المساعد الشخصي الرقمي

مشاهدة النسخة كاملة : ستشاااااااارة تكفون


الجــازي
20-04-2005, 09:28 PM
السلام عليكم ورحمة الله وبركاته....

أخواني وأخواتي الكرام ..

اتمنى ان تساعدوني لأني عليمية وغشيمة في السوق :(

أنا كتتبت في الناقلات بسمي واسم الوالده وثنين من أخواني .. والما كتتبت عطوني اوراق الاكتتاب .. والحين مادري وش اسوي في هذي الاوراق ولا وين اوديها ولا كيف احولها بسمي :eek3:

والمشكله الثانية اني رجعت وشريت في الناقلات السهم 67 والحين خسرانه فيه :eek3:

ساعدوني الله يجزيكم كل خير


أختكم الغشيمة :(
المسكين
20-04-2005, 09:32 PM
مرحبا اختي الجازي


بالنسبة للأوراق التي ارسلوها عن طريق البريد هذا اشعار بالاسهم المخصصة لج



وبالنسبه لنقل الاسهم من اسم والدتك واخوانك هذا الله يسلمج تروحين الشؤون القانونيه



وهناك تنقل الاسهم لان صلة القرابة من الدرجه الاولى




ولاكن الاسهم اللي شريتيها من السوق على 67 ماعليج انشاء الله بترتفع لاكن اصبري ولا تبيعين بخساره






تمنياتي لج بالتوفيق
قناص قطر
20-04-2005, 09:37 PM
السلام عليكم

الاخ المسكين ماقصر

بس ازيد هناك رسوم بسيطه لنقل الاسهم من اسم الى اسم من الدرجه الاولى

وبالله التوفيق
الجــازي
20-04-2005, 09:37 PM
يعطيك العافية اخوي المسكين على ردك

بس انت تقول { الأوراق التي ارسلوها عن طريق البريد هذا اشعار بالاسهم المخصصة لج } طيب وكيف اتصرف والاسهم المخصصة لي في وين احصلها وكيف أخذها ؟

او كيف احطها في المجموعة ؟

معليش ادري اني لعوزتك بسئلتي بس عذرني اخوي لأني فعلا ماني عارفه شئ :(

تحياتي لك
المسكين
20-04-2005, 09:42 PM
اختي تروحين عند اي وسيط وبالبطاقة الشخصية اقصد الرقم طبعا يعطونج رقم مساهم



واذا بقيتي كشف تروحين الدور الارضي وتعطينهم رقم المساهم او رقم البطاقة الشخصية



وبيعطونج كشف بالاسهم المخصصة لج



انشاء الله اوصلت المعلومة
الجــازي
20-04-2005, 09:46 PM
أخوي المسكين

أنا قلت لك أني رجعت وشريت في الناقلات لما كان السهم 67 من المجموعة وعطوني رقم مساهم .. وسؤالي هل الاسهم الي كتتبت فيها عندهم بعد ؟

وهل لما انقل الاسهم الي بسم الوالده وخواني بسمي هل راح تكون عندهم بعد ؟


اسفة جدا على زعاجك اخوي :(
المسكين
20-04-2005, 09:50 PM
اختي الجازي اللي شريتيهم عن طريق المجموعه هذي تحصلينا بالمجموعه

ولاتقدرين تبيعينهم الا عن طريقهم او تقولين لهم ارفعوهم الى اي وسيط انتي


حابة تتعاملين معاه


لاكن الاسهم اللي اكتتبتي فيهم فهذي تقدرين تبيعينهم عند اي وسيط انتي حابة تتعاملين معاه



الا اذا انتي عرضتي الاسهم من قبل فهذي تحصلينهم عند الوسيط اللي عرضتي عنده


واذا ماعرضتيهم تقدرين تعرضينهم عند اي وسيط مو لازم المجموعه
الجــازي
20-04-2005, 09:54 PM
يعطيك العافية اخوي المسكين

ادري تعبتك معي .. جزاك الله كل خير يارب وعسى الله يوفقك دنيا وآخره
المسكين
20-04-2005, 10:03 PM
الله يسلمج اختي




وحاضر باللي اعرفه واللي ما اعرفه في الاخوان تراهم مايقصرون في ارأهم