عفوا مدير اداره حديقه الحيوان(لقد افسدت علينا فرحه العيد)

[بوحمد2]

موضوعي باختصار موجه بووووز الى مدير حديقه الحيوان , كنت اتمنى انه يكون موجود ويشوف البهدله الي واجهت جميع زوار حديقه الحيوان وبالذات وقت العصر , والله العظيم شي لايصدق فوضى بمعنى الكلمه, تخيلو 3كونترات فقط للدخول وزحمه شديده ومافيه اي ترتيب في الدور كل واحد يشقح الثاني وافراد حمايه يحاولون بشتى الطرق تنظيم الزوار ولاكن دون اي فائده لان سستم الكونتر بطيئ جدا وغير عملي ومب سريع والعالم كلهم من مواطنيين ومقيميين متضايقيين وواقفين في الدور في الحر والسيد مايتحرك نتيجه التشقح ,,, السيد مدير حديقه الحيوان المحترم احب اقولك ان الحديقه فاشله من جميع النواحي من اول مادشينا لين ماطلعنا هي هي نفسها من 20سنه ومافيها اي تطوير والماي الي فيه الطيور اقسم بالله مثل ماشفته اخر مره وصخ بشكل وواظح انه مافيه اي اهتمام واي تنظيف والحيوانات اقلبها هزيله وكسوله وكانها اليفه بعكس ماهي الحقيقه ,,,اتمنى اعرف شنو بالضبط شغل مدير الحديقه وهي من سيئ الى اسوء,,,

[فلتة زمانها]

سبب الزحمه اهي الدريم بارك يمكن

بس صج الحديقة تفشل والحيوانات وصلت سن الياس

[جلمود]

كل شى ولا النمر الهندي هيكل عظمي :p

[بوحمد2]

كل شى ولا النمر الهندي هيكل عظمي :p

جات على النمر بس؟ شوف الفيل انت بس ,اول مره اشوف فيل مخصر:stop:

[جلمود]

جات على النمر بس؟ شوف الفيل انت بس ,اول مره اشوف فيل مخصر:stop:

ههههههههه, يمكن هو مسوي بنفسه جذي علشان يعلق الفيله :p

بس بصراحه الحديقه يبغيلها أهتمام .

[mr.M]

أي والله صح ترى حديقة الحيوان كلللش ما تتغير
بالعكس الا من أسوء إلى أسوء

[عاشق الشهادة]

موضوعي باختصار موجه بووووز الى مدير حديقه الحيوان , كنت اتمنى انه يكون موجود ويشوف البهدله الي واجهت جميع زوار حديقه الحيوان وبالذات وقت العصر , والله العظيم شي لايصدق فوضى بمعنى الكلمه, تخيلو 3كونترات فقط للدخول وزحمه شديده ومافيه اي ترتيب في الدور كل واحد يشقح الثاني وافراد حمايه يحاولون بشتى الطرق تنظيم الزوار ولاكن دون اي فائده لان سستم الكونتر بطيئ جدا وغير عملي ومب سريع والعالم كلهم من مواطنيين ومقيميين متضايقيين وواقفين في الدور في الحر والسيد مايتحرك نتيجه التشقح ,,, السيد مدير حديقه الحيوان المحترم احب اقولك ان الحديقه فاشله من جميع النواحي من اول مادشينا لين ماطلعنا هي هي نفسها من 20سنه ومافيها اي تطوير والماي الي فيه الطيور اقسم بالله مثل ماشفته اخر مره وصخ بشكل وواظح انه مافيه اي اهتمام واي تنظيف و الحيوانات اقلبها هزيله وكسوله وكانها اليفه بعكس ماهي الحقيقه ,,,اتمنى اعرف شنو بالضبط شغل مدير الحديقه وهي من سيئ الى اسوء,,,





الغالي مضارب حريص اغلب ما ذكرته صحيح ولكن السيد حمد صالح اليزيدي رئيس حديقه الحيوان ما يقدر يسوي شي والي يؤكد كلامي الكتب الي بعثها الى مدير الثروة الحيوانيه السيد قاسم القحطاني يطالب فيها النقاط الي ذكرتها ولكن المشكلة ان قسم حديقه الحيوان كان يتبع وزارة البلدية والأن يتبع وزارة البيئة واما بخصوص التذاكر والبطئ الي فيها هذا اخوي سيستم يتبع وزارة البيئة دايييركت وليس لقسم حديقه حيوان الدوحه اي تدخل ,
والرئيس يحاول بشتى الطرق ان يصلح ما افسده الزمن بالحديقه ولكن دون جدوى ومثل ما سمعت من مدير الثروة الحيوانيه ان فيه تطوير سوف يشمل الحديقه مثال الحظائر والبيطره والبرك المائية ومباني جديدة للموظفين عكس ماهو عليه الأن ,
للتوضيح اخوي البرك الي تتكلم عنها هذه تشرب منها الطيور الدائمه بالحديقه وغير الدائمه وغير اوراق الاشجار والاترابه ولابد ان تتوصخ البرك وللامانه ان البرك يتبدل الماء فيها كل يوميين واتحدى اي شخص يذكر غير هذا الكلام , واما بخصوص الحيوانات انها هزيلها وكسوله والله ما اظن ان بنكون افضل من حديقه حيوان تايلاند الي مساحتها اضعاف اضعاف مساحه حديقه حيوان الدوحه والحيوانات الي فيها لاحول ولاقوه الله بالله ,
واي استفسار اخر انا حاضر .

[عاشق الشهادة]

جات على النمر بس؟ شوف الفيل انت بس ,اول مره اشوف فيل مخصر:stop:




انت متاكد اخوي انك شفت الفيل بعينك ؟؟

[عاشق الشهادة]

كل شى ولا النمر الهندي هيكل عظمي :p




شكلك اخوي جلمود من فترة ما طبييت الحديقه :yawn: لان في عيد الاضحى المبارك عارضين جوز نمور بنغاليه للزوار جديده :p

[ليث العرين]

لا تلومون الرجال وكثيرين الي ماينلامون

نتاج التخبط ما بين البلديه والبيئه

[باسكن روبنز]

آسمحلــي أخالفك الرأي يامضارب حريص ،

المكان كبيـــر والمكان منـظم من يومــه وصاير رمز سياحي مهم لبلادنــا وسمعته طيبه عند الخليجيين وايــد ،
بس آذا بنطمع بالآضافات ،



الفكره المتاحه هي آنشـاء قسم شتوي (مغلق) للحيوانات آلي تعيش في البرد مثل البطريق والفقمه وغيرهم ،

وأيضـاً ضرورة آنشـاء شعار مميز خاص للحديقه وآكشاك خاصه للتحف والهدايا تحمل شعار الحديقه + وضع الشعار على صور المصورين الخاصين للحديقه ،
للناس آلي بيصورون هناك وماعندهم كاميرات ويبغون صور مميزه وتكون الصور بآسعار معقوله لكثرة الآماكن آلي ممكن يصورون فيها الزوار ،

وبتكون آضافات مهمه وحلوه وتجديد قــوي للحديقه وبترجع قيمة تكاليفها من تذاكر الزوار والمبيعات ،

بس مشروع كبائن الدخول فعــلاً محتاجيــن تنظيم وتوسعه آكبــر شـوي لآنه واجهة الدخول هي الآساس لشرح نفسيات الزوار ،

وأتمنــى من آخونــا عاشق الشهاده توصيل ملاحظاتي للسيد /حمد اليزيدي ،

تحياتـــي وتقديـــري ،:)

[سكرمر]

اشوف لو يكنسلونها ويسونها اراضى ويوزعونها اراضى سكنيه للمواطنين

[القيادة]

آسمحلــي أخالفك الرأي يامضارب حريص ،

المكان كبيـــر والمكان منـظم من يومــه وصاير رمز سياحي مهم لبلادنــا وسمعته طيبه عند الخليجيين وايــد ،
بس آذا بنطمع بالآضافات ،



الفكره المتاحه هي آنشـاء قسم شتوي (مغلق) للحيوانات آلي تعيش في البرد مثل البطريق والفقمه وغيرهم ،

وأيضـاً ضرورة آنشـاء شعار مميز خاص للحديقه وآكشاك خاصه للتحف والهدايا تحمل شعار الحديقه + وضع الشعار على صور المصورين الخاصين للحديقه ،
للناس آلي بيصورون هناك وماعندهم كاميرات ويبغون صور مميزه وتكون الصور بآسعار معقوله لكثرة الآماكن آلي ممكن يصورون فيها الزوار ،

وبتكون آضافات مهمه وحلوه وتجديد قــوي للحديقه وبترجع قيمة تكاليفها من تذاكر الزوار والمبيعات ،

بس مشروع كبائن الدخول فعــلاً محتاجيــن تنظيم وتوسعه آكبــر شـوي لآنه واجهة الدخول هي الآساس لشرح نفسيات الزوار ،

وأتمنــى من آخونــا عاشق الشهاده توصيل ملاحظاتي للسيد /حمد اليزيدي ،

تحياتـــي وتقديـــري ،:)


أنا اخالفك الراى

المكان كبير كأرض بس الحيوانات تقريبا كلهم في نص الحديقة


من أخر مره جيتها نفس الشي يوم كنت صغير

مو أضافات يبيلها وبس الا يبيلها تغيير بلكامل

ولا مثل ماقال أخوناا يوزعونها كأراضى على أهل قطر

ويغيرون موقع حديقة الحيوان تكون خارج مدينه الدوحه.

[الراقيه سبشل]

ايي سبحان الله نفس وصف امي واختي الصغيرة لما راحوها

الله يعين شبيدنا نسويomen

[جلمود]

شكلك اخوي جلمود من فترة ما طبييت الحديقه :yawn: لان في عيد الاضحى المبارك عارضين جوز نمور بنغاليه للزوار جديده :p

أخر مره يالغالي العام شهر 12 وشفت النمر المعضل :p

[مهل]

اهم شي القرود ياجماعه ،، هم ملح الحديقه

للعلم اخر مره زرت الحديقه يمكن ٢٠٠٢ و المره الي سبقتها كانت ايام الطفوله :)

[الراقيه سبشل]

اهم شي القرود ياجماعه ،، هم ملح الحديقه

للعلم اخر مره زرت الحديقه يمكن ٢٠٠٢ و المره الي سبقتها كانت ايام الطفوله :)

انا آخر مرة رحتها ايام الابتدائية رحلة المدرسة :funny:

[دكان عباس]

اذا جا وقت وانته حد من الكباريه وصار يهتم بالحيوانات بيتعدل حال الحديقه

[وحيد-الشوق]

هههههههههههههه انا اشهد انها فاشله

اخر مره زرتها في شهر 2 2008 من بعد رحلت المدرسة على ايام الابتدائية :looking: والله تحسفت حديقة بايخه جدا crazy

شوف صورة التمساح الي صورتها ذيك الفتره الناس تحذف عليه غراش الماي والحبيب راقد مادري مفهي خخخخخ

http://farm3.static.flickr.com/2189/2330046333_1eaa9c3dff_z.jpg

الله كريم ماعندنا شيء عدل لاحدايق ولاسياحة :yawn:

[بوحارب]

وينك يا مدير حديقة الحيوان كم سنة والوضع نفس ماهو عليه بدون تطور

ليييييش ؟؟

[متسلف وفي الاخير]

اقسم بالله من 25 سنه لين اليوم ماعرف من مدير حديقه الحيوانات اعتقد هندي او مصري او بنقالي مستحيل يكون قطري هههههههه والله شي مخجل 3 كونترات حق 10 الاف زائر الناس تتطور وهذا المدير مايبي يتطور والله حاله

[ام علي1981]

صحيح الحديقة يبيلها شغل
بس مشكورين على جهودهم والله
بعدين انت تتكلم عن حديقة انشأت عندما كان عدد الاسكان 340000 نسمة

[CH Engineer]

اخر مره زرتها كنت فالابتدائيه
بس التمساح لازم يقاعدونه او يحولونه على البند المركزي
عمره اذا مب 70 اكيد 68

[الوفي]

لابد ان تكون عندنا اكثر من حديقة حيونات بقطر في الشمال والجنوب وعلى خط سلوى ومدام وصل البنيان لاسوار الحديقه الحاليه المفروض من الدوله بترحيل الحديقه الى خارج اسوار العاصمه (الدوحة)

[موجه بحر]

والله الحديقه عجيبه انا اشوف المدير قاعد يطور فيها بس لازم التطوير بياخذ وقت بس احنا الي نحب التذمر لو دوار في زحمه كتبنا عنه هندي حك راسه كتبنا موضوع عنه بخصوص حتى النمر الابيض موجود في الحديقه

[R 7 A L]

باااااااااااااااااااااااااااااال :yawn:
كاني في حلم

للحين حديقة الحيوان موجودة ؟

ذكرتوني فيها


اخر مرة جيتها من سنة والمرة الى قبلها 1995 وهي هي ماتغيرت



لا استغفر الله جابوا موظفين من شركة حماية

[بوخالد911]

الله يعيين

[maryam5]

السلام عليكم

امي تقول من اكثر من 40 سنة هي نفس الحديقة ما تغير شي بس حطوا بوابة ورسوم دخول.

حديقة حيوان الهند الي زرتها وايد احسن من حديقتنا.

[الكلدي]

اخر مره زرتها كنت فالابتدائيه
بس التمساح لازم يقاعدونه او يحولونه على البند المركزي
عمره اذا مب 70 اكيد 68

طال عمرك يقولون التمساح طالب تحويل على البند

بس للاسف المجلس الاعلى للتعليم رفض

[tawareq]

يجب اولا تغير الادارة بالكامل مع جهات لديهم خبرة في مجال ادارة الحدائق

[الرويـس]

بالنسبة لي التجول داخل حديقة الحيوانات برفقة (واحد خفيف ظل )
تغنيني عن اي نقص حاصل ..
:(
ومنهم بو خالد
اللي مستعد يخليك تضحك في عز النكد !!

[الصريحه]

يبيلها تحديث

[بودحوم]

هههههههههههههه انا اشهد انها فاشله

اخر مره زرتها في شهر 2 2008 من بعد رحلت المدرسة على ايام الابتدائية :looking: والله تحسفت حديقة بايخه جدا crazy

شوف صورة التمساح الي صورتها ذيك الفتره الناس تحذف عليه غراش الماي والحبيب راقد مادري مفهي خخخخخ

http://farm3.static.flickr.com/2189/2330046333_1eaa9c3dff_z.jpg

الله كريم ماعندنا شيء عدل لاحدايق ولاسياحة :yawn:


ههههههههههههههههههههههه

أول مره أشوف تمساح آليف

[MAZEN37]

انت غلطان
احد يروح وقت الزحمه
ركاده يا خوي الايام جايه
عجبتني كلمة بووز - ذكرتني ايام نشووت الكوره بملعب القار هههه

[OTOsan]

بصراحة ، كان الوضع غير مرضي بالمره بالنسبة لتنظيم الدخول .. وكان ينبغي زيادة الكاونترات ولو بكاونترات مؤقتة تحسبا للتزاحم والعدد الكبير من الزوار !

اما بالنسبة للحديقة بشكل عام .. فهي مرضية نوعا ما ، وفيها (تغيير جو) لمن اراد التغيير :)

يعطيكم العافيه ،،

[فارس قطر]

من يوم شالوا الكوارى مؤسس الحديقة وعينو ا محلة مدير قسم الحيوان بوزارة البيئة

صالح حمد اليزيدي

والحديقة من اسواء الى اسواء

[ام ريان]

انا رحت قبل العيد بكم يوم
بصراحه من اول ماوعيت على هالدنيا وكل مره اروح فيها الحديقه هي هي نفسها ولاتغير فيها مسمار حتى
والاسد والنمر اللي كانو اول فيهم بركه وصحه يوم شفتهم استغربت شلون عظامهم وااضحه
وبالعكس قل عدد الحيوانات بعد ومافي تجديد باقفاص الحيوانات ولا تسليه

[ام ريان]

وعلى فكره انا لما رحت هالمره ماشفت التمساح وين صاير مكانه!!!!!

[بوجسمه]

الصراحه كلامك صحيح الحديقه مافيها اي تجديد وانا وديت العيال يوم العيد وشفت الزحمه اشلون والكشك الي يبيع ايس كريم العادي 4 ريال الكافي الي برع بنص اهم ابيعونه بريالين والعصير 4 ريال والله حرام عليهم ولا بعد افتشونك عند الباب عشان لا ادخل اكل وعصاير

[قناص قطر]

السلام عليكم

اعتقد مدير الحديقه يبليه زياره برفقه اخوي بوخالد 911

اتمنى من الوزاره ابتعاث مدير الحديقه الى :

فيينا في اوروبا

او

اندونيسيا و تايلاند و ماليزيا و سنغافورة و هونج كونج و الصين بشرق اسيا

للاستفاده من الخبره السابقه لهذه الدول وادارة الحديقه

بصراحه حديقه و فعاليات بشكل مميز

الواحد يفرح بالزياره

من حيث الحيوانات الطليقه وانت فالباص او الحظائر او الاماكن المسقوفه للطيور الطليقه وانت تطعم الطيور

و وو و وووو

واللي عنده اشياء جديده ممكن نرفعها لمدير الحديقه عن طريق عاشق الشهاده

[maruuma]

صراحة .. الداد لها هالحديقة

يعني لو انا مسؤول .. ما افكر اجدد فيها بسبة الاوادم اللي يجوونها

ماعندهم وعي بيئي ولا اهتمام ولا نظافة .. واحيانا ولا حتى أدب

يعني هالحديقة زين منها لين الحين موجودة

يهال ماشاء الله عليهم جنهم اباليس .. لا من صبيان ولا بنات

حشى بنات في عمر 10 سنوات يتعلبشون في القطار وهو يمشي

والسايق يقول لها انزلي يا بت .. وهي اتسبه .. اشخلت حق الصبيان

بعض الاهل .. ما يعلمون عيالهم ان ذيه حيوان .. بهيمة .. لا تعقطه

ولا يسترشدوون بالارشادات المكتوبة .. الاب او الام مع العيال يعقطون الحيوانات باللي في يدهم

بالذمة وين الواحد له نفس يجددها .. وحق من؟



والله المستعان

[قناص قطر]

صراحة .. الداد لها هالحديقة

يعني لو انا مسؤول .. ما افكر اجدد فيها بسبة الاوادم اللي يجوونها

ماعندهم وعي بيئي ولا اهتمام ولا نظافة .. واحيانا ولا حتى أدب

يعني هالحديقة زين منها لين الحين موجودة

يهال ماشاء الله عليهم جنهم اباليس .. لا من صبيان ولا بنات

حشى بنات في عمر 10 سنوات يتعلبشون في القطار وهو يمشي

والسايق يقول لها انزلي يا بت .. وهي اتسبه .. اشخلت حق الصبيان

بعض الاهل .. ما يعلمون عيالهم ان ذيه حيوان .. بهيمة .. لا تعقطه

ولا يسترشدوون بالارشادات المكتوبة .. الاب او الام مع العيال يعقطون الحيوانات باللي في يدهم

بالذمة وين الواحد له نفس يجددها .. وحق من؟



والله المستعان



تصرفات فرديه

حرام نعمم على الجميع ونحرم الجميع

عشان فلان او علان

[سمو الاميره]

حديقة الحيوان فاااااشله من جميع النووووووووووووووووواحي

كله ولا الحيوانات احس عايشين ببمجاعه..~

وفوووق هذا الكافتريات الي هناكـ حدث ولاحرج

[ابو ضمير]

سيستم + كاونتراكله شعبيه مثلا :con2:
انا عن نفسي ما رحت لها تقريبا من 10 سنين;)

[وطن]

اذكر من كم سنة لما ركبوا السور الجديد اللي عليه حيوانات
مقابل حياة بلازا

على اساس ان بيكون داخله سفاري
وين راح المشروع؟؟؟

[بوحمد2]

اقسم بالله من 25 سنه لين اليوم ماعرف من مدير حديقه الحيوانات اعتقد هندي او مصري او بنقالي مستحيل يكون قطري هههههههه والله شي مخجل 3 كونترات حق 10 الاف زائر الناس تتطور وهذا المدير مايبي يتطور والله حاله

اهم شي تعرفه ان الاداره فاشله بمعنى الكلمه سواء المدير اقطري او اجنبي ,,,كلمه الحق لازم تنقال ياجماعه وشوفوا اغلب الردود تذم في الحديقه ام الي يمدح فاعتقد انه اول مره يدخلها

[فيزيائية]

ملاحظاتي...
1-يالييييييييييت تتغير الكافتيريا باللي فيها...سيئة وتسد النفس...
2-حاطين كم واحد ملبسينهم تويتي وميكي ماوس عند الباب ...ياليت يغسلون الزي قبل لايلبسونه....ويلبسونه (جوتي-حذاء) بدل زنوبته الوصخة...
3-بركة البط يبيلها فراااك ببروش وصابون لين تلمع...<<<تعلموا من بركة سباير
4-محتاجين تهوية زيادة في كهف الزواحف (اخنقونا الاسيويين)
5-في الاعياد السابقة كانوا مطلعين بعض الحيوانات بس هالعيد مافيه ؟؟
6- ليش مافيه اكشاك للمناسبات (كرك-ايسكريم-عصاير.....)بين كل كم متر...
7-ياليت شخصيات بهلوانية تتمشى بالحديقة..
8-ياليت يوم للقطرين بالمناسبات تعبنا من زحمة الاجانب ...
9-جلو لو بالمناسبات يوزعون بالونات واشيا رمزية للعيال...

[فيزيائية]

بس هي مب فاشلة ...واحسن من وايد حدايق رحتها برا...
يبلها شوي تعديلات وتصبر احسن من الكل...
وانا على ملاحظاتي اشوفها وايد احسن من قبل
بس من فترة واقف حالها مادري ليش ...
<<<<يمكن ماعندهم بيزات ؟؟!!ومحد معطيهم ويه!!

[Abdullah_89]

بالنسبة لي التجول داخل حديقة الحيوانات برفقة (واحد خفيف ظل )
تغنيني عن اي نقص حاصل ..
:(
ومنهم بو خالد
اللي مستعد يخليك تضحك في عز النكد !!

ود اخوي معاك الحديقة :thumbup1:

بيغنيك عن كل الحيوانات فالحديقة وخاصة السبلان :pilot:

[Abdullah_89]

هههههههههههههه انا اشهد انها فاشله

اخر مره زرتها في شهر 2 2008 من بعد رحلت المدرسة على ايام الابتدائية :looking: والله تحسفت حديقة بايخه جدا crazy

شوف صورة التمساح الي صورتها ذيك الفتره الناس تحذف عليه غراش الماي والحبيب راقد مادري مفهي خخخخخ

http://farm3.static.flickr.com/2189/2330046333_1eaa9c3dff_z.jpg

الله كريم ماعندنا شيء عدل لاحدايق ولاسياحة :yawn:



والله العظيم ان الصورة مالها حل :thumbup1:

انت متأكد انه عايش ولا محنط :happy:

ولا يمكن حد منومة مغناطيسي omen

[La.Queen]

اغلب الاماكن في قطر يبنون وينسون المكان ..

ما يتطور .. لا زياده خدمات ولا نقصان نفس ما هو يتم

[alnaseer555]

اممممممممم

انا ببتدي وبقول
الموضوع هذا أولا واجهه سياحيه للدوله يعني اللي بيجي قطر ويبي يروح الحديقه لازم ينبهر بها واذا رجع لبلاده يتكلم عنها وتصير معلم سياحي نفتخر فيه

يعني مثلا ليش مايكون هناك سفاري بارك عندنا والتجزال مع الحيوانات المفترسه وفق قواعد دوليه للدخول والخروج ووجود سيارات مخصصه للجوله

ليش مايكون عندنا مبنى والمبنى هذا يكون مبنى حضاري على غرار المتحف الاسلامي المهم يتكون المبنى هذا من أقسام مثلا قسم يتكلم عن الديناصورات وقسم عن الحيوانات ويكون فيه حيوانات محنطه ويقدرون عيالنا يتعلمون ويعرفون أسماء الحيوانات ويتتقفون
وقسم مثلا يتكلم عن نشأة الارض والكواكب والنجوم
وقسم يتكلم عن الاانسان ومراحل تكونه ونموه واعضاء جسم الانسان مفيد للأطفال
وقسم عباره عن محاضرات تثقيفيه
والافكار وايد

وليش مايكون فيه قريه ثلجيه على غرار مجمع الامارات مول وفيه تلفريك وهالسوالف يعني برد في برد

وفي نفس هذي المنطقه >>> خياله واسع طبعا المنطقه هذي كبيره وتضم حيوانات تعيش في الصقيع والبرد الشدشي مثل الفقمات <<< خاطره يشوف فقمه في قطر وباقس الحيوانات الي تعيش في الاجواء الباره ويكون فيه عرض اسبوعي كل ويك اند للفقمات المدربه
وليش مايكون في الحديقه كافيهات متفرقه على مستوى راقي

وليش ماتكون هناك ممرات وداخل >> متضايق من الريحه الخاي.......ه في ممرات الحديقه
وليش مايكون هناك مكتبه تثقيفيه على غرار متاحف العالم الكبرى وحدائقها ناخذ منها أو السائح يأخذ منها مقتنيات تذكاريه كتب و مجسمات والامور اللي كلها تتكلم عن الحديقه أو قطر مثلا

وليش وليش وليش

هاذي اقراحات مو كبيره على دوله مثل دولتنا الحبيبه قطر ونقدر ننفذها بالعزيمه وبرؤيه سيدي صاحب السمو ومارا حتكلف الدوله الشئ الكثير


مجرد ملاحظات وأتحفوني بتعليقاتكم ان مااقترحت الاشيا الا من حره في صدري على حال هذه الحديقه اللي ممكنن نطورها

واللي عنده اقتراحات يتفضل يقولها لنا اذا هو شخصيا زار حدائق في العالم ينقل لنا تجاربه الشخصيه


تحياتي لكم

[بوحمد2]

والله العظيم ان الصورة مالها حل :thumbup1:

انت متأكد انه عايش ولا محنط :happy:

ولا يمكن حد منومة مغناطيسي omen

تمساح يحذفونه باغراش ولايتحرك؟؟؟؟اشدعوه صدق اولا تصدق

[qatari1]

من يوم شالوا الكوارى مؤسس الحديقة وعينو ا محلة مدير قسم الحيوان بوزارة البيئة

صالح حمد اليزيدي

والحديقة من اسواء الى اسواء

أرى أنك حولت الموضوع إلى صفة شخصية!

طيب، لنسر خلفك في شخصنة الموضوع، ماذا فعل السيد الكواري غير موضوع التأسيس؟!

والمدير الحالي: إسمه حمد صالح اليزيدي، وكان يجب عليك تحري الدقة.

الموضوع لا يتعلق بمدير الحديقة لأنه في الأخير موظف، والأمر أكبر من إمكانياته، ويحتاج إلى تشريع وتنظيم من وزارة البيئة.

تعتقد السيد اليزيدي يمكن أن يفعل شيء بدون توجيهات أو تعليمات من الوزير؟!

نعود الآن إلى صلب الموضوع.

في رأي المتواضع يجب ألا تخضع الحديقة لأي جهة حكومية بل الأفضل تخصيصها أو على الأقل عمل ما يسمى بالـ Out Sourcing.

يمكن للقطاع الخاص أن يتولى إدارة الحديقة، وهو كفيل بحسن إدراتها، وتنظيم شؤونها، وتكتفي وزارة البيئة بدور الإشراف والرقابة.

حيث يمكن طرح دراسة للمشروع، وطرح مزايدة عالمية أو إقليمية لإدارة الحديقة وفق أحدث النظم والأساليب العلمية والتجارية الحديثة.

[راعي البيرق]

بصراحة ، كان الوضع غير مرضي بالمره بالنسبة لتنظيم الدخول .. وكان ينبغي زيادة الكاونترات ولو بكاونترات مؤقتة تحسبا للتزاحم والعدد الكبير من الزوار !

اما بالنسبة للحديقة بشكل عام .. فهي مرضية نوعا ما ، وفيها (تغيير جو) لمن اراد التغيير :)

يعطيكم العافيه ،،

ايييه قال الحميدي بن منصور :
طلعت الجبل لما نهيته ... وفي ربع ساعة نزلوني
وكلن تهنى في حياته ... وانا في حياتي عذبووني

[احساس شايب]

توجهنا رابع ايام العيد لحديقة الحيوان مع العيال على اعتبار انهم يشوفون ويستمتعون هناك ولكن للاسف كانت فضيحة بكل ماتحمله الكلمة من معنى ...

زحمة سيارات وعشوائية في الوقوف ومنظر غير حضاري الي راكب فوق الرصيف واتشوف الاجانب العزاب بره محذفيين في كل مكان ..

المهم حصلت موقف بعد اكثر من نص ساعه انتظار ، انصدمت من الي شفته طابور غير نظامي بالمرة حتى الله الشاهد ان فيه عائلة خليجية اطلعت من الحديقة تتحندى على المستوى الخدمي وغير التنظيمي والفوضى العارمة تخيلوا يا جماعه بوابة الدخول هي نفسها بوابة الخروج وشمس وحر وزحمة والكونتر بطيء و3 كونترات في مواجهه الالاف الزوار !!! كان اختبار حقيقي للادارة الحديقة ولكنها اثبتت فشلها الذريع على الاقل هالادارة طول السنة نايمة ولاحد يجيها على الاقل تنشط خلال فترة الاعياد اما انها تظل على نومها !!!
للاسف الشديد فيه اجانب وفيه الكثير من العائلات الخليجية واحنا كمواطنين نتجول في حديقة تعيش في زمن السبعينيات لاتطوير لا خدمات تليق بالضيوف وقطر تعيش في طفرة اقتصادية وكل شي فيها حلو الا حديقة الحيوانات .. ياليت من المسؤولين يلتفتون لها لان الي شفته في رابع ايام العيد يعتبر مصخرة بكل ما تعنيه الكلمة من معنى

[قطري !]

المفروض الحديقة يتم نقلها خارج حدود الدوحة



نفس اكوا بارك


وتكون نفس حدائق العالم بمساحة كبيرة ومفتوحه تقدر تتمشي بسيارتك داخلها


ونفس نظام ال safari park اللي شمال لندن



الى متى هذا التخلف , ترا صبرنا على كل شي نبي نشوف تطوير من جميع النواحي , والى الحين ماشفنا شي

[العساس]

ياجماعه بسنا كلام فاضي
بالاخر حديقة حيوانات يعني اشتبون يسون يعطون الحيوانات سياكل او بطابط
ولا اشرايكم يدرسونهم.

الحديقة صعب التغير فيها لان فيها عدت مناخات
اهم شي
المرافق
الحمامات
الجلسات
المساجد
الاسعافات الاولية
ودخول رمزي .


بسكم خرابيط

[باراكودا]

توجهنا رابع ايام العيد لحديقة الحيوان مع العيال على اعتبار انهم يشوفون ويستمتعون هناك ولكن للاسف كانت فضيحة بكل ماتحمله الكلمة من معنى ...

زحمة سيارات وعشوائية في الوقوف ومنظر غير حضاري الي راكب فوق الرصيف واتشوف الاجانب العزاب بره محذفيين في كل مكان ..

المهم حصلت موقف بعد اكثر من نص ساعه انتظار ، انصدمت من الي شفته طابور غير نظامي بالمرة حتى الله الشاهد ان فيه عائلة خليجية اطلعت من الحديقة تتحندى على المستوى الخدمي وغير التنظيمي والفوضى العارمة تخيلوا يا جماعه بوابة الدخول هي نفسها بوابة الخروج وشمس وحر وزحمة والكونتر بطيء و3 كونترات في مواجهه الالاف الزوار !!! كان اختبار حقيقي للادارة الحديقة ولكنها اثبتت فشلها الذريع على الاقل هالادارة طول السنة نايمة ولاحد يجيها على الاقل تنشط خلال فترة الاعياد اما انها تظل على نومها !!!
للاسف الشديد فيه اجانب وفيه الكثير من العائلات الخليجية واحنا كمواطنين نتجول في حديقة تعيش في زمن السبعينيات لاتطوير لا خدمات تليق بالضيوف وقطر تعيش في طفرة اقتصادية وكل شي فيها حلو الا حديقة الحيوانات .. ياليت من المسؤولين يلتفتون لها لان الي شفته في رابع ايام العيد يعتبر مصخرة بكل ما تعنيه الكلمة من معنى

الحديقة أستطاعت أستقطاب الالاف من الزوار هذا أكبر دليل على النجاح .

[عاشق الشهادة]

الحديقة أستطاعت أستقطاب الالاف من الزوار هذا أكبر دليل على النجاح .




صدقت اخوي وكان عدد زوار الحديقه في ايام العيد الخمسه فقط يفوق الـ 50 الف زائر

[ملسونه]

اي والله

الحديقه مغبره وكل شي قديم

بس تونّس صراحه

مع اني كبرت عليها الا اني للحين اروح لها بين فتره وفتره


^^

تذكرني بالطفوله

[بومحمد المطاوعه]

انا الصراحه اشوف الزحمه اشلون

والعالم تقطع الشارع مع عيالها

وكم مره بغيت ادعم الي يعبرون

لا شرطه ولا تنظيم ولا ترتيب

وصح كلامك يا اخوي

الحديقه اخبرها من انا عمري 5 سنوات عندي صوره لليوم نفس الشي ونفس المكان ماتغير شي في الحديقه

والحين عمري 24 يمكن ولدي ياخذ ورث الصوره وبصوره في نفس المكان هههههههههههههههه

تحياتي لك