طلب مساعده من ذوي الخبره

[سهم طاير]

اخواني حبيت استفيد من خبراتكم وتفيدوني لاني قليل الخبره في البورصه ........ز

اولا : اليوم بعت الصناعات بلمت اب وبغيت اشتريه اول مانزل بس للاسف لم استطع بسبب بطئ الوسطاء .

ثانيا : شريت الف سهم بسعر غالي 61.4 ريال والحين نزل شاسوي ؟؟؟

ثالثا : بعد شريت 500 سهم متحده 113 ريال والحين بعد نزل شاسوي ؟؟؟

رابعا : السيوله الموجوده عندي حاليا بس 55000 الف ريال !!!!!!!!!!

((( شاسوي اشتري في السلام عشان اعدل السعر او اشتري المتحده واعدل السعر او الاثنين او ارد اشتري الصناعات او اتفرج او شاسوي ؟؟؟؟؟؟؟؟؟)))))))))))))



(( انا عارف ان مالي حض ومقرود )))))))))




ساعدوني بالنصيحه يالربع

[قطر]

ثانيا : شريت الف سهم بسعر غالي 61.4 ريال والحين نزل شاسوي ؟؟؟

رابعا : السيوله الموجوده عندي حاليا بس 55000 الف ريال !!!!!!!!!!

((( شاسوي اشتري في السلام عشان اعدل السعر او اشتري المتحده واعدل السعر او الاثنين او ارد اشتري الصناعات او اتفرج او شاسوي ؟؟؟؟؟؟؟؟؟)))))))))))))

(( انا عارف ان مالي حض ومقرود )))))))))


اسمح لي الجمله الاخيره مااوافقك عليها :court: (( انا عارف ان مالي حض ومقرود )))))))))


هو مجرد خطأ منك بالتوقيت وعدم تحديد الهدف الصحيح

السلام : 1000 × 61.4= 61400
61400 ÷1100= 55 ريال

1100 × 58.7% =645 × 15 =9675

71075 ÷ 1745 = 40.7المتوسط..

باذن الله منت خسران بالسلام دامك طويل الاجل وشوف ارباحه الربع سنويه...

واذا حبيت اتزيد فيه بيكون المتوسط عندك اقل بس لازم اتحط في بالك توفير سيولة الاكتتاب.

بخصوص المتحده ان شالله حد غيري ايفيدك ...


وهلا بك

[سهم طاير]

تسلم اخوي المراقب (قطر) على المعلومه وطمنتني شوي بخصوص السلام ..

بصراحه كنت خايف لان في ناس قالولي بأن سهم السلام بعد الاكتتاب بينزل لين 25 ريال !!!! انت اشرايك في هذا الكلام ؟؟؟؟؟؟؟


طيب كمل جميلك بخصوص المتحده ؟؟؟

هل اشتري فيها باللي عندي او لالالالالا وانتضر الاكتتاب ؟؟؟؟؟

او اشتري الصناعات بكره ؟؟؟ وكم تتوقع يوصل سعره ؟؟؟؟


بس طولت عليكم بالطلبات اسمحولنا

[كحيلان]

اشاعات لامحل لها .. ولا دليل .......

من اللي يحكم من الا على يوم الاثنين القادم ؟؟؟؟؟

هل هم عالمين الغيب ؟؟؟

او منجمين...


الله ايهداك بس

تم التعديل من قبل قطر

[قطر]

سهم طاير

اذا كان سهم السلام ذو الارباح ب 25 .... فكم يكون سهم مواشي ؟؟

لا اتوقع هذا وطبعا علم الغيب عند الله بس تأكد ان وصل لهذا السعر انما هو مضاربه ...

لتجميع الاسهم قبل طرحها في سوق دبي او الكويت باسعار اعلى....

وبيكون فرصة للشرائك بالسيولة اللي عندك منها اتعدل الافرج ومنها تستثمر فيه


بالنسبة للمتحده انا مش من مؤيدينها ... لذلك سأمتنع عن اعطاء رأيي حتى محد ايقول اني متحيز لشيء..

لكن الله اعلم ان النصايح اقدمها ... هي اللي انا اسويها ....

ودام انا ماشريت في المتحده ... كيف انصح غيري بها

عموما المتحده على سعر 83 ... لن تقلل الافرج لديك بشكل كبير ..

وخوفي الخساره تستوي خسارتين...


هلا بك :)

[سهم طاير]

تسلم اخوي

ماقصرت


وانتضر المشوره من باقي الاخوان وانا عارف بانهم مايقصرو




((((الفزعه يالربع)))

[ابوعلي اليافعي]

والله ياسهم طاير اخونا قطر كفى ووفى وكلامه سليم 100% انشالله

[سهم طاير]

شكرا ابو علي على مرورك


بس محد جاوبني بخصوص اسهم المتحده ماذا اعمل ؟؟؟؟؟؟؟؟؟

[قطر]

سهم طاير
بالنسبة للمتحده
عموما المتحده على سعر 83 ... لن تقلل الافرج لديك بشكل كبير ..

وخوفي الخساره تستوي

خسارتين...:)


:deal: وضحت لك نقطة مهمه وهي الافرج اللي لازم ايصير عندك اقل من اللي بيحققه لك الشراء في المتحده حاليا

اتمنى انك ماتستعجل وتندم عقب :court:


ياهلا بك

[ابوسعود]

السلام عليكم

اخوي بخصوص المتحده اذا انت مساهم على المدى الطويل

السهم يبيله صبر لاتستعجل والسهم الان بيكون فيه

اسهم مجانيه واسهم اكتتاب

وانتظر الاسهم حتى تقل خسارتك

تقبل تحياتي

ابوسعود

[سهم طاير]

وضحت لك نقطة مهمه وهي الافرج اللي لازم ايصير عندك اقل من اللي بيحققه لك الشراء في المتحده حاليا

اتمنى انك ماتستعجل وتندم عقب


تسلم اخوي (قطر) ومخلينك ذخر



اخوي بخصوص المتحده اذا انت مساهم على المدى الطويل

السهم يبيله صبر لاتستعجل والسهم الان بيكون فيه

اسهم مجانيه واسهم اكتتاب

وانتظر الاسهم حتى تقل خسارتك

تقبل تحياتي

ابوسعود



تسلم بوسعود على مرورك وماقصرت على النصيحه ... شكلي بنسا المتحده ..

[الشرقية]

اذا صدق كلامك ونزل سعر سهم السلام 25 ريال بعد الاكتتاب فرصة لزيادة الكمية ( ليس البيع )

والموعد بعد طرح اسهمها في الاسواق الخليجية ((( قريبا ))


ملاحظة :: هي الشركة الوحيدة التى تتطور في كل شئ وليس في الارباح فقط !!!

ارباح + منحة + ادارج السهم في الكويت او الامارات وقد تم توجية دعوة من هذا الاسواق للشركة حسب ماذكر رئيس مجلس الادارة في الجمعية + اكتتاب وبسعر هي الاقل ونسبة اقل من جميع الشركات التى يوجد عليها كتتاب خاص .؟




من عنده السهم علية الاحتفاظ بة سواء نزل او صعد السهم استثمار 100%