اسفنج بوب وميكي وفرعون يقدمون الطعام!!

[همس الورد]

ذهبت مع الأطفال إلى أحدالمجمعات الكبيرة في الدوحة وأناأمشي في طريقي لمدينة الألعاب كان على يميني مطعما مفتوحا وإذابي أفاجأ بمن يقدمون الطعام للزبائن في ذلك المطعم.ترى ماذاكان يلبس هؤلاء فوق رؤوسهم؟؟ يلبس أحدهم قبعة كبيرة على شكل الشخصية الكرتونية اسفنج بوب وآخريلبس قبعة على شكل ميكي ماوس وماأدهشني فعلاأحدهم يلبس قبعة على شكل فرعون!!! ترى ماهو شعوركم عندما يقدم لكم فرعون الطعام؟؟وماالهدف وراءارتداؤهم لهذه الأشكال؟؟مع العلم بأنني لم ألاحظ وجود أي طفل في المطعم على فكرة:المطعم ليس مطعما للوجبات السريعة المفضلة لدى الكثير من الأطفال. فقط أريد توضيح الهدف من ذلك؟ لأنني شعرت بالخجل عندمارأيت ميكي واسفنج بوب يقدمون الطعام للكبار.أمافرعون فقصة أخرى.أترك لكم التعليق.

[KABOOM]

الحمدالله جاء حد ونزل موضوع اسخف من موضوعي
هههههههههههههههههههههههههههههههه
:happy:

اختي عادي يعني بلفيت حركه
اكيد ابل بيز والا فرايديز
هذي حركاتهم يعني انهم كوووول :thumbup1:

[طارق العلي]

ترى ماهو شعوركم عندما يقدم لكم فرعون الطعام؟؟

بقوله يخرب بيت سنينك ده انتا ملاك عند بوش . . وبعد ماخلص من الكلمتين هذه اوديه للبحر اغرقه مره ثانية

[حبر سري]

ترى ماهو شعوركم عندما يقدم لكم فرعون الطعام؟؟ .

بسأله : شاللي خلاك تتفرعن؟
وبانتظر جوابه , علشان اعرف هل راح يرد : مالقيت حد يردني؟
ولا المثل اللي احنا نقوله دوم ماله اساس

[كركم]

عادي اختي خلي ميكي هو اللي يقدم لكم الأكل...اتوقع والله اعلم انه حلال..
وعلى طاري فرعون ..يقولكم..

فرعون يقول لأبليس محد دخلنا النار غيرك

قال ابليس يارجال اسكت،

انت يوم قلت أنا ربكم الأعلى انا بكبري انصدمت.. قلت خربها المصري

[الراقيه سبشل]

تيك ات ايزي يا عزيزي:nice:

[فارس الكلمة]

خليها على الله ..

[بوبندر]

صار المنتدا مومل بالمواضيع السخيفه

[همس الورد]

عذرا لمن يرى أن هذاالموضوع سخيف وأنا أرى السخافة في الأشكال اللي تقدم الطعام في المطعم لابد من احترام الزبائن ..ولكل من يرى بأن هذاالموضوع سخيف يمتنع عن التعليق ..مع احترامي للجميع.

[بويوسف]

اختي همسة كل عام وانتي بخير ... لكن استمحلينا .. ماهي المشكلة في وجود سبونج بوب في مطعم ؟ احنا الحين في عيد والناس فرحانة وهذا نوع من الدعاية .. عني انه احب سبونج بوب :)

يعني لا حرام ولافيه استهزاء بعاداتنا وتقاليدنا .. ويدخل من باب الترفيه والاحتفال وجذب الزوار في حدود المباح والمعقول ..

[FAUCHON]

تلاحظوون ان المنتدى بدى يصير سطحي !!

[ام السعف]

فرعون ؟؟
هو انتوا عندكم صورة شخصية له ؟
خلوني اشوفه اشلون شكله ؟؟!!

سبونج بوب wooowing
ولدي عافسني عليه من بد كل التشيرتات ما يبي الا سبونج بوب هذا
الله يسامح اللي في فيرجن :telephone:

بشكل عام ،، دام فرعون وغيرهم ما ياكلون معانا اشفيها لو يخدموننا :shy:

[mishow85]

الحمدالله جاء حد ونزل موضوع اسخف من موضوعي
هههههههههههههههههههههههههههههههه
:happy:

اختي عادي يعني بلفيت حركه
اكيد ابل بيز والا فرايديز
هذي حركاتهم يعني انهم كوووول :thumbup1:
:nice::nice::nice::nice:

[همس الورد]

Nfauchon

[يراعٌ فراتي]

من باب ادخال الفرحة والبهجة على قلوب الاطفال والزوار
ونوع من انواع الاحتفال بالعيد

عادي جدا

[همس الورد]

عفوا fauchon يعني شنو (سحطي)؟؟

[bus3od]

هاذي اخرتها

صج مايستحون ولا ينتخون :anger1:










حاطين سبونج بوب ولا حطوا مازنجر :anger1:


ليييش شسوى لكم مسكين :(

[ام السعف]

عفوا fauchon يعني شنو (سحطي)؟؟


يعني متعود ينام على السطح :shy:

فضائي يعني متعود على الفضا
عرباوي يعني يحب العربي
دواري يعني يحب الدوارة

سطحي يعني غرامه ينام فوق السطح :shy:

[همس الورد]

أشكرجميع من أعطى رأيه في الموضوع بأسلوب راقي..شكرا.واللي مب عاجبه الموضوع أعتقد في مواضيع وايد في المنتدى تستحق القراءة والرد غيرموضوعي السخيف من وجهة نظرالبعض.

[لاجل QT]

اذا تقصدين فرايديز
عادي اشوف موضوع القبعات مافيها شي

بس ساعات يمصخونها الموظفات بلبس القصير والهلهوب ..هذا اللى يفشل من قلب

[همس الورد]

الأخت أم السعف أنا قاصدة أسأل فقط لتصحيح الكلمة ..علعموم مشكورة.

[KABOOM]

أشكرجميع من أعطى رأيه في الموضوع بأسلوب راقي..شكرا.واللي مب عاجبه الموضوع أعتقد في مواضيع وايد في المنتدى تستحق القراءة والرد غيرموضوعي السخيف من وجهة نظرالبعض.

اختي عادي لاتضايقين..
في البدايه بس جيه
عقب بتصيرين نفسهم .. او نفسنا
:nice:

[Eyeliner]

عادي حبيبتي مجموعه كبيره متقبله الوضوع !! وشي طبيعي كحركه زي وماشابه
وبعدين سؤال محيرني انتي شايفه فرعون قبل ؟؟؟ كيف عرفتي انه شكل فرعون !!!!!!؟

[همس الورد]

هيلاهوب وميكي كله فشيلة في فشيلة والبعض ايجوف إن الموضوع كله فشيلة صح؟ شاكرة لج التنبيه الأخيرع اللبس.

[همس الورد]

طبعاماشفت فرعون شهالسؤال يعني؟؟عرفت شكله من وسائل الإعلام والصورويوم شفت أبوالهول وانت ماشفتي اللي اناشفته مثلا؟علعموم مشكورة ع الرد.

[طارق العلي]

طبعاماشفت فرعون شهالسؤال يعني؟؟عرفت شكله من وسائل الإعلام والصورويوم شفت أبوالهول وانت ماشفتي اللي اناشفته مثلا؟علعموم مشكورة ع الرد.

اختي همس الورد هذه ضريبة النجاح . . انا اول مادخلت كنت نفسج اللي يقول اقتلوه واللي يطرش لي فايروسات على الخاص واللي ياخذ مني سلف ومايرجعه
وكل اللي هاجموني هم حبايبي الحين . .

على فكرة السفارة المصرية متابعين الموضوع وكل الفضائيات المصرية

[La.Queen]

it's not really a big deal

just a style

useless topic im sorry to say that

[شيزكيك]

ابل بيز

شفت سبونج بوب بس انا تساؤلي من وين يجمعون هالباجات والقبعات

وعني ما اشوف فيها شي

[qatari 111]

الاخت قصدها مثل لبس الفراعنه مب فرعون نفسه

على ما اعتقد

من ناحيتي اشوفه عادي الا اذا في شي يخدش الحياء فهذا مرفوض

وارجوا من بعض الاعضاء ان يرتقوا بردوهم مهما كان قيمة الموضوع لان اسلوبه بالرد يعكس على اخلاقه

[مشتاقة لقطر]

عااااااااااااادي

[همس الورد]

هذي مجرد ملاحظة شفتها وحبيت أعرضها عليكم ولأني أحب أن أطلع على آرائكم ووجهات النظرالمختلفة فقط لااقل ولاأكثر..وياليتني حاطة مع عنوان الموضوع( التعليق للجادين فقط).والشكرالجزيل موصول ل qatari

[العقل المدمر]

الاخت قصدها مثل لبس الفراعنه مب فرعون نفسه

على ما اعتقد

من ناحيتي اشوفه عادي الا اذا في شي يخدش الحياء فهذا مرفوض

وارجوا من بعض الاعضاء ان يرتقوا بردوهم مهما كان قيمة الموضوع لان اسلوبه بالرد يعكس على اخلاقه

:victory:

[ذوق]

دام انه حلال ما المشكله يا عزيزتي ؟؟

لا نعقد الحياه فالحياه بسيطه جدآ :)

[jassim_9]

عذرا لمن يرى أن هذاالموضوع سخيف وأنا أرى السخافة في الأشكال اللي تقدم الطعام في المطعم لابد من احترام الزبائن ..ولكل من يرى بأن هذاالموضوع سخيف يمتنع عن التعليق ..مع احترامي للجميع.

الزبون اللي دخل المطعم وهو شايف هاي الحركات حلوه او عاديه مايشوف اي استخفاف في شخصه ولا مادخل المطعم من البدايه وعادي ممكن ادارة المطعم ماخذه ذي الشي نوع من انواع الدعايه
مب استخفاف في موضوعك بس انتي ايش تقصدين؟اذا الناس اذواقها مختلفه ودخول المطعم حريه شخصيه مب اجباري

[حليتان*]

بالعكس والله ترا حلو


عادي شالمشكله اذا فرعون جاب لي الاكل !!


بالاول والاخير الاكل الي باكله مسويه يهودي او مسيحي ويمكن واحد ماعنده دين :)


والله يعطيج العافيه على الموضوع يا همس الورد

[همس الورد]

عادي أنا ماقصدت إن الموضوع فيه حلال أوحرام ترى أنا بعد أشوف مافيها شي بس كنت حابه اطلع على شعوركم إذاقدموالكم هالشخصيات الطعام وابي أعرف ردودأفعالكم وبس.. وهل اتشوفون ان هالشي فيه استخفاف بالزبون ولا عادي بس.. وماقصرتوا كفيتوا ووفيتوا بالردود ع الموضوع بس فرعون اشدخله مع الشخصيات الكرتونية؟؟

[KABOOM]

^
اي والله شدخله !!

اختي انصحج مره ثانيه لو بتروحين مطعم روحي
الفور سيزن , الماريوت , اللؤلؤه ,
اماكن لناس الراقيه الـكلاس..

[ذوق]

اختي كما اشار اخوي نحن ماشفنا فرعون ، ولكن هو لبس فراعنه وثقافه الفراعنه كان منهم المسلم والكافر واعتقد هناك فرق يالغاليه :)

ونيتج طيبه وباين عليج ان من القصد لكن للاسف لم توفقي بالطرح ، والله يعطيج على قد نيتج عزيزتي
وونتظر مواضيعج الجايه :)

[ام السعف]

عادي أنا ماقصدت إن الموضوع فيه حلال أوحرام ترى أنا بعد أشوف مافيها شي بس كنت حابه اطلع على شعوركم إذاقدموالكم هالشخصيات الطعام وابي أعرف ردودأفعالكم وبس.. وهل اتشوفون ان هالشي فيه استخفاف بالزبون ولا عادي بس.. وماقصرتوا كفيتوا ووفيتوا بالردود ع الموضوع بس فرعون اشدخله مع الشخصيات الكرتونية؟؟

:omg::unsure::omg:


ما يصير نقول فرعون ؟
نقول ملابس فرعونية ،، واللي حاصل في مثل هالمحلات يلبسون
اشكال غريبة وعجيبة ،، مب بس فرعونية وشخصيات كرتونية ،،
شوفي بعض اللي يلبسوه
الكاوبوي
المهرجين
مرة وحدة فيه كانت مقنعة
اشكال افريقية..

وان كان اعتراضج على الشكل الفرعوني فهو زي مثله
مثل غيره ،، الأدهى مثل ما قالوا الأعضاء التنانير اللي كل مالها تقصر
اشوي وبتصير شورت

[همس الورد]

لكم جزيل الشكر.

[فيزيائية]

مايسوى عليها المرة ابدت استغرابها !!
كلوها بقشورها ...

وانا رايي :
مسكين فرعون من حااااكم مصر لجرسون؟؟
صج الدنيا دوارة ؟!

[همس الورد]

شكرا أم نونية بردتي قلبي.:nice:

[ولد البدر]

جزاك الله خير على الموضوع ، والله يعطيك على نيتك

[moh80]

[quote=بويوسف;6603414]اختي همسة كل عام وانتي بخير ... لكن استمحلينا .. ماهي المشكلة في وجود سبونج بوب في مطعم ؟ احنا الحين في عيد والناس فرحانة وهذا نوع من الدعاية .. عني انه احب سبونج بوب :)

يعني لا حرام ولافيه استهزاء بعاداتنا وتقاليدنا .. ويدخل من باب الترفيه والاحتفال وجذب الزوار في حدود المباح والمعقول ..[/quote

وانا اتفق معاك

[mr.M]

بعض الأعضاء مايعرفون شينزلوون مواضيع
بعد كمن يوم بينط لنا واحد ليش ماي البحر مالح

[همس الورد]

شكرا mr.Mإي صج ليش ماي البحرمالح؟؟؟

[مروض الفكرة]

شكرا mr.mإي صج ليش ماي البحرمالح؟؟؟



أعتقد لأن فرعون غرق فيه

[بوحارب]

ليش ما يحطون لنا شرشبيل عند مطاعم الكرك :(

[The Stig]

crazy .. مافي اسخف شوي ..؟؟
((مع احترامي))

:con2: صراحة انا قررت اني لازم اتعين مشرف من الادارة .. عشان انقي المواضيع السخيفة وتنحذف واحافظ على جودة المحتوى في هذا المنتدى .. :thumbup1:

ياجماعة ليش كلتو كاتبة الموضوع بقشورها .. الموضوع لا عيب ولا حرام ..

وبعدين ما تدرون انتو .. لو هالمواضيع السخيفة مب موجودة في المنتدى انا وامثالي المرحين شلون نضحك بعدين .. :pic::app2:

ههههــ .. اختي اتمنى مافي زعل ولا شي .. ترى عادي لازم تتقبلين الآراء الصريحة :p ..

والله يشهد علي اني ماابي ازعج صاحبة الموضوع ولا شي ..

بس السخافة قايم سوقها عندي هاليومين .. :nice:

تحياتي لصاحبة الموضوع .. وماقول الا كثري من هالآراء الحلوة الي تطرحينها في مواضيعج
:taunt::taunt:

وانحششش يااا ولد escape ..

[ولــ(الزعيم)ــد]

لاحول ولا قوة الا بالله

هذي نتيجة الانفتاح يا اختي الكريمه

خلاص ماعاد به حيا ولا مستحى

وصارو سبونج بوب وميكي ماوس وفرعون بعد يتمشون في المجمعات لا والادهى والامر ان قدام الكل

مادري كيف اداره المجمع تسمحلهم بهالنشاط المسيء لعاداتنا وتقاليدنا

موقف صعب ان يقدم لي الاكل ميكي ماوس والله صعب ما اقدر اتخيل، المشكله اذا الواحد طالع مع اهله هذي مصيبه وكارثه

لاحول ولا قوة الا بالله

[همس الورد]

شكرا على ردودكم اللي تثلج الصدر.وإذا في إمكانية لحذف الموضوع عادي احذفوه اناتعودت ع الوضع .تحياتي.

[ابو علاوي]

صار المنتدا مومل بالمواضيع السخيفه

وصار أيضا المنتدى مليء بالأخطاء الاملائية

[حلم الطفولة]

ولاعت كبدنا من هالسالفة ، خل يلبسون اللي يبون أهم شي الأكل حلال ونظيف

[ولــ(الزعيم)ــد]

شكرا على ردودكم اللي تثلج الصدر.وإذا في إمكانية لحذف الموضوع عادي احذفوه اناتعودت ع الوضع .تحياتي.

يعني المشكله فيج انتي وفي مواضيعج يا اختي الكريمه !!

حظ اوفر ان شاء الله مع المواضيع الجديده وبالتوفيق

[باسكن روبنز]

اختي همسة كل عام وانتي بخير ... لكن استمحلينا .. ماهي المشكلة في وجود سبونج بوب في مطعم ؟ احنا الحين في عيد والناس فرحانة وهذا نوع من الدعاية .. عني انه احب سبونج بوب :)

يعني لا حرام ولافيه استهزاء بعاداتنا وتقاليدنا .. ويدخل من باب الترفيه والاحتفال وجذب الزوار في حدود المباح والمعقول ..

:looking:

[ممنوع اللمس]

بقوله من قلت انا ربكم الاكبر وانا غسلت ايدي منك

[bu abdulla]

و الله انى ماشفت اسخف من هاى الموضوع

[Doha Sun]

فرعون اشلون لقو له قبعة .. حسبي الله عليهم

[البعد الخامس]

الرجاء أغلاق الموضوع ...

لا أعلم لماذا ترك الموضوع مفتوح بالرغم من عدم أهميته الواضحه

من العنوان وليس المحتوى

[بوخالد911]

اسلووب مثيير

[قطريه ماركه]

شكله فرايديز فيلاجيو ......

[ام السعف]

و الله انى ماشفت اسخف من هاى الموضوع


مابي اجرح صاحبة الموضوع ،، ربما صياغة الموضوع هو السبب ،
بس اللوم ان يغلق موضوع مثل موضوع ذوق عن الحب ،،

ويبىقى مثل هذا الموضوع لهذا اليوم ،، مع التأكيد اني مالي خص في
شغل المشرفين بس الأمر يستدعي الاستغراب بجد !!!!

[ولد البدر]

يقولون موضوع سخيف والفين واحد رادين عليه ، والموضوع الجاد ما نشوف هالعدد كله ولا نصه

[همس الورد]

باارك الله فيك ياولدالبدر والصورة في التوقيع رجعتنا أيام زمان بس وين بيت البدر؟؟تحياتي

[بو خليفه 123]

تم تقديم الاقتراح الى مطعم الزرقاء

[همس الورد]

عزيزتي أم السعف انت مب مجبورة اتردين على هالموضوع واناعااااااااااادي عندي إذا حذفت الإدارة هالموضوع مب لعيب أو نقص فيني مثل ماقال أحد الأعضاء بالعكس أنا أتمنى هالموضوع ينحذف عشان ماأقرأمثل هالتعليقات اللي فعلا اتضايق ،من البعض وليس الكل ،وأنا شفت شي ماعجبني وحبيت أعرضه عليكم وانتوا ماقصرتواطلعتوا كل اللي في خاطركم ،وأحب أشكركل من تفهم وجهة نظري وعلى قولة اخونا طارق العلي هذي ضريبة النجاح وفعلا أناأعتبرهالشي نجاح وليس فشل وسوف أستمر في الكتابة بإذن الله وعاااادي واللي مب عاجبه يردعلى مواضيع ثانية مب مجبورايرد على مواضيعي ..شكرا على تفاعلكم مع الموضوع.

[ام السعف]

عزيزتي أم السعف انت مب مجبورة اتردين على هالموضوع واناعااااااااااادي عندي إذا حذفت الإدارة هالموضوع مب لعيب أو نقص فيني مثل ماقال أحد الأعضاء بالعكس أنا أتمنى هالموضوع ينحذف عشان ماأقرأمثل هالتعليقات اللي فعلا اتضايق ،من البعض وليس الكل ،وأنا شفت شي ماعجبني وحبيت أعرضه عليكم وانتوا ماقصرتواطلعتوا كل اللي في خاطركم ،وأحب أشكركل من تفهم وجهة نظري وعلى قولة اخونا طارق العلي هذي ضريبة النجاح وفعلا أناأعتبرهالشي نجاح وليس فشل وسوف أستمر في الكتابة بإذن الله وعاااادي واللي مب عاجبه يردعلى مواضيع ثانية مب مجبورايرد على مواضيعي ..شكرا على تفاعلكم مع الموضوع.

بالعكس يسعدني لو كتبتِ ونجحتِ في الكتابة و موضوعج لقى النجاح لأن نجاحج مب مقلل مني شي بالعكس راح يكون دافع للآخرين انهم يوصلون لج يا همس الورد ،،
واي موضوع بدخله وكتبت فيه رايي من حقي اني اكمل وجهة نظري فيه
ومب شرط حد ياخذ به وان قيل لي مب مجبورة تدخلين الموضوع ،،
الموضوع كتب في العام كلنا بندخله يا همس الورد ( نكج حلو ) ،،

بس وياليت توسعين الخاطر
الكلام مب لأنج انت اللي كتبتٍ الموضوع ،، بس لأن الموضوع بحد ذاته
من بدايته فيه طلاسم ومب مفهوم وحتى بعد شرحج هناك مشاركات
كثيرة فيه تقليل من الموضوع ،، وفيه نوع من الاستخفاف بالموضوع
وتقدرين ترجعين وتجردين عدد الردود اللي اقول لج عليها ،،

فالعتب مب عليج العتب من خلال ردي الأخير ان موضوع فيه فكرة
وصار فيه نقاش واخذ وعطى وكل ادلى بدلوه يغلق ،،
ويبقى موضوع ما زلنا نتناقش فيه الحين ان كان يستحق الاستمرار
او لا ،،

بطبعي ما احب احكم على اعدام المواضيع من عدمها
والأمر هذا راجع للمشرفين ،، بس بالفعل مستغربة للحزة هذي
الفايدة من مثل هالموضوع ؟

:p

[MAZEN37]

خلهم يقدمولي الاكل ببلاش
وانا بقولهم جيبولي عباس بن فرناس يحط الاكل

عادي شالمشكله

[شخص ما]

لا ياجمااعه الموضووع اخطر مما انتوا تفكرون.... هذا نوع من الغزو الفكري موجه للاطفال بالذات واللي يبي التفاصييل يبلقااها في فيلم القادموون... اتمنى تشوفونه بتعرفون ان هالحركة مقصووده 100% ولا شمعنى فرعوون خلصت كل الشخصياات مالقو الا هو !!