ياهل الجموس استشارة لو تكرمتوا

[وكر الذيب]

السلام عليكم ورحمة الله
ياشباب اللي عندة الخبرة يفيدني انا ناوي اشتري جمس غمارة وحدة وحصلت لي واحد موديل 2008 وقالوا لي الربع ان 2010 نزل ب 6 قير و 2008 4 قير وانا بغيت اعرف فية فرق بين الموترين في الاستخدام وهل 2008 فية مشاكل او غير مرغوب عند البيع خصوصا باني اول مرة اخذ امريكي
في حياتي ويعطيكم العافية ان شاء الله *

[وكر الذيب]

واذا حد حوله موتر للبيع نظيف يقولي

[البيت بيتك]

في شركه المناعي عرض علي ٦سلندر حلو وأما بخصوص الخربات لاتوجد وانا مجرب ٧ سنوات

[غـريب الدار 911]

يالغالي الـ 2008 و 2009 اربع قيور و الـ 2010 ست قيور

فأذا أنت راعي سباق بيكون الجديد احسن لك

لكن كلهم نفس الشيء

و انا عندي جمس غماره اذا بغيت مواصفاته راسلني ع الخاص

[وكر الذيب]

ياجماعة الخير يعني شتنصحوني فية اخذ ٢٠٠٩ والا ٢٠١٠ احسن المقصد انه يفرق في السواقة والا نفس الشي

[=المريخي=]

لا نفس الشي في السواقه ماتفرق وفي البيعه معروف سعر الامريكي ينزل وانا انصحك خذ الشفر السلفرادو احلى من الجمس وانت وذوقك في الاخير

[الزجاجي]

اذا ما خانتني الذاكره قيره 4l60e وهذا العن جير اصنعته شركه GM ووايد تحصله في الكورفت والكمارو وغيرها

اذا كـ استخدام عجيب .. لكن اذا انت راعي مداعس وسباقات بيكون الوعد في الصناعيه :)

[فقط قطر]

انا عندي جمس موديل 2008 ،،، 3500 غمارة....والقير 6 تبديلات اخوي

[qatari 111]

انا جربت ال 2008 وال 2009 ال 2008 وتحت 4 تبديلات وما عليه كلام ال 2009 وفوق 6 تبديلات
والصراحه لازم تعطيه ريس شوي علشان يفز عند الدوارات اذا كنت واقف وتبي تطلع بسرعه لانه يبدل بسرعه ويريح على المكينه وتحصل وانت ماشي 100 الضغط يوصل 1 ونص تقريبا يعني فالسفرات يعجبك

ونصيييحه خذ لك سلفرادو لان فيه ميزة تقدر تتحكم في الهوا الخارجي اما الجمس ما تقدر تتحكم فالهوا الخارجي الا اذا شغلت المكيف فهذا عيب الجمس راح يلعوزك بريحة الكربون وبعد فالهوا البارد وقت الشتاء وبعد سعر لسلفرادو ارخص من الجمس السييرا

وانت لك حرية الاختيااار

[simota uae]

لا شفر ولا جمس ولا فورد ولا دوج
خذ تندرا ابركلك مثل ما قال قطر 111 الجمس والشفر وكل الامريكي بشكل عام يدخل كربون وبلاوي الشارع كأنك اسوق سياره شتري
وبعدين اعطال الامريكي حدث ولا حرج
وسعره دااااااااااااااااااااااااااااااااون ما يستاهل
اسأل مجرب ولا تسأل طبيب
التندرا احلى وافخم وارزز وما فيه خرابيط gm
نصيحه لله لا تفكر فالامريكي

[وكر الذيب]

يعطيكم العافية وماقصرتوا