سؤال نرجو الاجابه عنه هل المشجع الذي اقتحم الملعب و افسد مباراة امس قطري؟؟

[love-m]

http://images.alwatanvoice.com/news/large/3870292059.jpg

أستغرب من هذا الشاب الذي افسد ملف بالكامل وجهد جبار من اجل ظهور دولة قطر الحبية كدولة قادرة على تنظيم كأس العالم . لكن الشاب الذي اقتحم الملعب كرأي شخصيا شاب فاشل . لكن ما ازعلني كثيرا هو فشل رجال الأمن في الامساك به ومنعه من دخول الملعب أين كان رجال هل كانوا نائمين؟ مع كل الاحترام . كانت واقعه امس نقطة سوداء ضد ملف قطر لكن هذا الفاشل لم ينجح في افساده .
برأيكم لو كان هذا الشاب كما نقله كثير من مواقع الانترنت انه قطري فهل حقا هذا الشاب يحب وطنه ؟.
اليوم وانا اتفقد الجرائد لم أجد مقال واحد يتحدث عن هذا الفاشل وبصراحة استغربت . بس ليش السكوت على هؤلاء الفاشلين ؟ اما لو كان اجنبي الدولة ما تقصر في تسفير هؤلاء ووضعهم في السجون وغرامة وما إلى ذلك من عقوبات بصراحة ما فعله هذا الشاب امس يستحق كل العقوبات حتى لو كان قطري

[فراغ]

من الصورة
الويه ويه قطري
والملابس رياضية ما تحدد الجنسية
والجوتي تشنه لابس تشبلي
بس المبارة بين من ومن

[تاجر121]

مش معروف والله

[بصمة قطرية]

اللي سمعته انه من دولة خليجية ..!!!

[MoTeC]

اخوي هذا كويتي طال عمرك
وثانيا من قالك ان افسد ملف قطر لل 2022؟
عادي هذي تصير والدليل نهائيات كاس العالم واحد دخل لين قريب كاس العالم وكان بيلبس الكاس ايس كاب

[بودندن]

بصراحة حتى لو كان قطري شي عادي الا مبارة كرة قدم والشخص لعب شوي رياضة وركض بالملعب واشوفة شي عادي .

[شموخ قطر]

الشاب مش قطري جنسيته كويتي ومواليد 95 يعني صغير

[فراغ]

أه علشان تشذية
الكويتيين يبون يخربون الدوري القطري

[بدوي]

الحركة عادية وتصير في اكبر المحافل الرياضية

ولكن شكل رجال الأمن ولياقتهم للأسف مش مهيئين لهالسوالف !!

الله يهدية بهذي الحركة افسد علينا ملفنا واعتقد نقطة سلبية تحسب علينا ومش لنا

انا كنت في الملعب ، الرجال دخل الملعب وخذ نص الملعب والأمن للحين مادخلوا

لأنهم مب مصدقين واول مرة تصير وبعدها دخلوا وياليتهم مادخلوا

والله كنت اقول ياليتني تحت والله لا اضرب صوبه سبرنت واكلبشه واسحب فيه لين الدورية

اتمنى عقوبة قوية له ولأمثاله عشان يكون عبره لغيره

ولا اي سفيه يتجرأ يسوي هالحركه

هههههههه :) صح انه سوا جو في الملعب

لكن الله يهديه حط علامات استفهام اشكثر على ملفنا :anger1:

[Grnas]

لاحظت في خروج رجال الأمن: سحبوه من وسط الملعب. كنت أتمنى يسحب إلى خارج الملعب (وخصوصاً انه كان قريب من المرمى) ولا يجيبونه لوسط الملعب كأنه أحد مسلط عليه الأضواء

[العقل المدمر]

هههه وايد جريء
شحس فيه وهو يركض وسط الملعب :secret:

[حنان k]

واحد يدور الشهره وش حارق رزكم ههههههه

[الأصيلة]

تلقونه من الشباب اللي ضد ملف قطر
ومايتمنى فوزنا بالتنظيم...
وياكثرهم بينا في المنتدى...

[الكواري 1972]

شكله هندي

[مقيم]

الشاب كويتي
وكان داخل في رهان مع ربعه .. انه سيدخل الملعب في الدقائق العشرة الاخيرة

حركة بايخة
وتصرف رجال الامن كان بطىء جدا

[الراقيه سبشل]

هههههههههه حركات صار مشهوور

[الرايــق]

تصرف رجال الامن فعلا كان بطئ جدا ...
واللياقة اللي فيهم .... :(

[Mshari]

اسمحولي بمداخله بالموضوع هذا

ادري اني سعودي وممكن البعض يتحسس من الي بقوله

لكن اتمنى العقلاء ياخذون الكلام مجرد راي من اخ لهم و زميل فالمنتدى وراي متجرد من العاطفه




اولا - دخول الجماهير يحصل باي مكان فالعالم حتى فالدوريات الاوربيه

ثانيا - ملف دوله يقدم لأعلى سلطه رياضيه بالعالم لا اعتقد انه يتأثر بمثل هذه الاحداث ولو حصل انه يتأثر كان شفنا دول قامت بنفس هذا العمل واسواء منه بدول اخرى حتى تفسد حلم الاستضافه لديها

ثالثا - رجال الامن فالملاعب لحد يلومهم شاب سريع ويوجد مواقف تحصل بملاعب اخرى اقوى من الي حصل امس

رابعا- اتمنى ان لا يستغل ما حصل امس ويقعد يفرق بين دول الخليج ويزرع فتنه لان هناك من يبحث عن شق الصف الخليجي وزرع المشاكل بين ابناء الخليج


خامسا - ملف قطر نتمنى له ان يفوز بالاستضافه كرياضيين لكن الراي الاول والاخيره الي ما يحق لنا كمشجعين ان نتدخل به هو راي ولاة امر دولة قطر وشعبها الكريم


اخيرا يارب تفوز قطر بالاستضافه عشان نسبب لكم زحمه بمنفذ سلوى هههههههههههههههههههههههههههه

[<اضرب واشرد>]

إذا تبون الملف يخترب زيادة

اجلدوه جلدتين وخلوه بكرة يشتكي عليكم في الجرايد أنكم عذبتوه ههههههه

[opama]

امس يقولون سعودي واليوم كويتي اخاف باجر يصير بحريني ولا ارهابي

[love-m]

بصراحة حتى لو كان قطري شي عادي الا مبارة كرة قدم والشخص لعب شوي رياضة وركض بالملعب واشوفة شي عادي .

انا حسب رأي التصرف مو عادي لأن الدولة ما تقصر وموضوع استضافة كأس العالم اصبح الشغل الشاغل لكبار السؤولين في الدولة فكيف يقدم انسان تافه بهذا التصرف!!!
على الأقل يحترف كل المجهود لقاعد تسويها الحكومة ... حتى لو كان من المعارضين لاستضافة الدولة لكأس العالم . أخوي انت تقول شيء عادي بس تقدر تعطيني معلومة عن وضع الشاب الآن ؟؟ ماحد يدري عنه اعتقد ان الدولة راح تتصرف مع هذا التافه ويكون عقابه عبرة لأمثاله

[muraikhi77]

الله يسلمكم امن الملاعب عيونهم على الجماهير مبققة :eek5: ، غافلهم ودش وهم عيونهم لين الحين مبققة على الجماهير :eek5:
هاي السالفة ومادروا الا متاخرين .
س: لو أكثر من واحد دشوا ، ايش الحل معاهم؟

يله يا امن الملاعب رونا شطارتكم

[خذاني الشوق]

والله انا اشوفه تصرف عادي ولا له خص انه يخرب 2022 بالخارج يصير اكثر من هالموقف على قولتكم وصراحه سوا لكم جوا بدال الالعاب الناريه والله ضحكني عجيب محد قدر يصيده هههههههههههههههههه

[R 7 A L]

يقولون انة كويتي

[love-m]

الشاب كويتي
وكان داخل في رهان مع ربعه .. انه سيدخل الملعب في الدقائق العشرة الاخيرة

حركة بايخة
وتصرف رجال الامن كان بطىء جدا


صج كلامك ، تصرف رجال الامن كان بطيء وماكان فيهم لياقة بدنية اكثر من الشاب .
وأتمنى من رجال الأمن ان يستفيدو من الحادث ويحطو رجال اقوياء في الملاعب قادرين على مواجهة مثل تلك التصرفات

[بلوتنيوم]

اسمحولي بمداخله بالموضوع هذا

ادري اني سعودي وممكن البعض يتحسس من الي بقوله

لكن اتمنى العقلاء ياخذون الكلام مجرد راي من اخ لهم و زميل فالمنتدى وراي متجرد من العاطفه




اولا - دخول الجماهير يحصل باي مكان فالعالم حتى فالدوريات الاوربيه

ثانيا - ملف دوله يقدم لأعلى سلطه رياضيه بالعالم لا اعتقد انه يتأثر بمثل هذه الاحداث ولو حصل انه يتأثر كان شفنا دول قامت بنفس هذا العمل واسواء منه بدول اخرى حتى تفسد حلم الاستضافه لديها

ثالثا - رجال الامن فالملاعب لحد يلومهم شاب سريع ويوجد مواقف تحصل بملاعب اخرى اقوى من الي حصل امس

رابعا- اتمنى ان لا يستغل ما حصل امس ويقعد يفرق بين دول الخليج ويزرع فتنه لان هناك من يبحث عن شق الصف الخليجي وزرع المشاكل بين ابناء الخليج


خامسا - ملف قطر نتمنى له ان يفوز بالاستضافه كرياضيين لكن الراي الاول والاخيره الي ما يحق لنا كمشجعين ان نتدخل به هو راي ولاة امر دولة قطر وشعبها الكريم


اخيرا يارب تفوز قطر بالاستضافه عشان نسبب لكم زحمه بمنفذ سلوى هههههههههههههههههههههههههههه

ماظن تصرف فردي ارعن مثل الى صار
بياثر على الملف او على الحظوظ لانه الموضوع يصير بكل دول العالم
وتأكد هالتصرفات ما اتاثر على علاقات الاخوة والجوار
حتى لو حاول المتربصين يزيدون الحطب على النار:nice:

[شيط ويط]

يقولون كويتي .. واسمه طلال العنزي وذي صورة جوازه كما انتشرت ع البلاك بيري وكما وصلتني

تم حذف الصوره

صار مشهور ههههه

[Ghroor]

أنا برأيي أنها حركة مقصودة
يعني الفيفا تطلب أنها تشوف مدى حب شعب الدولة المستضيفة لكرة القدم وجنونهم فيها
وكيف قدرتها على "أكشنة" المباريات وجلب المشجعين من الدولة ذاتها أو جيران الدولة
وكيفية تعاملها مع هذه المحبة وهذا الجنون !
مثل ما أتوقع أن الهوشات اللي قامت تصير في نهاية المباريات "مُفتعلة"، أعتقد أن هذي الحركة مفتعلة ..
لأن استاد خليفة اصلاً صعب الواحد ينزل من مدرجاته فما بالك انه يصير بنص الملعب !
بكل الأحوال الحادثة ما تعتبر سلبية أو نقطة سوداء في ملف قطر 2022 ابداً

[love-m]

الشاب مش قطري جنسيته كويتي ومواليد 95 يعني صغير

يعني الشاب عمره 15سنة !!!!!!!!! بهاي العضلات والشنب !!!!!!! غريب ..
على كل حال رجاء عدم ذكره جنسيات حتى مانكره بعضنا البعض وما نتهم بعض حتى لوكانت معلوماتك صحيحة

[حليتان*]

يعني الشاب عمره 15سنة !!!!!!!!! بهاي العضلات والشنب !!!!!!! غريب ..
على كل حال رجاء عدم ذكره جنسيات حتى مانكره بعضنا البعض وما نتهم بعض حتى لوكانت معلوماتك صحيحة

عاادي دمه حااار


هو كويتي من مواليد السعوديه كما جائني في البلاك بيري <<<صورة جوازه

[غير عنهم]

(((كلش يهون الا لياقة امن الملاعب )))الرجال اخذ لفه على الملعب وكل واحد يحفط في مكانه من سمنه

[فرقاك عيد]

خليتوني استرجع ذاكرتي لمشهد شفته من سنه رووووعه وع بالي هو الوحيد طلعو وايد الزاحفين:)

حطو باليوتيوب

1- مشجع نصراوي
2- نزول واقتحام ارض الملعب مشجعي الهلال الحزم تقبيل ياسر
3- مشجع هلالي موصاحي
4-اجمل تعليق ل فارس عوض لحظه دخول المشجع لارض الملعب
5-دخول مشجع سعودي بتعليق فارس عوض


وغيرهم واااايد :)

صراحه اكشششششن ويضحكون :)

[الكلدي]

سوا اكشن بصراحه احسن لقطه في المباراه دخوله الملعب

اما رده فعل الامن المتاخره

واتوقع واصلهم مسج عن طريق البلاك بيري بالسالفه ماكانو يدرون

[حبر سري]

ياجماعة ترى الموضوع عادي ويصير في اكبر البطولات العالمية
حتى بطولة امم اوروبا يصير فيها هالشي
ومسألة تخريب الملف , بصراحة ولا حد يزعل مني , كلام فاضي , لان اللي سواه هالشخص يصير في كل مكان , وماله علاقة بالملف اللي اتمنى ان قطر ماتستضيفه اصلا

واللي يقول كويتي واللي يقول سعودي واللي مطرش صورة جوازه يبلفيت على البلاك بيري , ترى والله كله كلام فاضي
حركة تصير في كل بطولات العالم , احنا فاتحين لها مواضيع لان في ناس يمكن اول مرة في حياتها تشوف مثل هالشي , ولا تدري عن البطولات العالمية , وهذا دليل طبعا على ضعف الوعي الكروي والثقافة الكرويةعندنا بشكل عام
يعني حتى العنوان يقول انه افسد المباراة!!!! شلون افسدها؟؟؟هل شفت الناس يصيحون مثلا عقب مادخل؟هل شفت الجماهير تتنافض من الخوف؟؟؟ هل شفت الجماهير شردت عقب مادخل؟ بالعكس الجمهور كان متفاعل وياه بشكل كبير , لانه سوا جو بصراحة , وارجعوا للمقطع ع اليوتيوب وشوفوا ردة فعل الجمهور

النقطة السلبية الوحيدة اللي اشوفها هي ان بعض رجال الامن اللي ركضوا وراه كانوا امكرشين بدرجة غريبة!! يعني حتى ركض مايقدرون يركضون , هاذول شلون بيتصرفون في حالة وجود خطر حقيقي لا سمح الله

اعتقد هذا مايجب ان تتم مناقشته

لكن مسألة دخول مشجع هاذي تصير دايما

[راعي البيرق]

الموضوع عادي وتصير باوضاع اخس مما كان عليه الكويتي اللي دخل ففي بطولة اوروبا الاخيرة امراة دخلت الملعب (( طرزان !! )) ولاحد قال على المنظمين سوء تنظيم لديهم بل اعتبروها ميزة للبلد اذا لديهم ناس يعشقون الكرة الى حد الجنون (( جنون الكرة ))
اما بخصوص امن الملاعب فالله يعينهم على اللي جاي لهم ؟!!!
بس اللي فهمت من الربع انهم اختاروا ذوي الجثث القوية لحماية الحكام من التهجمات اللي تصير عليهم بس اللي طلع للاخ اللي دخل ناس مكرشة !!
فهل من المعقول ان يكون مفهوم القوة البدنية للاخوة بالامن انهم من ذوي الكروش ام ان يكونوا من ذوي اللياقة البدنية

[gamal503]

هههههههههههههه والله احلى لقطة خصوصا اكثر من 7 رجال امن وراه وما قادرين يحصلوة في الملعب لف الملعب كله وكفايه عمل اكشن وجو في الملعب

وبتحصل في اقوى الدوريات
وفيه مشجع نزل وشال جول ع فريقة وهذا الفيديو

وقامت خناقة بسببه شوف الفيديو

http://www.************/watch?v=WggmFjG2dIs&feature=related

لو الفيديو مشتغلش اكتب داه ع جوجل WggmFjG2dIs&feature=related

[qqaattaarr]

انتوا مكبرين الموضوع ليه
شخص دخل الملعب وخلاص
يعني كاس العالم بيجيب لكم الخير؟
الله يهدينا ويهديكم

[الألماسي]

أنا برأيي أنها حركة مقصودة
يعني الفيفا تطلب أنها تشوف مدى حب شعب الدولة المستضيفة لكرة القدم وجنونهم فيها
وكيف قدرتها على "أكشنة" المباريات وجلب المشجعين من الدولة ذاتها أو جيران الدولة
وكيفية تعاملها مع هذه المحبة وهذا الجنون !
مثل ما أتوقع أن الهوشات اللي قامت تصير في نهاية المباريات "مُفتعلة"، أعتقد أن هذي الحركة مفتعلة ..
لأن استاد خليفة اصلاً صعب الواحد ينزل من مدرجاته فما بالك انه يصير بنص الملعب !
بكل الأحوال الحادثة ما تعتبر سلبية أو نقطة سوداء في ملف قطر 2022 ابداً


فعلاً و هـذا احساسي بعد لأنه فجأه شفناه بنص الملعب يركض . .
بس كنت اتمنى اللقطه كانت من البدايه . . لاني اتوقع انه دخل من احد البوابات . .
إذن الشـخص يملك التصريح للدخول . .

:)