من جد انتي قطريه؟؟ // مواقــف صدمتني

[طــمــوحــة]

السلام عليكم ورحمة الله وبركاته

اكتب لكم من دولة خليجيه مجاوره زرتها لحضور مناسبة عائليه

طبعا معروف ان لكل مناسبه لازم روحة صالون عشان الامور النسائيه شعر ميك اب وخلافه..

المهم .. دخلت المشغل على قولة اهل ديرتهم لقيت بنت جالسه قلت لها : ابي استشوار قالت: اوكي بـ 50 ريال < قلت اوكي :nice:

وما تكلمت وايد فما عرفت لهجتي.. لحد الحين اوكـي

وين المشكله الوالدة اهيه اللي موديتني وتكلمت مع الموظفه اللي فالرسبشن ولا تقولها انه احنا من قطر وتونا واصلين .. هالحجي صار وانا الريدي بديت اسوي الخدمات اللي ابيها منهم..

شوي ولا اشووف اللي فالرسبشن يات وقالت للي تسويلي شي في اذنها وراحت .. بعدها سألتني انتي من جد من قطر؟؟ قلت اي!!

سوت شعري على جزئين وغيرت الاستشوار من غير لا اطلب منها وماعرف شنو الحكمه منه انا توقعت اخترب استشوارهم

وبعدين قالت لي بحط لج سيروم للشعر> يحطووونه بكل صالونات العالم مع الاستشوار يعني مافيه زود< والله عااااااااادي جداااا لاهو بماركه ولا هم يحزنون وموجود فجمعياتنا ب 14 ريال مو اكثر وحطت لي منه

يوم جيت بحاسب طلعت ال50 ولا تقولي لاء حبيبتي الحساب 320!!!! قلت نعم ليش؟؟ تقول احنا استشوارنا لج بجهازين وحطينا لج سيروم ايطالي اصلي :rolleyes2:

اضطريت احاسب واطلع لان انا كنت مخلصه وماعندي وقت اناقش واجادل..

-------------------------

اليوم اللي بعده اتصلت احجز عندهم < لا تلوموني ماعرف مكان ثاني غيرهم

كلمتها بنفس لهجتهم : ابي مكياج وشعر

قالت لي الشعر مع تسريحه بـ150 والمكياج 150 الى 200

قلت حلو.. شوي ولا تسألني انتي وين سمعتي عن مشغلنا قلت امس كنت عندكم
ولا تقول اي زبونه قلت ام فلان < يقطع يوم البراءه
قالت اي تبين مكياج ناعم ولا عادي؟ قلت ناعم قالت طيب مكياج 300 والشعر استشوار 150 تسريحه 300

حديييي تنرفزت قلت خلاص مشكوره وسكررت وقعدت ادور بالنت وطلعت اسم صالون ثاني ورحت له
--------------
هذا غير المواقف اللي يوم ندخل على محل يكون السعر على التاغ شي والرقم اللي يعطينا البياع شي خيالي ثاني
ومتى تتغير النظره لما يشوفون لبس الوالد اللي يحفظه < معروفين من العقال


السؤال الحين ليش قاعدين ايشوفونا بنوك تمشي؟؟!! ماخذين فكره مباااالغ فيها عن مستوى القطرين المعيشي.. صحيح انه احنا بخيـر ونعمه ولله الحمد لكن التفرقه فالمعامله هذي وايد تضايييق

اللي فوق حصـــل من غيـــــر اي زياده او نقصان وبانتظار تعليقاتكم

[الصريحه]

الله يعينا
مافيه حل

[دااانة قطر]

وعليكم السلااام والرحمه


حبوبه ليش زعلاانه .. الحين البناات عندنا يدشون الصاالون ويكتون البيزاات كت
ليش لين ساافرتوا تدورون الرخيص
هم عاارفين أسعاار الصالونات اللي عندنا فمسااكين يترزقون تلومينهم

السبب منا .. يعني لو نسوي اضراب ولا احتجااج مثل مااصار ايام الطمااط الكيلوا بعشر والكرتون وصل سبعين جاان
بس النااس متعوده تصرف بالهبل هني ولين رااحوا الدول المجااوره دوروا الرخيص
بعدين حتى السعر اللي ععطتج ايااه بعد ماعرفت انج قطريه ولا شي بالنسبه حق الاسعاار اللي اسمع عنها هني
اقل شي التسريحه عندنا ب350 والمكساج بدون رموش 300


عرفتي الحين
انا اعرف وحده الله يستر عليها كل ويكند تجي عند اهلها بقطر وتمكيج البنااات باسعار قطر وتقول بصرااحه صج تعب لكن اكل العيش مر

[فراغ]

أصبح القطري والقطرية مثل العومه ماكوله ومذمومه
كان ذلك داخل البلاد أو خارجها مع الأسف
وموضوعك مثال على ذلك
والأمثله كثيرة
لكن يجب أن يتخذ المواطن موقف بأن يعرف كل شيئ قبل عمل أي شيئ
وبلاش فشخرة فالذين يدفعون بدون سؤال خربوا على البقيه ذوي الدخل المحدود وغيرهم
ويجب أن يكون المواطن ذكي بحيث لا يترك مجال للأخرين بالضحك عليه وضربه على قفاه والضحك عليه بعد مغادرته

[سما الوطن]

موقف ينرفز بصراحه

[حبر سري]

خبزا خبزتيه يالرفلة , اكليه

والله احنا اللي جبناه حق نفسنا

ولازال المسلسل مستمرا

[aminasalam]

لا حبيبتي انتي بترول متحرك-ههههههههههههههه

[طــمــوحــة]

اختي حنين

الموضوع مو لاني ادور الرخص احنا عارفين اسعار مكياجنا وراضين فيها
وندفع في كل مناسبه بال700 وال800 وما قلنا شي

لو انها معطتني الرقم 320 من اول مره وكان سعر يمشي علي وعلى غيري فما عندي مشكله

اما انه تغير الحساب لمجرد عرفت انا من وين هني القهر وهذا مربط موضوعي

[سما الوطن]

وعليكم السلااام والرحمه


حبوبه ليش زعلاانه .. الحين البناات عندنا يدشون الصاالون ويكتون البيزاات كت
ليش لين ساافرتوا تدورون الرخيص
هم عاارفين أسعاار الصالونات اللي عندنا فمسااكين يترزقون تلومينهم

السبب منا .. يعني لو نسوي اضراب ولا احتجااج مثل مااصار ايام الطمااط الكيلوا بعشر والكرتون وصل سبعين جاان
بس النااس متعوده تصرف بالهبل هني ولين رااحوا الدول المجااوره دوروا الرخيص
بعدين حتى السعر اللي ععطتج ايااه بعد ماعرفت انج قطريه ولا شي بالنسبه حق الاسعاار اللي اسمع عنها هني
اقل شي التسريحه عندنا ب350 والمكساج بدون رموش 300


عرفتي الحين
انا اعرف وحده الله يستر عليها كل ويكند تجي عند اهلها بقطر وتمكيج البنااات باسعار قطر وتقول بصرااحه صج تعب لكن اكل العيش مر

عزيزتي لا تنسي ان التكلفه على الصالون هنا غير التكلفه هناك
مثلا هل الايجار هنا نفس قيمه الإيجار هنا؟؟
فليه أوافق على أن أدفع مبلغ غير عن باقي الزباين بس لأن ببلادي السعر أغلى هناك؟؟

لا ادافع عن الصالونات هنا.. وقد يكون بها مبالغه ..ليس هذا موضوعنا
ولكنني أتكلم بمبدا اني يجب ان لا ازعل واوافق على رفع سعرهم علي فقط لأي سلعه خارج بلدي فقط لانها ببلدي غاليه متناسيه فرق التكلفه و و و ..عموما مبدا موب مقبول مهما كانت الاسباب ..هو استغلال بكل معنى الكلمه

أختك سما الوطن

[KABOOM]

من كلام الجرايد
ومن الشووو اللي الدوله تسويه برى
الملاين تحذف يمين ويسار
لاتلومينهم على باللهم ان كلنا اغنيه

والله تبين الدوله اللي صج اهلها بطرانين وفي خير ونعمه
"الامـــارات" معاشات الحريم مب متزوجات على 40 و 30 الف ..

اما احنى وعليا علينا مثل مايقولون "الصيت ولا الغناء"

الله المستعان


ملاحضه: تراج بطيتي جبدي ماينلامون فيج .. لقوا وحده ينضحك عليها بسهوله قالوا خلاص بنستغلها
مره ثانيه شغلي قلبج وحرصي على مالج

[دااانة قطر]

اختي طموحه وسما الوطن
انا معااج يالطيبه

لكن لاتلومينهم لانهم يترزقون وهذا ذكرته في ردي الساابق
لاتحطين تكااليف وغيره السبب
هي غلطاانه كاان المفروض تسأل انتي من وين؟؟

وانت كاان المفروض تصرين على رااايج
لو انا مكاانج حذفت الحسااب على ويها ومشيت

[التيما]

الله الغني اختي .. انا عندي مناسبه في ابوظبي شهر فبراير .. ولازم احجز من الحين عن الزحمة الا يقولون لي هلي هناك الف للشعر والف مكياج ؟؟ خير ان شاء الله ليش ؟ والله ماسويته ..
بسوي حق نفسي والحمد لله نعرف مو مانعرف فليش اقطها من غير داعي .. انا حق العيد والله ماطب الصالون ولا بطب غير الزحمة اللي اسمع عنها يرفعون الاسعار ؟ انطر لين ثالث يوم واروح اسوي اللي في خاطري ولا زحمه ولا يحزنون والاسعار ترد نفس قبل ..

[كازانوفا]

الانسان يتعلم وين ما يروح
ان شالله تكوني تعلمتى من العالم اللى قابلتيه بره قطر
:)

[بصمة قطرية]

صدقتي اختي ..
للأسف يفتكرون القطري بنك متحرك ~

جربنا هالشي في سفراتنا سواء في الصالونات ولا في المجمعات ..
اتعامل مع محلات في دولة خليجية دوم اتشرى منهم واعرف اسعارهم عدل
مرات لما اروح يزيد علي السعر دبل مثلاً اللي ب100 يقول لي 160
اقول له هالسعر للغشيم اللي ما يعرف اسعاركم انا سنين وانا اتعامل معاكم
جاية وانا اعرف سعر اللي ابيه
على طول يعطيني بالسعر اللي دوم آخذه ~

ليش نعطيهم مجال ..
المفروض الصالون اللي رحتي له تقولين لها انا اتفقت معاج على هالسعر
ومالي شغل اش حطيتي في شعري ..!!
المفروض تقول لج قبل لا تسوي اي شي ..

من فترة جبت وحده البيت تسوي شعري وانا مجربتها قبل
يوم جيت بدفع زيدت علي السعر 300 ريال فوق السعر القبلي ..!!
على طول قلت لها لييييش ..!!
انا قبل مسوية شعري ب300 شلون الحين صار 600
تقول لي لأنه خدمة منازل قلت لها ليش لا يكون قبل جبتج في الشارع ..!!
جيتيني هني في البيت ..؟؟
قامت تقول لي كانت عندنا عروض ومن هالكلام ..
قلت لها والله مش مسؤوليتي انا يوم حجزتج قلتي لي نفس السعر السابق
وانا ما عملت حسابي الا لهالمبلغ ...
تقول لي بالغلط ومادري شنو ..
سكتت قالت لي خلاص هالمرة اوكي بس المرة الجاية بيكون السعر الجديد ..

[الماريّة]

صاااااااااااااااااااااااادقة وكلامج ماعليه غبار اختي

وهالمواقف صارت معاي شكثر انا وخواتي

للاسف الحساويات مفتكرينا بنوووك نمشي

انا كنت حاجزة عند كوافيرة تسوي لنا سشوار وكنت متصله لها من كرت سعودي

وقالت اوكي الشعر على حسب طول الشعر اكثر شئ ان كان طويل 250

تخيلي والله والله سوت حق شعري بـ 400

وحق بنت اختي 800

اقسم بالله اني صادقه ويوم قلنا لها كلامج تغير ليش قلتي جذي

قالت مافتكرت شعوركم غليظه وطويلة كثير

اعنبووووووووووووووو شالهكذب والنصب

واحنا احتدينا تاخر الوقت ومايمدينا نحجز

كذااااااااااابين وغشاشين للاسف

[مشتاقة لقطر]

لا تسالين في كل مكان ترى هالشي

ومن حقج تنقهرين ..
يوم من الايام وحدة تسوي لنا الشعر بالبيت 500 تسريحة رفع ..
عقب كنا نسولف جدامها عن مصاريف وسوالف خلصت قالت شعركم 850 و650 ؟ استشوار وفير ؟

بس المرة اللي الاخيرة اتصلت لها اختي قالت لها اكثر من 500 ما نبي قالت اوكي خلاص

[بدون]

موقف يبط الجبد :(

مرة ثانية عامليهم مثل ما عاملوج

لين طلبت زيادة تقولين لها : ما قلتي لي بزيادة،، تبين شيلي هالسيروم من شعري ما أبيه، و بعدين إنتي بدلتي السشوار، أنا ما طلبت،، ما أحاسب ألا على اللي طلبته !!!! و بسسسسس!!!!

[شاهيناز]

للاسف اختي كلامك صحيح والحين الموضه عندهم سيدات دوله خليجيه مجاوره
كل يوم حاجزين لهم غرفه في الفنادق ويبيعون عبايات
الي عرفته العبايه في بلدها اقل من 1000 ريال وفي قطر اكثر من 2000 يعرفون ان القطريه يتدفع اي سعر اذا عجبتها العبايه
مره شفت اعلان صغير في الجريده عن معرض عبايات مكتوب مكان المعرض في القندق الفلاني فندق 4 نجوم
لما اتصلت في الرقم الموجود قالت لي انا لين الحين في بلادي ماجيت قطر
بجي في الويك اند قلت وين المعرض قالت في الغرفه الي في الفندق
وين وزاره التجاره عن ها التلاعب
وحده تحجز غرفه في فندق وتخليها معرض للعبايات...؟

شي يقهر بس كله منا احنا الي خليناهم يتلاعبون فينا.

[vtc_4.8]

مفروض تفشلينها عشان ماتعديها مرة ثانيه

[ام السعف]

اوبيه رحنا فيها ،، خلاص المفروض نتنكر من اليوم وطالع وانغير اللهجة

[دااانة قطر]

الله الغني اختي .. انا عندي مناسبه في ابوظبي شهر فبراير .. ولازم احجز من الحين عن الزحمة الا يقولون لي هلي هناك الف للشعر والف مكياج ؟؟ خير ان شاء الله ليش ؟ والله ماسويته ..
بسوي حق نفسي والحمد لله نعرف مو مانعرف فليش اقطها من غير داعي .. انا حق العيد والله ماطب الصالون ولا بطب غير الزحمة اللي اسمع عنها يرفعون الاسعار ؟ انطر لين ثالث يوم واروح اسوي اللي في خاطري ولا زحمه ولا يحزنون والاسعار ترد نفس قبل ..

بعدي عليج
وانا مثلج كل شي اسويه بنفسي
الصاالوناات ماعرفها الا حق عروس خوااني وخوااتي وبس

[دااانة قطر]

اوبيه رحنا فيها ،، خلاص المفروض نتنكر من اليوم وطالع وانغير اللهجة



يختي الحين البناات ( البعض او الأغلبيه )
في عرس صديقتها تطلب مكيااج خطوبه 1500 ورااايح
وتسريحه مدري شلون شكلها 1000 وراايح
والفستاان وصل فوق 7000 ريااال
هذي في عرسها ولا خطوبتها كم تدفع مكياج وتسريحه والفستاان والله فسق مب زين

في عرس اختي الصغيره خوااتي كلهم حجزوا عند وحده من هاللي تمكييج وتسوي الشعر واحجزوا لي ويااهم
يوم قرب العرس سألتهم كم تاخذ عطوني الاسعاار اللي فوق
والله انحشت ورحت المركز اللبنااني 400 مكيااج و350 تسريحه والله ماكاان في احتلااف في المكيااج والتسريحه والمركز اللبنااني معروف بشغلهم الحلو

الله يوفق الجميع

[شيزكيك]

احنا نروح دوله خليجيه تدرون كم المكياج ب 100 ريال و200 والسشوار 50 ريال

واخر مره سويت مكياج ب200 وتسريحة الويفي مع بف 160 ريال

واحنا اذا رحنا ما نتكلم

واذا بغينا نحجز نكلم وحده من بنياتنا الي هناك تحجز لنا

ومره حجزنا حنايه وكل شي كان تمام واسعارها رخيصه الا وحده من الاهل تقول حيا اهل قطر

وبس استخفت الحنايه وارفعت اسعارها علينا

وحتى هني مستحيل اسشور شعري ب1000 ريال ومكياج ب 1000 ريال خير لاقيه فلوسي

في الشارع وحتى الفساتين ان كثرت ب2000 ريال

[العقل المدمر]

الحمد لله والشكر
المشكله فاهل بلادنا اللي ماشايفين خير
لا تقولون محتاجين مانقدر نقاطع
اكو حد مايعرف يصبغ ويهه ؟؟ ترى شويه اساس وكحل وروج وانتهى
شحلاه المكياج الناعم يحلي وببلاش :shy:
وحتى التسريحات اللي مالها داعي
ترى مب لازم بلاليط وزلابيا وباستا على راسكم
سشوار ماعتقد محد يعرف يستخدمه ولا فير ولا يسوي باف
بس مشكله الناس اللي ماشايفه خير من زين شغل الصالونات عاد
ماعرف متى بتخيسونهم لين ينزلون اسعارهم بالغصب
حدهم 300 ووايد عليهم بعد

[دااانة قطر]

الحمد لله والشكر
المشكله فاهل بلادنا اللي ماشايفين خير
لا تقولون محتاجين مانقدر نقاطع
اكو حد مايعرف يصبغ ويهه ؟؟ ترى شويه اساس وكحل وروج وانتهى
شحلاه المكياج الناعم يحلي وببلاش :shy:
وحتى التسريحات اللي مالها داعي
ترى مب لازم بلاليط وزلابيا وباستا على راسكم
سشوار ماعتقد محد يعرف يستخدمه ولا فير ولا يسوي باف
بس مشكله الناس اللي ماشايفه خير من زين شغل الصالونات عاد
ماعرف متى بتخيسونهم لين ينزلون اسعارهم بالغصب
حدهم 300 ووايد عليهم بعد


ر:nice::nice::nice::nice::nice::nice:

[بصمة قطرية]

الحمد لله والشكر
المشكله فاهل بلادنا اللي ماشايفين خير
لا تقولون محتاجين مانقدر نقاطع
اكو حد مايعرف يصبغ ويهه ؟؟ ترى شويه اساس وكحل وروج وانتهى
شحلاه المكياج الناعم يحلي وببلاش :shy:
وحتى التسريحات اللي مالها داعي
ترى مب لازم بلاليط وزلابيا وباستا على راسكم
سشوار ماعتقد محد يعرف يستخدمه ولا فير ولا يسوي باف
بس مشكله الناس اللي ماشايفه خير من زين شغل الصالونات عاد
ماعرف متى بتخيسونهم لين ينزلون اسعارهم بالغصب
حدهم 300 ووايد عليهم بعد


:nice::nice::nice:

ماعندي مانع اعطي بنات المنتدى دورة مكياج مجانية ~:nice:

والله ما يبي له شي ..:nice:

[باسكن روبنز]

آي موقف مثل هذي يحصلج مره ثانيه وتشككتي بالآسعـار ،

آطلبي منهم فاتوره آو menu الآسعـار ،

ولاتعطينهم فلس فوق سعر الخدمه ،:)

[بوحارب]

يازينا يالشباب

احلى ترتيب للعارض ما يكلفك 20 ريال

واذا عندك مكينه مثلي :) ببلاش

والحمدلله على كل حال

[فلتة زمانها]

اصلا عيب تناقشون هالمواضيع في منتدى عام

[بصمة قطرية]

اصلا عيب تناقشون هالمواضيع في منتدى عام

ليش اختي ..!!
مكياج وشعر وين الغلط ..!!
يتكلمون عن الاسعار ..؟؟

[الرويـس]

اضطريت احاسب واطلع لان انا كنت مخلصه وماعندي وقت اناقش واجادل..


ببساطة الخلل يكمن في السطر هذا
دوم ما عندكم وقت للنقاش والجدال
وفي مرات (بداعي الخجل) !!

تحملي مسس بنك

[قطري رزه]

وعليكم السلام اختي انا صا رلي نفس الشي بس الفرق انه في عيادة اسنان في احد الدوال العربيه سالت عن سالت عن تركيب تقويم وتبيض قالي مايعدال 3000 ريال قطري كامل ومن لاستقبال دخلت على الدكتور وسوالف ويمدح قطر وساعه وهو يمدح بعدين طلعت قالو لي عطنا مقدم 3000 ليش قال لا انت علشانك مش من هل البلد لازم نغطيك شغل نظيف والله يعينا يا هل قطر

لكي ودي وحترامي

[بنت شيوخ]

عااااااااااااااااااادي مو غريبه

[MAZEN37]

موقف ينرفز بصراحه

صحيح ينرفز

[الـقـاسـي]

يعني مع احترامي انتي الغلطانه وتستاهلين بعد .. اهيا قالت من البدايه ٥٠ ريال وغيرت الشغل على كيفها وفالنهايه قالت الحساب ٣٢٠ ريال وانتي دفعتي ماناقشتي فتستاهلين واهيا ماغلطت ..

مدام تعرفين تتكلمين وتنزلين مواضيع ليش مارديتي عليها وقلتي لها انتي قلتي ٥٠ ولا دفعتي عشان تجين وتشتكين في المنتدى ..

لاتزعلين من كلامي بس انتي غلطانه وقهرتيني

[R 7 A L]

وشنو المشكلة تدفعون في قطر اضعاف هالمبلغ

[nadeemy]

انا انصح الاخوات جميعا اللي عندها مناسبه في دوله خليجيه انها لما توصل تتصل لها بوحده تجيها سكنها ويا كثرهم وتتفق معاها تسويلها اللي تبغيه من مكياج ناعم او خشن والا اللي هو , وتدفع لها وتتوكل على الله
بعدين ايش المناسبه اللي تضطر وحده تروح المشغل يومين ورى بعض؟ ,احس الموضوع اوووووووووووفر
مشاركه غير قابله للزعل

[الـمـحـنـك]

والله شي يقهر

وانتي الله يهديج تدفعين
بس ركزو عرفت انها قطريه ارفعت السعر لو نفس البلد يدرون ان وراهم حماية مستهلك وحنا حماية تجار وهوامير

ودمتم في عز ياشعب الملايين

[MAZEN37]

يعني مع احترامي انتي الغلطانه وتستاهلين بعد .. اهيا قالت من البدايه ٥٠ ريال وغيرت الشغل على كيفها وفالنهايه قالت الحساب ٣٢٠ ريال وانتي دفعتي ماناقشتي فتستاهلين واهيا ماغلطت ..

مدام تعرفين تتكلمين وتنزلين مواضيع ليش مارديتي عليها وقلتي لها انتي قلتي ٥٠ ولا دفعتي عشان تجين وتشتكين في المنتدى ..

لاتزعلين من كلامي بس انتي غلطانه وقهرتيني

يا قاسي

[دااانة قطر]

:nice::nice::nice:

ماعندي مانع اعطي بنات المنتدى دورة مكياج مجانية ~:nice:

والله ما يبي له شي ..:nice:

متى وبكم الدوره؟؟

[بـــــــنت النوخـّــــذه]

الحمد الله اعرف اتكلم لبناني ومصري ومغربي اشوي على كمن تركي من كثر المسلسلات يطلع منهم فايده يعني اقدر امشي حالي بضنكم صح :p:D


المهم أختي جيبي لج شغاله من الفلبين وطلبيها اتعرف اتسوي الشعر من استشوار وتسريحات خفيفه وصبغ الشعر مايبيغيله شي ألحين الموضه الشعر ساده مافيه اي اخصل يعني سهالات بالتعليم وخلصنا 00واما عن المكياج الحمد الله انا ماهره فيه :shy::victory:

واذا عن الاستغلال موجود بكل مكان حتى ألي يوصل طلبات الاكل المنزل لي شاف البيت شكبره طلب زياده يستهبل يعطيج حساب غلط يابلفيت انه ناسي 00 بس الاهم ان الشخص يكون واعي لهم ويعطيهم العين الحمره المشكله ان البعض يستحون من المواجهه استغرب من البعض الي يسكتون ويخلون هالفئه يضحكون على غباء البعض اسمحولي لانهم يعتبرون هذا الاستغفال غباء من القطريين والقطريات 000فلاتخلونهم يستغفلون هالطيبه والكرم المعروف عن اهل قطر ماشاء الله خيرنا واصل اخر الدنيا بالمساعدات وبناء مشاريع لهم من كثر مايستغفلونا بعد داخل الديره ^________^ اكملت فلاتجون وتشكون

[shady elbaik]

الله المستعان .