عندي عملات وقطع تذكاريه وشعلة الآسياد ،، وين آبيعهم؟ ،

[باسكن روبنز]

السلام عليكم ورحمة الله وبركاته ،
كل عام وآنتــو بخيــر ،:nice:


عندي مكس مابين عملات ورقيه ومعدنــيه ،

هذا بالآضافة إلى شعلتين مالت الآسيــــاد (أعتقد الكل عارفها) ،

وعملة ذهب + وكاتلوج وعملتين فضيه ودفتر عملات برونزيه ،

وكلهم مال الآسيــــــاد شاريهم من ذيـك الآيـام ،

في محلات متخصصه تشتريها بآسعار مناسبه؟ ،

مالي حاجه فيهم ومب مستعيل على بيعتهم بس قلت آبيعهم وآفضي الكبت منهم ههههههههه ،

يعني رجاء لحد يعطيني آسعار سخيفه مع آحترامي للجميـع ،

حتي لو كانوا هالمحلات برع قطر مب مشكله سواء بالسعوديه ولا البحرين آو الآمارات ،

ياريت العناوين أو الآفاده وراح أكون لكم شاكـر بآذن الله ،

وشكــــــــراً ،:)

[باسكن روبنز]

ونسيت آضيف ،

عندي طوابع كثيــــــــره مكس مابين قديمه وجديده + بطاقات تلفونات قطريه قديمه ،\\

قولوا ماشالله ،:shy:

[فقط قطر]

للرفع.....ويستاهل

[BURBERRY]

اخوي كم طالب في الشعله ؟

الطوابع الي عندك قطرية؟؟

ممكن صور للعملات الفضيه للاسياد 2006 لان في كم وحده ناقصتني

[بوحسن22474]

السلام عليكم ورحمة الله وبركاته
الشيخ اعرض صور وحط اسعارك(اسعار معقوله) في المنتدى وان شاء الله تلقى اللي يشترون
وبالتوفيق ,,,

[مالي ومال الناس]

اسومهم كلهم 3500 ريال وشرايك :nice:

[طموحة]

اخوي حط صور واسعارك عليهم

وبتلقى بالنت اسعار حلوة

ان شاء الله

[نمر بن عدوان]

بيعهم فقطر افضل من برى لان اهتمام اهل قطر بالشعله واغراضها اما غيرهم ماتهمهم هالتذكارات بشي . وبيعهم على ناس عاديين وابعد عن المحلات لانهم يبون فايده كبيره.

[alfahad1]

اخوي نمر برع يهتمون بالتحف والاشياء القديمه القيمه اكثر من عندنا

هذا اللي لاحظته بما اني هاوي في هذا المجال

[بو عذاب]

كــــ طالب في الشعله ــم ؟

[][ الوحيد ][]

كم طالب فالشعله ؟؟

[احمد بن علي]

ممكن سعر الشعله

والله يوفقك

[أسد الريان]

الله يوفقك اخوي

[Markato]

كم طالب فالاغراض اللي عندك كلها
وسعر الشعله لحالها كم

[باسكن روبنز]

الشعله بروحها 3 الآف ريال ،

ومعاها الآستاند الخاص فيها ،

والآغراض كامله بـ20 ألف ،

وممكن آنزل شوي للجاديــن ،:)

برتب الآغراض كلهم في بوكس واحد وبعطيكم خبر للي حاب يعاينهم ويشوفهم ،

[alfahad1]

اخوي تبي تبادلني

عندي عملات معدنيه وورقيه ومخطوطات وحجر

[باسكن روبنز]

لا والله مالي نيه آبادل يالفهد ،
آسمحلي الشيــخ ،:)

[HIGHNESS]

انا عندي بعد شرايك باسكن تشتريهم مني وتستفيد انت من بيعتهم هههههههههههههههه

[@north_star@]

بالتوفيق يالغالي ويستاهلون