دراسة: ربع السائقين يقودون سياراتهم بالرغم من إحساسهم بنعاس شديد!

[غزلان]

السهر ونقص النوم مشكلتان شائعتان في المجتمع وينتج عنهما زيادة في النعاس في النهار وهذا أمر أظهرناه في أكثر من بحث محلي. نشرت هذا الشهر مؤسسة السلامة المرورية الأمريكية تقريرا مهما عن علاقة نعاس السائق بحوادث السيارات. حيث قام الباحثون بدراسة عينة من 2000 سائق لدراسة نعاس السائقين.

وأظهرت الدراسة نتائج غاية في الأهمية ويمكن أن نستفيد منها في مجتمعنا. فقد أظهرت الدراسة أن 41% من السائقين ذكروا أنهم غفوا على الأقل مرة واحدة خلال تاريخ قيادتهم للسيارات، .

وأظهر البحث أن ربع السائقين قادوا سياراتهم بالرغم من إحساسهم بنعاس شديد ووجود صعوبة في بقاء أعينهم مفتوحة. وذكر 85% منهم أن القيادة والسائق نعسان أمر غير مقبول، وبرغم ذلك قادوا سياراتهم وهم في حالة نعاس شديد.

من النتائج المهمة التي بينتها الدراسة أن حادثا من كل ستة حوادث مميتة، كان السائق خلالها نعسانا، وحادثا من كل ثمانية حوادث تسببت في تنويم السائق في المستشفى كان السائق خلالها نعسانا وأخيرا حادثا من كل 14 حادثا سببت عطلا كبيرا في السيارة كان السائق خلالها نعسانا.

من المعلوم أن الانشغال لجزء من الثانية قد يسبب حادثا مميتا ومن ذلك النعاس لجزء من الثانية خاصة في الخطوط السريعة. ومن الواضح من نتائج البحث أن البعض لا يدرك خطورة النعاس خلال القيادة. لذلك لا بد من الحرص على أخذ قسط من الراحة وخاصة في الخطوط الطويلة حال شعور السائق بالنعاس،


الرياض




000


هل حصل ان غالبك مره النعاس وانت تقود السياره؟

ماذا تفعل اذا شعرت بنعاس اثناء القياده؟

‘

والله يحفظكم.

[R 7 A L]

هل حصل ان غالبك مره النعاس وانت تقود السياره؟

ماذا تفعل اذا شعرت بنعاس اثناء القياده؟


أي أذا مسافر مسافة طويلة وكلها في السعودية
واذا شعرت بالنعاس اسفط عند اقرب استراحة واخذ لي كوفي ينعنشني :nice:


ومن اسباب النعاس في النهار هو السهر اخر الليل
والحل انشاء ( استراحة المسافر :omen2: ) في كل شارع طولة اكثر من خمسين كيلو

[<اضرب واشرد>]

هل حصل ان غالبك مره النعاس وانت تقود السياره؟


أكثر من مره

ومره مادري شلون وصلت البيت ! طول الطريج نايم ههههههه يمكن 70 غفوة .. والله ستر ولا المفروض أدعم أكثر من مرة.

شكرا على الموضوع

[اسعاف]

كل الي يشتغل في المستقلة ينعس

وبعدين بفقش في الشارع

[اسعاف]

أكثر من مره

ومره مادري شلون وصلت البيت ! طول الطريج نايم ههههههه يمكن 70 غفوة .. والله ستر ولا المفروض أدعم أكثر من مرة.

شكرا على الموضوع

هههههههههههههههههههههههههه

انا مرة نمت وانا اسوق

وبعدين فتحت عيوني وقلت في نفسي :أنا وين الحين :secret:

[اسعاف]

نصيحة اذا كنت على خط وخفت من النوم

فضع في فمك زنجبيل طري ضغير

وعلكه مثل السواك

ستصل الى نهاية مشوارك وانت صاحي ولسانك يلعلع

[طارق العلي]

انا مرة نمت وانا اسوق
وبعدين فتحت عيوني وقلت في نفسي :أنا وين الحين :secret:

هذا جزاء اللي ينام بدبه السيارة ورا ومخلي السيارة تمشي بدون سايق

يالله هالمرة جت سليمة والحمد لله على السلامة

[بلوتنيوم]

انا فيني هذا العيب
وخصوصا في السفر
بس المشكلة هي العناد والراس اليابس
بس في الفترة الاخيرة
ومن كثرة الناس الى نعرفهم وراحوا في الحوداث
صار الواحد يحاتي نفسه والى معاه
وبمجرد مايحس بالنوم او يتثاؤب
اما يتغير السائق او استراحة بسيطة:victory:

[ZURICH]

موقف عجيب

سنة 98 كنت مقلع لدخان كانوا الربع على البحر وكانت الساعة 2 في الليل

وكان مكانهم قريب شالية الشيخ خليفة ( معروف ) وفي هناك فرضة معروفة

وصلت دخان والنوم يناقشني قلت مابقى شي هانت وكنت تعبان

المهم وصلت قريب بس ماقدرت اقاوم .. و نمت وانا مادري عن نفسي !!!


:omg:

بعدها سمعت ضربة قوية بالموتر واطالع ماشوف إلا بحر وأقول شسالفة !!

وانزل مصدوم واشوف موتري في البحر والتواير الي ورا متعلقة بالفرضة


:rolleyes2:

وزين اني ماكملت نومتي مغاوص

موقف ماانساة ابدا

[طارق العلي]

سنة 98 كنت مقلع لدخان


اخوي حوران اهنيك على شجاعتك واتخاذك لهذا القرار واقلعت عن التدخين . . . وان شاالله ماترجع لها

وتستاهل السلامة

[M007]

^^^^^
دمك ثقيل
طالع على طارق العلي

[طارق العلي]

^^^^^
دمك ثقيل
طالع على طارق العلي

وانت دمك زي السكر طالع على شجرة قصب السكر

[khaldoon]

هل حصل ان غالبك مره النعاس وانت تقود السياره؟

ماذا تفعل اذا شعرت بنعاس اثناء القياده؟




نعم مرة غلبني النعاس و انا مسافر عند حفر الباطن و نمت من غير ما احس الساعه 3 و نصف الفجر سنة 1993 ...يومها اختي نبهتني انه في عراوي كسر علي ....تفاديت العراوي (الله لا يعطيه العافيه لانه لو ما ظهر كان بظل ماشي لين قطر او لين اصحى من النوم :rolleyes2:)

بس الحمد لله جات سليمه و تفاديت العرواي و قلبت على جميع جوانب السياره وما صار فينا شي و لله الحمد و المنه

[ابن الجزيرة]

البدانة ايضا سبب رئيس من اسباب النوم على الطرقات وخاصة الطويلة وقد سببت حوادث مميتة

عليكم بلانتباه لانه يبدو انكم جميعا من هذه الفئة وانا احدكم

بس فيه واحد منزل 44 كيلو جرام

الله يستر على الجميع

[غزلان]

أي أذا مسافر مسافة طويلة وكلها في السعودية
واذا شعرت بالنعاس اسفط عند اقرب استراحة واخذ لي كوفي ينعنشني :nice:


ومن اسباب النعاس في النهار هو السهر اخر الليل
والحل انشاء ( استراحة المسافر :omen2: ) في كل شارع طولة اكثر من خمسين كيلو


00

المفروض السايق مايعرض حياته للخطر اذا شعر بنعاس حتى لو خفيف لأن النوم اذ كبس لايحمد عقباااه

واقتراح مهم اخوي خاصه ان الأغلبيه تسافر بالسياره

[غزلان]

أكثر من مره

ومره مادري شلون وصلت البيت ! طول الطريج نايم ههههههه يمكن 70 غفوة .. والله ستر ولا المفروض أدعم أكثر من مرة.

شكرا على الموضوع


الله يحفظك اخوي لاتخاطر بالسواقه وانت نعسان

العفوا

[غزلان]

كل الي يشتغل في المستقلة ينعس

وبعدين بفقش في الشارع


:omg:

:secret:

[غزلان]

هههههههههههههههههههههههههه

انا مرة نمت وانا اسوق

وبعدين فتحت عيوني وقلت في نفسي :أنا وين الحين :secret:


اخوي خطر الي سويته وحط في بالك مب كل مره تسلم الجره:)

[غزلان]

نصيحة اذا كنت على خط وخفت من النوم

فضع في فمك زنجبيل طري ضغير

وعلكه مثل السواك

ستصل الى نهاية مشوارك وانت صاحي ولسانك يلعلع


اخطر شي النعاس على الخطوط الطويله خاصه من الحيوانات السائبه
في غفله قد يحصل مالا يحمد عقباه لاقدر الله

[غزلان]

انا فيني هذا العيب
وخصوصا في السفر
بس المشكلة هي العناد والراس اليابس
بس في الفترة الاخيرة
ومن كثرة الناس الى نعرفهم وراحوا في الحوداث
صار الواحد يحاتي نفسه والى معاه
وبمجرد مايحس بالنوم او يتثاؤب
اما يتغير السائق او استراحة بسيطة:victory:


معاك حق الحوادث الى تصير تخلي السايق يراجع حساباته ويبعد عن التهور والعناد والفضل الراحه حتى لو نص ساعه

الله يحفظكم

[غزلان]

موقف عجيب

سنة 98 كنت مقلع لدخان كانوا الربع على البحر وكانت الساعة 2 في الليل

وكان مكانهم قريب شالية الشيخ خليفة ( معروف ) وفي هناك فرضة معروفة

وصلت دخان والنوم يناقشني قلت مابقى شي هانت وكنت تعبان

المهم وصلت قريب بس ماقدرت اقاوم .. و نمت وانا مادري عن نفسي !!!


:omg:

بعدها سمعت ضربة قوية بالموتر واطالع ماشوف إلا بحر وأقول شسالفة !!

وانزل مصدوم واشوف موتري في البحر والتواير الي ورا متعلقة بالفرضة


:rolleyes2:

وزين اني ماكملت نومتي مغاوص

موقف ماانساة ابدا


الله حفظك اخوي
تصرفك خطا وخطر على حياتك لازم تنتبه لأن الشيطان شاطر

[غزلان]

^^^^^
دمك ثقيل
طالع على طارق العلي


:secret:


:secret:

[غزلان]

نعم مرة غلبني النعاس و انا مسافر عند حفر الباطن و نمت من غير ما احس الساعه 3 و نصف الفجر سنة 1993 ...يومها اختي نبهتني انه في عراوي كسر علي ....تفاديت العراوي (الله لا يعطيه العافيه لانه لو ما ظهر كان بظل ماشي لين قطر او لين اصحى من النوم :rolleyes2:)

بس الحمد لله جات سليمه و تفاديت العرواي و قلبت على جميع جوانب السياره وما صار فينا شي و لله الحمد و المنه


النوم معناه ان السياره تمشي بلا سايق فيبين لنا مدى الخطوره

الحمد لله على سلامتكم اخوي خلدون ويفضل عند الشعور بالنعاس اخذ قسط من الراحه حتى لو نصف ساعه

شكرا للمشاركه

[طارق العلي]

مالي أراها لاترد سلامي . . . هل حرمت عند اللقاء كلامي

الله كريم اليوم حرف السين بكره احصل ثلاث حروف ( ش ك ر )

[غزلان]

مالي أراها لاترد سلامي . . . هل حرمت عند اللقاء كلامي

الله كريم اليوم حرف السين بكره احصل ثلاث حروف ( ش ك ر )


لا والله اخوي ماقصدت بس انت مشاركاتك رد وتعليق على مشاركة الأعضاء بس ..لهالسبب مارديت عليك لأن الموضوع مفتوح للكل ولك الشكر على الأضافه لاتفهمنى غلط الموضوع موضوعك:)

[طارق العلي]

لا والله اخوي ماقصدت بس انت مشاركاتك رد وتعليق على مشاركة الأعضاء بس ..لهالسبب مارديت عليك لأن الموضوع مفتوح للكل ولك الشكر على الأضافه لاتفهمنى غلط الموضوع موضوعك:)

خلاص روحي سامحتج هالمره هذه . . ولا عاد تعودينها مره ثانية

[ابو ضمير]

الحل في النوم المبكر واعطاء الجسم استراحة المطلوبه وهي 8 ساعات ويخلي عنه النت ولعب الورقه في اخر الليل:omen2:

وبعدين انا لما اعرف نفسي اني بسافر فمن الطبيعي اخذا لي نومه محترمه قبل لا امشي

وفي النهايه خذ لك ما طاب لك من الغفوات ولكن خذها على جانب الطريق:discuss:

[غزلان]

خلاص روحي سامحتج هالمره هذه . . ولا عاد تعودينها مره ثانية


:omg:

جين :p

[غزلان]

البدانة ايضا سبب رئيس من اسباب النوم على الطرقات وخاصة الطويلة وقد سببت حوادث مميتة

عليكم بلانتباه لانه يبدو انكم جميعا من هذه الفئة وانا احدكم

بس فيه واحد منزل 44 كيلو جرام

الله يستر على الجميع


السواقه مع النعاس تؤدي الى حوادث مميته لاقدر الله

آمين

[غزلان]

مالي أراها لاترد سلامي . . . هل حرمت عند اللقاء كلامي

الله كريم اليوم حرف السين بكره احصل ثلاث حروف ( ش ك ر )


شكرا ومعاها جزيلا

[غزلان]

الحل في النوم المبكر واعطاء الجسم استراحة المطلوبه وهي 8 ساعات ويخلي عنه النت ولعب الورقه في اخر الليل:omen2:

وبعدين انا لما اعرف نفسي اني بسافر فمن الطبيعي اخذا لي نومه محترمه قبل لا امشي

وفي النهايه خذ لك ما طاب لك من الغفوات ولكن خذها على جانب الطريق:discuss:


نصائح مهمه وتنبيه للسائق الحذر من النعاس خاصه على الطرق الطويله ذكرتني بوحده اعرفها تقول اذا اسافر مع زوجي طول الطريق اتكلم معاه علشان ماينعس

[باسكن روبنز]

هل حصل ان غالبك مره النعاس وانت تقود السياره؟

ماذا تفعل اذا شعرت بنعاس اثناء القياده؟


اووووووووووف صارت لي شكثر والله حفظني الحمدلله ،

لو بقولج المواقف مابخلص وحزات أسوق والعيون تغمض من التعب ،

بس ربج ستر ياغزلان والحمدلله على هالشي ،

وآخس شي آلي يقبض خط سفر وبعيونه النوم ،

قسماً بالله هلآآآآك ،:(

مره على خط بقيق وأنا رايح البحرين ،

وقفت على صوب وقفلت البيبان وآرجع السيت وعطيتها رقده ساعه ونص ،

حزات الواحد يشتط للسفره مره وحده حتي لو كان مواصل :tease:بس وهو بالخط يبتدي يهلوس ههههههه ،

وعقبها على آقرب محطه وآعطيها كـــرررك مضبـــوط وأنت والخير رباعه على قولة الآماراتيين خخخخخ ،

[غزلان]

اووووووووووف صارت لي شكثر والله حفظني الحمدلله ،

لو بقولج المواقف مابخلص وحزات أسوق والعيون تغمض من التعب ،

بس ربج ستر ياغزلان والحمدلله على هالشي ،

وآخس شي آلي يقبض خط سفر وبعيونه النوم ،

قسماً بالله هلآآآآك ،:(

مره على خط بقيق وأنا رايح البحرين ،

وقفت على صوب وقفلت البيبان وآرجع السيت وعطيتها رقده ساعه ونص ،

حزات الواحد يشتط للسفره مره وحده حتي لو كان مواصل :tease:بس وهو بالخط يبتدي يهلوس ههههههه ،

وعقبها على آقرب محطه وآعطيها كـــرررك مضبـــوط وأنت والخير رباعه على قولة الآماراتيين خخخخخ ،


--

الصح ان السايق مايتهور ويكمل سواقه مرات الشيطان شاطر ممكن يقنعه انه مافي خطوره او انه قرب يوصل فيكمل وهو نعسان ويحصل مالا يحمد عقباه الغفله عن الطريق لو نص ثانيه تهلك خاصه الطرق الطويله

الله يحفظكم من شر الطريق

[ابوعلي]

اكثر فترة احس فيها بالنعاس قريب العصر وخاصة واكون جايب العيال من المدرسة


فأشغل نفسي بأي شي لين أوصل البيت

والله الحافظ

[هبوب الكوس]

صراحه ميجيني النعاس الا وانا معدي من مركز الغويفات ورايح ابوظبي

صج طريق طويل اخذلي مطارة مياي بارده ورشها على وجهي

وصح صح ساعه ويردلي النعاس مره ثانيه :weeping:

[بوحارب]

اول ماشتغلت كنت كل يوم ارقد على الطريق وخاصة لما ادخل الكورنيش

وكنت ماطلع من البيت الا ومعاي قرشة ماي باااااارد عشان ارش على وجهي كل مارقد :(

والحمدلله الله ستر وماصار شي

بس الحين اول مانعس اعطيها بكرك مضبوط وتروح النوده :)

وتوته توته خلصت الحتوته وعطيني بسكوته :(

[هبوب الكوس]

اول ماشتغلت كنت كل يوم ارقد على الطريق وخاصة لما ادخل الكورنيش

وكنت ماطلع من البيت الا ومعاي قرشة ماي باااااارد عشان ارش على وجهي كل مارقد :(

والحمدلله الله ستر وماصار شي

بس الحين اول مانعس اعطيها بكرك مضبوط وتروح النوده :)

وتوته توته خلصت الحتوته وعطيني بسكوته :(

هذا وانت رايح الدوام وشلون لو ضارب خط يبغيلك مطارة البراد الكبيره هههههه

عليك بالحجامه يمدحونها :nice:

[بوحارب]

هذا وانت رايح الدوام وشلون لو ضارب خط يبغيلك مطارة البراد الكبيره هههههه

عليك بالحجامه يمدحونها :nice:

هههههههههههههههههههههه فالخطوط اعجبك

احط دلة الكرك عبري معاي :nice:

[يراعٌ فراتي]

فالدوحة الحمد لله ابعد مشوار لايتعدى النصف ساعة

يعني ما نحتاج للقيلولة

اما فالسفر غلطان اللي يخاطر بحياته وبحياة من معاه

اصفط يمين وكبر المخدة ولو نص ساعة وبعدها كمل دربك

[غزلان]

اكثر فترة احس فيها بالنعاس قريب العصر وخاصة واكون جايب العيال من المدرسة


فأشغل نفسي بأي شي لين أوصل البيت

والله الحافظ



هالوقت سبحان الله يوم سموه وقت القيلوله ماكذبوا حتى انا اذا راجعه من الدوام ماقدر افتح عيوني من النعاس بس الزين اني ما اسوق فالسواق الحمد لله مصحصح مايهم

حاسب ابوعلي خاصه اذا معاك اطفال

والله يحفظكم

[غزلان]

صراحه ميجيني النعاس الا وانا معدي من مركز الغويفات ورايح ابوظبي

صج طريق طويل اخذلي مطارة مياي بارده ورشها على وجهي

وصح صح ساعه ويردلي النعاس مره ثانيه :weeping:


اخوي الطريق الطويل مخاطره كثيره منها الشاحنات والحيوانات السائبه فلازم تكون مصحصح اكثر لو تنام نص ساعه تكفي..

الله يحفظك

[غزلان]

اول ماشتغلت كنت كل يوم ارقد على الطريق وخاصة لما ادخل الكورنيش

وكنت ماطلع من البيت الا ومعاي قرشة ماي باااااارد عشان ارش على وجهي كل مارقد :(

والحمدلله الله ستر وماصار شي

بس الحين اول مانعس اعطيها بكرك مضبوط وتروح النوده :)

وتوته توته خلصت الحتوته وعطيني بسكوته :(


00

بوحارب المفروض عند الكرنيش تصحصح اول ماتشوف البحر

النعاس مشكله كل سايق وسبب لأغلب الحوادث الخطيره المفروض ماتسوقون اول ماتشعرون بالنعاس لن لسواقه تحتاج لتركيز للطريق اما تاخذ لك غفوه قبل لاتسوق حتى لو بتتأخر افضل من التهور

والله يحفظكم من شر الطريق

[غريب بلا وطن]

انا مااحب السواقه لا صاحي ولا نايم .

[غزلان]

انا مااحب السواقه لا صاحي ولا نايم .


خير ماتسوي

---------------

[غزلان]

النعاس أثناء القيادة أشد خطرا من القيادة تحت تأثير الكحوليات




هامبورج : الألمانية

كشف بحث جديد عن أن النعاس خلف عجلة القيادة قد يكون سببا لوقوع حوادث أخطر من القيادة تحت تأثير المشروبات الكحولية حيث تقل قدرة قائدي السيارات على البقاء متيقظين. وقد تكون القيادة دون صحبة عبر الطرق الطويلة أو الطرق السريعة، قاتلة ما لم تعط نفسك فترات الاستراحة الضرورية حيث يزيد الشعور بالملل الشديد للبقاء خلف عجلة القيادة، لمسافات طويلة علي طول الطريق من مخاطر فقدان الانتباه والشعور بالنعاس .


وتوضح الدراسات أن سرعة ردود أفعال السائقين قد تتراجع بنسبة خمسين بالمئة بعد أربع ساعات من القيادة المتصلة، وهو ما يعادل قيادة شخص تحت تأثير الكحول. وكشفت الدراسة التي أجرتها مؤسسة " ايه يه ايه" الأمريكية للسلامة المرورية أن حادثا واحدا علي الاقل من بين كل ستة حوادث سير ترجع لنعاس السائق خلف عجلة القيادة.

ويقول بيتر كيسنجر الرئيس التنفيذي للمؤسسة " يجب أن يكون الناس واضحين مع أنفسهم.. وان يكونوا علي دراية بالأعراض وإدراك لمخاطر القيادة حال الشعور بالنعاس".

فالأمر في النهاية يرجع لقائد السيارة نفسه كي يتخذ الاحتياطات اللازمة ويتبع النصائح الضرورية التالية:




لا تركب السيارة إذا كنت مرهقا أو لم تنم لفترة كافية. خطط لرحلتك مسبقا واسترح من القيادة كل ساعتين. تجنب تناول الكثير من الطعام أو إحتساء الكحوليات. تجنب القيادة في الأوقات التي تنام خلالها عادة. تجنب القيادة منفردا كلما أمكن في الرحلات الطويلة وتناوب القيادة مع رفيق في السفر.

[ولد البدر]

المشكلة إن كل اللي معاك يرقدون ويخلونك بروحك لازم بترقد في ظل الهدوء والظلام الدامس وطول الخط ، لكني لقيت طريقة تخليني ما ارقد اخلي عندي خريطة حب شمسي واقعد اكل منها طول الخط ويطير عني النعاس

[غزلان]

المشكلة إن كل اللي معاك يرقدون ويخلونك بروحك لازم بترقد في ظل الهدوء والظلام الدامس وطول الخط ، لكني لقيت طريقة تخليني ما ارقد اخلي عندي خريطة حب شمسي واقعد اكل منها طول الخط ويطير عني النعاس


--

هذي بعد مصيبه ان ينعس كل من بالسياره خاصه اذا الطريق طويل وظلام فينتقل النعاس للسايق ..الأفضل ان تشغل قرآن او يتبادل اكثر من شخص السواقه

الله يحفظكم من شر الطريق