافة ..
بقولكم طريقتي وادعوا لي أمانة ..

مكنستي رينبو تشتغل بالماي تشفط الغبار وتنقي الجو في نفس الوقت .. انظف فيها كل شي حتى الاسقف ..واستخدمها في شفط المخدات احطهم بنايلون كبير واشفط ليمن تنضغط المخدة وينشفط الهوا كله منها ... وطبعا نفس الشي لأي لعبه فيها اسفنج أو سجادة صلاة أو كفر نوم..الخ

بعدين اعقم الستائر والسجاد والمخدات وأي شي فيه اسفنج بالبخار (مكواة البخار) ..

أما السجاد فيتم فركه بفرشاة منقعة بماء مع مادة معقمة عطرية ..
وطبعا كل جزء وكل قطعة تنمسح بديتول مخفف بالماء ..
بعد ما نخلص تنظيف .. اشغل جهاز معقم الهواء يشتغل بالماء .. ومعطر جو بخاري .. والأهم طول الوقت تقريبا اشغل جهاز القضاء على الفيروسات الايوني ...

والملاعق والأواني كلها تنغلى كل 3 ايام بلتر ماء مع ملعقة خل للتعقيم ..
واسفنجات غسيل الصحون لازم تكون ناشفة ومعصور عليها ليمون أو ملعقة خل مركز ..
ملابس الغسيل تنفصل الكبار عن الصغار والداخلية عن ملابس الطلعة ..
وطبعا لكل صابونه المخصص :)

إذا استفدتوا شي أمانة ادعوا لي وقولوا ما شاء الله :)

[نور الحور]

حبيت اضيف نقطة مهمة جدا في تنظيف المنزل الا وهي تنظيف المنهولات ( البواليع الكبيرة في الحوش ) هالشئ يبي له تنظيف ورش مبيدات كل شهر تقريبا كحد ادنى ، لمنع تكون الصراصير واي حشرات اخرى ولتجنب الروائح الكريهة ، كما يجب تنظيف المنهول الرئيسي خاصة اذا لم تكن المجاري عامة وتكون خاصة في البيت نفسه ، هذي يبي له تنظيف شهري عن طريق البلدية ، وتنظيف كل ثلاث سنوات عن طريق الشركات الخاصة يكلف مبلغ من المال بس الصراحة جدا مفيدة ، والصراحة لاحظت ماتتواجد الصراصير ولا الحشرات الضرة اطلاقا بهذه الطريقة .
انا ماعاني من مشكلة حشرات ضارة ابدا ولا صراصير ، في حين انه البيت اللي لاصق فيني يعانون من الصراصير لانهم يهملون الرش والتنظيف الدوري .
انتبهوا لهاالتفاصيل الصغيرة لانه تجنبكم مشاكل كبيرة وتحياتي الصباحية للجميع :)

اشرحي لي زيادة جزاج الله خير عن الرش داخل وبره البيت والتنظيف عقبه ..و ياليت بعد توضحين شلون اعرف ان كانت المجاري عامة ولا لا ؟؟؟؟؟؟؟

[Arab!an]

انا تعقدت من مجرد القراءة بس ..

الله يعينكم اذا بتستمرون على هالحاله بتهلوسون

الحل اطلعوا من البيت نهاية الاسبوع وسلموه شركة تنظيف .. ينظفون البيت والسجاد والمجاري وكل شئ .. ويقصقصون الزرع بعد p: باقي يطبخون لكم

[ضوى]

لاافراط ولا تفريط...





مافي افراط ولا تفريط ان شاء الله

شاكرة لك

[ضوى]

طيب ..

اذا كان في طيّات المنزل اسقف عاليه مثل المجلس على ارتفاع 6 متر مثلاً .. هل راح تعلن ضوى اعتزال التنظيف ؟


أنا واحد من الي يواجهون هالمعوقات في بيتي

اعتزل التنظيف مرة واحدة يا بو خليفة ؟؟؟؟ واترك بيتي جنتي لمن ؟؟؟:p

بما انه ماعاني من ارتفاع السقف اكثر من ثلاث ونص تقريبا لذلك راح اعطيك اللي ان شاء الله كنت راح اسويه لو بيتي ارتفاعه 6 امتار omen

السقالات هي الحل الرئيسي وعمال بالساعة وامورك سالكة ان شاء الله :pic:

[بنت قطريه]

انا تعقدت من مجرد القراءة بس ..

الله يعينكم اذا بتستمرون على هالحاله بتهلوسون

الحل اطلعوا من البيت نهاية الاسبوع وسلموه شركة تنظيف .. ينظفون البيت والسجاد والمجاري وكل شئ .. ويقصقصون الزرع بعد p: باقي يطبخون لكم


:thumbup1::thumbup1::thumbup1:
جــــــــــــــــــــــــــــــــان زيــــــــــــــــــــــــــــــــــــن:p

[الدمعه]

موضوع روعة ,, أنا عندي وسواس نظافة ..
بقولكم طريقتي وادعوا لي أمانة ..

مكنستي رينبو تشتغل بالماي تشفط الغبار وتنقي الجو في نفس الوقت .. انظف فيها كل شي حتى الاسقف ..واستخدمها في شفط المخدات احطهم بنايلون كبير واشفط ليمن تنضغط المخدة وينشفط الهوا كله منها ... وطبعا نفس الشي لأي لعبه فيها اسفنج أو سجادة صلاة أو كفر نوم..الخ

بعدين اعقم الستائر والسجاد والمخدات وأي شي فيه اسفنج بالبخار (مكواة البخار) ..

أما السجاد فيتم فركه بفرشاة منقعة بماء مع مادة معقمة عطرية ..
وطبعا كل جزء وكل قطعة تنمسح بديتول مخفف بالماء ..
بعد ما نخلص تنظيف .. اشغل جهاز معقم الهواء يشتغل بالماء .. ومعطر جو بخاري .. والأهم طول الوقت تقريبا اشغل جهاز القضاء على الفيروسات الايوني ...

والملاعق والأواني كلها تنغلى كل 3 ايام بلتر ماء مع ملعقة خل للتعقيم ..
واسفنجات غسيل الصحون لازم تكون ناشفة ومعصور عليها ليمون أو ملعقة خل مركز ..
ملابس الغسيل تنفصل الكبار عن الصغار والداخلية عن ملابس الطلعة ..
وطبعا لكل صابونه المخصص :)

إذا استفدتوا شي أمانة ادعوا لي وقولوا ما شاء الله :)



الله يعينج ويعطيج اللي تتمنينه ..

وبكم خذتي المكينه ومن وين ..

[ضوى]

ماشاء الله عليكِ اختي ضوى . جدول عمل رائع

انا بيتي ما يتوسخ ابداً اطلع من البيت و ادخل و اجده دائماً نضيف و لله الحمد
مادري ليش بيوتكم اتوسخ :looking: الله يسلم الجنية اللي عندي
احب اضيف للموضوع :

(1) البواليع او المنهولات (الله يعزكم) استخسرت المبالغ التي ادفعها لشركات التنظيفات
و من اول مرة لاحظت عملهم و هو عبارة عن مكينة رش يدوية و يرش جدران المنهولات ,

فذهبت الى احد المشاتل و طلبت منه مبيد حشري يقضي على الصراصير
فأعطاني غرشة بحجم لتر واحد و اشتريت مكينة رش تملأ بالماء و يضاف اليها
مقدار فنجانين تقريباً من المبيد و يجب الحذر من العملية اثناء التحضير ,
يجب شراء فقازات بلاستيك و ملابس ترمى في القمامة مباشرة اذا لامست المبيد
بعد عملية التنظيف كمايجب ان لا تلامس اليدين المحلول ابداً و تحفظ مكينة الرش بعيداً
عن متناول اي أحد و لا تستخدم لأي غرض آخر.
ثم ترش جميع المراحيض اولاً و تسحب السيفونات ,
ثم البواليع الصغيرة في كل حمام و مطبخ و يفتح الماء لكي يذهب المبيد داخل مواسيرالمجاري ,
ثم رش البواليع الخارجيه و يجب الحذر من فتح الأغطية و السبب هروب الصراصير من مواسير البيت الى البواليع .
يرفع الغطاء قيد ربع سنتيمير و يرش بالداخل اولاً قبل فتح الغطاء .
الصرصور حشرة ذكية جداً اذا ترك مكان واحد بدون رش فأنهم يتجمعون
في ذلك المكان حتى ذهاب مفعول المبيد و يعودون للإنتشار مرة أخرى .

(2) التخلص من البريعصي : مسدس ماء (لعبة اطفال)
يملأ بمادة الديتول (الديتول العادي و ليس اي مادة منظفة أخرى)
ثم يوجه على البريعصي و يرش . يتفاعل الديتول مع جلد البريعصي و يتيبس .

الأعراض الجانبية: عند اصابة البريعصي بالديتول يصاب بالجنون و كأنه يحترق
و يجري في كل مكان و قد يجري في اتجاه اي شخص
و يفضل حمل نعال من نوع RBJ للضرورة ههههه

و تقبلي مروري


الله يخليها لك يارب اكيد ماراح تشوف البيت وسخ بوجودها عسى الله يبارك لك فيها اللهم امييييييييييييييييين

عجبتني طريقتك في تنظيف المنهولات بس البلدية الصراحة شغلها مضبوط وميبدها قوي فتاك وعن تجربة طويلة معهم :p
بالنسبة للديتول والبريعصي الصراحة تخوف اخاف يصيبه جنون ويفتر صوبي :looking: بروحه يلوع الجبد بعد يجي صوبي ، لا يبه خله يولي دام مافي داخل البيت خله يتسدح عالطوف برع البيت تقول ضبان مهب بريعصية اشكبرهم crazy

شاكرة لك مشاركتم المميزة جدا واللي في الحقيقة وايد مفيدة

[ضوى]

رجعت لج ..

شنو السقالات ..اللي يستخدمونها العمال في البنيان او الصبغ..:con2:

ايه هي حبيبتي واتوقع فيه شئ لداخل البيت بنفس الفكرة والا القصور اشلون ينظفونها crazy

ومااقدر احط الدرج مفتوح في الحمام (كرمج الله) بطيح اخاف هههههه

لان البانيو ارضيته صغيره وشبه دائريه ... والمشكله ان البيت اجار مانقدر نغير فيه شي ..

عادي سويتها وماخفت ، تبين الصج اعترف قلبي قوي وايد قلبي قوي في هالامور الحمد لله اعتبرها نعمة :p

والا اشفيني استخفيت احط في المطبخ كبتات خشب .. هذا غير سقف البيت رفيع وايد حوالي

4ونص.. اذا بنركب ليتات انادي السايق يركب لين اخر الدرج ويالله يطال الليت .. تدرين احنا

نخطط حق بيتنا قاعدين نتعلم من اخطاء البيت اللي احنا فيه .. وبالنسبه للدرايش اللي تحت لا

الحمدلله مغسولين ويلُقُون بس يوم ونص ويغبرون مره ثانيه ..:thumbdown:

واذا البيت ارضيته سيراميك او رخام الله يعين راعيه البيت عالتنظيف .. تقريبا كل شهر احرك

كبتات البيت اخم واغسل وراهم يتجمع وصخ مب طبيعي .. يعني غرفة النوم مافيها مداس

وايد ومع ذلك من ادز السرير اطل وراه او اي قطعه اثاثا في الغرفه الاقي بلاوي ..

ايه صح هالشئ لاحظته وايد يتجمع الغبار وشعر من وين محد يدري شئ غريب :looking:

المهم مشكوره اختي واسعدني الحديث معاج..

وانا جدا سعيدة بمداخلاتج الجميلة شاكرة لج

[ضوى]

موضوع روعة ,, أنا عندي وسواس نظافة ..
بقولكم طريقتي وادعوا لي أمانة ..

مكنستي رينبو تشتغل بالماي تشفط الغبار وتنقي الجو في نفس الوقت .. انظف فيها كل شي حتى الاسقف ..واستخدمها في شفط المخدات احطهم بنايلون كبير واشفط ليمن تنضغط المخدة وينشفط الهوا كله منها ... وطبعا نفس الشي لأي لعبه فيها اسفنج أو سجادة صلاة أو كفر نوم..الخ

بعدين اعقم الستائر والسجاد والمخدات وأي شي فيه اسفنج بالبخار (مكواة البخار) ..

أما السجاد فيتم فركه بفرشاة منقعة بماء مع مادة معقمة عطرية ..
وطبعا كل جزء وكل قطعة تنمسح بديتول مخفف بالماء ..
بعد ما نخلص تنظيف .. اشغل جهاز معقم الهواء يشتغل بالماء .. ومعطر جو بخاري .. والأهم طول الوقت تقريبا اشغل جهاز القضاء على الفيروسات الايوني ...

والملاعق والأواني كلها تنغلى كل 3 ايام بلتر ماء مع ملعقة خل للتعقيم ..
واسفنجات غسيل الصحون لازم تكون ناشفة ومعصور عليها ليمون أو ملعقة خل مركز ..
ملابس الغسيل تنفصل الكبار عن الصغار والداخلية عن ملابس الطلعة ..
وطبعا لكل صابونه المخصص :)

إذا استفدتوا شي أمانة ادعوا لي وقولوا ما شاء الله :)

ماشاء الله تبارك الله تعليقج كله استفادة ،وانا شخصيا فيه افكار اعجبتني بطريقتج وباطبقها خاصة اسفنجات غسيل الصحون وتعقيمها ، الله يعطيج اللي في بالج ويرزقج ماتحبين وتتمنين اللهم اميييييييييييييييييييييين

بالنسبة للمكنسة ممكن اعرف من وين اخذتيها وبكم ؟؟ لانه اللي يعرضون خدماتهم بهالمكانس العجيبة خيالية وماشوف تستحق قيمتها ، شاكرة لج هالمداخلة الرائعة والمفيدة جدا

[ضوى]

اشرحي لي زيادة جزاج الله خير عن الرش داخل وبره البيت والتنظيف عقبه ..و ياليت بعد توضحين شلون اعرف ان كانت المجاري عامة ولا لا ؟؟؟؟؟؟؟

هلا اختي

الرش عبارة عن مادة كيميائية من البلدية وبسيارة البلدية ، يرشون لج كل البواليع والمنهولات اللي داخل البيت وخارجها حتى يقتلون كل الصراصير وبيوضها ومفعولها قوي وطويل المدى ومن فترة لفترة اطلب رش بخار للبيت عشان الحشرات الصغيرة اللي تجي من الزرع بعد مفيدة وتعقم البيت ،
بخصوص المجاري العامة واللي هي عبارة عن بالوعة كبيرة يتم فيها تجميع كل القاذورات من كل البيوت المحيطة وتكون عادة بالشارع يعني مجاري مشتركة بينج وبين جيرانج ووهالشئ يسهل جدا انتقال الصراصير من بيت فيه صراصير إلى بيت مافيه صراصير ويعتمد على مدى حفاظ اهل البيت على النظافة والحرص على الرش بشكل دائم ، اما ذاا كانت المجاري خاصة وعادة تكون بزاوية في حوش البيت فهذا يكون تنظيفها سهل عن طريق الشركات الخاصة مرة كل ثلاث سنوات او خمس كحد اقصى ومن ثم رشها بشكل دوري بين فترة وفترة وسحبها عن طريق البلدية كل شهر على الاكثر

[ضوى]

انا تعقدت من مجرد القراءة بس ..

الله يعينكم اذا بتستمرون على هالحاله بتهلوسون

الحل اطلعوا من البيت نهاية الاسبوع وسلموه شركة تنظيف .. ينظفون البيت والسجاد والمجاري وكل شئ .. ويقصقصون الزرع بعد p: باقي يطبخون لكم

ليش تعقدت اخوي ؟؟؟:looking:


وليش نهلوس ؟؟ هذا جزء من مهمات ربة البيت ، ولولانا اللي احنا ربات البيت كانت البيوت صارت خرابات:looking: ، لاتقولون خدم وعمال والله بدون وقفة راعية البيت وراعي البيت على روسهم ماهمهم شئ، والاهمال اللي نشوفه عند بالعض هو مجرد استثناء وشوف بنفسك ماشاء الله عليهم العضوات كل واحدة عندها افكار وعندها نظام معين لتنظيف بيتها ومملكتها وهذا انا شخصيا استفدت وان شاء الله يكونون هم استفادوا وهذا كل تبادل خبرات للوصول لنتائج صحية وبيئة نظيفة :pic:

وبعدين اطلع من البيت واسلمه لشركة تنظيف ؟؟ تعتقد راح تشتغل بنفس الذمة والضمير اللي عند راعية البيت ؟؟ مستحيل ، خلينا احنا نسوي كل شئ دام فينا حيل منها لياقة ورياضة ونحصل اجر اكيد ان شاء الله الله مايضيع عملنا في بيوتنا وعشان ابونا يرتاح وهو يشوف النظافة والنظام في مملكته وما يحب يطلع من بيت كله نظام وريحة حلوة :p

[بلوتنيوم]

البيوت تحتاج الى عملية جرد اسبوعي
علشان نتخلص من الاشياء الزائده عن الحاجة
اما بالتخزين او بالاستغناء عنها باي طريقة كانت
ولازم المدخلات تتناسب مع المخرجات
علشان مايكون في مجال لتراكم اي اتربة او غبار
واهم شيء نشطب نظرية (يمكن احتاجه في يوم من الايام )
لانه تمر السنين و90% من الاشياء المخزنة لا تستخدم
وان لا نرتبط عاطفيا مع الاشياء الجامدة
حتى لا تكون وزنا زائد على ارواحنا الى اصلا بروحها مثقلة بهموم الحياة :)

وشكرا لك

[ضوى]

البيوت تحتاج الى عملية جرد اسبوعي
علشان نتخلص من الاشياء الزائده عن الحاجة
اما بالتخزين او بالاستغناء عنها باي طريقة كانت
ولازم المدخلات تتناسب مع المخرجات
علشان مايكون في مجال لتراكم اي اتربة او غبار
واهم شيء نشطب نظرية (يمكن احتاجه في يوم من الايام )
لانه تمر السنين و90% من الاشياء المخزنة لا تستخدم
وان لا نرتبط عاطفيا مع الاشياء الجامدة
حتى لا تكون وزنا زائد على ارواحنا الى اصلا بروحها مثقلة بهموم الحياة :)

وشكرا لك

كلامك سليم جدا ، وعجبتني جملة الارتباط العاطفي بالاشياء الجامدة :p
ممكن يكون الارتباط العاطفي بأشياء جامدة معينة بس مب اني أملأ الخزاين واقول اني مرتبطة عاطفيا بالقطعة هذي او القطعة هذي ، اعرف واحدة الله يصلحها عنده ملابس تترس شنطتين من الكبار ، في خزانة من اربع ابواب مالبستها من 6 سنوات ولا زالت محتفظة فيها تقول ماقدر اتخلى عن ملابسي اقولها يابنت الحلال مايصير موضتهم راحوا وضاقوا عليج تقول معليه ماقدر مرتبطة عاطفيا بهم :looking:، وطبعا ماخذين مكان على ولاشئ ومسببين زحمة
لذلك انا اقول الجرد الدوري ضروري لكل البيوت خاصة اللي فيها اطفال ، لانه معروف الاطفال يكبرون وملابسهم تضيق عليهم ولازم تجدد كل فترة وفترة ، ونوزع الملابس والحاجات الاخرى لناس محتاجتها افضل من ركنها في الخزاين وماقصد الملابس بس اقصد كل شئ ممكن الاستغناء عنه ومسبب زحمة بالبيت

شكرا لك بلوتينوم كلامك مثري ومفيد ، والله يزيح الوزن الزايد عن روحك المثقلة بهموم الحياة محد خالي يابوك :p

[الخير كله]

متابعه

[ضوى]

متابعه

لن اكتفي بمتابعتك فقط ، اتمنى مشاركتنا تجاربك في التنظيف وافكارك وطريقتك علنا نستفيد منك اختي الفاضلة :pic:

[نور الحور]

جزاكم الله خير على الدعوات الحلوة .. وبصراحة الموضوع روعة ..
بالنسبة للي سألوا عن المكنسة أنا خذتها من شركة رينبو اللي تمر على البيوت وتسوي عروض هالكلام من 4 أو 5 سنوات .. وما شاء الله تبارك الله وايد مفيدة .. مرة يوم كنت بنفاسي ببيت هلي نظفوا لي الغرفة تنظيف شااااامل ودقيق .. بس كنت اوسوس فجبت المكنسة ونظفت فيها الغرفة طلع منها غبار بشكل خيالي .. والكل استغرب .. خاصة إن الموكيت والستاير كان لونهم بيج وكان يلق من النظافة ..
اللي عنده مكنسه عادية ممكن ينظف فيها عادي وبعدين يعقم السجاد والستاير والمخدات والكفرات بمكواة البخار لأنها تقضي على العث ..

بس أنا عندي مشكلتين وحدة متعلقة بالتخزين .. تتراكم الملابس و تتخربط في الكبت لأني ما حب ارتبهم بشكل دوري وفي نفس الوقت ماحب الخدامة ترتبهم لأنها خصوصياتي :) ويبيلي عزيمة ليمن ارجع ارتب ههههه
المشكلة الثانية تنظيف الثلاجة .. أنا علمت الخدامة تنظفها بالماء والخل كل 3 أو اربع ايام بعد ما تفصلها عن الكهربا وتفضيها .. مادري اذا طريقتي صح ؟؟؟

أختي ضوى بالنسبة للرش .. أوكي برا في الحوش بنجيب البلدية لو كل 3 شهور مرة.. بس داخل المطابخ والحمامات كل كم نعيد الرش ؟؟؟ وعقب كم ساعة ننظف بعدها ؟؟ وشلون ؟؟؟ .. لأني اخاف من هالمواد الكيماوية .. يمكن تترك بقايا .. << هههه شكلي ثقلت عليج بالأسئلة استحمليني :)

وعندي إضافة اشوفها حلوة << يمكن قديمة عند البعض مادري :looking:
إذا كان عندج فرن كهربائي (اقصد العين اللي ينطبخ فوقها) .. فهي تتم حارة لفترة طويلة بعد ما تخلصين طبخ .. صح ؟؟ أنا اجيب بخور او عود واحطه فوقه :) omen

[ضوى]

جزاكم الله خير على الدعوات الحلوة .. وبصراحة الموضوع روعة ..
بالنسبة للي سألوا عن المكنسة أنا خذتها من شركة رينبو اللي تمر على البيوت وتسوي عروض هالكلام من 4 أو 5 سنوات .. وما شاء الله تبارك الله وايد مفيدة .. مرة يوم كنت بنفاسي ببيت هلي نظفوا لي الغرفة تنظيف شااااامل ودقيق .. بس كنت اوسوس فجبت المكنسة ونظفت فيها الغرفة طلع منها غبار بشكل خيالي .. والكل استغرب .. خاصة إن الموكيت والستاير كان لونهم بيج وكان يلق من النظافة ..
اللي عنده مكنسه عادية ممكن ينظف فيها عادي وبعدين يعقم السجاد والستاير والمخدات والكفرات بمكواة البخار لأنها تقضي على العث ..

بخصوص المكنسة اختي الصراحة وايد استغليتها ثمنها باهض ، وفي مكانس الحين اعتقد في ناشيونال والدرويش تفي بالغرض ، يمكن نافعتج لانج وسواسية بزيادة ، وللعلم في شئ بانبهج عليه ، النظافة الزايدة وبشكل مبالغ فيه تجيب امراض المبالغة في التعقيم تنتج جراثيم وميكروبات تسبب امراض ( معلومة علمية حقيقية ) لذلك وجود بعض البكتيريا المضادة تفي بالغرض وهذا غير انها تساعد على تكوين مناعة طبيعية لدى الطفل ، تخيلي طفل لا يصاب باي نوع من الطفيليات والبكتيريا ماذا تكون مناعته ؟ ستكون صفر

بس أنا عندي مشكلتين وحدة متعلقة بالتخزين .. تتراكم الملابس و تتخربط في الكبت لأني ما حب ارتبهم بشكل دوري وفي نفس الوقت ماحب الخدامة ترتبهم لأنها خصوصياتي :) ويبيلي عزيمة ليمن ارجع ارتب ههههه

ترتيب الثياب ممممممممم ، مشكلة ازلية عند الحريم :p شوفي انا اخذ بمدا تطوية الثياب بعد الغسيل ، ولو صادف اني اخذت قطعة من الكبت وماستخدمتها ورديت خذت قطعة ثانية وغيرت رايي راح تتراكم القطع في الكبت وهي مش مرتبة ، لذلك افضل حل قبل لا اطلع اي قطعة ثانية ارتب واطوي القطعة اللي مابيها واردها بنفس مكانها وبنفس الترتيب وبهالحالة قضيت على حالة الفوضى في الخزاين ، ومعاج حق هالسالفة تصير وايد في كبتات وخزاين العيال crazy
المشكلة الثانية تنظيف الثلاجة .. أنا علمت الخدامة تنظفها بالماء والخل كل 3 أو اربع ايام بعد ما تفصلها عن الكهربا وتفضيها .. مادري اذا طريقتي صح ؟؟؟

أختي ضوى بالنسبة للرش .. أوكي برا في الحوش بنجيب البلدية لو كل 3 شهور مرة.. بس داخل المطابخ والحمامات كل كم نعيد الرش ؟؟؟ وعقب كم ساعة ننظف بعدها ؟؟ وشلون ؟؟؟ .. لأني اخاف من هالمواد الكيماوية .. يمكن تترك بقايا .. << هههه شكلي ثقلت عليج بالأسئلة استحمليني :)

شوفي انا الرش استخدمه برا البيت كل شهر واذا نسيت شهر ونص ، وتفس الشئ داخل البيت بنفس الوقت يرششون برا وداخل البيت ، وبعدها بنص ساعة ساعة بالكثير تنظفين البيت بالطريقة المعتادة ، والمواد الكيماوية شر لا بد منه في بعض الاحيان ، وعلى فكرة مافي اي بقايا ، وماثقلتي علي باي شئ هالموضوع للاستفادة لي ولكم :p اي وقت
وعندي إضافة اشوفها حلوة << يمكن قديمة عند البعض مادري :looking:
إذا كان عندج فرن كهربائي (اقصد العين اللي ينطبخ فوقها) .. فهي تتم حارة لفترة طويلة بعد ما تخلصين طبخ .. صح ؟؟ أنا اجيب بخور او عود واحطه فوقه :)

حبيت فكرتج هذي ، بس انا عيون الفرن عندي كلها غاز بس كفكرة جدا ممتازة واعجبتني

omen


الف تحية وشكر لمشاركتج الرائعة

[كورديليا]

حلووووو

[نور الحور]

جزاج الله خير على ردج يا ضوى ..
بالنسبة لي أنا ما أبالغ ..لأن التنظيف الدقيق لغرفتي مثلا يتم مرة في الاسبوع .. لكني أوسوس من حيث التنظيف إنه يكون شامل :)

[ضوى]

حلووووو



شاكرة لج اختي مرورك عالموضوع ، ونتمنى مشاركتنا في طريقتك في التنظيف :thumbup1:

[ضوى]

جزاج الله خير على ردج يا ضوى ..
بالنسبة لي أنا ما أبالغ ..لأن التنظيف الدقيق لغرفتي مثلا يتم مرة في الاسبوع .. لكني أوسوس من حيث التنظيف إنه يكون شامل :)

الله يعطيج الف عافية اختي الغالية ، بالفعل مداخلاتج مفيدة ونافعة ، وكله يقولون المراة تعتمد عالخدم ، خليهم يشوفون هالموضوع ويعرفون قيمة راعية البيت ببيتها omen

[ضوى]

اكتشاف جديد وقلت لازم اشارككم فيه :)

طبعا بما انه الحين موسم شتاء ، ونستخدم دايما الماي الحار للاستحمام وطبعا هذا يسبب بخار ماي كثيف في الحمام ، ولو تركناه يتراكم راح يتكون عفن اسود وكلس ، صارت لي هالمشكلة من سنين ، وعلى اساس مارح يروح خليته فترة وطبعا حدود البلاط عندي استوت سوداء من العفن ، طبعا مش بدرجة كبيرة بس مافلح وياها الجف ولا الكلوركس ، ولا الدعك والفرك الشديد ، المهم يأست وتركتها ، وانا ادور هالايام عن حل لهذي المشكلة اللي متعبتني ، لقيت حل في احد المنتديات وهو عبارة عن استخدام جل الحلاقة وفرشاه اسنان قديمة مع بخاخ ماي ساخن وخل وليمون ، المهم قلت اجرب واشوف ، جبت الجل وحطيته على كل حدود البلاط المتعفن تقريبا كل البلاط اللي صوب الدش وشوي من جنب الباب بس انا حطيت على الكل مع اختلاف الكميات طبعا ، ورشيت الخل والليمون والماي الساخن على لك بلاطة في الحمام وعلى الخلاطات والشاور والحمام وسكرت الشباك وشغلت الماي الحار بس وخليت الحمام يغرق في بخار الماي ، وسكرت باب الحمام بعدها لمدة ساعتين ، وعقبها جبت الشغالة وقلت لها ادعكي بلاطة بلاطة وبين حدودها ، لو مهما اقول ماتصدقوني ، طلعت بلاوي زرقا مع التنظيف ، المهم انه الحمام ماشاء الله تبارك صار يلمع واختفى العفن الاسود واختفى الكلس .
نصيحة لما تاخذون الشاور بالماي الحار اكيد راح تتكرر المأساة بس لتفادي هالمشكلة بعد ماتخلصون الاستحمام فتحوا الشباك وشغلوا الماي البارد وبيختفي بخار الماي بسرعة ، والافضل تفتحون الشباك وتكون عندك فوطة جافة لمسح البلاط ومسحوا الحوائط وبتشوفون نتيجة ترضيكم فهالوقت هو الوقت المناسب لتنظيف الحمام بعد البخار

وصباحكم فل

[بو خليفه 123]

اعتزل التنظيف مرة واحدة يا بو خليفة ؟؟؟؟ واترك بيتي جنتي لمن ؟؟؟:p

بما انه ماعاني من ارتفاع السقف اكثر من ثلاث ونص تقريبا لذلك راح اعطيك اللي ان شاء الله كنت راح اسويه لو بيتي ارتفاعه 6 امتار omen

السقالات هي الحل الرئيسي وعمال بالساعة وامورك سالكة ان شاء الله :pic:


استاذتي الفاضله ضوى :(

تخيلت نفسي اتسلق السقالات في اعلى اسقف المنزل .. هي خوش رياضه لكن ما عاد اقوى على المغامرات الله يرضالي عليك.. :(

مستحيل اخلي الخادمه تطلع فوق بنفسها او اي عضو من اعضاء المنزل ...

مازال العقد ساري بيني و بين شركة التنظيف

و مازلت متابع موضوع تنظيف المنزل لـ ضوى البيت .

[ضوى]

استاذتي الفاضله ضوى :(

تخيلت نفسي اتسلق السقالات في اعلى اسقف المنزل .. هي خوش رياضه لكن ما عاد اقوى على المغامرات الله يرضالي عليك.. :(

مستحيل اخلي الخادمه تطلع فوق بنفسها او اي عضو من اعضاء المنزل ...

مازال العقد ساري بيني و بين شركة التنظيف

و مازلت متابع موضوع تنظيف المنزل لـ ضوى البيت .


الله يعطيك الصحة والعافية اخوي بو خليفة :)

تابعنا وفالك طيب ان شاء الله

[ام السعف]

ضوى ليش ما جربت الفلاش للكلس ؟

[ضوى]

ضوى ليش ما جربت الفلاش للكلس ؟

هلا بالغالية

جربت الفلاش للكلس وهو اوكي حتى للبقع ، بس اللي اقصده عفن اسود يتراكم اذا مانظفتي اول باول وانا للاسف من اول مرة تركته على ابو انه خلاص مايروح ، وقمت امسح عادي من غير ماركز لحد ماصار ثابت بالبلاط بس الحمد لله رب العالمين تخلصت من المشكلة وعرفت الحل لو تكرر

[ماريسا]

موضوع اكثر من رائع الله يعطيج العافية اخت ضوى

[ام السعف]

هلا بالغالية

جربت الفلاش للكلس وهو اوكي حتى للبقع ، بس اللي اقصده عفن اسود يتراكم اذا مانظفتي اول باول وانا للاسف من اول مرة تركته على ابو انه خلاص مايروح ، وقمت امسح عادي من غير ماركز لحد ماصار ثابت بالبلاط بس الحمد لله رب العالمين تخلصت من المشكلة وعرفت الحل لو تكرر

اهاا،، تسلمين على المعلومات :nice:

[ضوى]

موضوع اكثر من رائع الله يعطيج العافية اخت ضوى

شاكرة لج مرورج اختي الكريمة وننتظر اثرائج لهذه الصفحة بخبرتج في التنظيف :)

[ضوى]

اهاا،، تسلمين على المعلومات :nice:

الله يسلمج :victory: