لبس الشاب القطري (للدبلة)...صار عادي و لا للحين اتخليه بين الربع (مطنزه)!

[عابر سبيل]

عيدكم مبارك جميعا..

سؤال ورد في خاطري من كم يوم..
اراجع في احدى الدوائر..
شفت لي شاب قطري ..اسيمر..
دايم دايم (ضارب ترمبه)..
هقوتي انه من نوعية الشباب اللي
موتره (هدد) برنقات (شمبر)
و تواير بالون..و اريل موتورولا.."اشْطوله"!

عموما..لما سلمت عليه..يده كالعاده
(خشنه)..
و تذكرت انه مرة سابقه..
قال لي ان عنده مع الربع (عزبه)!
يعني شاب قطري (تِبِكَل) :)
على قولة القايل!


http://upload.onaizah.net/32921/1246905447.jpg


استغربت لما شفت في يده خاتم (دبله)..
طبعا من (سمار يده) الخاتم "ايلق"
في يده..و لمعته لمعه!

تساءلت في نفسي..
يعني..هالوطر..صار عادي
عندهم انهم يلبسون (دبله)..
و لا عاد شباب اليوم..
مثلهم لمثل لول..
اما ان فيهم من سمع عن الدبله
رأي ديني..
او البعض..
ما لبسه...
خوف انه
يصير بين
الشباب...

(مطنزه)!

*
*
،،
لبس الدبله..للشاب القطري
في نظر اخوانه و ربعه
و حتى الحريم من هله..

سَـنْعِـه و لا هي عادها..
منكر و (بدعه)!

[الصريحه]

بعض الناس تغيروا واتركوا عوايدهم وخذوا منعوايد غيرهم
اهم شيء انها ماتكون من ذهب
لكني طبعا ماافضلها احس انها من زينه المراه والرجل مايكون خشن بخاتم

[simsim1963]

الدبله شنو فايدتها اصلا ؟ الحمدلله ديننا يمنعنا من ممارسه الزنا ولكن الغرب اخترعوا الدبله عشان يبين للناس انه متزوج . اهم شئ الواحد يخاف الله ولا فيه داعي دبله وغيرها ليمتى واحنا نراكض ورى الغرب بالسخافات اللبس والحركات . ليش ما نقلدهم بالشئ المفيد

[ام السعف]

اول مرة اعرف ان لبس الدبلة مب من سنع الرجل القطري ،،

ما ادري عن عالم الرجال ،، بس اول ما انخطبت في عام
1973 :shy: لاحظت بو العيال كاشخ في الدبلة
حتى اني بعد سنين كنسلت الدبلة وتم هو محتفظ فيها في يده ،،

انتظر اشوف ردود ذوي الشأن :telephone:

[بصمة قطرية]

اعتقد ان ( الدبلة ) عادة دخيلة من المجتمعات الغربية ومالها اي علاقة بمجتمعاتنا الخليجية ..
وبصراحة برأيي الشخصي ما افضل لبس الدبلة للشاب ..

البنت عادي بحكم انها تلبس خواتم وهالامور ..
وفي المناسبات بالذات لما تلبسها يعرفون انها مخطوبة او متزوجة ..
لكن الرجـــال ..!!!!

أبد مش حلوة انه راز الدبلة في ايده ..

الدبلة خاصة بالاجانب والغرب بالذات ..

[ام السعف]

الدبله شنو فايدتها اصلا ؟ الحمدلله ديننا يمنعنا من ممارسه الزنا ولكن الغرب اخترعوا الدبله عشان يبين للناس انه متزوج . اهم شئ الواحد يخاف الله ولا فيه داعي دبله وغيرها ليمتى واحنا نراكض ورى الغرب بالسخافات اللبس والحركات . ليش ما نقلدهم بالشئ المفيد

سيد سم سم ،، ممكن تسمح لي اسئلك : من وين لك هالمعلومة ؟:eek5:

[الراقيه سبشل]

بالعكس انا اشد على أيدي الي يلبسون الدبله:shy:

احس انه يقول للناس انه مايبي غير زوجته .. احم مع احترامي للي مايلبسون

بس اشوفها حركة رومنسية:shy:

[الماريّة]

فيه من الرجال الي يلبسون (الفتخه ) مش الدبلة

والفتخه الخاتم من الفضه يلبسونه رجال اول

كبار ولا شباب للزينه وعادي مش عيب

اما الدبلة عاده دخيلة علينا

[simsim1963]

من الافلام اشوف دائما البنت لما تشوف الرجل لا بس دبله تعرف على طول انه متزوج وتحاول تبتعد عنه . وبعض الرجال في الافلام قبل ما يدخل مرقص يفسخ الدبله .

[بصمة قطرية]

بالعكس انا اشد على أيدي الي يلبسون الدبله:shy:

احس انه يقول للناس انه مايبي غير زوجته .. احم مع احترامي للي مايلبسون

بس اشوفها حركة رومنسية:shy:

عجبتني ~ حركة رومنسية ~:nice:

تعتقدين شبابنا يدلون طريق الرومنسية ..!!:tease::tease:

[خليفـة]

احس انها شغله دخيلة على مجتمعنا القطري
وشكرا لصاحب الموضوع
:)

[الراقيه سبشل]

عجبتني ~ حركة رومنسية ~:nice:

تعتقدين شبابنا يدلون طريق الرومنسية ..!!:tease::tease:

هههههه في طفرات :funny:

[بصمة قطرية]

هههههه في طفرات :funny:

:nice:

ذكرتيني في بو العيال ..
طبعاً من بعد يوم الخطوبة ما شفت الدبلة عقب الزواج بكم سنه
اخوه خطب قال لأخوه لا تاخذ دبلة بعطيك دبلتي ..
:nice::nice:

[بنت سيف]

احترم الرجل المتزوج .. الذي يلبس دبلة في يده ..

واحترم المرأة التي تلبس الدبلة في يدها ..

في تأكيد على الارتباط واحترام الزوجين للآخر ..

**

بالنسبة لرأي .. إنها عادة دخيلة ..

في رأيي .. يجوز إنها دخيلة .. ولكنها غير سيئة

وما أكثر الأمور الدخيلة .. جات على دبلة الزواج ..

على الأقل .. تكف السو عن البعض .. ( بدون توضيح اكثر)


بنت سيف

[ام السعف]

من الافلام اشوف دائما البنت لما تشوف الرجل لا بس دبله تعرف على طول انه متزوج وتحاول تبتعد عنه . وبعض الرجال في الافلام قبل ما يدخل مرقص يفسخ الدبله .


هيههي،، اوكي خلاص وصل المصدر ،، شكرا لك

[KABOOM]

انا متزوج ومافكرت ولا بفكر
يازيني وانا راز الخاتم

لكن من عاداتنا ان الرجال يشتري للمره ذهبها والماس وعقود .. يكسر ظهره بهذا كله
ولازم يشتريلها دبله عشان تكشخ فيها اول سنه او سنه ونص
وعقب خلاص عينك ماتشوف الان النور مردها لدرج

[KABOOM]

اول مرة اعرف ان لبس الدبلة مب من سنع الرجل القطري ،،

ما ادري عن عالم الرجال ،، بس اول ما انخطبت في عام
1973 :shy: لاحظت بو العيال كاشخ في الدبلة
حتى اني بعد سنين كنسلت الدبلة وتم هو محتفظ فيها في يده ،،

انتظر اشوف ردود ذوي الشأن :telephone:

بل قديمه يمه ..
يعني عقب ماسلتم الشيخ خليفه بن حمد مقاليد الحكم بسنه !!
سنتين وبتكملون 40 سنه
لا الله الا الله ربي يحفظكم ويهنيكم

انا ابوي يوم ياخذ امي في الثمانينات بس مب قايل متى عشان لايجي
باسكن روبنز ويطلع عمري ويعايرني
بس المهم اني بو عيال :happy:

[ام السعف]

احترم الرجل المتزوج .. الذي يلبس دبلة في يده ..

واحترم المرأة التي تلبس الدبلة في يدها ..

في تأكيد على الارتباط واحترام الزوجين للآخر ..

**

بالنسبة لرأي .. إنها عادة دخيلة ..

في رأيي .. يجوز إنها دخيلة .. ولكنها غير سيئة

وما أكثر الأمور الدخيلة .. جات على دبلة الزواج ..

على الأقل .. تكف السو عن البعض .. ( بدون توضيح اكثر)


بنت سيف


ممكن اعبر عن راي تعقيبا على رايج يا بنت السيف ،،

طبعا في البداية احترم وجهة نظرج جدا واحترم نظرتج لموضوع الدبلة

بس بالنسبة لي اعتبر الدبلة حركة مستوردة من ثقافات ثانية
بحيث كنا نعتقد ان اللي بتطيح دبلتها هذا نظير شؤم عليها،،
ولاحظي ان الكثيرات تعبر عن حبها لزوجها او خطيبها بالتمسك في لبس
الدبلة ،،اهنيه نبي نقول ،، ان الدبلة مثلها مثل اي شي قابل للتغير
لا يعني ابدا لبسها تعبير عن حب ولا عدم التقيد بها تعبير عن بغض ،،
مع التأكيد على احترام مشاعر الآخرين تجاه لبسها وتقدير مشاعرهم عند رؤية
الطرف الآخر وهو مازال محتفظ بلبس الدبلة تعبيرا عن حبه للطرف الأول ،،

[ام السعف]

بل قديمه يمه ..
يعني عقب ماسلتم الشيخ خليفه بن حمد مقاليد الحكم بسنه !!
سنتين وبتكملون 40 سنه
لا الله الا الله ربي يحفظكم ويهنيكم

انا ابوي يوم ياخذ امي في الثمانينات بس مب قايل متى عشان لايجي
باسكن روبنز ويطلع عمري ويعايرني
بس المهم اني بو عيال :happy:


كان توليه مقاليد الحكم فال طيب علي ،، شردت من عالم العنوسة
اشوي وكنت بصك 27 :shy:،، بس ربنا ستر يا امك ،،

[خطوة]

احترم الرجل المتزوج .. الذي يلبس دبلة في يده ..

واحترم المرأة التي تلبس الدبلة في يدها ..

في تأكيد على الارتباط واحترام الزوجين للآخر ..

**

بالنسبة لرأي .. إنها عادة دخيلة ..

في رأيي .. يجوز إنها دخيلة .. ولكنها غير سيئة

وما أكثر الأمور الدخيلة .. جات على دبلة الزواج ..

على الأقل .. تكف السو عن البعض .. ( بدون توضيح اكثر)


بنت سيف

اختلف معاك اختي العزيزه لبس الدبله مجرد مظهر لايرتبط باحترام او غيره

انا ولله الحمد عشر سنوات زواج مالبس زوجي دبله وهذا ماغير من احترامه وتقديره

تقديس الحياة الزوجيه واحترام الطرف الاخر لا يحتاج الا دبله او غيره

الي مايعرف معنى الاحترام والاستقرار الاسري لو تلبسينه دبل في ايديه ورجوله ما فاده


تقبلي تحياتي

[بصمة قطرية]

اختلف معاك اختي العزيزه لبس الدبله مجرد مظهر لايرتبط باحترام او غيره

انا ولله الحمد عشر سنوات زواج مالبس زوجي دبله وهذا ماغير من احترامه وتقديره

تقديس الحياة الزوجيه واحترام الطرف الاخر لا يحتاج الا دبله او غيره

الي مايعرف معنى الاحترام والاستقرار الاسري لو تلبسينه دبل في ايديه ورجوله ما فاده


تقبلي تحياتي

صح لسانج اختي ..
اي والله صدقتي ..
الاحترام مش بالدبلة ..
عادة دخيلة على مجتمعاتنا لا أكثر ~

[هتـان قطر]

لبس الدبلة عادة دخيلة على مجتمعنا وبدعة ابتدعها الغرب واحنا كالعادة نتبعهم في كل شي...

كنا نتابع الافلام المصرية ومن يصير خلاف بين الزوج وزوجته او الخطيب وخطيبته

كان يرمي الدبلة او يحطها على الطاولة وهو طالع .. وهذا يعني ان رابط الزوجية

اللي يربطهم انحل.. وكانت الدبلة هي رمز للرابط اللي بينهم



دخلت علينا الدبلة من فترة ما اعتقد انها تتعدى الخمسين سنة ان ما كانت أقل

وكان لبسها يقتصر على الزوجات فقط .. اما ان الزوج يلبسها ما حصل وشفت..

ما خبرنا الرجال يلبس الا الفتخة وكان خاتم له معنى في ذلك الوقت

وكان يلبسه الرجل في الصبع الصغير .. ومازال البعض يلبسه الى الان




لبس الدبلة فيها تقليد للغرب .. وما لها علاقة ابدا بديننا او عاداتنا وتقاليدنا

[بلوتنيوم]

هو يلبسها اول اسبوع
لزوم الجو الجديد الى دخله
وبعدها يا تضيع
او مايقدر يواجه طوفان كلام الناس:secret:
بس عندنا واحد للحين صامد
اتوقع زاد وزنه وماتطلع الا بعملية:omen2:

[غايه الطواش]

يعني شنو (شمبر) و(تِبِكَل) >>>>>>معليه :omen2:اختك الصغيره توها جديده في عالم السواقه
شوف اخوي..صح ان ماحب الدبله ولا احب حركات الخطوبه "اكلني الكيكه واكلك الكيك وكل واحد يشرب الثاني العصير":rolleyes2: ...
بس امي عندها دبله :shy: مع العلم امي متزوجه سنه 1963 ...بس مادري اذا ابوي هو الي ياب الدبله والا هي شرتها عقب :secret:
ومن ذيك السنه لين يات سنه ميلادي وفطنت وانا اشوف كل الي حولي في الخطوبه يلبسون ..وبس محد يلتزم فيها غير الحريم ..

بس سؤال زغتور انت لبست دبله ؟؟؟:)

[BuNooR]

الحمد لله والصلاة والسلام على رسول الله وعلى آله وصحبه أما بعد:

مما لاشك فيه أن النبي صلى الله عليه وسلم كان له خاتم، وهذا مذكور في شمائله، روى البخاري عن أنس رضي الله عنه، أن النبي صلى الله عليه وسلم اتخذ خاتماً من فضة.


دليل بسيط يبين ان اعظم الرجال تزين بخاتم

واحنا اليوم نتسائل ان كان الخاتم يقلل من رجولتنا

[سكرمر]

صراحه ماتررررركب كلش


رجال ولابس دبــله !!!!!!!!!!


لاهي من عاداتنا ولا هي من ديننا

الله يبعدنا عنهاا


وعن رأيي الشخصي الرجال اللى اشوفه لابس دبله يطـيح من عيني:nice:

[hasss1969]

كان توليه مقاليد الحكم فال طيب علي ،، شردت من عالم العنوسة
اشوي وكنت بصك 27 :shy:،، بس ربنا ستر يا امك ،،

ماشاء الله عليكي عمرك الحين 58 سنة !!!؟؟؟

[المهندس عبدالعزيز]

روى الشيخان عن أبي سعيد الخدري رضى الله عنه قال: قال رسول الله صلى الله عليه وسلم:
"لتتبعن سنن من كان قبلكم حذو القذة بالقذة حتى لو دخلوا جحر ضب خرب لدخلتموه"

في روايات الحديث: (قلنا يا رسول الله اليهود والنصارى؟
قال: فمن؟ )



الفتوى رقم ( 4127 )
س 9: ما هو حكم خاتم أو دبلة الزواج التي يقوم كل من الزوج والزوجة بارتدائها، ويكتب على دبلة الرجل اسم الزوجة، وعلى دبلة الزوجة اسم الزوج، مع تاريخ الخطوبة، هل هي بدعة أم أن لها أصلا؟ وهل قول الرسول -صلى الله عليه وسلم- لأحد الصحابة: أحمد (5 / 336)، والبخاري [فتح الباري] برقم (5149)، ومسلم (1425) من حديث سهل بن سعد. التمس ولو خاتما من حديد دليل على جواز لبس دبلة الزواج؟

ج 9: أولا: ما ذكرت من لبس الخاطب والمخطوبة أو الزوجين خاتم أو دبلة الخطوبة أو الزواج على الوصف المذكور- ليس له أصل في الإسلام، بل هو بدعة، قلد فيها جهلة المسلمين وضعفاء الدين الكفار في عاداتهم، وذلك ممنوع؛ لما فيه من التشبه بالكفار، وقد حذر منه النبي صلى الله عليه وسلم.

ثانيا: ليس في قول النبي -صلى الله عليه وسلم- لبعض الصحابة: أحمد (5 / 336)، والبخاري [فتح الباري] برقم (5149)، ومسلم (1425) من حديث سهل بن سعد. التمس ولو خاتما من حديد دليل على مشروعية ما ذكرت؛ لأنه -صلى الله عليه وسلم- طلب ذلك منه ليكون مهرا لمن رغب في تزوجها. وبالله التوفيق، وصلى الله على نبينا محمد وآله وصحبه وسلم.

اللجنة الدائمة للبحوث العلمية والإفتاء


عضو :عبد الله بن قعود _ عضو: عبد الله بن غديان _ نائب الرئيس : عبد الرزاق عفيفي
الرئيس :عبد العزيز بن عبد الله بن باز .

(الجزء رقم : 19، الصفحة رقم: 147).


الفتوى رقم ( 5158 )
س2: هل يجوز استعمال الخاتم الذي على شكل حلقة بمناسبة الزواج؟

ج2: لا يجوز لبس الخاتم بمناسبة الزواج؛ لما في ذلك من مشابهة الكفار في عاداتهم؛ لأن ذلك لم يكن شعارا للمسلمين في الزواج، وإنما هو عادة الكفار في الزواج، ثم قلدهم فيه ضعاف الإيمان، وجهلة المسلمين. وبالله التوفيق، وصلى الله على نبينا محمد وآله وصحبه وسلم.

اللجنة الدائمة للبحوث العلمية والإفتاء

عضو :عبد الله بن قعود _ عضو: عبد الله بن غديان _ نائب الرئيس : عبد الرزاق عفيفي
الرئيس :عبد العزيز بن عبد الله بن باز .

(الجزء رقم : 19، الصفحة رقم: 147).

[mishow85]

تضع النساء قبل الرجال خاتم الزواج منذ القدم، فهي كانت تضع خاتما حديديا في الاصبع للاعتقاد بأن شكل الخاتم الدائري يعني الكمال لأن الدائره رمز الكمال، والمتزوج او المتزوجة مكتمل الحياة ..
من جانب آخر، كانت هذه العاده رمزا متغيرا لما كان يعرف لدى القبائل القديمة بان المرأة ملكا للرجل ولذلك كان يضع الرجل قيدا من الحديد في يدها او رجلها دليلا على ان هذة المرأة ملك له وليست سائبة لان الزواج لدى القبائل البدائيه كان يقوم على اساس اختطاف المرأة من جماعة اخرى.



ولكن المصريين القدماء هم اول من استخدم خاتم الزواج يعني رمزا للزواج الابدي. وسمحت الكنيسة باستخدام خاتم الزواج في فترة متأخرة.



ولكن سبب وضع الخاتم في الاصبع الرابع (البنصر) من اليد اليسرى يعود الى قدماءء اليونان الذين كانوا يعتقدون بان هناك عرقا عصبيا خاصا يمر من هذا المكان الى القلب مباشرة، ولذلك كان دليلا على اسر القلب او امتلاكه من قبل شخص آخر.

[R 7 A L]

اتخيل شكلي لابس دبلة وماسك الدلة
خخخخخخخخخخخخخخخخخخخخخخخ

[مهل]

السلام عليكم. لاتنقد ولا تدقق في وقتنا هذا. بعض الشباب زين مايحط زميم :secret:

[الأصيلة]

[color="royalblue"]عجبتني ~ حركة رومنسية ~:nice:

تعتقدين شبابنا يدلون طريق الرومنسية ..!!:tease::tease:

ياحسرة وين يدل الرومانسية
وهو من صغرة أهله يضربونه ويبهدلونه...
وأوصاف يوصفونه بها مالها أول ولا تالي..
ماسمع كلام حلو من أحد من اهله لا في صغره ولا في شبابه...
مافيه أحد ياخذ بخاطره ويلمه ويلمس يده لاأم ولا أبو لا خاله ولاعمه...

يعني الرومانسية مكتسبة مايعرفها إلا من حس فيها...


أعذرني أخوي عابر سبيل
انحرفنا بالموضوع كـ العادة...

[عابر سبيل]

تحية مجددا للجميع..

و بدلا عن اكثر من عقب للان ..
اقول (لي) جوابا (لي) باول جملة بالموضوع..
العيد عَلي (و عليكم) مبارك:omg:




*
*
،،
ما شاء الله..حقيقة حوار اعجبني
و تبادل لوجهات النظر..اتمنى ان كل (من) ياخذ راحته
..الموضوع موضوعكم جميعا و انا متابع معكم
و مستفيد من حواراتكم..بلا مجاملة!


السلام عليكم. لاتنقد ولا تدقق في وقتنا هذا. بعض الشباب زين مايحط زميم :secret:


ابدا بك
يا خونا/ مهل..و اقول لك على مهل..

و شّو "الزميم" هذا..افصح اكثر..
حلو ان نتبادل (الثقافة) اللغوية بعد!

تراني موب شيبه لهالقد
و يمكن هذا من الوطر اللي
على عمر اكبر اخواني ايحفظه الله..
و لا اكبر خواتي (رحمة الله عليها)
و ما لحقت عليه و لا سمعت به:secret:

[غايه الطواش]

تحية مجددا للجميع..

و بدلا عن اكثر من عقب للان ..
اقول (لي) جوابا (لي) باول جملة بالموضوع..
العيد عَلي (و عليكم) مبارك:omg:




*
*
،،
ما شاء الله..حقيقة حوار اعجبني
و تبادل لوجهات النظر..اتمنى ان كل (من) ياخذ راحته
..الموضوع موضوعكم جميعا و انا متابع معكم
و مستفيد من حواراتكم..بلا مجاملة!



ابدا بك
يا خونا/ مهل..و اقول لك على مهل..

و شّو "الزميم" هذا..افصح اكثر..
حلو ان نتبادل (الثقافة) اللغوية بعد!

تراني موب شيبه لهالقد
و يمكن هذا من الوطر اللي
على عمر اكبر اخواني ايحفظه الله..
و لا اكبر خواتي (رحمة الله عليها)
و ما لحقت عليه و لا سمعت به:secret:


السموحه من اخوي مهل

الزيم الشغاب الي ينحط ع الخشم
مثل هاي طال عمرك
http://www.al-shooq.com/vb/uploaded/51217_1241026285.png
بس حريم الاول يحطون واحد صغير جنه فص مو مثل هاي

[عابر سبيل]

السموحه من اخوي مهل

الزيم الشغاب الي ينحط ع الخشم
مثل هاي طال عمرك
http://www.al-shooq.com/vb/uploaded/51217_1241026285.png
بس حريم الاول يحطون واحد صغير جنه فص مو مثل هاي


شكرا لج ع التوضيح...
انا هقيته هو...لاني في صغري لحقت على
عمتي الكبيرة اللي اكبر من الوالد (رحمة الله عليهم)
تلبسه و ما شفت غيرها..و لا ثبت اسمه في الذاكره!
و مثل ما تقولين..كان حجمه صغير ..
و اصلا (البطاطيل) اللي على ذيك الايام
ماتخليه ايبان..الا لما يرفعون البطاطيل
بين الحريم و جدام اعيالهم الصغار!

و لتوضيحك هذا اجدها مناسبة اني
اجاوب على بعض اسئلتك في
اول مشاركة لك..

و ليعذرني كل من سبقك
فانا اشوف نفسي بعد المقدمة
ضيف مشارك عادي في الموضوع
و اكررها..الكل له الحرية في النقاش
كما جرى اعلاه و لا حد يتحرج و لا يلومني:victory:!


يعني شنو (شمبر) و(تِبِكَل) >>>>>>معليه :omen2:اختك الصغيره توها جديده في عالم السواقه
شوف اخوي..صح ان ماحب الدبله ولا احب حركات الخطوبه "اكلني الكيكه واكلك الكيك وكل واحد يشرب الثاني العصير":rolleyes2: ...
بس امي عندها دبله :shy: مع العلم امي متزوجه سنه 1963 ...بس مادري اذا ابوي هو الي ياب الدبله والا هي شرتها عقب :secret:
ومن ذيك السنه لين يات سنه ميلادي وفطنت وانا اشوف كل الي حولي في الخطوبه يلبسون ..وبس محد يلتزم فيها غير الحريم ..

بس سؤال زغتور انت لبست دبله ؟؟؟:)


(شنبر) او مجموعها (شنابر)..
اشلون اعرفها..هي عندنا في قطر
مثل هذي اللي في الصورة ادناه

http://up.arab-x.com/Feb10/rEF63695.jpg


و عن كلمة (تِبـِـكـَل) فهي تعريبي الخاص:(
لكلمة Typical..

اما عن السؤال المخفي...No
لا لبست و لا (لـَــبّست)..
بس خواتي..عن (الفشلة بين الحريم)
سوو الواجب النسائي على قولتهم..
نيابة عني!


هذا السِلْم الـ(ـتِبِكَل):)
عندنا انا و اخواني و اعيال اعمامي..
و كثييييير من الربع في الفرجان والمدارس و الجامعات
المختلفة اللي عشنا فيها و لا عاشرنا جيران و زملاء و اصدقاء فيها!

[عابر سبيل]

بالعكس انا اشد على أيدي الي يلبسون الدبله:shy:

احس انه يقول للناس انه مايبي غير زوجته .. احم مع احترامي للي مايلبسون

بس اشوفها حركة رومنسية:shy:


الرومانسية..ما جات الا (سبشل) ع الدبلة..
يبه ناس خلها اول ..(تضبط اللحية)
و لا تكشخ بغترة (سويسرية)
اقول لج..الرجال دايم ضارب (ترمبه)
يعني هذا دربه طويييييييييل لين ما يوصل
باب (الحنية) و لا النرجسية
مدري ايش اتسمونه!

عموما..
ربط الرومانسية بمثل هالرحكات..
هي خدعة في الغالب تكون (ذاتية)
اما من الولد..او معاه البنت المخطوبه..
و انقول لها في هالحالة (وا عليـّـه):weeping:!

و إلى هنا..
انا اترك المايك في هالمجال للاكثر مني
دراية و خبرة في الحياة الزوجية ما بعد
(اسابيع/شهور) الخطوبه..

و ما اكثرهم
اششششكره في هالموضوع
فشكرا لهم مقدما :)
*
*
،،
اما عن ان الواحد ما يبي غير زوجته..
طبعا هذي اول الايام عند اكثثثثثثر الشبان..

و بعض من صار مع الايام..
(سكانه مرته)!

بس انا افكر..
اللي "منّا" بيحط دبله من (اول) زوجه..
اشبيسوي..لو دارت الايام (مثلا)
و صار له اكثر من زوجه
(بغض النظر عن الاسباب و و ووو)

هذا من وين بيجيب له 4 اصابع (بنصر)
بيحط دبلة في اليمين و الثانية في اليسار
اما الثالثة و الرابعة..ايحطهم في ارجوله(اعزكم الله)
مثلا!

هذا من باب (العدالة) بين الزوجات
على قولة القايل!

[تركي محمد]

مع احترامي وتقديري للجميع
الدبله هذي عادات المسيحيين ومن جعلهم قدوة فهذي بلوة و اللي يحطها ومايدري شالطبخة فهذي اكبر

الخاتم اللي يلبسه الرجال هو خاتم سليمان عليه السلام ويكون فيه حجر كبير ومب ذهب

اما الحريم خذ و خل ناقصات عقل و دين
ماينوخذ كلامهم اغلب الاحيان

يحيون يقلدون الغرب

وبعضهن صاروا يطلبون بوكيه ورد تحذفه عالمعازيم

[عابر سبيل]

اول مرة اعرف ان لبس الدبلة مب من سنع الرجل القطري ،،

ما ادري عن عالم الرجال ،، بس اول ما انخطبت في عام
1973 :shy: لاحظت بو العيال كاشخ في الدبلة
حتى اني بعد سنين كنسلت الدبلة وتم هو محتفظ فيها في يده ،،

انتظر اشوف ردود ذوي الشأن :telephone:


اختنا الكبيرة المربية الفاضلة/ ام السعف..

لا تحمليني (تهمة) انا في غنا عنها..
انا موب خليفة السيد ..
و لا غيره من هل التراث القطري
و عوايد مجتمعنا..

انا قلت عن اللي انا اعرفه في حدود الجيل
اللي انا عايشته و في البيئة اللي
انا كبرت فيها..من بين هلي و الربع..

فهذا لا يعني عدم وجود عادات او طبايع
عند (ناس) من هل قطر..
ربما انا من ضيق خبرتي
و احتكاكي..ما شفته و لا خبرته!
بس لو كان..بصراحة بيكونون قلة قليلة!

طبعا...ما حد يكون ماصخ و ايقط على
كل من لبس دبله .."نقزه" في وجهه..

بس حقيقة..في وطرنا و يعتقد للحين..
لما ينشاف حد من الشباب
مسويها..يعني..ع الاقل تكون في الصدر منه
(حكه)..

و في الاول و الأخير..
ممكن حد ايقول انها من "الحرية الشخصية"..
بس العرف -بعد الدين- و انا اخوج الصغير...
قطعا له (حكمه)!

فحقيقة...يعني..كبرنا احنا
و انشوف هالسواةْ...
علينا و عندنا..
كلللششش (موب راكبه)..مووولية

[بنت سيف]

الأخوات الكريمات .. وأخي كاتب الموضوع

اشكركم على ابداء وجهات نظركم في الموضوع ..

كل منا له قناعات ..

والقناعة .. بالنسبة لي في لبس الدبلة .. لا علاقة لها بنذير شؤم أو خير .. بل بالالتزام والاحترام .. هكذا آراها.

احترم من يلبس دبلة وهو متزوج سواء رجل أو إمرأة ..

واعتذر لكم عن قناعتي ..
فليس الغرض من الموضوع إقناع الغير بلبس الدبلة ..
هو طلب رأي من كاتب الموضوع ..
وأبديت رأيي بقناعتي ..
مع شكري لكم على آرائكم في شأنها ..

والدخائل في مجتمعنا كثيرة .. وأنتم مثلي أبصر بها .. من لبس دبلة ..

تحياتي لكم جميعا ..


بنت سيف

[عابر سبيل]

الأخوات الكريمات .. وأخي كاتب الموضوع

اشكركم على ابداء وجهات نظركم في الموضوع ..

كل منا له قناعات ..

والقناعة .. بالنسبة لي في لبس الدبلة .. لا علاقة لها بنذير شؤم أو خير .. بل بالالتزام والاحترام .. هكذا آراها.

احترم من يلبس دبلة وهو متزوج سواء رجل أو إمرأة ..

واعتذر لكم عن قناعتي ..
فليس الغرض من الموضوع إقناع الغير بلبس الدبلة ..
هو طلب رأي من كاتب الموضوع ..
وأبديت رأيي بقناعتي ..
مع شكري لكم على آرائكم في شأنها ..

والدخائل في مجتمعنا كثيرة .. وأنتم مثلي أبصر بها .. من لبس دبلة ..

تحياتي لكم جميعا ..


بنت سيف


تحية طيبة لك و للتعقيبات الطيبة منك
استاذتنا الكبيرة/ بنت سيف...

رأيك و قناعاتك انتي و البقية
ما شوف حد جاب طاريها
و لا حد يعني انتقص منها..

اتمنا..أن لا يؤخذ النقاش انه فيه
اي "شخصنه" لا من احد و لا تجاه اي احد..

ما اعتقد ان المسألة لتغيير قناعات (أي احد)
انتي..تكرمتي مع مجموعة من الاعضاء و العضوات غيرك
بابداء وجهة نظرك..
و احنا من واقعنا في بيئتنا (خاصة الرجالية)
في مجتمعنا المحلي...
نعرض رؤيتنا (لأعراف) من بيننا..

عاد هي قناعت و لا مواريث..
و لا ايش ما نسميه..

و الرأي الشرعي تشوفين..
من الاخوة من جاب ان (لبس الخاتم) بالعموم
هو سنة..و سنة مؤكدة من الرسول-صلى الله عليه و سلم-
و من الاخوة من جاب اراء او فتاوى تخص لبس(الدبلة)..
اعتقد انها تشمل الرجل و المرأة!

فالمسألة..
مثل ما بينتها...

يعني..الحين انشوف صور متضاربه..
مثل المثال (الحقيقي ) اللي انا جبته
في راس الموضوع..

شاب..يمكن ما خلص الثانوية..
و هيئته توحي انه راعي رحلات و بر
و سوالف شبابية متقبلة(نوعا ما)
من الشباب في العشرينات(زايد ناقص)

لكني تفاجأت انه لابس دبله..
فالصورة مب راكبه..

فالمسألة فيها (تلبك) و ارتباك
اجتماعي..ربما يكون عند جيل هالايام..
لو ما اعدتي حلحلة الصورة..
من خلال الشرح في راس الموضوع!

[الأصيلة]

بالنسبة للدبلة ماعمري شفت أحد لابسها
إلا الأجانب واخوانا العرب من مصر والشام والسودان...
وكنا نشوف في الأفلام العربية اللي يفسخ عقد الخطبه
على طول يرمي الدبلة بوجهها او بوجهه...
لكن الأخ اللي شفته اخوي عابر سبيل يمكن زوجته غير قطرية
ومن النوع اللي تعتقد بتقديس رباط الزواج بلبس الدبلة...
بالنسبة لي ما أتخيل شكلها في أصابع الرجال وهو بغترته وعقاله ...
المعروف عندنا الخاتم اللي في الخنصر لا غير..
وشكرا على الموضوع...

[ام السعف]

ماشاء الله عليكي عمرك الحين 58 سنة !!!؟؟؟


ماشاء الله تبارك الرحمن،،
لا مب 58 أكبر :shy:

[ام السعف]

اوبيه بو العيال يعني كان اجنبي وانا ما ادري عنه ؟

،،،،،،،،،

المهم ردا على اختنا بنت السيف ،، التعقيب ابدا ما كان موجه لج يا اختي الفاضلة
التعقيب كان عام بينت من خلالها نظرتنا احنا حسب ما توارثناه من مسلسلات عربية
ان الدبلة مقدسة وممكن تكون فال نحس ( خاصة في النفوس ) ،،

بس هذا لا يعني انج انت المقصودة في الكلام ،، ولا كان فيه تعدي على وجهة نظرج ،،

[تركي محمد]

هذي مافيها وجهة نظر

هذي فيها حرام و حلال

http://www.islamweb.net/ver2/Fatwa/ShowFatwa.php?lang=A&Id=33893&Option=FatwaId

وهذا رابط ع السريع

لايجون الحريم ويقولون وجهة نظر وتصير السالفة تفلسف

[ام السعف]

اختنا الكبيرة المربية الفاضلة/ ام السعف..

لا تحمليني (تهمة) انا في غنا عنها..
انا موب خليفة السيد ..
و لا غيره من هل التراث القطري
و عوايد مجتمعنا..

انا قلت عن اللي انا اعرفه في حدود الجيل
اللي انا عايشته و في البيئة اللي
انا كبرت فيها..من بين هلي و الربع..

فهذا لا يعني عدم وجود عادات او طبايع
عند (ناس) من هل قطر..
ربما انا من ضيق خبرتي
و احتكاكي..ما شفته و لا خبرته!
بس لو كان..بصراحة بيكونون قلة قليلة!

طبعا...ما حد يكون ماصخ و ايقط على
كل من لبس دبله .."نقزه" في وجهه..

بس حقيقة..في وطرنا و يعتقد للحين..
لما ينشاف حد من الشباب
مسويها..يعني..ع الاقل تكون في الصدر منه
(حكه)..

و في الاول و الأخير..
ممكن حد ايقول انها من "الحرية الشخصية"..
بس العرف -بعد الدين- و انا اخوج الصغير...
قطعا له (حكمه)!

فحقيقة...يعني..كبرنا احنا
و انشوف هالسواةْ...
علينا و عندنا..
كلللششش (موب راكبه)..مووولية

hala my bro
:shy:

ابدا مالي اعتراض على مجمل كلامك يا اخوي عابر،، بس كتبت لك
اللي عايشته ، ،، مع اني ما حبيت الدبلة من الأساس كانت تضايقني
وزين ان الله فكني منها في يوم من الأيام وكل ما اخذ غيرها تتعرض لنفس
المشكلة :shy:
في الأخير بطلت البس دبل ،، بس بو العيال اذكر زين ما زين انه كان
يلبس الدبلة حتى يوم قرر ما يلبسها تم محتفظ فيها ،، فما ادري هل كان عنده عادي:telephone:
وما كان يعير كلام الشباب اهتمام ،، فهو ما قط ذكر ان هالشي مب طبيعي
بالنسبة للرجال ،،

على العموم My bro :shy:
جدا استمتعت بالسالفة هذي ،، علشان لبغى ولدي يخطب افهمه واقول له :
عيب تلبس الدبلة :shy:

[ابن قطر]

اخونا العزيز عابر

عيدك مبارك ولا تخش علينا شكلك ناوي على الثانية ههههههههه

ومتواكل البس او لا

عمومااااااااا نضحك معاك

انا ا شوف ان قضية الدبلة هي رمزية اكثر من اي امر اخر قد تحب حوى ان يملك الرجل دبلته وحتى ان

لم يزين به انامله

ولكن اعتقد الرجل يعتقد من رمزية الدبلة وواقعها وحصولها انه قد بدأ يمتلك امرا مهماااااااااا في عالم


النسوة ؟

الف تحية لك اخوي العزيز عاااااااااابر

[بلوتنيوم]

اوبيه بو العيال يعني كان اجنبي وانا ما ادري عنه ؟

،،،،،،،،،

المهم ردا على اختنا بنت السيف ،، التعقيب ابدا ما كان موجه لج يا اختي الفاضلة
التعقيب كان عام بينت من خلالها نظرتنا احنا حسب ما توارثناه من مسلسلات عربية
ان الدبلة مقدسة وممكن تكون فال نحس ( خاصة في النفوس ) ،،

بس هذا لا يعني انج انت المقصودة في الكلام ،، ولا كان فيه تعدي على وجهة نظرج ،،

يصير اعقب :secret:

[الراقيه سبشل]

ماشاء الله تبارك الرحمن،،
لا مب 58 أكبر :shy:

ماشاااء الله .. صج اختي ولا تتغشمرين؟؟؟

[ام السعف]

يصير اعقب :secret:

يصير ونص وثلاث ارباع :shy:


ماشاااء الله .. صج اختي ولا تتغشمرين؟؟؟

اهم شي ما شاءالله ولا اتدققين على الباقي ،، العيون ما ترحم يا مج :shy:

[الراقيه سبشل]

يصير ونص وثلاث ارباع :shy:



اهم شي ما شاءالله ولا اتدققين على الباقي ،، العيون ما ترحم يا مج :shy:
هههههه لا الشي الباقي اهم .. لاني لازلت بمرحله الانذهال:omen2:

[شيط ويط]

مطنزه مابعدها مطنزه

[بلوتنيوم]

يصير ونص وثلاث ارباع :shy:



اهم شي ما شاءالله ولا اتدققين على الباقي ،، العيون ما ترحم يا مج :shy:

زين عيل خذي عندك
في منتصف الثمانينات كانت في طفرة وبداية انتشار للافلام المصرية
والثقافة المصرية
وانتشرت موضه لبس الدبلة
وشخصيا مع اني كنت صغير :tease:
شهدت اكثر من حالة وكان فيها الشخص
يلبس الدبلة
وتموا لابسينها فترة
بس مع الوقت ما استمروا عليها
ورجعوا الى قواعدهم سالمين
اما حاليا في الوقت القريب لم نشهد اي حالة
وحتى الحالة الوحيدة لم تسلم من السنة المنتقدين :omen2:

[ام السعف]

زين عيل خذي عندك
في منتصف الثمانينات كانت في طفرة وبداية انتشار للافلام المصرية
والثقافة المصرية
وانتشرت موضه لبس الدبلة
وشخصيا مع اني كنت صغير :tease:
شهدت اكثر من حالة وكان فيها الشخص
يلبس الدبلة
وتموا لابسينها فترة
بس مع الوقت ما استمروا عليها
ورجعوا الى قواعدهم سالمين
اما حاليا في الوقت القريب لم نشهد اي حالة
وحتى الحالة الوحيدة لم تسلم من السنة المنتقدين :omen2:


يقولون في اكتشاف غريب من نوعه ان في عام 1973
ارصدوا حالة لبس دبلة ،،:telephone: فكل 10 سنين
تطفح السالفة ومن ثم تختفي :rolleyes2:
تبون الصراحة ما شفت دبل في ايادي اخواني :shy:
بس بوالعيال من وين هالسالفة ؟ :telephone:
اعتقد اني اوفقك الراي في اللي تفضلت فيه ،،

بس اول مرة اعرف ان الرجال عيب يلبس دبلة،،
شكرا لكم ايها الرجال على هذه المعلومة،،

[QatarSupport]

عاده دخيله على مجتمعنا

الزينه كخاتم او غيره للنساء فقط

[طارق العلي]

عاده دخيله على مجتمعنا

الزينه كخاتم او غيره للنساء فقط

صدقت اخوي ولا تستبعد بكره يدخلون علينا فكره شربات الفرح ويوزعونها على المعازيم بدل الشاهي والقهوه

http://farm4.static.flickr.com/3354/3233766096_99399eccd6.jpg


لو كرك كان قلنا مايخالف . . بس عصير جزر مادري شلون قايل طعمه نصه ماي ماينبلع حتى بالاعراس يحبون يوفرون

المهم لا تكثرون من مشاهدة المسلسلات العربية وخاصة المسلسلات اللي يجبونها قبل نشرة الاخبار الساعه 9

[بوحارب]

بالنسبة لي مافيه امل البس دبلة

حتى لو كنت متزوج 5 حريم :(

[طارق العلي]

بالنسبة لي مافيه امل البس دبلة

حتى لو كنت متزوج 5 حريم :(

اخوي بوحارب حتى لو كان عندك امل ولبست الدبله انا اشوفها مب شي اصابعك كلها خواتم شدعوة ملك الخواتم

نصيحه من اخوك طلق الاربع حريم وخلك على اصبع واحد

[عابر سبيل]

بالنسبة للدبلة ماعمري شفت أحد لابسها
إلا الأجانب واخوانا العرب من مصر والشام والسودان...
وكنا نشوف في الأفلام العربية اللي يفسخ عقد الخطبه
على طول يرمي الدبلة بوجهها او بوجهه...
لكن الأخ اللي شفته اخوي عابر سبيل يمكن زوجته غير قطرية
ومن النوع اللي تعتقد بتقديس رباط الزواج بلبس الدبلة...
بالنسبة لي ما أتخيل شكلها في أصابع الرجال وهو بغترته وعقاله ...
المعروف عندنا الخاتم اللي في الخنصر لا غير..
وشكرا على الموضوع...


حتى و ان كان مثل ما تفضلتي يا/ الاصيلة..
فما هو مبرر حقيقي..
هذا يذكرنا بكل من
(خالد النفيسي) و (غانم الصالح)
رحمة الله عليهما...في المسرحية الشهيرة....
(سكانه مرته)!

تعلمنا..و اسمحو لي على الصراحة..
ان الرجال اذا من اولها (إلهفت عقله) حرمته..
ينقال عنه انه (تِــخَــدّى)..
هذا ..الا خاطبها و مالـch عليها..
اجل بعدين اشبيصير فيه:secret:

طبعا..
انا اقصد ان ابين اعراف
أكثر في عقول الرجال
و طبيعة مجتمعنا الرجولي
في مجتمعنا القطري...

و ليس كل (عُرف)..
يكون تطبيقه من الكل
بالشكل الصحيح..

لكن...بعد..
التمسك باعراف من ربونا من الاوليين..
تخلينا نكون..خير خلف...لخير سلف..

حلو ..
ان الانسان يفرح
و الأصل انه يسعى ليكون
من خير الناس
كما قال المصطفى
(خيركم خيركم لأهله و انا خيركم لاهلي)
او كما قال صلى الله عليه و سلم..
..

و انتي الاعرف يا اخت/ الاصيلة..
حلاة الزوج عند الزوجة نفسها قبل
ربعه ..ايكون (رجّال)..
::

[هدهد سليمان]

اخوك يلبس المحبس :)
لكن المجوقل بالعقيق اليماني .. او بالزمرد او بالأوبال .. اعشق الخواتم ولدي الكثير منهم قبل الزواج وبعده ..

[ام السعف]

اخوي عابر،،، ملاحظة ان موضوع الدبلة مسوي قلق من غير قلق،،

يعني فرضا قلنا عادة دخيلة مثلا،، في ناس يحبونها ودام انها ما اتضر بشي ما فيها شي
فالملابس السبورت عادة دخيلة على مجتمعاتنا وديننا ،، دام الواحد لو لبسها و ما ضرت حد
اعتقد ان هالشي احنا مالنا حكم عليه ،،

يعني لو شفت في السوق شاب قطري لابس دبلة وزوجته قطرية اصل وفصل
فاهنيه شنقول ؟
سكانة مرته والا جير نفسه ؟

شخصيا مع احترامي الشديد لرايك،، ما اشوف رجولة الرجال او قوة شخصيته
تكمن في عدم لبس الدبلة ،،وتقل شخصيته لو انه لبس لأن يتبع عادات زوجته ،،
ياااما رجاجيل من غير دبل وهم من قوم برو برو بيا بيا مع حريمهم ،،

فخلونا نحدد النظرة حسب ما نرضاه على نفوسنا من غير ما نتدخل
في امور الآخرين حتى ما نوصل الى طريق نسمح فيه لنفوسنا اننا
نحدد ضعف شخصية الرجل من خلال موافقته على لبس الدبلة ،،

وكل عام وانت بخير ،،

[هدهد سليمان]

لحظه يا جماعه ..!!
حتى الدبله صارت قطري وغير قطري !! او قطري اصيل وقطري تقليد !!
يا الربع لا تضحكون علينا العالم والناس .. العالم وصلوا اختراع الروبوتات !
ولكل زمان رجال ودوله ! ولكل جواد دبله اقصد كبوه :)

[بنت سيف]

اخوي عابر،،، ملاحظة ان موضوع الدبلة مسوي قلق من غير قلق،،

يعني فرضا قلنا عادة دخيلة مثلا،، في ناس يحبونها ودام انها ما اتضر بشي ما فيها شي
فالملابس السبورت عادة دخيلة على مجتمعاتنا وديننا ،، دام الواحد لو لبسها و ما ضرت حد
اعتقد ان هالشي احنا مالنا حكم عليه ،،

يعني لو شفت في السوق شاب قطري لابس دبلة وزوجته قطرية اصل وفصل
فاهنيه شنقول ؟
سكانة مرته والا جير نفسه ؟

شخصيا مع احترامي الشديد لرايك،، ما اشوف رجولة الرجال او قوة شخصيته
تكمن في عدم لبس الدبلة ،،وتقل شخصيته لو انه لبس لأن يتبع عادات زوجته ،،
ياااما رجاجيل من غير دبل وهم من قوم برو برو بيا بيا مع حريمهم ،،

فخلونا نحدد النظرة حسب ما نرضاه على نفوسنا من غير ما نتدخل
في امور الآخرين حتى ما نوصل الى طريق نسمح فيه لنفوسنا اننا
نحدد ضعف شخصية الرجل من خلال موافقته على لبس الدبلة ،،

وكل عام وانت بخير ،،

أم السعف .. أختي الفاضلة

اتفق معاج 1000000%

الأشياء الدخيلة كثيرة .. منها الزين ومنها الشين ..

ومنها اللي يفيد ومنها اللي يضر ..

ومنها المقبول .. ومنها غير المقبول ..

واتفق معاج إن الموضوع .. ماخذ حجم أكبر من حجمه ..

مع اعتذاري واحترامي الشديد للرأي أخونا عابر ..


**

وأخونا الهدهد ..

صح لسانك ..



تحياتي


بنت سيف

[ارين]

لحظه يا جماعه ..!!
حتى الدبله صارت قطري وغير قطري !! او قطري اصيل وقطري تقليد !!
يا الربع لا تضحكون علينا العالم والناس .. العالم وصلوا اختراع الروبوتات !
:)

:nice:

[Arab!an]

اظن الخاتم اللي يلبسه الرجل (عندنا) ماله علاقه في الزواج !

حتى الشباب الصغار والمراهقين مرات يلبسونه .. ويسمى (الفتخه)

الخاتم اللي "نزعه" رسول الله صلى الله عليه وسلم من الصحابي .. اظن ماله علاقه في الزواج وما كانت عندهم سالفه " الدبلة الرومنسية" .. واللي يصير الحين هو امتداد لنفس الثقافة .. ثقافة لبس الخاتم للرجل ومنتشر حاليا في دول كثيره منها اليمن وعمان وايران اكثر من غيرها ..خصوصا الخاتم ابو فص وغالبا يكون من الاحجار الكريمة ( زمرد , عقيق )

اما خاتم الزواج الرومنسي فأكثر من يلبسه هم الاخوة العرب اللي (انفتحوا) قبلنا على الغرب

وبعدين من متى صارت الترمبة دليل على البعد عن التطور :cool:

[طارق العلي]

عندي سوأل ليش الساحر والمشعوذ ومن طقوسه انه يلبس دبله في صبعه ! !

هل هذا معناته انه تزوج بنت ابليس حيزبونه وهي اللي تقوله برو برو بيا بيا

وماهو موقف ابليس من حضور زواج بنته حيزبونه على هذا الساحر . . وهل سوف تقنع

حيزبونه زوجها الساحر بعد الدخول اللي عش النار بأن يترك العادات والتقاليد من اكل

المجابيس واستبداله بوجبه نارية من قاع جهنم

هذه اسئلة كثيره من مواضيع طرت علينا خلال هذه الفتره القصيرة ومالها داعي :tease:

[ضوى]

الدبلة شئ رمزي جدا ، لا ترمز لاي شئ للرجل ، ولكن بالنسبة للمراة اعتبرها مهمة جدا وانا شخصيا احب البسها دائما لما اطلع اماكن عامة ، اما بالنسبة للرجل لبسها مالبسها فعادي مو مهم وايد ، زوجي لبسها للتصوير يوم الملجة ويوم العرس مجرد مظاهر شكلية فقط لاغير

[ام السعف]

الدبلة شئ رمزي جدا ، لا ترمز لاي شئ للرجل ، ولكن بالنسبة للمراة اعتبرها مهمة جدا وانا شخصيا احب البسها دائما لما اطلع اماكن عامة ، اما بالنسبة للرجل لبسها مالبسها فعادي مو مهم وايد ، زوجي لبسها للتصوير يوم الملجة ويوم العرس مجرد مظاهر شكلية فقط لاغير


كثير حضرت حفلات خطوبة ولازم يكون فيها تلبيس للدبل

فما ادري شسالفة بالضبط ،، هل كنت احلم يوم كنت اشوف هالحفلات:eek5:

حتى ليلة العرس يبدلون الدبل ولازم العروس تكون قاعدة يمين المعرس
والكوشة والفناددق والزفة كلها مب لنا ،،

اشمعنى الدبلة صارت عيب ،،

ام السعف

نصيرة الدبلة والمدبلين :shy:

[بـــــــنت النوخـّــــذه]

:p:p:p:p

على طاري الدبله مره شفت مسلسل اثنين مخطوبين وطبعا" انخطبو بعد ما ألبسو الدبله لان الدبله اهي الي املكت عليهم مهب القاضي :D المهم عاد خطيبها بعد مااكل خلع الدبله من صبعه وحطها على الطاوله وراح يغسل ايده ألا جات خطيبته وشافت الدبله على الطاوله وتمت اتصيح واتصارخ وتركض الريال طلع
قال: فيه أيــــــــــــــــــــــــــــــــــــــــــــــــ ـــــه يانرمين
ألا قالت نرمين: انت طلأتني يا وليد
قال:لأ
ألا قالت: أمــــــــــــــــــــــــال ليه خلعت الدبله من أيدك :eek2::eek2:


عموما نرجع لمحور حديثنا وشبابنا في ديرتنا : ترى اغلب الشباب اذا البسو دبله فهي يابلفيت من باب الفنتك ليس إلا يابفليت حركه ألحين 0000 وصارو يلبسون خاتم متين بصبعهم الصغير نفس البتان نفس واحد مابذكر اسمه يطلع في برنامج المجلس الي على قناه الكاس :eek2:

يلا الاهم ياجماعه انها ماتكون لا ذهب ولا ألماس اتكون من الفضه لحد يتهور ويلبس ألماس ولا ذهب هذا الخوف من التطور ألي ينسي الشخص الحلال والحرام و بعد ما تنحط الدبله في موضع القداسه يعني اذا خلعها معناته طالق بالثلاث مرته^_^
:eek5:

[ضوى]

كثير حضرت حفلات خطوبة ولازم يكون فيها تلبيس للدبل

فما ادري شسالفة بالضبط ،، هل كنت احلم يوم كنت اشوف هالحفلات:eek5:

حتى ليلة العرس يبدلون الدبل ولازم العروس تكون قاعدة يمين المعرس
والكوشة والفناددق والزفة كلها مب لنا ،،

اشمعنى الدبلة صارت عيب ،،

ام السعف

نصيرة الدبلة والمدبلين :shy:

الصراحة من زمان اشوف هالسالفة ولا زلت اشوفها تبديل الدبل بحفلة الزواج لزوم التصوير ، ليش الدبلة عيب مدري والله ، تشبه باليهود والنصارى ؟؟ طيب الجينز تشبه ، مسكة العروس ( الورد ) تشبه ، كوشة تشبه ، شرب العصير تشبه ، التناننير الميني تشبه ، السكيني تشبه ، والقائمة تطول طيب ليش ركزنا على نقطة وتركنا النقاط الاخرى ؟؟؟ على فكرة حتى دبلة الالماس للعروس تشبه اشمعنى متمسكين بها بهالحد ونجبر الريال عليها ؟؟؟؟

[vtc_4.8]

http://www.islamweb.net/ver2/Fatwa/ShowFatwa.php?lang=A&Id=33893&Option=FatwaId

الحين الفتوى محرمه لبس الدبله انتو ليش تصفقون حق هالعاده ؟

[طارق العلي]

مسكة العروس

مافهمت وشو تعنين مسكة العروس . . . قصدج يجيبون شي يمسكونها علشان ماتهرب

هذه اخرتنا قمنا نربط العروس بالحبال

[ضوى]

مافهمت وشو تعنين مسكة العروس . . . قصدج يجيبون شي يمسكونها علشان ماتهرب

هذه اخرتنا قمنا نربط العروس بالحبال

اعتقد اني حطيت بين قوسين ( الورد ) مايحتاج لها اي توضيح

تحياتي

[فلتة زمانها]

كثير حضرت حفلات خطوبة ولازم يكون فيها تلبيس للدبل

فما ادري شسالفة بالضبط ،، هل كنت احلم يوم كنت اشوف هالحفلات:eek5:

حتى ليلة العرس يبدلون الدبل ولازم العروس تكون قاعدة يمين المعرس
والكوشة والفناددق والزفة كلها مب لنا ،،

اشمعنى الدبلة صارت عيب ،،

ام السعف

نصيرة الدبلة والمدبلين :shy:

الحين مو بس تلبيس الدبل هاي قبل
انا في حفلة خطوبتي لبست ريلي الدبله وطقم الازره والقلم:secret:

[ضوى]

الحين مو بس تلبيس الدبل هاي قبل
انا في حفلة خطوبتي لبست ريلي الدبله وطقم الازره والقلم:secret:

فنتك جديد :rolleyes2:

[السامـي]

(الدبلة) يا شين الرجّال اللي يلبسها في عيني،أحس إنه محطوط في رقبته حبل.

تحية لك أخوي/ عابر.

[طارق العلي]

اعتقد اني حطيت بين قوسين ( الورد ) مايحتاج لها اي توضيح

تحياتي

اهاااااااا الحين فهمت يعني لو جاعت وهي مربوطه بعمود الخيمه بتروح وبكامل قوتها تفك الحبل وراح تاكل الورد

يعني السالفه ومافيها تدريب على الاعتماد على النفس في عش الزوجية وان الحياه الزوجية مثل مافيها من حبل وربط . . هناك الجانب الايجابي وهو الورد

بعد ماشاالله عليكم افكار حلوة

[ضوى]

اهاااااااا الحين فهمت يعني لو جاعت وهي مربوطه بعمود الخيمه بتروح وبكامل قوتها تفك الحبل وراح تاكل الورد

يعني السالفه ومافيها تدريب على الاعتماد على النفس في عش الزوجية . . ماشاالله عليكم افكار حلوة


الظرافة لها وقتها ايها العضو الكريم

وانصحك ان تتجنب التعليق على ردودي لانني لست من النوع الذي اتقبل الظرافة والطرافة التي تجيدها ، فتلك مكانها في الاستراحة تستطيع ان تستعرض مهاراتك هناك

[طارق العلي]

الظرافة لها وقتها ايها العضو الكريم

وانصحك ان تتجنب التعليق على ردودي لانني لست من النوع الذي اتقبل الظرافة والطرافة التي تجيدها ، فتلك مكانها في الاستراحة تستطيع ان تستعرض مهاراتك هناك

اخاف اروح الاستراحه يكون يوم مخصص حق العوائل . . مب مشكله هنا مستريح ومروق البال على الاخر

[ام السعف]

فنتك جديد :rolleyes2:

قديم يا ضوى من 12 سنة مرت علي :shy:

[ضوى]

قديم يا ضوى من 12 سنة مرت علي :shy:

:weeping::weeping: ليش انا مامرت علي مع اني من جيلج :weeping:

[آلسنآفيه]

بــآآآل عـلـى طـآري آلدبـله تـدرون وش ذكـرتـونـي :shy:

بـآلآفـلآم آلمصـريـه آللـي لآ زعـل عـلـى مـرتـه حـذف آلدبـله ع آلطـآولـه
وآلصـوت ((( طــررررررخ ))) <<< آهـم شـي آلصـوت هـآآ :tease:

عقبـهـآ تسمعـون آنـوآع آلصـرآخ وآلبكـي آنهـم آنفصلـوآ يعـنـي :(

بـس آتخيــل شبـآبنـآ لآبسيـن دبلـه:omg: ههههههههه مـآيــررركـب كلــش :rolleyes2:

آللـي آشـوفـه ومـن قبـل مـب آلحيـن آللـي يلبسـونـه شيبـآنـآ وشبـآبنـآ وبعض آلشبـآب
ليلحيـن يعتبـرهـ مـن آهـم آلـرزهـ وآلكشخـه عنـدهـ آللـي هــو
(( آلفتخـه )) خـآتم مـن فضـه ,, هـذي مـآشـوف فيهـآ شـي آذآ لبسـهـآ :shy:

هـذآ ممكــن لكـن دبـلـه يعنـي آنـه متـزوج مـآدري وآلله :secret:

وآللـي آعـرفـه آيضـآ آن آلـرجـل يهـدي زوجتـه دبلـه مكتـوب فيهـآ آليـوم وآلتـآريـخ
هـذي آبـوي مهديهـآ لآمـي بدآيـة آلثمآنينـآت :shy: وليـن آلحيـن عـنـدهـآ لكـن ولآ مـرهـ شفتهـآ لآبستهـآ escape

[طارق العلي]

بـآلآفـلآم آلمصـريـه آللـي لآ زعـل عـلـى مـرتـه حـذف آلدبـله ع آلطـآولـه
وآلصـوت ((( طــررررررخ ))) <<< آهـم شـي آلصـوت هـآآ :tease:


لا وماتنفسخ خطبتهم الا في المطعم . . انا الشي هذا لاحظته في كذا مسلسل . . المشكله يطلعون ولا يدفعون الحساب

[حبر سري]

. . المشكله يطلعون ولا يدفعون الحساب

يمكن يخلونه عالحساب

[باسكن روبنز]

بل قديمه يمه ..
يعني عقب ماسلتم الشيخ خليفه بن حمد مقاليد الحكم بسنه !!
سنتين وبتكملون 40 سنه
لا الله الا الله ربي يحفظكم ويهنيكم

انا ابوي يوم ياخذ امي في الثمانينات بس مب قايل متى عشان لايجي
باسكن روبنز ويطلع عمري ويعايرني
بس المهم اني بو عيال :happy:

:shy:






























:tease:

[بوحارب]

الحين مو بس تلبيس الدبل هاي قبل
انا في حفلة خطوبتي لبست ريلي الدبله وطقم الازره والقلم:secret:

يعني الأخ دخل عليكم والكلر بدون زرار هههههههههههههههههههههههههههههه

قمة الكشخة :tease:

[MAZEN37]

تجربه لا غير
تعاله بعد شهر تحصله يدور يبيعها

[عابر سبيل]

لحظه يا جماعه ..!!
حتى الدبله صارت قطري وغير قطري !! او قطري اصيل وقطري تقليد !!
يا الربع لا تضحكون علينا العالم والناس .. العالم وصلوا اختراع الروبوتات !
ولكل زمان رجال ودوله ! ولكل جواد دبله اقصد كبوه :)


من قال يا خوي العزيز هدهد سليمان...

الكتاب اعتقد باين "من عنوانه"...
القصد عاداة و عرف و نظرة اجتماعية...
*
*
،،
اما عن ما تفضلت به انت و كثير من الاخوة و الاخوات
بخصوص الخواتم العادية..خاصة اللي عليها حجر اسود..
فهي لها اصل عندنا و شوفو كلام اخونا BuNoora
عندما ذكر سنة الرسول-صلى الله عليه و سلم-
في مسألة لبس الخاتم للرجل...

الحـchــي اهنيه<<<< عشان يسانس اخوي السامي:shy:!!

عن لبس شباب قطر للدبلة
بعد حفلة الخطوووبة..
لما يروح حق ربعه و اعيال عمه..

الكلام اجتماعي..
بين شباااااااااااااااااااااب هالايام
ما تكلمت لا عن جيل الستينات و لا معاريس
السبعينات و لا حتى الثمانينات..
الله ايهنيهم جميع...
الكلام عن ما بعد 1995:telephone:!!

[ذوق]

متابعه - موضوع ممتع

[عابر سبيل]

اخوي عابر،،، ملاحظة ان موضوع الدبلة مسوي قلق من غير قلق،،

يعني فرضا قلنا عادة دخيلة مثلا،، في ناس يحبونها ودام انها ما اتضر بشي ما فيها شي
فالملابس السبورت عادة دخيلة على مجتمعاتنا وديننا ،، دام الواحد لو لبسها و ما ضرت حد
اعتقد ان هالشي احنا مالنا حكم عليه ،،

يعني لو شفت في السوق شاب قطري لابس دبلة وزوجته قطرية اصل وفصل
فاهنيه شنقول ؟
سكانة مرته والا جير نفسه ؟

شخصيا مع احترامي الشديد لرايك،، ما اشوف رجولة الرجال او قوة شخصيته
تكمن في عدم لبس الدبلة ،،وتقل شخصيته لو انه لبس لأن يتبع عادات زوجته ،،
ياااما رجاجيل من غير دبل وهم من قوم برو برو بيا بيا مع حريمهم ،،

فخلونا نحدد النظرة حسب ما نرضاه على نفوسنا من غير ما نتدخل
في امور الآخرين حتى ما نوصل الى طريق نسمح فيه لنفوسنا اننا
نحدد ضعف شخصية الرجل من خلال موافقته على لبس الدبلة ،،

وكل عام وانت بخير ،،


و انتي بخير...

بل بل بل...
شبيقدرني عليـch انتي و معاch بنت سيف..
انا يعني اشقطني في هالورطة..
اشوف الحلف قام ايزيد من قبل المعارِضات..

هذا ..و انا اتكلم عن شاب راعي ضرب ابطون
كل ما مل و لا على دوار الشيراتون تالي الليل
ايشيل الموتر على تايرين..
اجل اشلون لو كان الكلام
على اخونا (طارق العلي) :eek5:
اللي ايقول عن نفسه في توقيعه..ما معناه
انه
"احلى ولد في هالبلد":rolleyes2:
*
*
،،
ولا عن ايضر و لا ما يضر..
يا اختي الكريمة..انا في رأيي المتواضع
ان كل انسان...هو ادرى بنفسه و مصلحته ..
في الاول و الاخير..
لكن...الجهل بالامر..ابدا ما كان حجة لصاحبه
الا هو حجة عليه!

اخونا الكريم/ المهندس عبدالعزيز
جاب لكم نقل عن (قتوى بهالامر)..

طيب هو جابها من هيئة علماء السعودية!!
ممكن حد بيكون في حلجه غصه منها!!

طيب اخونا الكريم/ تركي محمد في المشاركة رقم 44 اعلاه
جاب بعد رابط لفتوى من جهة تقريبا رسمية قطرية..
هي اسلام ويب..
و عشان يبدوا لي ان الناس (تقرأ و اتشقح)..
انا بالاذن..رحت و تمقلت فيها و احطها اهنيه
قدام كل عين تقرا...

"
رقـم الفتوى : 31984
عنوان الفتوى : لبس الخاتم عند الزواج من عادات المشركين
تاريخ الفتوى : السبت 11 ربيع الأول 1424 / 13-5-2003
السؤال
بسم الله الرحمن الرحيم والصلاة والسلام على أشرف الأنبياء والمرسلين سيدنا محمد صلى الله عليه وسلم السلام عليكم ورحمة الله وبركاته ما حكم لبس الدبلة في الإسلام؟ وهل يجوز للرجل لبسها بنية الخاتم أو تغيير مكانها في الإصبع أي مثلاً في الخطبة أضعها في اليسار والزواج في اليمين؟ مع العلم بأن الدبلة ستكون من الفضة. أجيبوني جزاكم الله عني كل خير. والسلام عليكم ورحمة الله وبركاته

الفتوى

الحمد لله والصلاة والسلام على رسول الله وعلى آله وصحبه أما بعد: فإن خاتم الفضة للرجال يجوز، وسواء كان له فص أو لم يكن له فص، وسواء لبسه في اليمين أو اليسار، وراجع الفتوى رقم: 5775. أما لبس الخاتم عند الزواج تحديداً ولأجله، وما يتبع ذلك عادة من جعله في اليمين عند الخطبة وفي اليسار عند الزواج، كل ذلك لا أصل له في الشرع، بل هو من عادات المشركين، لذا فالأولى اجتنابه. ولمزيد من الفائدة راجع الفتوى رقم: 5080. والله أعلم.

"

عاد كل منا...بيجيه يوم ايدش قبره...
بروحه و لا مع حرمته
يمكن قبل او بعد
النسوان اللي احضرواحفلة الخطوبة
و تمقلوا فيه من فوق لين تحت
و اختلفوا فيما بينهن
(هو الاحلى و لا العروس احلى:omg:)
وحده تقول (لابجين على بعض)
و الثانية تقول
(اسْتعيلت امه الله يهداها..
لو خاطبه بنتي كانت ألبَج عليه):omg:

فا..المقصد..ان سوالف الحريم..
ما تنفع الرجال ..لما يكون بين
ربعه و اشكاله من الشباب...
هذا في مجتمعنا..
و في احسن الاقوال
من كلام (علماء) افاضل من هنا و هناك!
هذا فقط تعقيبا على قولكِ.."انها ما تضر"!

*
*
،،

و اختم بشيء اكرره و كنت قد المحت له..
ما افهمه انا..ان كلام العلماء عن (لبس الدبلة)
يشمل الرجل و المرأة..

عاد بتزعلون و اتقولون مبالغة و تشدد و تنطع و و و..

هذا..تقولونه لمن (أفتى) موب لنا..

احنا في هالموضوع..اكرر..
نتكلم عن (الشباب) القطري..اصليين و لا فالصوا..
و نظرتهم تجاه بعضهم البعض..
عندما يكون الواحد موب مصدق عمره
من اول ما خطب..تلعب عليه خطيبته
و اتلبسه و اتأكله
و بعد على قولة القايل..
تلبسه زر و اتحط له القلم..
و ازيدج بعد..فيه ناس لبسوهم الغتره و الاعقااااال:(..


هذا موب سكانه مرته..
وين هذا اللي هاي سواته
و هذاك اللي تندز له
حرمته في
(الزولية)!!<<<مشروع موضوع جديد

[عابر سبيل]

اظن الخاتم اللي يلبسه الرجل (عندنا) ماله علاقه في الزواج !

حتى الشباب الصغار والمراهقين مرات يلبسونه .. ويسمى (الفتخه)

الخاتم اللي "نزعه" رسول الله صلى الله عليه وسلم من الصحابي .. اظن ماله علاقه في الزواج وما كانت عندهم سالفه " الدبلة الرومنسية" .. واللي يصير الحين هو امتداد لنفس الثقافة .. ثقافة لبس الخاتم للرجل ومنتشر حاليا في دول كثيره منها اليمن وعمان وايران اكثر من غيرها ..خصوصا الخاتم ابو فص وغالبا يكون من الاحجار الكريمة ( زمرد , عقيق )

اما خاتم الزواج الرومنسي فأكثر من يلبسه هم الاخوة العرب اللي (انفتحوا) قبلنا على الغرب

وبعدين من متى صارت الترمبة دليل على البعد عن التطور :cool:


خخخخخخخخخخخخخ...
انا عاد حاط سالفة الترمبه عشانك
انت بالذات...

الدليل على ان الترمبه علاقتها غير متضاده مع التطور.
هوانت يا زين الشباب و الصورة الرمزية اللي تعبر
عن (كشختك) الاعتيادية!

تذكرني بالشيوخ و الملوك ..
لما يقطون البشوت ..
من الحَرَّة شكلهم ..
اتشوفهم ما يقطون
الغترة الا (ترمبه)..
يبون يقلدونك يالـ (الكشخه)!

[ام السعف]

اخوي عابر لا اعتراض على كلامك وتعقيبك الأخير ،،

الموضوع لو كان يمس الدين ما يحق لنا اصلا نتدخل فيه ،، والفتوى
مالي اعتراض عليها ابدا ،، بس ما يوصل الأمر لحد التدخل في امور الناس
بحيث ان الرجل اللي يفعل كذا او كذا هذا سكانة مرته ،،

مب بس الدبلة عادة دخيلة ،، دخول المعرس على العروس بين وسط حريم وكوشة وفندق
بعد عادة دخيلة وغير جائزة شرع وهناك فتاوى كثيرة تحرم هالشي ،،

بس العالم هابين فيها بحكم انها عادة ،،، فما نقدر نقول هذول مسيرينهم حريمهم

فالاعتراض مب على حرمة او تحليل هالشي الاعتراض
على ان تحليل شخصية اللي يقوم به على انه سكانة مرته او زوجته اجنبية ،،

والسلام عليكم

[latty]

لي ملاحظه بسيطه كلمة اسيمر اش تقصد بها اخي العزيز؟

ثانيا الدبله مب لنا ولا احنا لها لكن جات من الافلام ابيض واسود وحتى الكوشه ماكانت لنا لكن تدريجيا خذيناها من الافلام الابيض والاسود

[بدون]

اختلف معاك اختي العزيزه لبس الدبله مجرد مظهر لايرتبط باحترام او غيره

انا ولله الحمد عشر سنوات زواج مالبس زوجي دبله وهذا ماغير من احترامه وتقديره

تقديس الحياة الزوجيه واحترام الطرف الاخر لا يحتاج الا دبله او غيره

الي مايعرف معنى الاحترام والاستقرار الاسري لو تلبسينه دبل في ايديه ورجوله ما فاده

تقبلي تحياتي

صح :)

[صدى الخافق]

والله هي حركه حلوه

وممكن تكون بفتره حلوه ماتتكرر

وهي الفتره مابين الملجه إلى يوم العرس

ماتضر ولا تنفع

بس وناسه

ممكن يلبسها الشاب كم شهر وعقب يخليها

[وضحى قطر]

الحمد لله والصلاة والسلام على رسول الله وعلى آله وصحبه أما بعد:

مما لاشك فيه أن النبي صلى الله عليه وسلم كان له خاتم، وهذا مذكور في شمائله، روى البخاري عن أنس رضي الله عنه، أن النبي صلى الله عليه وسلم اتخذ خاتماً من فضة.


دليل بسيط يبين ان اعظم الرجال تزين بخاتم

واحنا اليوم نتسائل ان كان الخاتم يقلل من رجولتنا

الله يجملك برضاه

[عابر سبيل]

لي ملاحظه بسيطه كلمة اسيمر اش تقصد بها اخي العزيز؟

ثانيا الدبله مب لنا ولا احنا لها لكن جات من الافلام ابيض واسود وحتى الكوشه ماكانت لنا لكن تدريجيا خذيناها من الافلام الابيض والاسود


يعني به مسحة من اللون الاسمر..
تعبير قصدت به انه من كثر تعرضه للشمس..اكتسب هذا اللون...
و هو دلاله ..
على كثرة (الهياته) في القوايل
في البران والعزب و و و!!

هذا ما احببت ان المح له
بالمسحة السمراء..
لا اكثر و لا اقل!

فشكرا لك على الملاحظة والتدقيق و الاستفسار..
و اخيرا التعقيب الطيب!

[عابر سبيل]

اخوي عابر لا اعتراض على كلامك وتعقيبك الأخير ،،

الموضوع لو كان يمس الدين ما يحق لنا اصلا نتدخل فيه ،، والفتوى
مالي اعتراض عليها ابدا ،، بس ما يوصل الأمر لحد التدخل في امور الناس
بحيث ان الرجل اللي يفعل كذا او كذا هذا سكانة مرته ،،

مب بس الدبلة عادة دخيلة ،، دخول المعرس على العروس بين وسط حريم وكوشة وفندق
بعد عادة دخيلة وغير جائزة شرع وهناك فتاوى كثيرة تحرم هالشي ،،

بس العالم هابين فيها بحكم انها عادة ،،، فما نقدر نقول هذول مسيرينهم حريمهم

فالاعتراض مب على حرمة او تحليل هالشي الاعتراض
على ان تحليل شخصية اللي يقوم به على انه سكانة مرته او زوجته اجنبية ،،

والسلام عليكم



لا اعتراض على (اعتراضك)..
و النقاش يجلي لنا وجهات النظر
و اعتقد يزيد الاحترام فيما بين الناس..
حتى لو ما بقوا مختلفين..

المهم..اللي بالاحمر اعلاه..
العادة..موب في (العادة) تكون موروثة
عشان الناس تتمسك ابها لهالقد..

الحين..كل هاللي وصفتيه
من مظاهر اكبر بكثييير من الدبلة..
من وين موروثه...ممن؟؟
خلينا من التقليد..

لكن..التمسك و الاصرار لهالقد و الدفاع المستميت عنه..
و اضافة زيادات و بهارات في كل عرس عما سبقه..
مع اليقين بانه ما له اصل و لا ارتباط ببيئنا
و لا عوايدنا و لا موروثاتنا و لا ديننا..

هذا على ايش ايدل!!؟؟

[الحياة الخالدة]

السلام عليكم و رحمة الله ...


عيدك مبارك أخوي .. عابر سبيل .. ( و لو انها متأخرة ) ..
و عساه لين عاد يلقاكم بالصحة و العافية ..



استغربت لما شفت في يده خاتم (دبله)..
طبعا من (سمار يده) الخاتم "ايلق"
في يده..و لمعته لمعه!

تساءلت في نفسي..
يعني..هالوطر..صار عادي
عندهم انهم يلبسون (دبله)..
و لا عاد شباب اليوم..
مثلهم لمثل لول..
اما ان فيهم من سمع عن الدبله
رأي ديني..
او البعض..
ما لبسه...
خوف انه
يصير بين
الشباب...

(مطنزه)!


يا خوي هالأيام ما عاد الواحد يستغرب من شي ..
( و انا أكيد ما أقصد الشباب بالذات ) .. للأسف صار كل شي عااااااادي و تلقى لك ناس ما تستنكر شي .. ما يات على لبس الدبلة ..
حتى اليهال تسألهم و انت محترق قلبك على شي مسويينه .. ليش سويتوا جذيه .. يردون عليك : عااااادي ..


لبس الدبله..للشاب القطري
في نظر اخوانه و ربعه
و حتى الحريم من هله..

سَـنْعِـه و لا هي عادها..
منكر و (بدعه)!


بالنسبة لنا .. مثل أغلب العوايل القطرية ..
لا إخواني .. و لا نسايبنا يلبسونها ..
و لا حتى زوجي يلبسها ( لأن أصلاً ما اشترى دبلة ) ..


لا الدبلة دليل الحب و الاحترام و الوفاء .. اللي في راسه شي بسويه ..
و لا وجودها بيرد المتطفلات عن اقتحام حياة أسرة مستقرة و تصيد المتزوجين ..
بل على العكس .. صارت عامل جذب ..


تحياتي ..

[عابر سبيل]

السلام عليكم و رحمة الله ...


عيدك مبارك أخوي .. عابر سبيل .. ( و لو انها متأخرة ) ..
و عساه لين عاد يلقاكم بالصحة و العافية ..




لا الدبلة دليل الحب و الاحترام و الوفاء .. اللي في راسه شي بسويه ..
و لا وجودها بيرد المتطفلات عن اقتحام حياة أسرة مستقرة و تصيد المتزوجين ..
بل على العكس .. صارت عامل جذب ..


تحياتي ..



العيد مبارك علينا و عليكم
سيدتي/ الحياة صعبه..

كل شي في صوب...
و الجملة الاخيرة..في صوب..
خاصة اخر كلمه:stop:!
*
*
،،
اما عن عادات و اشياء نسويها
و بالذات اليهال...دون معرفة
كنهها او تبعاتها..
فهذي عندي لها موضوع جاي
عن تجربة مشاهدة مني في رحلة للهند..
و بطعّهما بالصور بعد..
الموضوع بيطيح بعد اشوي!

فلك ايضا منا تحية!

[الحياة الخالدة]

السلام عليكم و رحمة الله ..


الله يهديك ياخوي .. أنا حطيت الجملة في سياق الكلام .. قلت يمكن محد ينتبه لها ..
و انت على أولك و ترزها باللون الأحمر و بالبنط العريض ( على قولتهم ) ..
شيفكنا الحين من صواريخ أرض جو .. escape
يعني هناك بعض أخواتنا ( البعض ) يدورون المتزوج دوارة ..
و بعض الرجال ( البعض ) يبونها من الله يدورون السبة ..
الله يهدي الجميع ..


عموماً ..
ناطرين الموضوع اللي بيطيح علينا بعد شوي ..
و أكيد بيكون مميز في الطرح و الأسلوب ..
و لا عجب .. فهو بإمضاء .. عابر سبيل .. :)

[Miss]

الدبله عاده دخيله علينا .. بعض الشباب يلبسها مع زوجته اذا بيروحون اي مكاان .. لكن عند ربعه او اهله يفصخهاا ويدعسها في اقرب درج فالسيااره :p .. لانه لو مقتنع فيها كان خلاها في يده طول الوقت

[ام السعف]

لا اعتراض على (اعتراضك)..
و النقاش يجلي لنا وجهات النظر
و اعتقد يزيد الاحترام فيما بين الناس..
حتى لو ما بقوا مختلفين..

المهم..اللي بالاحمر اعلاه..
العادة..موب في (العادة) تكون موروثة
عشان الناس تتمسك ابها لهالقد..

الحين..كل هاللي وصفتيه
من مظاهر اكبر بكثييير من الدبلة..
من وين موروثه...ممن؟؟
خلينا من التقليد..

لكن..التمسك و الاصرار لهالقد و الدفاع المستميت عنه..
و اضافة زيادات و بهارات في كل عرس عما سبقه..
مع اليقين بانه ما له اصل و لا ارتباط ببيئنا
و لا عوايدنا و لا موروثاتنا و لا ديننا..

هذا على ايش ايدل!!؟؟


اولا برد عليك على آخر سؤال :
يدل عن بعدنا وجهلها لأمور كثيرة والجري خلف المبهرات من الأمور
لدرجة انها اصبحت قطعة منا لا يمكننا الاستغناء عنها ،،
ومن ثم اقول لك :
نعم اتفق معك احنا مب ملزومين نتمسك فيها ،، لو كنا ملزومين
كان شفتنا للحين متمسكين بالمرتعش والكف والحزام ،،
والدزة وغيره وغيره ،،
ونفس الشي الدبلة احنا مب ملزومين نتمسك بالأمر هذا ولا حنا
بملزومين نتمسك ببروتوكول ليلة الخطوبة يشبرها عصير يشرب عصير
يلبسها الشبكة واتلبسه ثوبه ،،

الأمور هذه جرت العادة التقليدية عليها ،، سواء كان الرجل
سكانة مرته او سكانة امه او ربعه حتى ،،

الغلط غلط حتى لو احنا سرنا عليه ،، ولكن الأهم اللي ما بعد ذاك الكلام
اخوي عابر :

اللي ابي اقوله ان قيام الرجل بمثل هذه الأمور لا تعني ابدا انه سكانة
مرته او ان مرته مب قطرية مثلما جاء في احد الردود ،،

اللي لازم ندركه اننا يجب ان نرفض مثل هذه الأمور ان كان رفضنا هذا نابع
من مبدأ ديني صريح ،، مع تأكيد احترام حرية الآخرين بالتعامل معها
بالكيفية التي تكون نابعة من قناعاتهم الشخصية دون قصد منهم
في تسفيه الدين ،،

هذه هي وجهة نظري من البداية الى الآن ،،
وجزاك الله كل خير على التعقيب في كل مرة ،،

[عابر سبيل]

اولا برد عليك على آخر سؤال :
يدل عن بعدنا وجهلها لأمور كثيرة والجري خلف المبهرات من الأمور
لدرجة انها اصبحت قطعة منا لا يمكننا الاستغناء عنها ،،
ومن ثم اقول لك :
نعم اتفق معك احنا مب ملزومين نتمسك فيها ،، لو كنا ملزومين
كان شفتنا للحين متمسكين بالمرتعش والكف والحزام ،،
والدزة وغيره وغيره ،،
ونفس الشي الدبلة احنا مب ملزومين نتمسك بألمر هذا ولا حنا
بملزمين نتمسك ببروتوكول ليلة الخطوبة يشبرها عصير يشرب عصير
يلبسها الشبكة واتلبسه ثوبه ،،

الأمور هذه جرت العادة التقليدية عليها ،، سواء كان الرجل
سكانة مرته او سكانة امه او ربعه حتى ،،

الغلط غلط حتى لو احنا سرنا عليه ،، ولكن الأهم اللي ما بعد اخوي
عابر :

اللي ابي اقوله ان قيام الرجل بمثل هذه الأمور لا تعني ابدا انه سكانة
مرته او ان مرته مب قطرية مثلما جاء في احد الردود ،،

اللي لازم ندركه اننا يجب ان نرفض مثل هذه الأمور ان كان رفضنا هذا نابع
من مبدأ ديني صريح ،، معتأكيد احترام حرية الآخرين بالتعامل معها
بالكيفية التي تكون نابعة من قناعاتهم الشخصية دون قصد منهم
في تسفيه الدين ،،

هذه هي وجهة نظري من البداية الى الآن ،،
وجزاك الله كل خير على التعقيب في كل مرة ،،



ابدا..انتي اللي جزاج الله خير ع الحرص
على التوضيح و افادتنا جميعا كالعاده..

وجهة نظرج حول مصطلح (سكانه مرته)..

للاسف..
اني من امس و ابي اقول لج اني ...
مأيدها و ما عندي خلاف حواليها..

بس سقط سهوا من ردي السابق..
و انا ..بس لو تأملتي
كان تعليقي ذاك على الافتراض اللي حطته
الاخت/الاصيله ..يوم انها علقت
على الشخص اللي بديت منه الموضوع و القصة!

هناك..انا قلت..انه (و لو) افترضنا انه ربما
مقترن بغير قطرية ممن (الدبلة)
عادة مقدسة و شي اساسي عندهم..
فمو معناته ..انه يطاوعها لهالدرجة..
فاهنيه بيكون مثل اللي (سكانه مرته)
و من يوم الخطوبه..
مو من اول و لا اخر يوم ((عسل))..
اكان العسل..شهرا او دهرا!

اما غيره..فما هو مشمول بكلمة (سكانه مرته)
حتى لو لبس الدبله من قبل 55 سنه!

اتمنى اني احصل منج العذر عن سهوي و عدم توضيح رأيي..
بانني ابدا ما انظر الى ان من يتعامل مع (هله)
بالطيب و اللين و الزين و و و و...
انه شخص ينقال عنه (سكانه مرته)
و لا اي شي من هالقبيل..
و اعيد و اكرر..
لو تتأملين بعض الردود..انا اشرت
الى الحديث النبوي القائل..

(خيركم..خيركم لأهله....الخ الحديث)! او كما قال-صلى الله عليه وسلم-

اختم يا سيدتي بقاعدتي الذهبية..
(اللي ما فيه خير حق هله..
ما فيه خير لا حق ربعه و لا حق اي حد ..
غير نفسه)


*
*
،،
ممكن مساعدة..
عندي فكرة موضوعين و ابي الراي احطهم و لا اعرض عنهم..
1) شخصيتنا الاجتماعية في ليلة "الزفة"
2) اصعب دور في الحياة تفشل فيه تقريبا..كل امرأة!!

متردد احط اي الاثنين ..
اخاف احصل لي لشطات "بالعسو"..
يمكن و انطرد من بيوت امي و خواتي وكل اهلي..
والمشكلة لو انطردت من هالمنتدى;)!

[ام السعف]

ابدا..انتي اللي جزاج الله خير ع الحرص
على التوضيح و افادتنا جميعا كالعاده..

وجهة نظرج حول مصطلح (سكانه مرته)..

للاسف..
اني من امس و ابي اقول لج اني ...
مأيدها و ما عندي خلاف حواليها..

بس سقط سهوا من ردي السابق..
و انا ..بس لو تأملتي
كان تعليقي ذاك على الافتراض اللي حطته
الاخت/الاصيله ..يوم انها علقت
على الشخص اللي بديت منه الموضوع و القصة!

هناك..انا قلت..انه (و لو) افترضنا انه ربما
مقترن بغير قطرية ممن (الدبلة)
عادة مقدسة و شي اساسي عندهم..
فمو معناته ..انه يطاوعها لهالدرجة..
فاهنيه بيكون مثل اللي (سكانه مرته)
و من يوم الخطوبه..
مو من اول و لا اخر يوم ((عسل))..
اكان العسل..شهرا او دهرا!

اما غيره..فما هو مشمول بكلمة (سكانه مرته)
حتى لو لبس الدبله من قبل 55 سنه!

اتمنى اني احصل منج العذر عن سهوي و عدم توضيح رأيي..
بانني ابدا ما انظر الى ان من يتعامل مع (هله)
بالطيب و اللين و الزين و و و و...
انه شخص ينقال عنه (سكانه مرته)
و لا اي شي من هالقبيل..
و اعيد و اكرر..
لو تتأملين بعض الردود..انا اشرت
الى الحديث النبوي القائل..

(خيركم..خيركم لأهله....الخ الحديث)! او كما قال-صلى الله عليه وسلم-

اختم يا سيدتي بقاعدتي الذهبية..
(اللي ما فيه خير حق هله..
ما فيه خير لا حق ربعه و لا حق اي حد ..
غير نفسه)


*
*
،،
ممكن مساعدة..
عندي فكرة موضوعين و ابي الراي احطهم و لا اعرض عنهم..
1) شخصيتنا الاجتماعية في ليلة "الزفة"
2) اصعب دور في الحياة تفشل فيه تقريبا..كل امرأة!!

متردد احط اي الاثنين ..
اخاف احصل لي لشطات "بالعسو"..
يمكن و انطرد من بيوت امي و خواتي وكل اهلي..
والمشكلة لو انطردت من هالمنتدى;)!



الحمدلله اللبس في الفهم انزال ،،
ورحم الله والديك يا اخوي عابر ،،،

اشوف موضوع شخصيتنا الاجتماعية في ليلة الزفة موضوع حلو
وخفيف وجديد كفكرة ،، بس ما يدخلون علينا قوم (.........)
ويقولون انه موضوع عيب :p

ولزيادة التأكيد والاستشارة اتمنى اخذ رأي المستشار العالمي
الرويس :(

[طارق العلي]

ممكن مساعدة..
عندي فكرة موضوعين و ابي الراي احطهم و لا اعرض عنهم..
1) شخصيتنا الاجتماعية في ليلة "الزفة"
2) اصعب دور في الحياة تفشل فيه تقريبا..كل امرأة!!



اخوي عابر اتمنى انك تحط موضوع الزفه احب هالمواضيع اللي مثل هذه . . اعتقد بيكون موضوع ملي بالاكشن

[maruuma]

اخوي عابر اتمنى انك تحط موضوع الزفه احب هالمواضيع اللي مثل هذه . . اعتقد بيكون موضوع ملي بالاكشن


اهم شي يكون في هدف من طرح الموضوع

مش بس الاكشن




والله المستعان

[مهل]

اهم شي يكون في هدف من طرح الموضوع

مش بس الاكشن




والله المستعان

ملاحظه مهمه و في محلها يا مريومه الصاجه :thumbup1:

[^ ^سلطان^ ^]

فيه فرق بين الدبله و((الفتخه)) يمكن زوجس يا ام السعف يلبس فتخه الي هي الخاتم وهذي مافيها شي والله اعلم..