ابي مشورتكم بخصوص تحزيم المعدة

[ام وليد]

اختي ناوية اتسوي تحزيم المعدة في مستشفى حمد ونبي مشورتكم وين اتروح عشان تاخذ موعد ؟ وماهي تجاربكم ارجوكم لاتبخلو علينا بنصائحكم

[KHALiDiSH]

كل عام وانتي بخير

والله يسهل على اختك ويهون عليها وينولها الي تبيه

انا عملتها في مستشفى حمد على ايام الدكتور عبد العظيم

والحين الدكتور موجود في مستشفى الاهلي

العملية سهله ويمكن نفس اليوم او بكره تطلع من المستشفى

بس الاجراءات كانت
تطلبين موعد مع الدكتور في العيادات الخارجية

وهو يقيس اذا الحاله تستوجب عملية ولا لاء

وبعدها يحدد موعد للعملية

قبل العملية راح تعمل اشعه للجسم وفحص كامل

وبس


نصيحه* تعملها عند الدكتور عبد العظيم
دكتور ما شاء الله عليه

وشهادتي فيه مجروحه

وفي ناس تسويها في العمادي

وان شاء الله اكون افدتج في الموضوع

[أوركيدهـْ ~]

هلا بك اختي ام وليد

العمليه هذي يسوونها لاوزان معينه وانصحك بـِ د. عبدالعظيم وايد شاطر

وتقدرين تاخذين لـ إختك موعد بالمستشفى الاهلي ..

اتمنى افدتك ..

[ام وليد]

كل عام وانتي بخير

والله يسهل على اختك ويهون عليها وينولها الي تبيه

انا عملتها في مستشفى حمد على ايام الدكتور عبد العظيم

والحين الدكتور موجود في مستشفى الاهلي

العملية سهله ويمكن نفس اليوم او بكره تطلع من المستشفى

بس الاجراءات كانت
تطلبين موعد مع الدكتور في العيادات الخارجية

وهو يقيس اذا الحاله تستوجب عملية ولا لاء

وبعدها يحدد موعد للعملية

قبل العملية راح تعمل اشعه للجسم وفحص كامل

وبس


نصيحه* تعملها عند الدكتور عبد العظيم
دكتور ما شاء الله عليه

وشهادتي فيه مجروحه

وفي ناس تسويها في العمادي

وان شاء الله اكون افدتج في الموضوع

يعطيك العافية ماقصرت والله .. الله يجزيك كل خير

[ام وليد]

هلا بك اختي ام وليد

العمليه هذي يسوونها لاوزان معينه وانصحك بـِ د. عبدالعظيم وايد شاطر

وتقدرين تاخذين لـ إختك موعد بالمستشفى الاهلي ..

اتمنى افدتك ..

يعطيك ِ العافيه على النصيحة .. ان شا الله بعد العيد بسأل الدكتور عبدالعظيم .. مشكورة على الرد

[فيزيائية]

الله يشفي الجميع

اهم شي صلاة الاستخارة

[الـقـاسـي]

بالتوفيق ان شاء الله .. لكن العمليه هذي لها اوزان معينه اتوقع لازم يكون زايد عن الوزن الطبيعي اقل شي 35 كيلو ..
عندي واحد من الشباب سواها عند عبدالعظيم في مستشفى حمد طبعا هالدكتور شهادتنا فيه مجروحه لكن هذا مايمنع ان فيه اطباء في مستشفى حمد ممتازين بعد خصوصا اللي كانوا في قروب عبدالعظيم في واحد يمكن اسمه هشام طلعت او شي كذا انا ماعرف الدكاتره لكن قاعد احاول اتذكر اللي قالوا لي عنه يمدحونه هالدكتور وفي ناس مسوين عنده ..

ونصيحة سويها في مستشفى حمد

[ابو علاوي]

اعرف صديقي سواها بمشفى العمادي تكلف حوالي 25 الف ريال
في البداية يخسر الواحد كل شهر حوالي 15 كيلو لين يوصل لل100كغ يقوم بعدها يخسر وزنه بصعوبة وبالشهر مايتعدى 4-5 كغ
لكن يبيله الواحد عناية خاصة في اختيار نوع الغذاء بسبب صغر المعدة
بالتوفيق

[khaleeji]

انصحك تاكدي الاول من الفحص انه ماعندك اي مشاكل صحيه لان العمليه ماتصلح للي عندهم بعض الامراض

وثانيا سوي معاه رياضه واول ماينزل وزنك شلي الربط لان ممكن تبني عليه المعده اذا طول ويسبب الم شديد

وبالتوفيق

[deema117]

هلا أختي .. استشيري دكتور عبدالعظيم فالبداية بس على فكرة مرة كنت رايحة له وقالي سوي العميلة مع أن وزني مب كبير وايد بس لأني قلت له أني من النوع اللي أسوي ريجيم وأنزل من وزني وأول ما اتركه يرجع الوزن على طووول ’’ فموضوع العملية أمر جداً عادي عنده كونه جراح ,, ..
بس آنا واايد أقرأ أن اللي سوى العملية ندم أنه سواها وأنها عملية فاشلة :secret: وأن الوزن يرجع .. في نوع ثاني من العمليات اسمه ( التحوير أو التكميم ) أفضل بواايد من ربط المعدة ونتائجها سريعة في النزول ومضمونة ( للي أوزانهم 120 وفوق ) أقري تجارب اللي سووها في منتدى الدكتور سلطان التمياط ..

وسلامتها

:)

[غــ قطر ــلا]

اسال الله العظيم رب العرش العظيم ان يسهل لج ويشفيج وتوصلين الى الوزن المثالي وانتي بصحة وعافية


بصراحه اختي انا سويت عملية ربط المعدة أو التحزيم سنة 2008 عند الدكتور هجران بمستشفى حمد ماشاء الله عليه دكتور شاطر ومن عقبي ثلاث أعرفهم سوو عنده عملية ربط معدة

وخلال ست شهور نزلت 55 كيلوا ولكن للأسف بدى يرجع وزني شوي شوي بس مب من العملية لا هو إهمال مني لأني في البداية كنت مشتطه و عقب تكيسلت وطبعاً هالنوع من العمليات تعتمد إعتماد كلي وبنسبة 90 % على المريض نفسه إذا التزم بدايت معين ينزل وإذا لا طبعاً ماينزل لأن بعد مع الحلقة بتقدرين تاكلين
و الحين يوم رجعت حق الريجيم نزل وزني والحمد لله

وأنا هالأيام وايد أعاني من الحلقة وإن شاء الله قريب با أشيلها لأن وجودها وعدم وجودها واحد ...

هاي تجربتي مع ربط المعدة وأي عملية ثانية غير ربط المعدة لاتفكرين وخصوصاً السليف لأن لها مضاعفات وايد وبنفسي شايفتها على ناس أعرفهم وتوفوا رحمة الله عليهم ..

[نورالهدى]

مستشفى حمد اتسوي سليف وتحوير
والربط فاشل بكل المقاييس
على العموم
انا ارسلتلك رسالة على الخاص وانتي مارديتي
بس نصيحه لو الوزن زايد بحدود 30 او 35 كيلو
سوي دايت ورياضه ولاتفكروا بالعمليات

نصيحه للمرة الاخيره الوزن لو مب كبير دايت وبس
تروح نيوترشن

[فتى الجود]

والله ياخوى اذا يقدر خله يسوى تحويل فقط
ولايسوى ربط او بالون ترى مافيه فايده

[القيادة]

اختي ناوية اتسوي تحزيم المعدة في مستشفى حمد ونبي مشورتكم وين اتروح عشان تاخذ موعد ؟ وماهي تجاربكم ارجوكم لاتبخلو علينا بنصائحكم


ماتشوف شر أختج
انا الى فهمته من سؤالج انها بدينه
بس ليش تلجاء للعملية ليش ماتجرب الرجيم

[فرقاك عيد]

رجيم ورياضه وبس وتبتعد عن العملياااااات ماوراها الا المرض والتعب والـــــــــــ


متينه وبخير ولا ربط معده او تخريم وغيره ووراها مصايب

ياما ناس سووو عمليات لربط وغيره وبعد كم سنه يرجعون اضعاف مرتين

[R 7 A L]

الله يسهل عليها

[Toomy]

الحمد لله يا رب على الصحة والله لو أصير درام ما سويتها .وايد خطرة وراحوا فيها ناس وايد ,خل تجرب الريجيم مع أخصائي و المشي - ترى المشي وايد زين - وتخلي عنها التفكير في العملية والله أشوفهم يتعذبون مع الأكل و كل شي ياكلونه يرجعونه الله يعزكم و الويه يصير شاحب و مترهل ,مايسوى عليهم

[qzero555]

بالتوفيق اختي

[ام وليد]

مشكوريين ياجماعه على الاهتمام والردود وان شاء الله راح تستخير واتشوف الانسب لها .. رغم ان جسمها اوكي مش قبيح بس بدت امراض السمنه تبين عليها مثل الام الركبة وغيرها فهي خايفة من الضغط والسكر مع انه عمرها مو اكبير بس تدرون السمنة مشاكلها اكثيرة فهي تبي تلحق على عمرها

يعطيكم العافية ماقصرتوا والله .. .

[نمـر]

أنا سويتها وصادتني إلتهابات ومضاعفات وبعدها سويت أربع عمليات لين شليتها ولا إستفدت منها شي الله هم يوم سويتها إستمريت على الرجيم إلي عطوني إياه بدون ماظيقها حتى الدكتوره تقولي ما يحتاج تظيقها مدام مستمر على الرجيم ونزل وزني أنصحج خلي إختج تروح الدكتوره عائشه صقر عند العمادي وتابع معاها وإن شاء الله بتنزل لا تستهينين بالعمليه والله إني في الأخير خفت من الإلتهابا ومن كثر مايعطوني مضادات في الوريد وحبوب خف يصيبني شي وشليتها وغير الخساير

اول ماسويتها بعدها بسبوعين صادني إلتهاب ألم غير طبيعي رحت للدكتور وعلى طول غرفه العمليات طلع الجهاز نظفه ورده مره ثانيه وبعدها كمن شهر إلتهب الجزء الي فوق ومضادات ولا فيه فايده وعمليه أزال الجزء العلوي ولين تتحسن لوضاع وإذا إحتجتله بيرده وبعدها بشهر إلتهب الجزء السفلي وعندك مضادات وعلى غرفه العمليات قلته شيله وفكني أبي السلامه *

[KABOOM]

اختي ماعليكم من حد
اللي رجله في الماي مب مثل اللي رجله في النار

بس نصيحه عملية الربط فاشه... في عمليتين ثانين .. الاولى التحويل ونتايجها افضل نتايج لكنها اصعب من غيرها
وفي التكميم "السليف" ونتايجها زينه بس اقصل من التحويل .. لكن مضاعفاتها اقل حسب ماقريت

بالنسبه اللي يقول ان مستشفى حمد يسوون العمليات ياليت لو حد يعلمنا وين نروح
ومن الدكاتره الزينين ..
وشكرا