لكبار السن +30

[العساس]

يالمختصر.





وين احلى ايام اول بالنسبة للاعياد والرحلات والطلعات والجمعات والاعراس
والمناسبات و و و و و و و و و و و و وو و و و و و و و الخ.

او ايامنا هذي

ارجو من الاعضاء +30الاجابة مع ذكر الاسباب

وياريت صور قديمة حتى نعيش الماضي

بالنسبة لي.
ااااااااااااااااااه الله على ايام الاول
الناس متحابين
وكل شي له طعم
العيد
رمضان
والرحلات



ارجو مناقشة الموضوع بجدية
لما له من فائدة تعود علي في بعض الدراسات الخاصة بي

[R 7 A L]

اعياد الماضي اجميل واحسن بلاشك

واعياد الان مازال فيها الخير بتواصل الناس وصلة الرحم دامها موجود فنحن مازلنا بخير

[طارق العلي]

يالمختصر.





وين احلى ايام اول بالنسبة للاعياد والرحلات والطلعات والجمعات والاعراس
والمناسبات و و و و و و و و و و و و وو و و و و و و و الخ.

او ايامنا هذي

ارجو من الاعضاء +30الاجابة مع ذكر الاسباب

وياريت صور قديمة حتى نعيش الماضي

بالنسبة لي.
ااااااااااااااااااه الله على ايام الاولالناس متحابين
وكل شي له طعم
العيد
رمضان
والرحلات



ارجو مناقشة الموضوع بجدية
لما له من فائدة تعود علي في بعض الدراسات الخاصة بي

سلامتك من الآه..

قبل ما تنزل صدرك أحسها بصدري . . . شلون أخليك وحدك أتصيح الآه لا ما أخليك

لو أدري دمعي يفيد ويشيل همك . . . لأجمع دموع الناس وأبكيها يمك

اكيد ايام اول احلى واجمل من جميع النواحي . . . والكلام بهذا الموضوع يطول شرحه

وحبيت اشارك بصورة تذكرني بتلك الايام الخوالي


عقلة الاصبع


http://i26.tinypic.com/e0lahl.jpg

[الـقـاسـي]

انا اقل من 30 لكن اسمح لي بهالمداخله ..
احنا دايما نقول ايام اول احلى واحلى والحياه قبل احلى ومن هالكلام لكن طبيعه الانسان يحن للشي اللي راح ومايقدر يوصل له صدقني لو ترجع الايام اللي فاتت بتقول اااه يازين اللي قبلها وهكذا ..

عموما هذا مايمنع انه فعلا ايام قبل احلى كنا نحس بفرحة صدق فالعيد ..

وعيدكم مبارك جميعا ..

[ريــــــــان]

ويييييييييين ايام لول

مادري هو اللي تغير ان احنا كبرنا ماقمنا نحس بالعيد
ولا الوقت فعلا تغير

وعيدكم مبارك

[jeep-srt8]

نحن نحب الماضي لانه ذهب ..ولو عاد لكرهناه

[بنت سيف]

اعتقد كل ما كبر الواحد في السن .. يصير تركيزه على مختلف الأمور أكبر ..

وكل ماكان الشخص أصغر .. مسؤولياته واهتماماته تختلف ..

لذلك العيد أسعد للصغار( ياخذون عيدية)

والعيد أيضا حلو للكبار ..( يعطون عيدية)

وكل عام وأنتم بخير ..

بنت سيف

[Mshari]

اول شي عيدكم مبارك وكل عام وانتم بخير


صادق اخوي قبل غير

جمعة الشيبان فالمجالس الصبح والشباب والجهال كلن مستانس


العيد قبل لهم طعم غيرررررررررررررررررررررررررر

سقا الله ذيك الاياام

يجي ثاني او ثالق يوم العيد وحنا عايشينه

الحين العيد الساعه 8 الصبح يخلص

[الماريّة]

اياد اول زينه ومزينها الطبع واهلها الطيبين


واعياد هالوقت حلوة بس الناس تغيرت وتغير طبعهم

صار وقتهم مجمعات كوفي شوبات

[المرحب]

يعطيك العافيه على الموضوع

ولكن أنا راح أجاوب ببيت شعر يقول !


صحيح إن دنيانا لها كل يومٍ حال ===== وكلٍ يقول أحلى زماني هو الماااااضي

وسلامتكم

[السهم السريع]

السلام عليكم ورحمة الله وبركاته
مبارك عيدكم وكل عام وانتو بخير
الله يعوده علينا وعليكم وعلى أمة محمد

طبعاكل وقت مايستحي من وقته
ذيك الايام احنا نحس بطعمها وحلاوتها
لأنا عشنها صج يمكن تكون فيها معاناة وتعب وشقى
والكهربة كل شوي تنقطع والحاله حاله
بس احنا نشوفها حلوة وذكرياتها أحلى طبعا وخصوصا لما تكون فيها شقاوة
وكنا عادي مع الجيران ندخل بيوتهم ويدخلون بيوتنا طبعا لين سن معين ولنا ذكريات معاهم حلوة مع الاولاد والبنات

وايام العيد كنا ما نخلي بيت الا وندخل ونعايد ويازينها من عيديه ربع نص آنه ولا آنتين واللي راهيين يعطونا على ريال وخر عنهم مافوقهم فوق خخخخخ لين قريب الظهر واحنا ندور هلكة موت شمس حاره واحنا عادي والله نمشي مشي مانتعب الا حزة الغدى
وكان الوالد الله يعطيه الصحة والعافية عقب مانخلص من الواجب والسلامات يودينا حديقة المتحف وهناك نشوف أنواع الفن

المشكلة أني ما اعرف احط صور
معليش سامحوني

العرضة
الطنبورة
الهبان

ونستانس ماودنا نرجع البيت
لين قريب المغرب

بووووه تذكرت المغرب
لول من زود الخوف من الوالد اللي فيه خير يأذن المغرب وهو للحين بره البيت
ياويله ياسواد ليله بياكل له كم لشطه بالخيزران أو بالعقال وترها عادي هالسالفة أغلبية الأبهات في ذاك الوقت مايرضون وثاني يوم ننساها ولا كأنه صاير شي .

أما الحين وييين الولد يهيت لين الصبح ومحد يقدر يقوله شي
طبعا مب الكل في عيال عند ويهك يعجبونك والله

وطبعا أحنا الحين في نعمه وخير ورخاء ربي لك الحمد والشكر


وا ويلاه ياخوي
يبيله دحروي ولبن مثلج ومينو مع فلفل

سامحوني طولت عليكم

الله يحفظكم

[Super Cool]

انا من الجيل القديم مع ذلك اشوف ان العيد حالياً افضل و بمرااااااااااااااااااااااااااااحل

لكن على الانسان ان ما يكون مجال تفكيره ضيق و يكرر كل شي مليون مرة

المشكلة ان كثير من الناس تكره شي اسمه التغيير مع انه ظاهرة صحية جداً و تشوفه سيء بينما الواقع يقول ان الانسان يتغير بناء على تجاربه يعني كل التغييرات اللي تحصل تكون مفيدة و مهمة

[ام السعف]

بما اني +65:shy: احب اسجل لحظات الفرح في مرحلة افتقدت براءتها ،،،،
أجمل ما كان يميز العيد واحنا صغار اننا كنا اطفال ،، والميزة هذي بحد ذاتها
من أجمل ما يميز الماضي ،، وهو الواحد ممكن يرد طفل ؟مستحيل ومستحيل ثم مستحيل ،،

ودائما المستحيل يغلفه رغبة نفسية كبيرة في الشوق له والتحدث عنه والعيش به

الطفولة عالم البراءة وسرعة النسيان وفتح صفحات وصفحات من العغو والغفران
بكل سهولة واتقان نعجز عن فعله واحنا كبار مهما بلغ بنا الحلم والعفو والصفح من مكانة
ففي الأخير نتذكر اننا عفونا وصفحنا وغفرنا ، على عكس الطفل الذي
ما إن يغفر او يصفح او يبتسم حتى نجده قد نسى كل شيء حتى الابتسامة
التي انرسمت على وجهه ،،

وحشني عالم الطفولة واقول له
كان يا ما كان ،، كان يا ما كان :shy:

[تحداني]

.. زمان لما كنا إصغار كانت فرحه العيد تقتصر على الملابس الجديده .. وكم حصلنا من عيادي .. والإدواره بين بيت لين بيت .. ومن يحصل أكثر .. ومن يقدر يشتري اللعبه الي يتمناها ..

كبرنه اشوي .. تغيرت الفرحه وشكل الفرح .. من الإدواره .. الى القعده في البيت وترتيبه
وتجهيز كل ما يتعلق بالعيد للضيوف .. ومساعده الوالده .. حتى لو كانت مساعده مليئه بالأخطاء
وتقتصر على استلام كم كبير من التعليمات ..


كبرنه اشوي بعد .. واليوم صحيح اني اقل من الــ +30 .. لكن اشوف الفرح بعيون الأطفال
وفرحي يتبروز في فرح من حولي لأن بإمكاني زرعه إما بالعيادي أو الهدايا للأطفال
وبالنسبه للكبار بزيارتهم ..


ما اعرف .. مثل ما قالت أختي بنت سيف
ما يختلف العيد .. ولكن شكل الاحساس بالعيد يختلف مع تقدم العمر
وتكبر معانه الاهتمامات.. والمسؤوليات .. بدل ما نشعر فيه
علينه ان نوصله للغير



جملك الله برضى الرحمن

[فيزيائية]

حلوة ايام اول...
بس هالايام بعد حلوةلأن فيها اشيا ماتذوقناها واحنا صغااار...
وبالنسبة للتجمعات هو على الناس ...واطباعهم...والناس الحلوة موجودة في كل زمااان ...
عالعموم سواء اول او الحين
الاستمتاع والفرحة ولذة الدنيا بيدنا احنا فقط...
بفرحتنا بمناسباتنا واقتناص اللحظات الحلوة والتواصل مح حبايبنا...

[missperfect]

زمان أول تحـــول


أيامنا كنا نستمتع بحلقات جريندايزر و دايزر و كوجي و هيتارو و الحين عيالنا قاموا يتابعون بوكيمون


أيامنا شحلاتها بالقهوة العربية و الحين عيالنا صاروا عيال موكا



آباءنا و أجدادنا كانوا يستمتعون بنامليت بوتيله و الحين عيالنا صارو عيال ماونتن ديو!!



أيامنا لي قالوا مسوين مجبوس يصير كفخ على الاكل

والحين صاروا عيالنا عيال لازانيا و شوكة "أبي اللي يتفلسفون و ياكلون العيش بالشوكه شلووون ياكلون !!!"

ويبطون جبدك يقولون ما نعرف مادري أمه أنجلينا جولي و أبوه براد بيت!!


أيامنا إنتدازز على الارنب الجائع و منو يخاذ أشرطة مصارعين و إنتبادلهم بالمدرسة و الحين عيالنا صاروا عيال ماكدونالدز و ماك رويال مع مايونيز



قبل شحلات يمعتنا على الحليب مع زعفران أو شاي مخدر مزاج و الحين عيالنا كل واحد حاط له ماي وغوري كهربا!!





أيامنا نلصق بأهالينا و أجدادنا و نقعد يمهم نسمع معاهم رادو "مو راديو لا رادو" و شحلات أغانيه و أخبار مونتكارلو و الحين عيالنا صارو عيال آيبود



قبل إنترزز يم أهالينا واهمه قاعدين بالحوش كل واحد فيهم مجابل اللاسلكي "القدو" و ياكلون حب شمسي و القشر يتطشر من حلجهم و أهمه يسولفون والحين عيالنا مرتزين بالقهاوي كل واحد عمره ١٠ و ١٢ سنه و ماسك له هوز شيشة



قبل ننطر يوم الخميس و اليمعه يحطون لنا فلم هندي إنتيمع جدامه و كل واحد ماسك بايده العدة "بطاط و دقوس بوديج " و الحين عيالنا كل يومين رايحين السينما و بيدهم ناتشوز و بوب كورن الله يرحم أيامنا جدر فيه زيت و ذرة يابسة و ناكل نفيش محروق شحلاته

الله يرحم ذيج الأيام ،، هييي ضربتني عالوتر الحساس

أهم شي إلي مكبره بعمرها ،،،

بس كانت غير القلوب متقاربه من بعضها أكثر من ألحين الكل لاهي :(

[ابو علاوي]

باجر عيد و نعيّد و نذبح بقرة سعيّد

هذه الأهزوجة الريفية كنا نرددها قبل العيد بيومين تقريبا
لنستقبل بها العيد وأيذانا باقتراب يوم العيد

عندما كنا صغاراً .. كان للعيد لون ورائحة وطعم
كنا نشم عبق العيد
ونتلذذ .. بطعم الحلوى
ونحن نجمعها و نتسابق
بين طرقات قريتنا الصغيرة
وأهزوجة العيد وصوت التكبير في الجوامع يملأ المكان
استيقظ باكرا لألبس ملابس العيد وأركض مع اخوتي واصدقائي لنزعج بأصوات اقدامنا الصغيرة سكون الطرقات
نطوف البيوت والشوارع والحارات وكنا نعرف مسبقا عن حلويات وعيدية كل بيت بحكم تجاربنا السابقة في اعياد سابقة
فمثلا الحاجة حليمة كانت تشتكي دائما من كثرة مايسببه الاطفال لها من اذى في البيت
وبيت اخر كلبهم _اعزكم الله- باسط ذارعيه على باب الحوش فكنا نتفادى المرور من الشارع بأكمله
أما بيت ابوتركي جارنا العزيز فكان سخيا كريما يقدم لنا مالذ وطاب
ويستقبلنا الاقارب والجيران _ من اعمام واخوال واقارب_ ليدسو في جيوبنا العيدية مع قبلة على الخد من العمة والخالة والجدة
كانت الفرحة تملأ قلوبنا الصغيرة مع اقتراب فجر العيد

وكبرنا وبدأت فرحة العيد تتلاشى شيئا فشيئا في قلوبنا التي كبرت
وكبر معها الهم والمسؤولية
وكبرنا وافترقنا وارتحلنا ولم يبق من العيد الا ذكريات جميلة

عيدكم مبارك

[بنت شيوخ]

لووووول غير في فرحه

الحين حتى الفرحه مفقوده كنا نفرح بالعيد الحين العيد يوم عادي لاغير

[PRINCESS]

سلامتك من الآه..

قبل ما تنزل صدرك أحسها بصدري . . . شلون أخليك وحدك أتصيح الآه لا ما أخليك

لو أدري دمعي يفيد ويشيل همك . . . لأجمع دموع الناس وأبكيها يمك

اكيد ايام اول احلى واجمل من جميع النواحي . . . والكلام بهذا الموضوع يطول شرحه

وحبيت اشارك بصورة تذكرني بتلك الايام الخوالي


عقلة الاصبع


http://i26.tinypic.com/e0lahl.jpg

أوووي خوخه:app::app::app:

يامحلاها هذيج الايام
حتى الرسوم المتحركه بوقتنا كانت غير شكل:shy:

هسه ال يريد يعايد يعايد بمسج
لو بالزايد بمكالمه مدتها دقيقتين
كنت اتخيل
اني انا الوحيده التفتقد هذا الموضوع
طلعت حاله عامه:(

[خطوة]

اكيد كان للعيد طعم مختلف في نفسي وكنت افرح بالفستان الجديد وجمع العيديه

بس الحين احلى واحلى اشوفه بعيون عيالي اشوف فرحتهم وافرح معهم

افرح لاشفتهم يتحدون بعض كم جمعنا عيدية

وافرح لازعجوني باصرارهم على الذهاب للسوق لصرف العيدية

افرح وانا اجهز ملابسهم ليله العيد واحلى ماجهز الغتره والعقال

لما نكبر يتحول كل طموحنا وفرحنا واملنا ويصير مرتبط بعيالنا

الله لايغير علينا العيد ويعيده علينا واياكم سنين طويله في طاعه الله ورضاه

[Breakaway]

طلعاااااااااااااااات البر و الربيع و المطر و غدران الماء(الخباري)، كان البر غير شكل

[شيط ويط]

عنوان موضوعك ذكرني بيوم ميلادي اليوم .. كبرنا يابوووووك

[qatari 111]

هيييييييييييي هييي

اطلعت اغبره من حلجي

والله انها ايام ولا احلى منها العيد الاول في احساس وشعور بأنه عيد اولا الفرجان غيير والدكاكين كانت في وسط الفرجان بين البيوت وغير القلوب الطيبه كلهم نفس الشي محد نافخ نفسه وأتذكر لين كنا نروح منتزة العائلات ونلعب بالالعاب والزيارات وما كنا نعرف شي اسمه ملل والحين عيالنا يقلون ملل مع ان كل شي متوفر عندهم بس المساكين فااااقدين الحس بالعيد والفرحه ما يحسون فيها مثل ايامنا احنا

الا ليت الزمان يعود يوما

[QtrGate]

أنا اصغر من ٣٠ بشوي

لأكن من ٢٠ سنه لين الحين ماتغير

كل عمامي وعيالهم وربعهم الفاضين نتمشى من اقرب بيت للمسجد لين نهاية البيوت القريبة

واليوم الثاني نروح بيت خوالي وعيال العم

واليوم الثالث اخر يوم تكون رحله للمزرعة يعني بأجر

ماتغير العيد لأكن الناس تغيرت

وخصوصاً هذه السنه ربع القطرين مسافرين *

[مخطط قطري]

الله يسامحك يالعساس الحين 30 صار كبار سن
يومني صغير اقول متى اوصل 30 والحين اقول يليتني ارجع 20