سؤال عن التأمين الشامل

[اشراقة الشمس]

السلام عليكم
سيارتي كامري 2008 شريتها من سنة من الوكالة على الزيرو و كنت مسوي تأمين شامل و الحين انتهى التأمين. أبي نصيحتكم هل أسوي تامين شامل مرة ثانية و في حال الحوادث لاسمح الله ما مدى ما تتحمله الشركة بالنسبة للتامين الشامل وكم يكلف التامين في السنة الثانية ؟وبأي شركة تأمين تنصحوني ؟ وجزاكم الله خير

[Roooo7 Qtr]

صراحه مافي احسن من تاميين القطريه للتاميين

[نيساني]

في حالت التامين الشامل

لو حادث بسيط تدفعين 500 ريال وتصلحين الموتر في اي وكاله غير وكالة الموتر بحكم انه هذي ثاني سنه وثالث سنه في اي قراج

لكن لا قدرالله وتكنسل الموتر راح يعطونج كاش في يدج قيمة الموتر المكتوبه في ورقة التامين

بعد محاكم وعوار راس

انصح بتامين التكافل الاسلامي ومكانه فريج بن عمران مقابل وكالة النيسان

وبالتوفيق

[اشراقة الشمس]

مشكورين وأبي آراء من باقي الاعضاء

[اشراقة الشمس]

أخوي بو هيمان شنو ميزات تأمين القطرية للتأمين ووين مكانهم ؟

[ابن مانع]

تإمين ضد الغير افضل لان السيارة 2008 وحرام تإمنينها شامل واذا قدر الله راح تدفيعن اعتقد نص مبلغ التصليح او نسبة 40%لانه السيارة صار لها 3 سنوات

[اشراقة الشمس]

للرفع

[BURBERRY]

اخذي تامين ضد الغير احسن اوفر لج و اخذي التامين من عند الاسلامية للتأمين معاملتهم ممتازه و سريعه و مكانهم عند اشارات السينما عند بنك قطر الدولي الاسلامي

[باسكن روبنز]

بصراحه يعتمد على حسب المعارف والعلاقات بالشركه نفسها ،

وآذا ماتعرف حد خير شـر آنا آشوف الربع ينصحون في شركة قطر للتآميـن والآسلامـيه للتأميــن ،

ونصيحتي خذ الآسلامــيه لآنه آعتقد لو مرت سنه وماصار حادث يرجعون لك شوي من المبلغ ،