هل تم افتتاح طريق الاحساء الخبر رسميا؟

[العنان]

السلام عليكم

شباب هل تم افتتاح طريق الاحساء الخبر رسميا؟

وهل فيه محطات ع الطريق وكم كيلوا يختصر؟

[ثاني]

هلا اخوي

انا الاربعا رحت الخبر
وبخصوص الطريق انا شفت اللافته ماعليها غطا او شي وخذت لفة الجسر الدمام بقيق والخط مشالله مفتوح ومخطط وكل شي بس اخر شي تجيك تحويلة صغيرة جداً وعقب بيجيك جسر قدامك مسكر تاخذة يمين تمشي شوي وعقب بتكون على خط الدمام السريع
والطريق طولة تقريبا 60 إلى 70 كيلو ومافيه محطات بس بالليل حاسب انك تسرع فيه

[العنان]

جزاك الله خير ياخوي

مب مشكله نشيك بترول من منفذ سلوى ولا المحطتين اللي بعده ،، بس يختصر عليك الوقت

[ahmed jasim]

عندك 3 إختيارات من الحسا الى الدمام وكلهم يتقابلون على طريق الدمام السريع والمسافة 150-180 كم.
الطريق الجديد وطريق الشاحنات والطريق الى يمر داخل الحسا
وأسلم طريق هو طريق الشاحنات

طرق السعودية واسعة ومرتبة بس لسبب ما تكثر فيها المطبات وتجعلها غير أمنة خصوصا فى الليل

[العنان]

اي نعم اخوي انا اذا اروح الخبر اخذ طريق الشاحنات اطول بس خط واحد تقبضه وتتفادى زحمة الحسا خصوصا ان اغلب شوارع الحسا تسكرت للتحسينات ،، بس لو الخط الجديد
مفتوح بيكون اريح لانه راح ينزلك على بقيق اذا ماخاب ضني

[وحداني64]

بعد التحية والسلام للجميع ،،،
بالنسبة للطريق الجديد يبلغ طوله حوالي 49 كيلو متر حتى مفرق الطريق السريع إلى الدمام ، واحذر من بعض التحويلات والتصليحات خاصة في فترة المساء ( الليل ) .

[العنان]

بيض الله وجيهكم ياشباب اشهد انكم ماقصرتوا

[باسكن روبنز]

وآنت جاي من خط الجافوره فوول البترول بمحطة الغرافه قبل التقاطع الجديد ،

وآنت القبض وآنت بالسليــــم ،omen

[S A A D]

الخط ممتاز والحلو فيه انك تفتك من زحمه الحسا اللي مالها داعي

مسافته تقريبا 45 كيلو

رحت عليه مرتين

فالعيد كان فيه تحويله ولكن كانت الاضاءه جيده

[بو فهد]

شباب ممكن حد يشرح من وين يبتدى الخط الجديد اذا انت خارج من سلوى

[ثاني]

اول ماتقبض الخط بعد سلوى .. قبل الأحسا بجيك جسر تاخذة يمين أو يسار ..
اذا خذته يمين يوديك الدمام / ابقيق / الخبر
واذا خذته يسار / الأحساء / الرياض / مطار الأحساء

والطريق الجديد يختصر واجد لين مايطلعك على مدينة العيون ثم تقبض خط الدمام السريع وتبقى المسافة الى منطقة ابقيق حول ال19 كيلو ...

لكن تحمل يوم الخميس او الجمعة تسافر بالليل لانه فيه تجمهر واستعراض

[بوخالد911]

مشكورين جدا

[رجل الجزيرة]

جزاكم الله خير، بس سين سؤال وإذا بغيت أربع صوب الديار الشمالية وين أروح، طريق الدمام الجديد وإلا طريق مطار الحسا؟

[ثاني]

جزاكم الله خير، بس سين سؤال وإذا بغيت أربع صوب الديار الشمالية وين أروح، طريق الدمام الجديد وإلا طريق مطار الحسا؟

اذا خذت طريق الدمام الجديد تقدر تروح منه الدمام والخبر وتقدر تروح منه النعيرية وحفر الباطن

اما طريق مطار الاحساء يوصلك لين خريص وعقب اول ماتوصل منطقة سعد تمشي شوي وبجيك جسر لو خذته يمين يوديك الدمام ولو خذته يسار تروح الرياض .