ظاهرة غريبة ............. بدت تنتشر بكثرة

[" روح قطر "]

يا أخواني ظاهرة غريبة جدااااااااااااااااااااا

قامت تنتشر بكثرة في الاسواق

وهذى ثالث مرة أشوفها

يجيك هندى معلق له كيس في بطنة وكلة الله يعزكم دم

منظر مقرف يجى للحريم ويرفع طرف قميصة يوريهم الكيس المعلق

ويقعد يشكى أنة مريض ومسوي عملية أول مرة كنت رايحة لسوق الجبر من شهرين وبنتى معاى

وقفنا الهندى ويوم شافت بنتى الكيس أنصرعت من الخوف وخافت

الهندى شرررررد من رده فعل البنت وصياحها

والمره الثانية عند مجمع اللؤلؤ شافني ألتفت ادور شرطي شررررررررررررد

وهالمرة في شارع مشيرب عند محلات الكهرباء من كم يوم موقف مرة ويعرض كيس النصب والأحتيال

والهنود يطلعون بوقت مافية لاشرطة ولا دوريات يعني محد حولى يصيده

ولا بعد ما يرحون الا للحريم

يبيلهم شرطة يتنكرون بزى حريمي ويتصيدون لهم

[صوت الضمير]

شفته من فتره يمكن قبل سنه

في سوق العسيري عند الباب

يكثر المتسوولون عند منطقة الاسواق حزة العيد وحزة رمضان

نتمنى من الشرطة وقفه صارمة بهالموضوع

[فرقاك عيد]

يبيلهم شرطة يتنكرون بزى حريمي ويتصيدون لهم


شرطه :secret:
قصدك شرطيات ممكن اما رجال ويتنكر بتنقلب السالفه عليهم
ياكثر هالاشكال ويبيلهم وقفه صارمه من الشرطه والناس للحد من هالظاهره المقرفه

[باسكن روبنز]

والله مايحتاي شرطه ولا تنكر ،

آقرب شنب يتله من رقبته ويطلب له دوريه وآنتهى الموضوع ،:)

لو كل واحد يعرف يتصرف في مثل هالمواقف مع هالعقول المريضه والله ماراح نشوفهم مره ثانيه ،

[سكرمر]

اخوي اذا شفته مره ثانيه ... اسحب الكيس اللى معلق فى رقبته


هذولا نصابين


صار لنا نفس الموضوع بس كنا فى مسجد وبعد انتهاء الصلاه ... قام شخص باكستاني ورفع قميصه الا بطنه مخيط وعليه قطعه حديد المهم كان شكله مقرف

وتم يبكي وعقب راح وجلس فى الزاويه ... جيته وطلبت منه يطلع برى وطلعى معاي وكان خايف ... وتم الاتصال بالشرطه وحولونا عل البحث الجنائي ووصلوا شباب واستلموه

للعلم انه حاول الهروب .. وقبل وصول الشرطه كشف بطنه وقال انه مافيه شي بس محتاج فلوس ..


هذولا نصابين لانهم يعرفون ان اهل قطر طيبين وقلوبهم رحيمه


المفروض ماحد يتهاون معاهم

[<اضرب واشرد>]

للعلم انه حاول الهروب .. وقبل وصول الشرطه كشف بطنه وقال انه مافيه شي بس محتاج فلوس ..


شدراك يمكن من الخوف كذب عليك وقال مافيه شي ( بس خلني أروح )

[سكرمر]

هذولا نصابين ومحتالين .... والحديده اللى كانت على صدره شلها لما وصلوا الشرطه

[KABOOM]

صارتلي مره كنت في شارع السد صوب الصالون الازرق القديم
عند الخياييط طلع لي واحد وانا مع الاهل ويسوي حركات
فجئه كشف عن بطنه والله قطع قلبي بس انا صديت وسفهته
ركبت السياره الا الاهل يحنون الا يعطونه .. المهم

في نفس اليوم رحنا مكان ثاني والله ماذكر وين بس في اخر الدنيا
بعيد عن السد .. الا شوي نلقاه في وجهنا
هههههههههههههههههههه
شكله يدور على قطر

[R 7 A L]

نتمى ان يصل الموضوع الى وزارة الداخلية
وان يتم القضاء على هذه الظاهرة الجديدة

[nadeemy]

انتبهوا يا اخوان ( ترى حقوق الانسان بالمرصاد)
الشرطه لو تجيهم تعليمات يقدرون يلمونهم كلهم في اقل من ساعة وحده

[هبوب الكوس]

نتمى ان يصل الموضوع الى وزارة الداخلية
وان يتم القضاء على هذه الظاهرة الجديدة

كل عام وانت بخير

شلون الجو عندكم بارد

[هبوب الكوس]

اخوي اذا شفته مره ثانيه ... اسحب الكيس اللى معلق فى رقبته




تخاف تسحب الكيس ويطلع صج مريض وتطلع مصارينه مع الكيس ههههه

[فيزيائية]

وغير اللي يدخلون علينا في العيد
واحنا مستانسين بين اهلنا وحبايبنا
وينكدون علينا وهم مبقييين عيونهم في عيادي عيالنا.....

[الكاميليا007]

اي حقوق انسان اي خرابيط ليش خلو فيها حقوق !!!!!!!!!!!!!

الله يبعد هالاشكال عن بلدنا ولو انها ماراح تصير بس ربكم كريم

[فلور]

صار حق اخوي هذا الموقف من اسبوعين عند الطايف الي في السد
جانا واحد ومعلق الكيس______ فيمتو ________ ويدعي ان مريض ويراوينا كيس الدم
اخويقاعد في السياره طلب منه البطاقه ... تبلعم وقام يرجع ريوس شوي اشوي وشرد نزل اخوي يركض وراء شرد ماحصله ................
الصراحه شي غريب

[latty]

صصصصصصصصصصصصصصصححححححح

شفته عند صيدليه عند الشاهين صيدلية الجمال اعتقد اسمها رفع عن بطنه فيه كيس فيه اما بلازما او اعزكم الله بول وقال انه مريض ويجمع فلوس حتى يرد لبلده

حسبي الله عليهم مستغفلينا كيف مريض ويتركه المستشفى بكيسه ببطنه بالشارع لازم الجهات المختصه تتتصرف وبسرعه


ولله الحمد والشكر

[الصريحه]

الله يعينك صراحه قرف
يبي لهم صيده جماعيه وتسفير

[قناص 787]

والله مايحتاي شرطه ولا تنكر ،

آقرب شنب يتله من رقبته ويطلب له دوريه وآنتهى الموضوع ،:)

لو كل واحد يعرف يتصرف في مثل هالمواقف مع هالعقول المريضه والله ماراح نشوفهم مره ثانيه ،

شكلك اخوي مش عايش في الدوحه الحين لو تمسك شعره منه تروح في داهيه بحجة ان البلد فيها قانون ولو يقعد بعد يشتكي ويقول مسكني وضربني وانت ماضربته والله انك تطلع غلطان وانت ماسويت شي
وانا ترا اقولك الكلام عن موقف صادني معاهم خلاص البلاد تغيرت صار القطري فيها غريب :weeping:

[simsim1963]

وأما السائل فلا تنهر . تعذر منه وبلغ عليه الجهات المسؤله دينا الحنيف نزل قانون واضح وصريح فأما السائل فلا تنهر . أو قول الله يعطيك ولكن أياك ثم اياك أن تنهر السائل .

[missperfect]

حسبي الله عليهم
لو أشوفه من الخوف بعطيه الي عندي وبشرد

[" روح قطر "]

ياجماعه السالفة يبيلها شرطي موب شرطية

هذولا محد يقدر عليهم في لمح البصر يختفون

والله لو يوزعون شرطة متنكرين بيقضون على الظاهرة

أصلا بيخافون يتقربون من الناس ويطرون منهم

أنا مايمديني ألتفت ادور حد حولى الا وأختفى

وبعدين سالفة الكيس اى مستشفي بيطلع مريض بهالحالة

الا هذولا العمالة الشاردين من أشغالهم وقاعدين يتمسخرون على عقولنا

السالفة قامت تزيد وأشوف الموضوع موب غريب على الكل

والكل شاف هالنوع من المتسولين

الموضوع موب بسيط ويبيلة حد يتدخل بسرعه في حله

والحل الوحيد شرطة تتنكر بزى حريم وتبتدى تصيدهم ( وخصيت الشرطة لانهم رجال ويقدرون عليهم )

هنى بتتوقف هالمهزلة لانهم عقب بيشكون أن كل عباه تمشي في السوق شرطة

[تاجر121]

للاسف عطيتة

[الحره]

انا شفت هالهندي عند ماكدونال النصر

[saud580]

يا اخوان على هالطاري انا اشوف ان التقصير من وزارة الداخلية والشرطة بشكل خاص لانهم صراحة ما يدرون ولا كنهم عايشين معانا بالبلد الحين كم عدد المقيمين بالبلد يعني مو مثل قبل 30 سنه تضاعفت الاعداد يمكن 30 مرة طيب هذي ما تبي توظيف اعداد من افراد الشرطة ما تبي تأهيل افراد الشرطة لمواكبة الاعداد البشرية الهائلة ما تبي مراقبة بالاسواق ما تبي مراقبة بالشوارع اذا الحين مركز مدينه الخور بالليل ما عندهم الا دورية وحدة فقط مطلوب منها تغطية مناطق شاسعه ما يلحقون والله فا المطلوب من الوزارة الموقره دراسة مثل هالموضوع وتوظيف اكبر عدد من المواطنين وتوزيعهم بالشوارع لاجل المراقبة وعمل المخالفات سواء المرورية او الاداب الاخلاقيه وفرض القانون هنا تفرض الدوله قوانينها بقوة القانون وصدقوني ذيك الساعة كل من يدخل البلد بيحترم قوانينها ولا راح يخالف أما كذا فمعروف من أمن العقوبة أساء الادب --والله الموفق

[%حورية قطر%]

والله صادفني نفس الموقف وقفت عند الرويال بلازا وتوني قايله بسم الله ابي انزل من السيارة الا في ويهي هندي وكاشف لي بطنه وكيس دم معلقه ياشر لي عليه حسيته نصاب واحساسي عيل ماخاب وانا شايله ولدي الصغير بيدي تخررعت والله وخرت عنه ومشيت بسرعه وعقب التفت شفته حاط ريله ... طلعت انواع جديدة للتسول والله ماينلامون اليهال اذا تخرعوا منهم

[أوركيدهـْ ~]

تذكرت موقف صار لنا اليوم

رحنا نتعشى بهارديز وإلا ذاك الهندي اللي وقفنا وقعد يبجي

وفتح قميصه وشال اللزقه من على صدره .. منظر يخوف ..

غرز خياطة ودم .. طبعا الوالده عطته المقسوم وانتهى !!

مع اني قلت للوالده هذا نفس الهندي اللي شفته ليلة العيد بمحل العبايات اللي بالمنتزه

لكن الجرح كان برجله !! :)

[<اضرب واشرد>]

ههههههه

يحليلكم الكل واجه هالهندي أو واحد من اربيعه وطخته

الشعب كله واجههم وللحين يتمشون فالشوارع ! غريبه !

على فكرة في رقم تتصلون عليه ( اسمه مكافحة التسوّل ) إذا حصلتوا مثل هالناس النصّابة اتصلوا عليه.

( الرقم لقيته معلق في مسجد وحفظته : 44714222 )

واللي حاب يتأكد يزور :
http://www.moi.gov.qa/site/arabic/news/2010/08/15/22410.html

[" روح قطر "]

رقم مكافحة التسول

اللى يشوف هالأشكال على طول يتصل :telephone:

44714222



مايمدينا رفعنا الجهاز نتصل الا هو مختفي من المكان بكبرة :secret:

[الكــاســــر]

السنة الجاية بكون على قائمة أغنى أغنياء العالم

[MAZEN37]

الحين الموديل
حريم يتسولون بالصناعيه