~ بابا مريضْ / ماما فيه موتْ ~

[أوركيدهـْ ~]

كل عام وإنتم بخير وعساكم من عواده

ماتلاحظون معاي إنه الشغالات اول من يوصلون يشتغلون 3 اشهر فترة ضمان

المكتب ومن بعدها باسبوع او إثنين يشردون من غير سبب

او يقعدون يصيحون :weeping: بحجة بابا مريض او ماما في موت

ويالله اقطع لها تذكره وتوعدك ترد وبعد ماتركب الطياره مش بوزك اذا ردت !!

.. /

انا سمعت انه المكاتب يقولون للشغالات اشتغلو ثلاث شهور

بعدها إشردو او مثلو عليهم إنه امكم او ابوكم تعبانين .. الخ

ندفع للمكتب فوق الـ 7000 وبعد ثلاث شهور او اربعه

ياإنها تشرد او تصيح ماما فيه موت

أين حقوق الكفيل ؟ :anger1:

يعني يدفع للمكتب وبعدين تذكره للشغاله وبهالطريقه

يروح يدفع مره ثانية نفس المبلغ علشان يطلب شغاله ثانيه وهذا هو شغله

خساير بخساير !!

ياريت يلقون لنا حل مع مكاتب الخدم

[خليفـة]

ههههههههه
اعجبني العنوان وايد
:nice:

ذكرني بالمقاول الي يبني لي

كل ما اقول له على ملاحظة يقول لي :
كاليفا .. انتا ما فيه فِكِر

ههههههههه
:nice:

[الـقـاسـي]

والله الحل الوحيد انه يكون استقدام العماله عن طريقة جهة حكوميه تعمل بنفس نظام مكاتب الاستقدام حاليا ..

يجي اللي يبي خدامه او سواق او طباخ عند هالجهة وتكون وياه الفيزة واهما يخلصونه سواء كانوا عمال موجودين حاليا او يستقدمون له من الخارج وبهالطريقة بتقل التكلفة وبيكون في انظباط ومصداقية ومافي مجال للتلاعب

[صوت الضمير]

انا اخاف يجي اليوم اللي قال عنه غانم السليطي

الله يكفينا من شرهم

[العـوا]

الموضوع بداء فعلا كظاهر تستحق المناقشه

[KABOOM]

زين ابي اعرف الخدم
ايش يستفيدون ؟
الـ 7000
كلها تطير على التذكره والاوراق والمستدنات للاستقدام
وشي منها يروح للمكتب يمكن يصفا للمكتب منها 3 الاف تقريبا
كـ ربح

يعني هي لو بتاخذ بتاخذ معاش شهر واحد ؟!

[جوال 11]

كل عام وإنتم بخير

أين حقوق الكفيل ؟ :anger1:

يعني يدفع للمكتب وبعدين تذكره للشغاله وبهالطريقه

يروح يدفع مره ثانية نفس المبلغ علشان يطلب شغاله ثانيه وهذا هو شغله

خساير بخساير !!

ياريت يلقون لنا حل مع مكاتب الخدم

هم يفكرون في حقوق المكفول وبس والكفيل محد يسأل عنه الله المستعان

[qzero555]

حسبي الله ونعم الوكيل في مكاتب الخدم

[BigBrother]

بسم الله الرحمن الرحيم

مكاتب جلب الخدم تاخذ رسوم مقابل ماذا؟
انت عليك احضار الفيزا ودفع الرسوم والمتابعة والتدريب والتاهيل
وبعد ذلك اما يرحل الخادم او يهرب
في اعتقادي الحل:
ان يتم اصدار عدد من الفيز للمكاتب مقابل ضمانات مالية
يقوم المكتب باستقدام عدد من الخادمات والسائقين وخلافه من مهن تحددها لجنة مختصة حسب حاجة السوق
يقوم المواطن او المقيم باستئجار خدمات هذا العامل او الخادمة من المكتب مباشرة باجر شهري متفق عليه حسب عقد.
بذلك لا يلتزم المواطن بتذاكر سفر او غرامات او اقامات او خلافه
ويتحمل المكتب ذلك مقابل رسوم شهرية اضافية على الراتب

واذا هرب الخادم او قرر عدم الاستمرار في العمل يلتزم المكتب باستبداله فورا دون ادنى مسؤولية على المواطن

وتنتهي هذه المعاناة

[mooona]

السلام عليكم ......
هذا منقول من احد المنتديات من تجربة شخصية



نصيحة لوجه الله وليس ليى اى مصلحة في نشر هذا الخبر ولكن عن تجربة شخصية .

الرجاء عدم التعامل مع مكاتب الخدم الى في سوق العلي لأنهم كلهم نصابين

صج يجبون الخدم في الوقت المحدد ويجي الكفيل ويستلم خادمته وهو مبسوط

بس في الأخر يكون في اتفاق بين الخادمه ومكتب الخدم يعني يدفع المكتب للخادامة الى بتجي مبلغ وهي

في بلادها عشان يشجعها على الجية ويفهمها تشتغل ثلاث شهور وبعدين ترفض العمل عند الكفيل ويطر الكفيل يسفرها على أحسابه

وتنتهي فترة الضمان وراعي المكتب يستفيد من المبلغ المدفوع للخدامه ويمشي سوقه ويجيب الثانية والثالثة وبنفس الطريقة

بس عشان يستفيد ويمشي شغله وطبعا الكفيل قطري في طقاق راح يدفع يدفع بحسب القانون يعني هذه المكاتب ما عندها ضمير في العمل

وأنا إلى كشفلي الموضوع مواظف سابق اتهاوش مع راعي المحل بسبب التقاسم في مرح خادمة مسترجعة .وأحذركم من الخدمات المسترجعات
هم بس يقزرون فترة ثلاث الشهور .

نصحية هامة : في خادمة امرجعة لدى مكتب الديار لجلب الأيدي العاملة اندونسية لا حد يأخذها عندها مشكلة أخلاقية وراعي المكتب يبي يصرفها بأي طريقة عشان يفتك من التذكرة ويستفيد منها .اتقول هي أنا أبي اشتغل وأدور على كفيل جيد لا اتصدقونها هي متفقه مع راعي المحل بس تقضي الفترة وتسافر . وهي مب مال شغل ولا تعرف عربي وجاية تتسلى وراعي المكتب همه يزينها ويستفيد من وراها .

وإذا سألتو راعي المكتب عن مشكلنها راح يقول لكم انها زالقة في الحمام اعزكم الله واتعورت والكفيل ما صبر عليها.

جربو واتصلو وبتصدقون صحة كلامي .( مكتب الديار لجلب الأيدي العاملة بقرب محطة بترول لاندمارك ) .

ملاحظات هامة :
1- يمنع التعامل مع مكاتب خدم سوق العلي لعدم صراحتهم في التعامل .

2- الى حاب يجيب خادمة جيدة تكون من الجنسية الفلبنية وتكون مش متزوجه ولا عندها اولاد ولا راحت الخليج وصغيرة في السن
لأن الصغيرة في السن إلى مش متزوجه تبي اتكون لها مستقبل وتتزوج وتشتري بيت يعني حابه الشغل عشان مستقبها .
3- يمنع استلام الخادمة المسترجعة على المكتب لان لو فيها خير ما عافها الطير .


الرجاء النشر لتعم الفائدة لجميع القطريين .......بوخالد



تعليقي : الخادمات الفلبينيات يقولون لبعض لاتروحون اي دولة خليجيه قوانينهم صارمة للخدم روحوا قطر اشتغلوا شهر واشردوا والكفيل يدفع التذكرة حتى بعد عشر سنين حتي الفلبينيات استغلونا مابقى حدمالعب علينا حسبنا الله ونعم الوكيل

[meme~qatar]

صارت وايد وعانينا

لا والدريول اذا يبي يسافر يقول اختي في عروسة انا لازم يروح


طيب عادي خلها تتزوج المشكله يقعد 6 شهور يادوب يرجع

[simsim1963]

شوف هذي يمكن لعبه من أصحاب المكاتب لأنهم هم المستفيد الوحيد كل خدامه سبعه الاف ريال بطلع للمكتب صافي 3000 ريال طيب . حركه بابا تعبان ماما تعبانه ابي اسافر يستفيد منها جميع المكاتب لأن بهذي الطريقه بتدور عليهم 3000 ريال بشكل اكثر يعني بدل ما ييب 10 خدامات بالشهر بييب 20 خدامه وعليكم الحساب والخسارة على المواطن طيب حمايه المستهلك ؟؟؟؟

[أوركيدهـْ ~]

ذكرني بالمقاول الي يبني لي

كل ما اقول له على ملاحظة يقول لي :
كاليفا .. انتا ما فيه فِكِر

إلا صحيح وين إنتا فِكِر ؟ :omen2:

....



والله الحل الوحيد انه يكون استقدام العماله عن طريقة جهة حكوميه تعمل بنفس نظام مكاتب الاستقدام حاليا ..يجي اللي يبي خدامه او سواق او طباخ عند هالجهة وتكون وياه الفيزة واهما يخلصونه سواء كانوا عمال موجودين حاليا او يستقدمون له من الخارج وبهالطريقة بتقل التكلفة وبيكون في انظباط ومصداقية ومافي مجال للتلاعب

رأي صائب وسليم وأتفق معاك أخوي القاسي ..

....


انا اخاف يجي اليوم اللي قال عنه غانم السليطي

الله يكفينا من شرهم

آمين يارب .. لكن حنا بزمن محتاجين للخدم ..

وخاصة للتنظيف والغسيل .. ولاتنسى بيوت الحين مو مثل بيوت الأول

يحتاج إهتمام ومتابعه في ظروف عمل الزوجة


....



الموضوع بداء فعلا كظاهر تستحق المناقشه

ومن اللي يسمعك أخوي .. هي ظاهرة تستحق ان توضع تحت المجهر

وإيجاد حلول للحد من ظاهرة تلاعب مكاتب الخدم ..


....



زين ابي اعرف الخدم ايش يستفيدون ؟
الـ 7000 كلها تطير على التذكره والاوراق والمستدنات للاستقدام
وشي منها يروح للمكتب يمكن يصفا للمكتب منها 3 الاف تقريبا
كـ ربح
يعني هي لو بتاخذ بتاخذ معاش شهر واحد ؟!

أكيد مستفيده إلا ماشردت إو أصرت ع السفر

وإحتمال المكتب يعطيها نسبه !


....



هم يفكرون في حقوق المكفول وبس والكفيل محد يسأل عنه الله المستعان

لازم يوجدون حل للحفاظ على حقوق الكفيل .. ويوقفون ألاعيب المكاتب والخدم


....


حسبي الله ونعم الوكيل في مكاتب الخدم

إيه والله صدقت .. والسؤال لين متى هالمكاتب في تلاعب مع الناس ؟

[أوركيدهـْ ~]

واذا هرب الخادم او قرر عدم الاستمرار في العمل يلتزم المكتب باستبداله فورا
دون ادنى مسؤولية على المواطن وتنتهي هذه المعاناة

شكرا أخوي على ردك العقلانيّ الذي أطلق

عنان فكري إلى حلم المستحيل :weeping:

....




الرجاء عدم التعامل مع مكاتب الخدم الى في سوق العلي لأنهم كلهم نصابين

:nice: أتفق معاك .. 100% ..

....



صارت وايد وعانينا

ومن يحس بـِ معاناتنا ..؟؟ :weeping:

....


شوف هذي يمكن لعبه من أصحاب المكاتب لأنهم هم المستفيد الوحيد

مايبغالها يمكن .. لكن نبغا حل لهالظاهره !!

وياريت تكون المكاتب مراقبه ويكون فيه قوانين لحماية حقوق الكفيل


....


يسلمووووووووووووو

يسلمك أخوي :)

[الأصيلة]

ملاحظات هامة :
1- يمنع التعامل مع مكاتب خدم سوق العلي لعدم صراحتهم في التعامل .
لاتظلمين بختج يا mooona
بالعكس أنا أحسن خدامة عندي جايبتها من مكتب بسوق العلي...
المفروض بدون ذكر أسماء...
وهذا حرام قطع ارزاق وإساءة لسمعة المكاتب...