متى تخبره ؟ ( أريد تفاعل الشباب )

[نون]

هذه قصة رفيجتي ... تقدم لها شاب مناسب وتمت الموافقة وبيسوون الفحص الطبي قبل الزواج ولكنها قلقة من رفضه لها من الناحية الصحية لانها قبل سنوات سوت عملية في ظهرها ( عبارة عن تثبيت للعمود الفقري بسبب انحناء سابق ).. وهذه العملية لا تأثر في الزواج والحمل والولادة بناء على كلام الجراح وصديقة أخرى لها أجرت نفس العملية ولديها أطفال .. الحركة عندها طبيعية وتعيش حياتها بصورة طبيعية ..

الى الآن هي لم تخبره بعملية ظهرها لاعتقادها أن الأفضل ان يعرف بعد الفحص الطبي ومع شرح الطبيب له هذا الموضوع ولخوفها ان أخبرته مسبقا، ربما يرفضها أو أخواته يرفضونها ..لأن الناس تعتقد انه في ضرر على الحمل أو الولادة.

الآن هي محتارة هل اهي مخطئة في انتظارها لاخباره عن عملية ظهرها بعد الفحص الطبي .. لانه قد ينصدم ، ولكن لا تريده أن يعتقد أنها تحاول خداعه فهي لا تنوي ذلك نهائيا

[طارق العلي]

من الافضل يكون كل شي واضح وصريح بينهم وتقوله عن كل شي حتى لو كانت طرمه

ومن الافضل تاخذه للدكتور علشان يشرح له حالة زوجته وان مالها مخاطر في الحمل والانجاب . . .

هي اذا قالت له ماعتقد توصل له الفكره وياريت تكون امه معاه او خواته

وبيت انبنا من غير ساس سهل هدامه

[نمـر]

الأفضل ألحين قبل كل شي

[بن مفتاح]

اختي لازم تبين له الامر من البداية .. علشان لا يعتقد انها حاولت تكتم عنه هالامر ..

وترى اذا كان نصيبها مستحيل يروح عنها .. واذا كان مب نصيبها مستحيل يجيها ..

ترى كل واحد ياخذ نصيبه وبس ..


حفظكم الرحمن بحفظه ..

[الراقيه سبشل]

اختي لازم تقول له كل شي عن حالتها الصحيه ووضعها وماتخش عنه شي

لانه بعدين بيصير يحس ان في بعد شغلات عنها مايعرفها

والله يوفقها ويسعدها وياه:victory:

[vtc_4.8]

انا اول مرة ادري انه هالعمليه ؟ وشلون الناس تعتقد انه يأثر عالحمل وهو مايأثر

خل تقوله يبه و ولابيدري شسالفه هالعمليه اصلا

[حاسوبيان]

مافيه داعي تفتحون باب للكلام بدون سبب
البنت بخير وصحه وهذا اهم شي
ومافيه داعي ابدا تحطون انه في الموضوع

[ارين]

السلام عليكم

رفيجتك ليش خايفة ؟ .. إذا كتب الله أن يكون من نصيبها .. سيوافق مهما كانت الأسباب ومهما صرحت وقالت له عن حالتها الصحية ..

وإذا حدث العكس ولم يوافق .. فهو خير لها .. فالله لا يكتب لنا إلا الخير في كل الأمور

( وعسى أن تكرهوا شيئا وهو خير لكم )

وأنصحها بالاستخارة قبل أن تقرر بأي شيء ...

والله يوفقها لما يحبه ويرضاه

[القيادة]

تعلمه من البدايه تكون صريحه ويااه
لانه بكره بيحس انها غشته

وهذا نصيب اذا كتب الله سبحانه وتعالى بتاخذ نصيبها

[جرح الزمان]

تقوله ..... وتعطيه اسم الدكتور اللي سوى العمليه

اذا يحب يتأكد بنفسه ..... خلها واثقه من نفسها

واللي كاتبه الله سبحانه وتعالى بيصير

[خطوة]

الصراحة والوضوح مهم في الحياة الزوجيه

لازم يعرف احسن من يقولها بيوم انت غشيتيني

وكلن ياخذ نصيبه

[رجل تعليم]

الله يوفقهما وينعم عليهما بحياة سعيدة

اعتقد انه من الأفضل أن يتباحثا في الأمر ...ما المشكلة خصوصا وأنها تنعم الآن بصحة جيدة ؟؟

كل ما يجب الحرص عليه هو اختيار الوقت المناسب لفتح هذا الموضوع وعدم تهويله لتفادي تكون بؤرة من الخوف لدى الطرف الآخر .

لا أحد يضمن لنفسه ما يمكن أن يكون عليه غدا ...الصحة من نعم الله يعطيها متى ولمن يشاء وجميعنا نتوسل السلامة من عنده .

عمري ما سمعت أحدا يعير آخر بالصحة ، بالعكس كل مريض ندعو له بالشفاء العاجل

والله يوفقهما ويمنحهما كل أسباب السعادة

[ريان]

الله يوفقها ويكتب كل ماهو خير وصلاح لها دنيا واخره

[لمعة الالماس]

الافضل الطبيب يقول له مع نتيجة الفحص الطبي

لان اكيد في اثار للعملية ومب حلو عقب تصارحه

والحمد لله انه مالها مضاعفات

[نون]

مشكورين على تفاعلكم ... الله يوفقها لما فيه خير للطرفين

[bu abdulla]

انا تقدمت لوحده فيها نفس الاعراض بس ما همنى كلش الله ما كتب فى النهايه مع ان اختها فيها نفس الاعراض و تزوجت و جاها اعيال .... بالعكس اشوف الموضوع عادى جداااا

[الصريحه]

تقوله ..... وتعطيه اسم الدكتور اللي سوى العمليه

اذا يحب يتأكد بنفسه ..... خلها واثقه من نفسها

واللي كاتبه الله سبحانه وتعالى بيصير

وياك
لكن لاتنسى الاستخاره
والله يوفقها لما فيه خير لها

[نون]

للرفع :rolleyes2:

[بـــــــنت النوخـّــــذه]

اتقوله وتتوكل على الله حلوه الصراحه في بداية المشوار وبالعكس المفروض تتخذ هذي الخطوه من أول ماجيه وخطبها تدرين ليش لان هذي المصارحه كفيله بمعرفه معدنه 00يعني اذا تقبل الشيئ وكان عاقل ومثقف ان مافيها اي تأثير سلبي مستقبلا" هذا معناته ريال والنعم فيه وشاريها 000000

انا اقول تتوكل على الله وتمهد له الطريج ترى واجد ناس اخطبو بنات وواجد بنات خذو ريايل وقبلها مسويين عمليات وغيره من هالامور وتمت المصارحه منذ البدايه وكاهم احسن مايكون 000اختي توكلي على الله والله يستر عليها دنيا وآخره ويوفقها :)

[باسكن روبنز]

تعلمه من البدايه تكون صريحه ويااه
لانه بكره بيحس انها غشته

وهذا نصيب اذا كتب الله سبحانه وتعالى بتاخذ نصيبها


تقوله ..... وتعطيه اسم الدكتور اللي سوى العمليه

اذا يحب يتأكد بنفسه ..... خلها واثقه من نفسها

واللي كاتبه الله سبحانه وتعالى بيصير

:nice:

[حبر سري]

اختي اذا كانت عايشة حياتها بشكل طبيعي مثل ماتقولين , وهالعملية مالها اي تأثير ان شا الله على الحمل والولادة , وين المشكلة اصلا؟
تدرين شتقولين لها؟
خليها اتقول له , لكن ماتجي تقول له ابيك في موضوع مهم , وفي شي خاشته عليك , او في شي لازم تعرفه , ومن هالسوالف
لا
خليها تقول له في اثناء سوالفهم هالموضوع
يعني تقول له بشكل عابر , يعني يكونون يسولفون عادي ومن ضمن السوالف مثلا تقول له : تذكرت يوم يصير لي جذيه وجذيه وتعبت وودوني المستشفى

يعني يكون ضمن سياق الكلام بشكل عادي جدا , ولا تفرد للسالفة موضوع مستقل

بس شوفي اختي
مب يكونون يتكلمون مثلا عن مجبوس لحم وفجأة تجي تقول ايه تذكرت جذيه جذيه!!
انا اقول لج في سياق الكلام

والله يبارك لهم ويوفقهم

[كآن يا مكآن]

اللي اوله نـوور اخره رآحـہ وسـلآم
تخبرھ واذا كان من نصيبهـآ وربي كآتبه لهآ
رآح يتم مَآ بينهم واذا كان لا الوجه للوجه ابيض
وكان الله غفوراً رحيم ..

[الـقـاسـي]

تقول له من البداية احسن ولا تخش عنه لان اذا اكتشف بعدين او من خلال الفحص راح تكون تاثيرها غير عليه بيحس انها كانت ماتبي تقول له او تغشه ..

بعدين مافيها شي ومش عيب خلقي او شي الواحد يستحي منه عمليه حالها حال العمليات الباقيه

[الوان]

مب كل شي ينقال

دام ان هي بخير .. و هالشي ما راح يبين ولا بيأثر على الحمل و الولاده و ما راح يطلع في عيالهم

ليش تقول له مب لازم يعرف

اشياء وايد تنخش عن الريال .. انا ما اقصد ان المرأه تسوي اشياء من غير رضا زوجها

بس في أشياء علمونا عجايزنا ان نخشها عن الريال

اعرف وحده كان ولدها بعد الولاده عنده مشكله في الحالب في الكلى

و قعدت تتابع معاه في المواعيد لمدة سنه و ما قالت حق زوجها لين تأكدت ان الولد بخير و سكرت الموضوع

لأن اول شي الابو بيتخرع اكثر من اللازم

ثاني شي بيقول حق امه و اهله

و الخبر بينتشر

و بعد 20 سنه لين بغت تخطب لولدها بيقولون انه مريض و فيه وفيه ..

اذا البنت فيها مشكله موجوده تقول حق خطيبها .. بس دام انها عالجت ما يحتاي

اما اذا كان الموضوع وراثي فهذا موضوع آخر

[المستريح]

تقول له احسن لها بكره اذا صار لها لاقدر الله شى بتقوله انا كنت مسويه عمليه وبتسير مشكله حتى لو الموضوع ماله خص فى العمليه الله يوفقها للى فيه خير لها

[nadeemy]

و قعدت تتابع معاه في المواعيد لمدة سنه و ما قالت حق زوجها لين تأكدت ان الولد بخير و سكرت الموضوع

اعوذ بالله
ولدي لا قدر الله مريض والكل يعرف , امه والدكاتره اللي يعالجونه واهل امه وحتى السايق يعرف ان الولد عنده مشكله , وانا ابوه الوحيد اللي ما يدري ايش السالفه , ولا حتى ادعي له في صلاتي بالشفا والسبب ان امه خاشه علي لا ولمده سنه كامله مب يوم او يومين
انا عن نفسي متى ما دريت والله ما يجمعني معاها بيت ولو كانت شجرة الدر
بالنسبه للموضوع اشوف انها تقوله وباسلوب معقول مثل ما قال اخونا حبر سري
والله يكتب لهما النوفيق ان شاء الله

[MAZEN37]

لازم تشرحله الموضوع
ان كان متفهم ومستمع ومقدر الامور وتزوج فبيكون الانسان الي يستاهل ياخذها وهي تستاهله
ولو كانت ردت فعله سلبيه فالله يحبها لانها عرفت انه انسان تفكيره سطحي وممكن يكون شر لها مستقبلا

[QatarSupport]

يفضل الان

و اذا كان الرجال شاريها ..

مهب ملتفت لهاذي العمليه دام انها ما تاثر على الحمل

[KABOOM]

اذا هي ناويه تزوجه عشان تكون له فقاسه "فقط لاغير"
يعني ام العيال .. تربي وتطبخ وتنفخ
وهو يعيش حياته .. "فلا تقوله"

اما اذا تبي تكون زوجه واخت وحبيبه ورفيقة درب تقوله
لان لو رفضها من الحين افضل من مايرفضها بعدين

ملاحضه اختي.. خل تقوله الموضوع عادي
يعني مب تجي تقوله تعال بقولك سر انا خاشته عليك
خلها تسولف عادي عن المستشفيات مثلا او اي شي يتعلق بالعمليه
تقوله مثلا انا ماحب المستشفيات لان لما سويت عمليه في ظهري
وتنومت كذا يوم تعقدت من المستشفا ماحب ريحتها احس بضيق وملل الخ ....

فهمتي قصدي ؟..
والله يوفقها ويكتب لها اللي فيه الخير

[latty]

تقوله بطريقه عاديه تقول مثلا رفيقتي كلمتني اليوم قايل الدكتور لاختها الصغيره تبي عمليه بالظهر تقويم مثل اللي سويتها وانا اقول لها بعدها صغيره خليها كم سنه اخاف تفهم ردي خطاء وش رايك ؟

لما يقول اي علميه تقول عمليه تقويم الظهر كان عندي شويه ومن زمان سويتها ان زعل تقول له ليه انت ملاحظ علي شي غلط

وان شافته تردد تقوله رح للطبيب اساله وتاكد


وبس احسن الحين تقول له

[صدى الخافق]

والله المفروض تكون واضحه معاه من البدايه

لازم يعرف منها قبل مايعرف من الطبيب

وبما أن هالشي مايأثر

فأكيد أن الطبيب راح يطمنه ويأكد له أن هالشي عادي

[الـقـاسـي]

ماقلتي لنا شصار انا خوفي يكون الزوج واحد من اللي يعطون النصايح هنا في المنتدى عاد هذي ماترقع عقب

[بوحارب]

خليها تقوله عادي

ويمكن يحبها اكثر ويخاف عليها اكثر

والعكس وارد :(

[نون]

ماقلتي لنا شصار انا خوفي يكون الزوج واحد من اللي يعطون النصايح هنا في المنتدى عاد هذي ماترقع عقب


ما صار شي للحين ... وبعلمكم ايش صار .. الله يكتب لهم الخير omen

[KABOOM]

ماقلتي لنا شصار انا خوفي يكون الزوج واحد من اللي يعطون النصايح هنا في المنتدى عاد هذي ماترقع عقب

:no2:

[QtrGate]

يعرف منها احسن من مايسمع من برى

تقوله وبالتفصيل في وقت يكون هادي

وتقوله الدكتور الي سوى العمليه واسئل اي دكتور اذا تبي فقط


و

[عزتي سمو ذاتي]

أنا أشوف لوانها عمليه عاديه ماتأثر على حياتها ماله داعي تقوله

إذا بتقوله معناته كل وحدة بتسوي عمليه لوز وإلا الزايدة وإلا غيرها وغيرها بتقوله

المفروض تقوله عن الأمور اللي احتمال تأثر على الحمل أو عليها في المستقبل أو الأمراض الوراثية

وإن تكتمت عن موضوع العمليه هذا شي عادي ناس كثيرة تتعب وتمرض وتسوي عمليات يعني لجات تتزوج

لازم تفتح ملفها الطبي للخطيب ماصارت .. ممكن بعد الملكه مع الكلام والسوالف تقوله عن موضوع العملية

وممكن ماتقوله هذا شي عادي .. وفي الأول والأخير الزواج قسمة ونصيب لوربي كاتبهم لبعض راح يتزوجون

[مهل]

كلمه تستحي منها بـدهــا