وين بتروح بالعيد... ؟

[MAZEN37]

السلام عليكم ورحمة الله وبركاته
اعاده الله على الجميع باليمن والبركات وتقبل من الجميع

وين رايح؟ ومع من ؟ قولنا تجربتك يمكن تفيدنا وافكارك وخططك للعيد ؟
والافضل للثلاث ايام الاولى
:victory:

[kooool]

عيد الله عليكم مبارك جميعا وكل عام وانتم بالف خير ..
اشوف البر وشبة الضو افضل مكااان والبعد عن ازعاج المدينة مكسب لان فترة العيد بسيطة واعتقد ان وصل الارحام المقطوعة واللي متزاعل مع احد او شي يجي على نفسه ويحتسب الاجر من الله سبحانه ويصفي الخواطر

[MAZEN37]

عيد الله عليكم مبارك جميعا وكل عام وانتم بالف خير ..
اشوف البر وشبة الضو افضل مكااان والبعد عن ازعاج المدينة مكسب لان فترة العيد بسيطة واعتقد ان وصل الارحام المقطوعة واللي متزاعل مع احد او شي يجي على نفسه ويحتسب الاجر من الله سبحانه ويصفي الخواطر
فكر جميل يا كوول - يعجبني هدوءك اسم على مسمى
:)

[هبوب الكوس]

ان شاء الله ثلاث العيد بحر زكريت العنه

المكان هادي ورواد المكان راكدين مب مثل سيلين خرابيط

[المستريح]

عيدكم مبارك جميعا وكل عام وانتم بخير بعد الصلاه ذبح الاضحيه وبعدها السلام على الوالدين والاهل ونزور الاصدقاء وثانى العيد اتوقع الجو حلو حق طلعت البر

[العـوا]

؟؟؟؟؟؟؟؟

[عسل الدوحة]

صباح الخير 000000عيدكم مبارك

ياحظي وين اروح 0دوام من اول الاسبوع لين اخره 0

والله زعلانه ع نفسي

[هبوب الكوس]

صباح الخير 000000عيدكم مبارك

ياحظي وين اروح 0دوام من اول الاسبوع لين اخره 0

والله زعلانه ع نفسي

نعومج بتحصلين رصيد :telephone:

[MAZEN37]

ان شاء الله ثلاث العيد بحر زكريت العنه

المكان هادي ورواد المكان راكدين مب مثل سيلين خرابيط

العيد عندك السنه , طاب عليك

[MAZEN37]

صباح الخير 000000عيدكم مبارك

ياحظي وين اروح 0دوام من اول الاسبوع لين اخره 0

والله زعلانه ع نفسي
يا زمن حتى الحريم راح عليهم العيد
الله يرحم ايام زمان

[هبوب الكوس]

العيد عندك السنه , طاب عليك

حدد موقفك عندي ولا عند بوحارب الغارية :telephone:

[عسل الدوحة]

نعومج بتحصلين رصيد :telephone:

مااااابي الرصيد 0بس ااااابي احس اني مع الناس اعيد وطلعات وقعدات مع البنات
خخخخخخ

[MAZEN37]

؟؟؟؟؟؟؟؟

العوا كل عام وانت بخير ياخي خلص الحبر من هالجريده بتوقيعك

[theeb_qatar]

الصبح عند الاهل وعلى الساعه 11 نقبض الخط
نشرد من قطر

[الأصيلة]

لأول مرة أسوي جدول لأيام العيد
ما ادري يمكن سعة شوي ... والإجازة نوعا ما أيامها زينة...
زيارات بسيطة ومواجيب مأجله...
والحي الثقافي ناوية أودي عيالي يتغدون فيه مرة ويتعشون مرة...
والله لا يغير علينا ويديم نعمة الأمن على قطر...
وعيدك مبارك ياكووووول ...

http://www.different-des.com/mms/Different-des.com-3ed-s3ed-03.gif

[MAZEN37]

حدد موقفك عندي ولا عند بوحارب الغارية :telephone:

شدعوه :omg: كلكم اخوان

[المستريح]

الصبح عند الاهل وعلى الساعه 11 نقبض الخط
نشرد من قطر

الجو مب مال شرده من قطر

[R 7 A L]

لاول مرة في حياتي اعيد برا قطر :weeping:


ما ادري بالضبط شنو جدولي عقب صلاة العيد


بس الشي الاكيد اني راح افقد الوالدة والاهل والاخوان والجماعة في هالعيد

[بو الطيب]

اول العيد مثلي مثل اهل قطر

ثاني ثالث العيد الصبح في المجلس لين 4 العصر خط الخور السريع على سميسمه وتحديداً عرضة البوكواره

[MAZEN37]

لاول مرة في حياتي اعيد برا قطر :weeping:


ما ادري بالضبط شنو جدولي عقب صلاة العيد


بس الشي الاكيد اني راح افقد الوالدة والاهل والاخوان والجماعة في هالعيد
الله يرجعك سالم والله حاس فيك
اذكر مره كان عيد اضحى وكنت يومها امتحن في الجامعه خارج قطر وكان شعوري سيء
وانا اتذكر ايام العيد مع هلي
بس الحمدلله

[s4qatar]

عقب غدا العيد ................. إلى مصر أم الدنيا

إن شاء الله

[MAZEN37]

عقب غدا العيد ................. إلى مصر أم الدنيا

إن شاء الله
بعيد:eek5:

[شويهينــه]

اول يوم بنعايد على الاهل

وثاني العيد نقبض خط بوسمره على دار الزين:victory:

[abdo222]

١- الحديقه الجديده الي بحديقه الحيوان

٢- اللؤلؤه

٣-الحي الثقاااااااااااافي والكورنيش وكركيييييج بالخليج الغربي ،،
الجو جو outdoor ابعدوا من المجمعات والاسواق ،،،،،،
وكل عام وانتم بخير :D:

[A l i]

عقب غدا العيد ................. إلى مصر أم الدنيا

إن شاء الله

:nice:

[busoad-qtr]

اول يومين من العيد ان شاء الله الغدا بيكون في بيتنا
وثالث العيد ان شاء الله الشمال

[ZURICH]

لاول مرة في حياتي اعيد برا قطر :weeping:


ما ادري بالضبط شنو جدولي عقب صلاة العيد


بس الشي الاكيد اني راح افقد الوالدة والاهل والاخوان والجماعة في هالعيد


الله يعينك رحال خاصة إن اول عيد لك بعيد عن أهلك

العيد لة فرحة وماتكمل إلا بالأهل والربع

اخوي وولد عمي معاك في اريزونا يتصلي ويشكي الحال يقول اتمنى اأاعيد عندكم وارد

شد حيلك كلها أيام :) قصدي سنين وترحاح ..

[بلوتنيوم]

نوم وجد ولعب واكل
مب طالع من بيتنا كلش
صار الواحد يخاف يطلع من بيتهم
لا يصيده حادث من تهور الاخرين
او يفقد اعصابه بسبه الزحمة والمتزاحمين:omen2:

[رُفق المجنّا]

العيد عيد الله , والنكديّة ابعدوها وبتحسون بحلاوة العيد

خامس عيد لي بعيد من الأهل وخارج الدّار , ولـ أوّل مرّة بصادف العيد دوام الجامعه

ولكن بكون الجدول كالتّالي

1) ليلة العيد , معايدة الأهل والأقارب والأصدقاء لأن الفارق 9 ساعات

2) صلاة العيد ومن ثم الجامعه دايركت :)

والحمدلله ع كل حال

:)

[Bu Rashid]

خربوا علينا فرحة العيد المرور او لخويا
طايحيين في خلق مخالفات على الفاضي ويا ريت رجال وكلهم بزران
عساكم ما تحتفلووون بالعيد ... لا انتم ولا مديركم :omg:

" استعمال سائق المركبة الهاتف النقال أو غيره من الأ جهزة أثناء السياقة مستخدما يده في حمله أو استعماله،
أو انشغاله أثناء السياقة بمشاهدة أي مادة مرئية من تلفزيون المركبة،
أو عدم منعه الأ طفال دون العاشرة من الجلوس بالمقاعد الأ مامية للمركبة "

[عيون آمي]

العيد ااه ههههههههه اول شي عيدكم مبارك وعساكم من عواده
الصبح بيت خالتيه ههه وبعدين خالتيه الثانيه وبعدين عند عمتي وبنرجع بيتنا
المغرب بنزور بعد اهلنا يعني يوم زيارات تقريبا
ثاني يوم عندنا عشا وبشوف صديقاتي وثالث يوم مادري ماعندنا شي خلص العيد

[بو عذاب]

الِعَزبِهًـ

[شاهيناز]

زيارات العيد في ناني يوم
وبعد في البيت جبت افلام من فيرجن وبسهر عليهم
واذا حد من العائله تذكرني وعزموني على مطعم اقولهم شكرا يامن تقرون حروفي

وكل عام وانتوا بخير

[missperfect]

وين نقدر نطلع ،،، نقعد في البيت ويجون يعيدون علينا

[عيون Qatar]

اول يوم نزور فيه الاهل ونجتمع مع بعض بس
ثاني يوم اطلع مع عيالي الى المجمعات او الملاهي

[شمعة الدوحه]

ابد زيارات للاهل

ونفس حال شاهيناز عندي افلام ابي اتابعهم :nice:

[باسكن روبنز]

صباح الخير 000000عيدكم مبارك

ياحظي وين اروح 0دوام من اول الاسبوع لين اخره 0

والله زعلانه ع نفسي

آزعلي علي بعد لآنه الحال من بعضه ،:nice:

[البعد الخامس]

العيد زحمه والشخص لابد أن يتجنب أماكن الزحمة قدر الإمكان

فاليوم الأول : صباحاً زيارة الأهل .

مساءً: عشاء في مطعم راقي وهادئ .

اليوم الثاني : " مخصص للأطفال " الذهاب لمسرحيه

للأطفال " خمس خوات وصياد ".

http://img237.imageshack.us/img237/3540/73714121.png (http://img237.imageshack.us/i/73714121.png/)


اليوم الثالث : السفر لأبوظبي 4 أيام لحظور عالم فيراري

http://img713.imageshack.us/img713/2316/68298197.png (http://img713.imageshack.us/i/68298197.png/)



تحياتي

[غايه الطواش]

اول يوم :الضحى بيت يدتي والمسا في البيت
ثاني يوم : من الصبح لين الليل في البيت
ثالث يوم م نالصبح لي المسا في البيت
رابع يوم :من الصبح لي المسا في البيت
وان بغيتوا الصج انا احب قعده البيت

[meme~qatar]

العيد بالنسبة لي السنة
كله استقبال للزائرين واقامة العزائم

[بنت شيوخ]

مسسسسسسسسسسسسسسافره

[بنت ذياب]

اول يوم :الضحى بيت يدتي والمسا في البيت
ثاني يوم : من الصبح لين الليل في البيت
ثالث يوم م نالصبح لي المسا في البيت
رابع يوم :من الصبح لي المسا في البيت
وان بغيتوا الصج انا احب قعده البيت

هههههههههههههههههههههههههههههههههههههه قووولي والله:tease:

[دريمز]

اول يومين اكيد حق الاهل ....


امممممممممممممممممممممم


وعقب باقي الايام ماعندنا غير المجمعات ..


لووووووول ..........


تحياتي ..