وين احصل احواض بحرية فالدوحة؟

[Qtr95]

السلام عليكم ورحمة الله وبركاته ..

امم وين احص محل يبيع احواض بحرية فالدوحة؟
عشان اربي سمج بحر؟

مع اني انا رحت محل اكوا ارت في شارع سلوى وقاللي ارخص
حوض عنده ب15 الف.. وكان صغير بعد..

مع ان الكل يقولون لي انه يكلف 5الاف كحد اقصى -.-

[rashid alkubaisi]

اهم شي فالحوض الفلتر الخاص حق الماي المالح ولا الحوض نفسه عادي

واتوقع افضل محل من ناحية السعر السمكه الجميله واتوقع محله الجديد في سوق واقف

[Qtr95]

ايي انا رحت في سوق واقف..
وماعنده سمج بحري..

لا اخوي في تصميم خاص حق الحوض البحري..
لازم يكون في ثقب وسامب وهالسوالف..

السمكة الجميلة عنده فرع فالسوق المركزي؟

[rashid alkubaisi]

انزين روح محل العطيه اللي ورى مفروشات بوكنان جنب سوق لعمانيه

عنده سمج بحري وعنجه فلاتر الخاصه اللي اقولك عنها اللي تكون برى الحوض وحجها كبير شوي

[Qtr95]

مشكور اخوي..
بس هو اسمه محل العطية؟
ولا شنو اسم المحل ؟

[KABOOM]

اخــوي نصـــيحه مابعدها نصيـــحه

في محل احذا سوق عمان وسوق الخضره ...
اعتقد ,, في اسمه كلمة البيطره (نسيت الاسم بضبط)
عنده احواض بحريه زينه ,, مر عليهم وصدقني بتلقا اللي تبي
واسعارهم حروة الـ 5000
وعنده الزينه حتى لو تبي مرجان وغيره
ولو تبي اسماك بحريه يوفر لك اي نوع تبي
لو ماعرفته قولي بتاكد لك من اسمه
واخر شي انصحك اخوي.. ترى الحوض البحري
يبيله عباله ودقه وعدم اهمال ..
والسمك حساس ..

[rashid alkubaisi]

لا والله

الكل يعرفه بهذا الاسم وخاصه الشباب اللي يتعاملون مع الدكتور البيطري اللي فالمحل لكن اسم المحل غير

هو جنب السوق لعماني وقدامه كم مشتل مجرد ماتروح ورى مفروشات بوكنان وتاخذ لفه بتحصله

[Roooo7 Qtr]

اخوي عندك محل في المنتزه جنب جمعيه المنتزه عنده المكاين والحواض البحريه وحتى الاحجار البحريه والاسعار معقوله

[KABOOM]

اهم شي فالحوض الفلتر الخاص حق الماي المالح ولا الحوض نفسه عادي

واتوقع افضل محل من ناحية السعر السمكه الجميله واتوقع محله الجديد في سوق واقف

اخوي انت الظاهر انك تقصد نفس المحل اللي انا قصده
هو اللي حذاه حلاق صح؟

-----------------


اخوي صاحب الموضوع
خل سوق عمان على يمينك
وروح عقب ماتعدا المشاتل "الشركه العربيه القطريه لزراعه "
بتجيك لفه على المشاتل من يمين لف مع اللفه بتلقا المحل يصير على يسارك
يصير وراها في الدكاين اللى ورا

اتمنى انك فهمت على الوصف..

و في رجال بعد يمدح "السمكه الجميله" في المنتزه
بس انا والله اخر عدي بهم يوم كانوا حذا الديوان
صوب شارع مطعم "بباي"