يرجى المساعده بخصوص الجنريتر بالديزل

[fantasy]

السلام عليكم جميعا
لاصحاب العنن رجاء المساعده بغيت جنريتر صغير محمول مابي حق مكيف و شي يستهلك لاني ابغيه محمول و اقل من 4000 واط شنو الانواع الزينه و هل يجي ضمان و نسبه الخراب فيها كم يكون؟؟
هل حد عنده خلفيه عن اللي في السوق الصيني في دبي عن اسعارهم و جودتهم؟
عندنا مثلا هل تنصحون بالماركه؟يعني هوندا مثلا او خلافه؟
اتمنى الافاده ولكم تحياتي

[Roooo7 Qtr]

اخوي عندك محل في سوق الخليج لي مقابل المشيري ..عنده مكاين زينه واسعاره معقوله من سنتيين شاري مكينه من عنده والحمدالله هاي ثالث موسم مشتكيت منها

[fantasy]

اشكرك يالغالي باجر الصباح باشوف اش عندهم ماقصرت

[ahmed_qtr]

في السوق الصيني لكبيره اللي تشغل مكيف طن ونص من 2000 لين 2500 ويشحنونها لك توصل قطر في اسبوع ب 500 وقوتها 5000 واط وديزل وفيها كاتم انا عندي وحده من موسمين للحين شغاله زي الفل مع العلم اشغل عليها مكيف وسخان ماي وتلفزيونين وليتات سور العنه والكشافات ويوم كنت استخدم هوندا كانت تخترب اكثر من الصينيه للاسف

[fantasy]

اخوي احمد والله شاكر معلوماتك القيمه بصراحه افدتني كثير جدا بس هل هي ثقيله جدا ولا اقدر احطها في الكروزر؟
وهل في احجام اصغر و اسعار جيده لاني بغيتها بداية حق شغلات خفيفه يعني تلفزيون و رسيفر وليتات