هدايا للحجاج؟؟؟؟

[أم شيوخ]

السلام عليكم
الي عنده افكار والا معلومه يقولها لي بليز ابي هدايا للحجاج عندي ناس جايين من الحج وماعرف شنو اهديهم وتكون الهدايا للحريم...
شكرا مقدما :)

[سهم سهم]

اعزميهم على خروف سمين

[aldahnoon]

كتاب ديني يرقق القلوب و لو مو من اصحاب القرائة
سيديات اسلاميه مفيده لتستمر رحله التوبه و الالتزام .

[ألحـــــان]

نوعين

إن كانج تقدرين تعزمينهم ، إعزميهم على خروف سمين مثل ما ذكر الأخ سهم سهم

وإذا بتزورينهم

عليج بصينية شوكولاته راقية او عطور عربية او الإثنين مع بعض


وتقبل الله حجهم وطاعتهم وعيدج مبارك

[ابن مانع]

الله يذكر ايام كرتون البيبسي وكرتون ميرندا وعلبة الماكنتوش وكم كرتون فاواكه
الحين لازم عزايم

[بـــــــنت النوخـّــــذه]

أنا ألي خابرته عندنا ان هدايا الحجاج خروف او خروفين يكونون حيين وكراتين فواكه مشكله ومشروبات مشكله كراتين اتحطينهم بالعراوي ودزينهم بيت الحجاج (اذا كانو مجموعه حاجين ):p:p

وإلي فيهم اتعز عليج كلش كلش وفي سنج جيبي لها هديه ساعه ولا خاتم وغلفيها مع شوكليت وورد للحجاج بتصحلينه في غاردينيا مسويين تشكيلات عجيبه او في شوبان بس شوبان غالي وتكون هديتهم الجماعيه هي الي ذكرتها بالبدايه 00<<<انا سوولي جذيه يوم جيت من الحج مع هلي :p

وانا صدقيتي جايه من الحج ولأني ماعرف ألا اهي فبكتفي اني اجيب لها طقهم خفيف راقي من اي محلات للذهب ما اقدر اقول مجوهرات لان الكلمه اتخرع خخخخ فبفبركها

المهم وبغلفها مع شوكليت وخلصنا -- صراحه الريايل هداياهم بسيطه غير عن الحريم اهههههه^_*

وقي الاخير يبقى التوجيب + الابتسامه اهو ألي يعزز مكانه الشخص لدى الحجاج بصرف النظر عن نوع الهديه ^_^

وحج مبرور وذنب مغفور لجميع حجاج بيت الله الحرام

[لمعة الالماس]

ودي لهم فواكة من كل شي كرتون

وسلة كافي

[deema117]

أشوف في الجريدة اليوم الغردينيا جايب شغلات حلوة ( سويتات )

أو ممكن تاخذيت باقة ورد صغيرة أو متوسطة وتحطين مبلغ ( 500 ريال ) فالظرف ..

هدية عملية ^ :thumbup1:

[غاردينيا]

يعني عادي احط فلوس حق الحجاج مب فشله

وابي اقتراحات حق هدايا بلييز

[شيط ويط]

فيتامين c

[خطوة]

أنا ألي خابرته عندنا ان هدايا الحجاج خروف او خروفين يكونون حيين وكراتين فواكه مشكله ومشروبات مشكله كراتين اتحطينهم بالعراوي ودزينهم بيت الحجاج (اذا كانو مجموعه حاجين ):p:p

وإلي فيهم اتعز عليج كلش كلش وفي سنج جيبي لها هديه ساعه ولا خاتم وغلفيها مع شوكليت وورد للحجاج بتصحلينه في غاردينيا مسويين تشكيلات عجيبه او في شوبان بس شوبان غالي وتكون هديتهم الجماعيه هي الي ذكرتها بالبدايه 00<<<انا سوولي جذيه يوم جيت من الحج مع هلي :p

وانا صدقيتي جايه من الحج ولأني ماعرف ألا اهي فبكتفي اني اجيب لها طقهم خفيف راقي من اي محلات للذهب ما اقدر اقول مجوهرات لان الكلمه اتخرع خخخخ فبفبركها

المهم وبغلفها مع شوكليت وخلصنا -- صراحه الريايل هداياهم بسيطه غير عن الحريم اهههههه^_*

وقي الاخير يبقى التوجيب + الابتسامه اهو ألي يعزز مكانه الشخص لدى الحجاج بصرف النظر عن نوع الهديه ^_^

وحج مبرور وذنب مغفور لجميع حجاج بيت الله الحرام

مثل ماقالت بنت النوخذه معروف ان هدية الحاج ياما انك تعشيه بخروف

والا تحطين الخروف حي في بدي العراوي واربطيه زين لايختنق ويموت

قبل يوصل وتخسرينه ترى الخرفان غاليه

[deema117]

يعني عادي احط فلوس حق الحجاج مب فشله

وابي اقتراحات حق هدايا بلييز

بالعكس الهدية تفرح أي كانت نوعها ،، ووايد يسوونها بدل ما يشترون للحجاج خروف

يحطون قيمته في ظرف وألحين مافي خروف بـ 500 ريال ولكنه سعر مناسب بدل ما تشترين

صينية كافي مب مستفيدين منه وبيطلع عليج أكثر من هالمبلغ :con2:

[نجمة في سماه]

أنا بعطيج فكره حلوه أشتري مصحف صغير بس يكون غلافه بالذهبي او الفضي واشتري معاه عوود معطر على ذوقج مع كم نوع من دهن العود او اي نوع ثاني من العطور الخليجيه ممكن تاخذين بعد بخور وتودينه عند محل للتغليف انا يوم رجعت من الحج وحده من الأهل سوتلي جذي الصراحه كانت احلى هديه ... عاد انتي او ذوقج يالغاليه. أو ذوق الي بيغلف الهديه. تحياتي...أنا بسوي جذي حق جارتي الي جايه بكره بأذن الله من الحج ...

[بنت ابوها 19]

احنا الي متعودين عليه

للحاج ياعزيمه او اذا زايرنه نودي له خاروف ( حي طبعا ) مع سلة شوكلاته راقيه


هاي الي متعودين عليه احنا

[باسكن روبنز]

بالعكس الهدية تفرح أي كانت نوعها ،، ووايد يسوونها بدل ما يشترون للحجاج خروف

يحطون قيمته في ظرف وألحين مافي خروف بـ 500 ريال ولكنه سعر مناسب بدل ما تشترين

صينية كافي مب مستفيدين منه وبيطلع عليج أكثر من هالمبلغ :con2:

:thumbup:

[أم شيوخ]

مشكورين ماقصرتوا....
اما عن الخروف بنسوي لهم عزيمه ان شالله :)
وعن الفاكهه بيوتنا شبعااااانه من كثرتها...
عجبتني فكرة المصحف ودهن العود ماقصرتوا والي بعد عنده فكره لا يبخل علينا والكل بيستفيد

[Breakaway]

عندك محل شهد الجزيرة يسوون سلة حلويات عليها مجسم الكعبة و بعض الحركات

[بوخالد911]

كيكة ع شكل الكعبة

[قطريه ماركه]

خاروف

فلوس

كيك

ذهب

كافي راقي

هاي كله يعتمد على سن و جنس الحاج .......

[قطريه ماركه]

أو

عطور و دهن العود و عود

من القرشي ...

[مخطط قطري]

ارسال الورد والحلويات وبطاقه تهنيئة بمناسبه اداء مناسك الحج وارساله لبيوت لي جحوا وعزيمه على وصولهم بسلامه كفيت وفيت بس انا معاهم؟؟؟

[بنت صقار]

الله يذكر ذيك الايام بالخير..كنا ننتظر احنا الضوغه من الحجاج(مهب العكس)
وحقهم على اهاليهم ومعارفهم..عزيمه..واللي يبغي يريح باله ..يودي لهم خروف وكراتين فواكه(والحين تعتبر هديه جزله)لان الخروف غالي والفواكه..:)<<طبعا اكل صحي ولا الكوافي ولا الكيك اللي سعرات عاليه وسمنه وضغط وسكر

[dss911]

والله اختي انا خذت من العربيه للعود طقم عطورات بصندوق رااقي جدا وبهديه للحجاج

[لوردغاليري]

والله انا بيتي انترس من صواني الشوكلاه
والفواكة والخرفان
واطقم وغيره

كلمة حج مبرور وجيه لين البيت تسد عن هذا كله صراحه