محتاج مساعدتكم ومن عنده خلفيه لو بسيطه يتفضل بها لو تكرمتوا ..

[ALRAYYAN]

السلام عليكم ورحمة الله وبركاته

صباحكم ورد .. وكل عام وانتوا بخير وبصحه وسلامه

اخواني وخواتي

عندنا حفلة خطوبه بعد كم يوم وياليت اللي عنده او عندها اي فكره عن القاعات
الصغيره اللي تصلح لمناسبة مثل الخطوبة يعطينا فكره عنها سواء في فنادق او غيره في اي مكان

ابي اسماء القاعات واماكنها واسعارها اذا امكن وطريقتهم وياليت اللي مجربهم خلال الفتره القليله الماضيه
يعطيني فكره لان اللي مجرب هالقاعات من زمان اكيد ان النظام والاسعار اختلفت

شنظام القاعه وبكم يحسبون البوفيه للشخص الواحد وشلون الخدمه .. وهل في شي على الطاولات
وهل اقدر احجز القاعه واجيب البوفيه من مكان ثاني مثل مطعم معين في بالي واي معلومات عندكم تاكدوا اني بحاجه لها

منتظر تفاعلكم ونصايحكم وتجاربكم للضروره .. والفال للي ماتزوج منكم وجزاكم الله خير

[" روح قطر "]

الف الف مبروك مقدما والله يعينك ويعوضك على المخاسير

عندك قاعه الرفيراء في الدحيل

وعندك قاعه الخليج صوب جسر الجيده

وعندك قاعه الدفنة فيها قاعه داخلية صغيرة للمناسبات الصغيرة

النادى الدبلوماسي

والله يوفق لكم وتتباركون بالذرية الصالحة

طبعا هذى اللى اسعارها ارحم من غيرها

[ALRAYYAN]

الله يرحم والديج اختي روح قطر وماقصرتي
وياليت اذا عندج اي فكره عن الاسعار وطريقتهم في التعامل تفيديني يزاج الله خير

[بعيد النظر]

الف مبرووك ياخوي ..
والله يتمم لكم على خيير ..


وما بيقصرون وياك الاعضاء ان شاء الله ..
ولو عندي خلفية افدتك ..

[الحريّه]

صباح الخير أخي الفاضل,
لاحق على المخاسير يخوي :rolleyes2:
إذا صج تبي النصيحه , أفضل لك تخلي حفلة الخطوبه صغيره ومقتصره على أفراد قليلين من العائلتين !! والأفضل تسوونها في البيت .
بكره العرس يايّك وبتصرف لين تقول بس :tease:
أصلاً هذي الحفلات دخيله على مجتمعنا . والمستفيد منها هم المتعهدين اللي بيطلعون لك 100 حاجه تصرف عليها .
الله يعين الشباب على مصاريف العرس .
تحياتي
:victory:

[خطوة]

اخوي عندك قاعة الريفيرا الي بمنطقة اللاند مارك وايد حلوة ومناسبه

وعندك قاعة الملينيوم الي بفندق الملينيوم عند مستشفى الولاده

وفيه وحده عند قاعة الدفنة الي عند جمعيه الدفنة

وهذا رقم الريفيرا 44793803

[ummohammed]

صباح الخير أخي الفاضل,
لاحق على المخاسير يخوي :rolleyes2:
إذا صج تبي النصيحه , أفضل لك تخلي حفلة الخطوبه صغيره ومقتصره على أفراد قليلين من العائلتين !! والأفضل تسوونها في البيت .
بكره العرس يايّك وبتصرف لين تقول بس :tease:
أصلاً هذي الحفلات دخيله على مجتمعنا . والمستفيد منها هم المتعهدين اللي بيطلعون لك 100 حاجه تصرف عليها .
الله يعين الشباب على مصاريف العرس .
تحياتي
:victory:


:nice::nice::nice:
الحمد لله للحين في ناس واعية

[فارس الكلمة]

خلوا الحفلة في البيت أحسن ..

ألف مبروك ..

[حقيقه]

بالمبارك
وهالشيء مايتكرر أفرحو وسوو اللي بخاطركم ماعليك باللي يقول أشلك بالمخاسير

بس إذا الحفله في هالجو الحلو انصحك تكون بحوش البيت وتحجز حق تنظيم الحفلات بيرتبونه لك من كوشه وطاولات وزينه وبوفيه

[الحريّه]

باقول وجهة نظري الحقيقية في هالموضوع , و ألله يعيني على رد فعل الجنس اللطيف ! لكن معليه , هم خواتي وبناتي , فيسمحون لي أبيّن ما أره صواب
كانت الأعراس في السابق تقام في المنازل . وكانت مبروكه وتجنن !
لكن :rolleyes2:
منذ عملت المرأه وكل الأمور داخله في مصاريف ومخاسير وصرف كان الأولى أن فلوسه تدخل في حساب توفير يعين العروسين على لأواء ( ضيق ) الحياة . على فكره , إذا تلاحظون إن مفردة " توفير " مفقوده من قاموس القطريين !!:tease:
صرف على الشَبْكَه , وعلى حفلة تلبيس الشبكه . صرف على حفلة العرس اللي تمص دم الشاب وأبوه وأمه ويمكن بعض عمامه وخواله !! وكلّه على ليله وحده , ونص المعازيم يطلعون بإنتقادات على تقديم الضيافه وعلى اللي يقدمون الضيافه وعلى حجم القاعه وعلى الطقاقه وعلى بطاقة العرس .......وانتوا رايحين !!!!:eek5:
والمستفيد ؟؟؟؟؟؟؟!!!!!
المتعهدين اللي سووا بزنس من ولا شيء .....
سمعت ان الشباب في البحرين مؤخرا صاروا يخلون مصاريف العرس حق شهر العسل وحق فرش البيت ..وهذا قرار في منتهى الحكمه ..
للأسف كلنا نسمع الشباب يشتكى , لكن التنفيذ يحتاج ناس ماتبالي بانتقادات المجتمع الهش اللي يتعلق بالمظاهر !!!
تحياتي للجميع !!! :victory:

[ساحر برشلونة]

قاعه الرفيراء في الدحيل


ممتازة

[ALRAYYAN]

ياجماعه جزاكم الله كل خير ونصايحكم على عيني وراسي .. بس رجاء انا ابيكم تفيدوني لاتدخلون لي في نقاشات واختلافات الله يهديكم

البيت حوشه صغير ومايصلح للخطوبه .. وياليت تفيدوني اكثر الله يرحم والديكم

[عذاري قطر 2011]

اخوي قاعة فندق رتاج الريان وايد حلوة حق خطوبة

[Breakaway]

كتبت و مسحت كتبت و مسحت!

الله يوفقكم لما يحبه ويرضاه

[الحريّه]

كتبت و مسحت كتبت و مسحت!

الله يوفقكم لما يحبه ويرضاه




:rolleyes2:<<<<<<<< ذابحها الفضول
شللي كتبته ومحيته ؟؟

[المتألم]

باقول وجهة نظري الحقيقية في هالموضوع , و ألله يعيني على رد فعل الجنس اللطيف ! لكن معليه , هم خواتي وبناتي , فيسمحون لي أبيّن ما أره صواب
كانت الأعراس في السابق تقام في المنازل . وكانت مبروكه وتجنن !
لكن :rolleyes2:
منذ عملت المرأه وكل الأمور داخله في مصاريف ومخاسير وصرف كان الأولى أن فلوسه تدخل في حساب توفير يعين العروسين على لأواء ( ضيق ) الحياة . على فكره , إذا تلاحظون إن مفردة " توفير " مفقوده من قاموس القطريين !!:tease:
صرف على الشَبْكَه , وعلى حفلة تلبيس الشبكه . صرف على حفلة العرس اللي تمص دم الشاب وأبوه وأمه ويمكن بعض عمامه وخواله !! وكلّه على ليله وحده , ونص المعازيم يطلعون بإنتقادات على تقديم الضيافه وعلى اللي يقدمون الضيافه وعلى حجم القاعه وعلى الطقاقه وعلى بطاقة العرس .......وانتوا رايحين !!!!:eek5:
والمستفيد ؟؟؟؟؟؟؟!!!!!
المتعهدين اللي سووا بزنس من ولا شيء .....
سمعت ان الشباب في البحرين مؤخرا صاروا يخلون مصاريف العرس حق شهر العسل وحق فرش البيت ..وهذا قرار في منتهى الحكمه ..
للأسف كلنا نسمع الشباب يشتكى , لكن التنفيذ يحتاج ناس ماتبالي بانتقادات المجتمع الهش اللي يتعلق بالمظاهر !!!
تحياتي للجميع !!! :victory:

معاك أختي وأنا أيضا ضد ما يسمى بحفلات الخطوبة وحتى العرس أفضل لو يسوونه صغير وعائلي وباقي الفلوس اللي يصرفونها على الفاضي يخلونها لهم
العريس والعروس أولى بهالفلوس من القاعات ومنظمي الحفلات اللي يربحون
بسبب سخافة وعته البعض في المفوشر والزبو بالحفلات وغيرها
وسبحان الله محد زودها بالعرس وسوى نفسه يابلفيت إلا كلوا الناس لحمه من النقد
وذمو بطره بما لديه بإسم أحلى ليله وتطلع عليهم أغلى من بيع السوق
ياما عوايل كبيره سوت أعراس عائلية وطلع المعرس والعروس من البيت عالطياره
وأستانسوا لهم بلقريشاتبدل ما تنصرف بلا فايده.
أنا من كثر ما العالم فسقوا بالحفلات اللي تصير فكرت أسوي محل لتجهيز الأفراح
للإستفادة من ورى هؤلاء

[المتألم]

الله يوفقك أخوي والسموحه على المناقشة بالموضوع

[غزلان]

فندق الشيراتون فيه قاعة سلوى تصلح وعندك الرفيرا النادي الدبلوماسي بس ماعرف الأسعار

ومبروك

[بوسعود77]

الله يوفقك يالريان

الحين الرجال يبي رايكم في الصلات قمتو تقولون له مخاسر ولاتسوي وحطمتو الرجال
ادعو انه الله يوفقه

اخوي الرفيرا من فترة شهر ونص تقريبا واحد من الشباب كان اخوه حاجز فيها بـ 75 الف

بس كان عرس

طبعا انت او اي احد يقدر ينزل معاهم خاصه انت خطوبه
يعني عدد المعزومين اقل والكماليات تكون اقل
وغير هاي كله تقدر تسولك خصم عندهم

هاي اللي اقدر افيدك فيه

والله يوفقك

[درب السعادة]

اذا 100 شخص في الريفير ا بيكلفك 15 الف حلو !! والله ممتازين ، قاعه راقيه وخدمتهم أكثر من راقية وفي غرفة داخليه للتجهيز رائعة ونظيفة ، وبعدين اذا بتجهز القاعه بكوشة ودي جي ولوازمه بيكلفك تقريبا 10 الاف ريال ، واحسن متعهدين بتحصلهم في التاون سنتر من غير ذكر اسماء .....
يعني بتكلفك الحفلة مابين 22 الف الى 25 الف
وبالمبارك مقدما

[بنت شيوخ]

بالتوووووووووووووووفيق

والف مبروك

[ALRAYYAN]

لا خلى ولا عدم منكم جميعا .. انا اتصلت بالصالات اللي ذكرتوها

اللي ناسبني للحين رتاج الريان & ازدان

حد عنده اقتراحات جديده او معلومات عن قاعات ثانيه

ياليت تفيدوني وجزاكم الله خير

[latty]

بالمبارك

القاعه الصغيره بقاعة الدفنه مناسبه ومرتبه

بالتوفيق

[عزتي سمو ذاتي]

ازدان

فندق ميلينوم

فندق لاسيجال

فندق الانتركونتننتال

الريفيرا

في قاعة صغيرة في الشيراتون بس مااتذكر اسمها يمكن الدانة


هذول اللي يحضروني الحين

ألف مبروك مقدماً .. والله يتمم لكم على خير يارب

[بوحارب]

موفقين وبالمبارك اخوي الريان :)

ارشح لك قاعة الريفيرا

اسمع عنها كلام طيب :)

وعقبالي وعقبالك :(

[ALRAYYAN]

بالمبارك

القاعه الصغيره بقاعة الدفنه مناسبه ومرتبه

بالتوفيق

والله ماكنت ادري ان فيها قاعه صغيره .. اتصلت بهم وكلمتهم وطلع عندهم عرض لين اخر شهر 12 وكل اللي قالوه لي ناسبني اكثر من القاعات الثانيه

جزاج الله خير اختي ماقصرتي

[ALRAYYAN]

عزتي سمو ذاتي & بو حارب

تسلمون ماقصرتو ياشيوخ

[خزامئ]

اللة ايوفقكم

[سمو الاميره]

باقول وجهة نظري الحقيقية في هالموضوع , و ألله يعيني على رد فعل الجنس اللطيف ! لكن معليه , هم خواتي وبناتي , فيسمحون لي أبيّن ما أره صواب
كانت الأعراس في السابق تقام في المنازل . وكانت مبروكه وتجنن !
لكن :rolleyes2:
منذ عملت المرأه وكل الأمور داخله في مصاريف ومخاسير وصرف كان الأولى أن فلوسه تدخل في حساب توفير يعين العروسين على لأواء ( ضيق ) الحياة . على فكره , إذا تلاحظون إن مفردة " توفير " مفقوده من قاموس القطريين !!:tease:
صرف على الشَبْكَه , وعلى حفلة تلبيس الشبكه . صرف على حفلة العرس اللي تمص دم الشاب وأبوه وأمه ويمكن بعض عمامه وخواله !! وكلّه على ليله وحده , ونص المعازيم يطلعون بإنتقادات على تقديم الضيافه وعلى اللي يقدمون الضيافه وعلى حجم القاعه وعلى الطقاقه وعلى بطاقة العرس .......وانتوا رايحين !!!!:eek5:
والمستفيد ؟؟؟؟؟؟؟!!!!!
المتعهدين اللي سووا بزنس من ولا شيء .....
سمعت ان الشباب في البحرين مؤخرا صاروا يخلون مصاريف العرس حق شهر العسل وحق فرش البيت ..وهذا قرار في منتهى الحكمه ..
للأسف كلنا نسمع الشباب يشتكى , لكن التنفيذ يحتاج ناس ماتبالي بانتقادات المجتمع الهش اللي يتعلق بالمظاهر !!!
تحياتي للجميع !!! :victory:



:thumbup1: :thumbup1: :thumbup1:

[ALRAYYAN]

شكرا للجميع .. استفدت كثير من مشاركاتكم

يرجى اغلاق الموضوع من قبل الاداره