المساعد الشخصي الرقمي

مشاهدة النسخة كاملة : ليش القرية الثقافيه مغلقه في العيد؟!!!


khaldoon
19-11-2010, 08:42 AM
السلام عليكم و رحمة الله وبركاته

امس الظهر رحت على القرية الثقافيه انا و الاهل علشان يشوفوها في العيد ...استغربت انها مغلقه في فترة الاعياد....بصراحه المكان رائع جدا من حيث السياحه ...تخيلوا بس لو ان هذه القريه مفتوحه خلال فترة العيد وتخيلوا افواج الناس اللي راح تتواجد و تستكشف هذا المكان الجديد في قطر ....شيء مخيب فعلا للامال لما تلاقي هذا الصرح الرائع مغلق في العيد

و بعدين نقول ليش الناس تسافر في العيد...يعني بصراحه مثل اللي فاتح مطعم و يسكر ساعة الغداء علشان ياخذ بريك مع باقي الناس

والله اذكر من كم سنة رحت على مدينة الملاهي في اللاند مارك الظهر اول يوم العيد لانها بالنسبه لي مب فترة زيارة للناس الا بعد المغرب....لقيتها مسكره و قالولي بنفتح الساعه 8 مساء حتى منتصف الليل....يعني وقت نوم الاطفال....بالله عليكم لو مدينة الملاهي بتفتح في العيد مساء لانه اللي فيها معيدين ايش يكون فايدتها....طبعا اكيد راح يقول واحد من الاعضاء انه اللي يشتغلون فيها بشر ومن حقهم يعيدون مثل باقي الناس بس بعض الامكان طبيعة عملها تستوجب العمل وقت راحة الناس مثل الجرسون في المطعم اوقات الافطار في رمضان

ولا انتم ايش رايكم؟!!
ابن الجزيرة
19-11-2010, 09:28 AM
نفس الحكاية الملاهي حتى في اللاند مارك مغلقة ايام العيد


ولي ملاحظة على مطاعم الحي الثقافي وحتى سوق واقف


الايجارات كما اعلم رمزية ومع ذلك تجد الاسعارفي المطاعم اعلى من فنادق الخمس نجوم ناهيك عن

الاكراميات وقل الرشوة كي تحصل احيانا على مقعد


فهل من حسيب او رقيب؟؟
الأصيلة
19-11-2010, 09:59 AM
الحي الثقافي مفتوح في العيد
احنا رحنا في الليل وتعشينا ثاني العيد...
إلا كان الظهر ...يمكن...
abdo222
19-11-2010, 12:04 PM
الحي الثقافي قصدك اكيد "صوب ارض المعارض" ،، كان مفتوح اول يوم عيد قعدنا في كرك"الكافي شوب الي صوب الباركنج"، و زعفران "مطعم هندي" ومشينا في الكورنيش حقهم لين قلنا بس ،، بالليل،، يمكن الصبح كان مغلق !
khaldoon
19-11-2010, 01:51 PM
نفس الحكاية الملاهي حتى في اللاند مارك مغلقة ايام العيد


ولي ملاحظة على مطاعم الحي الثقافي وحتى سوق واقف


الايجارات كما اعلم رمزية ومع ذلك تجد الاسعارفي المطاعم اعلى من فنادق الخمس نجوم ناهيك عن

الاكراميات وقل الرشوة كي تحصل احيانا على مقعد


فهل من حسيب او رقيب؟؟


جزاك الله كل خير على تشريفي بمرورك و اضافاتك القيمه للموضوع

يعني بالله عليكم الملاهي لما تسكر في العيد ايش فايدتها ...مب لازم تكون مفتوحه في العيد...مب هذا موسمها ...ناس ما تعرف تستفيد من المناسبات

العيد الماضي رحنا جنغل زوون في العيد و كانت مليانه من كثرة الزحمة و الانتظار على كل لعبه


بالنسبه للاسعار و الاكراميات اتفق معاك...اسعارهم تعتبر اسعار سياحيه
khaldoon
19-11-2010, 01:54 PM
الحي الثقافي مفتوح في العيد
احنا رحنا في الليل وتعشينا ثاني العيد...
إلا كان الظهر ...يمكن...

اختي الفاضله في النهار المطاعم لقيتها مفتوحه بس ما في اي شي ثاني مفتوح...

احنا حبينا نشوف الحي الثقافي نفسه و الاشياء اللي فيه مب مسألة مطاعم بس....المطاعم مليانه في الدوحه ...بالنهار كل المباني مغلقه وما استفدنا شي من زيارة الحي الثقافي

تحياتي و اشكرك على مرورك الرائع
khaldoon
19-11-2010, 02:00 PM
الحي الثقافي قصدك اكيد "صوب ارض المعارض" ،، كان مفتوح اول يوم عيد قعدنا في كرك"الكافي شوب الي صوب الباركنج"، و زعفران "مطعم هندي" ومشينا في الكورنيش حقهم لين قلنا بس ،، بالليل،، يمكن الصبح كان مغلق !

صحيح كلامك اخوي العزيز الحي الثقافي اللي صوب ارض المعارض

مفتوح و تدخل بسيارتك وما تلاقي شي غير المطاعم...هو حي مطاعم والا حي ثقافي؟!....انا حبيت اتعرف واشوف ايش هو الحي الثقافي و ايش فيه ومب بس مسألة مطاعم

الكورنيش رائع بس ينقصه الاكشاش لبيع المأكولات الخفيفه و العصائر وحتى الكافيهات مثل اللؤلؤة

كل الشكر على تشريفي بمرورك
فلتة زمانها
19-11-2010, 02:04 PM
الظاهر مسكرينها من كثر انتقاداتكم فالمنتدى
الا شباب يترقصون فالقريه والبنات يصفقون لهم هههههه
ومن هالكلام
khaldoon
19-11-2010, 04:24 PM
الظاهر مسكرينها من كثر انتقاداتكم فالمنتدى
الا شباب يترقصون فالقريه والبنات يصفقون لهم هههههه
ومن هالكلام

طيب يعني بكره بسكروها لما يشوفون الناس تسبح و الاجنبيات يتشمسون على الكراسي؟؟؟!!!

كل الشكر على تشريفي بمرورج اختي
بنت ابوها 19
19-11-2010, 07:31 PM
يمكن رحت من البوابه الرئيسيه الي مسكره بالسور الابيض وعلي بالك مسكر

لا روح من داااااخل لانه اول يوم كانو هلي هناك
khaldoon
19-11-2010, 08:55 PM
يمكن رحت من البوابه الرئيسيه الي مسكره بالسور الابيض وعلي بالك مسكر

لا روح من داااااخل لانه اول يوم كانو هلي هناك

اختي الفاضله انا رحت و دخلت الحي الثقافي و شفت مبانيه من الخارج...كل مبنى تحصلين سيكيوريتي واقف و المبنى مغلق...المفتوح بس كم مطعم...احنا ما نبي بس مطاعم نبي نشوف المباني من الداخل

شكرا لتشريفي بمرورج
البهتري
20-11-2010, 12:35 AM
وين مكان الحي الثقافي
باسكن روبنز
20-11-2010, 03:34 AM
آخوي خلدون آنت تقصد القريه الثقافيه ولا الحي الثقافي؟ ،

المكان الثاني حلو وراقي وآن شالله يتوسع ويتطور للآفضـل ،

والمكان الآول آتمنـى يتهردم لآنه صاير مكان لهز بعض الشباب الله لايحشمهم ،:anger1:
بنت شيوخ
20-11-2010, 05:09 AM
مفتووووح اما الصبح اكيد مغلق

لان الاغلبيه مايصكون الا متاخر بليل