+++ «أشغال» تفي بوعد السد قبل «25» يوما +++

[jajassim]

وفّت «أشغال» بوعدها بانجاز تقاطع السد قبل الموعد المحدد بـ «25» يوما. وقال سعود التميمي رئيس مشاريع الطرق الرئيسية بهيئة الاشغال العامة إن الهيئة ستفتتح التقاطع كاملاً مساء اليوم، وذلك بعد التأكد من تطابق مواصفات الطبقات الأسفلتية النهائية مع المواصفات العالمية.

وأكد في تصريحات خاصة لـ «الوطن» أن هيئة الأشغال العامة طالبت الشركة المنفذة للمشروع بضرورة إنجاز جميع مراحل تطوير التقاطع قبل الموعد المحدد، على الرغم من كثرة الاعمال، وذلك حرصاً من الهيئة على الحد من الأزمة المرورية الحادة التي يشهدها شارع السد.

[بوحارب]

سبحان الله

اول مرة في التاريخ ههههههه

[م. عبدالعزيز]

صحيح ، اشارات السد عفسه ــ وما ادري متى بيفتحونه ،،


اليوم الصبح جيت من اشارات الوعب من فيلاجيو وخذت يسار على دوار لخويا عقب يمين علشان اروح السد ،، كملت سييده ورحت تحت نفق السويدي الجديد وكملت سيده لقيت كل شي مصكر ولقيت نفسي عند اشارات الوعب مره ثانيه <_<

[بوبندر]

مبروك خبر جديد تم افتتاح الفه البعد محطة البترول بعد جسر الشمال القديم
تخدم بتجاه جامعة شمال الاطلنطي وجامعة البنات ومعهد تدريب الشرطه,,في الاتجاهين

[The Stig]

ياااجمااعة خوفتوني صراحة .. تكفون تاكدو الشمس من وين طالعة .. لا يكون قرب يوم الدين ولا شي ..!!

[المرحب]

25 يوم قبل الموعد !!!

عاشت اشغال

الله يكفي شر الاستعجال

[hamad1990]

25 يوم قبل الموعد !!!

عاشت اشغال

الله يكفي شر الاستعجال

اتمنى يتم الشارع بعد 25 يوم مفتووح

[باسكن روبنز]

ياجماعة الخير لحد يزعل مني ممكن؟؟ ،
بس شسالفه!انا الوحيد الآيجابي بالمنتدي ولا وشو بالضبط ،:looking:






الله يعطيهم العافيـــه آدارة آشغــال ،
:thumbup1:

[دكان عباس]

الله يعطيهم العافيه

[سكرمر]

الله يعطيهم العافيه

لكن الانجاز مو انك تفتح المشروع قبل وقته ........ الانجاز فى هل المشروع نفذ بالطريقه الصحيحه !!!

[الـقـاسـي]

ان شاء الله مايكونون ناوين على شي ثاني … لازم يدخلون هالانجاز موسوعه جينيس

[جغرافي قطر]

بصراحه يعطيهم العافيه

انجزوا المشروع في وقت قياسي

وياليت كل المشاريع الحاليه تسير على غرار هذا المشروع

[MAZEN37]

المنتزه ليلا = ارتفاع مستوى الضغط

[Doha Sun]

من بعد الحنة والطحنة واكلت الكبد

[بوخالد911]

الحمد لله

ومنها للافضل

[Right]

الصراحة مو شي غريب وشي عادي جداً جداً

إلي يسمع " أشغال " يقول مسويين جسر 10 طوابق ومعاه دعاية كم نفق

إلا تقاطع عادي جداً

ونتوقع بعد كم فترة من الزمن بيطلع فقع قصدي حفر بالشارع

وإذا ما طلعت حفر عادي هم بيحفرونه وبيرقعون فيه ليوم الترقع

بالنسبة لبعض الدول حتى يستحون يذكرون أنهم سوا تقاطع بالجرايد أو حتى بالمنتديات

لأنهم يشتغلون على مشاريع كبيرة وضخمة ومب متفرغين لتقاطع والأمثلة موجود وواضحة

[jajassim]

الله يعطيهم العافيه

لكن الانجاز مو انك تفتح المشروع قبل وقته ........ الانجاز فى هل المشروع نفذ بالطريقه الصحيحه !!!

تفاءلوا بالخير تجدوه omen

[شيط ويط]

قواهم الله .. واعتقد اشغال تحت ادارة المولوي شي ثاني وفيه تقدم واهتمام

يعطيك العافيه اخوي جاجاسم

[فارس قطر]

تفاءلوا بالخير تجدوه omen

اي خير انت بعد ياجاسم
شارع اشارات جمعية المنتزة القديمة صار لة عشر سنين والعمل واقف
شارع بوهامور طاف اربع سنين ولين اللحين
مب جاهز

[إينشتاين]

خاطري اسوي رحلة جماعية لمسؤولين اشغال لدولة خليجية قريبة ويشوفون البنية التحيتة والطرق والإنشاءات الخرافية والشوراع الي اقل شارع اربع مسارات وبعض الشوارع سبع مسارات والشوارع الفرعية الفتحات الجانبية اكبر من شوارعنا الرئيسية....

أكيد عرفتوها ؟؟؟؟

[ولد البدر]

مبروك خبر جديد تم افتتاح الفه البعد محطة البترول بعد جسر الشمال القديم
تخدم بتجاه جامعة شمال الاطلنطي وجامعة البنات ومعهد تدريب الشرطه,,في الاتجاهين
الله يبشرك بالخير أخوي بو بندر إن شاء الله بكرة اروح منها بعد ما ذقت الويل من اللفة المؤقتة

[jajassim]

اي خير انت بعد ياجاسم
شارع اشارات جمعية المنتزة القديمة صار لة عشر سنين والعمل واقف
شارع بوهامور طاف اربع سنين ولين اللحين
مب جاهز

الأشغال !

ولجنة التخطيط السلامة المروية ! :cool:

محد يحسابهم ، omen

[القيادة]

يعطيهم العافية أشغال على هذا التقاطع الى سوى عليه بلبله كله كم متر

أتمنى منهم الانجاز بطريقة صحيحة وعدم التاخير في المشاريع المستقبلية

[الصريحه]

الحمد لله من قبل ومن بعد