طلب الاستقالة من المستقلة

[mrs.spoon]

اذا ممكن احد يجوابني اذا عنده فكره، أنا ناوية اطلع من المستقلة، والسؤال هل الاجراءات معقدة في طلب الاستقالة، وهل الحصول ع وظيفة سهل ولا صعب!!!!

[السد]

اذا ممكن احد يجوابني اذا عنده فكره، أنا ناوية اطلع من المستقلة، والسؤال هل الاجراءات معقدة في طلب الاستقالة، وهل الحصول ع وظيفة سهل ولا صعب!!!!

والله خير ما فعلتي اختي
وعقبال البقية من المظلومين والمظلومات
اللي اعرفه ان الاجراءات بسيطة
طلب الاستقالة يقدم الى مدير الخدمات المشتركة السيد / طارق العبدالله
او مديرالموارد البشرية والادارية / سعيد جاسم السيد
وطبعا تسديد السلف اللي عليج من سلفة سيارة او اعباء حياة

وبخصوص الحصول على وظيفة
اذا عندج واسطة في مكان بتتوظفين في نفس الوقت
نصيحتي لا تقدمين استقالة قبل ما تضمنين لج وظيفة قادمة
وبالتوفيق

[mrs.spoon]

تسلم اخوي ع الرد، والله يعينا بالحصول ع الوظيفة، دعواتكم
انتظر رد الاخرين

[شاهيناز]

اختي نصيحه لاتقدمين الاستقاله الا بعد ماتتاكدين من المكان الي بتوظفين فيه


لان فيه اكثر من وحده قدمت استقالتها من المستقله والحين يلفون على الوزارات ومالقو وظايف

ونفسيا تعبانييين من القلق من الحصول على وظيفه

لان التوظيف مب سهل وكل يوم في طابور ينتظر الوظيفه

[mrs.spoon]

تسلمين اختي شاهيناز، وربك كريم

[لاجل QT]

لين حصلتى الوظيفة اللى تبينها ..قدمى استقالتج...من اصعب الاشياء هالايام الحصول على وظيفة اسئلينى انا..من سنة مقدمة على اماكن واجد لين يومج ذي محد اتصل ..ولين اتصل انا اسئل وش صار يقولون مافي وظايف..مدري لية يسون اعلانات طلب وظايف حق يلعوزون خلق لله وبس

[طارق العلي]

http://2.bp.blogspot.com/_BgsC38uMMkw/TBYxF_bS4xI/AAAAAAAAADA/NmalEUJS770/s320/bianchi.jpg

هل اعلنتم الاستسلام ورفع الرايات البيضاء . . هل هذا معناه ان المجلس الاعلى سقط في يد . . . . .

[R 7 A L]

لاتستعجلين
مستقبل المجلس الاعلـــــى باهــــر

[mrs.spoon]

عجل شنسوي، المستقلة ونفسيا تعبانين منها، هذا غير التعب الجسدي، الضغط النفسي اللي إحنا فيه، وخلص العيد وبنرجع حق عوار الرأس، والله كأني طالبة مش موظفة وراعية بيت، بس الطالبة بكيفها اذا بتدرس حق نفسها لكن إحنا في يدنا أمانه ، وانا اذا ماكنت مخلصه في شغلي ومااعطي بذمة وضمير اكون الصراحه ظالمة الطالبات اللي ادرسهم!!!*

[الحريّه]

اختي ليش تبين تطلعين من مدرستج ؟ إذا كانت الظروف سببها الأشخاص اللي في المدرسه اللي انتي فيها , طرشي سيرتج الذاتيه إلى مدارس أخرى , لعلج تلقين وظيفه مشابهه في مدرسه أخرى مع أشخاص ترتاحين وياهم ! أما انكم يا بنات قطر تتركون المدارس وتطلعون بسبب سوء إدارة أشخاص , فهذيه هو الإستسلام بعينه أختي ! حرام ...المدارس فضت من القطريات واحنا نبحث عنهم ومانلقاهم !
ليس الهدف فقط ضمان الوظيفه , ولكن بقاء الأصلح من القطريات في المدارس , لذلك عزيزتي , أعيد عليج النصيحه , إرسلي سيرتج الذاتيه لمدارس أخرى , لعل ربي يعوضج مكان أفضل ..بالتوفيق إن شاء الله
تحياتي:victory:

[شاهيناز]

اختي الاستقاله مب حل ولا بترتاحيين نفسيا لي قدمتي الاستقاله بتلقيين ضغط اكثر من الضغط الي في المدرسه لان بعد فتره من اللف والبحث عن الوظيفه والانتظار الكل بيلومك ليش قدمتي استقالتك كان انتظرتي ومن نفس الكلام
وكل يوم تتصلين تسئلين عن الوظيفه الحين الوظايف لها متطلبات كثيرة
تمي في وظيفتك ودوري على وظيفه اخري لين تاكدتي من المكان انتقلي
استمحلي المستقله وانظري للجانب الايجابي لان مافي شي كله سلبي
والله يوفقك يارب

[mrs.spoon]

الحرية شكرًا ع الرد، بس السبب مش في الادارة، سبق وذكرت الضغط النفسي في المدرسة والبيت، وانا ام وزوجة وراعية بيت ، فهل يعقل أني اترك بيتي ع جنب، واتفرغ حق مدرستي وعيالي اوزعهم ع الخدم والمدرسين، ولا ادور لهم صرفة علشان احصل الهدوء في البيت واقدر احضر واطبع واكتب... حق المستقلة وطلباتهم اللي ماتخلص!!!!!!!
حلاة الوظيفة شغل في الدوام واذا خلص وقت الدوام انسى الشغل وهمومه واروح البيت واتفرغ حق بيتي!!!

[القيادة]

اكبر غلطه ان الواحد ياخذ قرار واهو معصب ولا متوتر لانه بيتحسف

ومو حل الاستقاله مثل ماافادوا الاعضاء الكرام قبل الاستقاله

لازم الواحد يحصله وظيفه جاهزه.

وترى صعبه هالايام الوظايف خاااااااااااااااااصه لاهل قطر
والله يكون في عون الى شغاليين في هالمدارس المستقله.

[ارين]

حسبنا الله ونعم الوكيل في اللي جعل المدارس المستقلة نظام للتعليم في قطر ..

والله المستعان

[mrs.spoon]

أنا فعلا جداً محتاره في اتخاذ القرار واحيانا اقول بيتي اولى ، بس الحاجه للوظيفة
تخليني افكر اكثر من الف مره،والله أني محتاره ومتشتته ومش عارف ايش اسوي!!!

[mrs.spoon]

. . 

[حبات الكرز]

الاستقالة اجراءاتها سهلة خاصة اذا عندج واسطة .. و اتوقع ظروف المدارس المستقلة حاليا صعب الاستمرار فيها للمدرسات الامهات و اللي عندهم مسوؤليات بيت و عيال ..

[^امـ نواري^]

ماتنلامين والله ..

حسبي الله ونعم الوكيل في المدارس المستقله وانظمتهم الصارمة والادارات السيئة والقرارات التعسفية
كرهونا في التدريس وكرهونا في حياتنا ..
وخلو عيالنا في يد الاجانب والجاليات الاسيوية ..اللي ماهمهم العيال ولا التدريس اللهم المبالغ اللي ياخذونها من هالمدارس......

[السد]

سبق وان قلت في عدة مشاركات
المدرس في المستقلة يجب ان يكونون هناك مساعدين له
اقتراحي
بان المدرس والمدرسة يدامون فقط في الحصص
يعني يحضرون الحصص اللي عندهم وليس الداوم من الساعة 7 الى الساعة 2
مثل دكاترة الجامعة
الحاصل ان المدرس والمدرسة تم تكليفهم باكثر من 8 وظائف والعتب على المدرسين والمدرسات الاجانب اللي اقبلوا بكل شي بحجة انهم خايفين من الفنش والابعاد
لكن ما اقول الا
حسبي الله ونعم الوكيل على بعض المدرسين والمدرسات الاجانب :anger1::anger1::anger1:

[mrs.spoon]

الله المستعان، ويارب تتيسر الامور

[بن مفتاح]

للاسف شكلنا كلنا بنهرب من المستقلة ..

اكيد البعض بيقول استسلام .. انا اقول نعم استسلمت .. ولو حصلت لي وظيفة ادارية بانتقل لها اليوم قبل بكرة ..

احنا ما زلنا في اجازة العيد والواحد يفكر في الدوام ..

شغل ما يخلص .....

صرنا ما احنا مرتاحين في اجازاتنا والسبة تفكيرنا في الاعمال اللي ما خلصت في المدرسة ..

ومثل ما تفضلت اختي حتى واحنا في بيوتنا اما مشغولين بشغلنا اللي ما يخلص او بالتفكير في هالشغل .. وللاسف الاثنين ما يخلونك تستمع باجازتك ووقتك الخاص ..

للاسف المستقلة قضت على الراحة النفسية اللي كنا حاسينها في المدارس الحكومية ..



اختي لا تستقيلين قبل ما تحصلين لكِ وظيفة جديدة ..

والله اييسر لكِ اموركِ بقدرته وفضله ..


حفظكم الرحمن بحفظه ..

[mrs.spoon]

تسلم بن مفتاح وماتفصرون ع نصايحكم

[mrs.spoon]

لاتنسونا بالنصائح والدعوات
الله ييسر لي ولكم اللي فيه الخير

[سما الوطن]

الله يعينكم

اختي كم راتب المدرسه في المدرسه المستقله بعد الزيادات الاخيره

[^امـ نواري^]

الله يعينكم

اختي كم راتب المدرسه في المدرسه المستقله بعد الزيادات الاخيره

طالع هذي :looking:
المره تعبانه نفسيا من المستغله وتبغي تستقيل
وانتي تسالينها كم الراتب ؟!!!!
صج متفيقه :con2:


اللي سمعتيه
40000
روحو ينطرونكم هناك ..

( بنخليها لكم مدارسنا المستغله )

[أم قطرية]

اختي
انصحج تسمعين نصيحة اختنا الحرية

تراها مدارس عن مدارس تفرق

مدارس تعز القطرية وتخفف الشغل على قدر ماتقدر

ومدارس تخفس بالقطرية وتحط شغل على شغل عشان تعلن فشل القطريات وصحة افتراض هالمديرات والادارات التعبانين :thumbdown:

والله في مدارس يعطون المدرسة القطرية تحضير العام الجاهز ويقولون
بس
ادخلي درسي :thumbup1:

[mrs.spoon]

تسلمون خواتي ع ردودكم، الله يجزاكم خير

[missperfect]

اختي اسمعي نصيحة مجرب ،، مهي نهاية الدنيا ان طلعتي من المستقله لان الرزق بيد رب العالمين ،، اذا صج منتي مرتاحه بشغلج سوا بالمستقله والا غيرها استخيري ربج وتوكلي عليه واتخذي القرار الي يريحج ويريح بيتج وحياتج يبه محدن بنافعج اذا صار شي بالاعيال لاقدر الله بتركج لهم طول اليوم ،، وصح كل شي بواسطة بهالزمن لكن خلي واسطتج رب العالمين وتوكلي عليه
كنت نفسج قدمت استقالتي وماعندي واسطه بس ربج كريم وسخرلي ناس والف الحمدلله توظفت بمكان الكل يحسدني عليه
والله يووفقج

[missperfect]

الله يعينكم

اختي كم راتب المدرسه في المدرسه المستقله بعد الزيادات الاخيره

كلام الجرائد يبه لاتصدقينه ،، كل اوهام عشان يخلون الناس تقعد وترضي بقوانينهم التعجيزيه ،، علبالهم المره ماكينه والا جهاز كمبيوتر مثلا

[mrs.spoon]

تسلمين اخويتي مس بيرفكت،محد فاهمني غيرك 

[missperfect]

تسلمين اخويتي مس بيرفكت،محد فاهمني غيرك 

كفج 

[الغريب3]

الوظايف صعبه وبعدين ماعد فيه اماكن مسكره ومافيه ختلاط غير المدارس وبعض الاقسام في الوزاراة ونصيحتي لج اختي لاتقدمين الاستقاله لين توقعين العقد في مكان ثاني والصبر زين

[سما الوطن]

طالع هذي :looking:
المره تعبانه نفسيا من المستغله وتبغي تستقيل
وانتي تسالينها كم الراتب ؟!!!!
صج متفيقه :con2:


اللي سمعتيه
40000
روحو ينطرونكم هناك ..

( بنخليها لكم مدارسنا المستغله )

جواب غريب وإسلوب أغرب
لا حول ولا قوه إلا بالله
أولا أنا قلت الله يعيينكم ...وهذه الجمله لصاحبه الموضوع
والسطر الثاني كان طلب معلومه اريدها ولا اعرفها ...دائما اسمع عن شكاوي مدرسات المستقله ولم اكن اعلم برواتبهم .....فما دخل استفساري بطلب استقاله الأخت صاحبه الموضوع او لا

وشنو
"" روحو ينطروكم هناك
بنخليها لكم""
شي عجيب والله
أما تكلمي بعقل وأحترام أو الصمت أفضل
و من قال لك انني ابحث عن عمل بمستقله او غيرها؟؟؟؟؟؟؟؟؟؟؟؟؟؟؟؟؟؟؟
عندي وظيفتي والتي افتحر بها من اول يوم استلمتها

البعض لين تكلم تتذكرعلى الفور قول أبو حنيفة : آن لأبي حنيفة أن يمد رجليه

[بـــــــنت النوخـّــــذه]

اذا ممكن احد يجوابني اذا عنده فكره، أنا ناوية اطلع من المستقلة، والسؤال هل الاجراءات معقدة في طلب الاستقالة، وهل الحصول ع وظيفة سهل ولا صعب!!!!

الاجراءات سهله بس يبغيلها حد يروح يطالب بها ويراكض بالمجلس الاعلى 000

اما بالنسبه للوظيفه بتحصلين ويعتمد اختي على الدرجه ألي انتي عليها اغلب الاشغال ألحين ياخذون على الدرجه السابعه والثامنه ومشكله كبيره اذا كانت درجتج الخامسه وتحت لان راح ترجعين كأنج موظفه جديده إلا في حاله تم الاتفاق بينج وبين الوظيفه الجديده انهم ياخذونج بالمخصصات الماليه 0الي انتي عليها 0

المهم نصيحه لوجه الله لاتستقيلين من المستقله الا اذا كانت الوظيفه مضمونه وتنطرج 000
والله يوفقج

[سما الوطن]

كلام الجرائد يبه لاتصدقينه ،، كل اوهام عشان يخلون الناس تقعد وترضي بقوانينهم التعجيزيه ،، علبالهم المره ماكينه والا جهاز كمبيوتر مثلا

شكرا لك
أدري انه كلام جرايد ..لذا استفسرت عن الحقيقه

[captin]

الله لايبارك في نظام المدارس المستقلة
ولا يبارك في من اقره وجابه وطبقه
وخلى القطريين واحد ورى الثاني يقدمون استقالاتهم
حسبي الله عليه دنيا وآخرة لابارك الله فيه ولا في يومه

[mrs.spoon]

تسلمين يا بنت النوخذه، ودعواتكم الله ييسر لي واحصلي وظيفة في مكان ارتاح فيه،والله يووفقني فيه.

[اعالي الجنان]

الله يسهل امورج
العمل بالمستقله صار ضرب من الجنون
يااماالاستقاله او مستشفى المجانين
الله يكافينا شر المجلس الاعلى يارب

[mrs.spoon]

تسلمين أعالي الجنان ع دعواتك الحلوه، والله ييسر لي اللي فيه الخير
واذا ممكن احد يساعدني في الحصول ع وظيفة باكون لكم شاكره
تحياتي

[غلا2022]

شوفي حبيبتي اهم شي الراحة النفسية انا استقلت وصار لي شهرين في البيت والحمدلله عايشه والرزق بيد الله وقدمت على كذا مكان ومواعديني خير والحمدالله بين عيالي وفي بيتي ولا اوامر ولا طلبات ماتنتهي فكيت نفسي لا وقاعدة احفظ القران وصدقيني ماراح يكون عندج وقت فراغ علشان تمللين بس راح اتحسين بالفرق لما يتوقف الراتب بس اذا اتفقتي مع زوجج على مصروف معين يمشيج لاخر الشهر ماراح اتحسين بالفرق, الصحة ماتعوض وماراح انعيش الا مرة ولا تضايقين وانا اختج ووككلي امرج على الله واستخيري قبل والله يوفقج

[mrs.spoon]

الله يوفقك يالغلا وتحصلين واحصل شغل في مكان يريحنا ورب العالمين يكون راضي عنا
وانا وكلت امري لرب العالمين، والحمدلله

[سكرمر]

امـسك مـجنونك لـيجيك أجن مـنه

[شمس]

امـسك مـجنونك لـيجيك أجن مـنه

:thumbup1:

وحاولي شغل المدرسه يكون في المدرسه فقط:yes2:

[mrs.spoon]

ياريت لو يصير شغل المدرسه في المدرسه بس، ليس كل مايتمناه المرؤ يدركه....

[missperfect]

الوظايف صعبه وبعدين ماعد فيه اماكن مسكره ومافيه ختلاط غير المدارس وبعض الاقسام في الوزاراة ونصيحتي لج اختي لاتقدمين الاستقاله لين توقعين العقد في مكان ثاني والصبر زين

ده كااان زمااان مافي اختلاط بالمدارس ،، ألحين يدخلون الأجانب من غير أذن يدخلون فجأءة ولا أحدن داري عنهم ،، فتلاقي المديرة وبعض الاداريات والمدرسات لابسين عبيهم طول الوقت بالمدرسه
وبعد يحضر رجال يشوف شرح المدرسه في الصف ،، تخيلوا الوضع crazy:thumbdown:

[missperfect]

:thumbup1:

وحاولي شغل المدرسه يكون في المدرسه فقط:yes2:


في المدرسة الدوام من 6و45 دقيقه إلى 2،، وأحيانا يزيد ساعه أو أكثر .

نصاب الحصص للمعلم من (15-20) حصة اسبوعياً ،، وأحياناً 25 حصه ،، والحصة مدتها (50-60) دقيقه في اليوم .

مدة الفرصه ( الاستراحه ) بين الحصص (15دقيقه) الي المفروض ترتاح فيه المعلمة ،، وتشرب لها حاجه ،، يصير في هالوقت بعض الاجتماعات ع السريع ممكن مع المديرة أو المنسقه أو النائبة الإدارية أو النائبة الأكاديميه .... أو حضور ولي أمر لرؤية المعلمة بهذا الوقت ....

وهناك تصحيح ومتابعه للكراسات والاوراق والكتب للطالبات أقل نصاب للمعلمة يمكن 75 طالبه أو 100 وأكثر ...


وبس ،،،، مااقدر اكمل ،، وزياده على ذي كلة كل مدرسة لها سياسة (( تفلسف )) خاص فيها

ماتقولين من يجي وقت للتحضير وإعداد المناهج والأوراق والامتحانات والوسائل في المدرسة

ربي يعين omen

[mrs.spoon]

والله انك صادقة يا مس بيرفكت!!!
وهذا اللي مطفشنا!!!

[مجنون الفتك]

الفرج جاي الأسبوع القادم

[missperfect]

الفرج جاي الأسبوع القادم

اشلون ممكن توضح ..؟؟؟...

ياهي بتدعيلك دعوة السيدة ملعقه :thumbup1:

[mrs.spoon]

مافهمت، الفرج بيجيني يامجنون الفتك يعني بحصل ع وظيفة مثلا!!!

[مجنون الفتك]

كلشي بقته حلو ؟ انتو نطرو لين الأسبوع الجاي

[khalifa909]

مرحبا اختي يعطيج العاااافيه
شووفي وعن تجربة انا كنت معلمة بأحد المدارس المستغلة وفعلا تعبت تعب فيها من ضغط العمل والقوانين اللي كل يوم تبدل غير الدورات طبعا هذا كله كان على حساب بيتي وعيالي .. لين قررت اني اضع حد لها الشي وبالفعل بديت ادور عن شغل ثاااني وفعلا طولت لين حد رد من جهة عمل وبديت اتدرب معاهم فترة العصر والحمدلله اجتزت التدريب وبعدين بديت في اجراءات الاستقالة والحمد لله استقلت والحين احمد ربي صبح وليل على الراحة النفسية اللي انا فيها
الله يوفقج ويسهل دروبج يارب

[mrs.spoon]

تسلمين اختيkhilifa909،بس اذا ممكن تردين ع الخاص وتقولين لي عن طبيعة شغلك واشلون حصلتي ع وظيفه، وشنو نوع التدريبات، وكلي شكر لج.

[mrs.spoon]

اذا قصدك ع طبيعة العمل فالحمدلله، ولا قصدك ع شي ثاني!!!!!!!

[هداف]

رضا رجلج ومقابل بيتج وتربية عيالج اهم مليون الف مره من مدارس تطلب منج الوفاء
والالتزام في تدريس وتربية عيال الناس على حساب انج تهملين بيتج وعيالج ورجلج !! ؟
اعرف صديق معاي في الشغل يعاني من انشغال ام عياله الدائم في وظيفتها لدرجة انه اصبح هو من يجابل عياله
اللين العصر واذا جات ام عياله ما تنلام تجي طفشانه من شغلها وتعبانه وناقله معاها اشغالها
من المدرسه للبيت يعني !!!!!!!!!!!!!!!!!!!!!!!!!!!!!!!!!! الشغل في كل مكان في المدرسه والبيت واعتقد
هذا شيء لا يطاق وبأذن الله انج مأجوره على قرارج بما ان نيتج مقابل عيالج وبيتج وبديتي اسرتج
على الوظيفه بأذن الله مأجوره وربي بيوفقج ولا عزاااااااااااااااء للمستقله وطلباتها التعجيزيه
للمدرسين !!

والوظايف واااااجد وهل قطر فيهم خير ومحد يخلا من المعارف والاجاويد في كل مكان ويعينون ويقدرون
والوظيفه سهله بأذن الله

بالتوفيق اختي والله يثيبج على طيب نيتج

[mrs.spoon]

تسلم تسلم اخوي هداف والنعم باهل قطر ، وكلامك عين العقل، الا العقل بذاته.