موظفين الجوازات في مطار الدوحة؟!

[Vanille]

هالموقف حصل في يوم 14/11 الصبح في حدود الساعة 7 الصبح وماقدرت أكتبه الا الحين ،،وحدة من الأخوات اللي يشتغلون في الجوازات اللي يقعدون في الكاونترين اللي في أقصى اليمين والمخصصين للنساء غالباً كانت في قمة الوقاحة لدرجة استفزت أغلب الناس وصراحة خفت أكلمها وتفشلني :shy: لأن تعاملها مع الناس جداً وقح وأنا ماتعاملت معاها الحمدالله لكن اللي استفزني انها في مكان يعتبر واجهة لقطر ويجون الناس يشوفون هالنوعية من الأخلاق والتكشيرة اللي تسد النفس؟؟ أول شي غلطت على أخت خليجية كانت مسافرة مع واحد من أهلها خلصت جوازه وطلع والبنت خافت لحقته شوي تبي تكلمه الا الأخت اللي من الجوازت تصرخ عليها هي انتي شفيج تعالي تراه مب طاير !! وبعد ماخلصت منهم قامت تضرب بيدها وتنادي على واحد أجنبي هي يوو تعال ومافهم لها قامت تنافخ بصوت أعلى بما انها طول الوقت وهي تقول "أف" ومكشرة،،والشي الثاني الملاحظ انهم أغلب الوقت يسولفون مع بعض بشكل يبطئ شغلهم :secret: أنا ما أقول ان الكل من هالنوع لكن في نسبة مب بسيطة ماتصلح أبداً لهذا المكان واحنا نقدر تعبهم وكلنا نعرف ان ضغط الشغل ممكن يأثر على الإنسان لكن مب لدرجة انه ينافخ ويقل أدبه وهو في مكان يعتبر واجهة للبلد

[R 7 A L]

ياليتك رحتي لمديرهم واشتكيتي عليها

المفروض مثل هالمواقف نستخدم التكنلوجيا ونصورهم بالجوال ونعرضه على المسئول على شان يعتبر دليل
وياخذ جزاة

[عسولة]

عااااااااادي وااايد صارت معاي ؟؟ واكثر شي اشوفة مع الأجانب خاصة السواااقين

انت لو تروح مطارات ثانية مثل ماليزيا وتايلند وروما اتشووف الأبتسامة ع وجووووهم والضحكة مترين ؟؟

والموظفات في المطار مش كلهم حراااام الظلم بعضهم حرام ينحطون في هاي الأماكن

[ذوق]

لا زين كتبتي بعد في المنتدى عشان يكون صوتج اقوووى والكل ينتبه لهذه المشكله فعلآ اتفق معاج بالرأي ، يمكن اهل قطر بتخاف منهم لكن البلا في الأجانب والخليجين المساكين

[النهار]

اكبر مثال مطار دبي شوفوا الاحترام والتقدير للمسافر

[عزتي سمو ذاتي]

مهما كانت ظروفها أو حالتها النفسية المفروض انها تتحمل أو على الأقل تمسك ألسانها

في ناس كثيرة ماعندها ذوق لافي التعامل ولا حتى في الكلام وهالأشكال كثيرة وفي كل مكان نحصلهم

[الرويـس]

الله لا يهينك .. مره ثانيه لو شفت التصرف هذا يتكرر ياريت تقدم شكوى للضابط المناوب
(عشان تكتمل منظومة انهاء المشكلة بحل )

والحمد لله على سلامتكم وسلامة الاخت الخليجية والواحد اللي من أهلها والاجنبي اللي قالت له تعال
ومره ثانية لا تستحي من اي شخص (متوقع) انه يفشلك
دام انك على حق

[Qataraholic]

هالموقف حصل في يوم 14/11 الصبح في حدود الساعة 7 الصبح وماقدرت أكتبه الا الحين ،،وحدة من الأخوات اللي يشتغلون في الجوازات اللي يقعدون في الكاونترين اللي في أقصى اليمين والمخصصين للنساء غالباً كانت في قمة الوقاحة لدرجة استفزت أغلب الناس وصراحة خفت أكلمها وتفشلني :shy: لأن تعاملها مع الناس جداً وقح وأنا ماتعاملت معاها الحمدالله لكن اللي استفزني انها في مكان يعتبر واجهة لقطر ويجون الناس يشوفون هالنوعية من الأخلاق والتكشيرة اللي تسد النفس؟؟ أول شي غلطت على أخت خليجية كانت مسافرة مع واحد من أهلها خلصت جوازه وطلع والبنت خافت لحقته شوي تبي تكلمه الا الأخت اللي من الجوازت تصرخ عليها هي انتي شفيج تعالي تراه مب طاير !! وبعد ماخلصت منهم قامت تضرب بيدها وتنادي على واحد أجنبي هي يوو تعال ومافهم لها قامت تنافخ بصوت أعلى بما انها طول الوقت وهي تقول "أف" ومكشرة،،والشي الثاني الملاحظ انهم أغلب الوقت يسولفون مع بعض بشكل يبطئ شغلهم :secret: أنا ما أقول ان الكل من هالنوع لكن في نسبة مب بسيطة ماتصلح أبداً لهذا المكان واحنا نقدر تعبهم وكلنا نعرف ان ضغط الشغل ممكن يأثر على الإنسان لكن مب لدرجة انه ينافخ ويقل أدبه وهو في مكان يعتبر واجهة للبلد


مع احترامي وتقديري لك, وانا لا اعمل في وزارة الداخلية, جميع من يعمل في المطار سواء رجال او نساء من دون استثناء يتميزون باللطف وحسن الاستقبال.
انا كا مواطن اقدم تحياتي لجميع العاملين لأنهم فعلا مميزين بكل ماتعنية الكلمة ولهم مني جزيل الشكر

[باسكن روبنز]

آختي الموضوع بسيط بارك الله فيج ،

كان الآجدر آنج بكل بساطه تروحين تسألين عن المسؤول المناوب وتبلغينه بهالملاحظه ،

آبرك من آنج تكتبين موضوع بالمنتدي لعدم حيلة الآعضـاء بالتصرف المباشر! ،

وللعلم هذي تصرفات فرديه لاتعكس الآنطباع العام لدى موظفين الجوازات ،

على كثر سفراتي بمنافذ البر والجو في آغلب دول الخليج ،

ماشفت آرقى من تعامل موظفين قطـر والحمدلله ،

وممكن توصل ملاحظتج على آيميل آدارة جوازات وآمن المطار ،


إدارة جوازات وأمن المطار
هاتف : 44621426 فاكس : 44621105

البريد الإلكتروني : psa@moi.gov.qa


http://www.moi.gov.qa/site/arabic/contactDept/index.html






مجرد آيميل وخلاص مع آدراج التفاصيل المهمه مثل التاريخ والآوقات + رقم كاونتر الموظفه ،

عشان يعرفونها ويلاحظونها على الآقـل بالمرات الجايـه ،

[ZURICH]

مع احترامي وتقديري لك, وانا لا اعمل في وزارة الداخلية, جميع من يعمل في المطار سواء رجال او نساء من دون استثناء يتميزون باللطف وحسن الاستقبال.
انا كا مواطن اقدم تحياتي لجميع العاملين لأنهم فعلا مميزين بكل ماتعنية الكلمة ولهم مني جزيل الشكر


يمكن كانت في سجن الحريم ونقلوها المطار

[فارس قطر]

[
يقعدون في بيوتهم ابرك لهم من الاساءة الى سمعة بلد

مفروض
يوجد كاميرات مراقبة في المطار
تتبع حركات الجميع موظفين ومسافرين وقادمين
مثل مطاردبي
للحاجة اليها عند اللزوم.[/b][/size][/color][/font]

[Markato]

اكبر مثال مطار دبي شوفوا الاحترام والتقدير للمسافر

:nice::victory::nice::victory:

[Markato]

يقعدون في بيوتهم ابرك لهم من الاساءة الى سمعة بلد

مفروض
يوجد كاميرات مراقبة في المطار
تتبع حركات الجميع موظفين ومسافرين وقادمين
مثل مطاردبي
للحاجة اليها عند اللزوم.

اخوي مطار الدوحه فيه كاميرات في كل زاويه وفي كل مكان
وفوق كل كونتر جوازات كاميرا خاصه للكونتر
بالاضافه الى جميع البوبات سواء الدخول او الخروج

[سكرمر]

ياليت بلغتى المدير المسئول

[qatar.up]

فعلاً الموظفين في المطار معظمهم مش كلهم طبعاً مكشرين ومعصبين .

[£عبدالعزيز£]

حالة شاذة

ولا بالعكس كلهم يعاملونك باحترام ويخلصونك بسرعة

بس المفروض يشتكون عليها عشان تتأدب

[Abdullah_89]

‘ادي

الجوازات والجمارك كلن شايف نفسه ومكشر

واللي يبط الجبد بزود الجمارك لما يفتحون الشنطه جدام الرايح والجاي انزين يااغبياء في اختراع اسمه غرف تفتيش الشنط

لكن هاذولا مايتسنعون الا لو جابولهم مدير اجنبي يمشيهم على الصراط المستقيم للأسف متساهلين معاهم في كل شي

[ألحـــــان]

التعامل فن في العمل
والإبتسامه مطلوبه
خاصه ان جوازات المطار تستقبل زائرين على مدار 24 ساعه، وعادة تكون حالات طارئه

والله انا اختي نفس الشي رحت ابي اسفر الخدامه وأوراقي كانت ناقصه أسألها عن رقم الفاكس تقولي ما أعرف ولا أبي أعرف شيكي بروحج ورحت وعطاني إياه صباب قهوتهم الهندي

[الطلياني]

يخلصون بسرعة وبدون نفس صح , بس ابتسامه عمري ما شفتها او كلمة الحمد لله على السلامة او بالسلامة اذا مسافر . وخاصة من الحريم لانهم ما يحبون يستلطفون مع احد بحكم انهم حريم وما يجوز .

[الطلياني]

والله حتى السلام ما يردون اذا جيت سلمت عليهم .
الله المستعان

[العـوا]

جميع العملين في مطار الدوحة قمة الذوق وشهادة الزوار للقطر يمكن موقف فردي
فقط لاننا بشر مشكلتنا ننسى الحسنات ونركز ونبرز الاخطاء

[الألماسي]

حاله شـاذه . .

الجميع من منسوبي وزاره الداخليّه في مطار الدوحه أو منفذ ابو سمره قمه في الأخلاق و التعامل . .

شكراً لهم . .

[نتفـه]

آختي الموضوع بسيط بارك الله فيج ،

كان الآجدر آنج بكل بساطه تروحين تسألين عن المسؤول المناوب وتبلغينه بهالملاحظه ،

آبرك من آنج تكتبين موضوع بالمنتدي لعدم حيلة الآعضـاء بالتصرف المباشر! ،

وللعلم هذي تصرفات فرديه لاتعكس الآنطباع العام لدى موظفين الجوازات ،

على كثر سفراتي بمنافذ البر والجو في آغلب دول الخليج ،

ماشفت آرقى من تعامل موظفين قطـر والحمدلله ،

وممكن توصل ملاحظتج على آيميل آدارة جوازات وآمن المطار ،



http://www.moi.gov.qa/site/arabic/contactDept/index.html






مجرد آيميل وخلاص مع آدراج التفاصيل المهمه مثل التاريخ والآوقات + رقم كاونتر الموظفه ،

عشان يعرفونها ويلاحظونها على الآقـل بالمرات الجايـه ،

صاج :thumbup1:

[meme~qatar]

شكوى حق مديرها وبتسنع

[MAZEN37]

كل اناء بما فيه ينضح

[الفا برافو]

حاله فرديه وارجو الا تتكرر
لانه شخصيا على كثر مامريت على موظفين الجمارك والجوازات سواء في المطار او بو سمرا بنات او شباب
ماشفت منهم الا كل الخير عسى ربي يعطيهم العافيه

[simsim1963]

أولا . لابد من حضور دورة تدريبيه لكيفيه فن التعامل مع الجمهور لمنسوبي وزارة الداخليه وفيها نجاح ورسوب وفيها نظري والكثير من العملي .
ثانيا . تكون هذة الدورة على مستوى علمي ومتطور في فن التعامل مع الجمهور وتكون مدتها لا تقل عن شهر.
ثالثا . لا يتم تو ظيف اي متقدم للعمل الا بعد النجاح في هذي الدورة وتكون هي الاولي والاساس وبعدها يتخصص في اي مجال في الداخليه .
رابعا هذه الدورة سوف تكون مساعده له او لها لأيجاد العمل في العلاقات العامه لكل وزارة وهيئه حكوميه .
خامسا لماذا لا تقوم أحدى المعاهد المحليه بتقديم هذة الدورة على هذا المستوى ليستفيد منها الدوله ككل .

[simsim1963]

طبعا نرجع للحاله الشاذه في المطار . نقول يمكن هذي الموظفه ينقصها التدريب العملي والمهني في حسن استقبال الجمهور يعني تجهل فن التعامل مع الجمهور . ولهذا السبب نظرا لوجود مشكله ممكن (شخصيه -عاطفيه- عائليه -فسيولوجيه- جسمانيه ) هي من أدى بها للتعامل هكذا مع الجمهور . وانا اقول بسبب مشكلتها هي من تسبب بهذا التصرف ولكنها اتوقع بأنها محترمه وطيبه .

[الألماسي]

طبعا نرجع للحاله الشاذه في المطار . نقول يمكن هذي الموظفه ينقصها التدريب العملي والمهني في حسن استقبال الجمهور يعني تجهل فن التعامل مع الجمهور . ولهذا السبب نظرا لوجود مشكله ممكن (شخصيه -عاطفيه- عائليه -فسيولوجيه- جسمانيه ) هي من أدى بها للتعامل هكذا مع الجمهور . وانا اقول بسبب مشكلتها هي من تسبب بهذا التصرف ولكنها اتوقع بأنها محترمه وطيبه .

غطيت على دكتور طاهر شلتوت :looking:

[بومحمد911]

ان لم تستحي فافعل ما شئت

[قلم محايد]

عادي في كل منافذ قطر موظفات الجوازات او لنقل اكثرهم مكشرين سواء في المطار او في حدود بو سمرة و اذا ردوا عليك السلام فيكون بالغصب و بدون نفس و احيانا تسلم و حتى مايردون عليك السلام .. تعودنا لكن هالشيء و باعتبار المنافذ هي واجهة للبلد فالناس راح تاخذ فكرة ! ..

[aldahnoon]

عجبتني جمله في برنامج خواطر كانت على لسان مدير مطار دبي و هي

المسافر يعان ولا يهان
بصراحه الموظفين لازم ياخدو دورات مكثفه في فن التواصل مع الناس و سلوكيات الاعمال ( الايتيكيت )
لانه مثل ما بنلاقي انتقادات لمطارات او لمواقف اتعرضنا الها في الخارج اكيد بنلاقي نفس الشي عنا في الخارج .
الله المستعان و الله يجعل هادي اكبر المصايب .

[MAZEN37]

غطيت على دكتور طاهر شلتوت :looking:
احذف غطيت
الا هو بعينه omen

[GAS]

بكل الاحترام والتقدير للاخوة في المنافذ البرية على جهودهم وعملهم المبارك

والحمدلله لا توجد عليهم ملاحظات او اشياء تذكر فقط اشوية دلع فدلعونا نستاهل والله

و الصراحة انا عندي ملاحظة ايضا على المنافذ البرية

دائما السماعة معلقة في الاذن ويتكلم او تتكلم ..........

والموظفة تكلم المسافر بدون انتباه بسسب انشغالهم الدائم مع المكالمات الخاصة

مما يترتب عليه تعطيل اجراءات المسافر ومن خلفه يعني اهدار وقت المسافرين

او تلاقي اكثر من موظف او موظفه في الكبينة وسوالف وشاي والمراجع يأخذ وضعية الراحات

لين الاخوات يخلصون من السوالف براحتهم .

فقط هذا كل شيء الله يعطيهم الصحة والعافية

تحياتي للكل اخوكم gas

[Vanille]

ياليتك رحتي لمديرهم واشتكيتي عليها

المفروض مثل هالمواقف نستخدم التكنلوجيا ونصورهم بالجوال ونعرضه على المسئول على شان يعتبر دليل
وياخذ جزاة

أخوي أنا ماعندي هالجرأة عشان أكلم مديرهم للأسف وهالشي حصل في قسم المغادرين ومحد كان موجود أو أنا ماشفت يعني في قسم القادمين في ضابط ينشاف بس في قسم المغادرين أنا ماشفت وكلامك صح اللي مايستحي المفروض ماينسحى منه بس أنا جرأتي 0 للأسف :no2:

[Vanille]

عااااااااادي وااايد صارت معاي ؟؟ واكثر شي اشوفة مع الأجانب خاصة السواااقين

انت لو تروح مطارات ثانية مثل ماليزيا وتايلند وروما اتشووف الأبتسامة ع وجووووهم والضحكة مترين ؟؟

والموظفات في المطار مش كلهم حراااام الظلم بعضهم حرام ينحطون في هاي الأماكن

أنا على قد ماسافرت عمري ماشفت في مطار الدوحة مثل هالمنظر ومعروف عن القطريين بشكل عام انهم دمثين الأخلاق الحمدالله وحتى لو ماكان لهم نفس وما ابتسموا لكن مايقلون أدبهم، وكلامك صح مب الكل أنا أتكلم عن حالة محددة : )

[غايه الطواش]

تصرف فردي مايمثل جماعه
على كثر ماسافر الصراحه ماشفت الاكل خير من البنات والشباب .. والنعم فيهم صراحه ..
احيان تكون هناك تصرفات ايضا فرديه من المسافرين ..تستفز الموظف في الاخير هو بشر
مره كنت رايحه السعوديه ..وكان زحمه بالمركز ماشفت الاواحد منزل ولده بالجوازات ومتخطي السيارات ورايح عند الشباك ...بذمتكم هاي تصرف ومش مره او مرتين شفت هالشي..
والا يجيك شيبه مسترخص لحيته يترجى الشرطي عشان خاطر هاللحيه خلصني ..معاي حريم ..معاي بزارين ..."يب والناس الي قبله ..واذا التفت على السياره تلقى فيها شاب طول وعرض ...
يعني مانلقي اللوم على موظفين المطار والجمارك ..نص اللوم على المسافرين ...
يعني يوم تلقيت معامله سيئه من حدى الشرطيات في مطار جده مو معناته كل الشرطيات السعوديات مثلها بالعكس ...في الاخير مثل مانقول تصرف فردي

[نجمة في سماه]

خليها على الله عيل انتي ما شفتي الي في المستشفى شيسوون في الناس؟؟؟؟النوعيه هذي موجوده في كل مكان ...

[sara jsm]

اغلب البنات هناك تلقاهم مكشرين ,,عكس الشباب ,,
وحتى يوم تسلم او تصبح او تمسي عليهم والله مايردون ,,
انا مسافرة اشكثر ,, ولحد الان مامرت علي وحدة عدله ,,

[ضوى]

سبحان الله على كثر ماسافرت ماشاء الله عليهم بنات الجوازات ذوق واخلاق واحترام الصراحة ماقدر شفت اللي انتي شفتيه ، سبحان الله يمكن نفسية البنت بذاك الوقت فيها شئ كان كلمتي المسؤول وهو يتصرف ، الصراحة موظفين وموظفات الجوزات بقطر من اروع الناس اللي مروا علي بحياتي الله يعطيهم الف عافية

[بو نايف]

قبل يومين وصلت مطار الدوحه وكان قدام الكونترين ظابطين يوزعون المسافري علي الكونترات

بيض الله وجيههم دقايق وخلصنا المطااار كان مزدحم


اذا الظباط موجودين محد ينفخ

[الأصيلة]

حالة شاذة

ولا بالعكس كلهم يعاملونك باحترام ويخلصونك بسرعة

بس المفروض يشتكون عليها عشان تتأدب

:nice::nice::nice:

[BIRDS]

جد هالحركه صارت كذا مره ان الموظفين وايد تعاملهم ما ادري شلون
تماما عكس مطار دبي
جد يبيلهم تنبيه

[دكان عباس]

الله يصلح الجميع

[خيال شمر]

مع احترامي وتقديري لك, وانا لا اعمل في وزارة الداخلية, جميع من يعمل في المطار سواء رجال او نساء من دون استثناء يتميزون باللطف وحسن الاستقبال.
انا كا مواطن اقدم تحياتي لجميع العاملين لأنهم فعلا مميزين بكل ماتعنية الكلمة ولهم مني جزيل الشكر:thumbdown:

لاحول ولا قوة الا بالله
واحنا ماراح نخلص

[متسلف وفي الاخير]

شكلج مسكين انت وماتعرف اشلون تتفاهم مع هالبنات والاشكال الرخيصه لو انا بدالك كان هزئتها وخليتها تعرف اشلون تحترم الناس وان كثرت كلام قولها اسمج عندي وبكره بشتكي عليج وطني صباح الخير وبرفع تقرير حق وزير الداخليه شوفها شنو بتسوي بس انت مسكين على نياتك ماتعرف ههههههههه

[عسل الدوحة]

صباحووووووو 00000من فتره كنا نسولف احنا البنات عن الموظفات ف المطار صراحه ما نشوف الابتسامه عليهم 00مبوزين جنهم يشتغلوون بدون راتب ببلاش 00والله دخلوا مطار دبي وشوفوا الموظفين هناك من الجنسين ابتسامه وذرابه تعاملهم راقي وحلو 000000

نتمنى من اللي عندنا كونوا بشوشين مبتسمين 00000الابتسامه والكلمه الطيبه صدقه

ويعطيكم العافيه

[شيط ويط]

يمكن حالتها (النفسيه) في هاليوم ما كانت (مضبوطه)

[باسكن روبنز]

يمكن حالتها (النفسيه) في هاليوم ما كانت (مضبوطه)

تهقــى آنها ماكركت ،:looking:

[المرحب]

الله المستعان

[بوخالد911]

سلوك مرفوووض

[راعي المواجب]

السالفة ماتستاهل انها تنحط وتنكتب هذي حالة شااذة اذا قابلتج او قابلت حد من الاخوان التصرف يكون معاها مباشرة وعن طريق ابلاغ الشخص او الضابط المسؤول عشان يحط حد لهل تصرفات اللى تفشل

[الصريحه]

الله يهديها
نحن لانرحب بهكذا موقف ولانقبله
الناس لهم منا اجمل واطيب اخلاق وكل احترام كان كلمتيها بسياسه وبشكل مباشر

[بوخالد911]

والقهر بعد

ان بعض الموظفين والموظفات ما يردون السلام

:(

[بيانو]

معلش فى كل مكان فيه الكويس والوحش

بس صحيح لابد فى مثل هذه الوظائف التى تمثل الدوله بأول إنطباع يكون الموظفين بأحسن معامله

والحق يقال ان اغلب الموجودين بمطار الدوحه ناس محترمين

[الهاجري 2]

للامانه اغلب موظفين المطار معاملتهم مع المسافرين زينه والابتسامه على وجيههم 24 ساعه كنهم لابسين قناع

بس فيه البعض يعاني من مشاكل نفسيه او اسريه خاصه فيفرغ العصبيه في العمل , ومايدري ان بهالطريقه يشوه سمعة بلاده عند الاجانب على عكس ربعهم اللي في الشغل

يعني ياليت اللي كذا تعاملهم ياخذون دورات في فن التعامل مع الجمهور لان المطار واجهة قطر الاساسيه للعالم

[الراقيه سبشل]

إي صح الموظفات يخوفون

مكشرين

:(

[لاجل QT]

كان على التكشيرة والبوز في كل مكان نشوفهم حتى بعض الدكاترة او بعض موظفات المدارس.. ندخل عليهم كانة حد ضاربهم ولا شي ..اسمالله ياكافي الشر ..بصرحة احسها جراءة وعدم حسن تصرف منهم

ماكانهم سمعو حديث الرسول الابتسامة في وجهة اخيك صدقة...ولا مر عليهم هالحديث:p

الله يهديهم

[VIVA]

اخوي خالد قطر هذي ثاني مره الاحظ انك تول كلمات عيب تنقال ياخوي وبالاخص في بينا بنات في المنتدى

اتمنى اخوي تنتبه على هذي الالفاظ وتتجنبها في المرات الجايه

تحياتي لك واتمنى كلامي مازعلك



ملاحظه: حاولت ان اطرش لك ردي على الخاص بس الظاهر عندك مشكله في استلام الرسائل

[بنت ابوها 19]

عجبوني التفتيش بالمطار الي جاتهم شكوى عن طريق برنامج وطني الحبيب
عن طريق متصل

ماحصل المشتكي رد منهم اله انهااء خدمات الموظف بنفس يوم الشكوي