الي ناوي يدرس بجامعه University of Minnesota

[al-sadd]

بسم الله الرحمن الرحيم

بما ان الحمدلله نسب كبيره جدا من الشباب يفظل الدراسه الخارجيه
وناس كثيره تدور جامعات قويه ومعتوف فيها
فـ قررت اني اسوي هالخدمه لوجه الله
وللشباب الي ناويين يكملون بالخارج وعلاشان مايمرون بالي مريته

اول شي احب اقول لكل من يبي يدخل تخصص فيه هندسه بشتى انواعها
من هندسه الكمبيوتر الى هندسه المراكب الفضائيه فـ من افضل الاماكن الي يتوجه لها هي جامعه مينيسوتا
وخاصه هالفتره

ليش؟

الشباب العرب مش كثار
والجامعه من التوب 50 في امريكا !! و توب30 للهندسه
وحاليا الجامعه تمر بازمه ماليه يعني اتجي وعندك سبونسر مافي امل يرفضونك

فـ نصيحه للي يبي يجي يستغل الفرصه
ولايفرطها !!

وصراحه انا فاتح الموضوع بسبب قله القطريين اهني !! وانصدمت صراحه
ان مافي غير 2 بس !!
انا و واحد فقط !!

اتمنى يزيدون الشباب القطريين فهالجامعه

والي ناوي يجي الجامعه او معهد اللغه فانا حاااضر ومن عيوني فـ اي خدمه تحتاجها !!

واذا ان شاءاللهرجبت القبول ونويت اتجي ممكن اتبلغني علاشان اشوفلك احلى شقه وفاحلى مكان !!

لان انا اول ماجييت قعدت بفندق وها انا للحين بفندق ومتحسف !
4 شهور وانا بفندق والله زهق !! غرفه صغيره وماتسوى عليك تقعد اربع شهور
لان كان ممكن ادور واحصل شقق اقرب للجمعه واحلى ولاكن نتصبر

ودوووم ان شاءالله بكون متواجد لاي استفسار عن ولايه مينيسوتا

والله ان كل هذا لوجه الله وعلاشان ماتمرون بالي مريته
وكنت اتمنئ احصل حد اعرفه هناك علاشان يساعدني

ملاحضه انا حاليا ادرس لغه ودراستهم جدا حلوه ومريحه ومنهجهم روووعه
ولاتقول ماقدر ادرس او صعب او اضيع من عمري سنه !!
اقولك اذكر الله وابتدي من اليوم علاشان ماتضييع عمرك كلها. كم شهر وتدخل الجامعه


وكان الله غفور رحيم
اذا في اي خطاء املأي فاستسمحكم لاني اكتب عن طريق الايفون :shy:

[روح الاطلس]

ماتقصر والله

ياليت تذكر التكاليف المالية عشان يستفيد الاعضاء بما ان دراسة اللغة غير مدعومة من مجلسنا للتعليم الموقر :)

[KABOOM]

جزاك الله خير اخوي
والله يوفقك وترجع بشهاده

[R 7 A L]

في البداية جعل ربي يوفقك وترجع لقطر ومعك شهادتك وانت بصحة وسلامة :nice:


وثاني شي عيدك مبارك ولو ان ظروفي اوكية كان زرتك في ولايتك وعيدت عندك :)


وثالث شي ورب البيت اني اقرأ موضوعك وانا مستانس حدي ومفتخر فيك وعلى نيتك الطيبة للمساعدة وعساك على القوة
وجعلك ذخر

[هدهد سليمان]

عيدك مبارك .. وعسى ربي يوفقك في دراستك وبيض الله وجهك

[الهاجري 2]

اخوي السد لاهنت على طرحك وانشالله تكتب في ميزان حسناتك
انا اللحين في ثالث ثانوي ومن كم يوم رحت انا والربع معرض الجامعات وشفنا الجامعات كلها
وانا راااافض فكرة الشهاده الثانويه وبس !! انا انشالله بكمل مشواري الدراسي في الجامعه
فكرة الدراسه برا قبل كنت رافضها تماااما بس بعدين بديت اتقبلها لما وزووني الربع على الدراسه اللي برا انها احسن وافضل فقررت ادرس برا انا وياهم , وماشالله شكل الجامعه اللي انت فيها خوووش جامعه وتستاهل ويمكن انجيكم هناك وانا راح اكلم ربعي عنها
بس ممكن تساعدني وتقولي النسبه اللي يبوونها وكيفية القبول لاني مقفل من ناحية القبول ماعرف شلون
وثاني شي وش متطلباتهم انجليزي ورياضيات ؟؟ ولا انجليزي وبس؟؟

وتسلم اخوي على طرحك مثل هذا الموضوع المفيد

[الهاجري 2]

اي صح نسيت ووين موقعها بعد

[shmokh]

:) جامعتي اللي درست فيها ،، ذكرتني بايام التويز سيتي ومول اوف امريكا و مينيابولس و مايستك ليك :)

بالتوفيق

فعلا من افضل الولايات بامريكا ،، ولايه اهلها طيبين جدا

ويطلق عليها
Minnesota Nice
بسبب انه معروف عن اهلها نايس وطيبين جدا

[الوعب]

ولايتك بارده جدا اخوي السد
الله يوفقك ويردك سالم الى بلدك

[Bin Hood]

اخوي ممكن تفيدنا عن دراسة الماجستير

وجزاك الله خير

[غايه الطواش]

اخوي ماعندك خبره في مجال الماستر والــ mba

[al-sadd]

في البداية جعل ربي يوفقك وترجع لقطر ومعك شهادتك وانت بصحة وسلامة :nice:


وثاني شي عيدك مبارك ولو ان ظروفي اوكية كان زرتك في ولايتك وعيدت عندك :)


وثالث شي ورب البيت اني اقرأ موضوعك وانا مستانس حدي ومفتخر فيك وعلى نيتك الطيبة للمساعدة وعساك على القوة
وجعلك ذخر

ماعليك زود الشيخ
واي واحد فمكاني بيسوي الي اسويه وزود
وعساكم من عواده ^^

[al-sadd]

عيدك مبارك .. وعسى ربي يوفقك في دراستك وبيض الله وجهك

اجمعين ان شاءالله وجهك ابيض الشيخ
وعساكم من العايدين والفايزيين

[al-sadd]

ماتقصر والله

ياليت تذكر التكاليف المالية عشان يستفيد الاعضاء بما ان دراسة اللغة غير مدعومة من مجلسنا للتعليم الموقر :)

والله التكاليف 5500 دولار تقريبا
للكورس الواحد في اللغه

واي شي انا حاضر ان شاءالله

[al-sadd]

اخوي السد لاهنت على طرحك وانشالله تكتب في ميزان حسناتك
انا اللحين في ثالث ثانوي ومن كم يوم رحت انا والربع معرض الجامعات وشفنا الجامعات كلها
وانا راااافض فكرة الشهاده الثانويه وبس !! انا انشالله بكمل مشواري الدراسي في الجامعه
فكرة الدراسه برا قبل كنت رافضها تماااما بس بعدين بديت اتقبلها لما وزووني الربع على الدراسه اللي برا انها احسن وافضل فقررت ادرس برا انا وياهم , وماشالله شكل الجامعه اللي انت فيها خوووش جامعه وتستاهل ويمكن انجيكم هناك وانا راح اكلم ربعي عنها
بس ممكن تساعدني وتقولي النسبه اللي يبوونها وكيفية القبول لاني مقفل من ناحية القبول ماعرف شلون
وثاني شي وش متطلباتهم انجليزي ورياضيات ؟؟ ولا انجليزي وبس؟؟

وتسلم اخوي على طرحك مثل هذا الموضوع المفيد

بتوفيق اخو وان شاءالله بتنورنا ^^
الشيخ اذا ناوي تدخل لغه
فـ مايحتاجون شي اللهم اوراقك وبياناتك
وهالشغله ممكن اخلصها لك
وبخصوص الجامعه
مطلوب طبعا ايلس او توفل
الايلس 6,5
او 5,5 ولاكن يكون عندك كم كلاس للغه
وبخصوص السات فـ مش متاكد ولاكن على حسب التخصص والاغلب لا مايحتاجون انما شي اختياري

وبخصوص مكانها فهي فولايه مينيسوتا
اذا تحتاج ا شي بلغني واخدمك من عيوني
=]

[al-sadd]

:) جامعتي اللي درست فيها ،، ذكرتني بايام التويز سيتي ومول اوف امريكا و مينيابولس و مايستك ليك :)

بالتوفيق

فعلا من افضل الولايات بامريكا ،، ولايه اهلها طيبين جدا

ويطلق عليها
minnesota nice
بسبب انه معروف عن اهلها نايس وطيبين جدا

والله من ناحيه طيبين فهم جدا طيبين
ولله الحمد ان البشره السوده " خوال امريكا " جدا قليليين وخاصه حول الجامعه نااادر ماتحصلك واحد ولا ثنين

[al-sadd]

ولايتك بارده جدا اخوي السد
الله يوفقك ويردك سالم الى بلدك

والله الشيخ من ناحيه بارده فهي من ابرد الولايات
وكلمه الحق تنقال
تةصل درجه الحراره احيانا فشهر واحد وثنين
ليييي سالب عشرين !!
ولاكن اتوقع هاي الشي الوحيييد السلبي في الولايه

[al-sadd]

اخوي ممكن تفيدنا عن دراسة الماجستير

وجزاك الله خير

ان شاءالله
ولاكن شالمعلومات الي تحتاجها / تحتاجينها ؟

[al-sadd]

اخوي ماعندك خبره في مجال الماستر والــ mba

لا الشيخ
ولاكن ممكن اسئلك
بس شالي بغيت اتعرفه

[The Watcher]

جزاك الله خير
والله يوفقك

[بوعلي-Qtr]

مساك الله بالخير
شخبارك ياولد minnesota

اول شي الله يعينكم على الغربة


بس حبيت اسئلك

هل الجامعة واحده من لستتة الجامعات اللي تبعث لها ؟
وهل يوجد تخصص civil engineer ? وكيف الصعوبة ؟
وكم المطلوب في الايلس ؟

وبخصوص الولاية ؟ اي الولايات قريبة منها ؟
كولورادو ؟ ميشقن ؟ يوتا ؟ فلوردا ؟

وبيض الله وجهك ..

وموفقييين ان شاء الله

[بريطاني]

الله يوفقك ويرجعك لاهلك سالم

[miss-qatr]

الله يوفقك ياخوي ويعينكم على الغربه

[روح الاطلس]

خادم الحرمين يوجه بإلحاق الطلاب الدارسين على حسابهم الخاص في بريطانيا ببرنامج الابتعاث الخارجي

لمن أكمل دراسة اللغة وانخرط في جامعة موصى بها

الرياض: «الشرق الأوسط»
صدر قرار خادم الحرمين الشريفين الملك عبد الله بن عبد العزيز بالموافقة على إلحاق جميع الدارسين على حسابهم الخاص ممن أنهوا دراسة مرحلة اللغة الإنجليزية، وبدأوا الدراسة الأكاديمية في الجامعات البريطانية الموصى بها، بعضوية البعثة ضمن برنامج خادم الحرمين الشريفين للابتعاث الخارجي.
من جهته، قال الأمير محمد بن نواف بن عبد العزيز سفير السعودية لدى المملكة المتحدة، في تصريح لوكالة الأنباء السعودية: «إن أمر خادم الحرمين الشريفين يبرز متابعته واهتمامه المستمرين بتيسير طلب العلم والمعرفة لأبنائه وبناته، لكي يعودوا ويشاركوا في مسيرة البناء والتطوير والتقدم والازدهار لوطننا».

وأوضح أن مبادرات خادم الحرمين الشريفين في مجال العلم والتعليم باتت رائدة على مستوى العالم، وأنموذجا في توفير الفرص وتقديم الدعم السخي والكريم للجميع من دون استثناء.

وقال الدكتور خالد بن محمد العنقري وزير التعليم العالي: «إن أمر خادم الحرمين الشريفين يمثل دلالة على الرعاية الكريمة من القيادة السعودية لأبناء الوطن ممن يدرسون في الخارج»، مؤكدا أن برنامج الابتعاث في الوقت الحالي بات أحد الخيارات الاستراتيجية التي تتبعها البلاد لتنمية الموارد البشرية السعودية وتأهيلها.



يالله عقبالكم يصدر امر اميري بدراستكم على حساب الدولة قريبا

[الـقـاسـي]

بالتوفيق اخوي في دراستك وعقبال ماتتخرج وترد البلاد ..

بس اخوي غلطاان ترى اذا اربع شهور في فندق انت مراح ترتاح خذ لك من هالشقق الموثثه او اذا انت مطول خذها بدون اثاث واشتر الاثاث ..

الدراسه في امريكا حلوة افضل من بريطانيا والشعب الامريكي من خلال التعامل وياهم طيبين وحبوبين ..

بس اخوي انت قلت 5500 دولار حق الكورس الواحد للغه فقط ولا شنو انا كنت ماخذ كورس في جامعة umbc بـ تقريبا 3 الاف دولار واحس واجد عليهم ..

[غايه الطواش]

لا الشيخ
ولاكن ممكن اسئلك
بس شالي بغيت اتعرفه

اذا بغيت اقدم وشهب المتطلبات الاساسيه وكم مطلوب التوفل او الايلتس..وجي مات مكلوب او لا...سنوات الخبره ...المعدل الجامعي للماستر مطلوب...هل في برنامج بري ماستر او لا...
ويعطيك العافيه

[shmokh]

الموقع الرسمي للجامعة

http://www1.umn.edu/twincities/index.php

بالنسبة لترتيب الجامعة على مستوى العالم وليس امريكا فقط تلاقيه في هالرابط الترتيب 28

http://www.arwu.org/ARWU2010.jsp

علما انها كانت في المرتبه الرابعه عام 2004 بس مادري كم على مستوى امريكا الحين

بالنسبة للي يسأل عن موقع الولاية شوفة في النص فوق على حدود كندا

http://howtotravelamerica.com/USA_map.jpg

[المحافظ]

جامعة مينوسوتا جامعة ممتازة و مشهورة و معروفة بمستواها الاكاديمي العالي ، والمدينة حلوة وهادئة ، لكن برد من قلب .. بس بعد البرد زين حق اللي يحب الدراسة ويحب يركز عليها لان الجو الحلو يخلي الانسان يطلع و يتمشى ، والجو البارد يساعد على الدراسة اكثر ، بس بعد شوي كئيب وبالذات في فصل الشتاء لما تنزل درجة الحراة تحت الصفر بعشر درجات ...

الله يوفقك ...