اتمنى اللي عندة خبرة في هالموضوع يفيدني

[كلامك صح]

السلام عليكم ورحمة الله وبركاتة
اخواني انا عندي زيادة في الوزن...وودي اني اخفف طبعا معروف ان الطريقة هي تقليل الاكل مع الرياضة ,,,, بس انا الي ابي اسال عنه اذا في عيادة او مركز تغذية للاستشارة ويفحصون الشخص اذا عندة مشكله في الهرمونات او اي مشكله من اي نوع ويعطونة برنامج غذائي مناسب
سواء في مستشفى حمد او اي عيادة خاصة واتمنى منكم تعطوني الطريقة لاني مالي خبره في هالامور بتاتا من كيفية اخذ موعد ووين اروح بالضبط والرسوم ان وجدت
وشكرا للجميع مقدما

[PLATINUM]

في مركز مادري عياده اسمها نيوتريشن

ماجربتها لكن شفت نتايجها قدام عيني

وطريقتهم تكون على شكل برنامج غذائي وانت تلتزم فيه ويكون في فحص كل اسبوع او اسبوعيين

ممكن الاخوان يفيدونك اكثر عن طريقتهم بس مثل ماقلتلك انا شفت نتايجهم وكانت فعلا مبهره مع ناس كنت فاقد الامل فيهم هههههه

[نورالهدى]

أنا الحين مسجله مع نيوترشن
ونزل وزني حوالي 13 كيلو في شهر ونصف
وأحس ان الدايت مقبول
وبالنسبة للرسوم انا اشتركت 6 اشهر
اعتقد 1700
عشان الزم نفسي يعني لو شهرين من زمان طنشت
الحين بكمل شهرين بس العيد شكلي زدت بس برد مرة ثانيه
تسوي موعد عن طريق التليفون
انا الفرع اللي قريب مني عند دوار التلفزيون شوف القريب وروح له
والله ييسرلك

[بوحارب]

والله ودي افيدك بس انه بروحي ابي حد يعلمني دايت محترم

اخبر مرة سويت رجيم لمدة شهر:(

وكان وزني 83.5

وبعد الشهر جيت اوزن ولقيت وزني 85 ~-~

احلى دايت في العالم هههههههههههه

[ALRAYYAN]

اخوي عليك بمركز نيوترشن .. انا معاهم من شهر واحد لين رمضان ونزلت من وزني 44 كيلو
طبعا مع الرياضه واتباع نظامهم الغذائي .. وبصراحه مع شوية تخريب في الاكل يعني مالتزمت 100%

عندك نيوترشن اللي في المرخية وفيها دكتور اسمه / عادل .. مصري ممتاز
وعندك نيوترشن اللي صوب السوق المركزي وفيه اكثر من دكتور بس عليك بالدكتور / محمد عبدالسلام .. مصري وبعد ممتاز

بخصوص الاشتراك
شهرين يعني 8 زيارات بمعدل زيارة كل اسبوع .. بـ 750 ريال
6 شهور يعني 24 زيارة بمعدل زيارة كل اسبوع .. بـ 1750 ريال
سنه اذا ماخاب ظني بـ 3000 ريال

طبعا هم يعطونك جدول كل اسبوع وفيه نظام غذائي وانت تمر كارفور وانصحك باللولو وتشتري الاكل المكتوب في الجدول وتمشي عليه

كل زيارة بيختلف الجدول .. في جداول نوعا ما صعبه وفي جداول حليوه فيها عيش وخبز وفواكه بس بكميات قليله

ملاحظه مهمه جدا : لو فاتك موعد مو معناته ان راحت عليك زياره من الـ 8 زيارات لو فرضنا انك مشترك شهرين لان الدكتور يحدد لك الموعد بعد موافقتك عليه

يعني لو الواحد بيسافر يقدر يوقف مواعيده .. او يبي موعد كل اسبوعين او كل 10 ايام بعد يصير

بسهل لك الموضوع .. لو تبي تخلي الـ 8 زيارات على 6 شهور بعد تقدر لو انت عرفت لنفسك
وفهمت هم شيبونك تسوي ولكن في نفس الوقت مانصحك .. لان انت تفحص اسبوعيا وكل ماتشوف
نفسك نقصت 2 او 3 كيلو تتشجع وتكمل .. انا كنت اسوي جذي


قريب بنزل موضوع عن تجربتي مع الرجيم وشسويت بالضبط لين نزلت الـ 44 كيلو ان شاء الله بس اتفرغ شوي وبنزله وبكل التفاصيل والتعليمات

لازم تتصل بهم وتاخذ موعد .. يعني مايصير تروح وتدخل على الدكتور على طول بدون ماتاخذ موعد بالتلفون

بالتوفيق يارب

[كلامك صح]

مشكورين جميعا
الله لايهينكم والمعلومات الي عطيتوني اياها فادتني
شكرا

[الوان]

اشعة و مختبرات الخليج عندهم عندهم طبيب ..

ادخل عليه و اشرح له حالتك و بيسوي لك التحاليل المطلوبه

و عسى ربي يعطيك العافية و الصحة

[الأصيلة]

صباح الخير
انا أنصحك تروح مستشفى حمد أو المراكز الصحية لـ خبراء التغذية..
أولا : مافيه مجال للتجارة ...
ثانيا : البرنامج الغذائي يستفيد منه الكل ولحد
الحين مافيه أحد اشتكى منه أبد..
ثالثا: على الأقل تحافظ على صحتك وتقلل من وزنك...

وبالتوفيق

[R 7 A L]

غير طريقة اكل وراح تلاحظ خلال شهر انة تغير وزنك


مشكلتنا ناكل وننام على طول

لما غيرت طريقة اكلي نزل وزني بمعدل 3 كيلو كل شهر

[كلامك صح]

شكرا لكم اخواني

[KABOOM]

الله يعينك اخوي وتسير سبمتيك ...

بس بالنسبه للاخوان اللي ذكروا المراكز

اللي ماعنده عزيمه ابد شيسووووووي ...!!!

:s

[كلامك صح]

مشكور اخوي kaboom
لازم تكون عندك عزيمة ياخوي
عزيمة انك تضعف
بس اترك عزايم الاكل هههه

[تحداني]

هناك الكثير من المراكز المتخصصه للحميات الغذائيه سواء في العيادات
او المراكز الصحيه .. او حتى المستشفيات .. او حتى الاعتماد على برامج غذائيه جاهزه


بس انا ضد تماما هذا النوع من الحميات الغذائيه .. او الارتباط بعياده متخصصه
والسبب ان الانسان صعب يظل طول عمره مقيد فيهم .. ويتم طول عمره متبع الاستشارات الطبيه

العمليه جدا بسيطه والله .. انزال الوزن محتاج

" اراده - اصرار - عزيمه - رياضه - مشاوي .. سلطات .. شوربه .. الابتعاد قدر الامكان عن السكريات والمقالي والنشويات " وراح تشوف النتائج من اول اسبوع ما راح اقول لك من اول شهر

انا شفت قوائم نيوترشن .. مافيها شئ ازياده عن الي كتبته لك
الكميه ؟؟ تقدر تحددها .. نصف خبز
كوب لبن خالي الدسم
سلطه مع قليل من الملح بدون زيت .. مع قطعه دجاج مشوي

هذا هو الغدا

العشى شنو ؟؟

ربع خبز ..جبن قليل الدسم
نوع من الفاكهه


ومع الايام راح تتعلم تشتري اشياء قليله الدسم


هاذي نصيحتي والقرار لك



جملك الله برضى الرحمن