حــان الوقـــت لتعديــل كورنيــش الجنــازه!! (صــور) ،

[باسكن روبنز]

السلام عليكم ورحمة الله وبركاته ،

كـ بداية وبكل آسف آرجع آقولها ،

كورنيش الجنازه ،:(

لا خدمات ولا اضواء خاصة بالممشى!! ،

وآسعار المراكب (اللنجات) صايره مثل البورصه يوم فوق ويوم تحت! (على حسب المناسبات ترتفع الآسعار) ،:rolleyes2:

تقعد تكاسر في راجو وربعه حق لفه ربع ساعه باللنج عشان ينزلون لك بالسعـر آلي (آعيال آعمامهم وخوالهم) يركبونه آبلاش طول اليوم! ،

ويالله تكسر خاطره وينزل لك 10 ريال ،:weeping:

المسأله مجرد تعديلات آضافيه لا آكثــر ،

وآلي شاف كورنيش أبوظبي بجد راح يحس بفرق 180% درجه ،

شدووو حيلكم والله ماعتقد الميزانيه المطلوبه لتطوير الكورنيش كبيره مقارنة بالمليارات آلي تنقط على الرياضه وكرة القدم بالتحديد! ،





التعديــلات المطلـوبـــه // ،
1- آضاءات بيضـاء سواء كانت آستاند آو في الآرضيه وبشكل دائري وبيطلع الممشى رووعه بالآضاءه ليلاً ،

2- تحديد آسعار ثابتــه للمراكب ووقف آستغلالهم الحالي للجمهور بتفاوت الآسعار المختلفه ،

3- آضافات خدمات بسيطه مثل آكشاك بيع العصاير والماء والآشباس ،
(مثل كشك البرتقاله آلي آكيد تذكرونها من آيام التسعينات) ،

4- مظلات صغيره في كل كيلو للوقايه من ضربات الشمس للي يتعبهم المشي حيـل ،

5- مشروع نافوره كبيره على جزيرة النخله السابقه آو آضافة نوافير صغار كل كيلوين مثلاً ،
وممكن تشغيلهم بآوقات معينه مب شرط يشتغلون 24 ساعه ،

6- آكشاك صغيره لبيع التحف الصغيره والميداليات وتذكارات وطنيه مثل المحلات آلي موجودين في سوق واقف ،
وآضافة علي هذا توافر بروشرات عن جميع آختصاص السياحه في قطر مثل سيلين والمتحف الآسلامي والحي الثقافي وغيرهم ،









وهذا آلي جا في بالي بالوقت الحالي وآي آضافه مفيده آتمنى ماتحرمونا ردودكم ،:victory:
وبابعث هالموضوع لموقع البلديه + الهيئة العامه للسياحه آن شالله بعد مانشوف ردودكم الطيبه ،


شوفوا وآستفيدوا من آفكار آبوظبــي بكورنيشهم الجديد ،
http://img266.imageshack.us/img266/9463/ardoyv8dxxg5bgvzwko9zy8.jpg

علمـــاً آنه أغلب الآقتراحات ألي طرحتها متوفره في كورنيش آبوظبـي ،
ولا آنسـى وجود خطوط خاصه على أطراف الممشى لهواة رياضة السيكل ،








سؤالي للهيئات المسؤوله ،
صعبه عليكم؟؟ ،

:omen2:

[ولــ(الزعيم)ــد]

يارجل

انا عن نفسي تعودت على شكل الكورنيش جذي واشكر لك بادرتك الطيبه هذي ولكنك تأذن في خرابه للأسف الشديد

يعطيك العافيه يا باسكن وعطنا اسكريم خل نبرد على قلوبنا من الي قاعد يصير

[رجل الجزيرة]

قرأيت في وحدة من الجرايد من سنتين حاطين تصميم لتطوير الكورنيش ( الصراحة شكله فظيع ) فالظاهر إن المسؤولين لين الحين ما إتفقوا.

[الشمالي111]

لا والله مب صعبه

ونقاطك مهم وفي محلها بس اخاف اذا اشتغلو فيه الاخوان قعدو 10 سنين ما خلص الكورنيش وتوهقنا

[لاجل QT]

كورنيش الدوحة من اجمل الكورنيشات على مستوى الخليج ..ولكن تنقصة بعض الاضافات..مثل المظلات للحماية من ضربات الشمس الحارة..وتوزيع اكشاك على طول الكورنيش ..مثل اللى كانت موجودة قبل ..ومطاعم الوجبات السريعة..وبعض القهاوي للاستراحة لتقديم الشاي والعصاير

[simsim1963]

كورنيش بومبي أحسن من كورنيش الدوحه . اتعس كورنيش في الخليج كورنيش الدوحه ياشباب بلاش مجامله بعدين يصدقون البلديه . من متى وخدمات البلديه زينه ؟

[simsim1963]

كورنيش الدوحة من اجمل الكورنيشات على مستوى الخليج ..ولكن تنقصة بعض الاضافات..مثل المظلات للحماية من ضربات الشمس الحارة..وتوزيع اكشاك على طول الكورنيش ..مثل اللى كانت موجودة قبل ..ومطاعم الوجبات السريعة..وبعض القهاوي للاستراحة لتقديم الشاي والعصاير

ههههههههه كل هذا وبعد أجمل كورنيش ؟

[حبر سري]

معاك في كل حرف ياباسكن روبنز

لكن للاسف انك بتحترق من القهر ويمكن تذوب بعد وللحين ماصار شي

خلها على الله

[الـقـاسـي]

لاتكفى خلنا على كورنيشنا الحالي مانبي ننطر سنين ونتلعوز وزحمه وحالة عشان يركبون مظلات في الكورنيش صدقني لو يشتغلون في الكورنيش بيسكرون الشوارع لين دوار التلفزيون والمرخية

[كآن يا مكآن]

مميـز كورنيش الدوحه كذا خلوه على حله
الحين لوو جددوه راح يفقد حلاته مثل ماهو
الحال بسوق واقف وبلا مقآهي وبلآ خرابيط
ولوو يسكرون المطعم الموجود هنآك يكون أحسن
دخلته مره وحده وعقبهآ مرضت شهر x_x

لا ترسل لا للبيئة ولا لـ هيئة السيآحة
خلونآ كذا اريح لنآ ..

[R 7 A L]

ياجماعة لا تستعجلون في على حسب ماسمعنا مشروع ضخم يشمل الكورنيش وهو النفق الى من المطار لين الستي سنتر

[الأصيلة]

كلامك صح ياباسكن فعلا يحتاج الكورنيش لتطوير
لكن مش سيئ أبدا..
بالعكس أحسن من غيره
انت شفت كورنيش ابوظبي
لكن ماشفت كورنيش الكويت وجده وغيره...

[كازانوفا]

خليه مثل ما هو ما صدقنا نلاقي مكان نتمشى فيه
ان شالله الشكوى ما توصل للمسؤولين :)

[الراقيه سبشل]

كورنيش الدوحه صار أثري .. معلم من المعالم القديمة:funny:

ما اعتقد يغيرونه لان محد صار يروحله الا الهنود ومحد مهتم:omen2:

[بويوسف]

كورنيش بومبي أحسن من كورنيش الدوحه . اتعس كورنيش في الخليج كورنيش الدوحه ياشباب بلاش مجامله بعدين يصدقون البلديه . من متى وخدمات البلديه زينه ؟


لاتظلم بختك يا سمسم كورنيش الدوحة من اجمل الكورنيشات في المنطقة .. انت شفيك دوم مب عاجبك شي .. الظاهر تاكل فلفل علوب وتجي تعلق بالمنتدى :nice: :tease:

[جنوب الدوحه]

بصراحه ما شفت اجمل من كرنيش الدوحه .. مع العلم اني زرت شبه الجزيره العربيه كلها ..


وانا معاك في جزء مما طلبت .. ومن حقك ولكن لا توجد مقارنه بصراحه ..

[doha_vip]

وفيه ميزه وحده انه فيه دورة مياه وحده وماتلقونها في كل الخليج

[al-saee]

كورنيشنا مافي مثله عجيب خاصه في الليل والماي شغال اتمر وانت غاسل سيارتك وينرش على سيارتك ولا الماي مغرق الشارع شي مافيه غير عندنا

[KABOOM]

والله شكل كرنيش بوظبي يسد النفس
اقـــررررع ..
حي كرنيشنا خضــررر

[The MooN]

تقعد تكاسر في راجو وربعه حق لفه ربع ساعه باللنج عشان ينزلون لك بالسعـر آلي (آعيال آعمامهم وخوالهم) يركبونه آبلاش طول اليوم! ،

ويالله تكسر خاطره وينزل لك 10 ريال ،:weeping:

:omen2:

ههههههه هههههههههه هههههههههه

والله ضحكتني يا باسكن :dance ،، وشرّ البليّة ما يضحك:weeping:

الطلبات هي جدا منطقية وسهلة التنفيذ ومو محتاجة تكسير ومدري شو

وأخيرا : يسلم بُؤك :shy:

[Eyeliner]

مو بس نحتاج لصيانه وزياده خدمات في الكورنيش !!
وين الدوله عن كورنيش الخور الي منعدمه الحياه فيه !!! وعدم الاهتمام به وعدم توفير خدمات وصيانه !! والله لما اروح مناك احسني لحد الحين في التسعين !! لعدم الاهتمام بالكورنيش وقله الاضاءه والحمايه مناك

صح محتاجين لصيانه حقيقه لهاي المرافق الاساسيه بالدوله واولها كورنيش الدوحه

[هدهد سليمان]

the moon


http://im1.gulfup.com/2010-11/12902061511.jpg

ليش هالسرعه حرام !

[القيادة]

كورنيش الدوحه الظاهر بيسونه متحف
صارله كم سنه واهو محلك سر أتمنى
يتم تغيره بالكامل صار ممل وكله زحمه:rolleyes2:.

[jeep-srt8]

المشكلة في الكرنيش الي عندنا بس لو يغسلونه !!!!!!

مثلاً ..تعال قبل الشتاء ..شوف الاماكن كيفها قذرة وكلها شاهي وكرك ووصخ وحاااله ..في الشتاء بس تتنضف !!! ولا مرة شفت هالبلدي تتبرع وترش عليها ماي !!!!(المنظر في الشتاء اكثر اكثر من رائع انا اسوي هناك رياضة تحت المطر في البرد شعور ولا اروع)

بالنسبة لهالتعديل ..فكرة التجديد تراها حلللوة ..بس لدوحة مافيها غير هالكرنيش نرتمى فيه

في كثير افكار حلوة ..مثل انهم يسون كرنيش جديد على اي مكان حلو والمهم مفتوح وبعيد عن الابراج علشان صحة الجو + عندك بعد كرنيش الخور بدال ماهو فاضي يجددوه ويعملوه بمنظر خورافي علشان الزحمة تخف في الكرنيش القديم

بس الكرنيش الحالي هو المتعة الوحيده للبعض (مثلي) ماينفع يتسكر اقل شيء سنة ومافيه اماكن بديله

ولكن انا اشهد لصاحب الموضوع ..الصور في ابوظبي ..تخرررررررررررع ..مشروع خطيييييييييييييييييييير والله ..ان شاء الله نشوف هالاشياء بالمستقبل عندنا

[BURBERRY]

صدقت اخوي باسكن روبن

يبي له تطوير شويت اكشاك و مقهى و مظلات و يصير تماااام

انت شفت مدينة الفيراري في ابو ظبي؟ عجيييييييييييييبه :)

[هدهد سليمان]

ما ادري شفيني بغيت اعلق نسيت التعليق بسبة صورة الطبلون !

بالفعل يا باسكن روبنز محتاجين اعادة تخطيط للكرنيش وخصوصا الانترلوك الموجود على الكرنيش ومفروض اعزكم الله الحمامات بصوره اكبر واذا ما يبون باعه في صنادق يحطون نفس ثلاجات الماي لكن بخدمات متنوعه .. ومظلات مثل ما تفضلت .. لكن ننتظر لعل وعسى هناك نظره اخرى للكرنيش !

[مهل]

اتمنى مايقربون الكورنيش كلش لين ماتخف عن ربعنا سياسه قلع الجذور .. بيشتغلون في الكورنيش و بيسكرونه لين سنه ٢٠٩٩ و بيسوون لنا شي خرافي يفقد النص معناه و بمبلغ خرافي

:secret:

[بنت ابوها 19]

تدرون انه الكورنيش قامو يسقون الحشيش بهووووز

من يصدددق ؟؟؟؟!!!!

[مشتاقة لقطر]

كورنيشنا حلوووو على ايامنا ايام التسعينات

[مهل]

كورنيشنا حلوووو على ايامنا ايام التسعينات

يام يوم كنا نروح مع اهالينا و نتجمع كذا عايله وكلن يبسط فرشته و دلال و فواله و احنا طالعين نمر الانفال نتعشا . ايام حلوه وين الحين الواحد يصدق اننا كنا نقعد في مكان مثل الكورنيش و نحصل على خصوصيه مطلقه نابعه من احترام الذات و احترام خصوصيه من حولك

[jassim_9]

كورنيش الدوحة من اجمل الكورنيشات على مستوى الخليج ..ولكن تنقصة بعض الاضافات..مثل المظلات للحماية من ضربات الشمس الحارة..وتوزيع اكشاك على طول الكورنيش ..مثل اللى كانت موجودة قبل ..ومطاعم الوجبات السريعة..وبعض القهاوي للاستراحة لتقديم الشاي والعصاير

انا معاك اخوي بس هاي سنه 1982 كان اجمل كورنيش في الخليج واليوم 2010

[khaldoon]

والله اتفق معاك تماما...حرام هالكورنيش يكون معتم في الليل ...انا زمان هجرة هذا المكان

[ذوق]

الحكومه ابخص ^_^

[غزلان]

واضيف على اقتراحاتك لو يوم بالشهر مثلا يسوون معرض صغير ومنوع للوحات الرسامين القطريين او يحطون رسام يرسم وجوه الماره.. للأكلات الشعبيه.. للورود بيكون شي حلو

وشكرا

[المجدم]

يا ريت نعرف مين صاحب مشروع الحمامات عند الأوراي ومين المقاول ومين اللي نفذ المشروع ومين المراقب عليه ، الحمامات من أول يوم خربانة بعد أكثر من سنة عمل فيها ؟؟ للأسف الشديد لا توجد رقابة نهائيا ولا محاسبة ، اكثر من اربعة أشهر والحمامات بدون ماء ولا كهرباء ومغلقة؟؟؟؟

[The MooN]

the moon



ليش هالسرعه حرام !

اي والله حرام :shy: عم خفف كتير هلأ وما وصلت لهالسرعة مرة تانية:shy:

شكرا

[ولد البدر]

خل الشقرا عليها ايلالها ، إذا بيطورون خل يطورون كورنيش جديد مثل كورنيش الخور أو الشمال

[باسكن روبنز]

صباح الخيــر ،
آشكركم على تفاعلكم الطيب بالموضوع ،


ويعطيكم 10000 عافيه ،:thumbup1:

[atb]

http://www12.0zz0.com/2010/11/21/09/390123425.jpg

الله يرحم ايام زمان
وان شاء الله حد يسمعك

[الراقيه سبشل]

:shy:
http://www12.0zz0.com/2010/11/21/09/390123425.jpg

الله يرحم ايام زمان
وان شاء الله حد يسمعك

ياويلي ع هالصورة:shy:

[JN000N]

خل الشقرا عليها ايلالها ، إذا بيطورون خل يطورون كورنيش جديد مثل كورنيش الخور أو الشمال



عجبني الشقرا عليها ايلالها :p

بس اي كورنيش الي طوروهم فالخور والشمال؟
شكلك ياي فمركبه من المستقبل البعيد:looking:


ثانكس تو صاحب الموضوع hope somebody hear u*

[القحطاني505]

أنا أرى بأن لا يغيروا أي شي في الكورنيش

لأنهم لو اشتغلوا فيه لغيروا شكله نهائيًا

ولأخذوا في تجديده عشرات السنين